ورود به کربلا اولدی دوّم محرّم ، باخ نوایه آلله! آلله! کاروان غم یئتیشدی کربلایه آلله! آلله! کربلا نه کربلا کی عین عرش کبریادی کربلا نه کربلا کی درده توپراقی دوادی هم دوادی هم شفادی ، اهل عشقه کیمیادی زائر ائت بیزی او دشتِ ابتلایه آلله! آلله! کربلا نه کربلا کی کعبه دنده باشدی ، یاران! کربلا نه کربلا کی غصّه باشدان آشدی ، یاران! اوردا باوریم بودور کی فاطمه باش آشدی، یاران! ترک ائدوب بهشتی گلدی غم سرایه آلله! آلله! کربلا نه کربلا کی قبله گاه جان اولوبدی کربلا نه کربلا کی اوردا حشر عیان اولوبدی قان حسین یارالاریندان سو کیمی روان اولوبدی قانلی توپراقی دگَر مین کیمیایه آلله! آلله! ذوالجناح دوروب دایاندی آتمادی قدم او چولده یئدّی مرکبه مینوبدی سَروَر اُمَم او چولده هامّوسی توقّف ائتدی ، آرتدی درد و غم او چولده محنت و غم اوز وئروبدی ماسوایه آلله! آلله! ایلدی سؤال عربدن بو بَلالی چول هارادی؟ عرض ائدوبدی«غاضریه» آیری آدی «نینوا»دی «شاطیءُ الفُرات» و «طِفّ» و «ماریه» وَ «کربلا»دی شاهین اوردا دوشدی باشی مین بلایه آلله! آلله! عاشقانه دوشدی دیلدن تابیلن تبه ابوالفضل عارفانه اولدی آگه غملی مطلبه ابوالفضل بیر باخوب حسینه اوّل بیرده زینبه ابوالفضل آهی سینه دن اوجالدی نُه سمایه آلله! آلله! شاه کربلا بویوردی ایلیون بپا خیامی آغلادار بو یئرده دشمن هم آتامی هم آنامی حرمله الیمده اوخلار ظلمیله ، سوسوز بالامی سسلرم کی شاهد اُول بو ماجرایه آلله! آلله! بوردا قانه بیز بویانّوق فرضدور بیزه شهادت خیمه لر اولاندا غارت زینبه اولار قیامت باجیمی قوجالداجاقدی بو شهادت او اسارت دستگیر اولار سپاهِ اشقیایه آلله! آلله! بو چوله منیله گلدی یار اولا قیامه من سیز باغلی قوللاریلا آخر توش اولار ظُلامه من سیز یولاّنار باشیندا قاره شهر شومِ شامه من سیز خوش اولار باشیم باشینا سالسا سایه آلله! آلله! ** سید بشیر حسینی میانجی

ورود کربلا آیریلوب حسین منادن دشت کربلایه گلدی خیمه لر قورولدی یرده قدسیان نوایه گلدی عشقیده اولار که تاپدی نشئه باده ی ولادن الده نقد جان یوموبلار گوز بو عالم فنادن قویمادی سینا مقام کعبه شرّ اشقیادن حجّی ناقص ایلین لر قانلی بیر منایه گلدی شهریار پاکبازان ایتدی کربلانی موطن شوره توپراقی تلسدی ایله سون صفالی گلشن بیر بیر اندیروب بناتین نازیلن کجاوه لردن باغلامشدی عهد و پیمان دوشسون ابتلایه گلدی دشت نینوایه قیلدی دقّتیله بیر نظاره رمز قصّه دن سوز آچدی ویردی امّته اشاره گلمشوک بویوردی بوردا چاتماقا وصال یاره سیز بیلون بو چولده عاشق حقّیچون صلایه گلدی کاروان عشق سوز سیز رتبۀ سیادتوز وار بو مکاندا ابتلا وار غصّه وار شهادتوز وار هم شرار تلخ هجران هم غم اسارتوز وار البلا سوزی قَدَردن اهل لِلولایه گلدی شمع حق بو یرده بیزدن یانماقا گوزل پر ایستر یوسفین بو مصر وحدت قتلگهده بی سر ایستر اکبریم فدا مناده اکبریله اصغر ایستر ویرمگه رضا بو یئرده رهبروز قضایه گلدی سیم و زر یزیدیانون باب معرفت بیزیمدور ذلّت اهل ظلمتوندور شأن و منزلت بیزیمدور ظاهراً ده دامه دوشسوک حُسن عاقبت بیزیمدور جدّیمه شهید عشقون دولتنده آیه گلدی ** سید تقی سیفی اردبیلی

ورود کربلا (سبک: کوچه ها را غم گرفته ) داد او ساعتدن پیاده اولدی سلطان کربلاده سسلدی گلسین عباس نامی ایلیک بوردا بر پا خیامی بو مکان کرب و بلادور مدفن اهل ولادور توپراقی درده دوادور ثبت اولوب لوح قضاده فاطمه قیزلارین ایله راحت راحت اولسونلا تا وقت غارت بوردا اون گون میهمانوک راهی مُلک جنانوک روز عاشورا روانوک جنّته قانلی عباده بیلمسین ماجرانی اوشاقلار زینبی ایلرم من خبردار مشکوی دولدور برادر قالماسین تشنه حرملر صود امر شش ماهه اصغر باغلا بو امره اراده ایلدیم سنله سودا بو چولده منصبون اولدی سقّا بو چولده ای منیم غیرتلی شیریم من شهم سنده وزیریم آی منیم ماه منیریم شهرتون واردی وفاده سن منیم با وفا قارداشیمسان سن یامان گون منیم یولداشیمسان من گرک دینه وئرم قان یتمیش اوچ لب تشنه قربان سنده قولسوز قانه غلطان محنتون مندن زیاده نهر علقمده قولسوز یاتارسان دینون اوستونده قانه باتارسان ویرمیشم امضاء نگاره ساحت پروردگاره گلمسین یاریم شماره پیکریم قالسین آراده امتیم یاد ائدیب آغلاسونلار بو محنده اورک داغلاسونلار کیم بیزه تاپدی ارادت صادق عشّاقه شفاعت ایلروک روز قیامت شاد اولار یوم جزاده یاز (( صفا )) شعروی گل فغانه برگ غفرانه اولسون بهانه ** حاج ناصر تبسّمی اردبیلی (صفا)

ورود به کربلا ‍ (سبک : ای ویرن ویرانه یئرده ) ویر خبر قارداش دایانسون بو غریبون کاروانی اندیرون یکسر بو یئرده عترت آل عبانی کربلا چوخ باصفا دور کربلا کوی وفا دور شیعه‌نین ورد زبانی کربلا دور کربلا دور گر چی قربانگاه اصلی روز ازلدن منا دور بو یئرون وار اختصاصی منبع فیض خدا دور طور سینا دور بو صحرا یا دیار کربلا دور دولدوروب صوت انا الحق بو دیار غم فزانی وار خلیلون افتخاری بیر فدا کسدی مناده من گرگ یتمیش ایکی قربان ویرم بو نینواده بو هوای عشقیله باشیم گزر نوک جداده زینبیم اَرِنی دینده سسلرم من لَن ترانی بو همان یئردور که جدّیم ایلیوب اوّلده اعلان سو یولون باغلار یوزیمه ظلم الیله آل سفیان اصغریم قنداق ایچینده اوخلانار عطشان ویرر جان سرخ رنگ ایلر بوغازیندن آخان قان آسمانی زینبه بولدورمه قارداش یتمشوخ کرب و بلایه گر ایشیدسه نینوا آدین گلر نی تک نوایه چون بولور گوگلی بو یئرده توش اولار تیر بلایه قوللارین باغلار اراذل اوج ایدر عرشه فغانی سینمه دشمن بو چولده داغی داغ اوستن چکللر سن کیمی قارداش غمینده قدیمی قارداش بوکللر حقی اثبات ایتماق اوسته قانمی ناحق توکللر خانه ویران ایلر اعدا خاندان مصطفانی بو همان یئردی کی دویماز زینبیم آه و نوادن باشیمی لب تشنه آخر ذبح ایدر قاتل قفادن سینم اوسته سینه داغلار ساچ یولار زینب وفادن صولدورار باد مخالف بو صفالی گلستانی مایلم قالسون قوم اوسته قانلی نعشیم با حقارت ایلسون باشیم جداده ، آیه‌ی کهفی تلاوت تا جزاده شامل اولسون حالمه اذن شفاعت تا چکم اوتدان کناره آغلیانی آغلادانی ** حسین کریمی مراغه‌ای

ورود به کربلا ورود به کربلا (سبک : زینبم جان اوستیم) بو همان یردور ویروب جدّیم خبر یا زینبا کربلا دور کوی عشقه رهگذر یا زینبا کربلا دور گر چه واردور چوخ بلاسی بو یرین لیک یوخ بیر گلستان ایچره صفاسی بو یرین سن باجی پروانه من شمع وفاسی بو یرین آختاروردوم بو یری شام و سحر یا زینبا آل هاشم کوکب رخشان بو یر چرخ وفا ماه تابنده بو چرخه قارداشیم صاحب لوا من اوزوم مهر جهان آرا اَیا کنز حیا کیم گوروبدور بیله گون اولدوز قمر یا زینبا عشق یارین هر بلالی باشدا بیر سوداسی وار عاشق صادق اودور که عهدینون ایفاسی وار بوردا قارداشون حسینون شور عاشوراسی وار محشر کبرانی ایلر جلوه گر یا زینبا گون او گون اولدی اگر ای باغ زهرایه ثمر توپراقا گوردون توکولدی یتمیش اولدوز بیر قمر گون کسوفه دوشسه ویرسه شام غارتدن خبر اوندا باغلا شامه سن بار سفر یا زینبا عالم ارواحده آلدیم بو مأموریتی ایلیم تأسیس دانشگاه اسلامیتی پخش ائدم دنیایه تا اسلامیده حُرّیتی اولسون اسلام عالم ایچره مفتخر یا زینبا ایستدی اسلامیان یتسون گوزل کامه باجی ملک دین عطشانیدی حق یازدی برنامه باجی سو ویرم قان بارشیندن باغ اسلامه باجی حشره دین اولسون نهالی بارور یا زینبا دین یولوندا سینه می آماج پیکان ایلرم راه حقده جانیمی اسلامه قربان ایلرم قانیمیلن کربلا دشتین گلستان ایلرم گوللّریم دائم اولا مدّ نظر یا زینبا ضربت شمشیر منقذدن گوگل پرخون اولار طرّۀ شبرنگ اکبر قانیله گلگون اولار باش یاراسین باغریقان لیلا گورر مجنون اولار شور عشق ایلر اونی شوریده سر یا زینبا سو یولون باغلار بو صحراده بیزه قوم عدو نازنین اطفالده قویماز سوسوزلوق رنگ و رو ایچمروق سو قویماروق قالسون صولاردا آبرو عاقبت بیر صود امر ، پیکان اَمَر یا زینبا بیر مواسات ایلر عبّاسی جهانه مشتهر ترک ایدر آب فراتی دیل یانقلی دیده تر بیر سویا ال ویرماق اوسته اللریندن ال چکر قانی توپراقدا قویار عالی اثر یا زینبا شهرتون ای دخت زهرا گون کیمی تابنده دور درگهونده (( اعظمی )) بیر سائل شرمنده دور سائلی مأیوس قیترماق سنه زیبنده دور؟ گلمیشم امّیدیله ایله نظر یا زینبا ** مرحوم حاج بیوک اعظمی تبریزی

ورود محرم و ورود کربلا گنه دنیانی غم دوتدی محرم گلدی غم گلدی دیولّه کربلایه کعبه دن میر حرم گلدی گوتوردی اهل بیت عصمتی سلطان عالم جاه چخوبدی کعبه دین کرب و بلانی قصد ایدوب اول شاه یتیشدی کاروانی کربلایه ختم اولوب چون راه باشندا لشگری اول شهریار غم حشم گلدی یازولّا دوم ماه محرم ازدحامیله حجازیلر یتوبلر نینوایه مین نوائیله سعیدان زمان اولدی مقابل اشقیائیله او وحشتناک دشته یوز قویوب قوم ستم گلدی او ساعتده ابوالفضلى حضوره ایلدی احضار بویوردی قافله دورسون بو یرده تا آچلسون بار بو یر کرب و بلا دور ایلیون انصاریمه اخطار یاخونلاشدی ئولوم بیز قومه غملر دمبدم گلدی شهین امریله نصب اولدی چادرلار بیر چوخور یرده گوروب بو وضعی تا زینب گلوبدی خاطری درده غبار غم اوتوردی چهره اولاد حیدرده حضور شاه دینه زینب زهرا شیم گلدی یتیشدی محضر شاهه ملول و زاره افسرده دیدی قارداش بو صحراده گلوبدی خاطریم درده بیور وورسون ابوالفضلیم اوجا یرده سراپرده بو ایش عکسین گوروب صبریم آزالدی چوخلی غم گلدی آتام حیدر هامی دعواده ای شاه فلک درگاه اوجا یرلرده دائم نصب ایدردی خیمه و خرگاه ولی سن عکسینی وئردون نشان بوعرصه ده ناگاه بو مطلبدن فغانه بانوان محترم گلدی اگر بو عرصه گاه غمده قارداش بیر بلا واردور بنات حیدره بی حد بلا و ابتلا واردور بویور کوچ ایلیاخ بوردان یقین بیر ماجرا واردور ائشیتدی بو سوزی نطقه شه عالم اودم گلدی بویوردی توکمه چوخ رخسار زرده گوز یاشون زینب بو صحراده دوشر بی حد بلیاته باشون زینب مگر ممکن اولور بوردان قیتسون قارداشون زینب حسین بو کربلانی مدفن ایتسون لاجرم گلدی بو یرده یکسر انصاریم منیم قانه باتار زینب بو یرده قارداشون مقصودینه آخر چاتار زینب بو یرده یاتماسام من کیم گلوب آیا یاتار زینب هاچان امر خدایه لفظیمه الّا و لم گلدی بو خیمه ایچره لیلا اوغلونا خلعت بیچر زینب او یرده قاسم شهزاده باشیندن گیچر زینب علی اصغریم بوردا سو تک قانین ایچر زینب گوروسن قرمزی جامه گیوب اول غنچه فم گلدی اولاندا عاشر شهر الحرام ای دختر زهرا بو تل اوستن باخارسان رزمگاهه دلده واویلا ابوالفضلین گوررسن قوللارین تندن سالوب اعدا عقاب اوستن گوررن توپراقا صاحب علم گلدی بو تلّی که گورورسن خیمه گاهین روبروسینده ایله مشهور اولار زینب آدونلا گفتگوسینده اولالار بو یرین شاهلار گدالر آرزوسینده پیمبرلر بو دشته قبل از اینکه من گلم گلدی بو تلّه زینبییه آد قویار عالم اولار مشهور سنون خدمتلرون الله یانندا چون اولار منظور مبادا اینجیه قلبون مصیبتدن اولا رنجور بیزه صبر و تحمل حقیدن اولدی کرم گلدی قورولدى خیمه گاهیم بیر چوخور یرده بودور علت یخاندا ذوالجناح اوستن منی اشرار بدفطرت حسینی گورمه سین خوردا اوشاقلار بیر ایله ساعت که قاتل باشیم اوسته الده بیر تیغ ستم گلدی عراقین دشتینی پر شور ایدم شور حجازیمدن گیدنده قتلگاهه چوخ یانارسان سوز و سازیمدن بو تل اوسته اوپرسن سن منیم عطشان بوغازیمدن همان گونلر که دیلده زینبا یاد ایلرم گلدی او یر که جمله یرلردن چوخوردی قتلگاهیمدور او یردن اوج ایدن عرش برینه سوز آهیمدور گوررسن دستمازیم قاندی توپراق سجده گاهیمدور بیله طاعت منه روز ازل اولدی رقم گلدی بو قدری ظلم بیجانی حسین آسان سانار زینب بودور دردیم ولاکن خیمه گاهیم اودلانار زینب ایکی طفل صغیریم خیمه لر ایچره یانار زینب دیوب بو سوزلری داده شه گردون خدم گلدی بیله فکر ایلورم اول شه داخی گفتاریدن قالدى آخوب اشگی عذاره زینبین آرامینی آلدی آچوب قوللارینی زینب حسینون بوینونا سالدى دولوب گوز کاسه سی داشدی یوزه مانند یم گلدی (( حسنی )) آرزو ایلر اولا بیر وقفه زوارون ارادت بسلیوب از بس اولوب دلدن گرفتارون هاچان مایوس اولوبدی درگهوندن بیر عزادارون اگر چه نوحه خوان اولدی و یا اهل قلم گلدی ** حاج حسین حسنی تبریزی

ورود به کربلا (سبک:اصغریم ای شیرین زبانیم) تا حسین کربلایه گلدی عرشین اهلی نوایه گلدی فاطمه سسلدی بالام وای یکسر عالم صدایه گلدی غصه دن ، قلب اهل بیت اولدی کباب اصغره ، باخدی آغلادی غملی رباب دئدی وای حالیوه ای وای بالام لای لای گلوم لای لای(2) **** سسلدی ای سرا پا احساس غیرته مظهر اشجع الناسی قارداشون مقصده یتیشدی ای منیم قهرمانیم عباس ای وفا ، بحری نین فروزان گهری بو چوخور ، یرده نصب ائله خیمه لری منیم ای تیغ الماسیم شجاعت کانی عباسیم (2) **** بو یرین واردی چوخ بلاسی قلبی قان ایلییر هواسی بیردا اوج ایلر آسمانه چاره سیز زینبین نواسی بوردا چوخ ، ظلم اولار گوزل اکبرینه حرمله ، اوخ ویرار سوسوز اصغریمه اولار عطشان قانا غلطان سالار دلدن اونی پیکان (2) **** بو همان محترم مکاندی مدفن اکبر جواندی بو یره جمع اولان جماعت باش کسن خیمه یاندیراندی شمره یوخ ، دهریده جنایتده نظیر باشیمی ، کسمگه او ظالم تلسیر او خصم خالق منان شهید ایلر منی عطشان (2) ** روح اله رمضانی (خاکی)

ورود به کربلا خوش گلوبسن کربلایه کربلایه یا حسین سرزمین پر بلایه پر بلایه یا حسین یا حسین و یا حسین و یا حسین ای وئرن امضا بلایه وعدگاهوندی بو چول قانلی سجّاده آچاندا سجدگاهوندی بو چول ای ‌منیم عطشان شهیدیم قتلگاهوندی بو چول جلوه آرتیر نینوایه ، نینوایه یا حسین شوریلن بو کربلانی جاودان قیل دلبریم دستماز آل بیر نماز آرمان قیل دلبریم گُل لرونله بو کویری گلستان قیل دلبریم وئر صفا لطفونله بو دشت بلایه یا حسین یتمیش ‌ایکّی جان ‌نثاری دوزصفه مردانه تک کارواندان سئچ گوزل عشّاقووی دردانه تک ئوزگه‌لر چیخسون کناره دسته‌دن بیگانه تک وئر شهادت مژده سین اهل وفایه یا حسین محملون ساخلا مهیّا قیل بو چولده محفلون حاضر اول سودای عشقه الده ‌وار هرحاصلون دسته گل باغلا نگاره ‌وار اگر غنچون ، گلون سات اونی بازاریده عالی بهایه یا حسین طالبم ای پاک فطرت پاک اولان احساسیوه یاخشی قیمت وئررّم آخر سوسن‌ وهم یاسیوه رتبۀ باب الرّجا بذل ایلرم عبّاسیوه عشقیلن حافظ اگر اولسا لوایه یا حسین صود امر گلسه فغانه تئز رباب ای وای دئسین آلسون آغوشه رقیّه اصغره لای لای دئسین شاهدان عشقیده یوخدور سنه ‌بیر تای دئسین اصغریلن چون یتر عشقون بقایه یا حسین ** علیرضا حضرتی ( ناعمی )

ورود به کربلا اولماقا آماج بلا گلورم کربلا خاکون ایدم لعل و طلا گلورم کربلا کعبه نی حیرتده قویوب حسناتون سنون وادی سینادی مگر عرفاتون سنون زمزمی شرمنده ایدر بو فراتون سنون سنده ایدم سعی و صفا گلورم کربلا هاردا منانون بو قدر شرف و شأنی وار اصغر شش ماهه کیمی قوزی قربانی وار هانسی خلیلین دیه گوروم، بله امکانی وار تشنه ذبیحاً به قفا گلورم کربلا سنده سپهرین گونی تک باتارام کربلا اصغری آللام سینمه باتارام کربلا اوز قانیمی توپراقووا قاتارام کربلا تا اولاسان خاک شفا گلورم کربلا نده امانت گمیسین سالاجاقلار گِله باب الحوائج بالاسی دوشه جاق مشگله سنده عشایر ساتاجاق سویی بیر جوت اله ویرماقا عباسی فدا گلورم کربلا سنده دمادم آخاجاق یوزومه گوز یاشیم اوغلوم الیمدن گیده‌جاق ئوله جاق قارداشیم عزتّلن الدن اله دوشه جاقدیر باشیم اولماقا تسلیم قضا گلورم کربلا سنده آخار زینبیمون یوزه اشگ تری غارته زهرا قزینون گیده‌جاق معجری سینوی آچ باغریوا باس یارالی پیکری ساخلا منی صبح و مسا گلورم کربلا ** کریمی مراغه‌ای

ورود به کربلا ای کربلانین تپراقی گلدیم قیامت ایلیم قرآن و دیندن دهریده ایندی حمایت ایلیم پیغمبرین فرزندییم مولا علی دلبندییم ای کربلا قربانلارا ایله تماشا بیر به بیر پیکانلارین آلسین اله بو قوم اعدا بیر به بیر ثبت ایلیر تاریخده اهل بو دنیا بیر به بیر هر جور و ظلمه گلموشم دنیاده طاقت ایلیم خنجر چکوبدی قوم کین قانیم یئره جاری اولا بو گلشن و گلزار دین حقّین مناسینده سولا عشقیمده صحرالر گرک الوان اولا قانلان دولا محشرده من عاشقلری یکسر شفاعت ایلیم کوی مناده باش وئرم لازمدی حیّ داوره ائتمز اثر تبلیغ دین بو چولده شمر کافره خنجر الینده دورسا گر یوخ ذرّه باکیم خنجره دینین باغیندان ایندی من گلدیم حفاظت ایلیم بیر تار موی اکبریم دنیادن افضلدی منه قانی صفا وئرسون گرک ایندی بو قانلی گلشنه تا گلستان کربلا قانیله یکسر گلّنه گلدیم بو امّت دردینه ایندی طبابت ایلیم افلاکه اصغر حلقینین قانی سالار شور و نوا من راضییم ای کربلا قرآن و دین تاپسون صفا ثبت اولسون عرشین طاقینه اولدی حسین دینه فدا هم نهی منکر ایلیوب امر عدالت ایلیم ** مرحوم عبداله رضایی غمکش

رود به زمین کربلا زبانحال امام حسین به زینب کبری(س)در موقع ورود به کربلا (سبک : ای درد بی درمانلارا درمان ...) بو کربلا قربانگه جاناندی زینب بوردا حسینون تشنه لب قرباندی زینب جدّیم دِیَن یردور بو یر صبر ایله گورسن صد پاره جسمیم زینت میداندی زینب ** بو یر حقیقی کعبه دور رشک منادور اوغلانلاریم قارداشلاریم بوردا فدا دور عالَم لری آغلار قویان کرب و بلادور بوردا آنام ، جدّیم ، آتام ، گریاندی زینب نوحی سالان طوفانه بو صحرای غمدُور جدّیم خلیله مایۀ رنج و اَلَمدُور بوردا منی غرق ایلین بیر قانلو یَمدُور امّا نجه یَم ؟ قانلو بیر طوفاندی زینب گر چه حجازه سرورم میر عراقم دنیاده امّا قالماقا یوخدور علاقم بو غملی چولده یدّی گون ، باجی قوناقم صبر ایله دنیاده هامی مهماندی زینب گوردون قَدَم قویجاق بورا نه حاله قالدیم قوندی یوزومه غم توزی،سولدوم سارالدیم ئوز مقتلیمدن عطرینی زهرانین آلدیم زهرا حسینه ایمدیدن نالاندی زینب آل امیّه ایلیوب اسلامی بد نام هنداوغلی ایستورقالماسون اسلام و احکام من قویمارام پامال اولا احکام اسلام جانیم بو چولده دینیمه قرباندی زینب وار بو چوله گلماقدا بیر عالی مرامیم ضدّ یزیده باشلانور بوردا قیامیم کاخ یزیدی یخماقا وار اهتمامیم بو فکره مظلومیَّتیم عنواندی زینب باخما باشیمدا بو قشون بو احتشامه یوز دوندروب عمریم گونی ای باجی شامه امّا بلاسی باشیمون یئتمز تمامه گون تک گوررسن نیزه ده رخشاندی زینب بو یر حریم قدسدُور جای بلا دور بو دشتیده سو تک آخان ثار خدادور هر دردمنده توپراقی خاک شفادور هر درده قانلو تربتیم درماندی زینب اولسا هدف عالی گَلَر غَملَر گوارا چوخ چوخ مقدّسدورهدف ای دخت زهرا دوغرانسا قطعه قطعه گر مرآت طاها لیلایه مشکلدور منه آساندی زینب وئرّم باجی بو چولده من بیر جبهه تشکیل فاتح چخار بو عرصه دن آیات تنزیل اولماز داخی کابینۀ اسلام تعطیل بو جبهه حقّ و باطله میزاندی زینب بو جبهه نین عبّاس تک سرداری واردور حیدر کیمی شمشیر آتشباری واردور قویسون سو اوستونده اوزون قوللاری واردور تقدیره عالی خدمتی شایاندی زینب بو جبهه نین دل یاندیران بیر رازی واردور بیر، آلتی آیلیق صود اَمَر ، سربازی واردور تبلیغ دینه چوخ بُیوک اعجازی واردور گر چه اونا پیکان ، دمِ پستاندی زینب هر درد و محنت یوز وئره من سهل سانّام ائتدوقجا شدت درد و غم باجی دایانّام آخر بو چولده تشنه لب قانه بویانّام غسلیم یارالاردان آخان آلقاندی زینب معبودیمه سوز وئرمیشم قالوا بلاده قالسون کفن سیز پیکریم کرب و بلاده اولسون قوناق قانلو باشیم مطبخ سراده مطبخ مگر شایستۀ سلطاندی زینب بیر عمردور نوحه یازار آغلار ((حسینی)) سیل سرشگین عارضه باغلار ((حسینی)) قلبین شرار آهیله داغلار ((حسینی)) منظوری بیر عالی صله احساندی زینب سیدرضا حسینی -سعدی زمان

کیست زینب ؟ کیست زینب مطلع دیوان عشق * سنبل آزاده بستان عشق کیست زینب اُمّ أب را جانشین * تربیت گردیده در دامان عشق کیست زینب دختر شیر خدا * شیر غم نوشیده از پستان عشق کیست زینب اسوه شرم و حیا * قهرمان صبر درمیدان عشق کیست زینب در کمان دین حق * تیر چشم منکر قرآن عشق کیست زینب آن که در نطق و بیان * هست استاد دبیرستان عشق کیست زینب عقل را اوج کمال * عقل اورا در خط فرمان عشق کیست زینب در شهامت بی نظیر * آن که اورا داده حق عنوان عشق کیست زینب آن که با مهر حسین * کرده برپا درجهان طوفان عشق کیست زینب خون حق را خون بها * جان به کف در خدمت جانان عشق کیست زینب کلُّ ارض کربلا * مست از پیمانه پیمان عشق کیست زینب زینت دامان اب * جسم عشاق جهان را جان عشق ژولیده نیشابوری