عید قربان گریز به شهادت حضرت علی اکبر(ع) علی مظفری وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا التماس دعا

‍ ‍ بسم الله الرحمن الرحیم شعر زبانحال حضرت زینب س بعد از شهادت حضرت رقیه س و دفن آن حضرت به سبک دلنشین و زیبا 🎤#بانوای_حاج_علی_سیفی_افشار بقلم کربلایی ابراهیم تون خوش قلم میاندوآب 🌙🌙🌙🌙🌙🌙🌙🌙🌙 خرابه لرده سولان گل چمن گوزون آچ سنه فدا اولا جان غریب ئولن گوزون آچ زمانه دن نه دیوم؟ فغانه گتدی منی ئورگینی محن و الم بولن گوزون آچ هجرونده ملر عمون گوزیاشین الر عمون کوسمه ای گول نازیم کوسسون گر ئولر عمون بالام لایلای    گولوم لایلای نئجه بو گوزلریوی الیمله باغلیارام رقیه جان دیرم غمونده آغلیارام دانیش منیله یانان ئورگیمی بالا آل دانیشماسون گوزلیم سینه می داغلیارام دخت بی کفنیم وای اللرده ئولنیم وای قارداشین فراقیندا قارداش وای دینیم وای بالام لایلای      گولوم لایلای قرا لباسیوی من سویوم نئجه گوزلیم مزاره پیکریوی قویوم نئجه گوزلیم او عمه عمه دین دئلیوه قوربان اولوم سنین کیمی بالادان دویوم نئجه گوزلیم دردانه بالام ایوای نازدانه بالام ایوای زینبون دوزومی یوخ هجرانه بالام ایوای بالام لایلای      گولوم لایلای گل اکبریم دادیما ئولوبدی غملی باجون ئورگیمی یاریدان بولوبدی غملی باجون کفن گتور باجووا کفن یوخومدی بالا اسیر درد و محن اولوبدی غملی باجون تئز گل ای مه انور زینب یولووی گوزلر گوز یولدا باجون ئولدی گوشواره گتور اکبر بالام لایلای      گولوم لایلای التماس دعا 🎤سبک : #بانوای_حاج_علی_سیفی_افشار

◾خرابه لرده سولان گل چمن گوزون آچ.... ✍بقلم کربلایی ابراهیم تون خوش قلم میاندوآبی 🎤#بانوای_حاج_علی _سیفی_افشار ________________________

نوحه حضرت ابالفضل (ع ☘☘🌹☘☘🌹☘☘🌹☘☘ ای یل آزاده    ابالفضل بو دل دریاده  ابالفضل فاطمیم قلبی  شکسته گلمیشم امداده ابالفضل                  قولون یوخدور اوغلوم                  گوزون اوخدور اوغلوم                   یوزی  اوسته   دوشمه                  یارون چوخدور اوغلوم ابالفضلیم ... ابالفضلیم 🔸🔸🔸🔸🔸🔸🔸🔸🔸 سرو وجودین    اسوب   اوغلوم سینه ده صبرون کسوب اوغلوم اوچ پر اوخ آلنیندان    ئوپوبدی گوزلروه قان     دولوب   اوغلوم                         کسوبلر       خوللارین                          بدندن         قوللارین                        گوزون گورمور اوغلوم                         خیامون      یوللارین ابالفضلیم ... ابالفضلیم 🔸☘🔸☘🔸☘🔸☘🔸 چاره یولون لطف ائله کسمه پرچمه تای صاق صولا اسمه صبر ائله دوشمه یئره آتدان سن آنوون     جانی   تلسمه                          دایان سن بیل  تاری                         تلاش   ایله      باری                         گوزی یولدا    قویما                         لب عطشان قیزلاری ابالفضلیم ..‌. ابالفضلیم 🔸☘🔸☘🔸☘🔸☘🔸 نار   غم   و   حسرته     یانما پوزقون عقاب اوسته دولانما قامتی  خم    فاطمیم     من سینمه  گل   اوغلوم   اوتانما                         ساچی   آق    مجنونم                         بو     غمدن    دلخونم                         منه     مادر      سسله                         سنه    من      مدیونم ابالفضلیم ... ابالفضلیم 🔸☘🔸☘🔸☘🔸☘🔸 محنت  الیندن دیله  گللم فاطمیم   قدرووی   بیللم باشوی آلام دیزیم اوسته گوزلروین  قانینی  سیللم                           حیالی اوغلومسان                           وفالی اوغلومسان                           یارالی       زهرایم                           یارالی اوغلومسان ابالفضلیم ... ابالفضلیم 🔸☘🔸☘🔸☘🔸☘🔸 غم   یئمه   ای   نور  دو عینیم عرشه چخوب شیون و شیمیم تک   بئله    میدانی      دولانما سسله   گله    داده     حسینیم                          حسین دردون  بیلسه                          فرات   اوسته  گلسه                          دییر  ایوای  یارداش                          سنی قولسوز گورسه ابالفضلیم ... ابالفضلیم

🎼سبک شعر فوق👆👆 🎤#بانوای_حاج_علی_سیفی_افشار

۞﷽۞احوالات حضرت مسلم (ع) کوفه اولموش باشاباش دردوبلاگلمه حسین قسمتیم اولـدی منیم سـنگ جفا گلمه حسین او ئیری که آتان اولموشدی اورا حاکـم شـرع قالمیب اوردا داخی شرم و حیا گلمه حسین دینـی دینـاره سـاتیب نـامـه یازانلار هامیسی سیندیریب ائتمه دیلـر عهده وفـا گلمه حسین چـوخ جـفـائیلـه شهید ایلـه دیلـر حـق اوسته هـانـی عُـروه نی بـو قـوم دغـا گـلـمـه حسین نـصـف شـب در به درم کـوفه دیارین گَـزیـرَم بـیـر نـفـر داده یـتـن یـوخ عـجـبـاگلمه حسین کـوفـه اهـلـی ایـلـدی کـیـنـه ی دیرینین عیان قـوردی مـهـمانـیـنـه بـیـر دام بـلا گلمه حسین آلـیـب اطـرافـیـمـی اشـرارزمـن اولدوم اسـیـر یـوخدی بـیـردادرسـیـم دشمن آراگلمه حسین تیغـیمی الدن آلـیـب کسدیله چاره یولـومی بـاغلـیـوب قـولّاریمی اهـل جـفـا گلمه حسین سـالـدیـلار حـیـلـه ومـکـریـلـه بـوگـودالـه منی ظلمـیله صـیدائده لرشـیریوی تا گلمه حسین هـرطـرفـدن مـنـه ساری آچـیلـیـب جـرأت الـی داش آتان نـیـزه ووران یوخدی إباگلمه حسین یوخ دِییَن شرم ائدون آزیاره وورون پیکرینه هی وورولّار یارالار اوسـتـه یارا گلمه حسین بـیـر غـریـب وطـنـم چـاتـمـور الـیـم ائلّلریـمـه حالـمـه یوخدی یانان بـوردا آقا گلمه حسین آلـشـیـب سوزعـطشدن یـانـیـری دیل دوداقیم یوخ گمانیم داخی بیرجرعه سویاگلمه حسین جسـمیـمیـن یـاره لـری سـالـدی مـنـی طاقتدن دورمـاغـا یوخ ایـاقـادیـزده قـواگلمه حسین باشیمی کسماغا گـل گـور نه شتاب ایلور عدو بـاش نـدور ایـلیـرم جـانـی فـدا گلمه حسین نـه سـایـولّار که سـنیـن نـائـیـبـوم کـوفـده من نـه قـونـاق رسـمونی ایلـولّـه اَداگلمه حسین نـه سـایـولّارکـه یتور نـسـبـتـیـمـیـز طاهایه نـه ائدولّلـر شهه بـطـهـادن حـیـاگلمه حسین هـر قـضـا اولـسـا مُـقـدّر بـولـوســن لا دیـمـرَم اَگـمَـرم بـاشـیـمـی ظـلـمـه اَبـدا گلمه حسین بـاری سـن گـلـمـه آمـانـدی بـو بـلالـی مـکانـا ابـتـلایـه بـاشـیـوی سـالـمـاشـهـاگلمه حسین بی حـیـاکـوفـه لیلرظلـمـده طـغـیـان ایلـیـر سـویـولـونـی بـاغـلـیـالار اشـقـیـا گلمه حسین خیرداقیزلارین عطشدن یوزی گلتک سارالار اوج ائـدر نُـه فـلـکـه آه و نـوا گلمه حسین گلـمـه بوئـیرده دونرگوزیـاشی قانـه لیلینین روز و شـب ذکری اولارواویلـتـاگلمه حسین قاسـمـیـن شـان شـان ائدرگل پیکرین تیروخدنگ نوعروسیـن قویاجاخ قاندان حنا گلمه حسین الّلـریـن اوسـتـه بـویـالّلار قـانـه شـیـرخـواروی قـلـبـیـوی قـان ایـلـیـر بـو مـاجـرا گلمه حسین اوخ دگنده حلقینه بیرچرپنیب دلدن دوشر قـانیله سـیراب اولاردلسـیز بالا گلمه حسین سـس گلریـانـمـابـیلـه یـاندیـرمـاقـلب عالمی قـوی ئـیـره افغانه ای مـیـرهـداگلمه حسین حـالـیـوه بیرده سمااهلی یانیب (عاجــز لَـنـر) وای بالام وای سسلیر خیرالنـسـا گلمه حسین ❇️التماس دعا ✍علی جعفری(عاجز تبریزی) ❣الّلهُــمَّ عَجِّــلْ لِوَلِیِّڪَـــ الْفَـــرَجْ❣

زبانحال حضرت مسلم (ع) ✍محمدرضا رمضانی ذوالفنون 🎼سبک گلمیشم فغانه یانه یانه عمه ای منیم امیریم_وی منیم امامیم مسلمم حسین جان_وار سنه سلامیم ظلمه دستگیرم من دشمنه اسیرم من ای عزیز زهرا ۲ منله بیعت ائتدی_چوخلاری اولده چون گوروبله سندن_واردی حکمیم الده دوندولر ولیکن_موقع جلده دشمن ایچره تک قالدیم تیغیمی اله آلدیم ای عزیز زهرا ۲ گرچه من تکیدیم_ائتدیم استقامت گوردی هامّی مندن_قدرت و شهامت گوئیا یازیلمیش_مسلمه شهادت یوخ شکایتیم اصلاً جان نثاریوم مولا ای عزیز زهرا ۲ مسلمه سنیدون_زندگیده اسوه ائتمرم بلادن_حق یولوندا شکوه اولدی هم قطاریم_هانی بن عُروه طوعه آدلی بیر خاتون ایلدی منی مدیون ای عزیز زهرا ۲ گلمه سن حسین جان_جانب عراقه گلمه سیدی بو_معدن نفاقه حرمت ایلمولّه_کوفیان قوناقه گلمه کوفیه ساری یوخ وفانون آثاری ای عزیز زهرا ۲ یوخدی فرصتیم تا_ایلییم اشاره یوز ویروب نلر بو_زار و دلفکاره یا حسین اماندی_گلمه بو دیاره کوفه دن گل اعراض ائت هر یره گئدورسن گیت ای عزیز زهرا ۲ ادامه شعر در کتاب زنجیر آزادی ✨اَللّهُمَّ عَجِّل لِوَلیِّکَ الفَرَج✨💫

نوحه جوشی حضرت مسلم(ع) درسبک:ای قلم سوزلرینده بقلم:✏مهدی شفائی گلمه بو کوفیه یوخ صفاسی یوخ محبت واری چوخ جفاسی من دیوردوم محبت ائدللر کوفیلر بیلمدیم یوخ وفاسی وای ئورکلر دونوب سنگه مولا کوفه اهلی چیخوب جنگه مولا من غریبم غریبم غریبم(۲) سن یئراوسته منیم سروریمسن شاه دین سن آقا رهبریمسن کوفیه گلمیشم جان نثارم هرندن گچمیشم باوریمسن هرنه امرون اولا طاعتیم وار پیکریم دوغرانا طاقتیم وار من غریبم غریبم غریبم(۲) یازدیلار نامه لر گل حسین جان اهل کوفه کسر یولدا قربان دوندی بیرلحظه ده کوفه اهلی گلمه مولا یئراوسته گئدرقان نامه متنینده بیرکلمه مولا یازمیشام کوفیه گلمه مولا من غریبم غریبم غریبم(۲) یوللا عباسی گلسون هرایه شعله قوزاندی یردن سمایه بیرطرفدن یاغورنیزه شمشیر بامیلردن یاغور اوت سرایه دیلده راز و نیازیم حسینیم واراوزون قول نیازیم حسینیم من غریبم غریبم غریبم(۲) ای منیم رهنمودیم امامیم کاش گلیدی سنه بوپیامیم باغلانوب قوللاریم شرمسارم قان توکور لبلریم یوخ کلامیم من دیردیم یولا گول توکللر بیلمدیم باشیمه کول توکللر من غریبم غریبم غریبم التماس دعا

🌹استقبال از عشق محرم الحرام🌹 شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور ........................... مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور سیف الشعرا استادسیفی اردبیلی

۞﷽۞ ۞﷽۞ درجلالت امام حسین(ع) بو دهریده جاه و عزتی نیلیرم حسین سنسیز و یـا مـقـام و ریـاسـتـی نیلیرم حسین سنسیز بـیـرعمردورخدمت ایلیب تاپیشام شرافت من سن اولماسان بوریاستی نیلیرم حسین سنسیز وجـودی ای آفـرینشین باشینه سـالان سـایـه ویـرن قـیـزیـل قـانـی کربلا تـربنینه پـیر ایه ولایـتـی الـده ای اولان یـوم حـشـره سرمایه ولایـتـیـلـه شـفـاعـتـی نیلیرم حسین سنسیز آلـیـبـدی شـوق زیـارتـیـن بـو قـراریـمـی الدن سـنـه فدادردوغصه دن گورنه دوشموشم دیلدن آماندی گل کسمه لطفوی یابن فاطمه مندن بولطفوین چوخدی قیمتی نیلیرم حسین سنسیز ئـوزون بـولورسـن بوجهان اهل عشقه محبسدی سـنـی قـسـم اول زمـانـه کی ساربان الون کسدی ویرنده جـان بـاشـیم اوستونه بیرجه گلسن بسدی سن او لماسان بو ضمانتی نیلیرم حسین سنسیز بـو نسگلین آیرلیق غمین یادیمه گینه سالدی پوزوب باجین زینبین حالین صبروطاقتین آلدی سالیب یـولا عرض ائدیب گوروش بیرده محشره قالدی داخـی بـو چـولده اقامتی نیلیرم حسین سنسیز دایان اخا خیرداقیزلار ین گورنه آغلوری قارداش شـرار نـار فـراقـوه سینه داغلوری قارداس یازاندا(عاجز)عذارینه اشگی باغلوری قارداش سن اولماسان بو عنایتی نیلیرم حسین سنسیز ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

۞﷽۞ ۞﷽۞ زبانحال حضرت لیلا(س) درحال وداع باحضرت علی اکبر(ع) 🎵درسبک امان امان امان علملرون اَسور اسـیـر عـشـقـیـوم وفـالـیـم عـلـی تـرحُـم ائـت بـاشــی بـلالـیـم عـلی اسـورایـاقـلاریـم گـلـنـمــیـرم دایـان بـوگیتماغـیـنـدا چـوخ نـوالـیـم علی سنه فـدا آنان علی علی علی گلنمیرم دایان علی علی اسیر عشق اولان دئمـز ندور طناب خیال وصل ائدن توکر سرشگ ناب تعجبم کـه مـنـده یـوخ فـراقـه تاب تانیر بـو دل کـه مـیـن خیالیم علی دایان بوچولده بزم عشقی بیرقوروم بـو قـاره تـللّـریوه شـانـه مــن ووروم شـرار آهـیـله بـو قـلـبـی یـانـدوروم اورک یـارا گــونـی قــرالـیـم عـلـی خراب اولیدی کاش نـدور بـو روزگـار ائـدوبـدی مـحـنـتـه بـو قلبیمی دچـار مـگـر بـو باشـیمـون نـقـدر بـلاسی وار نــه سـّری وار بـاشـی بـلالـیـم گوز آلـتی باخمـاچوخ یانان دلیم یانیر غــم فـراقـیـوه بــو سـیـنــم اوتـلانـیـر بـو بـاخماغین مـنـه هـامـی غمی سانیر اســور تــنــم اورک مــلـالــیــم عـلـی شـکـسـته نـی کـیـمـیـن نـوا ائـدر آنــان ســالـیـب یــولا سـنـی دعــا ائـدر آنــان دالـیـنـجــا گـلـمـاغــا حــیــا ائــدر آنــان بــو لــورهـامـی کـی مـن حـیـالـیـم علی گـیـدورسـن ایـنـدیکی بـو قانلی مقتله آلـیـبـدی زوفـلریـن بـاجـیـلاریــن الـه بـوگـوز یـاشـیـمـی گـل تصدیقـون ایله گـوزون فــداســی ابـتـلا لـیـم عـلـی ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

نوحهٔ ذبح قربانی اشاره به قربانیان کربلا . علیرضا حضرتی . الله مگر عطشان کسر قربان کسنلر قربان کسنده سو وئرر قربان کسنلر . گؤرسم بیری قربان کسور قلبیم اولار قان غم غصه دن حالیم اولار زار و پریشان زهرا فداسین کسدیلر لب تشنه قربان عالملره سالدی شرر قربان کسنلر . گؤرسم بیری قربان کسور دل داغلارام من گؤزیاشیمی سولموش عذاره باغلارام من ایوای حسینیم وای دیوب قان آغلارام من نوحه ائدللر خون جگر قربان کسنلر . بو رسمیدور قربان کسن وقته الهی قربان کسن گؤزلر کسنده قبله گاهی اما سالوبدی شمر اوزی اوسته او شاهی هاردا بئله ظلم ایلیر قربان کسنلر . قربانلیقا ائتمزله یارب چوخ اذیت بیر ضربتیلن قورتاراللار ذبحی راحت ویردی حسینه شمر اما یدی ضربت آغلار بو غمدن دیده تر قربان کسنلر . مرغ خیالیم پر آچار کرب و بلایه هردم گلر درد و مصیبتدن نوایه افغان ائدر دوشجک گؤزی قتنلی منایه چوخ سنگ دلدور چون گؤرر قربان کسنلر . قربانلاری کرب و بلانون بی مثلدی اما هامیسیندان علی اکبر گوزلدی قانلی عباده عرصه دن اخیامه گلدی چون دوغرامیشدی سربه سر قربان کسنلر . بیر سود امر قربان ائدوب دنیانی نالان نازلی بوغازین بولدی بیر اوچ شعبه پیکان عطشان دوداقین ایسلادوبدی قرمزی قان اول غملی احواله گولر قربان کسنلر . اوردا اوگون یتمیش ایکی قربان کسیلدی یتمیش ایکی قربان هامی عطشان کسیلدی توز باتدی او صحراده چون طوفان کسیلدی اؤزگه جنایت ائتدیلر قربان کسنلر . اول چولده ظلم کوفیان عرشه دایاندی باشلار ویریلدی نیزیه یارب اماندی آتلار ایاقی آلتدا پیکر لر تالاندی زهرانی ائتدی جان به سر قربان #الله_مگر_عطشان_کسر_قربان_کسنلر