نوحه طفلان مسلم (نوحه شماره ۱۸) وورما ای شوم و دنی ایکی غرق محنی کیم ووروب سن ووراسان ائوه مهمان گلنی ساغر محنتی دولدور میاسان مسلم اوغلانلارینی وورمیاسان سن مسلمانسان اگر رحم ائله یاندی جگر بیلمدوک دست قضا بیزی بو دامه چکر وطن آواره لرین یورمیاسان مسلم اوغلانلارینی وورمیاسان بو ایکی طفل جمیل گل گلزار عقیل امن بیر یئر تانیوب بو ائوه اولدی دخیل سارالان گللری سولدورمیاسان مسلم اوغلانلارینی وورمیاسان ئولوب الده آتامیز وار ئور ئورکده یارامیز بیزی ئولدورمه قالوب گؤزی یولدا آنامیز منتظر قلبینه اوت سالمیاسان مسلم اوغلانلارینی وورمیاسان ایله مه چوخ عجله خنجرون چکمه هله کافر اولسا قوناقین گئنه ده حرمت ائله سعی ایله خوار و ذلیل اولمیاسان مسلم اوغلانلارینی وورمیاسان ایندی که بو جریان باشا یتدی بو زمان ایکی رکعت نمازا وئر نچه لحظه امان سجده آخری سئندیرمیاسان مسلم اوغلانلارینی وورمیاسان @Hazrate_Abalfazll🔰

نوحه آغاز ماه محرم (نوحه شماره ۲۰) ملک حسینه آغلیور فلک حسینه آغلیور گؤرنده قاره پرچمی ئورک حسینه آغلیور یئتیشدی موسم عزا چکیلدی قاره گؤیلره قرا باشیمدا دعوتم اوچام دوباره گؤیلره بو فاطمه عزیزیدور ائدور اشاره گؤیلره آناسی وای اوغول دیور فدک حسینه آغلیور حسینه آغلیانلارا محرمین صفاسی وار جهاندا هانسی امتین حسین کیمین آقاسی وار محبه قبری کعبه دی بو کعبه نون خداسی وار که بیت حق گیوب قرا اتک حسینه آغلیور بیر عمر قاره پرچمین دالیجا بیز دولانمشوخ شماتت ایلیوبله دل یاراسینا دایانمشوخ گیوب عزا قراسینی بو عشق اوتوندا یانمیشوخ گیینده قاره دل اولور خنک حسینه آغلیور او کس که سینه آچمیا بو غمده وورمیا سینه و یا او کس که گلمیه عزای بی ریاسینه دوشنده درده لاجرم نیازی وار دواسینه عزایه سویلییر دورون گئدک حسینه آغلیور بو آیدا کیم خلوصیلن گله براتینی آلار خانملارین بیر عده سی لئچک لرین یئره سالار حسینچی معجره باخار یانار دلی گؤزی دولار او آغلیاندا بی گمان لئچک حسینه آغلیور حسین او شهدی دوز چؤرک دادیبدی ساربانیله ولی کسنده اللرین ندندی ائتمیوب گله بو ایشده راز عشق وار که عارف ایستیور بیله بیر عمردور جهاندا دوز چؤرک حسینه آغلیور خیاله سال او صحنه نی حسین او دمده تک قالیب صاقا صولا سالوب نظر گؤره کیمی کمک قالیب سولوبدی گللری فقط الینده بیر چیچک قالیب دیور بابا سنه فدا چیچک حسینه آغلیور🔰 @Hazrate_Abalfazll🔰

نوحه حضرت ابالفضل (ع) (نوحه شماره ۲۱) ای علمدار حسین بن علی آچ گؤزون ام بنینون گؤزلی دولانیم من باشوا باخ حسین قارداشوا تشنه سرداریم اویان یار و غمخواریم اویان سن علینون یل با غیرتیسن لشگرین مرد قوی صولتیسن ائل دایاقی بئلیمون قوتیسن حرمین شوکتیسن حیدرین قدرتیسن تشنه سرداریم اویان یار و غمخواریم اویان مظهر صدق و صفا یاتما اویان ساقی آل عبا یاتما اویان صاحب مشک و لوا یاتما اویان منی آواره قویان محنتون ایله بیان تشنه سرداریم اویان یار و غمخواریم اویان وای منه قان گؤزووه پرده سالیب سینه می یاره لرین درده سالیب جسموین نقشینی قان یئرده سالیب دشمن اطرافین آلیب علمون یئرده قالیب تشنه سرداریم اویان یار و غمخواریم اویان سینه مه آللام او قانلی باشوی سیلرم گؤزدن آخان گؤزیاشوی قویما تک قارداش حسین قارداشوی قوی سیلیم قانیاشوی سئندیریبلار باشوی تشنه سرداریم اویان یار و غمخواریم اویان قول وئرمیشدون اخا خیمه لره سو مهیا ائده سن تشنه لره وای منه وای بالاجا صود امره آخدی سو مشکی یئره دوشدی قیزلار خطره تشنه سرداریم اویان یار و غمخواریم اویان بو قدر غملی دایانما گؤزون آچ آتش حسرته یانما گؤزون آچ ای علمداریم اوتانما گؤزون آچ أؤزگه سانما گؤزون آچ دور یوبانما گؤزون آچ تشنه سرداریم اویان یار و غمخواریم اویان 🔰 @Hazrate_Abalfazll🔰

نوحه حضرت علی اصغر (ع) (نوحه شماره ۲۴) الهی الهی عالمین پناهی صود امر بالامین نئیدی گناهی نه عباسیدی نه اکبر مه لقا گتیرپیم الیمده ایچسون آب بقا حرمله اوخ ووردی صودامر قوناقا بیلمدی وار غریبینده بیر اللهی ششماهه سربازه اوچ پر اوخ وورمازلار عمرونون شیشه سین غمده سئندیرمازلار آتانی بالادان شرمنده قویمازلار بی حیا حرمله یاندیردی بو شاهی گئجه لر دویونجا صود امیب یاتمادی آتدی گهواره نی باباسین آتمادی ئولدی آلتی آیدا ئیلینه چاتمادی بالامین آز عمری دردینون گواهی منیم عسل بالام عشق ازل بالام دفتر عشقیمده شیرین غزل بالام اوخا اولدی نشان آیدان گؤزل بالام اوت سالدی قلبیمه دیلده سوز آهی بالاجا قنداقی قانینا بلشدی بالامین حالینا قوزولار ملشدی بوغازی یاره لی دوداقی گولشدی آتاسین آغلاتدی غمزه لی نگاهی اللری قماطه باغلی بالام لایلای سوسوزدان ئورگی داغلی بالام لایلای لایلای قرمزی قنداقلی بالام لایلای سن ئولدون ربابین گئدور عز و جاهی شیشه ی عمرونه ویردیلار غم داشی حلقینه اوخ دگوب اوزولوبدور باشی رقیه یولداشی اکبرین قارداشی سوسوز ئولدی سودان آیری دوشن ماهی🔰 @Hazrate_Abalfazll🔰

نوحه حضرت ابالفضل ع (نوحه شماره ۲۵) عباس من عباس من عشق من و احساس من ای یاور حساس من برخیز علمدارم . سپهدارم . اسیر غربتم از داغ این محنت . غم و آهت . خمیده قامتم ای صاحب مشک من ریزد اشک من از دیده به رخسارم سوزد دل قدسیان قلب آسمان از آه شرربارم ای جان من بی تن مرو عباس من بی من مرو قارداش مزاده چاتموسان اطفالی گؤزدن آتموسان تپراقلار اوسته یاتموسان بس قوللارین هانی . آنام جانی اویان سس وئر منه آچ گؤزلرین یاتما . منی آتما گؤزوم قربان سنه سن عترتین یاریسن پرچمداریسن سقای حرم سن سن دور مشکوی آل اله سو احسان ایله دریای کرم سن سن عطشاندی قیزلار دور گئدک آغلور سوسوزلار دور گئدک درد و ملالین بیلمیشم نهر فراته گلمیشم سن گؤز یوماندا ئولموشم ئوپدی گؤزون اوخلا . سنی یوخلار سه ساله دلبریم لایلای دییر یاتماز . گؤزون یومماز لب عطشان اصغریم سئندی سنین شهپرین دوشدی اللرین دور سئندی بئلیم قارداش آغلار قویوبسان گؤزوم دور واردور سوزوم ای آرخام ائلیم قارداش یوخدور حسینون چاره سی دشمن وورور دیل باره سی🔰 @Hazrate_Abalfazll🔰

استمداد از صاحب الزمان (عج) (نوای شماره ۲۷) ای منجی عالم فرزند زهرا گل داده ظلمیلن غرق اولدی دنیا مهدی اماندی گل آخر زماندی گل ئورکلر قاندی گل یا صاحب الزمان یا صاحب الزمان (۴) سن سیز بیزه دنیا زنداندی مولا یوللارووه شیعه قرباندی مولا وصلون هامی درده درماندی مولا ای مظهر وفا ای دللره صفا ای دردلره دوا یا صاحب الزمان یا صاحب الزمان (۴) ای جان اشراره لرزه سالان گل ای عشقینه شیعه بیمار اولان گل زهرای مظلومین قانین آلان گل ای روح جاودان دلدار عاشقان ای یار بی کسان یا صاحب الزمان یا صاحب الزمان (۴)🔰 @Hazrate_Abalfazll🔰