نوحه شهادت حضرت رقیه (س) زبانحال خانم زینب (س) نوحه شهادت حضرت رقیه (س) زبانحال خانم زینب (س) رقیه باغریم اولدی قان ای عمه سین ملر قویان ای عمه سین ملر قویان گوزون فداسی سویگلوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی گوزومدن آتمارام سنی ای مه تابان آی قیزیم ای مه تابان آی قیزیم دور ای یتیم خسته جان جان سنه قربان آی قیزیم جان سنه قربان آی قیزیم سنه نه گلدی ای قیزیم ای گل ریحان آی قیزیم ای گل ریحان آی قیزیم منیم وفالی سویگولوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی بلالی چولده توش اولوب بلالره باشون بالا بلالره باشون بالا ایدوبدی یولدا جسمیوی او تازیانلر یارا او تازیانلر یارا بجادی آهین ای بالا یزیدی تختیدن سالا یزیدی تختیدن سالا شیرین دیلیم منیم گولوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی دیور هامی قوناق گلوب سنه قیزیم یارالی باش سنه قیزیم یارالی باش وروبلا یولدا چوخ ولی او باشه شامین اهلی داش او باشه شامین اهلی داش دور آل قوجاقه سیل قانون قانا باتوب هلالی قاش قانا باتوب هلالی قاش منیم گولوم دادیم دوزوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی قوجاقدا ساخلیانمادون ندن قوناقیوین باشون ندن قوناقیوین باشون زمانه یوردی تیز سنی وار ایندی تازه اوچ یاشون وار ایندی تازه اوچ یاشون بو شامین اهلی بولمدی سنین که یوخدی قارداشون سنین که یوخدی قارداشون گوز آچ ایشقلی اولدوزوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی آنام کیمی بلالیدی باشون سنون رقیه جان باشون سنون رقیه جان یولا باخاردون هر گیجه الین ئورکده باغریقان الین ئورکده باغریقان طبقده باشی گورجاقون گوزون یومولدی ناگهان گوزون یومولدی ناگهان نجه بو غمده من دوزوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی حجازه قویمارام گیده بو غملی کاروانی من بو غملی کاروانی من سوروشسالار نجه دیوم بو غملی ماجرانی من بو غملی ماجرانی من مدینه شهرینه گیدوم نجه آنام نشانی من نجه آنام نشانی من ئورکده قالدی چوخ سوزوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی ئورک سوزون دینمدون من آغلادوم سن آغلادون من آغلادوم سن آغلادون باخوب بلالی یولارا سن اکبری سُراغلادون سن اکبری سُراغلادون ایشتدون اکبرین ئولوب غمینده سینه داغلادون غمینده سینه داغلادون یوخومدی چاره من ندیم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی اوپنده داش یاراسنی باتوبدی لبلرین قانا باتوبدی لبلرین قانا قولوندا طاقت اولمادی سن آغلادون یانا یانا سن آغلادون یانا یانا گوزون یومولدی ناگهان نه گلدی بو شیرین جانا نه گلدی بو شیرین جانا دینمدون سوزون گولوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی زمانه قویمادی منیم یوزوم بو دهریده گوله یوزوم بو دهریده گوله سنی سالوبلا بو حالا گلوبدی مرغ دل دیله گلوبدی مرغ دل دیله دعا ایله رقیه جان بی بون بو شامیده ئوله بی بون بو شامیده ئوله عراقه من نجه گیدوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی بس ایله «مهدی» یازما دای سفیر شامیدی خانیم سفیر شامیدی خانیم دینن رقیه جان سنه فدا اولا شیرین جانیم فدا اولا شیرین جانیم نقدری عمروم اولسا من گرکدی حالیوه یانیم گرکدی حالیوه یانیم خانم دیردی سویگلوم قیزیم اویان بالام اویان قیزیم اویان بالام اویان گوزلرون قربانی آغلاتدون زهرانی ** حاج مهدی ملکی زنجانی

نوحه حضرت رقیه (س) آی منیم نازنین نگاریم آغلاما مهربان رقیه اود دوتوب قلب داغداریم اولموشام باغریقان رقیه یاره لی دلبرون منادن گلمدی اکبرون شامه کربلادن گلمدی بالام لایلای گولوم لایلای (٢) غصه دن گوز یاشون آخاندا قالمیور منده صبر و طاقت یوللارا گوزلرون باخاندا عمه وی ئولدورر خجالت آغلاما سوز وئروبدی جانانون گلر بیر گئجه طشت زرده مهمانون گلر بالام لایلای گولوم لایلای (٢) آند اولا جانووه وطنده هر نه کی گویلون ایستر آللام جدیمون شهرینه یتیشسوک تازه دون تازه معجر آللام قویمارام گوز یاشون آخا صورتووه شامیدن چیخماقون قالوب قسمتووه بالام لایلای گولوم لایلای (٢) آی ننمدن گوزل نشانه قوی ووروم تللرووه شانه بی ریا عشقوین عیارین جسمووه یازدی تازیانه آفرین یاخشی استقامت ایلدون بینوا عمه ووه حمایت ایلدون بالام لایلای گولوم لایلای (٢) تیر مژگانیلن عزیزیم قلبیمی دوت نشانه اوخلا باشووی تپراق اوسته قویما سینمی بستر ایله یوخلا خسته پر روحیمه توانسان گوزلیم سن منه عشق جاودانسان گوزلیم بالام لایلای گولوم لایلای (٢) قوی آلیم بوسه گوزلروندن گوزلرون پاک و بی ریادی دویمارام غملی سوزلروندن سوزلرون دردیمه دوادی نیلیوم باغلیوبدی دشمن یولومی ئوپمه چوخ قمچیلرگویردن قولومی بالام لایلای گولوم لایلای (٢) اشکووی سیل قرا گوزوندن صبریمی الدن آلما آی گل قلبیمه وورما اود سوزوندن عمه ووی درده سالما آی گل غم یمه اصغره توسل ائدروک بیر گونی کربلایه با هم گئدروک بالام لایلای گولوم لایلای (٢) نیلیوم یوخدی راه چاره قلبیمی سیخدی رنج محنت التماس ایله کردگاره باشه چاتسین غم اسارت دوزرم ناقه لرده یوللار آجیسین قارداشیم اربعینه گوزلور باجیسین بالام لایلای گولوم لایلای (٢) ** حاج حسین غفاری اردبیلی

احوالات حضرت رقیه (س) در خرابه شام (سبک : عطری گلور محرمون...) گوگلومون عمه جان بوگون نسگلی وار نواسی وار قلبیمون عمه روز و شب کرب و بلا هواسی وار قلبیمی یاندروب قوشون اکبری ئولدوروب قوشون شامیده بو خرابه ده غملره آشنا منم غملره دوزموشم بی بی محنته مبتلا منم دشمن نابکاریدن یولدا گورن جفا منم ئولدوروب اصغری قوشون باشدا آنام قراسی وار قلبیمی یاندروب قوشون اکبری ئولدوروب قوشون عمه بابام ندندی بس بیزلری یاده سالمادی گلموری بس ندن بابام درد و غمیم آزالمادی خانه بدوش ایدوب بیزی دشمن دین سازالمادی باشیمین عمه جان ندن بیر بیله ماجراسی وار قلبیمی یاندروب قوشون اکبری ئولدوروب قوشون محرم رازیم عمه جان راز و نیازیم عمه جان واردی نه علتی بی بی بیر بیله گیزلین آغلوسان گوزلریون یاشی آخور سینه وه سینه داغلوسان قلبیم اولوبدی قان منیم اللریون یاراسی وار قلبیمی یاندروب قوشون اکبری ئولدوروب قوشون اکبرین انتظاریم یولدا قالوبدی گوزلریم هی باخورام ساقا صولا صولدی سارالدی یوزلریم گلمدی اکبر عمه جان قالدی ئورکده سوزلریم قارداشینین دالیجا چون هر باجینون دعاسی وار قلبیمی یاندروب قوشون اکبری ئولدوروب قوشون آچمادی دیل دانشمادی پر پر اولوبدی اصغریم باشیمیزه نه لر گلوب هاردا صولوبدی گوللریم درک ایده کاش اجل منی گلمدی آخر اکبریم دفنیمه گلسه اکبریم عمه عجب صفاسی وار قلبیمی یاندروب قوشون اکبری ئولدوروب قوشون سالمادی یاده هیچ منی گلمدی مهربان آتام گلسه آلار قوجاقینه سینه سی اوسته من یاتام ایندی روادی عمه جان آی کیمی منده تئز باتام بیلمزیدیم که باشیمین عمه بیله بلاسی وار قلبیمی یاندروب قوشون اکبری ئولدوروب قوشون عرض ایدرم رقیه جان ای گل گلشن وفا ماه مدینه سن خانم دختر شاه کربلا ((مهدی یه)) لطف ایله اولا دردینه دهریده دوا سنده خانم بو شیعه لر دردلرینین دواسی وار قلبیمی یاندروب قوشون اکبری ئولدوروب قوشون ** حاج مهدی ملکی زنجانی

زبانحال حضرت زینب (س) زینبم قلبیمی غم تیری دلدی الله غم تیری دلدی الله غم تیری دلدی شیرین دیل رقیم یاتدی دینجلدی الله یاتدی دینجلدی الله یاتدی دینجلدی سسلدیم هرایه غساله گلدی الله غساله گلدی الله غساله گلدی سوندی بخت اولدوزی شفق قرالدی الله شفق قرالدی الله شفق قرالدی سیلی آفتیندن گول تک سارالدی الله گول تک سارالدی الله گول تک سارالدی ناقه لر یولداشی حبیبیم ئولدی الله حبیبیم ئولدی الله حبیبیم ئولدی دردیمین درمانی طبیبیم ئولدی الله طبیبیم ئولدی الله طبیبیم ئولدی ائلیندن آرالی غریبیم ئولدی الله غریبیم ئولدی الله غریبیم ئولدی دوزیدی ئورکده غم سوزلرینه الله غم سوزلرینه الله غم سوزلرینه دولموشدی آنام تک قان گوزلرینه الله قان گوزلرینه الله قان گوزلرینه هی عمه سسلردی قمچی دگنده الله قمچی دگنده الله قمچی دگنده یاندیم خیردا قدین غملر اگنده الله غملر اگنده الله غملر اگنده جان وئردی بلبلیم پوزقون چمنده الله پوزقون چمنده الله پوزقون چمنده سیخدی ، اوچ یاشیندا غم قلب زارین الله غم زارین الله غم قلب زارین قازدیم اوز الیملن خیردا مزارین الله خیردا مزارین الله خیردا مزارین ** محسن کریم پور (ناجی هشترودی)

شهادت حضرت رقیه (س) (سبک : منیم ای تشنه قربانیم ) رقیه ای گل نازیم منیم ای محرم رازیم رقیّم وای رقیّم وای بالام لایلای گلوم لایلای **** منی گوزدن آتان لایلای قوری یرده یاتان لایلای توزا زلفی باتان لایلای بالام لایلای گلوم لایلای سالان ای عمّه سین درده ایاقه دور گلن بیرده یاز اکبر آدینی یئرده بالام لایلای گلوم لایلای قالان چوللرده سرگردان قویان ای عمه سین حیران گیدن قارداشینه مهمان بالام لایلای گلوم لایلای واریمدی خجلتیم سندن گلیلی گیتدون عمّندن بابان چوخ ایستدون مندن بالام لایلای گلوم لایلای بهار ابری کیمی دولدون سارالدودن گل کیمی صولدون یتیم اولدون اسیر اولدون بالام لایلای گلوم لایلای یارالی بلبلوم لایلای صولان غنچه گلوم لایلای اولوب ورد دیلیم لایلای بالام لایلای گلوم لایلای سن ئولدون فکریمی آزدیم گوزل قبرون اوزوم قازدیم بو قبره باش داشی یازدیم بالام لایلای گلوم لایلای او دریا صبریوه قربان آغ اوزده ابریوه قربان بو توزلی قبریوه قربان بالام لایلای گلوم لایلای آناندان عطروى آللام باشیما قاره وی ساللام قیزیم سن سیز ملر قاللام بالام لایلای گلوم لایلای سنه گریاندى ائللرده قالان ای آدی دیللرده قالوب گوشوارون اللرده بالام لایلای گلوم لایلای دیدون هر سوز باشی ایوای گینه دور غملروندن سای دوروب دئ اصغره لایلای بالام لایلای گلوم لایلای آنان باشه قرا باغلار قویوبسان عمه وی آغلار چکوبسن سینمه داغلار بالام لایلای گلوم لایلای ** حسین حسنی افشرد

حضرت رقیه سلام الله علیها (سبک:یخیلوب عباسیم) گل نازیم لایلای ، هم آوازیم لایلای اسیر غم لایلای ، رقیم لایلای سنه آغلار زینب ، گوزون باغلار زینب دییر هر دم لایلای ، رقیم لایلای واویلاواویلا ،واویلاواویلا ، واویلاواویلا ، رقیه جانم نیه دوشدون دیلدن ، تئز آیریلدون ائلدن بو غملی منزلدن ، نه تئز کوچ ائتدون آتا باشین تاپدون ، دوداقیندان ئوپدون مرید عشق اولدون ، مراده یتدون یانارام فرقتده ، شرار محنتده دیار غربتده ، الیمدن گئتدون غمه دوشدی باشیم ، گوزومدن گوزیاشیم آخار نم نم لایلای رقیم لایلای واویلاواویلا ،واویلاواویلا ، واویلاواویلا ، رقیه جانم منی سن آتمازدون ، گیجه لر یاتمازدون نماز شب وقتی ، قیام ایلردون چاغیراندا آدون ، امام سجادون ادبله مولایه ، سلام ایلردون هامیدان دوزلیدون ، همیشه سوزلیدون اسیرانه حرمت ، مدام ایلردون سنه اعلان ورّام ، آدیوا یازدیرام قرا پرچم لایلای ، رقیم لایلای واویلاواویلا ،واویلاواویلا ، واویلاواویلا ، رقیه جانم کمکیم یوخ نیلوم ، ملالیم چوخ نیلوم نه اکبر وار گلسین ، نه ده عباسیم آج سوسوز قالدون سن ، صبریمی آلدون سن سؤوندی اغیار ، نمک نشناسیم چوخالوب آلامون ، کئچیلدی اندامون داغیلدی دردوندن ، منیم اجلاسیم گَله ایکاش ائللر ، بنی هاشم یکسر دیاخ با هم لایلای ، رقیم لایلای واویلاواویلا ،واویلاواویلا ، واویلاواویلا ، رقیه جانم معرفت گورستدون ، چوخ دردون گیزلتدون همیشه نی لر تک ، نوالیدون سن دئمدون اسرارون ، گووَردی رخسارون یوزه چکدون معجر ، حیالیدون سن بدنون غساله ، گوروب ایلر ناله بیلر زهرا مثلی ، یارالیدون سن وار اثرلی آهون ، نوای جانکاهون یانار عالم لایلای ، رقیم لایلای واویلاواویلا ،واویلاواویلا ، واویلاواویلا ، رقیه جانم قازارام قبرون من ، سؤونسون قوی دشمن فنا دور بو دنیا ، وفاسی یوخدی گوزوی یومدون سن ، باباندان اومدون سن مریض هجرانون ، شفاسی یوخدی داخی گئت رضوانه ، دئ خیر النسوانه بو شامین یا زهرا ، صفاسی یوخدی گل ناز مادر ، سنه آغلار کوثر دیر زمزم لایلای ، رقیم لایلای واویلاواویلا ،واویلاواویلا ، واویلاواویلا ، رقیه جانم **

زبانحال حضرت زینب (سلام الله)درخرابه شام (سبک : کربلا منتظر ماست بیا تا برویم) آغلورام چوخ یانورام دیده سی گریان بالاما چوخ دگن قمچی اولان حالی پریشان بالاما هی دییردی من آجام یا سوسوزومدام یانورام اولدی آجلوق ئولومه بیر سبب عنوان بالاما یوخ خرابه یرینون سقفی ووروب گون یوزینه یانورام گون ائلین گول کیمی خندان بالاما سینییِ زرده گلوب قارداشیمون قانلی باشی اولموشام غصه گورن اولموش هراسان بالاما یارالی باشی آلوب قویدی دوداقین دوداقا دئموسن منزل اولوب ای بابا ویران بالاما آتانون لبلرینون گوردی تازا قانی آخور بالامون رنگی صولوب سنده حسین یان بالاما قوجاقیندا یارالی باش بالاما غش گلوب باخگیلان قارداش حسین الده وئرن جان بالاما یارالی باشه دئدیم ئولدی بالام گئتمه دایان من دیوم نوحه اخا ، سن اوخو قرآن بالاما قاره بیر معجره بوکدوم بالامین یوخ کفنی دفن ائدیم قوی دوتاقون شام غریبان بالاما آناموز فاطمه تک سیلی دگوبدی ئوزینه اوخشورام قبره گیدن گول ئوزی خندان بالاما زجر قمچیله ووروب کعب سنانیله سنان یوخودی بیرجه دیین وورما مسلمان بالاما قمچیلر آتدا ئولوبدی بدنی نیلی اولوب حیف اولا ئولدی اولوب منزلی ویران بالاما نیزه ده گوردی باشون چوخ قرا گون چکدی قیزون چوخ جسارت ائلیوب فرقه ی دونان بالاما (( صاحبه )) ایلیورم نازلی رقیّمله دعا گله هیئتیله اولا شامیده مهمان بالاما ** عباسعلی دهقان (صاحب)

زبانحال حضرت رقیه (س)به حضرت زینب(س) (سبک : کربلا منتظر ماست) عمه گل داده منی قمچی یوروب ئولورم شمر و سنان بسکه ویروب عمه دئ شمر دنی ویرماسین بسدی منی عمه سندن صورا یوخ داد رسیم چاتموری بیر یانا بو چولده سسیم قورخودان شمری گورن وقته بی بی حبس اولور سینه ده یورقون نفسیم عمه دئ شمر دنی ویرماسین بسدی منی آغلیاندا آتاما قارداشیما شامیان قمچی ویریلار باشیما رحمسیزلر نه بیر اللهه باخور نه یانیلار بو آخان گوز یاشیما عمه دئ شمر دنی ویرماسین بسدی منی او قدر سیلی ویروبلار اوزومه نئچه گوندور یوخی گلمیر گوزومه یوخ سینیق قلبیمه تسکین وئرنیم وای منه وای دئیورم اوز اوزومه عمه دئ شمر دنی ویرماسین بسدی منی من گلستاندا خزان دیده گولم داخی عمرومده چتین بیرده گولم یوخ سوزوم هر یارانان ئولمه لیدی قورخورام من ولی اللرده ئولم عمه دئ شمر دنی ویرماسین بسدی منی عمه آیدین گونوزوم قاره لنوب قلبیم آیینه کیمی پاره لنوب گوشوارم سویولان وقته بی بی ظلم الیلن قولاقیم یاره لنوب عمه دئ شمر دنی ویرماسین بسدی منی دئمورم باشه قرا باغلامارام یا بو محنتده اورک داغلامارام ویرماسونلار باشیما قمچی دئنن عمه دای من اوجادان آغلامارام عمه دئ شمر دنی ویرماسین بسدی منی اوندا که سیلی گوروب گول یاناقیم قورخودان اسدی بی بی دیل دوداقیم آت قباقینده تیکانلیقدا منیم قاچا قاچدا قابار اولموش ایاقیم عمه دئ شمر دنی ویرماسین بسدی منی من بو محنتده چتین زنده قالام یوخدی اصغر داخی آغوشه آلام عمه اولسم منی دفن ائیله دئنن ظلم الیندن داخی دینجلدی بالام عمه دئ شمر دنی ویرماسین بسدی منی عمه جان آرزولاریم اولدی یالان من تک اولماز قره گونلرده قالان جور و ظلمیله بو صحراده بی بی نئجه گور عزتیمیز اولدی یالان عمه دئ شمر دنی ویرماسین بسدی منی سنده گل شام و سحر ائیله فغان ائتدی بو نوحه سنین باغریوی قان یاز بو نیسگیلی سوزی دفتریوه ائت رقیه دیلیجن بئیله بیان عمه دئ شمر دنی ویرماسین بسدی منی ** قنبری تبریزی

حضرت رقیه سلام الله علیها ای سارالمیش گولوم، سویگولوم،لایلای رقیه ای قفسده قالان ، بلبلوم ، لایلای رقیه جانانی تاپدون چیخدون قفسدن ئوپدون دوداقین دوشدون نفسدن سنه قربان اولوم ای گل باغ محبت قانلی باشی گوروب لبلرین ائتدون زیارت گلدی یولدان طبیب دردیوه ائتدی طبابت داخی سندن اوزولدی الیم لایلای رقیه مهربانیم بالا جان بالا دلدار خسته چکرم نازیوی آغلارام من دلشکسته وای منه نازیله یاتموسان تپراقلار اوسته اولدی داغون ئورک نسگلیم لایلای رقیه جان وئرنده دئدون دویموشام سیر چمندن دئدیم ای نازنین آیریلام مشگلدی سندن دئدون عمه دعا ائت جانیم چیخسون بدندن سن ئولونجه دئدیم من ئولوم لایلای رقیه اکبری گورمقا روز و شب یوللاره باخدون هی خیال عالمی قانلی بیر گلزاره باخدون گلدی یولدان بابان توزدوتان رخساره باخدون وای چوخالدی منیم مشگولوم لایلای رقیه قال بو ویرانیه وئر صفا ای نازنین گل چاره سیزلر گلر قبریوه ایلر توسل منده سن سیز دؤزوب یاننام اللهه توکل ایسته دیداره بیرده گلیم لایلای رقیه سنه یاننام که دینجلمدون دستِ خطردن قالدی یولدا گوزون تا بابا گلسین سفردن یارالی باش گوروب عالمی سالدون نظردن بار غمدن بوکولدی بئلیم لایلای رقیه ** حاج ولی الله کلامی زنجانی

شهادت حضرت رقیه (س) آی گویده اوچان قوشلار دردانه بالام ئولدی آز عمری اولوب غملی افسانه بالام ئولدی شوقیله چالون شهپر گویلرده اوچون قوشلار دشت غم و اندوهه افسرده اوچون قوشلار بو غم خبرین بیلسون اکبرده اوچون قوشلار گلسون باشی اوستونده افغانه بالام ئولدی آخر منی تک قویدی یار سفریم گئتدی هم روحیمون آرامی هم بال و پریم گئتدی آیریلدی گیجه یاری مرغ سحریم گئتدی گوز یاشیمی دوندردی القانه بالام ئولدی رویاده گیجه نصفی مظلوم باباسین گوردی تاپدی باباسین اما بیلمم هاراسین گوردی اول قانلی دوداقلاردا شاید یاراسین گوردی گوز یاشی توکوب گوزدن دامانه بالام ئولدی آغوشه آلیب ئوپسون اول قانلی دوداقیندن دلخسته بالام اولدی شرمنده قوناقیندن تاب ائتمدی آهسته باش دوشدی قوجاقیندن بیر یانه او باش دوشدی بیر یانه بالام ئولدی باخدیم او قیزا گوردوم جسمینده نفس یوخدی سسلندیم عزیزیم دور گوردوم ولی سس یوخدی پروازه گلوب روحی دای میل قفس یوخدی ویرانه منه اولدی غمخانه بالام ئولدی زینب بو مصیبتده قان آغلاسا گر آزدی تقدیر الی آهسته بیر غملی غزل یازدی اوچ سن ده قیز ئولدی قبرون بی بی سی قازدی دنیانی گوروم اولسون ویرانه بالام ئولدی ** ابوالفضل عباسی معروفان اهری

زبانحال حضرت زینب (س) در بالین حضرت رقیه(س) (سبک : یخیلوب عباسیم نهر فرات اوسته) آنا جان یا زهرا بو شهر غربتده منی قویدی تنها رقیم ئولدی قره گوز جیرانیم ال اوزدی زینبدن کول اولدوم واویلا رقیم ئولدی **** سارالوب صولموشدی بو بزم ماتمده نه نوعی صحراده چمن اولسیدی بالامون اندامین بوکردیم گوز یاشلی الیمده غربتده کفن اولسیدی کفنون اوستونده یازاردیم بو آهو قالوبدی چوللرده ئولوبدی اللرده گتیرردیم نعشین کناره قبرونده قویاردیم تپراقه وطن اولسیدی **** گئجه لر آغلاردی دئیردی آی عمه کوسر اکبر گورسه منی معجرسیز اونا یاز بیر نامه دئین گلمه شامه باجون تپراقلاردا یاتوب بستر سیز سایارام گویلرده گوزل اولدوزلاری چیخار گون اما من گوزوم باغلانماز ندور آیا چاره م هر آخشام بیدارم یوخوم گلمور قارداش علی اصغرسیز **** دوداقینان ئوپدوم دئدیم یات یورقونسان بی بیون اولسون قربان غزالیم لایلای سوروسوندن آیری دوشن جیرانیم وای خداحافظ یورقون مارالیم لایلای بو اوزون یوللاردا سینق محمللرده قرانلوق چوللرده ایاقدان دوشدون اوخیاردوق نوحه دئینده من قارداش دئیردون سن بیکس یارالیم لایلای **** ائله کی طشت ایچره یارالی باش گلدی بالام دوردی یردن دئدی جان بابا نئچه لحظه باخدی یارالی مهمانه دوداقلارین گورجک دئدی یا زهرا ائله بیل پروانه ئوزون ووردی شمعه یتیشدی مقصوده کول اولدی یاندی دوداقیندان ئوپدی یخیلدی جان وئردی توکولدی گوز یاشیم مثال دریا **** قره معجر باشدا آخاندا گوز یاشی دیردیم زهرادی گوزل سیمادن دیه بیللم اما چیخاندان یثربدن بالام چوخ غم چکدی ننم زهرادن او قدر آج قالدی ئوزین درده سالدی سارالدی رخساری نگاریم ئولدی ائله بیل بیر ماهی آناسیندان آیری دوشوبدی طوفانه چیخوب دریادن ** حاج حسین غفاری اردبیلی

زبانحال حضرت زینب (س) در شهادت حضرت رقیه (س) در خرابه شام ویرانه بوجاقینده ، یوخ چاره بالام ئولدی قوش تک ال ایاق چالدی ، آواره بالام ئولدی یانّام گیجه گوندوزلر ، من هجر و فراقینده قالدی یارالانموش باش ، حسرتله قوجاقینده قان لخته سی یر سالدی ، بو غنچه دوداقینده ویرانده یوز قویدی ، دیواره بالام ئولدی بیر سوز دئدی یاندیردی ، غم دیده دل افکاری ئولدوردی ملالینده ، اما منِ دل زاری یوخ کیمسه مدد ایتسون ، الله بو گیجه یاری اوت ووردی الولانموش ، گلزاره بالام ئولدی مهمانی گوروب گئتدی ، احوال پریشانین بیلدی الی یوخ ئوپدی ، بلکه لب سوزانین بذل ایلدی عشقینده ، آخرده شیرین جانین اولدوزلاری آغلاتدی ، مهپاره بالام ئولدی ئوز کوینگینه بوکدوم ، گول پیکرینی منده تا اولمیام البتده ، ویرانه ده شرمنده غوغا سالاجاق بیر گون ، محشرده بو پرونده ثبت ایلیرم حتماً ، آماره بالام ئولدی ** حاج شیراله حیدری زنجانی