#یاام‌البنین قصیدة : #بیج‌الوفه‌انقاس الرادود : ملامحمدالجنامی الشاعر : وسام‌الشویلی #یبقیٰ_الحسیـن #شهادة_ام‌البنین #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

قصيدة : بيچ الوفه انقاس الشاعر : #وسام_الشویلی الرادود : #محمد_الجنامي #قصاید_الفاطمیه 🏴🏴🏴🏴🏴🏴🏴🏴🏴 بيچ الوفه انقاس وأانتي رفعة الراس مكتوبتلچ احروف بچفوف عباس ام العطايه ~ للغيره رايه بچفوف عباس @@ يا عقيدة كل وفي ويا مثال التضحيه ابنهج الامامه الزود بأسمچ مكتفي والفخر ماخذ من حروفچ وسامه خاف اظلمچ لون گتلچ انتي اعظم مدرسه الدنيا لو يخلص هواها موقفچ نتنفسه شرد اقدسچ وانتي ربچ هذا ذكرچ قدسه لوما ام زينب وزينب~ حصتچ خير النسه ذكرولچ القاب ما يجمعهن اكتاب يحضر ذكر الحسين لو ذكرچ انجاب نور الهدايه ~ للغيره رايه بچفوف عباس @@ انتي مثلچ يامره~ علي دور عنچ وقربچ يريده طيبه حره وطاهره~ وعلي من طبعه يدور عله الصيده انتي اول ما دخلتي وصرتي ابمنزل علي اتلگتچ زينب وگالت هلا ابجية كافلي صحتي يمه آنه ابخدمتچ يالعقيله ادللي خادمتكم اقبليني والشرف هذا الي هذا الفخر وين يلگنه النساوين ابدار الوصي الكرار انتي تگعدين ابدار الولايه ~ للغيره رايه بچفوف عباس @@ يا سمية فاطمه ناذره الحب فاطمه الزهره حياتچ علي حماي الحمه قبلة تتجهين اله ابساعة صلاتچ زينب الحره حياتچ همچ وهمها سوى والحسن وحسين عندچ اغله من هذا الهوى اي جرح لو مر عليهم تنگلب روحج دوى وبالليالي السود الهم شاعله العشره ضوى يا طيبة الروح گلبچ بابه مفتوح وأنتي انذرتي عباس بلسم للجروح هايه انتي هايه ~ للغيره رايه بچفوف عباس @@ ما حضرتي كربله لاچن العباس راوانه حضورچ چان يسگي العايله بأسمچ وللزهره هو الأده دورچ الرايه لمن ترف بيده نعتقد گلبچ يرف وما يجف الجود ندري لأن دمعچ ما يجف إمن المدينه وچان صوتچ عفيه يوليدي الكلف يمه اذكرني ابدمعتك لو وگفت إعله الجرف وإبنچ الوفاي عنه ايسولف الماي ويگول ام البنين بي ربت اهواي وأدموعه مايه ~ للغيره رايه بچفوف عباس @@ بالمدينه گاعده واليصير ابكربله گلبچ يشوفه آ يگلب الوالده إنگطع~ من عباس گطعوله چفوفه طاح عباس وعرفتي حسين كل حيله انهدم والسهم من صاب عينه صحتي آه إعله الخيم ابدارچ وگمتي ركضتي مثل ركضات الحرم وأبو فاضل دار عينه الزينب وبيها السهم صحتي إمن الهموم يمه امروتك گوم ارحم حال الحسين بي شمتت الگوم الخدر سبايه ~ للغيره رايه بچفوف عباس @@ مو الليله ميته انتي ميته بيوم ردلچ ابن حذلم وخبراچ ابدمعته ع الحسين ومنحره وصدره التهشم طحتي من هضمچ وصحتي افا يا عباس افا شلون رهمت راس اخيك يگطعونه امن الگفه ابهيچ حال وأجت زينب والمدامع ذارفه آه يا عباس صاحت آه ي الكلك وفه ماقصر اوياي ابنچ شهم وفاي ومنچ ي ام البنين نتشكر اهواي هاي النهايه ~ للغيره رايه بچفوف عباس 🏴🏴🏴🏴🏴🏴🏴🏴🏴

ارد اسـولف ویـه روحـی و الکـلامـی العنـدی نـوح سـافـروا کـل الأحبهم یمـن اگعـد ویـن اروح😔🖤 #یبقیٰ_الحسیـن #محمد_الجنامـے #ام‌البـنـیــن #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

شـوفـونـه و شـوفـو شسـویـت بیـنـه الـدنیـه😭🖤 #یبقیٰ_الحسیـن #محمد_الجنامـے #ام‌البـنـیــن #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

🖤السـلام عـلـیـك یـا أم الـبـنـیـن🖤 عظـم الله لـک الأجـر یـاصـاحـب الزمــــان بمـصـاب أم الـبـنـیـن 😭🥀 #یبقیٰ_الحسیـن #محمد_الجنامـے #ام‌البـنـیــن #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

#یاام‌البنین قصیدة : #تنشدمن‌الناس الرادود : ملامحمدالجنامی الشاعر : راضی‌الفیصلی #یبقیٰ_الحسیـن #شهادة_ام‌البنین #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

📜 قصيدة : تنشد من الناس ✒ الشاعر : #عزيز_الفيصلي 🗓 التاريخ : صفر 1441هـ 📀 إصدار : بدون إصدار 🎬 الهندسة : محمد عليق 🎥 إنتاج : الإسراء میدیا تنشِد مِـنِ الناس .. چـــن ام البنـين هذا الضعن جاي .. گلولي من وين؟ لا زلم لا بريغ يرف ... هذا الظعن مابي عِرف 🏴🐪🏴🐪🏴🐪🏴 تركـض الوادم والفِـزع بـيـن الـدره والمـا دره مِــن بيّـن سـواد الظـعن كـل الرسـوم مغيّـره شو هالظعن كل ماقرب ماشوف رايه منشّره نسـوان چا وين الزلم طول الظعن شمگصّره من حگها يا ناس .. مـاتقـبل العيــن ذاك الظـعن وين .. هذا الضعن وين زينب ضعنها يختلف ... هذا الظعن مابي عِرف 🏴🐪🏴🐪🏴🐪🏴 زينب ظعـنها من طلع نور وضره وخيـل وزلم والرايـه بچفـوف الشمس والگمر حـدّاي النجم برايـات اهـلهـا امگـبُّعه و امأمـنه ومـا تستــهم بالناگه عبّاس ايحدي مثل الحلم بس مو حلم بالرايـه والروح .. مگبّــعها عبّـاس هودجها بالعين .. ماشافته الناس واثمنطعش كوكب يحف ... هذا الظعن مابي عِرف 🏴🐪🏴🐪🏴🐪🏴 يا ناس زينب من مشت ما ينوصف ذاك الظعن بـالّـليـل گبّـعـها الشـرف والكـربـلا زتـها الـوطـن والنــوگ كـل هـودج خدر وابأيـد كافلها الرِسـن عبّـاس والاكبـر علي باكـتارهـا وشبـل الحــسن طلعت من البيت .. والكـل بأمرها محجـوبه والليل .. مو گد خدرها هيبه وشرف ماينوصف ... هذا الظعن مابي عِرف 🏴🐪🏴🐪🏴🐪🏴 تنـشد ولـن جـاهـا الخبـر يـم البـنـيـن الاربـــعه هذا الضعن هوّه الظعن هذا البقى من الفاجـعه مـن الزلـم بـس رد علـي من بعـد گيـد وجامعه زيـنب تـجر بآخـر نِفـس مو ذيـچ زينب راجعه لن بين الاصوات .. تسمع بشر صاح يا دوحة حسين .. غصن النبي راح ياجرح ظل انزِف نزف .. هذا الظعن مابي عِرف 🏴🐪🏴🐪🏴🐪🏴 ياويـلي مِـن سمـعت بشر صـاح بمصـيبة كربله ياناس الحســين انذبح وانذبحت انصاره وهله حتّـى الرضـيع الّبـالمـهد ذبحّـته نبـلة حـرمـــله بلا روس عريانه الجثث ومگطّعه ابعرض الفله من جسم الحسين .. بس عزلوا الراس بــالأعــوجـــيــات .. روح النبي انداس صاحت بشر لهنا وجِف .. هذا الظعن مابي عِرف 🏴🐪🏴🐪🏴🐪🏴 صاحت له بسّك يا بشـر مو گلـبي اتگــطّع غده آه يالــولــد تدري الولــد چــلّاب گــلب الوالـده لعيـون ابـواليـمه بعـد لــو عنـدي اقدمـهم فده گلّي شبگه بزينب بعد من شافت الصار وسده بيـها الدهر جار .. وين اصبحت وين من بيت الآيات .. تدخــــل دواويــن وبحبال اسرها تنچتف .. هذا الظعن ماب عِرف

#یاام‌البنین قصیدة : #نعش‌الحزن الرادود : ملامحمدالجنامی الشاعر : کرار‌حسین‌الکربلایی #یبقیٰ_الحسیـن #شهادة_ام‌البنین #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

اسم القصيدة : نعش الحزن اسم الرادود :#محمد_الجنامي اسم الشاعر :#كرار_حسين_الكربلائي المناسبة ليالي وفاة السيدة ام البنين عليها السلام 1442 المكان /كربلاء المقدسة / هيئة عزاء شباب كربلاء المركزي 🏴🏴🏴🏴🏴🏴🏴🏴🏴 يهل السمه بصوت الظمه صاحت روحي نعش الحزن خل يندفن بين اجروحي اجي ابظعن چانت تتأمل گضت عمر بس تقرأ المقتل بين اجروحي -------------- من اشفاف اليبست بظماها احچي وكلمات اتمناها ياخذها الريح وتسمعها ام العباس گالوا ماتت من حسرتها اعليه ومانشفت دمعتها ابگبري وظليت ابچي اعليها وآنه ابلا راس امي~هاي امي انتظرتني اسنين امي~ البفراگي ماغمضت عين امي~ اتگول اسمي خادمة حسين چانت وطن حيف الزمن خلاها اتنوح جسمي انسلب الها نحب نحري المذبوح ابغرب حزن ياهم تتحمل گضت عمر بس تقرأ المقتل بين اجروحي -------------- ياقصة غربتها التهضم جيت الطم بس شلون الطم وآنه ابعشر اخيول اتكسر صدري ومهشوم ابچف المابي خنصر ادفع اترابي ورايد من گبري اطلع الگطعوا چبده ابسهم امثلث ابيا حيل ايگوم چانت~ كل ليله اتوديلي ادموع چانت~ تعلگلي عشرتها اشموع چانت~ مثل امي محنيه اضلوع تحني الضلع تعلگ شمع وتقرأ القرآن عگب الصبر عاشت عمر ابيت الأحزان مثل غصن عطشان ويذبل گضت عمر بس تقرأ المقتل بين اجروحي ------------- يوسف من وده اليعقوبه ثوبه اتشافه بشمة ثوبه ام العباس اتسامحني شرسل ياثوب سلبوني ابآخر انفاسي ثوبي وحتى اعمامة راسي يمكن چا ماتت لو شافت شيبي المخضوب تسأل~ عن حالي الرايح والراد تسأل~ ماسألت عن الويلاد تسأل~ يمته اترد يابو السجاد ليل وصبح توگف جرح يم باب الدار تسأل عسن عن الظعن تسمع اخبار تجي ركض لو شافت محمل گضت عمر بس تقرأ المقتل بين اجروحي ----------- للشاطي اطلع من گبري ابشيباتي الحمره ودم نحري اوصل يم گبر العباس وأنحب وياه ونتگابل لو صار الملگه امنه ونبچي اعليها ابحرگه العاشت بفراگي وبفراگه ابدنيا امن الآه ماتت~ والدتي الكلها امروه ماتت~ الجابتلي تاج الخوه ماتت~ هاي ام العشره الحلوه ابعينه السهم راعي العلم وينحب الها ضي ماطفه ام الوفه مشتاگلها بچت دعت لله وتتوسل گضت عمر بس تقرأ المقتل بين اجروحي -------------- چن اسمع صوت الحنيه ماضيع صوت العلويه صاحت زينب بس صيحتها مليانه اجروح ماتدري شگد ناحت لجلك لمن سمعت قصة چتلك گامت ليل انهار اتنادي آ يامذبوح ابني~ آ يبني ظامي وذبحوه ابني~ شنو ذنبه عاري ايخلوه ابني~ امسلبينه ابحافر سحگوه نگعد سوه نبچي سوه وماتغفى العين فوگ النجم شالت اسم ناعية حسين تحن إلك لكن ماتندل گضت عمر بس تقرأ المقتل بين اجروحي 🏴🏴🏴🏴🏴🏴🏴🏴🏴

#یاام‌البنین قصیدة : #عندی‌وصیتین الرادود : ملامحمدالجنامی الشاعر : کرار‌حسین‌الکربلایی #یبقیٰ_الحسیـن #شهادة_ام‌البنین #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ @Mohammadaljanami

اسم القصيدة : عندي وصيتين اسم الشاعر : #كرار_حسين_الكربلائي اسم الرادود : #محمد_الجنامي المناسبة مصاب عاشوراء 1442 المكان النجف الأشرف/هيئة الزهراء للعزاء المركزي 🏴🏴🏴🏴🏴🏴🏴🏴🏴 لاحت مواقيت السفر وحان الوفه التعب السهر عندي وصيتين زينب والحسين حان الوفه التعب السهر @@ من گبل السفر آنه والگمر گعدنه وبچينه وگتله اوصيتي تدري شيّبت وبرباك اتعبت واريدك تجازي تعبي وشيبتي دين الربه~ وشانك توفّي ابدينك كل لحظه اريد اتبوس چف حسينك يمه الأخو إيسمونه بالضيج احزام يحزام ظهر حسين فدوه العينك حلفتك ابهز المهد عباس توفيلي الوعد وأحفظ كلمتين زينب والحسين حان الوفه التعب السهر @@ آنه امن الزغر امسميتك بدر بسماهم تضوّي بدروب الظعن لحسين الچبير خادم يمه صير وگفتك چبيره ايسجلها الزمن يالبيك من دم حيدره ومن دمي بيّضلي وجهي ابوگفتك يالنشمي مو بإسمي~باچر بالقيامه إيصيحون ام خادم ابن الزهره محلاة اسمي يمه آنه اريدن هالأسم ام أبوفاضل والنعم عينك عله اثنين زينب والحسين حان الوفه التعب السهر @@ بالك يبن ابوك تسحگ ظل أخوك خياله التشوفه من عرش السمه من تمشي وراه اتبرك من ثراه ترى حسين ييمه ريحة فاطمه انت وأخوتك ( فَيْ) خيم صيروله والله خلقنه الخاطرك گلوله حتى الهوى أيخنگه المشه عنه حسين شلون اصبر إعله افراگه فدوه الطوله عباس احسب خطوتك اختك وأخوك أبذمتك كل واحد ابعين زينب والحسين حان الوفه التعب السهر @@ يمه ادنه الي وأسمع مايلي أمانه ابرگبتك زينب بت علي هيَّ والخيم حجبّها ابعلم إذا طلبت الغيم تگلها ادللي و أهنا يعباس الحچي اوياك يطول عن خدر زينب يمه انت المسؤول مااريد ظلها ايمر عله اعيون الگاع امربيتك اختك هيج گلها امي اتگول زينب يشيال اللوى خليها بعيونك ضوى وبرگبتك دين زينب والحسين حان الوفه التعب السهر @@ آه إمن الهجر يذبح بالعمر اليودع حبيبه إيعيش إعله الجمر ليل الأنتظار اتمر ساعاته نار هواجس غريبه بأفكاره تمر الرايح منه غالي ينتظر وفاته بين البواچي تنگضي حياته يشبك قميص الفارگه من يشتاگ ومثل الجرح بعيونه ذكرياته باچر چفوفك ماتصح وحسين بعدك ينذبح ويفارگ البين زينب والحسين حان الوفه التعب السهر 🏴🏴🏴🏴🏴🏴🏴🏴🏴

قصائد #الملا_محمد_الجنامي لوفاة السيدة ام البنين عليها السلام 1~ قصيدة #يدفان✔️ 2~ قصيدة #سامحينه✔️ 3~ قصيدة #يافاطمه‌وصلی‌الخبر✔️ 4~ قصيدة #بس‌ابني‌راعي‌النوماس✔️ 5~ قصيدة #يبن‌حذلم✔️ 6~ قصيدة مر بيه يا #وجه‌الفجر✔️ 7~ قصيدة #آه‌واويلاياام‌البنين✔️ 8~ قصيدة #ودعتك‌الله✔️ 9~ قصيدة #ماخذعيوني✔️ 10~ قصيدة #شيال‌العلم✔️ 11~ قصيدة #لوتجيني✔️ 12~ قصيدة #ياأم‌لاتنتظرين✔️ 13~ قصيدة #يماخذ_حياتي✔️ 14~قصيدة #ترجعلي‌يالغالي✔️ 15~ قصيدة #ياحديث‌الدهر✔️ 16~ قصيدة #الهي‌ماتنام‌العين‌سهرانه✔️ 17~قصيدة #من‌اكتب‌اسمك‌عالنهر✔️ 18~ قصيدة #ام‌البنين‌شوط‌كربلائي✔️ 19~ قصيدة #ياگمرليلي‌تسمع‌كلامي✔️ 20~ قصيدة #هايروحي✔️ 21~ قصيدة #راحوابنيني✔️ 22~ قصيدة #منتظره‌كل‌هذاالعمر✔️ 23~ قصيدة #بيج‌الوفه‌انقاس✔️ 24~قصيدة #تنشدمن‌الناس✔️ 25~ قصيدة #نعش‌الحزن✔️ 26~قصیدة #عندی‌وصیتین✔️ 27~قصیدة #میته‌بهجرکم✔️ 28~قصیدة #اناام‌البنین✔️ 29~قصیدة #شکراالظعن✔️ 30~قصیدة #کربله‌سمعت‌خبرها✔️ 31~قصیدة #ابچی‌العین✔️ 32~قصیدة #ماتت‌الیوم✔️ 33~قصیدة #تنشدمن‌الناس‌فی‌المجلس✔️ 34~قصيدة #كربلاء_اسمعيني ✔️ لسهولة الوصول (#)👆🏻👆🏻👆🏻🖤