عزیمت و ورود حضرت معصومه سلام الله علیها به شهر مقدس قم #گریز به #ورود_شام .. .. مرحوم سید احمد یاسر نجفی (ثریا تبریزی) .. .. گلدی خیالیمه گینه بیر ماجرا غریب بو ماجرایه لطف ایله لطفیله یا غریب . موسی بن جعفرین قیزی زینبدن ارث آلوب یوز قویدی طوسه گیتماقا اول باوفا غریب . چیخدی وطندن حضرت معصومه شوقیله یازموشدی اول غریبه امام رضا غریب . زرّین کجاولرده چیخوب ناتوان غم تختین آلوب آرایه ایدوب خوش صفا غریب . دوشدی قباقه قرای قرآن نظامیله آوازیله تلاوت ایدوب هل اتی غریب . بیر نوعی احترامیله زرّین کجاوده ویردی او شهره مقدمی نور و ضیا غریب . صلوات گوندرن او قدر التفات ایدوب دریای چرخی موجه سالوبدور صدا غریب . یانموشدی عود مجمرده دور تختیده دولموشدی عطر و مشکیله صحن و سرا غریب . گور خواهر امام رضانین جلالتین دوشدی خیاله زینب بی اقربا غریب .. .. .. .. #گریز #ورود_شام .. .. گور شام شومه داخل اولوب نه جلالیله یاندی بو حالیدن جگر مرتضا غریب . مرکب سنیق کجاوه ،جلو داری شمر اولوب شامه گیدوب نه حالیله اول با وفا غریب . شام اهلی مجمر عوضینده ووروبلار اود شعله چکوب عمامۀ زین العبا غریب . قرآن تلاوت ایلینی نوک نیزه ده اولموشدی رأس شه کربلا غریب . گزدوردی شام اولونجا او ویرانه شامیده شامه یتوشدی منزل آل عبا غریب . بیرمسجد خرابه ده منزل ویروبدولر نه شام و نه چراغ نه بیر آشنا غریب . گزدی نقدری زینب نالان تاپانمادی بیماره فرش ایتماقا بیر بوریا غریب . یازمور قلم، سنده «ثریا» دایان بس ائت تحریر قیلما، عمَّندن ایله حیا غریب

در سوگ یوسف کربلا ✍مرحوم کاتب اردبیلی . یوسفندن آیریلوب یعقوب اگر قان آغلادی اکبرین اما تاپوب شاه شهیدان آغلادی . . گرچه اولدی یوسف صدیقه مسکن چاهده یوسف کرب و بلا دوغراندی لشگرگاهده تشنه جان وئردی جهاد فی سبیل اللهده ایلدی بو یوسفه اول یوسف افغان آغلادی . . گرچه بیر مدت مکانی یوسفون زندان اولوب شوکت و جاهیله آخر مصریده سلطان اولوب فرقتینده روزوشب یعقوب اونون گریان اولوب ایلدی برپا اوزیچون بیت الاحزان آغلادی . . جان فدای همت یعقوب دشت کربلا گئچدی اکبر تگ اوغولدان ایلدی حقه فدا قالدیار بو همته مبهوت کل ماسوا انبیا و اولیانی قویدی حیران آغلادی . . اکبره هاردان مقابل یوسف کنعان اولور یوز ائله یوسف أونونچون تابع فرمان اولور حقه قرباندور اوزی عالم اونا قربان اولور محنتینده قدسیان اولدی نواخوان آغلادی . . مصربده یوسف جمالی خاص و عامی محو ائدوب اکبرون حُسن رخی قوم ظلامی محو ائدوب جلوه ی نور جمالی اهل شامی محو ائدوب هر گورن زلفی کیمی اولدی پریشان آغلادی . . عالم و آدم فدا شاه شهیدان صبرینه حق یولوندا ال چکن بیله اوغولدان صبرینه آفرین اولسون داخی لیلای نالان صبرینه آغلیاندا نامراد أوغلینا پنهان آغلادی . . اکبر یوسف لقائه «کاتبا» یاز نوحه لر شرح قیل محنتلرین آغلا اونا شام و سحر قیل بو فردی گوشزد جاری ائله اشک بصر تاپدی نعش اکبری شاه شهیدان آغلادی .

کیمدی زینب بیر نمونه قدرت قهاریدن کیمدی زینب رمز رحمت ، رحمت داداریدن کیمدی زینب کهکشان عفتون روشنگری فرد اعلا خاندان احمد مختاریدن کیمدی زینب جدی خاتم دور که کوه نوریده اقرا باسم درسین آلدی چخدی فاتح غاریدن کیمدی زینب باب والاسی علی المرتضی اخذ ایدوب فیض ولادت بیت ذوالاستاریدن کیمدی زینب زاده ناموس یکتا فاطمه روح عصمت یاره گوردی سینه سی مسماریدن کیمدی زینب خواهر سبطین ختم الانبیا رتبه فخر الائمه اخذ ایدوب اخیاریدن کیمدی زینب کاخ عزتده فروغ جاودان صفحه تاریخه زینب قویدوغی آثاریدن کیمدی زینب خطبه سی پرشور و احساس آفرین طرز گفتاری مطابق حیدر کراریدن ✍🏻استاد فقید حاج انور اردبیلی ادامه کتاب قیام زینب

‍ نوحه جوشی سینه زنی 🌹درسبک:دستگاه سه گاه🌹 ......................... ............................ ای ابوترابین-شیر دل بالاسی لشگر حسینون-صاحب لواسی باخ بو چشم گریانه قلبیمیز دونوب قانه الدخیل ابوالفضل الدخیل ابوالفضل -------------------------------------------------- امتحان وئروبسن،سن وفایولوندا هر ندن گئچوبسن ، آشنا یولوندا گور نه صحنه لر وار،کربلایولوندا صحنه لر غم افزادی-دلده غصه دریادی الدخیل ابوالفضل الدخیل ابوالفضل -------------------------------------------------- ای کشیده قامت،وی رشید علمدار حامی عدالت،عاشق فداکار الده قانلی پرچم،اول بیزه هوادار صاحب علم مولا-قوللاری قلم مولا الدخیل ابوالفضل الدخیل ابوالفضل ----------------------------------------------------- یوز وئرنده غصه،غملی دردمنده سندن ایستر امداد،مشکله دوشنده عرض ائدور جوانلار،قبریوه گلنده یابن مرتضی عباس-یار شیعه یاعباس الدخیل ابوالفضل الدخیل ابوالفضل ---------------------------------------------------- ای اولان منای،کربلاده قربان قوللارون فداسی،اولسون اهل ایران دامنون دوتوبدی،حامیان ایران دامنون دوتوبدی،حامیان قرآن سن یتیمووین جانی-آتما اهل ایرانی الدخیل ابوالفضل-الدخیل ابوالفضل سینه زنی دستگاه سگاه تنظیم

🌹باخیرام یولارا یا مهدی(عـج)🌹 باخیرام یولارا بلکه گله زهرا بالاسی گوزومی روشن إده شافع عقبا بالاسی گله قرآندان حمایت إده طاها بالاسی منه گر إتسه نظر عالمه سلطان اولارام گر نظر إتمسده گل کیمی غمدن سولارام هارداقالدون شه بین المللی یامهدی تز گل ای حضرت زهرا گوزلی یامهدی حسنوون یوخدی جهاندا بدلی یامهدی بأبی انت و امی لک روحی بفدا ساییرام جمعه لری بیر به بیر ای کان وفا ای گل سرسبد گلشن عصمت مولا مست مستم ز تولای تو یابن الزهرا تو حبيبيُّ و طبيبيُّ وشفیعی اقا ای خدا صبر سر آمد برسان وقت ظهور جان من بر لبم آمد تو بیا حضرت نور

#آموزش دستگاه ‍سینه زنی توسط استاد سلیم موذن زاده دستگاه بیات اصفهانی👇👇 🥀🥀🥀

‍ شور حماسی گویلرده گزن روحُ الامینین ائوی آباد یئرلرده تبارِ علوی نین ائوی آباد بیر شاهن ائوی بیرده وزیرین ائوی آباد اوّلده حسین سبط نبی نین ائوی آباد اوندان صورا عباسِ علی نین ائوی آباد بیرده ایکی شهبانوی دینین ائوی آباد هم فاطمه هم امّ بنینین ائوی آباد اولادِ علی نخل تولّایه ثمردی نُه طاقه حسین گوندی ابوالفضلی قمردی هانسی سینه دن بو ایکی قارداش صود،امردی شیرین سینه سیندن صود امن عالمه سردی دشمنلری اولاد علی نین ، سگِ در دی دنیاده بئله شیر قوی نین ائوی آباد هم فاطمه هم امّ بنینین ائوی آباد شاه اوغلی بیلون ، سائل و سلطانه باش اگمز توفنده ، اگر ئولسه ده طوفانه باش اگمز عالمده حسین منصب و عنوانه باش اگمز عبّاسه اگر گلسه امان نامه باش اگمز ارزنده دیلر ، هئچ بیری ارزانه باش اگمز سردار و سپهدار زمینین ائوی آباد هم فاطمه هم امّ بنینین ائوی آباد نخجیر شهامتده ایکی شیره ماشالله زهرا بالاسیندا دمِ تکبیره ماشالله عباسیده دستان علم گیره ماشالله کُفّاره ووران ضربت شمشیره ماشالله پستان ولایتده جوشان شیره ماشالله یثربده ایکی ماه جبینون ائوی آباد هم فاطمه هم امّ بنینین ائوی آباد زهرا بالاسی شاهی دی شه نوکرین آتماز عبّاس اونا نوکردی کی نوکر شهی ساتماز چوخ عاشق حسینه گلوب عبّاسینه چاتماز اولاد علی نین قانی دنیا بویی باتماز پرچم کی علی اوغلی اوجالدوب گویه ، یاتماز هم نوکر ائوی هم شه دینین ائوی آباد هم فاطمه هم امّ بنینین ائوی آباد واللهی حسین وصفینه عاجزدی قلملر عبّاسینه خاطر اسوری قاره علملر بو عشقه بو یولدا وورولور هامّی قدملر بوعشقه سولار جوشدی خروش ایله دی یم لر هر چند کسیلدی سو یولی یاندی حرملر هر ایکّی سلیلِ علوی نین ائوی آباد هم فاطمه هم امّ بنینین ائوی آباد واضحدی حسین پیکرینون جانیدی عبّاس واضحدی اونون رگلرینون قانیدی عبّاس واضحدی حسین عشقینه قربانی دی عبّاس عشق اوسته قزیل قانینه غلطانیدی عبّاس قرآن دی حسین حارس قرآنیدی عبّاس شیعه باشینین تاج سری نین ائوی آباد هم فاطمه هم امّ بنینین ائوی آباد تا وئردی بشیر امّ بنینه خبر غم فاش اولدی ، حسین قانه باتوب ماه محرم گوز یاشینی سیلاب ائلیوب مامِ مکرّم دوندی گئده شهره ، دئدی بیرفرد ، همان دم عباسی ندن سویلمه دون بانوی مُد غم؟ سقای علمدار مُبینین ائوی آباد هم فاطمه هم امّ بنینین ائوی آباد باخ گور بو آنا لحظۀ حسّاسینی نیلور سسلندی ، خزان گلسه چمن یاسینی نیلور بارماق کسیلن ، حلقۀ الماسینی نیلور بو امّ بنین یل یلِ اجلاسینی نیلور زهرا بالاسی اولماسا عبّاسینی نیلور قلبی یارالی مام حزینین ائوی آباد هم فاطمه هم امّ بنینین ائوی آباد ای مدّعی گرمیّت بازار بیزیمدی مشرق گوزلی احمد مختار بیزیمدی دریای کرم حیدر کرّار بیزیمدی سقای حرم قولسوز علمدار بیزیمدی لوح اوسته (( مُصَیّب )) یازان اشعاربیزیمدی شعر شرفین هر غزلی نین ائوی آباد هم فاطمه هم امّ بنینین ائوی آباد *** محمد علی مصیّبی تبریزی

زبانحال خانم فاطمه(س) به حضرت علی (ع) (سبک :گل ای امید دل منتظران) عم اوغلی گل باشیمین اوسته الآن ئوره ک سوزون ایلییم ایندی بیان ائدیم وصیّت سنه گل عم اوغلی بتولیدن اوز داخی اَل عم اوغلی سینه ده یاره واریم الده نه چاره واریم یاسلیام غمزده ام باشدادا قاره واریم سنی حسینون جانی حلال ائله زهرانی بو قدری سینوی داغلاما داغلاما عم اوغلی صبر ائت آغلاما آغلاما وصیّ طاها یا علی - امید زهرا یا علی **** عذاره گوز یاشینی باغلاما سن بو داغلی سینه نی گل داغلاما سن سنه چتیندور بو آیریلیق امّا عم اوغلی صبر ایله چوخ آغلاما سن جام صبری جالاما سینه مه اوت قالاما چوخ محبت ائله سن یا علی دورت بالاما سنی حسینون جانی حلال ائله زهرانی بو قدری سینوی داغلاما داغلاما عم اوغلی صبر ائت آغلاما آغلاما وصیّ طاها یا علی - امید زهرا یا علی **** عم اوغلی جان تئز صولوبدور چمنیم ملال و غمدن ارییب بدنیم یورولموشام دام غمده اسیرم اولوبدی زندان منه اوز وطنیم ای منیم همنفسیم غم گونی دادرسیم دویموشام زندگیدن قالماقا یوخ هوسیم سنی حسینون جانی حلال ائله زهرانی بو قدری سینوی داغلاما داغلاما عم اوغلی صبر ائت آغلاما آغلاما وصیّ طاها یا علی - امید زهرا یا علی **** ئوره ک قانی گوزلریمدن سوزولوب اجل تری بو جبینه دوزولوب بالالاریمدان نگران گئدورم آنادان اللری چونکه اوزولوب قویما غمگین اولالار بو آناسیز بالالار گویلونی آل اولارون قویما گول تک صولالار سنی حسینون جانی حلال ائله زهرانی بو قدری سینوی داغلاما داغلاما عم اوغلی صبر ائت آغلاما آغلاما وصیّ طاها یا علی - امید زهرا یا علی ** علیرضا عباسی (احسان تبریزی

شهادت حضرت زهرا (س) ای دولان ابر کیمی نرگس شهلاسی آنا رنگ نیلوفر آلان طلعت حمراسی آنا قاره زلفون دوشوب أی صورتوه هاله کیمی گزلدوب سیلی یرین داغ دل لاله کیمی گل جبینون عرق مرگ دوتوب ژاله کیمی گوسترور عارض رویون اجل ایماسی آنا من بیلردیم نیه خورشیده سالوب سایه سحاب زلف مشگینون اولوب دیده ی مخموره حجاب بی سبب نرگسی مستور ائلمز عنبر ناب عصمتین شرمدی البته تقاضاسی آنا چشم مستونده اولوب گوشه نشین دانۀ اشک دولودی اشک غمیله آنا پیمانۀ اشک مژه وورمور که مبادا بوشالار خانۀ اشک فاش اولار گوز ایوینین سرّ غم افزاسی آنا بئله کیم دانه اشکون گوز ائوینده اوتوروب بئله کیم مژّه پناهینده آخوب حلقه وروب بئله کیم دانه لری ساخلاماقا مژّه دوروب وای اگر مژّه لرین سلب اولا یاراسی آنا موج اشک غمه اولماز مژه دن سدّ و پناه گوز یاشین ساخلیه بیلمز دولانان طرز نگاه داشاجاخ سیل سرشكون یوزیوه خواه نخواه زحمته سالما اوزون قوی داشا دریاسی آنا اشكیله جام سرشکون دولا لبریز اولا گر عارضونده قویاجاخ نقش ملالوندان اثر یازاجاخ واردی درونوندا نه عالم نه خبر دوشه جاخ غملریوین صورته معناسی آنا ظاهراً گر چه هله چشم خمارون باخوری یاندیریر بو باخشون جان جهانی یاخوری لحظه به لحظه آخان نجم سما تک آخوری اود وورور قلبیمه هر نظره تماشاسی آنا نجه کیم شاخه سینار غنچه صولار گل سارالار نجه کیم خار جفا برگی گل اوسته یارالار نجه کیم زاغ و زغن بلبلی گولدن آرالار سنیده مندن آیردى زمن اَدناسى آنا نجه کیم مشرقه آی حال افولونده باخار نجه کیم گوندوزی گون مغربه یتدوقجه یاخار نجه کیم دامن چرخه گئجه لر اولدوز آخار زینبینده آخوری زهره ی زهراسی آنا نجه کیم خون جگر بلبل غمدیده ییَر نجه کیم جامه ی غم مونس اولان غمله گیَر نجه کیم دردینی درد اهلینه درد اهلی دیَر سنده دردون منه دئ عاطفه سیماسی آنا من بیلردیم نیه مندنده دوتورسان یوزیوی زلف مشکین له مستور ایدوسن بیر گوزیوی چکوسن شیوه ی عُزلتله کناره اوزیوی تا که فاش اولمیه دردون غم عظماسی آنا من بیلردیم نیه گاهی تاپوسان حال سکوت گه سیزیلدیرسان ایله اودلانور اهل جبروت دوتوسان بیر الیله حال نمازوندا قنوت سنیله وار هله دیوار و در ایذاسی آنا من بیلیردیم که ندور سجده ده آهسته دعا صبح اولونجه ایدوسن هر گیجه گزلنجه نوا شمع تک واقف حالوندی یانور شاه ولا نای دلدن گلوری (( معتکف )) آواسی آنا ** مرحوم حاج علی اصغر زاهدی (معتکف

حالات حضرت زهرا (س) (سبک : یا فاطمه من عقده دل وا نکردم) یا فاطمه آزاده‌لر نجواسی سن سن عالمده یا زهرا کرم دریاسی سن سن ختم رسالت ، گلزاری زهرا شاه ولایت ، دلداری زهرا قربانون اولّام (۲) یا فاطمه ای نصّ قرآن روح طاها ای افتخار عاشقان عشق مولا محتاجیدی گفتاروه محشرده حورا لازمدی عشاقه جهاندا حُب زهرا ختم رسالت ، گلزاری زهرا شاه ولایت ، دلداری زهرا قربانون اولّام (۲) شأن و شرافتدی قاپوون اهل عزایه ویروک قسم امّا سنی قال و بلایه سال سایووی بیرده سر هر بینوایه قسمت ایله زائر اولاق کرب و بلایه ختم رسالت ، گلزاری زهرا شاه ولایت ، دلداری زهرا قربانون اولّام (۲) امّت ایدوب ایذا سنون حقونده باری الدن گیدوبدی حیدرون تاب و قراری گوزلر گزور دائم خانم گزلین مزاری باخ گور خانم سن حاجیان بی‌شماری ختم رسالت ، گلزاری زهرا شاه ولایت ، دلداری زهرا قربانون اولّام (۲) سندن مدد ایستوله مظلومان عالم قربان اولا اجلالیوه خوبان عالم یا فاطمه چون سنده دی درمان عالم قربان اولا ایثاروه بو جان عالم ختم رسالت ، گلزاری زهرا شاه ولایت ، دلداری زهرا قربانون اولّام (۲) اشعارینی یازدی (( رضائی)) دوتدی ماتم قاره گئیور مولاسینه ماه محرّم یا فاطمه ایله نظر اهل عزایه سن سن فقط یعنی امید هر دو عالم ختم رسالت ، گلزاری زهرا شاه ولایت ، دلداری زهرا قربانون اولّام (۲) ** مرحوم عبداله رضایی ( غمکش )

🏴شهادت حضرت ابوالفضل(ع) 🎼دور ای بهارین گل یاسمنی... 🎼در سبک گل ای امید دل منتظران... ☘☘☘☘☘☘☘☘ گول اوسته صرصر اسیلیبدی نه نه/ داخی امیدیم کسیلوبدی نه نه/ بو قلبیمی غم اوخی بولدی نه نه/ علم دوتان قارداشیم أولدی نه نه/ سیندی بلیم نه نه گل/ یوخ کمکیم نه نه گل/ قانلی منایه دوشوب / آرخام الیم نه نه گل/ وفالی قارداش ابوالفضل حیالی قارداش ابوالفضل یاتان بوایستی قوم اوسته یارالی قارداش ابوالفضل,, اولوبدی پرپر گل یاسمنی بو چولده صد پاره اولوب بدنی/ سالوبدیلارجسمیده قوللاری یوخ/ ووروبدیلار ساغ گوزی اوسته بیر اوخ/ پیکری قانه باتوب / تشنه بو چولده یاتوب/ گوزلرون آچمور آنا / چون منی گوزدن آتوب ,,,, باتوبدی القانینه کل وجود/ وروبدیلار آنلینا آهن عمود/ قانادسیز عنقا کیمی شهپری یوخ/ بو پیکرونده داخی صاف یری یوخ/ پیکرون اوخلار آلوب / ایستی قوم اوسته قالوب/ آی یوزونی بو عدو / گورنجه حاله سالوب,,,, غم اوستونه گور نجه غم قالانوب/ دیوبدی اوخ مشکینه سو جالانوب / جفا وغم طاقتیمی آلوری / بوچولده دشمنلریم ال چالوری/ یار ومریدیم اویان / تشنه شهیدیم اویان/ کرب وبلاده منیم/ سن سن امیدیم اویان,,,/ خیمده من زینبیمه نه دیوم/ سه ساله تشنه لبیمه نه دیوم/ نجه دیوم ساغ گوزون اوخلادیلار/ وفالی قارداشیوی دوغرادیلار/ آهو کیمی اوملر / اشکینی گوزدن الر بولسه رقیه قیزیم قانلی منایه گلر 🙏🏼التماس دعا ✍بقلم کربلایی خوش نواز مرندی 🥀🥀🥀

اوخشاما من فاطمه یم ظلمیله عمریم گولی سولدی دنیاده هـــــامــــــــی غصـــه و غمـلــــر منـیــم اولدی بیـــــر ضربـــه دگوبدور گوزیــمـــه قانیـــله دولـدی قارداش سیزیدیـــــم بسـکه مـنــه وردیلا سیلـی هـــــم گئــتـدی قـبــالم هم اولـوب یوز بـئــــله نـیـــــلـــــــی😭😭😭