نوحه ترکی اصغریم ای شیرین زبانیم اصغریم ای شیرین زبانیم ای منیم روحیله روانیم یات بالام ایله استراحت خسته سن بار گول ستانیم اغلاما آغلاما قوربان او آخان گوزلریوه سینه مه حسرتلی باخان گوزلریوه بالام لای لای گولوم لای لای بالام لای لای گولوم لای لای اوت توتوب یانیرام بالام لای دردیوی قانیرام بالام لای ایستیرم سسلیم ابوالفضل شرمیدن قالیرام بالام لای لالای ای دردی آلاسین درده سالان لالی لای ای حسرتی اورکلرده قالان بالام لالی لای گولوم لای لای آچمادین دیل ، غمیم چوخ اولدی قلبیمه ، نیسگیلین اوخ اولدی هر یئری سودان اوتری گزدیم حیف اوللا حاصیلیم یوخ اولدی عف ایله اللریوی ، گر باغلامیسام منده سن تک سحرجان آغلامیشام آغلاما قوربان او آخان گوزلریوه سینه مه حسرتلی باخان گوزلریوه بالام لای لای گولوم لای لای علی بوش بشیگ یاندیرار آنانی خیمه نی هی دوروب دولانی دییرم آه و حسرتیله آختارون قره گوز بالامی‌ اورگیم ایستیری سسین، آغلا بالام اللرین باغلی دییر آغلا بالام اورگیم ایستیر سسین آغلا بالام لالی لای ای حسرتی اورکلرده قالان بالام لای لای گولوم لای لای بالام لای لای گولوم لای لای

اوچ پر اوخ بیچوب گل بوغازیوی لاله تک قیزیل قانه باتمیسان سو ایچوب و یا راحت اولموسان دینجلوب بو نوعیله یاتمیسان گوزلرون فداسی اولوم اوغول یا بو بیکسی گوزدن آتموسان بیرده آچ گوزون باخ علی منه اود دوتوب یانور قلب مضطریم سو یرینه اوز قانینی ایچن ای دل آچمیان دلسیز اصغریم اولمادی صودیم اوچ گیجه گوندوز سن سیزیلّلادون منده آغلادیم خیمه لرده من بیر ایچیم سنه سو تاپانمادیم سینه داغلادیم چاره تاپمادیم اللرون قویوب عاقبت قماط ایچره باغلادیم باغلیاندا من اللرون سنون کاش اوغول سینیدی بو اللریم سو یرینه اوز قانینی ایچن ای دل آچمیان دلسیز اصغریم چالدی عمریمون جام عشقینی ظلم الیله دست قضا داشا آفتاب صبح امیدیمی قویمادی یتیشسون فلک باشا اولدی دهریده عمرون آلتی آی سنّون حیف اولا یتمدی یاشا صرصر جفا ئیله آچماموش پرپر اولدی سولدی صنوبریم سو یرینه اوز قانینی ایچن ای دل آچمیان دلسیز اصغریم گلشن صفایه علی قالوب نازیله وفا تیری ساچمادون گورمدوم اقلا دانیش ماقون حیف ناز دانم دل آچمادون صود امر اوشاقلار کیمی اوغول دوتمادون ایاق بیر جه قاچمادون قالدی دیلده بو حسرتیم منیم تا ئولونجه ای نیک منظریم سو یرینه اوز قانینی ایچن ای دل آچمیان دلسیز اصغریم هر مارالین اوخلانسا سویگولوم صود امر بالاسی یانار ملر ناله سی ایدر عالمه اثر تیر آهی قلبی اوغلی دلر تا ئولونجه سن تک سیزیلیوب سیل تک ئوزه گوز یاشون الر آلگیلان بالامون دیر اوزون انتقامون ای حی داوریم سو یرینه اوز قانینی ایچن ای دل آچمیان دلسیز اصغریم کینۀ زمانه ایدوب اوغول بختیمون ایوین گور نیجه خراب سن سو ایستدون ویردی حرمله ناز گلوم سنه تیریله جواب تشنه لب سوسوز قانه باتماقون ایلیوب آنان قلبینی کباب هانسی سمته روحین قوشی اوچوب ای سمای عزتده اختریم سو یرینه اوز قانینی ایچن ای دل آچمیان دلسیز اصغریم

من ربابم آغلاماقدان دوْیمارام اؤلۆنجه من بۇ قاره‌نی سوْیمارام مدینه‌نین خانیملارێ دینمه‌یین عزالیام باشا حنا قوْیمارام من ربابم فاطمه‌نین گلینی اوّل دئدیم بلالره بلینی بۇ نیسگیله اؤلۆنجه من آغلارام اصغریمین باغلامێشدێم الینی درک ائتمه‌دیم اشاره‌وی دوْیۇنجا اوْخشامادێم اوێخ یاره‌وی دوْیۇنجا دیلسیز گئتدۇن سنه دیل اؤرگه‌تمه‌دیم ترپه‌تمه‌دیم گهواره‌وی دوْیۇنجا من ربابم دییه‌ره‌م دردیمی هر آن بالاما آغلارام شام-وْ-سحر دیده‌سی گیریان بالاما هر زامان دۆشسه منیم یادیمه هیجران گئجه‌سی ائیله‌ره‌م صبحه کیمی ناله-وْ-افغان بالاما

آهو کیمی ملرم قان یاش یوزه الرم سنی سالوب یادیمه قونداق آچوب بلرم اولدوز گویه دوزولر خمار گوزلر سوسزولر آهو ملر سس گلر منیم قلبیم اوزولر آننوندا قاره تئلون گورمدیم شیرین دئلون قالدی سندن یادگار سینمده دورناق یرون گوندوز گئجه آغلارام اورک باشین داغلارام گلسون منیم سینمه اوخ یاره وی باغلارام سینوب منیم شهپریم قان اولوب اشک تریم سو ایچمیشم صود گلور الو لیور دوشلریم باخچادا گول درمیشم دلبره گوندرمیشم بیر اولان اللهیمه سنی قربان ویرمیشم فلک دانوب دوزومی باتیروب اولدوزومی تاری قبول ایلسون منیم املیک قوزومی

ای تشنه شیر خواریم گوللر گلابی لا یلای ای تشنه شیر خواریم گوللر گلابی لا یلای قویدون نیه اوغولسوز بی کس ربابی لایلای سو فکرین آت باشینان یات سینم اوسته اوغلوم اوخلار سنه سالیبلار قان رختخوابی لای لای ای شیرخواره لایلای ای ماه پاره لایلای اوخ حلقیوه دگنده قلب پیمبر اسدی سن ال ایاق چالاندا سردار خیبر اسدی فکر ایلدیم او ساعت بر پا اولوب قیامت گول لبلرین اسنده یر اسدی گویلر اسدی چکدیم اوخی یارانان باخدیم فراته ساری سسلندیم آی ابالفضل گل آل بو شیر خواری السیزده اولسون الدوت آواره قالمیشام من قارداشیوی بو چولده اولدوردی شرمساری ای شیرخواره لایلای ای ماه پاره لایلای ای کاش گوریدون اوغلوم لایلای دیگنده زهرا من گوز یوماندا گویا آرام اولاردی دنیا الان دیم عزیزیم ای کاش ننم اولیدیی بیر یول دسیدی لایلای آغلاردی قانلی صحرا یوم گوزلرین دیردی ای شاهزاده لایلای قول باغلی دست خالی گئدیم جهاده لایلای لیلا نه بختوردی قلبیم یانور ربابه اخیامه کاش گدیدیم قانلی عباده لایلای بیر شاه دردمندم دلبرلریم اولوبدی بیر عده با شرافت همسنگریم اولوبدی

عمودی: ‍ سینه زنی حضرت علی اصغر علیه السلام ای غنچه دهن لای‌لای، پیکانی امن لای‌لای قبری ننه‌ده‌ن گیزلین، قونداقی کفن لای‌لای لای‌لای گوزه‌لیم لای‌لای، شیرین غزه‌لیم لای‌لای یاز گونلری گول وقتی، سولموش خزه‌لیمب لای‌لای آخر گئجه سینه‌مده بیر حالدا سارلمیشدون چون شمعِ شبستانی یاندوقجا آزالمیشدون بیلدیم سَحَره خاطر، جبراً دیری قالمیشدون بیلمَزدی ندیر دردون سویلَردی گورَ‌ن لای‌لای آشفته هواسیله، فکریم کیمی مُختلّم هر آن اوزومو تاپسام بیلسَم یئریوی گَلَّم بیر آز سود امیب، یاتسون منده بالا دینجَلَّم خوشدور دویا دلبندون اوندان دییَسن لای‌لای نسبت آنا عشقینده بیر ذرّه مجاز اولماز قانلی دوداقون اوپسَم جان نقدینه آز اولماز کیم بیلمیرَ‌م اورگَتدی، سنده بئله ناز اولماز آغلا سسیوه قربان چاللام تَزَدَ‌ن لای‌لای شش‌ماهَمیله بِش آی گزدیم نئجه داغ داشدا ال گاه دعادئیدی، گه سینَده گه باشدا ایلّیک قوچ اولار قربان، هئچ اولماسا بیر یاشدا ایلّیک یئرینه اَملیک قربان کسیلَن لای‌لای هر گون نئچه یول اوغلوم، مندَ‌ن سود اَمَردون سن دویجاق منه هر لحظه نازیله گولردون سن آرتیق سودو آغزوندان اطرافه سَپَردون سن تئز-تئز سنی اوخشاردیم قربان سنه من لای‌لای یادیمه دوشَر یارون هر دم دییَرَ‌م جان جان اولمادی سودوم مندَ‌ن اولدون بئله رو‌گردان لب تشنه چیخان جانه، شرمنده ننون قربان قویدون منی چوللرده یات قبریده سن لای‌لای آغ دوشلوگ اولار طفله، پاکیزه برازنده داشلانسا سود آغزیندان سالماز لکه روبنده آغزوندان آخیب قانون ای آهویِ زیبنده سینونده چیچه‌ک بیتمیش خنداندی چمن لای‌لای

طفلان حضرت زینب س ئولسون باجون گورّم گوزون گریاندی قارداش  اوغلانلاریـم جانیــم سنـه قربانـدی قارداش  سن آغلاسون قان آغلارام  قلب جهانی داغلارام  صبر ایله قارداش (2)    دُرّ ســرشگـون ایلمـه رخســاره ارزان  اولسون ئوزوم اوغلانلاریم ای جان جانان  بیـر تــار مـوی اکبـره میـن دفعه قربان  بو سوز منه عشقیم ویرن فرماندی قارداش  حفظ ایت وقارون آغلامـا ای شاه خوبان  دشمـن قباقینـده دایـان شاداب و خندان  زینب باجون اولسون سنه هر لحظه قربان  عشقونده جان قربان ایدم ارزاندی قارداش  سن راحت اول‌زینب سایار بو دردی ساده  شرمندیـم فِدیـم حسیـن یـوخ فوق‌العاده  حاشا سـالام اولادیمـی بیـر یـولدا یـاده  هــر تـک تکـی قربانـی قرآندی قارداش  درس عَمَـل مـن آغلیـان نسوانـه ویرّم  گـر ممکن اولسا جانیمـی جانانه ویرّم  میـن اوغلومـی قربـان رَه قـرآنه ویرّم  دینـون بقـاسی دهریده چون قاندی قارداش  غیرت خروش و جوش ایدور زینب قانیندا  ایمـان قانیـلان سیر ایدور یورقون جانیندا  اولاد آدیـن مــن دوتمـارام لیــلا یانیندا  اکبر کیمـی اوغلی ئولـوب نالاندی قارداش  عالَـم بیلـور اکبـر نجـه نازلـی بالیدی  هـر بیـر نگاهـی قلبیـدن طاقت آلیدی  ای کـاش ئولیـدی زینبون اکبر قالیدی  لیـلا سینـه دنیـا یوزی زنداندی قارداش  دنیــا و مافیهـا هامـی قرآنــه قربان  اوغلانلاریم جانیم ئوزوم جانانه قربان  قربانلاریم سن ویردیگون قربانه قربان  اظهاریمه خندان یوزوم برهاندی قارداش  من بیر الی بوش بندَیم گُللر سنوندی  اکبر حضورینده گوزل اکبر سنوندی  من بسلین گللر حسین یکسر سنوندی  صر صر ویروب گلزاروی تالاندی قارداش

طفلان حضرت زینب (ع) ساغالمیاندی ای خدا اورک یاراسی زینبون بویاندی قانه هر ایکی گوزل بالاسی زینبون خبرویروبله دورخانم اوگل جنازه لرگلور دوشوب قباقه قارداشون بوغمده دیده ترگلور یانورشرارمحنته خیامه خون جگرگلور گلورتسلی ویرمگه غم آشناسی زینبون ایدوب تحمل بلا اوباوفاداریخمادی نه وای دیوب نه آغلیوب حصارصبری یخمادی اوتوردی خیمه گاهیده دوروب قباقه چیخمادی جهانیانی حیرته سالوب حیاسی زینبون دئدی قباقه چیخمادیم حسینه منت اولماسین وفالی قارداشیم گرک غریق محنت اولماسین گوزومه دوشسه گوزلری باخوب خجالت اولماسین بوغمده عرشه چیخماسون گرک نواسی زینبون گورنمرم حسینمیمون دونوبدی قانه گوزیاشی بلا چولونده دوغرانوب ستمله یارویولداشی اورکده چوخ یاراسی وار ئولوبدی اوغلی قارداشی حسین سیز عالمه دئدی یوخ اعتناسی زینبون حسینی گورجگین دوروب ایاقه عرض ایدوب اخا گوروم بو حالیلن سنی بیلورسن اولمارام رضا اماندی اولما ناگران سنه بو گوزلریم فدا سنی گورنده دل غمین گیدور قواسی زینبون شهید اولوب یتیشدیلر لقای حی داوره چاتوب مرامه دوشدیلر یوز اوسته قانلی سنگره بو فخریدور قوشولدیلار یارالی اوغلون اکبره فدادی اکبر اوغلوا ایکی فداسی زینبون نه اگلشوب عزا دوتوب نه باش آچوب نه آغلارام نه غصه دن عذاریمه سرشگ چشمی باغلارام ئولونجه اکبر اوغلوا جهاندا سینه داغلارام دوشر جهاندا دیللره بودور وفاسی زینبون سبک_دل_شب_ایلیوب_سفر

طفلان حضرت زینب (س) 🏴🏴🏴🏴🏴🏴🏴 گل پرپر اولدی گللرون هارداسان زینب گل باغلا قانلی گؤزلرین باغریقان زینب آه و واویلا، سسلن یا زهرا الحق گؤزل اوغلانلارون حقّه یار اولدی عشق اوسته هر ایکّی بالون جان نثار اولدی اورگتدیگون درس وفا آشکار اولدی راه شرفده وئردیلر امتحان زینب غملر حسینون ایلیوب قلبینی القان چیخ پیشوازه قارداشون صبروه قربان آزاده خو اوغلانلارون گلدی میداندان جانان یولوندا اولدولار جان فشان زینب ائتمه پریشان قلبیمی بی قرارم من بسدی اوتاندیرما منی شرمسارم من آند اولسون اکبر جانینه داغدارم من یاندیرما یانموش قلبیمی مهربان زینب الحق الوبلار درس عشق عالی مکتبدن عالی حمایت ائتدیلر دین و مذهبدن بو شیردللر شیر اولوب شیر زینبدن احسن بئجرمیشسن ایکی قهرمان زینب ئوز قویدولار میدانه چون مرد مردانه هئچ باخمیوبلار کثرت قوم عدوانه ناگه ویروبلار اؤزلرین موج طوفانه حیران قالوبدی عرصه ده دشمنان زینب لحن حجازیلن ائدوب چون رجز خوانی تنگ ائتدی بو رزمنده لر خصمه میدانی قیردی داغیتدی قهریلن خیل عدوانی احسن دئدی اولادوه قدسیان زینب سسلردیلر ای کوفیان ایلروک اخطار بیزده ایکی آزاده دن ارث غیرت وار هم جدّیمیز حیدردی هم جعفر طیّار دوشدی او سؤزدن وحشته کوفیان زینب بو سسلینده شوریلن بیر اوجا تکبیر او اندیریردی غیضیلن ضربت شمشیر تکبیری شمشیر ایلیور گؤردولر تفسیر عرشه اوجالدی عرصه دن الامان زینب وئرمیشدیلر چون دالدالا بو ایکی قارداش دوشموشدی ظلّ ذلّته زمرۀ اوباش یورغون چاغیندا اونلارا سو اولئیدی کاش سوز عطشدن اولدولار ناتوان زینب سویگوللرون دوشدی باجی دام اشراره تنگ اولدی عرصه اول ایکی خسته دلداره سبقت ائدور گؤردوم او دم اوخلار اوخلاره واردی یئری قلبون اگر اولسا قان زینب التماس دعا

طفلان حضرت زینب سلام الله علیها ای سرور و مولا حسین بند دل زهرا حسین اکبر ئولوب تک قالموسان جان یا حسین جان یا حسین ایثاره رخصت وئر منه اوغلانلاریم قربان سنه من زینبم غم خَسته سی پاک عشقوین دل بسته سی درده گتوردی قلبیمی مقتلده کی هَل مِن سسی یانسون گوروم دنیا بئله قویدی سنی تنها حسین عشقون ازل پیمان گونی پی ریزی قرآن گونی عهد ائتمیشم قربان وئرم جانانیمه قربان گونی طومار پیمانه ووروب زینب باجون امضا حسین سالما شرار غم دله ساقه سولا باخما بئله قارداشلارون قانه باتوب یالقوز دوشوبسن مشگله گتدیم ، باجون اوغلانلارون قیل عازم دعوا حسین عشقون سعادتدور منه هجرون مصیبتدور منه قربانلاری تئز سال یولا فرصت غنیمتدور منه قوی عشقیمه ایثاریمه احسن دئسون زهرا حسین پیمانیمون پابندیَم فرمانِ حقّه بندیَم فاخر اولوب ایثاریمه عفو ائت منی شرمندیَم قورتار خجالتدن منی ای نفسِ کَرَّمنا حسین سیارۀ بختیم باتوب دشمنلریم کامه چاتوب اوغلان نه لازمدور منه اکبر عبا ایچره یاتوب هاردا اولا مینلر اوغول بیر اکبر لیلا حسین دیدار یاره نائلم درمان عشقه مایلم قیترمه بو قربانلاری من درگهونده سائلم آل برگِ سبزِ زینبی فرض ائت گل حمرا حسین مشتاق محنت دور دلیم خمدور بلالردن بئلیم آز تحفه می چوخ فرض ائله شرمنده ام بوشدور الیم قیل ذره پرور لطفیوی بو زینبه اعطا حسین رحم ائت بو زار و مضطره سالما تَمَنّاسین یره چاتماز ایکی اوغلوم منیم بیر شیر خواره اصغره قربانیوه قربانلیقا لایق دیلر اما حسین حاصل شه کرب و بلا قربانلاری سالدی یولا گلدی ئولوم میدانینه بیر جوت کبوتر قول قولا قوشلار قاناتلاندی اوچا ائتدی دعا آقا حسین سرعتله سیر ائتدی زمان قوزاندی صوت الامان سولدوردی زینب گوللرین تیرِ جفای کوفیان ئولدوک دائی امداده گل صوتین ائدوب اصغا حسین آچدی حسین همّت پرین تیهولره اولدی قرین گتدی خیامه زینبون جاندان دوشن آهولرین یکسر حرملردن گوگه قالخوب صدای واحسین آل عبای خون جگر گیسو پریشان دیده تر خیمه سراده زینبه بو مطلبی وئردی خبر پرپر گتوردی گوللرین بی یاور و یارا حسین گلدی اوغوللارون آدی زینب ئوزین سندرمادی یالواردیلار چخ خیمه دن اصلا یریندن دورمادی گورسون دئدی قوی زینبی صبر و غمه دریا حسین من پیروم اوتادیمه زهرا کیمی استادیمه رهبر حضورینده چتین ایوای دیم اولادیمه مین وای اوغول دان خوشدی من بیر یول دئسم مولا حسین ✍منکلام:سیف الشعرا استادحاج سید تقی سیفی اردبیلی ‍

گل ای امید دل منتظران یا مهدی گل ای امید دل منتظران باخروخ یولا نگران نگران آل اله حسین علمین آقاجان گوزوموزه قوی قدمون آقاجان یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) گوزلریم آقا یولارووا باخور سنسیز ئورگیم دارخور دارخور انتظارون الیندن دینجلمدون گِچدی بو جمعه گلمدون گلمدون قویما هجرونده یانیم جانیوه قربان جانیم گل قدمونن ئوپوم گل باشووا دولانیم ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) گل ای یگانه یادگار علی گل ای وارث ذوالفقار علی گل ای مرات حق لم یزلی گل ای جهاندا گوزللر گوزلی یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) ای کرامتی ئورکدن حاتمه بو فراقه گل ویر آقا خاتمه گون کیمی بولوت آتدا قالما نهان بیز هئچ منتظردی یارالی آنان یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ئورگیمده وار بیر عمده نیتیم ایت دعا اولا کربلا قسمتیم کام دله گر یتمسم ئولرم کربلایه گر گیتمسم ئولرم یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) هاچان گلیسن آقا قان آلاسان دشمنلرین جانینه اوت سالاسان شیعه لر گزلور گلسن گلسن هارداسان غریب آقا یابن الحسن گل یتیش امدادیمه ایله نظر حالیمه بیزلری ایله دعا سن بیل آنان فاطمه ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 چوللری پریشان دولانما آقا عالمی سراسر توتوبدی جفا یاندرور ئورک لری درد و ملال شیعه لرین قانی اولوبدی حلال گل دوش ئوزون قاباقا شیعه دورا ایاقا سنله پیاده گداخ کرب و بلایه آقا ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 غموزده آقا بیز ئورک داغلاروخ محرم اولاندا قرا باغلاروخ جانیمیز قربان گوزلرون یاشینا سن آغلاما چوخ آقا بیز آغلاروخ یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) گلزارولانین گوزل گولوسن ئورگیم نجه دارخیب بولوسن ردایله نقابون باخاخ یوزوه قربان اولاخ حیدر باخش گوزوه یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی ول ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 )

الا یا اهل العالم ، انا الامام القائم انشا ءالله اول گون اولار یوسف زهرا الینده ذوالفقاری گلر و سسلر: انا بقیة الله خیر لكم و انا الذی املاءُ الارض قسطاً و عدلاً و جدی حسینین ندای هل من ناصر ینصرنی و هل من معین یعیننی سس وئرر و دیر: الا یا اهل العالم ، انا الامام القائم . الا یا اهل العالم ، انا الصمصام المنتقم . الا یا اهل العالم ، انَّ جدّی الحسین قتلوه عطشاناً . الا یا اهل العالم ، انَّ جدّی الحسین طرحوه عریاناً . الا یا اهل العالم ، انَّ جدّی الحسین سحقوه عدواناً . ای اهل عالم ، آگاه باشید كه من امام قیام كننده ام . ای اهل عالم ، آگاه باشید كه من صمصام انتقام گیرم . ای اهل عالم ، آگاه باشید كه جدم حسین را تشنه شهید كردند . ای اهل عالم ، آگاه باشید كه جدم حسید را عریان رها كردند . ای اهل عالم ، آگاه باشید كه بدن جدم حسین را از روی دشمنی خرد كردند . وحید قربانعلی زاده