🌴باتدی عاشورا گونی🌴 باتدی عاشورا گونی تار اولدی عالم زینبه@ یدی قارداشدان چاتوب بیر قاره پرچم زینبه.... 😭😭😭😭😭 وعده گاه عشقیده جانانی جاندان سالدیلار ناتوانلار بیر توانمندی تواندان سالدیلار حکمران خلقتی تخت رواندان سالدیلار اوخلیوب یتمیش همانی اسماندان سالدیلار آسماندا اغلادی عیسی بن مریم زینبه.... 😭😭😭😭😭 گیزلنوب خفاش تک تل اوسته اسدی ساربان اندی گوداله گئجه ظلمه تلسدی ساربان اللرین مولا سینون مقتلده کسدی ساربان اوغلومی زهرا دئدی اینجیتمه بسدی ساربان بارماقیندا قوی قالا بیر قانلی خاتم زینبه.... 😭😭😭😭😭 نیزه لرپرتاب اولوب قان دولدی شهلا گوزلره کوردل صیادلر اوخ ویردی بینا گوزلره لخته قان حسن دوچندان وردی زیبا گوزلره نیزه ده باخ باشلارا ایله تماشا گوزلره اهلبیتین دوش دالیجا آغلا باهم زینبه..... 😭😭😭😭😭 طبل پیروزی چالوب بیر صفده اعدا دوردولار منتشر اولدی شریحین حکمی شورا قوردولار صفحه صدر حسینه دورت مین امضاء وردولار سینه سیندن شمر انینجه خیمه سین یاندیردولار یاندی دلدن ساکنان عرش اعظم زینبه.... 😭😭😭😭😭😭 گلشن زهرا سولوب دردانه لر اغلاشدیلار شمعلر خاموش اولوب پروانه لر اغلاشدیلار اشناده یوخ سوزوم بیگانه لر اغلاشدیلار قان توکوب دیوانه لر فرزانه لر اغلاشدیلار قلبده اولدی حسینون دردی همدم زینبه.. 😭😭😭😭😭 قتل وغارت قورتاروب اولدی شهادت آخشامی بیلدیلر عباس اولوب دینجلدی دشمنلر هامی حجی ناقص حاجینون اللرده قالدی احرامی قورتولوب ذیحج عربلر دوتدولار قان بایرامی اولدی ماتم دهه سی اون گون محرم زینبه.... 😭😭😭😭😭 غملی بیر آهنگیلن گللر ددی بلبللره گلستاندا قالمیون دوشدی رقیه چوللره آغلیون غارت گونی رنگی سارالمیش گوللره باشلیون بیر زمزمه دوشسون بو نوحه دللره بیچدی خیاط مشیت رخت ماتم زینبه.... 😭😭😭😭😭 غملی بلبللر سسی قانلی گلستاندان گلور مژده ی رحمت اسیرانه شهیداندان گلور یل اسنده واحسینا صوتی هر یاندان گلور فاطمه فریادی وحشتلی بیاباندان گلور دیر راهب گورسنور یولاردا کم کم زینبه.... 😭😭😭😭😭 نیزه لر باشینده راس سید عطشان پیر کاروان عشقه همره سلسله جنبان پیر یولارا ایلور تماشا دیریدن رهبان پیر سس گلوب یول ور کلیسایه گلور جانان پیر چوخ یوبوندیرما حسینسیز یوز ورر غم زینبه.... 😭😭😭😭😭 یار آدین اتدی غرض اغیار دلدن زمزمه مشتری اولدی اوباشی الدی اون مین درهمه محرم اسرار حق مهمان اولوب نامحرمه باخدی پوزقون عترته غرق اولدی دریای غمه بیردل التی اتدی عرض خیرمقدم زینبه.... 😭😭😭😭😭 قانلی قانلی سینیه اول یاپیشدیردی باشی شستشو اتدی گلابیلن توکوب هی گوزیاشی سس گلوب احسن سنه ای راهب آلدون پاداشی ناگراندور باجیسی اینجیتمه یورقون قارداشی قویما کوفه صحنه سی اولسون مجسم زینبه.... 😭😭😭😭😭 بیرگجه آیریلسا قارداشدان نجه زینب دوزی قولاری باغلانسدا باشه نگهباندور اوزی گوز گوتورمور قارداشندان خولیدن قورخوب گوزی سن گلابیلن یو قوی چیخسون یادیندان کول سوزی اول مسلمان خدمت ایله هم حسین هم زینبه.... 😭😭😭😭😭 راهبین قلبی تاپوب نور تولادن صفا حالینه شامل اولوب توفیق ذات کبریا اول ایش که گوردی دوروی دیرینه چکدی قرا آلدی سجادین سسین گوردی ادور دلده دعا الله الله راهبی چوخ گورمه عمه م زینبه

🌴کوفه شهرینده حسین...🌴 . کوفه شهرینده گزن باشوه قربانم حسین نوک نیده اوخی قرآنی پریشانم حسین . قوروسون اللری کیم ویردی سنون آلنوا داش باخمشام تازه آخان قانوه گریانم حسین . دوزه بیلمز باجی گورسه یاراسین قارداشنین گورمشم داش یاروی سینه سی سوزانم حسین . ویرمشام محمله باش قان بورویب ساچلاریمی دیمشم چونکه شریک غم پیمانم حسین . نیزده باخ بو سنق محملون تخته سینه یارامون قانی یازوب جانم حسین جانم حسین . رتبه ویردون منه ده وقت وداعونده دونن افتخاریمدی پرستار یتیمانم حسین . قویمارام خون شهیدان باتا من زینبوم آند اولا روحوه روحیّیلی انسانم حسین . میزبانون چیخاری اولماسا اینجور قوناقی خولینون بد عملیندن اورگی قانم حسین . یر تاپانموردی مگر قویدی تنوره باشوی کول دوتوب عارض گلناروی نالانم حسین . محفل عشقوی قوردوم گجه صبحه کیمی من شمعیدیم فاطمه نون بنذری پروانم حسین . آچ گوزون محملیمه ساری دولاندیر گوزوی ئوزون ئولدوردی قوجاقیمده کی دردانم حسین . گجه نی قانلی باشوندان آرالی زینبوم اورگی ، اللری ، باشی یارالی زینبوم

‍ شام غریبان امام حسین (ع) سبک اصغریم ای شیرین زبانیم ای منیم نور هر دو عینم دئمه یوخدور بالا معینیم دوتماقا شام غریبان آناوام گلموشم حسینیم ای دوشن باشی پیگریندن آرالی وای منه سن یارالی من یارالی یارالی نور عینیم وای حسینیم وای حسینیم وای آچ گوزون اغیاره باخما خولی بی آره باخما باشوی قوی سینم اوسته یاره ای مسماره باخما بولمدی خولی قدریوی بلّم اوزوم یوز گوزنّن قانی کلی سلّم اوزوم یارالی نور عینیم وای حسینیم وای حسینیم وای منزلون دور گور هارادی اوغول بو نه ماجرادی وای منه کاش گورمییدیم داش دگوب آنّون یارادی یاروی گوردیم سینمی داغلیارام بیر الیم قاخسا یاروی باغلیارام یارالی نور عینیم وای حسینیم وای حسینیم وای آچ گوزون باخ منه اوغلوم گلمیشم شیونه اوغلوم قاپوموز اودّا یاناندا قولی وئردیم سنه اوغلوم گلرم کوفیه آنان فاطمه ام درگهی ظلمیلن یانان فاطمه ام یارالی نور عینیم وای حسینیم وای حسینیم وای سبک اصغریم ای شیرین زبانیم الاحقر عبداللهی

سبک : شبانگاهان ابوالفضلیم ای امیر حرم ، گوزلرون ئوپرم مهربان قارداش دوشوب تندن قولارون آرالی ، آچ گوزون یارالی قهرمان قارداش هوادار مکتب قرآن حسینون جانی سنه قربان ای سوسوز سقا – ای سوسوز سقا سینوب باشون دردیوی بیلرم گوزلرون سیلرم جان علمداریم بوجان اوسته توکمه گوزیاشوی پوزما قارداشوی ای مددکاریم ره حقدن امتحان ویردون رضای جاناندا جان ویردون ای سوسوز سقا – ای سوسوز سقا بو ایثارون ای مدافع دین بلسه ام بنین افتخار ایلر آخان قانون ای وفا گهری خصم فتنه گری شرمسار ایلر دیار عشقه صفا ویردون جهانه درس وفا ویردون ای سوسوز سقا – ای سوسوز سقا ابالفضلیم مرحبا یولووا قطع اولان قولووا آفرین قارداش آدون دلده هر زمان قالاجاق جاودان قالاجاق یار دین قارداش عزیز زهرا و حیدر سن معین دین پیغمبر سن ای سوسوز سقا – ای سوسوز سقا شاعر : استاد کلامی

🏴به مناسبت تخریب بقیع🏴 حماسی ✍شاعر : علی عبدی سلام اولا دلبند مصطفایه عزیز زهرا ، پور مرتضایه جوانلارین بهشتیده آقاسی برادر سلطانِ کربلایه کریم اَهلبیت امام حسن سنه اولا بیزدن سلام حسن مه هدایت شه کرامت یا امام حسن مولا یا امام حسن☆مولا یا امام حسن 🏴🏴🏴🏴🏴 اورکلری آرام اِئدن حسندی گلِ خوش و زیبای پنج تندی وجودِ مِرآتِ خدای رحمان سالار کمندِ عشقه دردمندی اورکلری جذب اِیلییر آقا نه دردین اولسا اِیلییر دوا طبیب عشقیم حبیب عشقیم یا امام حسن مولا یا امام حسن☆مولا یا امام حسن 🏴🏴🏴🏴🏴 وفای عهده پایبند قاللوق سعودیلردن بیزبقیعنی آللوق گوزل حرم با گنبد طلا دورد امام و زهرا آنامیزا ساللوق ولی اَمرین جان نثاری یوک ولی عصرین ذوالفقاری یوک بیزه شهادت یارادار عزت یا امام حسن مولا یا امام حسن☆مولا یا امام حسن 🏴🏴🏴🏴🏴 اگر اِئده دشمن زیاده خواهی بقیعه بیرگون چپ اِئده نگاهی دولو یاغیش تک باشینه پیاپی یاغار یقینا موشک سپاهی دولاشمیون بیهوده سیز بیزه که سیلیِّ محکم دَیَر سیزه اولا تَن و جان بو دینه قربان یا امام حسن مولا یا امام حسن☆مولا یا امام حسن ✍بقلم کربلایی علی عبدی

 بقیع حَبّذا روضه ی رضواندی بقیع بیت الاحزاندی پریشاندی بقیع نسگل اولسون بو مُحَن شیعه لره گوز گوتورمور ائله ویراندی بقیع گئجه ظلمتدی قرانلقدی مدام همه شب شام غریباندی بقیع سنده دی تربت زهرای بتول قدری تک قبری ده پنهاندی بقیع سنده دی حضرت عبّاس آناسی گوزی یاشلی اورگی قاندی بقیع ایمدی ده گوزلور ابوالفضل یولون ناگران گوزلری گریاندی بقیع دورد امامین او گوزل قبرلری نیه بس خاکیله یکساندی بقیع سنده قویمولا جگر داغلاماقا شمرلر سنده نگهباندی بقیع عمو قارداش بالاس سنده یاتوب بیر آتایه بالا مهماندی بقیع مجتبا زین العبا بستریدی صادق باقره اسکاندی بقیع چوخ اورکلر چکوری حسرتوی شوق وصلونده نواخواندی بقیع بو «کریمی» یخیلوب توپراقووا کرم ائت لایق احساندی بقیع ائله که دوشدی بقیعه نظریم اشک حسرتله دولوب دیده لریم غصّه بوغدی منی گلدیم جانا من یوزومی دوتدوم او قبرستانا من گئدیرم صاق صولا یار آختاریرام بیر مصیبتلی مزار آختاریرام هارداسان ای گل گلزار رسول ای حسینه آنا زهرای بتول آغلادیم یاندیم همان نسگله من طوطی طبعی گتوردوم دیله من  ✍شاعر : استاد کریمی مراغه ای

🍁 ای بقیع 🍁 ای سینه لَرده سوز دِله آشنا بقیع زوّارینون نواسینه وی همنَوا بقیع عارف گوزونده جلوَه لَننده هر آینه جَنّاتیدن بیلَر حَرمون باصفا بقیع سن بارگاه وگُنبد و گُلدسته نیلوسَن مَفتونون اولدی گُنبد اَرض و سَما بقیع کرب وبلاده قالسا اگر اهلِ دِل گوزی امّا سنه تیکوبدی گوزون کربلا بقیع چون شَاَنیده بوکرب وبلانون آناسیسان اولاد حساب اولار سنه خاکِ شفا بقیع گرچه مزار فاطمه نی بیز گورَنمدوک امّا واریدی نِکهَت خیرالنّسا بقیع هر ذَرّه ذَرّه تُربتون اَسرار عشقیدور سنله دانیشدی چوخ گجه لَرمرتضابقیع گوزلر یاتاندا هرگجه لَرآرخاسیز علی سَنده گَلردی فاطمه سین اوخشیابقیع سینونده یاتدی فاطمه سی سینه یاره لی قویدون اونون جَراحَتینه سن دوا بقیع بیریاره سی ساغالماز اونون یوم حَشره جک مهدی گلنده چوخ سوز اولار بَرمَلا بقیع باغلاندی فاتِحُ الغَزَواتین قولی اوگون زهرا نَه چکدی قلبینه دوشدی یارابقیع زهرا باشین آغارتدی علینون او حالتی غُسلینده بیلدی بوسوزی شیرخدا بقیع (نادر)گوزی دوشنده اوپوزقون جَلالووَه نوحه دیر که سوزلرینه آغلیا بقیع 🍂🍂🍂🍂🍂🍂🍂

روضه حضرت مسلم بن عقیل(ع) هردم دیور ای داد آدامسیزلخ الیندن چوخ سینه سی سوزان دولانور کوفه غریبی ایستور گیده هر سمته گورور باغلیدی قاپلار (الله هیچ کسی غریب المسین مخصوصا جان ویرنده ایستور گیده هر سمته گورور باغلیدی قاپلار بیر صاحب وجدان دولانور کوفه غریبی (دیدی آی منی دوره لینلر منی محاصریه سالانلار ) من غریبم سفیریم آقامون دفترینده دبیریم آقامون نامردیلر قولومی باغلامیون من قاچمارام اسیریم آقامون من غریبم گوزوم ایکی یاردادی بیری حسین بیری علمداردادی کوفه لیلر ایوده راحات یاتوبلار من بولمورم بالالاریم هاردادی آی ابوالفضل گوز تیکمیشم یولوا یغ قهرمان سپاهی صاق صولوا ده زینبه وان یکاد اوخوسون من قورخورام نظر دیه قولوا من قورخورام یل اسه طوفان اولا آقام گله بو شهره مهمان اولا من قورخورام بیر شربه سودان اوتری علی اصغر قاننا غلطان اولا آی حاجیلار سحر قربان گونودی صدقه پایلیون احسان گونودی مناده آغلیون دیون مسلمون جنازه سی یرده قالان گونودی (ایکی نفر سلام دیوبلر بزرگواریلردن اما سلاملارینین جوابی آلنمیوب بیری علیدی امیرالمومنین مدینه ده پیغمبردن صورادیلر سلام ویردی اما جواب ایشیتمدی، بیریده حضرت مسلم آقا کوفه ده بیر گونه قالدی هرکسه سلام ویردی جواب ایشیدمدی ) من غریبم بیر قیدیمه قالان یوخ غربت یرده منی یادا سالان یوخ ایندی بولدوم عموم علی نه چکوب قلبیم سنوب سلامیمی آلان یوخ ♦السلام علیک یا اباعبدالله الحسین (ع)♦

حضرت مسلم ابن عقیل علیه السلام دوره‌می دورد طر‌ف آليب، آتلي پیاده یا حسین اکبری یوللا یالقوزام، کوفییه داده یا حسین ائتمیشم اول قد‌ر بو گون جنگ و جد‌ل یورولموشام جانیمه دویموشام یتیب باشه اجل یورولموشام ائتمیر‌م اول جسار‌تی دادیمه گل یورولموشام خواهشیم اوندادير فقط سال منی ياده یاحسین تیغلرین سوواردیلار کوفه‌نین اهلی زهریلن دسته به دسته قتلیمه ائیلیر هجوم قهریلن بیر نفرم یارالییام، جنگ ائدیرم بو شهریلن قالدیم اوزوک قاشی کیمی گورنه آرادا یا حسین گلمه بو شهرکوفییه، دوشمه بو من دوشن حالا یوللا عم اوغلو‌مین بیرین، بلکه گلیب قصاص آلا یا اول ابالفضل گلیب، منله وئریدی ال اله قویمویا من اسیر اولام ابن زیاده یا حسین کوفه ده من قوناق ایدیم، حرمتیم اولمادی منیم کیسه‌لرینده دُرّیدیم قیمتیم اولمادی منیم وئردیله سو ایچم ولی، قسمتیم اولمادی منیم قانیم ائدیب سو جامی ‌نی رنگ طلاده یا حسین یوخدو بو شهریده یریم کوچه اولوبدو گردشیم ایلیری میزبانلاریم داشلاریلن نوازشیم ووردولا بیر قلیج دوشوب اوست دوداقیم ایکی دیشم قانیمیلن بویاندی بو کوچه بو جاده یا حسین بئیله کی اوستومه منیم، صرصر ظلم‌لر اسر ملتفتم بو باشیمه، نه گلجکدی سر بسر باشیمی بام قصریده، چون بو گروه گور کسر کوچیه نعشیمی آتار قالسین آراده یا حسین باقی حکايتیمی سن سمت هوادن آل خبر قاصد اولان غریب چون باد صباد‌ن آل خبر باشیمین هر بلاسینی نوک جداد‌ن آل خبر گتمه‌لییم سنین کیمی شامه جداده یا حسین مضطر اردبیلیم ائیله توجّه حالیمه شوق زیار‌تون دوشوب مدّتی دور بو قلبیمه من سنی آند وئررم اول، درد ملال مسلمه یئتسه حضورپاکیوه، کرب بلاده یا حسین التماس دعا

#حضرت_مسلم 🎤کربلایی سعید سلطانی ♦السلام علیک یا اباعبدالله الحسین

‍ شام غریبان امام حسین (ع) سبک اصغریم ای شیرین زبانیم ای منیم نور هر دو عینم دئمه یوخدور بالا معینیم دوتماقا شام غریبان آناوام گلموشم حسینیم ای دوشن باشی پیگریندن آرالی وای منه سن یارالی من یارالی یارالی نور عینیم وای حسینیم وای حسینیم وای آچ گوزون اغیاره باخما خولی بی آره باخما باشوی قوی سینم اوسته یاره ای مسماره باخما بولمدی خولی قدریوی بلّم اوزوم یوز گوزنّن قانی کلی سلّم اوزوم یارالی نور عینیم وای حسینیم وای حسینیم وای منزلون دور گور هارادی اوغول بو نه ماجرادی وای منه کاش گورمییدیم داش دگوب آنّون یارادی یاروی گوردیم سینمی داغلیارام بیر الیم قاخسا یاروی باغلیارام یارالی نور عینیم وای حسینیم وای حسینیم وای آچ گوزون باخ منه اوغلوم گلمیشم شیونه اوغلوم قاپوموز اودّا یاناندا قولی وئردیم سنه اوغلوم گلرم کوفیه آنان فاطمه ام درگهی ظلمیلن یانان فاطمه ام یارالی نور عینیم وای حسینیم وای حسینیم وای سبک اصغریم ای شیرین زبانیم الاحقر عبداللهی

#امام_حسین_علیه_السلام #شام_غریبان 🎤کربلایی سعید سلطانی ♦السلام علیک یا اباعبدالله الحسین