بنام خدا رباعی ها ودوبیتی های سوزناک از زبان کسی که دور از وطن و در دیار غربت چشم از جهان فروبسته است

: آیریلموشام ائلیمدن منیلن آغلویان یوخ منیم تک بو دنیادا سینه سین داغلویان یوخ قالموشام بو عالم ده دردیمی کیمه دیوم غربت ده جان وئریرم گوزومی باغلویان یوخ

بو سوزی چوخلار بیلور غریبه یانان اولماز وطن دن آیریلانون ددلرین قانان اولماز بو سوز یقین آغلادار داغی داشی دریانی غربت یئرده اولنین قبرینی قازان اولماز

غربتین غم غصه سی منی جاندان سالوبدی قراریمی صبریمی بو غم الدن آلوبدی حسرت بودی چیخوب دی جانیم ولی بیلمورم کیم گوزومی باغلایوب کیم قبریمی قازوبدی

قارداش باجیم ائشیتسه یاغاجاق گوز یاشلاری اولارین گوزیاشلارین سیله جاق یول داشلاری آیری دوشدوم ائلیمدن جانیم چیخدی غربت ده یاندیردی منیم غمیم وطن ده داغ داشلاری

غریبم من غریبم منیلن آغلویان یوخ منیم تک بو دنیادا سینه سین داغلویان یوخ قالموشام بو عالمده دردیمی کیمه دیوم غربت ده جان وئریرم گوزومی باغلویان یوخ

غربت منه وطن دی گله نیم یوخ گئده نیم آز گولوب چوخ آغلورام یوخومدی دیندیره نیم غربت ده جان وئریرم خبر وئرون ائلیمه یولدا قالوب گوزلریم یوخ دردیمی بیله نیم

بنام خدا «قدر پدر» "" "" " گئتسه آتا الدن غم ایامی گورر سن سرو اولسا قدوون بیدکهن ساله دونرسن داغلاردان آغیردی آتانین شأن و وقاری افسوس کی قدرین دم آخرده بیلرسن http://eitaa.com/mo1346 •┈┈••✾✾✾••┈┈• 📌لینک کانال در (ایتا)👆وتلگرام👇 https://t.me/moslm_fakher •┈┈••✾✾✾••┈┈• مسلم فرتوت فاخر