🌹استقبال از عشق محرم الحرام🌹 شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور ........................... مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور سیف الشعرا استادسیفی اردبیلی

۞﷽۞ ۞﷽۞ درجلالت امام حسین(ع) بو دهریده جاه و عزتی نیلیرم حسین سنسیز و یـا مـقـام و ریـاسـتـی نیلیرم حسین سنسیز بـیـرعمردورخدمت ایلیب تاپیشام شرافت من سن اولماسان بوریاستی نیلیرم حسین سنسیز وجـودی ای آفـرینشین باشینه سـالان سـایـه ویـرن قـیـزیـل قـانـی کربلا تـربنینه پـیر ایه ولایـتـی الـده ای اولان یـوم حـشـره سرمایه ولایـتـیـلـه شـفـاعـتـی نیلیرم حسین سنسیز آلـیـبـدی شـوق زیـارتـیـن بـو قـراریـمـی الدن سـنـه فدادردوغصه دن گورنه دوشموشم دیلدن آماندی گل کسمه لطفوی یابن فاطمه مندن بولطفوین چوخدی قیمتی نیلیرم حسین سنسیز ئـوزون بـولورسـن بوجهان اهل عشقه محبسدی سـنـی قـسـم اول زمـانـه کی ساربان الون کسدی ویرنده جـان بـاشـیم اوستونه بیرجه گلسن بسدی سن او لماسان بو ضمانتی نیلیرم حسین سنسیز بـو نسگلین آیرلیق غمین یادیمه گینه سالدی پوزوب باجین زینبین حالین صبروطاقتین آلدی سالیب یـولا عرض ائدیب گوروش بیرده محشره قالدی داخـی بـو چـولده اقامتی نیلیرم حسین سنسیز دایان اخا خیرداقیزلار ین گورنه آغلوری قارداش شـرار نـار فـراقـوه سینه داغلوری قارداس یازاندا(عاجز)عذارینه اشگی باغلوری قارداش سن اولماسان بو عنایتی نیلیرم حسین سنسیز ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

۞﷽۞ ۞﷽۞ زبانحال حضرت لیلا(س) درحال وداع باحضرت علی اکبر(ع) 🎵درسبک امان امان امان علملرون اَسور اسـیـر عـشـقـیـوم وفـالـیـم عـلـی تـرحُـم ائـت بـاشــی بـلالـیـم عـلی اسـورایـاقـلاریـم گـلـنـمــیـرم دایـان بـوگیتماغـیـنـدا چـوخ نـوالـیـم علی سنه فـدا آنان علی علی علی گلنمیرم دایان علی علی اسیر عشق اولان دئمـز ندور طناب خیال وصل ائدن توکر سرشگ ناب تعجبم کـه مـنـده یـوخ فـراقـه تاب تانیر بـو دل کـه مـیـن خیالیم علی دایان بوچولده بزم عشقی بیرقوروم بـو قـاره تـللّـریوه شـانـه مــن ووروم شـرار آهـیـله بـو قـلـبـی یـانـدوروم اورک یـارا گــونـی قــرالـیـم عـلـی خراب اولیدی کاش نـدور بـو روزگـار ائـدوبـدی مـحـنـتـه بـو قلبیمی دچـار مـگـر بـو باشـیمـون نـقـدر بـلاسی وار نــه سـّری وار بـاشـی بـلالـیـم گوز آلـتی باخمـاچوخ یانان دلیم یانیر غــم فـراقـیـوه بــو سـیـنــم اوتـلانـیـر بـو بـاخماغین مـنـه هـامـی غمی سانیر اســور تــنــم اورک مــلـالــیــم عـلـی شـکـسـته نـی کـیـمـیـن نـوا ائـدر آنــان ســالـیـب یــولا سـنـی دعــا ائـدر آنــان دالـیـنـجــا گـلـمـاغــا حــیــا ائــدر آنــان بــو لــورهـامـی کـی مـن حـیـالـیـم علی گـیـدورسـن ایـنـدیکی بـو قانلی مقتله آلـیـبـدی زوفـلریـن بـاجـیـلاریــن الـه بـوگـوز یـاشـیـمـی گـل تصدیقـون ایله گـوزون فــداســی ابـتـلا لـیـم عـلـی ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

نوحهٔ ذبح قربانی اشاره به قربانیان کربلا . علیرضا حضرتی . الله مگر عطشان کسر قربان کسنلر قربان کسنده سو وئرر قربان کسنلر . گؤرسم بیری قربان کسور قلبیم اولار قان غم غصه دن حالیم اولار زار و پریشان زهرا فداسین کسدیلر لب تشنه قربان عالملره سالدی شرر قربان کسنلر . گؤرسم بیری قربان کسور دل داغلارام من گؤزیاشیمی سولموش عذاره باغلارام من ایوای حسینیم وای دیوب قان آغلارام من نوحه ائدللر خون جگر قربان کسنلر . بو رسمیدور قربان کسن وقته الهی قربان کسن گؤزلر کسنده قبله گاهی اما سالوبدی شمر اوزی اوسته او شاهی هاردا بئله ظلم ایلیر قربان کسنلر . قربانلیقا ائتمزله یارب چوخ اذیت بیر ضربتیلن قورتاراللار ذبحی راحت ویردی حسینه شمر اما یدی ضربت آغلار بو غمدن دیده تر قربان کسنلر . مرغ خیالیم پر آچار کرب و بلایه هردم گلر درد و مصیبتدن نوایه افغان ائدر دوشجک گؤزی قتنلی منایه چوخ سنگ دلدور چون گؤرر قربان کسنلر . قربانلاری کرب و بلانون بی مثلدی اما هامیسیندان علی اکبر گوزلدی قانلی عباده عرصه دن اخیامه گلدی چون دوغرامیشدی سربه سر قربان کسنلر . بیر سود امر قربان ائدوب دنیانی نالان نازلی بوغازین بولدی بیر اوچ شعبه پیکان عطشان دوداقین ایسلادوبدی قرمزی قان اول غملی احواله گولر قربان کسنلر . اوردا اوگون یتمیش ایکی قربان کسیلدی یتمیش ایکی قربان هامی عطشان کسیلدی توز باتدی او صحراده چون طوفان کسیلدی اؤزگه جنایت ائتدیلر قربان کسنلر . اول چولده ظلم کوفیان عرشه دایاندی باشلار ویریلدی نیزیه یارب اماندی آتلار ایاقی آلتدا پیکر لر تالاندی زهرانی ائتدی جان به سر قربان #الله_مگر_عطشان_کسر_قربان_کسنلر

چون خلیل اللهی سبحان ذبحه مامور ایلدی اوغلی اسماعیله امر حقی مجهور ایلدی گتدی قربانگاهه نور دیده سین اول با وفا بیر جوان ماه طلعت، شمس منظر، مه لقا امر ایدوب حقه سنی گتدیم ایدم اوغلوم فدا شوقیلن اوغلی قبول امر مقدور ایلدی خنجرین قویدی گلوی اطهر و پاک اوستونه قویمیوبدور قلبینون ذره دوشه باک، اوستونه خنجرین چکدی دوشوبدی ناله افلاک اوستونه کسمدی خنجر اونی حق لیک معذور ایلدی کسمدی خنجر گلونی گوئیا الیافیدور ساحت معبودیدن امر اولدی اوندا کافیدور احسن احسن قلب پاکون لطف حقلن صافیدور ساحت داداره شکر اول عبد مشکور ایلدی سربلند اولدی ایدوبلر منزله رجعت اولار هر آنا اوغلی سفردن گلسه چوخ مسرور اولار گورسه هر مادر گلوده رد خنجر باش یولار جسم هاجردن او خط جان آلدی مهجور ایلدی بیرنچه گوندن صورا هاجر ایدوب ترک حیات بیر گلوده گوردی بیر خط ایلدی هاجر وفات کربلاده لیلیه قیلموبدی منقذ التفات راس پاکین جسم اکبردن کسوب دور ایلدی اکبرین باشین گوروب نی ده ایدوب لیلا نوا کائناتی نالیه گتدی نوای نینوا عرشیدن قان یاغدی فرشه لرزه ایتدی کربلا ساکنان نه سمانی ظلم رنجور ایلدی یا حسین آغلور سنه عاشقلرون اضحی گونی ییرمی گون قالدی محرم تا اولا پیدا گونی فیض بیضانی" ، رمضان" ایستور عاشورا گونی گرچه فیضون قلبینی هر لحظه پرنور ایلدی

سرود غدیر سبک👇🙏 در هوایت بیقرارم ، بی قرارم روز و شب 💐🌸💐🌸💐🌸💐🌸💐🌸💐🌸 شاعر استاد عباسی معروفان اهری شیعیان اولسون مبارک سیزلره عید غدیر روز میثاق ولایت موسم عهد کبیر سسلیون ای شیعه با صوت جلی یا علی و یا محمد یا علی ( تکرار در تمام بندها) 💠💠💠💠💠💠💠💠💠💠💠💠 شیعه لر عید غدیرین شانینی والا دوتار قطره نین امیدی اولسا دامن دریا دوتار کیم ضعیفه یاور اولسا اللرین مولا دوتار محنت دنیاده قویماز شیعه لر اولسون اسیر شیعیان اولسون مبارک سیزلره عید غدیر 💫💫💫💫💫💫💫💫💫💫 آخرین حجونده احمد آلدی حق پیغامینی امته تکمیل ائده ئوز دینینی ایمانینی یار و انصاریله ائتسون منسجم پیمانینی باغلاسون عهد امامت اول نگار خوش ضمیر شیعیان اولسون مبارک سیزلره عید غدیر 💫💫💫💫💫💫💫💫💫💫 جبرئیل اندی سمادن عرض ائدوب یا مصطفا ای رسول کردگار و ختم خیل انبیا وار الیمده رقعه و فرمان حی کبریا جانب حقدن سن اولدون مجری امر خطیر شیعیان اولسون مبارک سیزلره عید غدیر 💫💫💫💫💫💫💫💫💫💫 یا محمد بو پیامون حقینی ایفا ائله حضرت پروردگارین امرینی اجرا ائله بیعت آل ئوز امتیندن حیدری مولا ائله ای شه عالم محمد یا بشیر و یا نذیر شیعیان اولسون مبارک سیزلره عید غدیر 💫💫💫💫💫💫💫💫💫💫 قوردولار منبر چخوب خلاق داوردن دئدی امت چشم انتظاره شان حیدردن دئدی بعد تفسیر ولایت شاه خیبردن دئدی حیدری وئردی نشان سسلندی یاران بصیر شیعیان اولسون مبارک سیزلره عید غدیر 💫💫💫💫💫💫💫💫💫💫 من سیزه پیغمبریدیم سیز منیم پاک امتیم ایندی بو آخر سفرده سیزلره وار صحبتیم مطلبیم راز ولادور روشن اولسون دعوتیم کیم منی مولا بیلردی حیدری بیلسون امیر شیعیان اولسون مبارک سیزلره عید غدیر 🍀🪴🍀🪴🍀🪴🍀🪴

ورود محرم گلوب محرم دللر یانور بومحنتده قدم ورون عشقیله ره ولایتده حسینون عشقی ایلوب خلقی دیوانه ایله فروزان شمعه جهاندی پروانه دلده ذکریمدی یارالی ، ویر منه سن عزا حالی بوینوما سالام عشقیله ، کربلادن آلان شالی لبیک یا ثارالله(۴) هر قدر اولسامدا من اگر پریشان حال دیسم آدون دینجلم محول الحوال ایستمه آدون دوشسون بو ایلده دفتردن حمایت ایلر شهلر همیشه نوکردن گوزومده زمزمین واردی ، دیده پر نمیم واردی سیدی سنلن بولورسن ، آیری بیر عالمیم واردی لبیک یا ثارالله(۴) ئولونجه من واللهی مرید عباسم گوروم او گونکی منده شهید عباسم دوشن قولدا عباسیم منیم گوزوم واردی صفالی قبرین گورسم اونا سوزوم واردی سسله با شورو احساس ، مدد قیل ای شرف ناس اربابیم تک دیرم من ، بِنَفْسِی أَنْتَ عَبّاس لبیک یا ثارالله(۴) حسین قیام ایلوب حقلیله کتاب اوسته حسین شهید اولوب( باجیلار)فقط حجاب اوسته دلده کی ذکریمدی فِداکِ یا زینب چتیندی والله درک ادراک ما زینب عشقینله هم قرین اولام ، سیزیله هم نشین اولام سن باخسان سیدی والله ، زائر اربعین اولام لبیک یا ثارالله(۴) **** نه صفاسی وار حسینه زائر اولماقین الهی بیزه قسمت ایله یارب کربلانی گاه گاهی هرکسین دوشوب اودشته بیر یول عمرده مسیری عمرلر قدر اولوبدی شاه کربلا اسیری شاه کربلا اسیری سلام ای شه عطشان ، قبریوه اولوم قربان دعوت ایله عاشقلر ، قبریوه اولا مهمان کربلا کربلا کربلا کربلا(۴) کربلایه وارد اولجاق اورگیم دولی غم اولدی تا گوروب قزل مناره غرق سیل شبنم اولدی دلده یا حسین آدیله ، باشدا قتلگه یادیله تا حریم عشقه چاتدیم ، فکری آلدیم هر زادیله دیدیم آلتی گوشه قبره آقاجانیم اولسون احسان قاپوین (ایتی)گلوبدی نچه گون قبریوه مهمان قبرین اوسته گلدیم آقا عرض حاجت ایلیم من سینه اوسته بیر دویونجا اصغره لای لای دیم من قاره پرچمین آقا کولگه سینده قالام مجلس عزاده من کربلانی آلام سلام ای شه عطشان ، قبریوه اولوم قربان دعوت ایله عاشقلر قبریوه اولا مهمان کربلا کربلا کربلا کربلا(۴)

سلام توسل به امام زمان ای صاحب زمانه مهدی هایاندسان آقا* مشکلده قالمش امته وئرسس هایاندسان آقا * گل ای زمانه صاحبی قان اولدی سینه لرآقا * دولدی محبت یرینه قلبی لرکینه آقا * بلم کی قلبووی جمالتیم بولاندیرار آقا * نیلوم ستملر اشگیمی قانه بویاندرار آقا* یامهدی صاحب زمان * ادرکنی آقا آقا * بلم کی چوللری دولانوب سینه داغلوسان آقا * بو درد بی دوایه گجه گونذوز آغلوسان آقا * آچ انتقامه آل سنی زهراآنون جانی آقا * یرده قالبودی محسنیله اصغرون قانی آقا * هجرونده گیتدی قلبلرین تاب وتوانی گل آقا * قویمایولوندا دیده احبابی گل آقا آقا * یامهدی صاحب زمان * ادرکنی آقا آقا*

🏴زبانحال حضرت مسلم ابن عقیل 🎼باآهنگ:ای دردبی درمانلارادرمان اباالفضل قاتل منه وئرمورامان    گلمه عم اوغلی جسمیم یاراوئرمورامان گلمه عم اوغلی ذبح ایلویوربوباشیمی بکرابن حمران یوخدورالیندن بیرآلان گلمه عم اوغلی گوزیاشی قاندی    گلمه اماندی(۲) بوکوفه اهلینده وفایوخدی عم اوغلی قول باغلوجسمیمده یاراچوخدی عم اوغلی دشمن ووروب نیره قلج اوخدی عم اوغلی هریاره دن جاریدی قان گلمه عم اوغلی گوزیاشی قاندی    گلمه اماندی(۲) دگموش قلج بولبلره آخدی عم اوغلی بیعت ائدنلر دوره دن باخدی عم اوغلی بکرین الینده خنجری شاخدی عم اوغلی یوخدوردیین صبرائت دایان گلمه اوغلی گوزیاشی قاندی   گلمه اماندی(۲) دیشلر توکولدی سوایچنده جامه گلمه بادصبادن گوندریم من نامه  گلمه چکدی بوظالم ئولدوره بوبامه گلمه ظلمین ائدیرایندی عیان گلمه عم اوغلی گوزیاشی قاندی    گلمه اماندی(۲) ایستوربوظالم ئولدوره مهمانی گلمه ایستورصفیرین ایلییه قربانی گلمه بوبامیدن توکدی بوملعون قانی گلمه قاچدی دالیمدان کوفیان گلمه عم اوغلی گوزیاشی قاندی   گلمه اماندی(۲) مسلم غمینده صاحبی گلدی نوایه باش ذبح اولوب اولموب یتن اورداهرایه آل امیه دویمادی جور وجفایه سسلوردی قان اولدی روان گلمه عم اوغلی گوزیاشی قاندی    گلمه اماندی(۲) ✍ حاج عباسعلی دهقان(صاحب)ارومیه۱۴۰۲/۴/۷ اَللّهُمَّ عَجِّل لِوَلیِّکَ الفَرَج