اهنگ ：به دیدن من بیا........ ولادت امام رضا (ع) ✍️ شاعر علیرضا علوی زنجانی ✍️ اهل ولانون شه مولاسی گلدی شیعه لرون رهبر و آغاسی گلدی ماه جناندور شاه جهاندور فخر زماندور نور عیاندور شاه خراسان رضا رضا رضا جان آدیوا قربان رضا رضا رضا جان رضا رضا جان رضا رضا جان (۴) شاهلار قاپوندا آقا سنه گدادی درگه پاکون سنون باب الرجادی روح بقادور کان سخادور مقدس آدی موسی الرضادور ای شه ملک وفا رضا رضا جان امیر کشور ما رضا رضا جان رضا رضا جان رضا رضا جان(۴) بشارت اولسون سیزه رضا گلوبدی پیغمبره بنذین آقا گلوبدی غرق کرم ایلیر اهل وفانی لطف ایلیر زایره کرب و بلانی دریای احسان رضا رضا جان ای نور احسان رضا رضا جان رضا رضا جان رضا رضا جان (۴) باب الجوادون آقا گور نه گوزلدی مقدس آدون رضا بیت الغزلدی شاه خراسان ای فخر ایران ای شاه خوبان ای ماه تابان گوهر آل عبا رضا رضا جان سن شاه سن بیز گدا رضا رضا جان رضا رضا جان رضا رضا جان (۴) خلق ایلیوبدور سنی حی تبارک میلادون اولسون بوگون مولا مبارک ای گوزل آدی دردلره درمان حرمی پاکی حج فقیران بایراملق ایله عطا رضا رضا جان تذکره کربلا رضا رضا جان رضا رضا جان رضا رضا جان (۴) ✍️ شاعر علیرضا علوی زنجانی

🎼سبک سرود فوق👆👆 🎤#بانوای_حاج_علی_سیفی_افشار

🎼سبک سرود فوق👆👆 🎤#بانوای_حاج_علی_سیفی_افشار

مدح و میلادیه حضرت امام رضا (ع) . مرتضی اسکندری (ساعد زنجانی) . . رواقون جنت الاعلایه بنذر ای رضاجان سنی بیچاره لر امداده سسلرای رضاجان . آدون قلبه صفادی قاپون باب رجادی گوزل قبرون غباری هامی درده دوادی . غریب وطن ادب کانیسن سنه عبد ذلیلم . منیلن دانیش الیمدن یاپیش دخیلم من دخیلم . (رضاجان رضا رضاجان رضا رضاجانم رضاجان)(٢) . . بودورفخریم ایکی دنیا قاپوندا نوکرم من منی آهو حساب ایله اگر چه کمترم من قسم ویرّم سنی اوغلون جواده دوت الیمدن کرم ایله کرم دریاسی بی بال و پرم من . جلالون بی کراندی قاپون باب جناندی غریق بحر دردم الیمدن دوت آماندی . فقیرم آقا اسیرم آقا گرفتار بلایم . گدایم سنه نظرقیل منه که محتاج عطایم . (رضاجان رضا رضاجان رضا رضاجانم رضا جان)(٢) . . نظرایله بو عشّاقه باجون معصومه جانی دیوللر کربلا عاشقلری سسلر رضانی قالوب حسرت باخور یولاره آغلار گوزلریمیز بو جمعه عیدیانه یاز برات کربلانی . آدون مشکل گشادی هامی درده دوادی بوجمعون دردی آقا نجف یا کربلادی . گل باغ طوس انیس النفوس شه ملک ولاسن . قیامتده سن ایا بوالحسن هامی درده دواسن . (رضاجان رضا رضاجان رضا رضا جانم رضاجان)(٢)

❣ رضا جان . . . گنه سائل قاپووا ای شه فرزانه گلوب قوشولوب هر گَلَنه لیک ذَلیلانه گلوب بوقاپوننان منه دائم یتیشوبدور صِله لَر من همان کهنه غلامم دئمه بیگانه گلوب باب امیدووی مولا گوز آچاننان تانورام شمع رخساروَه مهمان گنه پروانه گلوب مین امیدیله رضاجان قاپووی من چالارام تا دئسونلر قاپیا صاحب کاشانه گلوب آستانونده دخیلون وار آقا صبح و مَسا یوز قویوب دَرگهووه عاقل و دیوانه گلوب چَکمَرم اَل اَتگوندن الی بوش سالما یولا بو گدانون وار امیدی دولا پیمانه، گلوب چوخی یولداشلاریمون کرب وبلا زائریدی (نادره)قسمت اولوبدور بوشفاخانه گلوب 🌷🌷🌷🌷🌷🌷🌷

‍ شعر جدید در فراق مادر  فارسی ترکی باآهنگ من مانده ام تنهای تنها زبانحال و گریز به شهادت حضرت فاطمه زهرا سلام الله علیه و آله و سلم زبانحال حضرت زینب کبری  «ع» اشگ و ریزیم در فراغت                مادر ای روح و روانم                       بی قرارم  بی قرارم کرده بودیم برتو عادت            مونس آرام و جانم                  بی قرارم بی قرارم           یارو یاور بودی مارا          جان فدایت جان فدایت          بی قرار ت گشته دلها          جان فدایت جان فدایت   2بار محرم راز م تو بودی            دل زهجرت بی قرار است                 گر چه چشمم اشکبار است در کجا منزل نمودی           این چه رسم روزگار است                 گر چه چشمم اشکبار است               چون تو بودی جان پناهم               مادر ای آرام و جانم             طاقت هجران ندارم             مادر ای آرام و جانم  2بار ای صولان گل تک جهاندا           ای منیم آرام و جانیم                 یالقزام من  یالقزام من قالدی چوخ آرزوم اورکده                 ای منیم نام  و نشانیم                        یالقزام من یالقزام من            ایندی ای مادر اتاقون            باغلی قالدی باغلی قالدی               یاندی قلبیم غمده سینم             داغلی قالدی داغلی قالدی   2بار صولدی غمونده نازلی گول لر               آغلورایندی بو اوشاقلار                  باشه مادر قاره باغلار پوزقون قالوبدی ایندی ایللر              بوغم هجرانه قیزلار                      ایندی آغلار سینه داغلار               قالمشوق غملرده تنها                 ای نگاریم  ای نگاریم               دوندی سنسیز شام وتاره              روزگاریم  روزگاریم 2بار مادر ئولسه دوشر  ایوه  صفادن               دویماروق بیز دای نوادن                  قبرین اوسته آغلار ام من  تز گدوبسن سن آرادان       چکدون ال دارو فنادن           قبرین اوسته آغلار ام من           داغدار اولدی بو ایللر            اولمادی بو درده چاره          صولدی گلشنده بو گللر              اولمادی بو درد ه چاره آغلار ام من    آغلار ام من 2بار ای منیم روح و روانیم           غصه دن سن تز قوجالدون                     آتش محنتده یاندون سن بودنیانی ندن تز            ای آناجان باشدان آتدون                 گون کیمی سن نیه باتدون دهریده مقصوده چاتدون               زینبی سن گوزدن آتدون                  ناله می عرشه اوجاتدون قلبیم اوت دوتدی یانوبدی بوغم هجرانه مادر صبریمی الدن آلوبدی گلمیشم افغانه مادر 2بار غنچه تک صولدون وطنده             ای منیم آرام و جانیم               وی اولان نام و نشانیم گوزلریم یولاردا قالدی          ای منیم نازلی نگاریم                قانه دوندی روزگاریم آغلارام قان یاش غمینده                  گتدی الدن اختیار یم                    یوخدی دای صبرو قراریم         غصه دن زینب ئولر دای           راحت اولدون سن آناجان              دویمادوق سننن جهاندا               راحت اولدون سن آناجان 2بار زینبون آغلور آناجان             دیده گریان سینه سوزان                 جان و جانان ماه تابان گوز یاشیم جاردی الان            قلبیم اولدی ایندی القان                      ای ننه جان ای ننه جان زینبه آرام و جانسان             سن منه روح و روانسان             غصه دن قلبیم اولوب قان شمع تک صولدون جهاندا دوشدی سینم درده مادر قالدی چوخ دردین نهاندا آغلارام غملرده مادر 2بار ✍حاج مهدی ملکی

‍ شعر جدید در فراق مادر  فارسی ترکی باآهنگ من مانده ام تنهای تنها☝️☝️

عشقینده دیوانه منم دیرم شام و سحر، یا حسین شمعیوه پروانه منم یانارام شام و سحر، یاحسین محرمین گلدی آقا آدون توشوب دیللره  درده دوا، ابی عبدالله قلب صفا، ابی عبدالله گوزل آقا، ابی عبدالله گوزل آقا، ابی عبدالله مظلوم حسین غریب حسین عطشان حسین تو عشقت دیوانه منم هی میگم شام و سحر، یا حسین دورشمعت پروانه منم میسوزم شام و سحر، یاحسین محرمت اومد آقا اسمت شده وردلب دوای درد، ابی عبدالله صفای قلب، ابی عبدالله زیبا آقام ، ابی عبدالله زیبا آقام، ابی عبدالله کرببلا عطری گلیر نظر إد شاه شهیدان حسین قول زیارت ورسن بیزه ای شاه لب عطشان حسین  سن آقاسان سن آقاسان سن آقاسان یا حسین  حسین آقا ابی عبدالله عطر کربلا میاد نظری شاه شهیدان حسین  قول زیارت هی میدی به ما ای شاه لب عطشان حسین تو آقایی تو آقایی تو آقایی یا حسین

متن مداحی ترکی - عشقینده دیوانه منم.

#درفراق مادر ✍شعراز : کربلایی علی عبدی زنجانی اورگیم آتش هجرانیوه سوزاندی آنا گوزومون کاسه سی بیر چشمه ی جوشاندی آنا قدریوی بیلمدیم حیف اولسون اَلیمدن چیخدین جگریم شمعی کیمی حسرتیلن یاندی آنا ئوومین گئچدی چراغی گونوزوم اولدی گئجه بوش یئرین چرخش دنیاده نمایاندی آنا کاش سندن قاباق اَوّل من ئولیدیم آناجان سن ئولندن صورا دنیا منه زنداندی آنا اورگیم تنگه گلوب باشیمه دنیا دولانور بیلمیرم بو نه قیامتدی نه دوراندی آنا آرزو اِیلیورم بیر گونی یاتدوم یوخودا بیر نئچه لحظه گورم که منه مهماندی آنا ثمرِ زندگین اولدی بیزه ایثار و گذشت دائم اولادینه عشقیله نگهباندی آنا مین کتاب یازماق اولار عمریوی چکسم قلمه گرچه چوخ یاغچیلیقون بیزلره پنهاندی آنا دردین اولسیدیده ظاهر اِئلمزدین بیلورم چون گورَردیم یوزووی گل کیمی خنداندی آنا گلرم قبریوین اوسته اوتوروب آغلیارام آغلاماق موجب تسکین هر انساندی آنا قبریوین داشینی تزئین اِئدرم گللریلن ایکی دنیاده منه گرچه گلستاندی آنا اَییلوب گوزیاشیلان هِی ئوپرم مرقدیوی چونکه قبرین من ایچون جنت رضواندی انا سنون هجرین منیم آرامشیمی اَلدن آلوب تا قیامت اورگیم ساحلی طوفاندی آنا سن حُسینون آدین اورگتدین اوشاقلیقدا منه او حسین کی هامی عالم اونا قرباندی آنا صود وئرنده منه ، آغلاردیم علی اَصغرینه ظلمیله گُل بوغازی تیریله اوخلاندی آنا بیرائووج ایسته دی سو،اوچ پراوخااولدی نشان بوغازی سو یئرینه قانیله ایسلاندی آنا شدت ضربت اوخ نِیلدی گور صود اَمره حضرتین اَللَری اوسته بالا طولاندی آنا

باسلام شعر جدید در فراق مادر وگریز به شهادت حضرت زهرا سلام الله علیها با آهنگ کاروان رفته منزل به منزل ای آدی دلده ازبر ننه م وای صولدی گولشنده گوللر ننه م وای سن نیه تئز بیزی باشدان آتدون دهریده یوردی غملر ننه م وای اولمادی دردیوه چاره مادر قالموشوق سن سیز آواره مادر ۲بار ای صولان گلشنین باغبانی چوخ ائدردون آنا جانفشانی نام نیکین جهاندا قالاندی آدین اولدی سنون جاویدانی اولمادی دردیوه چاره مادر قالموشوق سن سیز آواره مادر ۲بار ئولسه مادر دوشر ایو صفادن دویماروق دای ننه بیز نوادن غرق اولوبلار نوایه اوشاقلار تئز گدوبسن آنا سن آرادن اولمادی دردیوه چاره مادر قالموشوق سن سیز آواره مادر ۲بار هم ئوزوم هم آنام ای عزیزان همسر شاه مردانه قربان ترک ا ئدوب تئز جهانی او مادر دهریده دورت گولی قالدی گریان اولمادی دردیوه چاره مادر قالموشوق سن سیز آواره مادر ۲بار زینبین گیدی الدن آناسی سینه ده واردی مسمار یاراسی داغدار اولدی شاهه ولایت عرش و فرشین اوجالدی نواسی اولمادی دردیوه چاره مادر قالموشوق سن سیز آواره مادر ۲بار ترک ائدوب دخت طاها جهانی آغلادوب دهریده مرتضانی دفن وکفنی گیجه اولدی یاران اشگ وماتم دوتوب ماسوانی اولمادی دردیوه چاره مادر قالموشوق سن سیز آواره مادر ۲بار الده گوردی حسین یوخدی چاره نصف شب گیتدی زهرا مزاره زینب وکلثوم آغلور غمینده منزله چکدیلر اوندا قاره اولمادی دردیوه چاره مادر قالموشوق سن سیز آواره مادر ۲بار دورت گولی دهریده قویدی گیتدی غصدن گول کیمی صولدی گیتدی دوقوز ایل اولدی همدم امامه غصه و غم اونی یوردی گیتدی اولمادی دردیوه چاره مادر قالموشوق سن سیز آواره مادر ۲بار آغلادوب عرش وفرشی اومادر یالقوز اولدی فراقینده حیدر داغدار اولدی کلثوم وزینب شمع تک یاندی دخت پیامبر اولمادی دردیوه چاره مادر قالموشوق سن سیز آواره مادر ۲بار عرض قیلام من ای دخت طاها فظلیده ای اولان مثل دریا «مهدیم» چوخدی جرم و گناهیم دوت الیمدن منیم جان مولا اولمادی دردیوه چاره مادر قالموشوق سن سیز آواره مادر ۲بار ملتمس دعا مهدی ملکی

آتاسیزلیق دردی #ختم_خوانی #گریز #حضرت_رقیه_شهادت . جعفر فتح اللهی (شاکر) . زمانه نین یوزونه گولمز هئچ زمان آتاسیز آتالیق عاطفه سین ایلمز نهان آتاسیز . گئدر گزر دولانار بلکه غصه سی داغیلا بیر آزدا غصه سی آرتار ائدر فغان آتاسیز . گورنده تای توشونی نوز آتاسی ایله گزور چکر بیر آه اولار قلب زاری قان آتاسیز . ایکی الینی قویار قوینونا باخار مأیوس ایکی گوزوندن ائدر اشکینی روان آتاسیز . آتاسی ایله گزن گونلری دوشر یادینا دانیشار ئوز ئوزونه محنته نشان آتاسیز . باشین اشاقه سالار ناگران ائوه قییدر ائدر قاپونی آچاندا بئله گمان آتاسیز . آتاسی ائوده دی تئز تئز بابا بابا چاغیرار سسین ائشیدمز ئوزون گورمز آختاران آتاسیز . اتاقه وارد اولار غم دورار قباقینده دیر آتان یرینه غمدی میهمان آتاسیز . آتاسینون یرینی بوش گورر اوتاقینده اوخور ئوزی ئوزینه غملی داستان آتاسیز . اولاندا بایرام هامی آل یاشیل گییوب دولانار قرا گییوب ئوزون ایلر غم آشیان آتاسیز . اوشاقینه آتا بایرامدا عیدیانه آلار قالار ولی گوزی اللرده ناگران آتاسیز . گئدر هامی گوروشه خویش و اقربا ائوینه قالوب ائوینده قورا بزم جان بستان آتاسیز . اوشاق أَولجه دییر ئوز آتاسینا تبریک دییر منی آتاجان گورمسین زمان آتاسیز . مشاهده ایلیرسوز چیخاندا قبر اوسته آتا مزارین ائدر بهترین مکان آتاسیز . گورر آناسینی غم دیزلرین قوجاقه آلوب باخار یانا یانا نار غمه یانان آتاسیز . آچار قولون دولیار بوینونا سیلر گوزونی دییر چوخ آغلاما گرچه قالوب بالان آتاسیز . سن آغلاسان بو قدر من ئوزومی ئولدورّم بو درده دوزمز اوشاق اولسا یا جوان آتاسیز . آتام کمی منی دیندیر سینقدی گویلومی آل سولار، سینار، سارالار گویلون آلماسان آتاسیز . آتام حسینه فدا من فدا رقیه سینه ایتیم اوشاقلارا سردسته دی همان آتاسیز . گئدردی زینیین آغوشینه گلردی دیله دییردی پس منی کیم قویدی عمه جان آتاسیز . بابام گئدندن آی عمه یاتانمورام گئجه لر مگر یاتار بو بیاباندا قورخودان آتاسیز . مدینیه گئده بیلسن یوبانما تئز یولا دوش روا دگیل اولا دشمنله همزبان آتاسیز . من ئولمه میش آپار عمه مدینه میزده ئولوم عزاسی خوار اولی غربتده وئرسه جان آتاسیز . بو غربت ئولکه ده که خوار اولوب آتام یاسی دوشنده یاده بو مشگل ییوبدى قان آتاسیز . من آغلادیم باباما قمچی ووردیلار باشیما آتاسین اوخشیا لازمدی هر زمان آتاسیز . گوزوم دوشور آتامی ئولدورنلرین گوزونه آلور قراریمی الان منی قویان آتاسیز . اوتوندا الله اوشاقین یامان گونه قویسون منیم کیمی اودا بیلسین اولار یامان آتاسیز . اونوندا قلبی داریخسین تفاقی اودلانسین بئله نقدری یانور خیمه سی یانان آتاسیز . .  #فتح_اللهی