|⇦شکوه داغ تو...... #روضه وتوسل به حضرت زهرا سلام الله علیها اجرا شده فاطمیه۱۴۰۲ به نفس حاج‌مهدی سلحشور

حضرت زهرا سلام الله علیها شیعه   صدیقه    نشان   کیمدی ؟  خانم   زهرادی جبرئیل نن   دانیشان     کیمدی ؟   خانم   زهرادی جام    اجلالی   داشان  کیمدی  ؟  خانم    زهرادی مرتضایه     یاراشان    کیمدی ؟    خانم    زهرادی گئج کوسوب  تئز  باریشان کیمدی؟ خانم زهرادی گوزلری    سوره ی    کوثر ده      ایکی    آیه ایدی عفتی        دولت         اسلامیده       سرمایه ایدی نوریده    واحد    اولان     نوریلن     همسایه ایدی گر    یارانمیدی  ،  عطوفت   ئوزی    بی پایه ایدی سوزلری    ورد    زبان   کیمدی ؟   خانم   زهرادی عالی    اعطاسینه     دیل    مریم   و  سارا   آچدی هر    زمان    اَل   صلیه    عاقل     و    دانا    آچدی گره        مشکلی     صدیقه ی       کبری     آچدی اصل     زهرا چیلره        مکتب       زهرا       آچدی اسوه ی   خُلق    زنان   کیمدی ؟   خانم    زهرادی اولدی   نُه   ساله   گلوب   ائلچی   علی  ماه جبین ایشیدبسوز کی  نشان   ویردی   نه  نوعی   ادبین ئوز    حضورینده     او گون    فخر    زنانِ    عربین جبرئیل  عقد  اوخیوب    ختم    رُسل کسدی کبین گون کیمی  شأنی  عیان   کیمدی ؟  خانم  زهرادی کنز        ایثاریده        اللّه        بگنن      گوهریدی اللری        بوسه گه        خاتم            پیغمبریدی آسمان          ادب      و      معرفته          لنگریدی ساقی       کوثره        هم      کُفو      وفا پروریدی باغلی   قوللاری   آچان   کیمدی ؟  خانم   زهرادی آچیلوب     دست    عنادیله      عداوت      قاپوسی باغلانوب    شهر      نبوتده       عدالت     قاپوسی ثانی دن     گوردی    لگد    شاه   قیامت   قاپوسی چکیلوب     آتش     سوزانه      امامت      قاپوسی پشت    درده    دایانان   کیمدی  ؟ خانم   زهرادی دوتولوب   آی  کیمی  ختم   رُسلون   آی    پاراسی سقط   اولوب   ضربه ی   اعداده   بتولون   بالاسی قان   ویروب   کوینگینه   سینه ده  کاری   یاراسی جان     دیوب    عالم     معناده    خدیجه     آناسی صودی    قانه   قاریشان  کیمدی ؟ خانم   زهرادی زائر     آواره     بقیعده      دولانور     یابن الحسن آنووین    قبری    بیلینمور   آلور  هر   قلبی    محن نه    اولار    تِئز  گَلَسن   وصلووه  چوخدور   تَلَسن فاطمه       قبرینی         زوّارلره         گوستره سن قبره    گیزلینجه    روان   کیمدی ؟  خانم  زهرادی بانواندان       دیدیلر          خادمه سی       اسمایه عظمتده        ندور        آیا        نظرون        زهرایه دیدی    همتاسی    چتین     بیرده     گَله     دنیایه ویروب       اللهی     صفا     بند      دل       طاهایه خاتمه   جسمیده    جان   کیمدی ؟  خانم  زهرادی باباسی   رحلت   ایدن گوندن  اولوب  طاقتی  طاق مَهبط   وحیه    نفاق    اهلی   گَلوب   سالدی  نفاق ردّ    پای    ملکه    قویدی    نئجه     ثانی    ایاق؟ آغاروب  حوری    هورن   زلفی  چکوب  رنج  فراق غصه دن   تئز   قوجالان   کیمدی ؟ خانم  زهرادی آرزو     گلشنینه     شدّتیلن        یاغدی        دولی ریسمان   غمه    باغلاندی    اوگون  ساق و صولی ووردی   قنفذ  قولونا   قمچی سینی  سیندی  قولی ایتیروب    سیم    و    زره  خاطر   حقیقتلی    یولی قول   قابورقاسی  سینان   کیمدی ؟ خانم  زهرادی منه    بیر گون    دیدی   آخشام   او   بدیع  السیما دودمانیمده         اولان          خادمه ی        با تقوا گوره سن     بیرده   ایویمده   منی   سالم     حاشا دورت   گولومده   گوزون  اولسون سنی  اللّه  اسما آی   خانملار   ،  نگران   کیمدی ؟   خانم   زهرادی غم     کتابینده     نگاه     ایلرم        اوّل      سطره دوتارام    روزه     اوروجلوق   کیمی   ویرّم   فطره قبر    زهرایه   یاغیش   یاغسون    هزاران   قطره عطر    قالخا    گیدم  اَل   سینه ده   سمت   عطره عرض   ایدم  بوردا   نهان کیمدی ؟ خانم  زهرادی گون   باتوب  قانه   باتان گون  گئجه  گلدی   آرییا گاهی    پیراهنه    باخدی    گهی     باخدی    یارییا گون  به گون  گیتدی  قانی  رنگی چالیبدور  سارییا زینبون    زلفینی     اَل   قالخمادی    زهرا     دارییا اشگی  قان   قدّی  کمان  کیمدی ؟ خانم  زهرادی آند    اولا     اوغلی    حسینه       تکیدی    اخلاقدا توسن     عمری       دولاندی    اوجادا       آلچاقدا روحی   یتمیش  نچه گونده  سیخیلوب   دوستاقدا گورمیشم     وقت       عبادتده      یوزون    تپراقدا سجده دن  حظّ    آپاران   کیمدی ؟ خانم  زهرادی بیر   باخون   زینب     مظلومه ده    عالی      روشه بویورور  یوخ   منیم  حقّیم   یتیشم   تا  هر   ایشه بابامیز     یعنی        موظّفدی        اموره      یتیشه ئورگیمدن   کچور   ای  کاش   قاپینی  تئز  دئیشه

چونکه   مسماره   نشان  کیمدی ؟  خانم   زهرادی گوللرین     فاطمیه    ویردی     خداوند     خوشون بولارون  اوستونه  محنت  توکولوب   مثل  قوشون ئوزوزی    بیر   بیروزه   شهر    پیمبرده     قوشون داریخار   ایوده   گَلون  زینبون  حالین  سوروشون عوضین   فوری  چیخان  کیمدی ؟  خانم   زهرادی ای (( معزی ))   آقادان    ایسته  گینه   لطف  و  عطا نجه    کَرّات    نشان   ویردی   سنه   مهر  و    وفا شعروون     مزدینه     آل    تذکره ی    کرب و  بلا سنده      قوی   صورتووی    قبرینه       مثل    رفقا یالوار  ،   اولده   باخان   کیمدی ؟  خانم    زهرادی ** یوسف معزی اردبیلی

زبانحال حضرت علی (ع) در شهادت حضرت زهرا (س) (سبک : بزم عزاده گلمیشم ....) الهی ئولدی فاطمه ، قالدیم آواره یانور ئورک دوشنده گوز ، قانلی مسماره زهرا جان دور یاتما حیدری آغلاتما داخی صفاسی یوخ اوین ، سن سیز آی زهرا اولوبدی ذکری حیدرین ، آه و واویلا گوروم خراب اولیدی بو ، بی وفا دنیا گوز آچ سن ایله بیر نظر ، من دل افکاره حسن یانور سیخور اونی ، غملرون سِيلی دیور ووروب عدو سنه ، کوچه ده سیلی اُودور اولوبدی فاطمه ، گول یوزون نیلی دوتوب الینده مجتبی ، پاره گوشواره اولوبدی گوندوزوم گیجه ، ای گونوم باتما دونوبدی قانه گوز یاشیم ، گل منی آتما صولوبدی زینبین یوزی ، فاطمه یاتما توکور قیزیم سرشکنی ، ماه رخساره شیرین دیلیله سویلیور ، وای ننم ئولدی غم ایندیدن آنا منیم ، قلبیمه دولدی خزان اولوبدی باغیمیز ، یاسمن صولدی تاپولمادی بو دهریده ، دردیوه چاره یوزونده سیلی ردی وار ، زینب اودلاندی او ضرب سیلی دن گوزون ، گوشه سی قاندی حسینه سس ویر آغلیور ، چوخ پریشاندی نولور ایدن نظاره بیر ، چشم خونباره اوپوم دییر او سینه ده ، یاره وی منده دوشنده مقتله بالون ، گل ننه سنده بو یاره مثلینی گورن ، یاره لی تنده ورار عدو او گون منه ، بی عدد یاره ** عیسی نصیری

زبانحال حضرت علی (ع) در شهادت حضرت زهرا (س) (سبک : الهی یانمیوم نجه ) یاتوبدی قونشولار هامی ولی علی یاتانمیور سنون یارالی سینوی خیالیدن آتانمیور بیلوسن کی غرق مصیبتم یاتا بیلمورم کی خجالتم وئرنده غسلون ئورک بو محنتده یاندی سنون کمال وفاوی آندی دایاندی سو توکدی اسما او یارالی سینون اوسته ولی سینوندن قان آخدی حیدر اوتاندی یارالی یا زهرا اماندی سس وئر عم قیزی شکسته دل عم اوغلوا جهان اولوبدی غم سرا بو خسته دل عم اوغلوا یانارام مدینه ده یالقوزام منی تک قویوبسان آدامسیزام دونوبدی قانه دل زار و بی قراریم حدیث هجران یازا چشم اشکباریم در و دیواره گوزوم هر لحظه دوشنده چئکوب های احوالیمه آغلار ذوالفقاریم یارالی یا زهرا یارالی دلبریم ! علی لباس وصلوی سویوب سنی قویاندا توپراقا بو زندگانیدن دویوب گل ناز باغ جهانیدون ئولومون تئزیدی جوانیدون اورگیم یا فاطمه سندن آرالاشماز بو سس سیز آغلاماقیم دل بغضونی آچماز نئچیکی عمروم وار آغلارام بو محنده کی اون سکگیز یاشلی یاره کفن یاراشماز یارالی یا زهرا آدون اولوبدی ازبریم یانوب غمونده آغلارام آخار جماله گوز یاشیم دیزیمی من قوجاقلارام یئری واردی قلبیمه غم دولا منه ایندی کیمدی کی یار اولا سنی مندن سالدی دنیا آرالی زهرا علی آغلار محنتونده وفالی زهرا پریشانم حالیمی یوخ سنسیز سوروشان قوجالموشام فرقتوندن یارالی زهرا یارالی یا زهرا ** علیرضا حضرتی( ناعمی

نوحه حضرت زهرا(س) ای عزاداران بورا غمخانه دی شمع عشقه بوردا دل، پروانه دی یوخ بو بزمین نسبتی بیگانیه بوردا زهرا ، اصل صاحبخانه دی بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) دردمندا درده درمان بوردادی بی سر و سامانه سامان بوردادی کیم مریض اولسا شفاسی بوردادی چاره سیز دردین دواسی بوردادی گر نیازین واردی بو کاشانیه عرض حاجات ایله صاحبخانیه بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) حاجت ایسته کوثر قرآنیدن بهره مند اول لطف بی پایانیدن عارف اول اخلاصیله غرق اول غمه دل شکسته گل بو بزم ماتمه بوسه وور اوّلده قاره پرچمه سسله دیلدن یا علی یا فاطمه بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) گلمه بزم یاسه قیل و قالیله گل گوزی یاشلی پریشان حالیله آغلا اخلاصیله توک گوز یاشیوی حضرت زهرادن آل پاداشیوی زینبین باخ غملی اشگ آلینه آغلا زهرانون پریشان حالینه بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) بوردا غمدن قلب زینب قاشلانور زینبین غم داستانی باشلانور زینبین غم گوز یاشین قان ایلدی داشدی غم دریاسی طوفان ایلدی دیل لره بوردا داغیلدی غم کوزی باخدی زینب آخدی زهرانین گوزی بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) زینبین غم طاقتین طاق ایلدی محبس غملرده دوستاق ایلدی بوردا قان ممزوج اولوب گوزیاشینه کوه غم بیردن توکولدی باشینه ابر ماتم تک غمه دولدی خانم بش یاشیندیدی یتیم اولدی خانم بزم ماتمدور بورا بوردا دل جان آختارور غملی زهرا شیعه سین دیده گریان آختارور یا زهرا یا زهرا (2) ** حاج علی پور علی (جاهد)

زبانحال حضرت زهرا (س) (سبک : ای درد بی درمانلارا درمان اباالفضل) ای خالق صاحب کرم عجّل وفاتی محزون و زار و مضطرم عجّل وفاتی قانه دونوبدی غصّه دن گوز یاشیم الله گوز یاشی دور گوندوز گئجه یولداشیم الله یوخدور آنام باجیم آتام قارداشیم الله قلبیمده محنت بسلرم عجّل وفاتی من دختر دردانۀ ختم رسولم صدّیقه ی کبری گل طاها بتولم بو بی وفا امّت جفاسیندن ملولم قلبیم ائدوب غمدن ورم عجّل وفاتی ترک ایلیوب دنیانی طاها سوگوارم یاننام آتا هجرینده هر دم اشکبارم بو امّته آخر آتامدان یادگارم بند دل پیغمبرم عجّل وفاتی پیغمبر رحمت ائلیکی ائتدی رحلت دوتدی جهانی سر به سر اندوه و محنت ئولدی او شه زهرانی بیردن داندی امّت روز و شب افغان ایلرم عجّل وفاتی چوخ امّتی چیخدی وفاسیز مصطفانون دؤندردی قانه قلبینی بو بی نوانون غصب ائتدیلر حقّین علی المرتضانون اول بی کسه غم پرورم عجّل وفاتی دوشدی او حضرتدن صورا باشیم بلایه توش اولدی درگاهیم منیم نار جفایه یاده دوشر اول منظره گللم نوایه یاننام ئورکدن سسلرم عجّل وفاتی برپا او گون اولدی منیم محشر قاپیمدا فریاده گلدی ثانی کافر قاپیمدا چیخدیم گورم اول فتنه جو نیلر قاپیمدا قورخوشدی اطفال حرم عجّل وفاتی بیلدیم بودور قصدی علیدن بیعت آلسون دینون یولون بیراهیه دنیاده سالسون گوردوم گرک فریاد حق عرشه اوجالسون مظلوم امامه یاورم عجّل وفاتی ای وای او ساعتدن کی گلدی قهره ثانی چکدی اودا درگاه شاه لافتانی عزم ایلدیم حفظ ایلیم خط ولانی الدن وفانی وئرمرم عجّل وفاتی ای وای الهی زمرۀ اغیار الیندن شکوایه گللم روز و شب اشرار الیندن واردور یئری قان آغلاسام مسمار الیندن سینه یارالی دلبرم عجّل وفاتی سن سن خبیر الله غم دیوار و دردن زهرا نلر چکدی فشار اهل شردن ایمنده محسن قالمادی یا رب خطردن غرق غم و اشک ترم عجّل وفاتی تندن فراغت جامه سین سویدوم الهی قرآن یولوندا جانیمی قویدوم الهی اون سکگیز ایلده دهریدن دویدوم الهی گلشنده یاس پرپرم عجّل وفاتی قلبیمده یا الله قالانمیش غم غم اوسته سینه یارالی ، نیلی صورت ، قلبی خسته ایستور ئولوم صدّیقۀ پهلو شکسته پر غصّه عمری نیلرم عجّل وفاتی یوخ طاقتیم آرتیق داخی داغلار گورم من بو ائوده زینب گوزلرین آغلار گورم من شیر خدانون قوللارین باغلار گورم من ای خالق صاحب کرم عجّل وفاتی ** علیرضا حضرتی (ناعمی)

متن شعر ترکی توسل به چهارده معصوم(ع) -(روز محشرده خلق اولار حیران #پیامبراسلام (ص)  روز محشرده خلق اولار حیران  اهل ایمانه حق عنایت ایدر  تابع اولسان اگر پیمبریوه  سنه ده لطفیله شفاعت ایدر  .  .  #فاطمیه (س)  عفت و عصمت و حیا و ادب  اهل ایماندا اولسا زیبادی  آرزو ائت بونی اؤز عترتوه  اسوۀ بو صفات زهرادی  .  .  #حیدریه (ع)  جاهلیله چوخ اولما هم صحبت  جهل ایدر عاقبت سنی گمراه  سنی دریای جهلدن قوتارار  ایسته سه گر علی ولی الله  .  .  #حسنیه (ع)  صالح اولسون گر ایسته سن اولاد  صالح اولادیدن یِتَر حَسَنَه  مجتبادور بو حاجته مامور  صدق اوزیله توسل ائت حَسَنَه  .  .  #حسینیه (ع)  قاپوسین کلبۀ محقّریمون  مردم روزگاره باغلامشام  اوتوروب تک همیشه خلوتده  گجه گوندوز حسینه آغلامشام  .  .  #عباسیه (ع)  گجه دور نصف شب نماز اوسته  اعتنا ائتمه مکر خنّاسه  اولسا هر مشگلین گوزی یاشلی  سویله باب الحوائج عباسه  .  .  #سجادیه (ع)  ظالمه خائنه دچار اولسان  گلمه داد و فغانه دنیاده  خالص ائت نیتون حقیقتله  ائت توسل امام سجاده  .  .  #باقریه (ع)  شیعه لر دادخواهی عالمده  زینت مجلس و منابردی  عمله هر کیم ایستیه تاپا ال  او اموره امام باقردی  .  .  #صادقیه (ع)  ایسته سن محکم اولسون ایمانین  بیله ایمان مراد عاشقدی  اونی ایسته امام صادقدن  رهنماسی امام صادقدی  .  .  #کاظمیه (ع)  شیعه سن بو خبردن اول آگاه  اگر اولسان مریض دنیاده  بیر گجه خلوت ایله گوز یاشلی  یاز عریضه غریب بغداده  .  .  #رضویه (ع)  تنگه گلسن دیار غربتده  دئمه دردین بیر آیری انسانه  وار امام رضا کیمی آقامز  دوت یوزین صدقیله خراسانه  .  .  #جوادیه (ع)  دوشسن امر معاشیده ضیقه  دوندور تیره شامه گوندوزوی  آتما چوخ ایلرین بویانا  گیت امام جواده دی سوزوی  .  .  #امام_هادی (ع)  گر ایتیرسن حقیقتین یولونی  نه رفیقه و نه منادیه دی  صدقیله اهل بیته دوت یوزیوی  هر سوزون وار امام هادیه دی  .  .  #عسکریه (ع)  یِتَه َسن نعمت خداونده  گورمَه سَن ابتلا و آزاری  هر کیم اولسا بو دار دنیاده  حسن عسکری عزاداری  .  .  #مهدیه (عج)  گورسن عالمده فتنه نین یاغشی  هر طرفدن بو روزگاره یاغور  شب جمعه توسل ائت دلدن  دور امام زمانی داده چاغور  .  . 

72014_140011142411_177864.ogg

زبانحال حضرت علی(ع) به حضرت زهرا(س) -(گول اوزلی دلبریم وفالی هَمسَریم) گول اوزلی دلبریم /وفالی هَمسَریم بو شهر ایچره غریبم دور/یارالی یاوَریم سنی غملر اَیاقدان سالدی زهرا علی سندنصورا تَک قالدی زهرا۲ یارالی فاطمه۳ قالیب آغلار گوزوم/ قَرادی گوندوزوم ئولوم حقدی ولی زهرا/نجه سَنسیز دوزوم دونَر قَلبِ علی هجرونده قانه بالالارون سنی دوتسا بَهانه۲ یارالی فاطمه۳ منی سالدون غمه/ دییوم آخر کیمه یخیلدون کوچه ده دوشدون/ایاقدان فاطمه قاپون یاندی بالان گیتدی اَلوندن یانیر حیدر سنی قنفذ دویَندن۲ یارالی فاطمه۳ اورکده وار غمیم/ داخی یوخ هَمدَمیم ایوینده دوقّوز ایلده چوخ/یورولدون مَحرَمیم آپار پیغمبره دیلده شکایت علینی ایتدیلر سندن خجالت۲ یارالی فاطمه۳ نظر قیل حالیمه/ غم و آلامیمه ایویمی یاتماقیله سن/یخیبسان فاطمه سلامِ حیدری زهرا آلان یوخ علی (بیکَسدی) یاده بیر سالان یوخ۲ یارالی فاطمه ۳ شاعر: مهدی عبادی(بیکس)

#چهارشنبه_های_امام_رضایی 💚 🌱بهشتِ نقشه‌ی جغرافیاست، مشهدِ تو درِ ورودی عرشِ خداست، مشهدِ تو... 🌱به ربَّنای قنوتی که خالی از حَسَنه‌ست تمامِ حاجتم از آتِناست، مشهدِ تو... 🌱تمامِ کشورِ من صحن‌هایی از حرم‌اند میان این همه؛ «باب‌الرضاست» مشهدِ تو... #ای‌حرمت‌ملجا‌درماندگان #دلتنگ‌زیارت