ورود ماه محرم ابوالفضل عباسی معروفان اهری سبک: اصغریم ای شیرین زبانیم ___ هارداسان فاطمه بالاسی باشلانور جدوون عزاسی چکدیلر قاره عرشه دوتدی عالمی یا حسین صداسی داده گل-میر و مقتدا سن سن آقا یاسه گل-صاحب عزا سن سن آقا اباصالح اباصالح _____ شیعه بو غمده سینه داغلار عشقیلن باشه قاره باغلار قاره کوینک گینلر آقا جدوون ماتمینده آغلار هارداسان-غم نواسی دیللرده قالوب گل آقا-اصغرین قانی ییرده قالوب اباصالح اباصالح __ دیللره زمزمه سالان گل شیعه نین فکرینه قالان گل پرده غیبیدن کنار اول ای حسین قانینی آلان گل لطف ایله-آل اله سنق قلبیمیزی گلمه سن_کیم بیلر بیزیم دردیمیزی اباصالح اباصالح 🌴🌴🌴🌴🌴🌴🌴

‍ بحر طویل در آرزوی کربلا وئروک آنان فاطمیه بیز قسم قیل نظر عاشقلریوه یا حسین قویما قالاخ قبریوه حسرت بو ایل ایسته بیزی محضریوه یا حسین یاده دوشر چون او ضریح طلا پُر جلا ، مُشک سا نی کیمی دلدن ائدروک بیز نوا بَر ملا ، ایلروک حقدن دعا ائتسون او قبری بیزه قسمت خدا اخذ ائلیک خاک دروندن شفا تربت پاکون ائلیک طوطیا جاری ائدک شوقیله صبح و مسا ، دُرج بصردن گُهرِ پر بها اوُل حرمِ اَطهریوه یا دوشر بلبل خونین پرون ، نوبرون ، سینَوون اوستونده علی اصغرون مرهمِ زخمِ دلِ غم پرورون زیر قدومونده ملک منظرون ماه لقا ، زهره جبین ، اکبرون صبح حیاتونده ، ایشیق اخترون شبه نبی ، مظهر پیغمبرون گول کیمی صد پاره او گول پیکرون ایسته حضورونده بو عاشقلرون دوتسون عزا اکبریوه یا حسین بخشش و جودون سالوب آفاقه سس قیلّوق او شش گوشه مزاره هوس گوز یاشیمیز یوزده چو رودِ ارس ناله و افغان ائدروک چون جَرَس سنسن او کس نورِ رُخوندن ز بس طوریده موسایه گوروندی قَبَس (1) حیف بو شأنیله سنون ، خار و خس اولدی کفن پیکریوه یا حسین عاشقوک عبّاسِ وفاداریوه یاریوه ، غم گونی غمخواریوه یار و مددکاریوه ، محرم اسراریوه منشی و مصطوفی درباریوه شیر ژیان ، ضیغم قهّاریوه خصم شکن یاریوه سرداریوه بحر سخا گوهر شهواریوه عجز ائدروک خالق غفّاریوه لطف ائله سون جمله عزاداریوه زائر اولاخ یاروریوه یا حسین ــــــــــــ (1) قَبَس = شعله - پاره آتش ✍مرحوم ناصراردبیلی 🌴🌴🌴🌴🌴🌴

آغاز محرم🌷 ▪️️▪️▪️▪️▪️ گئنه بزم ماتم قورولدی یا زهرا حسینه عاشقلر پریشان آغلار قره پرچم یاده سالار پرچمداری وفالی سقایه ئورک قان آغلار نقدر وار شیعه حسینه نوکردی فدای اکبردی ئوز عشقین ساتماز آقامیز مولادی سخاسی دریادی غلام دربارین گؤزوندن آتماز قالاجاق دیللرده حسین آدی والله حسیندور حبل الله ابا عبدالله قره پرچم حقدی صفالی بیرقدی قسم پرچمداره بو پرچم یاتماز علم ثارالله لوای عزتدی وقار و شوکتدی قسم طاهایه بو قرا کوینکلر نشان غیرتدی جواز جنتدی قسم مولایه کیم عزاده آغلار قرا باشه باغلار حسینه یاس ساخلار جهنم گؤرمز دوتاجاق مولاسی او احسان دریاسی الیندن محشرده قسم زهرایه ای حسینه عاشق ئوز عشقینده صادق گل اول شاهه لایق باشیندا قاره گل اگر دردون وار دئنن یا ثار الله جواب ائتمز والله تاپاریان چاره یئتیشوب ماه غم گیوب قاره عالم اسور قانلی پرچم محافللرده یوزه اشکین جاری ایله گؤزدن باری دوادی گؤزیاشی دل بیماره گلور عطر یاس و هوای احساس و لوای عباس و صدای زهرا اوجالور هر یئردن صفا و زمزمدن کنار علقمدن نوای زهرا دیور هر دم ایوای اوجا بوی اوغلوم وای علمداریم لایلای دوشوب قوللارین ئوپوب آلنون پیکان سنه جانیم قربان وئرر اجرین والله خدای زهرا #استادمعروفان اهری #ورود_به_محرم 🌴🌴🌴🌴🌴🌴🌴

ورود به ماه محرم مرحوم حسینی سعدی زمان ماه محرّم اولدی عالم سراسر آغلار مظلوم اُلن حسینه جدّی پیمبر آغلار گلزار دین اسلام اولدی خزان بو آیدا آغلار اودور سراسر اسلامیان بو آیدا آچسا شکوفه گولسه هر گلستان بو آیدا دنیا بویونجا جور خاریله گل لر آغلار بو آی خزان اولوبدور دشت بلاده بیر گل آغلار گله باخاندا صحن چمنده بلبل گل یوزلی اکبر اُلدی، نه گل داخی نه سنبل شبنمدی اشک بلبل گلشن سراسر آغلار بو آیدا یاسه باتدی افلاک و مهر و ماهی دشت عراقی ایتدی منزل حجاز شاهی جور مخالفیله گیتدی جلال و جاهی تا وار جهان، بو آیدا گویده ملک لر آغلار قاسم بویاندی قانه، عونیله جعفر اُلدی آئینه ی پیمبر شهزاده اکبر اُلدی لیلانی ایتدی مجنون اول ماه منظر اُلدی وار ایمدیده گمانیم لیلانی مضطر آغلار شیر خدایه وارث عبّاس سرو قامت بو آی بلا چولینده گوستردی بیر شجاعت گورمز اونون نظیرین بیر کیمسه تا قیامت صد حیف الی کسیلدی، بو غمده حیدر آغلار بیر قانلی پرچمیله بیر اوخلانان سو مشکی بیر خدمت ایتدی دینه ادیانین اولدی رشکی قانیله قاتدی سقّا آغلار گوزیله اشکی امّ البنین اوغول وای جنّتده سسلر آغلار بیر سودامر بو آیدا قالدی ز بسکه عطشان پستان یرینه اَمدی ظلمیله نوک پیکان عرض ایلسم سزادور آغلار گوریله هر آن لایلای دیر بالایه بیچاره مادر آغلار بیر عدّه دینه یاغی آدین قویان مسلمان دشت بلاده ایتدی جور و جفاده طغیان قرآن ناطق اوغلون اُلدوردولر لب عطشان قرآنیان حسین وای دللرده ازبر آغلار بو سهلدور که اعدا باغلوب ره فراتی یاندوردی اهل کوفه خرگاه طاهراتی قالدی یانار اود ایچره پیغمبرین بناتی بو ظلمی یاد ایدنده زهرای اطهر آغلار عصرین امامی گلموب تا آلمیوب بو قانی بو محنت آغلادور قان سکّان آسمانی بسدور دایان «حسینی» قورتار بو ماجرانی خامه یانار سیزیلدار، یازدوقجا دفتر آغلار مرحوم استاد سعدی زمان #شروع_محرم 🌴🌴🌴🌴🌴

ورود ماه محرم کربلایی ایوب روزبه بخشایش سبک 👇 ایران اگر دل تورا شکستن آقام گینه یتیشدی ماه ماتم قرا گیوب تمام عالم گوزل آدون ایدوبله ازبر حسین حسین دیوله باهم ای دل بو آیدا یاندی قلب زهرا دردانه رسول طاها حسین بالاسینون عزاسی شوریله چون اولوبدی برپا آقام سنون غمونده عالم آغلار نوحه دیردمادم آغلار باشداقرادیلده حسین وای جدون رسول اکرم آغلار سنون آدون نه باصفادی ئورکدن ایسترم بوآدی گل دردیمه ئوزون دواقیل زیباآدون درده دوادی آقا سن آیت ونورخداسن سراج پرنورخداسن نورون ایدوب دنیانی روشن سن شیعیه میرهداسن ای دل بو آیدا فاطمه بالاسی کرب و بلا اولوب مناسی دوغراندی اکبریله اصغر قانیله دولدی کربلاسی آقام سن اصغرین غمینده یاندون اصغرده یاندی سنده یاندون اصغر عطشدن سن ئورکدن پیکانیله قانه بویاندون آقام اکبر غمی سنی اوجاتدی اصغر سنون سینونده یاتدی سنی آقا کرب و بلاده عباسین ئولماقی قوجاتدی اسنده دسته لرده پرچم یاده دوشور فرات و علقم یاد ایلرم سقا دینده اول پاره مشکی من مجسم آقام دردی اولان گلر بو بابه دردین دیر خانم ربابه باب الحوائج اصغر اوغلی تز چاتدیرار اونی جوابه عشقون ایدوب بیزی دیوانه سن شمعیسن بیزده پروانه بو اون گونی عزیز زهرا دردیله گلدیم آستانه #شروع_محرم 🌴🌴🌴🌴🌴

#نوحه_شاه‌حسن‌گویان اول محرم گينه چاتدي ماه محرمون اثر ائتدي ديل لره ماتمون هامي يا حسين ديوب آغليور وورولوبدي هر يانا پرچمون یارالی حسین _ یارالی حسین __________________ حرمونده واردي گوزوم حسين سنه چوخدي غملي سوزوم حسين اولالار فدا بالالاريوه هم آتام ؛ آنام هم ئوزوم حسين اورگيم قوشي حرمونده دي هامونون گوزي كرمونده دي بوتون انبيا بوتون اوليا هامي سايه علمونده دي سنيله اَجين دي سرشتيميز اودي غم دي دير و كنشتيميز آقا جان او مكه ني نيلوروخ حرموندي باغ بهشتيميز #اثرپریشان ___________________ #امام_حسین ع🌹 #شروع_محرم 🌴🌴🌴🌴🌴🌴

نوحه طشت گذاری اثرشاعر(شاکر) تهران 🍂🍂🍂🍂 قاره گیئوب پیروجوان یارسول الله یارسول الله طشته باخوب ایلرفغان یارسول الله یارسول الله 🍂🍂🍂🍂 قانه باتوب داغلی اورک دیده لر آغلار دیده لرآغلار رخسارینه اهل عزاگوزیاشین باغلارگوز یاشین باغلار زهرا اطهر وای دیئوب دللری داغلار دللری داغلار عباس اولوب وردزبان یارسول الله یا رسول الله 🍂🍂🍂🍂 دونموش ایکی گوزکاسه سی لاله تک قانه لاله تک قانه محزون اورک لرتوش اولوب دردوهجرانه دردوهجرانه دللر فغا نی اوج ایدر قلب کیوانه قلب کیوانه اشگ بصراولموش روان یا رسول الله یارسول الله 🍂🍂🍂🍂 لرزه دوشوبدور عالمه سیدی مولا سیدی مولا محزوندی قلب فاطمه سیدی مولا سیدی مولا گل سنده بزم ماتمه سیدی مولا سیدی مولا افغانه گلیمش عاشقان یارسول الله یا رسول الله #طشت_گزاری #سینه_زن 🌴🌴🌴🌴🌴🌴

ورود به ماه محرم عرض ارادت به محضر قمر بنی هاشم (ع) سبک : یا حسین درگهونده گدایم گلدی ماه محرم دوباره اشگ چشمیم رواندور عذاره سسلرم قولسوز عباسین آدین دردمندم آلام بلکه چاره آغلارام ماتمونده ابوالفضل باشه ویرام غمونده ابوالفضل یا ابوالفضل ....... —---------------- سنده وارجمله دردین دواسی ای علینون اوجابوی بالاسی اولماراضی یانا درد اوتوندا هرکمین واردی سن تک آقاسی صاحب عزّ و اجلال ابوالفضل دردمنده نظـرسال ابوالفضل یا ابوالفضل ....... —------------------ چوخلارامراضه آلدی نتایج سندن ای آدی باب الحوائج قطع اولان اللرونله بوجمعین دردینه ایله مولا معالج ای اطبادن افضل ابوالفضل بو شفاخانیه گل ابوالفضل یا ابوالفضل ....... —-------------- یاندورب غملرون شیعیانی غرق محنت ائدوب ماسوانی آغلارهریرده آدون گلنده هرکمین اولسا درد گرانی سسلرعاشقلرون جان ابوالفضل دردلره ایله درمان ابوالفضل یا ابوالفضل ....... —------------------ ای اولان زینبین دلرباسی معرفت بزمینین کیمیاسی کربلاده دوشنده ترابه قیزلارین عرشه چخدی نواسی ملجا آل طـاها ابوالفضل قیزلارائتدی نوا یا ابوالفضل یا ابوالفضل ....... —------------------- پیکروندن آخان قانه قربان تپراق اوسته چخان جانه قربان نهری آلدون ولی ایچمدون سو شیعلرسن تک عطشانه قربان ای حسینه علمدارابوالفضل لشگردینه سردار ابوالفضل یا ابوالفضل ....... —----------------- جسموه چوخ دگوب تیروپیکان یارلردن آخاردی قیزیل قان آه او وقتدن یارالی قوم اوسته غملی شاهی چاغوردون لب عطشان گل دئدون ئولدی قارداش ابوالفضل گوزیاشون اولدی قانیاش ابوالفضل یا ابوالفضل ....... —------------------ آلدی قارداش سسین شاه خوبان مقتله ساری اولدی شتابان گوردی قولسوزترابه دوشوبدی سروباغ شه کون و امکان دیلده اولدی سوزی وای ابوالفضل بیرده گلمز سنه تای ابوالفضل یا ابوالفضل ....... —------------------ ای خدنگ جفایه نشانه دورحسینون گلوبدی فغانه آچ گوزون بیرمنه باخ ابوالفضل آهیم اوج ایلیور آسمانه ای آتام یادگاری ابوالفضل دین حق جان نثاری ابوالفضل یا ابوالفضل ....... —----------------- باشوه قاره باغلا «جوانی» ایله بو آیدا اعلان عزانی ورسالار هاردا عباسه پرچم سنده صدقیله اول نوحه خوانی آغلیاندا دنن جان ابوالفضل قبروه ایله مهمان ابوالفضل یا ابوالفضل ....... #ورود_محرم #حضرت_عباس ع🌹 🌴🌴🌴🌴🌴🌴🌴

  منیم پناهيم اميد‌گاهيم، دایان حسينيم سنه سوزوم وار اوپــوم ایاقون یانـان ددوداقون، امان حسينيم سنه سوزوم وار دایــان بـــراد‌ر عــزیــز مــاد‌ر، گلیـر دالـينجـا پیـاده زینب هـارا گئدیرسن؟ شتاب ائدیرسن، قالوبدي بحربلاده زینب نـه چــاره ائیلیــم یانـيـر بـو قلبیـم، چکیبدی درد زیاده زینب وداع آخر توقف ائت بیر، زمان حسينيم سنه سوزوم وار باجووا لطف ائت بیر آز دایان گئت، اماندي قارداش آماندي ئوللـ‌م گـوزومده یاشيـم آغـاردي باشيم، غمیم بیلیرسن گراندي ئوللـ‌م اییلدی قدیم، یارالي قلبیم خـد‌نـگ ظلمــه نشانديـر اوللـ‌م تـرحم ائیلــه آتــووا وئرمه، عنان حسينيم سنـه سـوزوم وار بــو غمــده قيــزلار غمه گرفتــار، حرمسـراده قاليبـدیـر آغـلار او فوجي آیــا بــو چــولـده تنهــا، بلالـي زینب نه نوعـی ساخـلار تعـجــبیـم وار مگـــر آتــالار، بالالارينـــي بــو نحـــوی یـــوخــلار کومکلری یوخ، بلالری چوخ، اینان حسينيم سنه سـوزوم وار اگربـراد‌ر قــیيتمـاقيــن وار، او کهنــه کـوینــک ندیـر بـد‌نـده ئورک سيخیلدی ايویم یيخیلدی، او کوینـ‌گی سن آليب گينده منــه بس اولـدي، مشخـص اولدي، سنـی سویارلار یقیـن ئولنده همیشه مغموم همیشه مظلوم، اولان حسينيم سنه سوزوم وار قيــزون رقیــه دییــنــده عمـه، هـانـي بابام بس ائـــدیم نـه چـاره نئجــه دئییــم مــن گئــدیبدیر الان، خیامــه گلمـ‌ز بابــون دوبــاره او باغــري قـانـــلار او آغــلیـانــلار، بـالالارونـــدور ائـــدیـــر نظـــاره آتيب گئدیرسن اوْلارا سن سن، گومان حسينيم سنه سوزوم وار شاعر: انور #امام_حسین #قدیمی #زبانحال_خانم_زینب 🌴🌴🌴🌴🌴

سبک شاخصی ، محرم 18⚫️ استمداد ، حضرت ابوالفضل(ع) بند اول دادیمه گل یاحسین رنگ جمالیم سولوب گورموری قارداش گوزوم گوزلریمه قان دولوب"" داده گل عباسین تک قالیب دوره می لشکر کین آلیب# بند دوم نار غمیله حسین غملی دیل اوتلاندی گَل ساقی لب تشنه گان ظلمیله اوخلاندی گَل"" هجرانه طاقتیم یوخدی گَل باشاباش پیکریم اوخدی گَل# بند سوم جسمیده یوخدور توان خیمه سرایه گلم یاتدی علم یا حسین قوللاریم اولدی قلم"" عباسی مرکبدن سالدیلار قاتل لر دوره می آلدیلار# بند چهارم ال چالیری کوفیان شرم دن عباس اولور قالمیشام اللرده گل حالیمه دشمن گولور"" سقاوی سالدیلار محنته گل گور قالمیشام نه حالته# بند پنجم سَرسَر ظلمت اسیب لاله کیمی سولموشام یوخ سپریم سیدی تیره نشان اولموشام"" قوللاریمی سالدی اهل شام گَل ایندی اوخدان پر آچمیشام# بند ششم قالخیری افلاکه گَل آه و نوا سینه دن دورموری باش جسمیده نوفل ائدن ظلمدن"" نهر اوسته قان اولدی گوز یاشیم بیر عمودیله سیندی باشیم# بند هفتم هئچ دئميرم سیدی قان قاریشیب اشکیمه زحمتیم اولدی حَدر ویردیلار اوخ مشکیمه"" بیر اوخ گور آخرده نیلدی عباسی شرمنده ائیلدی# بند هشتم آخدی سویی مشکیمین اولدی بو قلبیم کباب مشکیدن آخدیخجا سو سسلدیم ای وای رباب"" مشکه قوربان اولسون گوزلریم عطشان دی خیمه ده اصغریم# بند نهم گَل شرر آهیله سینه میزی داغلیاخ نار عطشده یانان اصغره لای لای دییاخ"" سن دئمه غم قلبه دولمادی اصغره سو قسمت اولمادی# (گل دادیمه فریادیمه ، امدادیمه) #شاخسی #استمداد #حضرت_عباس ع 🌴🌴🌴🌴🌴

ورن الله یولوندا جان ابالفظل سالان ای عالمه طوفان ابالفظل بوگون عزت سنین شوکت سنیندی محبت ملکنه سلطان ابالفظل امیریمسن نظرکرده اوغولسان اوغولارایچره سرکرده اوغولسان علی اوغلی سن اومرده اوغولسان کی واراوندا یده یزدان ابالفظل الله الله الله الله سبحان الله ابالفظل غیرت الله علیاولی الله .... اولان ای اشناهرناشناسه غیاث اولماز غیاثون اوزگه ناسه وجودونندی بوتون عشق هواسی شعار ملت قران ابالفظل گوزاچ گورنه طوفان ایلیبسن ادون هردلده عنوان ایلیبسن نه کافرسن مسلمان ایلیبسن نه بی دینلرکی باایمان ابالفظل الله الله الله الله الله سبحان الله ابالفظل غیرت الله علیا ولی الله #حضرت_عباس ع 🌴🌴🌴🌴🌴🌴

جناب سعیدسلطانی مداح: ‍ ❣﷽❣ 💚مولودی_امام_کاظم_علیه السلام💚 🎶سبک ؛ گل.من چندین منشین غمگین...‌. امشب از لطف ، خالق یکتا گلشن گردیده مدینه ازقدوم این ، مه زیبا رو روشن گردیده مدینه ⭕️موسی جعفر ،موسی جعفر ⭕️ خوش‌آمدی گل زهرا امشب ای یاران ،خانه ی صادق از مقدمش پر ز نور است شهر یثرب از، مقدم این گل امشب چون وادی طوراست ⭕️موسی جعفر ،موسی جعفر ⭕️ خوش‌آمدی گل زهرا این گل زهرا ، هستی طاها از نسل حیدر رسیده حمیده خندان ،پدرش شادان موسی بن جعفر رسیده ⭕️موسی جعفر ،موسی جعفر ⭕️ خوش‌آمدی گل زهرا این امید جان ،جلوه ی جانان هدیه از خالق یکتاست گل این امت، مادر عصمت شادمان زاین گل زیباست ⭕️موسی جعفر ،موسی جعفر ⭕️ خوش‌آمدی گل زهرا بهراین خورشید، بر همه امید زیبا گشته همه دنیا در همه عالم ، ز قدوم او جشن شادی شده برپا ⭕️موسی جعفر ،موسی جعفر ⭕️ خوش‌آمدی گل زهرا کرده او احسان، شده ایم مهمان گل زهرا در سرایت امشب از رحمت، ای گل عصمت بر ما بنما تو عنایت ⭕️موسی جعفر ،موسی جعفر ⭕️ خوش‌آمدی گل زهرا 🌹هدیه به حضرت معصومه سلام الله علیها (صلوات)🌹