ساتمارام عشقی اوجوز، هر گلنه جان دئمرم کعبیه فاطمه سیز، قبله ی جانان دئمرم زاهدا، منکر زهرایه مسلمان دئمرم کعبه نون چاتسا الیم پرده سینه حائلینه یازارام لعنت اولا فاطمه نین قاتلیه شهادت حضرت فاطمه زهرا سلام‌الله‌علیها تسلیت باد آجرک الله یا بقیة الله 🏴

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلووون ایوینی اِیلدون خراب سالدون بو قلب زاریمه هجران شرارینی دوندردون اولماقونلا علینون دونرگه سین دور گور مزارین اوسته غم آشکارینی ایندی غمونده قلب ایوینی داغلیان منم عرشه یِتورموشم اورکیم آه و زارینی قربان اولوم او قلبه کی گیزلیندی غملری عالم رقم وورا بوله بولمز شمارینی نی تک سزلدورام نئیه بس ویرمیسن جواب اَلدن ویروب و یا کی علی اعتبارینی آخر نه گلدی دلده او مهر و محبته درک اِیت مزارون اوسته بو غملر دچارینی ترک اِیلیوب مزاریون اوستون گیدنمورم هجرون آلوبدی دیزلریمون اختیارینی الله بولور که قبره قویاندا نه چَکمیشم آچدوم مزاریوه گوزومون آبشارینی آغلار گوزوم ساتاشدی ایکی آشنا اَله آلدی او صحنه دلدن علینون قرارینی خجلت تری قارشدی گوزوم یاشینه منیم چَکدیم او لحظه من ایکی دنیا فشارینی سالدی گره گُشایه غریبه گره فلک یغمایه چَکدی ظلمیله دار و ندارینی بولمم بو یرده مسکن اِیدوم یا دوروم گیدوم من بی کسین چَکور بالالار انتظارینی گیدسَم یولوم او سن دوگولَن کوچه دن دوشَر بیر کوچه که خزان اِیدوب عمرون بهارینی زینب نواسی یدی فلکدن کِچوب بو دم سالسا اگر مزاریون اوستن گذارینی... اوندا یقین شور قیامت اولار به پا یاندیردی غم اونوندا دل داغدارینی دنیا بویی فراقیوه قان آغلیام گرک یاد ایلیم یامان گونومون غمگسارینی یاز نوحه آغلا بو غم عظماده ای #عتیق بو فعلیوین جهاندا اِیله افتخارینی #هیت_انصار_الحسین_تبریز #زبانحال_امیرالمومنین_علی_ع #مداح_حاج_یحیی_صادق_پور

در مصیبت حضرت زهرا (س) 🎵سبک: عباسیم علمداریم... ای شمع حرمخانه... یاران چه غریبانه... آی گویده کی اولدوزلار... ای یاره لی طرلانیم... 📝دکتر محمدحسین کتابچی (علومی تبریزی) ➖➖➖➖➖➖➖➖➖➖ شاد اولمادی بیر لحظه دنیاده خانم زهرا اولدی ستم و غمدن افتاده خانم زهرا بو دخت شه لولاک صدّیقۀ کبرادی ریحانه‌ی پیغمبر محبوبه‌ی یکتادی کیمدور بو جلالتده زهرائیله همتادی بی مثل گلوب یعنی ایجاده خانم زهرا ریحانۀ پیغمبر دارای شهامتدی هم‌صاحب عفتدی هم‌معدن‌عصمتدی بانوی گرامیدی خاتون قیامتدی لطفی یتوشر خلقه عقباده خانم زهرا بیر بیله مقامیله بیر بیله جلالیله اون‌سگّیز ایل‌عمر ائتدی‌افسرده‌ خیالیله فریاد فغانیله اندوه و ملالیله اولموشدی مماتینه آماده خانم زهرا گئتدی‌آتاسی اشگین رخسارینه باغلاردی گوز یاشلی خانم هرآن قاره باشا باغلاردی گولمزدی یوزی غمدن آغلاردی چوخ آغلاردی دینجلمدی بیر لحظه دنیاده خانم زهرا ثانی ویروب اود یاندی درگاهی چکوب افغان بطنینده کی سقط اولدی گلزاری اولوب ویران آرتدی غمی ظلمینده شرم ایلمدی دونان هر شام و سحر گلدی فریاده خانم زهرا یارب بحق زهرا ریحانه‌ی پیغمبر لطف ایله (علومیدن) غملر گئده سرتاسر طدقیله دیه نوحه گوز یاشلی ائده ازبر مقبول ائده اشعارین معناده خانم زهرا

شور زنی برای شهادت حضرت فاطمه زهرا سلام الله علیها السلام زبان حضرت زینب سلام الله علیها به قلم کربلایی صابر ثمودی و محمد مهدیزاده 🏴🏴🏴 دور بیله یاتما آی ننه.  منی آغلاتما آی ننه دور خیردا بالالاریوی گوزوندن آتما آی ننه یارالی مهربان ننه.  قدی اولان کمان ننه ای ظلمیدن وجودی گل کیمی بیله سولان ننه الین قویاندا یوزووه اورگیم اود دوتور یانیر سنه باخاندا آی ننه باشیمه بو ایو دولانیر        وای وای یارالی مهربان ننه نه رو به قبله یاتمیسان.  غم و ملاله باتمیسان نه تیز آتام علینی سن بیله گوزوندن آتمیسان ندن بیله سن آغلیسان.  گیجه گونوز نوالیسان قربان اولوم سنه آنا سینیب قولون یارالیسان نه یاتمیسان سنه فدا حسینیوین دو گویلون آل بابام علی غریبیدی آنا اماندی گیتمه قال         وای وای یارالی مهربان ننه سسیمه سس ویر آی ننه.  منی گتیرمه شیونه یاندیرما قلبیمی منیم نه دردین اولسا دئ منه سالیب منی تلاطمه.  سنین سکوتین آی ننه ویا بیر اللی دوتماقین سنین قنوتین آی ننه سینن اذیت ایلییر ننه نفس چکنمیسن قولون سینیبدی آی ننه باشیما ال چکنمیسن        وای وای یارالی مهربان ننه 🏴🏴🏴🏴

🏴شهادت صدیقه کبری(س) 🎼باآهنگ دورای بهارین گل یاسمنی دوشوب آنامیز    بوگئجه   آرالی سینوبدی قولی سینه سی یارالی کفن بلشوب    آنامین قانینا چاره اولانمور   یارلی جانینا یاره وئرور گینه قان قدی اولوبدی کمان(۲) باشی آغاروب یانوب  آغلویورام ئولوبدی جوان سینه داغلویورام قاپوسی یانوب آنام الده ئولوب گوزوم یاشینی ئوزه  باغلویورام یاره وئرور گینه قان قدی اولوبدی  کمان(۲) قاپی دالینا    یئخدیلار آنامی چاغوردی اوگون دادینه آتامی دیوردی علی سقط اولوبدی بالام سینم یارادی گل باغلا یارامی یاره وئرور گینه قان قدی اولوبدی  کمان اولوب غمینه صاحب اشکی روان دیور بالالار گئتمه سن آناجان کفندن آچوب اوایکی قولونی اوشاقلارینی اودی گویلون آلان یاره وئرور گینه قان قدی اولوبدی  کمان(۲) ✍ حاج عباسعلی دهقان(صاحب)۱۴۰۱/۹/۲۸ ✨ اَللّهُمَّ عَجِّل لِوَلیِّکَ الفَرَج✨💫

بی وفایی دنیا ➖➖➖➖➖ جهانه باغلاما دل اهل بو جهان گیده جاق داریخما غم یمه هم یاخشی هم یامان گیده جاق .. اجل یتیشدی داخی هیچ کسه امان ویرمز بو قورخولی یولی اجباراً انس و جان گیده جاق .. قویوبلا نوبته پرونده وی گلر حتماً جلال و ثروتیوه اولما خوش گمان گیده جاق .. بیری ئولنده خیال ایتمه انحصاریدور سراغینه هامینون قابض روان گیده جاق .. بشر عیالنه بش گون قوناقدی دنیاده ضیافتون قوتارار وقتی میهمان گیده جاق .. توجّه اولسا نچه آیه متن قرآندا صراحةً دیوب عالمده هر اولان گیده جاق .. بیری او آیه لرون کُلُّ مَن عَلَیها فان مکانون اهلی بتقدیر لا مکان گیده جاق .. تمام ما خَلَقَ اللهیچون نهایت وار فنایه عاقبت افلاک آسمان گیده جاق .. ستاره لر توکولر نظم چرخ اولار برهم سمایه نالۀ الغوث و الامان گیده جاق .. نهایتون گونی دریالر اود دوتار یکسر شراره کامینه اجسام کهکشان گیده جاق .. او گونکی زلزله ده داده یت اوزون الله دوشر هراسه هامی خلقدن توان گیده جاق

ناله های حضرت امیرالمومنین (ع) در مزار بانوی کرام (س) . #سبک_ای_باد_صبا … 7 سبک اصغر الماسی اهری . ای قبریده دیل خسته یاتان فاطمه لایلای آی مثلی چیخیب غملی باتان فاطمه لایلای قویدون منی تنها بو جهاندا نجه گتدون ائتدون عجله سرو روانیم گجه گتدون بیلمم کی نه اولدی سنه آخر قوجا گتدون تئز مقصدومنظوره چاتنان فاطمه لایلای . سنله اوگچن گونلره حیف اولسون عزیزیم گل تک سارالان پیکره حیف اولسون عزیزیم گویینک توخییان اللره حیف اولسون عزیزیم گل صورتی غمله سارالان فاطمه لایلای . نیسگیل بودی درمان سنه دنیاده یوخیدی گوردوم گویریبدی بدنون یاره چوخیدی سینونده کی یاره ائله بیل جای اوخیدی بین درو دیوار ، قالان فاطمه لایلای . سن دوقوز ایلی زندگیده عالی گوروندون آز گولدی یوزون آتش محنتله بوروندون سیلی اثریندن یوزی اوستونده سوروندون خون دیلینی اشکه قاتان فاطمه لایلای . الله منیم آمال و گواهیم گئدور الدن دنیاده اولان پشت و پناهیم گئدور الدن اَلدن دوتانیم یار وسپاهیم گئدور الدن قویدوم منی آواره اویان فاطمه لایلای . زینب غم هجرونده همیشه ملر آغلار زهرا،حسن اول کوچه دن هرگون گلر آغلار مسمار دری فاطمه جان کیم گورر آغلار دوقوز ایلی مندن اوتانان فاطمه لایلای . #فاطمیه_شهادت ✨اَللّهُمَّ عَجِّل لِوَلیِّکَ الفَرَج✨

زبانحال حضرت امیرالمؤمنین علی ع در قبرستان بقیع(کنار قبر حضرت زهرا س) ■■■■■■■■■■■■■■■ آهنگ: (ایران اگر دل تو را شکستند) ■■■■■■■■■■■■■■■ یاتما ... دور ای ائویم صفاسی زهرا بلالر آشناسی زهرا الیم قالوب بئلیمده سنسیز دور ای دلیم قواسی زهرا یارالی سان یارالی زهرا (4) ■■■■■■■■■■■■■■■ سن سیز... سولوب صفالی لاله زاریم خزان اولوبدی نوبهاریم بقیعده سنله دفن اولوبدی گئدوبدی عزت و وقاریم یارالی سان یارالی زهرا (4) ■■■■■■■■■■■■■■■ گئتدون... علی قالوبدی یانه یانه دوتور بالالارون بهانه وفالی زینبه قالوبدی او قانلی کوینگون نشانه یارالی سان یارالی زهرا (4) ■■■■■■■■■■■■■■■ زهرا ... حسن غمونده سینه داغلور آنام آنام دیور قان آغلور حسین سالور دله شراره جماله سیل اشکی باغلور یارالی سان یارالی زهرا (4) ■■■■■■■■■■■■■■■ گئتدون... عجب منی بلایه سالدون قرار و صبریم الدن آلدون قاپون یانان زمانه دن سن جوانلیقیندا تئز قوجالدون یارالی سان یارالی زهرا (4) ■■■■■■■■■■■■■■■ زهرا ... اورکده وار یانان شراره دچارم ایندی آه و زاره عم اوغلوا بو نسگل اولدی سنی قویوب گیجه مزاره یارالی سان یارالی زهرا (4) ■■■■■■■■■■■■■■■ #دلجو# @deljooy کانال اشعار اصغر گلمحمدی متخلص به (دلجو )