زبانحال حضرت زینب کبرا(س) زینبم دیده ترم خون جگرم یوخدی کسیم یورما ای چرخ دنی تنگه دوشوبدی نفسیم یورلوب آه دیلم بیرکسه چاتمور بو سسیم یوخدی بیر یاد ائدنیم درد فراقه یانورام بو غربب ئولکده بیکس لیگمه اوتلانورام گوزلریم یولدا قالوب یوخ گلنیم یوخ گیدنیم یدی قارداش باجی سیدیم ولی یوخ یاد ائدنیم شامده منتظرم گلموری داد یئتنیم الیم الدن اوزلوب باری حسینم گله کاش گوزومی باغلاماقا نور دو عینم گله کاش شامیده بو غربا باغی اولوبدی قفسیم کربلا عاشقیم تربتینه وار هوسیم دفن اولوب اوردا منیم قانه باتان دارسیم بو خیال عالمینین علتی وار آختارورام غم هجرانه دوزوم یوخدی اورکدن یانورام فکریمی مشغول ائدوب شامیده قارداش فراقی بله احوالیله من آغلادارام نه رواقی سالارام یادیمه هرگونده او عطشان دوداقی خیمه دن آیرلانی شاه ِ زمن غملی چاقی ئوپموشم من بوغازین غمزده مادر سایاقی خنجر آلتندا ئولوب کرب و بلانین قوناقی قان ایچنده چالشوب دهریده دینین دایاقی نعشینی پامال ایدوب عرصده آتلار ایاقی او قدر یاره دگوب پیکرینه شان شان اولوب سویولوب تنده اولان پیرهنی عریان اولوب یدی ضربیله باشین شمره دنی ائتدی جدا یارالی قانلی باشا منبر اولوب نوک جدا غملی چاقینده گزوب نیزده اول میر هدا سانکی بو فرقه ی نادان چکوب عیسانی دارا یارالی باشی عدو گور آپارور هاردان هارا اوخویوب آیه ی قرآن فلکه سالدی صدا خولیه اولدی قوناق مطبخی بنذردی طورا او باشین دیدینه گلدی آناموز باشدا قرا قالدی حیرتده آنام خولینن اول کینه سینه گوتوروب قانلی باشی باسدی یواش سینه سینه دیدی ای قانه باتان لبلری عطشان بالا وای توخونان قلبینه اوچ شعبه لی پیکان بالا وای دوغرانان گول بدنی پیکری شان شان بالا وای قتل غارتده اولان خیمه سی سوزان بالا وای ساربان قطح ائلین اللری ال قان بالا وای ** بایرام قیچلوئی (غملی

زبانحال حضرت زینب(س) درحال احتضار (سبک:نهرفرات اوسته) زینب بی یاور و یارم پنچه ی محنتده دچارم جان قوشی سینمده چالیخلور صورتیمه ژاله نثارم قالوب گوزیم یولدا ، گزور غم ساق صولدا گوزوم وار جان اوسته ، او صولتلی قولدا حسین تز گل (۲) جان یغشوب سینمه قارداش گوزدن آخور سئل کیمی قارداش قلبی سینق غملی غریبم آغلیور احوالیمه داغ داش باجون آغلور غملی ، دیور گوزلر نملی گرک جان اوستونده ، اولیدیم همدملی حسین تز گل (۲) زینبم آخر نفسیمده قلبیمی غملر گوزی داغلار باغلامشام چوخ ئولنه گوز کیم نگران گوزلری باغلار چالار یللر لایلای ، دیللر زینب وای منه غربت یرده ، دوتار یاس اولدوز آی حسین تز گل (۲) سسلدیم از بس سنون آدون سس یورولوب سینه ده باتدی حیف اولا اما یورولان سس نه وطنه نه سنه چاتدی آخور یورقون گوزلر ، گوزوم یولون گوزلر بو اوتلی قلبیمده ، قالور نسگیل سوزلر حسین تز گل (۲) جان وئرورم گل باشیم اوسته زینبوه ایله حمایت گورمیه لر خوار و شکسته زینبوی ئوزگه جماعت منی گل قویما تک ، چتیندور خوار ئولمک ثواب ایله قارداش ، باجوا بیر باش چک حسین تز گل (۲) گل اوخی قارداش منه قرآن جان وئرورم گوزلری گریان علقمه سن تشنه باخان تک وصلوه زینب اولوب عطشان اسن دیل رام اولسون ، باجون خوش کام اولسون سنی گورسون گوزلر ، ئورک آرام اولسون حسین تز گل (۲) عالم عیادت ائده مندن گوزلیورم من سنی قارداش زحمته دوشسونده کرم قیل چک بو حسینچی باجوا باش باجون آغلور غملی ، دیور گوزلر نملی گرک جان اوستونده ، اولیدیم همدملی حسین تز گل (۲) گل کسیلن اللرویله باغلا بو آغلار گوزی قارداش گلمسون ئولسم گوزی یولدا ئوزگه لر اوخشار منه آغلار چالار یللر لایلای ، دیللر زینب وای منه غربت یرده ، دوتار یاس اولدوز آی حسین تز گل (۲) کرب و بلا شامه اوزاقدی ناله سسیم یولدا یورولدی اوت کیمی هر دشته یتشدی شعله دوتوب ناله اوجاتدی آخور یورقون گوزلر ، گوزوم یولون گوزلر بو اوتلی قلبیمده ، قالور نسگیل سوزلر حسین تز گل (۲) سسله گله قولسوز ابوالفضل تا گوره لر یاریم ائلیم وار بیرده گورم قانلی جمالون جسمیمی جان ترک ائده راحت منی گل قویما تک ، چتیندور خوار ئولمک ثواب ایله قارداش ، باجوا بیر باش چک حسین تز گل (۲) تشنه نی سیراب ائلیلّر اولسا اگر هر کیمه امکان دشمن اونی وئرمدی اما سن منه ائت وصلوی احسان اسن دیل رام اولسون ، باجون خوش کام اولسون سنی گورسون گوزلر ، ئورک آرام اولسون حسین تز گل (۲) ** غلامرضا هادی اردبیلی

زبانحال حضرت زینب کبری (س) درحال احتضار ( سبک: کجائید ای شهیدان خدایی … ) حسین گل زینبون نالاندی قارداش گوزی یولدا قالوب گریاندی قارداش نه قارداش واردی نه باجی یانیندا سنیق گوگلون گل آل احساندی قارداش اولوب ورد زبانیم ، حسینیم جان حسینیم باجون جان اوسته دورگل ، اوخی قرآن حسینیم یارالی جان یارالی (2) بیلورسن که سنه وابستیم من اودور هجرانیدن چوخ خستیم من سنی جان اوسته تاپدیم قتلگهده گل ایندی تاپ منی جان اوستیم من چتین وقتیمدی قارداش ، چیخور آهیم سمایه دینن عباسه قاره ، گیوب گلسون عزایه یارالی جان یارالی (2) بلا دشتیندن اولموش قامتیم خم توکولموش باشیمه بس محنت و غم سوسوز جان ویرماقون چخموریادیمدان آخور اشگیم او دور علت دما دم الون یوخدور دیم سیل ، آخان گوز یاشیمی سن ولیکن آل دیز اوسته ، بلالی باشیمی سن یارالی جان یارالی (2) منی سال یاده ای زهرا بالاسی کی عمرون یوخ منه سن سیز صفاسی سنی گورسم چیخاردردیم یادیمدان که چونکه دردیمون سن سن دواسی سنی گورسه بو ساعت ، باجون راحت ویرر جان گلن یوللاره قربان ، گل ای شاه شهیدان یارالی جان یارالی (2) منیم تک غم چکن دنیاده اولماز چمن ایچره منیم تک لاله سولماز دولوبدور گوزلریم از بس یاشیلا بولوتلار آسماندا بیله دولماز سنون درد و غموندن ، صولوب گل تک سارالدیم یاریم گونده بوکولدی ، بلیم قارداش قوجالدیم یارالی جان یارالی (2) منه همدم اولولوبدور سوز و سازیم داخی باشه یتور راز و نیازیم بو آخر خواهشیمدی ایندی سندن ئوزون گل کربلادن قیل نمازیم منیم حالیمه آغلور ، بیابانلاردا داغ داش بو غربت یئرده تیز گل ، منی قوی قبره قارداش یارالی جان یارالی (2) ** محمدتقی میرزایی

حضرت زینب کبری (س) زینب آدین یازان زمان درد و غمه قلم گلور پیچ و خمه دوشور ئورک خانه قلبه غم گلور داغ باشینا یاغیش یاغان وقته نجیکه چم گلور نظم مصائبین یازام دفتره مین رقم گلور مین رقم آزدی دردینون یوخدی شماری زینبون مظهر خیره النسا بانوی مرتضی نسب فخرالائمه شهرتی نفسی زکیه منتسب درس نخوانده عالمه عقلا عقیله العرب عاشق واجبات اولان عامل فعل مستحب شانینی آرتیروب اودور حضرت باری زینبون فاطمه دن اولان قیزا فکر ائلمه نظیر اولی اللی بش ایل حسین دئدی گئتدی حسین گئدن یولی قبر ائوین گئدوب بو گون غملریله اورک دولی توختامیوبدی ایندیده قمچیلر اینجیدن قولی اولدی خزان گل آچمادی فصل بهاری زینبون ** (مرحوم حاج انور اردبیلی)

زبانحال حضرت زینب (ع) در موقع وفات قالوبدی یولدا گوزلریم الهی گلمدی حسین دعایه قالخوب اللریم اللهی گلمدی حسین او زینبم الهی من چوخ ایسترم حسینیمی یتور چتین زمان منه عزیز‌ عالمینیمی گوزوم ایشقلانار منیم گورنده نور عینیمی الهی صابر اولمشام گلنده هر بلایه من گلیلیم بو شامیدن او شاه کربلایه من حسین ئولور بو شامیده بلالره دوزن باجون فراقوه دوزنمدی حسین بو شیر زن باجون دوشوبدی اختیاریدن او داغ داشی گزن باجون سالوب بلا کمندینه بو غربت اولکده منی گل آخر عمریده گوره بو ناتوان باجون سنی سنون غمونده یا حسین همیشه قاره سالمشام مراموه گوره حسین خرابه یئرده قالمشام سنون همیشه عطروی او کوینگوندن آلمشام او قانلی کوینگون حسین بو قلب و جانه بسته دی آلاندا کوینگون اخا بو داغلی سینم اوسته دی باجی ئولنده قارداشی همیشه آختارار گوزی حسین قالوب باخا باخا یولا بو زینبین گوزی بو زینبین ئورکده وار حسین سنه نهان سوزی گل ایندی سوزلریم دیوم سنه وفالی قارداشیم او گوزلرون فداسییم دونوبدی قانه گوز باشیم دمشقه گل بو زینبی قوتار سن انتظاریدن حسین بو زینبون دوشوب نه جور گور اختیاریدن سنی چوخ ایستین باجون دویوبدی روزگاریدن ساغالمییان بو دردیمون دواسی الرونده دی شکسته قلبیمون حسین شفاسی الرونده دی گوزوم باخور دمشقدن کنار نهر علقمه نولار باخا بو شامیده او قوللاری قلم منه کفن گتورسه وار یئری او صاحب علم منه او سرویمین کسو بدیلر شقاوت اهلی خولارین کسوبدی اهل کین اونون آتام اوپن او قوللاری الهی گوگلیم ایستیور او شیر خواره اصغری یتور منه بو شامیده او قاسمیله اکبری اولار گله که باغلیار یولا باخان بو گوزلری بو((رستمی)) یازان زمان چوخ آغلیوب بو سوزلری الهی رحم ایله اونا آخان زماندا گوزلری ** علی رستمی

مرثیه قلبیمی غملر آلیبدی، باجی غم‌خواریم اؤلوب محرم اسرارینه اوْل، محرمی اسراریم اؤلوب گل وئریم، پرچه‌می سن ساخلا، علمداریم اؤلوب زئینبیم، نهر-فرات اۆسته سیپهداریم اؤلوب کسیلیب قوْللاری، غئیرتلی علمداریم اؤلوب کسیلیب قوْللاری، غئیرتلی علمداریم اؤلوب قارا معجر باشینا باغلا، باجی گئت، اوْتور قارداشینا آغلا، باجی گئت، اوْتور قارداشینا آغلا، باجی یارالار سینه‌سی‌نین اۆسته گۆلوستان کیمیدیر اوْ، قدر اوْخ توْخانیب، جیسمی نئییستان کیمیدیر گؤزلریندن ایراغ اوْلسون، اوْ قدر داش وۇرولوب پئیکری شان-شان اوْلوب، زۆلفو پریشان کیمیدیر باشا چؽخماز بیلیرم، باجی، بلاسی باشیمین اؤلنیجن قۇروماز چشمه‌لری گؤز یاشیمین مین ایل عؤمروم اگر اوْلسا، سۇیا حسرت باخارام سۇ کناریندا، سۇسوز جانی چؽخیب قارداشیمین سۇ کناریندا، سۇسوز جانی چؽخیب قارداشیمین باشین آلدیم سینه‌مین اۆسته دئدیم، جان قارداش قؽزلاریم گؤزلری‌نین قانینا قۇربان، قارداش گؤردوم آهسته دئییر، آی گؤزومون نۇرو، حسین اؤلورم، باشیمین اۆسته اوْخو قرآن، قارداش قارا معجر باشینا باغلا، باجی گئت، اوْتور قارداشینا آغلا، باجی گئت، اوْتور قارداشینا آغلا، باجی دئدیم آچ گؤزلرینی، وصلینه حسرت چکیرم اوْ، گؤزل گؤزلرینه باخماغا، دیقت چکیرم مۆمکون اوْلسا، دئدی، سن ده گؤزونو باغلا، حسین اۆزومه باخما، الیم بوْشدو، خجالت چکیرم اۆزومه باخما، الیم بوْشدو، خجالت چکیرم آغلاییب، یاره‌لنن قلبیمی یوْرما، اؤلورم... گؤز یاشی‌یلا بو بیابانی سوْوورما، اؤلورم سنی وئررم قسم، اللرده اؤلن فاطمه‌یه منی، اکبر کیمی اخیامه آپارما، اؤلورم

ای شه خراسان ٬ خراسان ٬ سلام علیک ضامن غریبان ٬ غریبان ٬ سلام علیک . . . نازم آن حرم را که بوی جنان می دهد جمله بی کسان را پناه و امان می دهد مژده رجا بر همه عاشقان می دهد عشق ما رضاجان ٬ رضا جان ٬ سلام علیک . . . صحن با صفایت صفای دل زائرین ذکر نام پاکت جلای دل مضطرین روشن از چراغ وجود تو ایران زمین آبروی ایران ٬ ز ایران ٬ سلام علیک . . . کفتران مهرت چه مستانه پر می زنند سائلان کویت چو دیوانه در می زنند جمله امامان سرای تو سر می زنند دلبر امامان ٬ امامان ٬ سلام علیک . . . کن مدد رضا جان به ملکت سیاحت کنم تا رواق پاک و ضریحت زیارت کنم سائل تو باشم به کوی تو عادت کنم ملجا اسیران ٬ اسیران ٬ سلام علیک . . . غم به دل نباشد اگر تو پناهم دهی از کرم به دربار شاهانه راهم دهی در حساب محشر به نیکی گواهم دهی شافع محبان ٬ محبان ٬ سلام علیک .

ورود مدینه زبانحال امام سجاد (ع) 🎼 سبک: عطری گلور محرمین... 📝 هدایتی تبریزی ➖➖➖➖➖➖➖➖➖➖➖ اهل مدینه خسته دور ،                روح و روانیمیز بیزیم کرب و بلاده دوغرانوب ،                پیر و جوانیمیز بیزیم بیر آغیر امتحان وئریب آه و فغانه گلمیشوق یثربه قانلی بیر علم الده نشانه گلمیشوق مین غمه مبتلا ائدیب دور زمانه گلمیشوق وار یئری دائما آخا اشک روانیمیز بیزیم اهل شقاوت ایلدی حرمت حقّی پایمال دوغرادی حق طلب لری فرقهء گمره و ضلال بیر ستم ائتدیلر بیزه درک ایده حاش اونی خیال عرشه اوجالدی ناله و آه و فغانیمیز بیزیم اجر پیمبری بیزه تیغله وئردی کوفیان مسلخ عشق ده قانا باتدی قوجا ، اوشاخ ، جوان اوچ پر اوخا بوغازنی اصغرین ائتدیلر نشان قانی افق دا حشره تک قالدی نشانیمیز بیزیم رهبریمیز شهید اولوب قالدی قوم اوسته پیکری باشی ورولدو نیزیه غارت اولوب حرم لری قطعه به قطعه ایلدی اهل جفا او سروری درک ایلینده پیکرین گئتدی توانیمیز بیزیم سولدو نبیّ اکرمین کرب و بلاده گلشنی تیر و حسام و نیزه لر یاردی صفالی سینه نی اوغلو اولن آنالارین آرتدی فغان و شیونی گوزیاشی اولدو آخدی هی قلبده قانیمیز بیزیم شانی اوجیدی باشلارین نیزیه اولدولار سوار سیره چخیب جلالیله شهرلری دولاندیلار خوار اولا چرخ سفله نی آل پیمبر اولدو خوار غصّه دن اولدو دار قفس سفله جهانیمیز بیزیم آل رسولی آتش ظلموله ناره چکدیلر اهل شرر ملک سیر قومی شراره چکدیلر بزم شرابه چکدیلر بزم قماره چکدیلر حرمتمیز ایاقلانوب قالمادی شانیمیز بیزیم کیم بو غمه دوام ائدر دوغرانا اوغلو قارداشی کیمدی گوره عزیزنین نیزیه نصب اولوب باشی کیمدی دوام ائده دگه سینیه مین بلا داشی صبر ایلدوخ ولی یانیر ناریله جانیمیز بیزیم مین آغیر امتحان وئریب مین محنه دایانمیشوق مین یانار اود دوشوب جانا نار جفایه یانمیشوق سلسله ده یانا یانا شهرلری دولانمیشوق ایل گئچیب هر دقیقه و لحظه و آنیمیز بیزیم آل امیّه فاش ائدیب کینه سینی پیمبره کنج خرابه اولدو یئر عترت پاک حیدره منظری دوخ باخانلارا چوخ چتین اولدو منظره دل یاراسی وراردی چوخ جمله باخانیمیز بیزیم بارش رنج و درد دن بیر دم اماندا قالمادوق طعنه ورانلارین سوزون یاره لی قلبه آلمادوق باشی اوجیدوخ عشقده باشی اشاقه سالمادوق خوار و خفیف اولوب اوزی طعنه ورانیمیز بیزیم هر نه قدر جفا گوروب بیز او قدر اوجالمیشوق منطق حق شعار اولوب ولوله دهره سالمیشوق محنت دهره تاب ائدیب غصّه یئییب قوجالمیشوق مخلص اولوب خرابه نین کنجی مکانیمیز بیزیم

ای خدا گونلر گیچوب مولای خوبان گلمدی عالمی روشــــن ایدن خورشید تابان گلمدی چوخ گیجــــه یاد ایلدیم نور دل زهرانـی من قائم آل محمــــد جــــان جــــــانان گلمدی ذکر الغوث و امان اولدی دیلیمــــــون اَزبری مهدی صـــاحب زمان یــــار ضعیفان گلمدی نُدبه لـــــرده سسلــــدیم اَیــنَ المُـــعِزُالاولِیا خـــــار چشم دشمنان عِــزَّتلی انسان گلمدی تا نوقتــه سسلیوم اَیــــنَ الشُمـــوسُ الطـــالِعَه اَینَ الاَقمــــــارُالمُنیــــرَه ماه رخشان گلمدی لَیتَ شِعـری کاش بلیدیم هاردادی یاس علی یابــــنَ یاسین ، یابنَ طاها ، قلب قران گلمدی تا نوقته ضَجَّـــه وُرسون شیعـه اولسون نادِبون هجر مــــولادن اولوبدور دیده گریان گلمدی ای خدا گونلر گیچوب مولای خوبان گلمدی عالمی روشــــن ایدن خورشید تابان گلمدی چوخ گیجــــه یاد ایلدیم نور دل زهرانـی من قائم آل محمــــد جــــان جــــــانان گلمدی ذکر الغوث و امان اولدی دیلیمــــــون اَزبری مهدی صـــاحب زمان یــــار ضعیفان گلمدی نُدبه لـــــرده سسلــــدیم اَیــنَ المُـــعِزُالاولِیا خـــــار چشم دشمنان عِــزَّتلی انسان گلمدی تا نوقتــه سسلیوم اَیــــنَ الشُمـــوسُ الطـــالِعَه اَینَ الاَقمــــــارُالمُنیــــرَه ماه رخشان گلمدی لَیتَ شِعـری کاش بلیدیم هاردادی یاس علی یابــــنَ یاسین ، یابنَ طاها ، قلب قران گلمدی تا نوقته ضَجَّـــه وُرسون شیعـه اولسون نادِبون هجر مــــولادن اولوبدور دیده گریان گلمدی هاردا قـــــالدی طالب خــــــون شهید کــربلا مُنتقِــــم از قــــــاتل شــــاه شهیدان گلمـــدی قوی چکوم بـوردان گریزی کربلانون دشتــینه خیملردن سس گلــــور سقای طفلان گلــمدی جمع اولوبلار خردا قیزلار خیمیه ی شش ماهیه هی دیوللر یا حسین ساقیِّ عطشــــــان گلمدی شاه مظلـومان دوروب تل اوسته سسلندی باجی بیلمرم خــــــواهر ندن اول شیر میدان گلمدی سس گلوب اَدرِک اَخا احساس قیلدی پیر عشق اوخلانوب سو مشکی خجلتدن او نالان گلمدی بار الها آنــــــد ویـــــرم اول کسیلیمیش الـــلره تیز یتور مهدینی گـوزیاشلار اولوب قان گلمدی (پوریا ) الده قلــــــم وقت نمـــــــاز صُبــحیده سسلنور یــــــا رب نـدن دردیمه درمان گلمدی هاردا قـــــالدی طالب خــــــون شهید کــربلا مُنتقِــــم از قــــــاتل شــــاه شهیدان گلمـــدی قوی چکوم بـوردان گریزی کربلانون دشتــینه خیملردن سس گلــــور سقای طفلان گلــمدی جمع اولوبلار خردا قیزلار خیمیه ی شش ماهیه هی دیوللر یا حسین ساقیِّ عطشــــــان گلمدی شاه مظلـومان دوروب تل اوسته سسلندی باجی بیلمرم خــــــواهر ندن اول شیر میدان گلمدی سس گلوب اَدرِک اَخا احساس قیلدی پیر عشق اوخلانوب سو مشکی خجلتدن او نالان گلمدی بار الها آنــــــد ویـــــرم اول کسیلیمیش الـــلره تیز یتور مهدینی گـوزیاشلار اولوب قان گلمدی (پوریا ) الده قلــــــم وقت نمـــــــاز صُبــحیده سسلنور یــــــا رب نـدن دردیمه درمان گلمدی پوریا امام زمان آقا....

زمانه گچدی هدفسیز الآن جفاسی قالوب روالَری آرادان گئتدی نارواسی قـالـوب ایتیردی دوز یولونی دوتدی کج مسیری بشر حقیقـتونـده فقــط قــالــب و نماسی قالوب جهاندا معرفتون برکه سی قـاریـشدی قـومـا داها دورولمیاجاق لـیلَّـنوب ریــاســی قالوب نــمـاز وطاعتـیمـیز بـی خـلوص و تـقـوادی نـمــاز میـّتــه بــنــذر فـقــط اداسی قالوب دوشوبدی منگنیه انـسـانـون بـوش ایـمـانـی او کس کی مـدعـی دور ایندی ادعاسی قالوب الـینـده سـاخـلامـادی عـفـتـون بـنـی آدم اسیر نفس اولونوب باشـدا بد هـواســی قالوب غرور و غیرتینی ســاتدی بعـضــی اوغلانلار یالاندی کیم دئسه کی قیزلارون حیاسی قالوب عزیز فـاطمه گــلسـن بـشر نــه ایـلیـه جاق کی یوخدی دوز عملی تکجه شر خطاسی قالوب کرمـلیســن ولی گل عفو ایله هرایه یئتیــش یانیـب اورگ غمـووه ســوزش یاراسی قالوب اصغرالماسی اهری یاامام زمان آقا....

قائم آلِ عباسن آقا قربانون اولوم چاره‌سیز ‌درده دواسن آقا قربانون اولوم صبح جُمعه نمازین هانسی مکاندا قیلوسان؟ ساکنِ هانسی سَراسن؟ آقا قربانون اولوم کربلانی گزوسن یا که بقیع زائریسن؟ هاردا مشغول بُکاسن؟ آقا قربانون اولوم سن‌ شب‌ِ جمعه‌نی آخر نجه صبح ایلیوسن؟ غملیسن، غرقِ نواسن آقا قربانون اولوم گون ‌چیخینجا یوخی‌ گَلمز نگران گوزلرووه صبحه‌جک، غرقِ دعاسن ‌آقا قربانون اولوم ای بیزیم‌ صاحبیمیز ، گَل ‌داخی‌ قان اولدی ‌اورَک عالَمه قبله نماسن آقا قربانون اولوم اِنس و جِنّ و ملکوتین گوزی یولّاردا قالوب منجیِ ارض و سما سن، آقا قربانون اولوم قاپوین سائلیدور ، پیر و جوان، شاه و گدا سن امیرالاُمَراسن، آقا قربانون اولوم کیم دوتا دامنووی صدقیله، تز مَطْلَب آلار هامی امراضه شفاسن آقا قربانون اولوم فیضِ اَکمَلدی آدون ، (فیضی) نه یازسون ، نه دئسون؟ شعریمه شور وصفاسن ، آقا قربانون اولوم شاعر:فیضی اردبیلی یا امام زمان ادرکنی...

احوالیمیز یاماندی یابن الحسن داریخدوخ گل هارداسان آماندی یابن الحسن داریخدوخ مولا بولودلارا تای گوزلر دولوبدی سنسیز بلبل گلوب فغانه بی تاب اولوبدی سنسیز یوخ رونقی بهارین گللر سولوبدی سنسیز گلزاریمیز خزاندی یابن الحسن داریخدوخ دنیا دئمه نه دنیا زندانیدن یورولدوخ گلدوخ جانا فشار دورانیدن یورولدوخ گوز تیکموشوق وصاله هجرانیدن یورولدوخ دای صبریمیز تالاندی یابن الحسن داریخدوخ احباب اهل بیتین سنسن گوزل حبیبی ای کاش وصلون اولسون عاشقلرین نصیبی یوخدور بو اهل دردین سندن صورا طبیبی چوخ دردیمیز نهاندی یابن الحسن داریخدوخ عشق اهلی سیل اشکی رخساره باغلیاللار آهیله فرقتونده چوخ سینه داغلیاللار جمعه غروب اولاندا حسرتله آغلیاللار گوز یاشیمیز رواندی یابن الحسن داریخدوخ نار فراقی سوندور ای شیعه نین نگاری یاندیرما بوندان آرتیق عشّاق بی قراری زهرایه آند وئرّوق قورتار بو انتظاری هجران غمی گراندی یابن الحسن داریخدوخ ماه محرّم اولدی گَلدی حسین عزاسی صاحب عزا ئوزونسن ای مجلسین صفاسی قاره گینلر اولسون گوز یاشیوین فداسی جانلار غمونده یاندی یابن الحسن داریخدوخ دوزدی امام عصره چوخلار اولوبدی عاشق عاشق ولی اودورکی اولسون ظهوره لایق سنده هانی لیاقت بسدور دانیشما «ص آدمادق» عشق اهلی باغریقاندی یابن الحسن داریخدوخ جعفرصادقی مراغه ای