🌸🍃🌾🌼 🍃🌾🌼 🌾🌼 ورود ماه محرم اصغر فرشچی ( عدلی تبریزی) گینه یاران گلوب ماه محرم باتوب یاسه بو عالم غرق ماتم گلستانلار گلی افسرده اولدی چمنده لاله لر پژمرده اولدی خزاندی گلشن آل پيمبر گلوب آه و نوايه دخت حيدر بوآی بير محشر كبرا اولوبدی سو سوزدان گلشن طاها سولوبدی گلون شيعه بو آی سيز شورشينه عزاداری ايداق تشنه حسينه شهيدان يرده بی غسل و كفندی عيال آل حيدربی وطندی ايدوبلر قانه غلطان قوم نا پاك شبيه مصطفانون قلبينی چاك ديوللر قطعه قطعه دوغرانوبدی آتا گورجاق ديوب قلبيم يانوبدی ايا صاحب زمان باشون سلامت يرآغلورگويده وار شور قيامت بو آی جنتده زهرای شهيده توكر قانياش اولار قدی خميده گلرتا قتلگاه عشقه باخسون حسين قانين او یرده زلفه ياخسون ديسون باشسيز بالا نور دوعينيم آنان جانی سنه قربان حسينيم غزالان حرم بی خانماندی گرفتارعدو وكوفياندی تنورخوليده باشون نهاندی منی درده سالان اول خيزراندی باشون مطبخ سراده كوللراوسته اوباشی بسلموشدوم گوللر اوسته قيزيم زينب دوتوب شام غريبان ديور وای قارداشيم با چشم گريان ويرورسس زينبه كلثومه آغلور توکور قانیاش سکینم سينه داغلور رباب آغلور ديور وای اصغريم وای باتان اولدوز كيمی بير اختريم وای ويروللر سس سسه اونلا يتيمان پوزوبلار حاليمی اولدوم پريشان ندن من اولماديم باشون كسنده قوپوپ طوفان قراء يللر اسنده اجازه وِيرگلوم مطبخ سرايه اولوم مهمان سنه اتمه گلايه اوپوم قانلی گوزون قانلی دوداقون نچه ساعت آنان اولسون قوناقون گوروم شمری ايكی الدن شل اولسون بوخولی عمرونون گلزاری سولسون اوغول من بو گجه شب زنده دارم آناوام روحوم آغلوربی قرارم غمونده گرچه (عدلی) خونفشاندی قیامت حالینه چوخ ناگراندی اونا سن التفات ایت روز محشر اولوبدی عمرونی درگاهه نوکر 🌾 🌾🌼 🍃🌾🌼 🌸🍃🌾🌼

التماس دعا عدلی تبریزی

🌾🌼 🌼 حضرت علی اکبر علیه السلام حاج اصغر فرشچی (عدلی تبریزی) اکبرین سالدی یولا عشقین یولی معنا اولا کیمدی بو ماه منور تک جهان آرا اولا سرّ اكبردور کی اوّل عزم میدان ائیلیوب مطلع الانوار نور عَلّمَ الأسما اولا شوقیله ائتدی تجلیگاه عشقه بدرقه دین و اسلام و شریعت قانیله احیا اولا تنفِقُو مَمّا تُحِبّوُنَ آیه سیندن درس آلوب تاکی حق قربانی قربانگاهده زیبا اولا باخدی اکبر قدینه یاده سالوبدی جدینی آز قالوردی قلبیده هنگامه ای برپا اولا بسلمیشدی اشبه پیغمبری بو نیته عازم کوی منای روز عاشورا اولا کوفیانیله ایدوب اکبر اوگونده تا مصاف کربلای پر بلاده یاور بابا اولا تا گلوب اظهارایده من تشنیم سوویرآتا آز قالوربوتشنلیق منده توان فرسا اولا باخ آتالیق مهرینه قویدی لب لعلین لبه تا مبادا راز و رمز عاشقی افشا اولا سوی میدانه قیتدی تشنه لب جان خسته سی لشکر بی دینیله بار دگر دعوا اولا نوش جان ایتدی شهادت جامی اکبر ویردی جان (عدلی ) یاز بو مطلبی دشمنلری رسوا اولا 🌿 🌿💐 🌾🌼🌿 🌸🌾🌼🌿

🌿🌸🍃 🌸🍃 💐 حضرت علی اکبرعلیه السلام زبانحا ل حضرت لیلی س در وداع حاج اصغر فرشچی ( عدلی تبریزی) قیامت ایلـورعالمده عـلی بو قامت رعنا شبیه احمد مرسل بو حسنون ایلوری غوغا هزاران آفرین اولسون سنه صانع اولان خلاق چکوب صورتده طاق ابرووی منزلگه کسرا لب لعل گهربارون سَحاب عشق ورحمت دور زمین شوره گریاغسا اولارگل بوته سی پیدا او مشگین طرّه لربوئی بهاران ایلوب دشتی گولورگوللراوخوربلبل ایدورعشقی اوغول معنا گل اگلش شانه ویرسون تا بوزلف عنبر افشانه ایدرآرایش زلفون اولارعالم چمن آرا سن ای بازارعشق ایچره ایدن سودای هـرمستی رضایم گیت بوسودایه باشا قوی تاج کرّمنا سنی جام شهادت مست ایدوبدی بومناده گیت صبوراولّام غم هجره غم ایتمه ای گل زیبا کرم قیل بیرجه آهسته قدم ویرتا بویون گورسون گورر بیرده بویون لیلی دم محشر دم عقبا الون قـوی سینمه بلکه دوزه قلبیم فراقوندا شهادت جامی نوش ایتسن آنان لیلی قالار تنها اولیدی کاش ویریدیم سوسنی عطشان یولا سالسام گونون بوایسَی وقتینده سوسوزمشگل ایدردعوا بورسم اولموش سپللرسوسفرده هرگیدن اولسا دالونجا سوسپم یوخدی سپر گوز یاشنی لیلا ارادتمندیدی(عدلی) بیزه نوحه یازار دائم ولایت گلستانینده اولوبدی بلبل شیدا 🌿🌸🍃🌼

حضرت قاسم ابن حسن مجتبی علیه السلام زبانحال حضرت سریه سلام الله علیها اصغر فرشچی (عدلی تبریزی) یاتما بو چولده اوغول دور باغریمی قان ایلمه هرنه وار دردون بیان ایت دیلده پنهان ایلمه آچگوزون دلبند مادر گلموشم گور نالیه اوز دیلونله من آنایه سویله افغان ایلمه باغبان تک سن گلی من بسلدیم شادان گورم دورگولوم گول بوآنان پژ مرده گریان ایلمه مجتبادن درس آلوب اولدون بوگون دینه فدا ای مه تابان من ترک شبستان ایلمه عقده لر وار بو دیلیمده قانلی زلفون تک اوغول عقده می آچ باخماقونلا دل پریشان ایلمه یاتموسان نازیله سن من زارو هم سرگشته وم گل منی سر گشتۀ دشت و بیابان ایلمه سسلورم سس ویرموسن ای قانه غلطانیم بالا آتش غمده یـانان بو قلبی سوزان ایلمه باغریمی قان ایلیوب سالما منی بوچوللره گل آناوی مبتلای درد هجران ایلمه من دیردیم توی دوتوب قول بوینوا سالام اوزوم بو گویول آباده سین دور یاتما ویران ایلمه قلبیده وار آرزوسی هر آنا گورسون عروس دور منی یوسف کیمی یعقوب کنعان ایلمه باخورام یاره لره گل کیمی اوخدان پرآچوب باغ و گلشندی وجودون ترک رضوان ایلمه هرگلون بیرعطری وارکاشانه ی دل دور را بو تن گل بو دل کاشانه سین سن لیل ظلمان ایلمه ایت آنالیق حقی بیر دفعه اوغول آچ گوزلرون من باخوم سن باخ منه ترک سرو جان ایلمه بیر نگاهونلا بالا دینجد منی چوخ خستیم غرق دریای غم و اندوه و حرمان ایلمه بیر باخیش باخسان بسیمدی گل محبت ایله باخ من اسیرم کاروان یولاندی لنگان ایلمه پیچ و خم وار شام و کوفه یولاریندا دردو رنج آچماموش گوز سن روان شام ویران ایلمه (عدلیه) بیرالتفات ایله دیور چوخ قورخورام یـالوارور دادارینه محشر ده نالان ایلمه

🌸🍃🌾🌼 🍃🌺🍂 🌿🍂 💐 سنون اوستونده حساب ایلموشم اصغرفرشچی (عدلی تبریزی) ساقيا من هوس بادۀ ناب ايلموشم* قوخمادولدورقدحی زاهدی خواب ايلموشم زاهدا من دليم موعظه آز ايله منه پوزموشام دفتری ديوانی خراب ايلموشم* گجه معشوقه نی مست می عشق ايلماقا آييلان اولدوزا بير يرده جواب ايلموشم* دفترايچره يازيلان شعر و غزلدی ؟ نه گولوم باغريمون قانيدی كه زيب كتاب ايلموشم بيت بيت هرسوزی يازدوقجا اورك قانه دونوب دايانان وقته قلم ديده پرآب ايلموشم هريازاندا من حسين سسلموشم آغلاموشم اصغرين ياده سالوب قلبی كباب ايلموشم بيتينه مُلك سُليمان وِیرولَه اُولمازعوض نینورم دنیا مالین حشره ثواب ايلموشم ايل بويی هفته لری محفل غملرده گيدوب نوحه خوان اولماقوچون چوخلی شتاب ايلموشم هرجمعه سسلموشم تا گله زهرا بالاسی بولمورم راه خطا يا كه صواب ايلموشم اولمادی نعمت وصلی منه بيرقسمت عمور اوزومی اوزگنی بيهوده عذاب ايلموشم محفل غمده چاتوب باشه بوعمروم قوتولور دل دوشوب تاب وتبه هجرينه تاب ايلموشم بارالها هامودان ال اوزولوب تك قالالی گينه ده من سنون اوستونده حساب ايلموشم (داد مهرين) سوزی شيريندی سويوب «عدلی»اونا نچه خط يازدی دِیدی دفتره باب ايلموشم 🌿 🌿💐 🌾🌼🌿 🌸🌾🌼🌿

بسم الله الرحمن الر حیم اللهم_عجل_لولیک_الفرج بیست_و_چهارم_ذیحجه_روز_مباهله . بیست و چهارم ماه ذی الحجه سال ۹هجرى قمری مطابق با پانزدهم فروردین سال ۱۰هجری شمسی بعد از فتح مکه واقعه مباهله اتفاق افتاده است. رسول_خدا_صلی_الله_علیه_وآله نامه اى به نصارای_نجران فرستادند وآنان رابه اسلام وعبادت خداوند يكتا دعوت نمودند. بنى_نجران به مشورت پرداختند، بزرگان آنها مخالفت کرده وامر به مباهله واگذارشد. جبرئيل نازل شد واين آيه را آورد: "فقل تعالوا ندع أبنائنا وأبنائكم ونسائنا ونسائكم وأنفسنا وأنفسكم" اگركسى باتو مجادله كند بعد ازعلمى كه نزد توآمده، بگوبيايد تا فراخوانيم پسران وزنهاى خود وكسى كه به منزله جان ماست، آنگاه نفرين كنيم ولعنت خدا رابر دروغگويان قراردهيم. رسول خدا بهمراه امیرالمومنین وحضرت_زهرا و حسنین علیهم السلام به محل مباهله حاضرشدند. اسقف_اعظم همين كه چشمش به پيامبر وآل عبا عليهم السلام افتاد، وحشت كرد وفهمید که پیامبر آنقدر مطمئن است که بهترین عزیزانش رابرای مباهله آورده وهیچ ترسی ازنفرین شدن ندارد. ناگاه صدازد اگراینان نفرین کنند همگی نابود میشویم. سپس ازمباهله دست کشیده وعده ای ازآنها مسلمان شدند وعده ای دیگرشرائط ذمه را پذیرفتند. الإرشاد ج۱ص۱۶۶ البرهان ج۱ص۲۷۸ حدیث_کساء بیست و چهارم ماه ذی الحجه سال ۹هجری قمری نزول آیه تطهیر واقع شده است. ماجرای حدیث کساء درچندین مکان تکرارشده است. یک مورد آن بعد ازجریان مباهله درهمان سال نهم و اواخر ذیحجه رخ داد. پیامبر، حسنین و امیرالمؤمنین و حضرت زهرا علیهم السلام را زیر عبا قرارداده واین آیه نازل شد: "إنما يريدالله ليذهب عنكم الرجس أهل البيت ويطهركم تطهيرا" خداوند گواهی بر عصمت_اهل_بیت علیهم السلام وطهارت جسم آنان داد. پیامبر فرمودند: "یاعلی هذه الآیة نَزلتْ فیک وفي سبطيَّ والأئمة من وُلدِک" کفایةالأثر ص١۵۶ نزول_هل_اتی بیست و چهارم ماه ذی الحجه سال ۶هجری قمری مطابق با هفدهم اردیبهشت سال ۷هجری شمسی مولا امیرالمؤمنین علیه السلام نذر فرمودند که سه روز روزه بگیرند وبه تبع حضرت زهرا وحسنین علیهم السلام نیز روزه گرفتند وهر روز موقع افطار، غذای خودرا به مسكين و يتيم و اسير عطاکردند وبا آب افطار نمودند‌. بعداز آن برای آنان طعام بهشتى وسوره هل أتی نازل شد. زادالمعاد ص۳۰۱ خاتم_بخشی بیست و چهارم ماه ذی الحجه أميرالمؤمنين درمسجد پيامبرعليهماالسلام انگشترخود را درحالت ركوع به سائل بخشيد، وآيه مباركه "إنماولیکم الله ورسوله والذین آمنوا الذین یقیمون الصلاة ویؤتون الزکاة وهم راکعون" درشأن حضرت نازل شد. البرهان ج۱ص ۴۷۹ از سروران عزیز. التماس دعا دارم حاج اصغر فرشچی(عدلی تبریزی)

🎼سبک نوحه فوق👆👆 🎤#بانوای_حاج_علی_سیفی_افشار 👌پیشنهاد دانلود100% ________ ⬅️ آیدی مدیریت:👇👇 https://eitaa.Com/seyfiafshar https://eitaa.Com/seyfiafshar ________ ✅ به ما بییوندید👇👇 #کانال_رسمی_مداحی_حاج_علی_سیفی_افشار در پیام رسان ایتااااااااا👇👇 http://eitaa.com/joinchat/3601727499C34b432a9d1

🎼سبک نوحه فوق 👆👆 🎤#بانوای_حاج_علی_سیفی_افشار ____________ ⬅️ آیدی مدیریت:👇👇 https://eitaa.Com/seyfiafshar https://eitaa.Com/seyfiafshar ____________ ✅ به ما بییوندید👇👇 #کانال_رسمی_مداحی_حاج_علی_سیفی_افشار در پیام رسان ایتااااااااا👇👇 http://eitaa.com/joinchat/3601727499C34b432a9d1

🍃 💐🍃🌿 🌿🌸🍃 🌸🍃 🌿 حضرت اباعبد الله علیه السلام بالای سرحضرت ابوالفضل علیه السلام اصغر فرشچی ( عدلی تبریزی) سبک: نوائی ..... نوائی..... جسمونده یاره لر چاتوبدی باش باشا قول لارون سالوبلارقان ویرورهر یارا دوربلبم سندی اماندی قارداش قارداش اولـومی یامانـدی قارداش یا ابا فاضل یا ابا فاضل سـسلـدون ادرکـنی بـو دشـت بـلاده الـلریم بـلـیـمـده دور گلدیم امـداده اوخلانوب سومشکون گلموشم فریاده تأثیر ایلوب غمیم ابـالفضل داغ داشـا دوربلبم سندی اماندی قارداش قارداشاولـومی یامانـدی قارداش یا ابا فاضل یا ابا فاضل قـالماسـون خـیـمده تشنه لـب بـنـاتی مشگون الونده سـن تا آلدون فراتی حیرتـه سالموسان ارض و سـماوتی ایـچـمـدون جـرعـه سـو ایلدون مواسا دوربیرده مشکون اَلَه آل قارداش یوخ قیدیمه قالان اوزون قال قارداش یا ابا فاضل یا ابا فاضل شـیـ هـیـجاسـن پـرآچـان عــنقاسن هــرفـنـون جـنگـه قـارداش آشنا سن فـراتـی فـتـح ایـدن تشنه لـب سـقاسـن یاتما دورسیل غـم ایستور باشـدان آشا وفا یولونی سـن نشان ویردون نـهـرِاَلقمده تشنه جـان ویردون یا ابا فاضل یا ابا فاضل اسـتـقلال دیـنـه سن ایکی قول ویردون کچدون باش وگوزدن صاقیله صول ویردون هـرگـلـن پیکانـه سیننده یـول ویـردون سن عشقونله ویردون بو جهانه صفا هانی بس قول لارغـم مـنی سـیخدی دورحسین آهـی گـویـلره چـیـخدی یا ابا فاضل یا ابا فاضل کیچیلوبدی جسمون یاره تعدادی چوخ سینه وه دوزولوب وای منه نیزه اوخ هاراندان من اوپوم صاح یرین تنده یوخ جسمونده یاره لر چاتوبدی باش باشا آماج اولوندی جسمون سیوفه ماهِ هاشمی دوشدون خسوفه یا ابا فاضل یا ابا فاضل بـازار عشقـیـده جـان حـراج ایلـدون قـرمـزی قـانـیـوی باشـه تـاج ایلـدون سـیـنوی هــرتـیـره سـن آماج ایلـدون شــریک نهضتیم سـن روز عـاشـورا جامۀ عشقیمی سویمیین قارداش اولونجه تک منی قویمیین قارداش یا ابا فاضل یا ابا فاضل مست عشق جانان کوی عشق قربانی یوخ اَلون سیلَسَن گوزدن آخان قانی آچ گوزون گل دله ای وفانون کانی عشق جانان اوسته دینه اولدون فدا ای هـوا داریم گل دله قارداش بیرده دوراَلَمون آل الـه قارداش یا ابا فاضل یا ابا فاضل جسمون آماج اولوب بوچولده سیوفه ماه هاشمی سن دوشموسن خسوفه آغلورام من گولور شـام و اهـل کوفه مشکل دورقارداشون اولومی قارداشا دشــت بــلاده دیـنـه فــداســن هردرده درمان مشکل گشا سن یا ابا فاضل یا ابا فاضل آغلار(عدلی) بیزه هـرصبح وهـرمسا گویلی ایستور گوره بیرده کرب وبلا سـن باب الحوائج آدون مشکل گشا مشکولون آچ اونون دردینه ایت دوا سن مشکل لری آسان ایلر سن چاره سیز درده درمان ایلر سن یا ابا فاضل یا ابا فاضل 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 طفلان مسلم ابن عقیل سلام الله علیه اصغر فرشچی (عدلی تبریزی) الله عشقينده يانور گورنجه بال وپريميز گيدولوب باد فنايـه الده خـاكستريميز عشق معبود بيزي هريره چكسه گيدروخ باخما دنيا يوزونه تيره دي چشم تريميز نه خطا باش ويروب حارث بيزی سن الدوروسن ای اولان قاتل مردود و جفا گستريميز الوی قانه باتورما شهريثربده بيزيم گوزتيكوب يوللارا وار مادرغم پروريميز صون نفسده وير اجازه ايكي ركعت نامازا ايلياق راز و نياز حكم ايلسون داوريميز باش گوتورخاك لحدن بابا مسلم بورا گل يوخدی بير قيده قالان وارنه ده بير ياوريميز «عدلنون» واردی اميدی ايكي مسلم بالاسي ديه بوخادم ومـداح دی بيزيم نـوكريميز 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 ورود به کربلا اصغر فرشچی ( عدلی تبریزی) بوبيابان بلا كعبۀ غـم دی گوروشور اوّلين منزل وصحرای قِدم دی گوروشور بوسفرآخره چاتدی گَلی منظوريم اَلَه كعبه دن اشرف اولار باب كرم دی گوروشور ای ابولفضل دِنه انصاريمه مُحِرم اولا لار كعبۀ عشقيدی عشّاقه حرم دی گوروشور بو همان يردی آچار دشمن الين قان توكولر اوخ آتان نيزه ويران ظلم و ستم دی گوروشور باجی الدن اليوی اوزمه ليم داد ايلمه غصّه دن قدِ كمانون ديمه خم دی گوروشور دنيادا کيمدی قالان باب كباريمده دِنَه منه ده هم سنه ده دنيا عدم دی گوروشور من خليلم بومنا دورگتوروب اكبريمی تشنه قربان ايدرم حقّه رقم دی گوروشور گراولا وادی عشّاق بويرقانلی تُراب نقدرلاله بيترگوزگوره كم دی گوروشور (عدلی) يازعهد الست اوسته بويرمدفن اولار زایریم گلسه گورر بزم اَلَم دی گوروشور 🌾 🌾🌼 🍃🌾🌼 🌸🍃🌾🌼