دئدوم هلاله نه باعثدی قامتون بئله خمدور جواب وئردی مگر بولموسن محرّمدور دئدوم ندن ارییوب اولموسان ضعیف و نحیف دئدی سالان منی بو درده هالۀ غمدور ائدوب احاطه سراپا ملال هاله مثال هلاله هالۀ درد و ملال توأم درو دئدوم شفقدن اولوب دامن فلک گلگون دئدی بو سرّی سوال ائتمه سرّ مبهمدرو شفق دگل شهدا قانیدور که شام و سحر اولور مشاهده سرخی دلیل محکمدور دگل بو خطّ شعاعی تیکوب عزا عَلَمین سپهر بامینه خورشید قانلی پرچمدور طلوع صبحده ظلمات مغرب شامی سالوب خیالینه آفاق اودور که مظلمدور اولوبدی کرسی عرش اوسته نوحه خوان جبریل ائدوبله فرش عزاخانه عرش اعظمدور وورور صلای[1] محرّم جمیع ذرّاته سما و ارض بو ماتمده غرق ماتمدور او بزمه حاضر اولان انبیای ذوالاکرام ائدن اقامۀ ماتم رسول اکرم دور گییَن قراسینی حوّا و مریم و سارا گلن عزاسینه نوح و خلیل و آدم درو حسین حسین سسی دولدوروبدی شش جهتی دگوب بیری بیره عالم بیر اوزگه عالم دور بسان کعبه سیه پوش اولوبلا خلق جهان دمادم اشک فشان دیده لر چو زمزم دور اولوب بساط سلیمان کربلا برهم بساط عیشی بو ماه عزاده برهم دور اولوب علی قیزی زینب بو آیدا شمره اسیر او زینبی که کمینه کنیزی مریم دور بو ایدا شبه پیمبر شهید اولوب ناکام قیامته کیمی گر اغلیاق گینه کَم دور یتوب امامه مصیبت ، مصیبت اوستوندن نظرده ایندی همان حالتی مجسّم دور یخوبلا قولسوز علمدارینی فرات اوسته یانان بو حسرته شطّ فرات ، علقم دور یتن زمان باشی اوسته گوروب نفس گلمور هنوز گلماقی قانین دلی دمادم دور اَلین قویوب بلینه دلده ذکر وا عبّاس دئدی بوکولدی بلیم آه قامتیم خم دور اَلون اَلیمندن آلوب ایتدیلر شهید سنی بو قوم ایندی منیم قتلیمه مصمّم دور منیم یولومدا اوزوم شاهدم شهید اولوسان مقام و منزلتون حق یانوندا اعظم دور ولی نه فایده سنسیز حیات دنیادن منه حیاتیدن ایندی ئولوم مقدّم دور اگر یاتوب علمون ائتمه غم قیامتده او گون لوای شفاعت سنه مسلّم دور نفس ویریلدی گلوب هوشه ایلیوب احساس یانیندا حاضر و ناظر ولیّ اعظم دور باشین گوتوردی دیزیندن ایاقینه قویدی محبّت عالمینون سرّی اوزگه عالم دور یوون ایاقینه سورتوب دئدی جُعِلتُ فَداک وسیلۀ شرفیم بو غبار مقدم دور دوتوبدی گوزلریمی قان گورنمورم یوزیوی بو آرزوئیله گویلوم هنوز خرّم دور که اوز الونله گوزومندن بو قانی پاک ائده سن گورم جمالیوی بیر دم که دم همین دم دور اوزولدی حسرتیله گرچه دامنوندن الیم و لیک رشتۀ اخلاص الیمده محکم دور «حقیر» چون بو سوال و جوابه یوخدی یولون سکوت ایله بو امره امام اعلم دور

در مصائب حضرت سیدالشهدا(ع)           آغلار دییَر زهرا،ای وای حسینیم وای القان اولان غسلی،وای نور عینیم وای ای نازنین جسمی،تیره اولان آماج ای خیمه گاهینی،دشمن ائدن تاراج گودال خونیندی ای شه سنه معراج ای وای حسینیم وای،ای وای حسینیم وای ای ظلم اعدادن،توپراق اولان فرشی ای گون قباقینده،عریان قالان نعشی عریان قالان نعشی،قان آغلادان عرشی ای وای حسینیم وای،ای وای حسینیم وای ای سو كنارینده،جان بذل ائدن عطشان تابوتی پیكان لار،غسلی اولان القان ای بی كفن جسمین،پامال ائدن عدوان ای وای حسینیم وای،ای وای حسینیم وای ای دوغرانان یتمیش،یاریله انصاری قانه باتان یكسر،یار و هواداری ای جان وئرن تشنه،قولسوز علمداری ای وای حسینیم وای،ای وای حسینیم وای ای آیرلان حسرت،اهل و عیالیندن ای اَل چكن یكسر،جاه و جلالیندن ای چخمیان بیرآن،زینب خیالیندن ای وای حسینیم وای،ای وای حسینیم وای ای گلشن عشقی،تاراج اولان خاره ای اكبری گل تك،خاریله صدپاره چوللرده مجنون تك،لیلاسی آواره ای وای حسینیم وای،ای وای حسینیم وای گؤزدن اوزه هردم،توك اشك سوزانی تا محو ائده دلدن،حق نقش عصیانی خوشدور«شهاب»ائتسن،تكرار او عنوانی ای وای حسینیم وای،ای وای حسینیم وای

🌺🌺🌺🌺🌺🌺🌺🌺🌺🌺 نوحه آغاز ماه محرم 🕋 سبک ( قسمت دوم فایل بالا با نوای حاج نادر جوادی طشت گذاری ۹۶/۶/۲۸ مسجد جامع پارس آباد) 🆔: @aharmaroufan 🔸🔸🔸🔸🔸🔸🔸🔸🔸 هارداسان فاطمه بالاسی باشلانور جددوون عزاسی چکدیلر قاره عرشه دوتدی عالمی یا حسین صداسی داده گل . میر و مقتدا سن سن آقا یاسه گل . صاحب عزا سن سن آقا ☘🌴☘🌴☘🌴☘🌴☘ شیعه بو غمده سینه داغلار عشقیلن باشه قاره باغلار قاره کوینک گیینلر آقا جدیوون ماتمینده آغلار هارداسان . غم نواسی دیللرده قالوب گل اقا ، اصغرین قانی یئرده قالوب 🌴☘🌴☘🌴☘🌴☘🌴 دیللره زمزمه سالان گل شیعه نین فکرینه قالان گل پرده ی غیبدن کنار اول ای حسین قانینی الان گل لطف ائله . آل اله سئنیق قلبیمیزی گلمه سون . کیم بیلر بیزیم دردیمیزی ⛔️ کپی و نشر با ذکر منبع و نام شاعر مجاز میباشد ⛔️ 🌹🌹🌹🌹🌹🌹🌹🌹🌹🌹 🔸 پایگاه حفظ و نشر آثار عباسی معروفان اهری 🆔: @aharmaroufan

‍ احوالات ورودبه کربلا بو  دیار  پر   بلانون  ،   آدی   کربلادی    زینب دانیشوب   بابا   پیمبر  ،  منه   آشنادی    زینب گورونور بو غملی دشتین ، نه گولی نه گلستانی نه سرین هواسی واردی ، نه هراز  نغمه خوانی ایله   بیل    غمه    بوکوبلر ،   طبقات    آسمانی ولی    بو   حکایتیلن  ، گینه   با  صفادی   زینب بورا بیر حرمدی طاهر ، بورا بیر مکاندی اقدس بورا  قُلّه شرفدی  ،  چیخا   بیلمیوبدی   هرکس سویی پاک و بهجت افزا ، قوری تپراقی مقدس بورا  سرزمین   عشق  و محن  و   بلادی  زینب شرف و  حیایه  بیر گون ، چیخاجاق  سنون رسالوُن عُلَما     مقتلینده    ،   یازیلار   گوزل      مقالُون او قدر کی بوردا نی تک ، اوجالار  عزایه  نالوُن منه    کربلادی    امّا   ،  سنه    نینوادی    زینب یخیلاندا      مرکبیندن   ،   یره   با وفا  وزیریم منی   سیلیر     هرایه  ،   او   نگار     بی نظریم یارالی باشی سینمده ، ئولَه جَک یارالی شیریم ندی چاره ایندی دن من ، ئورگیم یارادی زینب گلَه جَک  بو لاله زاره ، کیمین  اولسا  قلبی یاره بیری   الده   گاهواره  ،   بیری   الده   گوشواره بیری قویمارام حرمدن ، اَلی  بوش گیده  کناره بو   کرملی    قتلگاهیم  ،  حرم   خدادی   زینب بورا دور او   یرکی  اوغلوم ، بویانار  مناده   قانه بیری سینم اوسته پرپر  ، بیری  اوخلارا   نشانه بورا   قدّیمی محندن ،  بوکر  اوخشادار   کمانه بورا   جدّ   با وقاریم  ،   بویوران   منادی   زینب اون اوچ ائیلده ثابت اولدی ، منه قاسمون وفاسی واریدی ئورکده آرزیم ، گیه طویدا طوی لباسی فَلَکین  ایوی  یخیلسین ،  باتاجاق  قانا حناسی بو سفر   بو   نوجوانه  ،   سفرِ   عزادی    زینب **  غفاری اردبیلی

‍ #طشت_گذاری ‍ ‍ ‍ ورود ماه محرم -طشت گذاری با توسل به حضرت امام زمان (عج) رضا ماه پری زنجانی گنه یابن الحسن باشلاندی ماتم یاسه گلدوک سو توکدوک طشته گوزدن ماتم عباسه گلدوک چاغیروق داده یاری اوزون قولی نگاری مریدان ابوالفضل قورالار طشت گذاری ایدر دل نوا......گلر بو صدا ایاباب الحوائج 2 بیز عباس اللریندن آلموشوق درده دوانی هرایل عباس آدیلا باشلاروق بزم عزانی اوخولار نوحه خوانلار ویرار سینه جوانلار گورنده طشت و مشکی گلر جوشه بو قانلار اورکلر یانار....یانار اودلانار ایاباب الحوائج 2 سنی زهرا ابوالفضل سالما بو جمعی نظردن باجون زینب مزارین گل ئوزون قوتار خطردن گلوب زینب نوایه سنی سسلیر هرایه دیر قارداش ابوالفضل دوشوب باشیم بلایه اورک داغلیدی.... یولوم باغلیدی ایاباب الحوائج 2

السلام علیک یا ابوالفضل العباس علیه السلام آغاز محرم (طشت گذاری) استاد کلامی زنجانی یازدیق ابوالفضلین آدین پرچمه یابن العسکری ایله نظر بو مجلس ماتمه یابن العسکری هایانداسان (2) گل آقا یابن العسکری طشت عزانی قویموشوخ نوحه غم دیه دیه هامی گلوب بو ماتمه سن گلموسن نیه گل اوخی روضه جدیوه سنده دی اصل مرثیه بیزده سنیله ایلیاخ زمزمه یابن العسکری ای یارالی فاطمه نین جانفشان اوغلی هارداسان قلبی شکسته نرجسین قهرمان اوغلی هارداسان کرب و بلا شهیدینون قان آلان اوغلی هارداسان آیریلیقون سالوب بیزی مین غمه یابن العسکری من دیمورم عزایه گل دلده کی احساسه گوره آغلار همیشه باغبان پرپر اولان یاسه گوره باخ بو قرا گیینلره اوز عمون عباسه گوره چک بو عزانی ساحل علقمه یابن العسکری ساحل علقمین غمی قد حسینی ایتدی خم ایندیده بین الحرمین وادی غمدی بیش و کم قانلی نشاندی هر ایکی گنبدین اوسته کی علم تا اولا غصه منتشر عالمه یابن العسکری گل بویور اشقیا نیه اصغره سو ویرمدیلر دست امامیده مگر دیل دوداقین گورمدیلر ووردیلار اوخ بوغازینه هیچ اونی دیندیرمدیلر یاره سینون نیازی وار مرهمه یابن العسکری گل آقا خشکبند ایله صود امرین گلوسینی آخسا قانی اوتاندیرار او قهرمان عموسینی حرمله قویدی قلبیده ربابین آرزوسینی هی دیدی اولمادی بالام صود امه یابن العسکری گل آقا پشت پرده ده قالما ابوالفضله گوره گوزدن علی شیعه لرین سالما ابوالفضله گوره ویردیگیوی (کلامیدن) آلما ابوالفضله گوره بیرده اماندی چک الون سینمه یابن العسکری

سبک👆🙏 حاج سید محمد عاملی اردبیلی یازدیق ابوالفضلین آدین ♦السلام علیک یا اباعبدالله الحسین (ع)♦