بی بنین امّ البنینم سسلرم ایوای اوغول وای آغلارام تا وار بو عالم سسلرم ایوای اوغول وای . سسلرم ای وای اباالفضل جان اباالفضل جان اباالفضل . . چرخ عزّتده دیردیم صاحب دورت اولدوزام من قالمادی اولدوزلاریمدان ایمدی امّا یالقوزام من دردیمی بیر کیمسه بُلمز بی کسم اوغولسوزام من دردیمه کیم اولسا همدم سسلرم ایوای اوغول وای . . بو همان ایودور بو ایوده واریدی دورت ماه مَنظر هر گئجه قرآن سسیندن شوقیدن یاتمازدی گوزلر منزلیم ایمدی باخاندا گوشه ی زندانه بنزر من او امّ بی بنینم سسلرم ایوای اوغول وای . . گُل لریم سولدی چمنده وار ئولونجه آه و زاریم گیتمرم گلزاره بیرده یوخدی گُلدن انتظاریم نه چمن نه گُل نه بلبل گلشنه دوشسه گذاریم گر گورم گُل اوسته شبنم سسلرم ایوای اوغول وای . . من دل افکاره وطنده ویردی یر دشمن بقیعی تا ایدم فریاد و شیون چولقیا شیون بقیعی هر قدر گر عمریم اولسا ایلرم مسکن بقیعی آغلیوب یانّام دمادم سسلرم ایوای اوغول وای . . چخماز عبّاسیم یادیمدان، دویمارام بو آد دادیندان خواهشیم وار هانسی ایوده اولسا گر عبّاس آدیندان سسلسه اوغلون آناسی چخماسون اوغلوم یادیندان بزم عیشیم اولدی برهم سسلرم ایوای اوغول وای . . آزدور عبّاسین ئولونجه بیر یانان غمخواری اولسام نهر علقمدور دواسی قبرینون بیماری اولسام ئولمه سم گر قسمت اولسا کربلا زوّاری اولسام گورسه ننده نهر علقم سسلرم ایوای اوغول وای . . اولمادیم کرب و بلاده اوغلوما خلعت بیچنده یادیمه سالّام فراتی آغلارام من سو ایچنده ایلرم پوزقون تماشا کوچه دن هر کیم گیچنده بیر اوجا قامتلی گورسم سسلرم ایوای اوغول وای . . یثرب اهلی ایولرینده حلقه ی ماتم قورالّار گوزلرین عبّاس آدیله بزم غمده دولدورالّار اولسا هر یرده عزاسی بیر قرا پرچم وورالّار هاردا گورسم قاره پرچم سسلرم ایوای اوغول وای . . آیریلیق بیر غمدی الحق هیچ غمه احساس اولماز تلخ هجران تک جهاندا سوده ی الماس اولماز چوخ اوغولدان یاد ایده لّر هر اوغول عبّاس اولماز ساخلارام هر گونده ماتم سسلرم ایوای اوغول وای . . سروه بنزتسم عجبدور، سرویده یوخ بو صلابت هانسی سرو قامتین وار قامتینده بو قیامت خوردا قبر ایچره روادور یاتسون ایله سرو قامت یادیمه دوشدوقجا هردم سسلرم ایوای اوغول وای . . یاده سالّام ضرب شصتین آغلارام حیرتده قالّام سسلرم عبّاسیم ایوای آهیله اود جانه سالّام صاحب پرچم بالامون پرچمیندن عطرین آلّام پرچمین اشکیم ایدر نم سسلرم ایوای اوغول وای . . نه قاچوب نه غم ییوبدور دشمنه نه باش اگوبدور بیله نقل ایلوللر امّا آنّینا بیر اوخ دگوبدور یعنی قارداشی حسینون قامتین بو اوخ اگوبدور یادیمه دوشدوقجا بو غم سسلرم ایوای اوغول وای . . نازلی عبدالهیمیله آتش هجرانه یانّوق من اوغولسوز بو آتاسیز یالقوز ایوده دالدالانّوق ویرّم عبدالهه پرچم بو اتاقی گه دولانّوق نی کیمی فریاده گَلّم سسلرم ایوای اوغول وای . . گرچه عبداللهیم آغلور چوخ ایدور عبّاس رشکین گه اونا ویرّم تسلّی، گاهی سیلّم یوزدن اشکین گه گییندیرّم قراسین چیگنینه سالّام سو مشکین گه گزر الینده پرچم سسلرم ایوای اوغول وای . . گرچه عبّاسیم حسینین بیر وزیر اعظمیدی لیک آل مصطفانون غم گونونده همدمیدی جان ویرنده بیله بُلّم بیر قیامت عالمیدی چوخ ایدر تاثیر او عالم سسلرم ایوای اوغول وای . .

وفات ام البنین س سبک ای ویرن ویرانه یرده تپراق اوسته جان رقیه

▪️ نوحه شهادت سردار سلیمانی 🌺 سبک ؛ اصغر ای بختیمون اولدوزی دوشدون سحابه ...... 🌺 🔸🔸🔸🔸🔸🔸🔸 لشگر حیدرین با وفا سرداری گئتدی رهبرین یاور و محرمِ اسراری گئتدی ئوز بیعتینده محکم دایاندی الله یولوندا قانه بویاندی ▪️▪️▪️▪️▪️▪️ آلدی درسین ازل مکتبِ اربابیمیزدن عشقیلن دم ووروب سرور و سالاریمیزدن اوزمدی هیچ زمان اللرین ئوز رهبریندن بیزده آیریلماروق قهرمان سرداریمیزدن ئوز بیعتینده محکم دایاندی الله یولوندا قانه بویاندی ▪️▪️▪️▪️▪️▪️ ئوز جوان عمرونی بذل ایدوب بو انقلابه سالدی دشمنلرین قلبینی چوخ اضطرابه اقتدا ایلدی عاقبت مظلوم حسینه پیکری دوغرانوب اللری دوشدی ترابه ئوز بیعتینده محکم دایاندی الله یولوندا قانه بویاندی ▪️▪️▪️▪️▪️▪️ بر دلِ شیعیان محنت و ماتم نشسته از غم هجر او قامت عالم شکسته آن که در جبهه ها تا سحر شب را نخوابید می زند بر جنان خنده با چشمان بسته نور ِ دو چشمِ بیدارمان رفت دلدارمان رفت سردارمان رفت ▪️▪️▪️▪️▪️▪️ در سپاه ولا مالک ِ اشتر سرشتی گشته گل پیکرت پرپر و روحت بهشتی جان به قربان آن مقصد و عشق و مرامت جان فدا کردی و این چنین با خون نوشتی راهم ولایت عشقم شهادت فرزند حیدر جانم فدایت ۹۸/۱۰/۱۷ اثر استاد عباسی معروفان اهری

سبک بانوای حاج علیرضا داداش نژاد👆👆 وفات حضرت ام البنین جان وئریرم گورمدیم پیکریوون یاره سین باشیمه سالدوم بالا دورداوغولون قاره سین قولاریوی سالدیلار باشیوی سئندیردیلار مشکیوه اوخ ووردولار ساخلاموشام پاره سین خورداجاقبرینده یاتماگل گوز یولدا آناوی آتماگل گوزیولدایام گل اباالفضل(۲) تکرار درآخر بیتها گوزلویورم یانیمه اوغلوم حسینی گله بلکه بویانموش ئورک گورسون اونی دینجله گوزیولووا تیکموشم سون نفسیمدور بالا دورداوغلوملان حسین بلکه سفردن گله دورد اوغلومدان گلمور بیرنفر ایلوبسوز عباسیم دیده تر جان وئریرم تئزگلون سیزاولون همدم اوغول سنله حسینه بالا تنگیدی سینم اوغول اولدی اجلدن تریم آننما شبنم اوغول جان وئریرم گوزیاشی جاریدی هردم اوغول گوزلورم گل سن الده کفن سسلورم اللرده وای ئولن دورداوغولوم یاندیرور قانه باتوبلاراوغول الده ئولوبلر اولارکامه چاتوبلار اوغول من یانورام باشوزی ذبح ائدوب اهل جفا اوغلوم حسین تک منی گوزدن آتوبلار اوغول اوخلارلان دوغراندی پیکرین باش سئندی ذبح اولدی حنجرین گوزیولدایام گل اباالفضل(۲)

خادمه شعبانپور: مشکلده قالسا هر کیم دنیاده یا ابوالفضل سسلر سنی اورکدن امداده یا ابوالفضل ای صاحب عطوفت سن معدن وفاسن دریای لطف واحسان الحق گره گشا سن امراض دردمنده درمان ایدن آقاسن سن صاحب سخاسن سن منبع اعطاسن گلمز داخی نظیرون ایجاده یاابوالفضل ای یادگار حیدر ای مظهر شجاعت میدان جنگ ایچینده ای شیر باصلابت اللهه عبد صالح ای عاشق عبادت درگاهیوه دخیلوخ ایله بیزه عنایت چشم امیدیمیز وار مولاده یا ابوالفضل آثار بندگی چون واضحدی صورتوندن لرزاندی کوه محکم آثار حیبتیندن حیراندی فکر انسان ایثارو همتیندن نهر فراتی آلدون روشندی غیرتیندن سو ایشمدین او اعظم دریاده یاابوالفضل گر کاتبان عالم تاپسا بئله لیاقت اوصافیوی شب وروز ایتسه اولار کتابت امکانی یوخدی تاپسون وصفین سنون نهایت اولسون کرامتیندن بوبیر خبر اشارت ای آدی درد لوحیم معناده یا ابوالفضل آغلار گوزوم قان آغلار عباس نامداره سو ایلسون تدارک عزم ایتدی کارزاره جام الده خردا قیزلار گلمیشدی آه وزاره سالمشدی اوت سوسوز لوخ هر قلب داغداره بعضی دوشوبدی حال اغماده یاابوالفضل تنگ اولموشویدی حیف دنیا که اول جنابه آغلاردی حال زاری اولاد بو ترابه درمان تاپانمیوردی درد دل ربابه اصغر سوسوزلوقونان دوشموشدی پیچ وتابه اطفال بی گناهی گوردی دم خطرده فکره دوشوب او سرور چاره تاپا بودرده کتوینه سالدی مشگی عزم ایلدی نبرده آت رزمگاهه سالدی کیم گوردی رهگذرده عرض ایتدی یوخدی مثلون دعواده یا ابوالفضل

باسلام شعر جدید شهادت حضرت ابوالفضل علیه السلام باآهنگ شبانگاهان یتش داده فاطمه بالاسی قانه غلطاندی جان ویرر سقا قالوب یولدا گوزلریم آقاجان گوزلورم یولوی تز گل ای مولا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ویروب یاره بس که اهل جفا شاهه کرب و بلا ساق یریم یوخدی آلوب لشگر دوریمی آقاجان اللرینده تمام نیزه دی اوخدی دگیوب بیر اوخ مشکیمه توکولوب سو یره ایندی محنتیم چوخدی سالوب آتدان اهل جورو جفا تز گل ای قارداش قالمشام تنها گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار آخور راه معرفتده قانیم باشیوه دولانیم ای مه انور عمود آهن باشیمه دگدی قانه غرق اولدوم گورموری گوزلر ایدر لشگر هل هله آقاجان باشیمی کسلر واردی بو سوزلر دوشنده آتدان یوز اوسته یره قولارین آچدی حضرت زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار غم اکبر چوخ قوجاتدی سنی یوردی غصه منی آغلارام قارداش اولوب پر پر اکبر و قاسم آغلادی قارداش غملره داغ داش سنه رحم ایتمز بو قوم جفا آغلارام حالیوا ایندی من قان یاش حسین جان گل باشیم اوسته منیم اللریندن اپوم ای شه والا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ایدوب حمله لشگر اعدا قانه غرق اولدی ساقی عطشان فقط گل بیر آخر عمرومده باشیوه دولانیم شا ه مظلومان سوسوز لاردان شرمسار اولدوم غصه دن صولدوم ای مه تابان وروبلار یاره سو اوستونده جسمیمه قارداش لشگر اعدا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار یازار «مهدی» نوحه لر آغلار گر قبول اولسا تشنه لب سقا گلر هر ایلده محرملر سینه سین داغلار ای گل والا دیر عفو ایله منی آقاجان روز محشردن قورخورام مولا فرات اوسته تشنه لب یاتدین عالمی آتدین آغلادی زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار شاعر حاج مهدی ملکی زنجانی

باسلام شعر جدید نوحه حضرت ابوالفضل علیه السلام ام البنین اوغلونا جانلار فدا درده دوادی آدی روحه صفا لبیک ابالفضل لبیک ابالفضل 2بار زاده ی آزاده ی ام البنین احسن اونا سسلدی روح آلا مین آدینی سسلر اونون اهل یقین کان کرم صاحب فضل و عطا لبیک ابالفضل لبیک ابالفضل 2بار قامت طوباسینه جانلار فدا عشقینه احساسیه جانلار فدا شیعه لر عباسینه جانلار فدا عهدینه ایفا ائدوب اول مه لقا لبیک ابالفضل. لبیک ابالفضل 2بار صدقیله کیم سسلسه احسان ائدر شیعه لرین دردینه درمان ائدر عاشقینی عالمه سلطان ائدر هیچ کسی قویماز اولا مایوس آقا لبیک ابالفضل لبیک ابالفضل 2بار کیم چاغیرا صدقیله ایلر نظر آدی گلن یئرده اورکللر اثر ارمنی لرده اونا قربان کسر چوخ سرطانیلره ویردی شفا لبیک ابالفضل لبیک ابالفضل 2بار کرب و بلا ده علم آلدی آله گوردی قوشون یکسر ائدور هلهله سالدی اوگون گورملی بیر ولوله قالدی وله لشگر قوم دغا لبیک ابالفضل لبیک ابالفضل 2بار عزم نبرد ایلدی یللر یلی ذکر دلی یا علی و یا علی یار حسین دلبر شاه جلی چوخلاری یوز قویدی اودم قاشماقا لبیک ابالفضل لبیک ابالفضل 2بار تلی آشوب سرعتیله مثل شیر پرچم حریتی الده اسیر اللرین اوسته اوزون اللر گزیر لشگر ایچینده گلور اود سالماقا لبیک ابالفضل لبیک ابالفضل 2بار قصدی بودی نهر فراتی آلا گه گئدور ی گاهی باخیردی دالا رزمگهه گلدی آقا اود سالا صفلری سیندیردی علی اوغلی تا لبیک ابالفضل. لبیک ابالفضل 2بار پوزدی قوشون نظمی نی غوغا سالوب تاب و توان دشمن دیندن آلوب شصتنه اعدا هامی حیران قالوب رهبرینی قویمادی یالقوز قالا لبیک ابالفضل لبیک ابالفضل 2بار باشیدی قولدی که هواده گزیر نعش عدو عرصه رزمی بزیر شاهیم حسیندی دئدی منده وزیر قارداشیما گلدیم ائدم جان فدا لبیک ابالفضل لبیک ابالفضل 2بار لشگرین اردوسی نی برهم وروب نهر فرات اوستونه پرچم وروب مشکی نی مولا سوویولا دولدوروب یول سالوب اخیامه یل مرتضا لبیک ابالفضل. لبیک ابالفضل 2بار عرض ائدرم ای مه تابان آقا شیعه لرین دردینه ایله دوا «مهدی» قاپوندا قویار اوز تپراقا عزتیوه غیرتیوه جان فدا لبیک ابالفضل. لبیک ابالفضل 2بار

باسبک تا مشکتو تو آب زدی👆👆👆