🌸🍃🌾🌼 🍃🌺🍂 🌿🍂 🍃 استمداد حضرت ابوالفضل علیه السلام سبک: حسین تعجیلیله گیتمه ......و.... اصغر فرشچی ( عدلی تبریزی) منای عشق و همتده یانان پروانیم قارداش دوشوب قولارآخورقانیم یارا شان شانیم قارداش کر: بهاریمیز خزان اولوب گل بوگوزلریمه قان دولوب گل وصال عشقیده قارداش زبس پیمانه لر ایچدیم اولوب تامست عشقوندن وفارسمین اودورسچدیم ایکی قولدان گوزومدن من ره جانانیده گچدیم تما ما مست اولوب اعضا ئوزوم پیمانیم قارداش آخوبدورقان وجودیمدن داخی قالموب منه طاقت سنی گرسسلدیم قارداش واریمدورالده بیرعلت منه اوغلوم دیدی زهراابوالفضله ویروب عزت سنق پهلوسنی گوردوم اودوردیوانیم قارداش شمادتدن یانورقلبیم دیوللرقولارون یوخدی ویرولاردل یاراسی گل یارامداسوزشیم چوخدی منی چوخ اینجیدن قارداش گوزومده شعبه لی اوخدی سریریم خون دوریکسرقانین غلطانیم قارداش ویروبلاریاره لرسانسیزویران هیچ ظلمدن دویماز دوباره ایستوری ویرسون مگریاره یارا سویماز کمک سیز قالموشام قارداش عدو نقصان یری قویماز ویرار یاره یارا اوسته یارا شان شانیم قارداش اراده ایلیوب گورسون جمالون جلوه سین گوزلر نقدری گلمه سن قارداش بو خسته روح سنی گوزلر گلنده آل دیزون اوسته باشیمی دی شیرین سوزلر یو بانما گل آنان گلدی گوزون قربانیم قارداش تا پولماز سنکیمی مرهم بو دم عباسیوه قارداش گَل ای زهرا بالاسی گل گوزومدن جاریدور قانیاش دگوبدور مشکیمه بیر اوخ دگیدی قلبیمه ایکاش غم هجرانه یاندورمابو دم غمخانیم قارداش چوکورروحیم گیدیرگزسین آنان زهرا جوارینده قالارعطشان یارلی تن آخان نهرین کنارینده بودورفکریم که تک قالدون یاناردل غم شرارینده منی تک قالماقون اودلار اونون گریانیم قارداش آلوب جام محبتدن دادوب (عدلی)که کام السون توکرگوزیاشی ایستربیرگوزل قبره قولون سالسون آزا قانع دگور الله سوور ایللر بویی قالسون دیسون عباس دیلینحه من یانان پروانیم قارداش 🌿 🌿🌸 🍃🌺🍂 🌿💐🍃🌿

🌸🍃🌾🌼 🍃🌺🍂 🌿🍂 🍃 زبانحال حضرت رباب سلام الله علیها اصغر فرشچی ( عدلی تبریزی) سبک : یخلوب عباسیم... روحومون صفاسی گلوده یاراسی یوخ منده دواسی بالام یات لایلای گُلِ غـنچه خندان سوویرمدی عـدوان قالدون اوچ گون عطشان بالام یات لایلای بالام ایوای ایوای ایوای بالام . . بوگون اولدی قیامت محشردن بیرعلامت ای گل با طراوت گل شکوفه اوخ کماندان چیخدی بوقلبیمی سیخدی گویول ایوین یخدی بواهل کوفه اوخ ایدوبدی طغیان قالدی آنان حیران سن نیّرتابان دوشدون کسوفه سنی مندن آلدی درد وغمه سالدی آنان ملرقالدی بالام یات لایلای بالام ایوای ایوای ایوای بالام . . سنی گوردی عطشان مندن آلدی آتان دوزدی نجه آنان گلمدی دله سنی سالدوم یولا سوایچه سن بالا اللری شل اولا ندن حرمله شعبه لی اوخ آتدی قانی قانا قاتدی دنیانی آغلاتدی سالدی ولوله آ للاها من بنده اولمـوشام شرمنده لـب تـشنیم منده بالام یات لایلای بالام ایوای ایوای ایوای بالام . . باغومون گلیدون گلی سنبلیدون دلسیزبلبلیدون ای گل نازیم کاش علی قالیدون گویلومی آلیدون دانشوب گولیدون طفل جانبازیم ای مه تابانیم یوسف کعانیم قانینه غلطانیم خردا سربازیم سینمین زیوری کسیلن حنجری قورین لبلری بالام یات لایـلای بالام ایوای ایوای ایوای بالام . . قورودی پستانیم اولمادی امکانیم ندن امدون جانیم بیرسولی پیکان اولدون آخرخـسته آتا الی اوسته گوزیومدون آهسته قانینه غلطان بیله بالا اولمازحیاتیدن دویماز سنکیمی تیزسولماز لالۀ خـندان گل عمرون سولدی قان قونداقا دولدی سنه چوخ ظلم اولدی بالام یات لایلای بالام ایوای ایوای ایوای بالام . . کربلا صحراسی اولدی غم دریاسی باشیمون بلاسی ایتدی پریشان شمعـینه پروانه عاشق مستانه جانویرن جانانه عاشق جانان گونوم دوندی شامه غم یتموراتمامه گیدورم من شامه با دل سوزان چکرم من نلرسینم غـمه سپر هرشام وهرسحربالام یات لایلای بالام ایوای ایوای ایوای بالام . . غملی گلستاندا گل خزان اولاندا روحوم آیرولاندا گلدی نوایه هرچمنده گل وارشوریده بلبل وار خاراوسته مشکل وارد وزرجفایه مادره ای دلبراولدون گل تک پرپر ای شیرخواراصغر دوشدوم بلایه منله گل فریاده «عـدلی» آه وداده دیاخ ای شهـزاده بالام یات لایلای بالام ایوای ایوای ایوای بالام 🍃 🌼🍃 🍃🌾 🍃 🌾🌼🌼🍃

🌸🍃🌾🌼 🍃🌺🍂 🌿🍂 زبانحال حضرت ابوالفضل العباس علیه السلام حاج اصغر فرشچی (عدلی تبریزی) سبک : مطهری و... ای قلم.... جامه عشقوی.. کاروان رفته منزل به منزل.. ایتدیلر بو سو مشگین بهانه اوخلارا اولموشام من نشانه سو گتورماق منه مشگل اولدی اوخ دگوب ساغ گوزوم دولدی قانه گل حسینیم گل حسینیم . پیکریمده یارام چوخدی قارداش ایلیین بیر کمک یوخدی قارداش گل اوزون چک اوخی بو گوزومدن اینجیدن گوزده کی اوخدی قارداش . . دشمن دینیلن چوخ دانشدیم سو گتورماقه قارداش چالشدیم ویردیلار اوخ بو مشگه سو آخدی آتش حسرته من آلیشدیم . . صدمه چاتدی حسین گول بوداقه قدرتیم یوخ دورام من ایاقه چشمه چشمه آخور قان یارامدان جان یتیشدی اخا گل دوداقه . . غنچه گول گلشنونده سولوبدی سو سوزی فکر و ذکریم اولوبدی من خجیل اولموشام اصغروندن حیف اولا مشگیمه قان دولوبدی . . قیدیمه یوخ قالان گل اوزون قال قوللاریم یوخدی قول بوینوما سال گویلوم ایستور گورم گول جمالون گل ابوالفضلوون گویلونی آل . . افتخار ایلرم سن گلنده باشیمی دیزلرونده گورنده آخرین لحظه لرده حسینیم سن کیمی شاهه قارداش دیینده . . بوینوا قول سالام اللریم یوخ سینمه دوز موشم نیزه و اوخ بیرده قارداش سنه اولمارام من من اوزومدن حسین مایوسام چوخ . . « عدلی » یاز نوحه سین دوت عزاسین یاز مواساتینی هم وفاسین توک سرشکون عذاره غمینده راضی ایله اوزوندن آناسین 💐 🌸🍃 🌿🌸🍃 🍃 🍃🌿🌸

🌸🍃🌾🌼 🍃🌺🍂 🌿🍂 🍃 وداع حضرت سید الشهدا علیه السلام . حاج اصغر فرشچی ( عدلی تبریزی) . . عزم کارزار ایدوبسن ایلمه شتاب حسینیم سینم اوسته اللرون قوی یوخ فراقه تاب حسینیم . . ایله محو ایدوب بو چولده سنی شوق وصل جانان اودی بزم وصل یاره بیله اولموسان شتابان ولی بیردایان دوتوم من باشون اوسته بیرجه قرآن سنی حفظ ایدر بلادن بو گوزل کتاب حسینیم . . اولا گربیری مسافر خاصه سنکیمی برادر بیله رسمیدی گیدنده دالیسیجا سو سپللر سویا یوخ اگر چه امکان ولی اولما چوخ مکّدر سپرم دالونجا گوزدن یوزه اشگ ناب حسینیم . . بولورم که مست ایدوبدور سنی بادۀ شهادت بوشهادتینده واردور سنه بیرگوزل سعادت قلم قضا یازوب دور منه ده اخا اسارت آلارام دله بو یولدا غم بی حساب حسینیم . . بودی عالم محبت گتورور منی نوایه بولورم بو چولده مقهور اولاسان بو اشقیایه سنون اهل شام و کوفه باشیوی ویرارجدایه منه بی جحاز ناقه ایدر انتخاب حسینیم . . ایدر اشقیا جفاسی منی ایله زار وخسته سالی یول اوقتلگهدن هدف اوسته دست بسته یتوشوب گورنده باشسیز یارلی جنازن اوسته نجه صبر ایدوم اودمده من غم نصاب حسینیم . . دل زاری هجر اوخیله یری وار اگر دلم من غم و درد یدن جهاندا نه روادی دینجلم من گیده هر دیاره باشون گرک آردیجان گلم من قوللاریمدازلف عشقون اولی چون طناب حسینیم . . دیمورم که زینبم من یدّی قارداشا عزیزم گیدور عزّتیم سنیله بو فراقه اشگ ریزم دیورم بوچولده فرض ایت بالا قیز لارا کنیزم حامی رقیّن اولاّم اولا تا ثواب حسینیم . . بیردایان حسین سوزوم واربولورم که یوخ محلی ویراجازه عرض ایدوم لیک اولا گویلومه تسلی اوزمان که نوک نی ده باشون ایلییر تجلی باشیوی دانشدورندا منه ویرجواب حسینیم . . گرچه شعلۀ فراقه اود دوتوب بوچولده یانّام یته هرغم و مصیب من زاره سهل سانّام ره عشق دور بو یولدا ولی صبر ایدوب دایانّام ایده اهل شام و کوفه نقدر عتاب حسینیم . . شب و روز ( عدلی) جاری یوزه اشگ حسرت ایلر نقدر وار عمری آخر نقدر فراغت ایلر بیزه صدق اوزیله نوحه یازار عالی خدمت ایلر اوزون ایسته اجرویرسون حق مستطاب حسینیم 🌾 🌾🌼 🍃🌾🌼 .

🌸🍃🌾🌼 🍃🌺🍂 🌿🍂 💐 وداع حضرت سید الشهدا علیه السلام با اهلبیت درروز عاشورا اصغر فرشچی ( عدلی تبریزی) گچور وقت شهادت ای اولان درد آشنا زینب وداع ایلورسنی بودم شهید کـربـلا زینب صبوراول آغلاما زینب سینوی داغلاما زینب ویروب دین دشمنی ماه محرم قتلیمه فرمان رضایم جان ویرم دینه اولام قرآنیمه قربان بولورسن یار و انصاریم اولوبلار قانینه غلطان منه ویرمورامان دشمن ایدوربیحد جفا زینب بو یرکربوبلا امّـا مـنـه صـحراسی سینا دور بوقانیم که آخار الله قانی قرآنه معنا دور منیم ذکریم ازل گوندن رضیایم برقضایادور بویرجدیم دیین یردی همان دشت بلازینب بوگوندن باشلانورغم لرمصائب درد وهم هجران وجودون صبره مایل ایت اگربو گون اسیراولسان گیدربیرکاروان شامه گوزی یاشلی حسین گویان محرم اون بیریندن سال یوزه باشه قرا زینب گوزون یاشین بیله توکمه غمی دیلدن سوا ایله صبور اول زینبیم شکر ایت خداونده ثنا ایله باجی قارداشلیقون حقین بوچولده سن ادا ایله سکینمدن حمایت ایت اولار مندن جدا زینب گلستانیمده گل قالمور سولوبلار اولدولارپرپر نه قالدی قارداشیم عباس قالورنه قاسم واکبر هامی گل برگیدی امّا ایچینده غنچه گل اصغر دگنده اوچ پراوخ گُولدی اورک دوندی قانا زینب چاتوب کامه شهید اولدی اگرچه دینون انصاری بیلیم سندی ولی گوردوم یخوبلار تا علمداری دوشوب قولارباشی یاره گوزوندن قان اولورجاری صبور اول گر منی گورسن ذبیحا من قفا زینب منه قارداش دیدی گلدی محبّتدن قانیم جوشه گورنده قولاری یوخدی اونی چکدیم من آغوشه امان ویرموردی باش گوزدن آخوردی قان گیدوب هوشه خمیده قـد ایـدوب عباس اولنده بر ملا زینب بوگون دین گلشنی سولدی داغیلدی گل گلستانیم ذبیحا من قفا اولاّم باجی من چیخماموش جانیم دَگر یاره یارا اوستن گیچر ساندان آخار قانیم ایدر پاینده قـرآنی هـمـان سا نسیز یارا زینب گلـنـده قتلگاهـیمده مبادا دل غـمـیـن اولـما گورنده گل کیمی سولدوم باری سن منکیمی سولما کسن وقت باشیمی جلّاد بولود تک سن باجی دولما نـه یـالـوارشمـره نـه آغـلا منم دینه فدا زینب یاناندا خیمه لرقویما دنـه قاچسون چوله قیزلار هـجوم آور اولاربـوللم آچـار ال غـارتـه اشرار بالام سجّاد اماموندی یانان اوددان اونی قورتار مصائبده شریـکـوندی سنی ایــلر دعـا زینب رباب سایه نشین اولماز غمه هر آن سینه داغلار قوجاقدا صود امرگورسه گوزون یاشین یوزه باغلار دیولسه آغلاما بسدی بالام لایلای دیرآغلار شکسته قلبینی سـن آل تـسـلی ویـر اونـا زینب منیم تک قارداشا زینب بو اندازه محن اولماز سنون تک باجی عالمده غمه قلبین دلن اولماز منه شام غریبان دوت دیمه باجی گلن اولماز یقینیم وار آنـام زهـرا گلر سـاخلار عـزا زینب شب شام غریباندا گلوب گورسـه منی عریان سویوبلاررختیمی باش یوخ مگراولمازقزیم نالان دییر ای سو کنارینده سوسوز دینه اولان قربان نقدری آغـلالسا دویـمـاز ایـدر آه ونـوا زینب هراسان تعقیب ایلرسن گیجه وحشتلی صحراده تاپارسان خردا قیزلاردان چوخور یرده گلوب داده گـورنده بیرسیه پـوشی آت اوسته گلمه فریاده سیه پـوش تکسـوارگلسه آتام دور مرتضی زینب وفادرسین سنه زهرا آنام اورگدی مشق آلدون دونوب لوحه یازولموش عشقیدن مندنده عشق آلدون بـو تـقـدیـر الهی دور باجی سیردمشق آلدون اسیرعشق اولان عـشقـه ایـدرچـون اقتدا زینب چکر عشقیم سنی شامه یتوشمز غملراتـمـامـه باجی عشقونده میثاق اول لوای فتحی ویر شامه یزید شوم طرحین پوز اونی قـویما یته کامه بـولـوندور فاسق وجانی اولانـماز پیشوا زینب هاراچاتسان مـرام اوسته منه ماتم دوتوب آغلا سیه پوش اول یزیدین نقشینه گوزیاشیوی باغلا منه اول نوحه خوان زینب غمیمده سینوی داغلا بولوندورقانیمی ناحق توکوبدی اشقیا زینب سن ای غیرت مقامینده اولان شیر خدا زینب قدم من هریره قویدوم باشون قوی با وفا زینب بیان و نطقیلن آندورکـه حـق پیدا اولا زینب سنه روحوم دعـا گـودوردیسون تا مرحبا زینب تمام ایت (عدلیا) راز حسینی سن رقم ایتمه بجز راه حقیقت راه قرآن آیری یول گیتمه اوزهرانون قیزی تابع اولار الله ایـدن حکمه شـهـادت آستانینده ایـدر حـقـیـن ادا زینب 🌾 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 💐 احسانه منّت اولماز عدلی تبریزی اهـل ریـا دیلنده رحـم و مـروّت اولماز گلشنده باغ چمنده گلـده حسادت اولماز بیع و شـراده ایـلـه دقت بـه امر قـرآن دوزپول قازان قازانسان بیرایله دولت اولماز قــرآن پیاده ایـله قــرآن پیاده اولسا اسـلامی مملـکتـده مستی و شهوت اولماز یــر آشَ قــلـوب خـلقه اول شهرۀ زمانه غـارتـگردل اولـما غـارتده شهرت اولماز گل محفل حسینه تــاپ شـهرت جـهانی ویرسون سنه بیرعزت ایله بیله عزت اولماز مهر حسین اگر چه بیر قلبیده تـاپـولماز بـرزخ اونـا مکاندی پـاداشی جنّت اولماز سفره آچان حسینه صـدق دیلیله آچـسون احسان خـدایه ویرسون احسانه منّت اولماز نـوحـه اوخی صفـادن فرض ایله کربلادی کـربـو بـلایـه گیدسن ایله سعادت اولماز سائل سئوال ایدنده لطفون گوروب دییردی جـانـیـم فدا حسینه بیله کرامت اولماز حرمانه دوتدی امید زینب سئوال ایدنده بولدی گیدورحسینی اخیامه رجعت اولماز یاده سالوب آنانون امرین دیوب دایان بیر اُول قول بویون منیله الده بوفرصت اولماز ویر بیراجازه زینب اوپسون حسین بوغازون الدن الیم اوزولسه گیدسن فراغت اولماز ال قوی بوسینم اوسته صبرایسته تا دایانسون بیر بیله هَمّ و غمده زینبده طاقت اولماز آیرولدی گتدی قارداش باشلاندی شورو محشر مـحشر نـه محشر الله ایـلـه قیامت اولماز زهرادن امدوقی صود ایتموشدی شیرصولت جـام شهادت ایشدی بیله شهادت اولماز قـان ویردی دین اسلام دین جهانی اولسون اسلامی مکتبی تـک دنیاده مکتب اولماز سر نیزده اوخوردی باش آیـه آیـه قرآن غبطه ایـدردی داود ایـلـه تلاوت اولماز زینب دییردی قارداش لحن حجازه قربان قـرآن تـلاوت ایـله بیله بـلاغــت اولماز شامه یتیشدی زیـنب وای شامیان الیندن بـیربـیـله یـریـوزونده یاغی جماعت اولماز دخـت بـتولـه قـویدی آد خارجی اسیری شام اهلینون ندندی شرم و شرافت اولماز شاعرنه چوخدی (عدلی) نوحه ولی یازانماز سن مادح حسین سن بیله سعادت اولماز رباعی: مِهرحسینیلن اولوب زبس عجین وجودیمیز توخوندی عشقه باغلانان طنابه تارو پودیمیز اولوبدی قبله گاه عشق یاتان یری صفالیدی حریم خاکی دوت آغاج مُهرنماز سجودیمیز 🌾 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 استمداد حضرت ابوالفضل علیه السلام اصغر فرشچی ( عدلی تبریزی) ایتدیلرسو مشکین گل حسین بهانه تـیـر اشـقـیـایـه اولموشـام نشانه هـر یـریـم یـاردی گلمرم فغانه سینم اوسته اوخ دوزولوب قارداش الـیـم الـلـردن اوزولـوب قارداش باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . نیزه اوخ یاراسی پیکریمده چـوخـدی منه یاور اولسـون بیرنـفـرده یوخـدی اینجیدن منی چوخ گوزدکی بواوخدی گل آنـان منلـن دانشـور قارداش ساغ گوزم گورمور آلشور قارداش باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . . سوز ویرموشم من چخمارام سوزومدن اوخ مشکه دگدی هم ساغ گوزومدن قولّاریم دوشوبدی مأیوسام اوزومدن قولّلارون بیرده بوینوما گل سال خجلم سو یوخ گویلومی سن آل باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . دولدوروب سو مشکین تا فراتی آلدیم بیر الیمده پرچم چیگنه مشکی سالدیم اوخ دگنده مشکه حالدان حاله قالدیم سو آخوب یرده علقمه باخدیم دونوب حسـرتیله مخمیه باخدیم باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . وار اورکده بیرده گُل یوزون گوریدیم عشـق گلشنونـدن بـیـرن گُل دریدیم باش قویوب دیزونده تا که جانویریدیم جانویریم قارداش قرآنا دینه مـرحـبـا بـیـکس امّ الـبـنینه باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . . سن گلنده قارداش دورماسـام ایاقه عفو ایله چاتوبدی صدمه گل بو داقه قان ویرور یارالار جـان یتوب دوداقه سولدی گلشنده تک گُل یاسون چوخ یوبانما گَل اولور عباسون باجیمی سسله یـارامی باغلار یوخ آنام بوردا آنام تک آغلار گل حسینیم گل .. گل حسینم گل . . بانی اولدی (شـُکری) مـادح حسینی دیدی یازدی ( عدلی) باشدا شور شینی اورگشوب ازلـدن گـیـده راه دینی درگهه نوکر مادح ماهر ذکر حق دلده خالقه شاکر باجیمی سسله یـارامی باغلار یوخ آنام بوردا آنام تک آغلار بانی این اشعار مادح صادق دربار همایونی حضرت سید الشهدا علیه السلام از مراغه شهر عاشقان امام همام پسر فاطمۀ زهرا س است التماس دعا 🌾 🌾🌼 🍃🌾🌼 🌸🍃🌾🌼

🍃🌺🍂 🌿🍂 💐 نوحـه روز عـا شـورا عدلی تبریزی ســالار عـشـق و دیـن پیشواسـی شـهـیـد اولوبـدی وار مـاجـراسی شیعه قان آغلا چون قیامتدی محشره بو گون بیر علامتدی بیر شـور اعـظم وار کربـلاده محشردی گویـا دشت نـواده شیعه گلـوبـدی فـریـا و داده اگنیینده قــاره وار غـم لباسی ایتدیلر جسارت رئـوف امـامـه ظلمون یتوردی کوفیا ن تمامـه اولدوروب حسینی گون دونوبدی شامه اهلبیتی آغلور دلده وار بکاسی گیدوب مزاره سا نسیز یاراسی سینه سینده اصغر اول مه لقاسی پـانـیـن پــاده اکبـر بـالا سی بـاغ جـنـان دورکربو بـلاسی بلاچولونده بو شه ویروب جان کسولدی باشی قوپوبدی طوفان شـهـادتیلن دیـرتـدی قـرآن قرآندی دینون رکن و اساسی اکـبـر یولوندا ویروبدی اکـبر قارداشی عباس هم عون وجعفر هـم شیر خواره شهزاده اصـغر عرشه چاتوبدی دشمن جفاسی نـه ظلم اولونـدی او شهریاره جسمین ایدوب لر خـدنگه پاره گلن ویـراردی یـارا دو بـاره اولـوبدی آخـر دینون فداسی گلموشدی زینب چون آه وزاره قـلـبی یـا نـاردی نـار شـراره اشگین توکردی هر دم عذاره اولـدی خمیده قـد رسـاسی بـو حـقـه مظهر بـرج وفادی پیر و جوانی دیـنـه فـدادی خاک مزاری خاک شفادی وار تربتینده دردیـن دواسـی قالوب حسیندن آد جاودانه وار دور عـزاسی تـاوار زمانه بـلا یـتـوشمـز اول دودمـانـه بـر پـا اولا گـر بـزم عـزاسی ایـلر خـداونـد عـزیـز عـالـم کیمسه دوتـا گـر حسینه مـاتم دوتار عزاسین رسـول خـاتم گلر او بـزمـه یـقـیـن آنـا سی ویرون لواسین دوتون عزا سین چکون او بزمه زهــرا آنا سین ردّ ایلمز حـق ایتسه دعـا سین چون محفلین وارذوق وصفاسی عشق حسینه هـر عشق چاتماز عـا شـق اولانی قـرآنی آتماز مـدحین یازانلار دیناره ساتماز سـاتسـا آلانماز جنّت جـزاسی حسینی هـر کس بـولـه امـامی بـو لـر مـرامـون اولار غلامی ایده اوزون مست الینده جامی دولا مـی ئـیـله وار الـتـمـاسی (عدلی) دوتموسان چوخ بزم عزاسین گیموسن حسینون قاره غم لباسین قوخما قبرایوندن اولماسین هراسین خادمی کیم اولسا باش چکر آقاسی 🌾 🌾🌼 🍃🌾🌼

🌸🍃🌾🌼 🍃🌺🍂 🌿🍂 🌸 شام غریبان حضرت سید الشهدا علیه تالسلام اصغر فرشچی (عدلی تبریزی) سبک: سن آغلوسان من دوزنمورم گوزیوی آچ نخل دینه ای سو ویرن قزل قانی بیله کول اوستونده یاتما قون یاندوروربوزهرانی کر: اوغول علی آغلاما چوخ..... دیارغمده بهاریوه صرصر خزان اسدی گوزومله گوردوم اوبجدلی اللرون اوغول کسدی باشون قفادن کسیلماقی بولمدی منه بسدی کوله بلشموش باشون آنان کاش اولیدی قربانی یولون سالوب قدی خم آنان کربلادیاریندن گوروبدی آی گون ستاره لرآیرولوب مداریندن یرآغلوری گویلر آغلوری درد و غم فشاریندن تاپولموری تسلیت ویرن دختران گریانی اوچولده گوردوم قویوب سنی خاک وخونیده لشگر اوغول من آغوشه آلموشام نعش پاکوی بی سر او نحرمنحورو وی اوپوپ تاپمادیم اوپم ال لر باشون سُراغین آلوب حسین تاپموشام بو مأوانی بو باشیوی بسلیوب آنان سینه اوسته پیوسته ولی ویروب خولی یرسنه مطبخینده کول اوسته دوبیرده بوسینم اوسته گل باشیوی قوی آهسته گوزوم توکورگورنجه یوزه دانه دانه مرجانی دوزنمورم آغلورام سنه بیله قانه باتماقدان یانوراورک آه حسرته منی گوزدن آتماقدان بوسینمی بوش قویوب بالا کول لراوسته یاتماقدان ندن باشون خولونون اولوب مطبخینده مهمانی باشون گیدرشام وکوفییه سوسپوپ یولا ساللام اسیر اولان اهل بیتوون قیدینه اوزوم قاللام یول اوسته تک قویمارام قالازینبون غمین آللام جداده سنده تلاوت ایت آیه آیه قرآنی دیه حسین واریری آنا بیر بیله ملول اولما قبول ایله عذرومی منیم امرون اولموری اجرا آچانمورام گوزلریمی چون کول دولوب ایدورایذا منی بو حاله سالان عدو ایلیوبدی طغیانی عذارینه اشکینی روان ایلر هر زمان (عدلی) اولان اورک دردینی ایدر هامودان نهان (عدلی) سویراوغول دردینی سنه ایلسون بیان( عدلی) سنون عزا مجلسینده چوخ ایلیوب نواخوانی 🌾 🍃🌼 🌸🍃🌼 🌾 🌸🍃🌼

🍃🌺🍂 🌿🍂 💐 احوالات قتلگاه عدلی تبریزی غریب نینوایه باخ عدوایدن جفایه باخ نـظرده آل چوخوریری شهید کربلایه باخ کر: یارالیدی یارالیدی اوفاطمه مارالیدی ای شیعه سیرایت فکریده کربوبلاده داده باخ دوروبدی باشی اوسته شمر اول قان توکن جلاده باخ حسین آچوبدی جانماز قیامه باخ سجاده باخ ایدوبدی ترک خانمان قبیله دن آرالیدی یارالیدی یارالیدی..... دیلینده ذکرحق دیور او رازه باخ نیازه باخ اویرده قانیلن آلان اوقانلی دستمازه باخ یوزاوسته سجده گاهیده حسین قیلان نمازه باخ یتوبدی عهدی آخره اوزعهدینه وفالیدی یارالیدی یارالیدی... گیدورخداچوخوریره الی باشیندا زینبی گوره نجورباتوب قانا آچان اودینی مکتبی گوروب افول ایدرولی یراوسته ماه وکوکبی ویروبلا چوخ یاراسی وار آخورقانی یارالیدی یارالیدی یارالیدی.. گورنده شمردون گلور آیروماقا حسین باشین قالوب نه حالته اودم قوجاقلیوبدی قارداشین دوتوبدی شمرخنجرین عذاره توکدی گوزیاشین دئدی اوشمره ای دنی بوفاطمه مارالیدی یارالیدی یارالیدی.. کسیلمه میش حسین باشی کسیلدی زینبین اَلَی ایدوبدی کشمکش نقدر اودخت مرتضی علی ویروب نشان شجاعتین اسوبدی قاره یل ولی ذبیح من قفا اولان ثمرویرن نهالیدی یارالیدی یارالیدی.. بحرعطاده بوحسین دُرگران عیاردور درگاهینه محتاج اولان شاهان تاجداردور بوش سائلی سالمازیولا شأنیده شهریاردور مدینه ده گوزون آچوب ندندی کربلالیدی یارالیدی یارالیدی.. کسیلدی تا حسین باشی گوروشدی قانلی یل اسر یازاندا (عدلی) بوسوزی سرشکی چشمیدن الر دئیرحسینه عاشقم غمی بوقلبیمی دلر حسین شهید کربلا نقدری باجلالیدی یارالیدی یارالیدی.. (رباعی) یا حسین مظلوم قورولان سندن اوتورمحفل غم خانه وه باخ دورشمع اوسته یانان پرلری پروانه وه باخ کربـلاحسرتی دیلده قوتولورعمروم آقا غمیلن قلبی دولان عاشق دیوانوه باخ 🌾 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 💐 قتلگاه اصغر فرشچی ( عدلی تبریزی) اللری باشدا گزوربیرقانه غلطان آختارور صفحه صفحه یریوزونده متن قرآن آختارور زینب کبرادی بودخت شه خیبرگشا فاطمه دلبندی کان عصمت ومهرووفا خواهرشاهنشه دین قهرمان کربلا آل هاشمدن اولان قرآنه قربان آختارور شل ائدیدی کاش خدا بوگردش دوران الین تابع شیطان اولانلارآشدیلارطغیان الین یوم عاشوراده کسسین نیّرتابان الین قانلی صحراده باجی ناحق آخان قان آختارور حفظ ناموس وشریعت اوسته بوحبل المتین ماسوالهدن گیچوب حتی ویروب انگشترین باش گیدوب مهمان منّورایلیوب قاتل اوین بیرچوخوریرده یارالی عشقه سلطان آختارور نمرۀ عالی آلان عشق اوسته صاحب امتیاز تاپدی قارداشی گوروب یرده آچوب جای نماز گرچه سویوخدی آلوب قانیله قیلسون دستماز سجده گاه عشقیده تنهادی جانان آختارور باخدی زینب گوردی تا قانه بلشموش پیکرین ویرمیوبلرسوکسوبلرباشنی هم اللرین اختیارالدن ویروب توکدی یوزه اشک ترین گوزیاشیله زخملراوستونده درمان آختارور آه آتشباریله قلبین دوباره یاندوروب گوردی بیرصاف یریوخی هربیریتن یاره ویروب قتلگاه عشقیده بیرمجلس ماتم قوروب بیردویونجا آغلیه چشمونده طغیان آختارور عرض ایدوب ای گلشن و گلزاری بیرگونده سولان قلبی ای بحرعطوّت لیک قانیله دولان اوزیاراسیندان آخان ثار خدا غسلی اولان یوخدی فرصت زینبه دفنینده امکان آختارور اسدی طوفان بلا قدیمی چوگان ایلدی دوندی وصلت گونومی ظلمت هجران ایلدی باجوون قلبینی بوشعبه لی اوخ قان ایلدی سینۀ سیناده زینب سینه سـوزان آختارور بوفلک چرخی سینا ویردی جفا داشی منه قویمیوب دنیاده قالسون تک جه قارداشی منه لوح مکتوبه یازوب آهیله گوزیاشی منه غم سحابیندن بوچولده غملی باران آختارور آشیانم یوخ داغودّی صرصرظلم وجفا ایتمدی حرمت قـوناقه سرزمین کربلا قالماقـا قویمازمنی شامه چکردست قضا زینبون کاخ یزید شومی ویران آختارور نینیوم بویاتماقون اوزدی بنای ریشه می ایلرم صندن صورا قان آغلاماقلیق پیشه می آرتورورهـرلحظـه شامون نطقی بواندیشه می اوردا زینب نطقیلن مجلسده طوفان آختارور آرخاسی اوسته دوشن حقه ایدن رازونیاز یاره لرخسته سی ای پادشه ملک حجاز انقلابون ایلیوب قرآن ودینی سرفراز طی ایده بوشاهراهی سربـداران آختارور نسل انسانه نجات وروح وحدت یا حسین زورق امید هرانسان وهم بحرکرامت یاحسین مـن گـنـه کارعدلیه ایله عنایت یا حسین تا گوره کرب وبلا حقینده امکان آختارور

🌸🍃🌾🌼 🍃🌺🍂 🌿🍂 💐 زبانحال حضرت زینب در کوچ از قتلگاه حاج اصغر فرشچی ( عدلی تبریزی) تاپدی قارداشون گوروب زینب که پور بو تراب قان ایچینده غوطه وردی نعشینه ایتدی خطاب صفحة قرآن تک اوراق اولان باشسیز بدن سن حسینیم سن اگر اودلاندی قلبیم ویرجواب باور ایتمزدیم حسین بیرنصف گونده تارو مار ایلییه بو چرخ دون زینب اولا خانه خراب ای اولان غمخوار زینب قانه غلطانیم حسین گورنجه دریای غمده ایلورم من پیچ و تاب سن ذبیح من قفا سن سوکنارینده سوسوز دستمازون قانیلندی ایتموسن قاندان خضاب اکبریله اصغرو قاسم ابوالفضلون اُولوب بو سببدن واردی قلبینده غم پرالتهاب سود امرسربازوا سود ویر مه سن لایلای دنه سینن اوسته قوی یاتاسودیوخدی ویرسون بورباب گوز گوره شقّ القمروار چوخ شگفت آوراولی وار تعجّب گوز گوره نیمه اولوبدی آفتاب نیمه سی سر نیزه ده واردور تجلّای رُخی قانه غلطان نصف دیگربستری قانلی تراب جورو ظلمیلن اگرچه سولدوروبلار گللرون چشم زینب پرورش ویرسون ایدر غرق گلاب ایتمدی سازش منیلن کربلا مهمان قالام ترک ایدور زینب سنی واردیلده درد بی حساب مرهم اولسون گوز یاشیم مانع اولور بو شمر دون یوللانور بو غم قطاری ایلوری بیحد شتاب باغلانوب زنجیره سجّاد ناقة عریانیده سال یولایوللاندی قارداش عترت ختمی مَآب رهسپار راه شامم لیک روحوم بوردادی خاطریم محنت پریشانی دلیم غمدن کباب قویمارام بو نهضت خونینیوی ناقص قالا هریره چاتسا ایاقیم ایلرم بیر انقلاب خدمت آل علیده وار مقام بی زوال (عدلیده )خادملیق عنوانون ایدوبدور انتخاب 🌾 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 💐 کوچ ار قتلگاه زبانحال حضرت زینب سلام الله علیها اصغر فرشچی ( عدلی تبریزی) سبک:. ای گل مینای من.... . نهضت عالی ایدن منجی انسان حسین دنیانی حیران قویان زینت قرآن حسین وافی عهد الست عاشق صادق اولان شهریار محتشم حقه پشتیبان حسین . ای وجود اطهری باش باشا آیات نور عازمم شاماته من وارباشیمدا عشق و شور . نهضت اوسته باغلادون سن قانیدن احرام جان تاپار بو نهضتوندن مکتب اسلام . مظلوم حسین.... مغموم حسین . مظهر جود و سخا ای وجودی ذی وجود حقی باطلدن سچن علّت بود و نبود ماجرای کربلا سینه لرده هتک اولار نشر ایدللر ناشیرین جاودانه بیر سرود . محو اولانماز خاطرات صفحۀ افکاریدن عالمه ویرّم نشان نطق آتشباریدن . کربلاصحراسی اولدی گلستان عشق بو گلستاندا آنامیز باغبان عشق . مظلوم حسین.... مغموم حسین . ای منه گونده گونوم هر شبیمده ماه اولان قانلی صحرانی ایدن عطریلع باغ جنان ظلموده نقصان یری قویموبدی کوفیان ویر میوبلر سو سنه آرخاسی اوسته یاتان . سسلدیم شمره سو ویرقویما تا عطشان اُلَه چاتمادیم مقصودیمه گلمدی منظور اَلَه . شمرکسدی باشوی من باشیمه چادیم داغ بوییدرد و غمی من سینمه آلدیم . مظلوم حسین.... مغموم حسین . کربلانی ایلدون سن حسین ملک منا بو منای عشقیده وار یوخون اولدی فدا اگمدون باش دوشمنه توکدی قانون کوفیان یل اسوب طوفان اولوب آغلادی عرض و سما . ثاری ثارالله اولان قرآنا قربان حسین سینه سینده گُل آچان شعبه لی پیکان حسین . بو آخان قانین سو ویردی نخل قرآنه نهضتون قالسام یتوررم منده پایانه . مظلوم حسین.... مغموم حسین آیرولور زینب گیدور دیده سی گریان حسین همرهیم شمر و سنان با دل سوزان حسین قویموری دشمن منی باشیمون تاج سری نعش پاکون دفن ایدم یوخ منه امکان حسین . دور حسینیم زینبه جان زهرا ویر جواب سال یو یولا دشامه گیدور عترت ختمی مآب . آغلارام مرهم اولا تا یاره لر قارداش نیزه ده گل بو سفرده اول منه یولداش . مظلوم حسین.... مغموم حسین . آیرولور سندن گیدور کوفیه بو کاروان دور یولا سال زینبی سالماسان گیتمز اینان نمرۀ عالی آلان امتحان عشیقده بو قیام و نهضتون عالمه ایلر عیان . زینبونده می ایچوب سن ایچن پیمانه دن کسمه ایمدی لطفووی من کیمی دیوانه دن . قول قولا باغلور عیالون شامیان قارداش زهرچاک اولدی رُقیّن گوزده وار قانیاش . مظلوم حسین.... مغموم حسین . هر یانا گیتسه باشون زینبم گللم حسین گر الیم یتسه کولون هم قانین سیللم حسین گویلونی آل زینبون اول سفرده دادرس گویلونی گر آلماسان غصّه دن اُللم حسین . ینده من محو اولموشام عشقوون مستانیم سنکیمی شمعه حسین من باجون پروانیم . منله گل ایله تلاوت آیۀ قرآن ویر پیامون تا آیولسون ملت دوران . مظلوم حسین.... مغموم حسین . عزّت نفسه کتاب چرخ عشقه آفتاب عالمه پیر دلیل ای ایشقلی ماهتاب آچدوقون مکتب لره شرکت ایتدی زینبون مکتبوندن درس آلوب درس ناموس و حجاب . زینبم زهرا قیزی روزگار علامه سی مکتب وحدت اولار اوّلین برنامه سی . نیزده سن ناقه من یول سالاخ شامه قویمیاق آل یزیدی تا چاتا کامه . مظلوم حسین.... مغموم حسین . ای شهید راه حق یازدی (عدلی) بو سوزی هر محرم اربعین کربلاده وار گوزی مادح درباریدی دعوت ایله سن اوزون کربلایه یول سالا همسری بیرده اوزی . کربلاده چون یاتوب دلبرجانانه میز کربلا دور دیرمیز کعبه میز میخانه میز . چون آلوب آغوشه اول یر یارلی پیکر دوغرانان اکبر یاتوبدی اوخلانان اصغر . مظلوم حسین.... مغموم حسین 🌾 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 💐 کوج از قتلگاه اصغر فرشچی ( عدلی تبریزی ( سبک: همه جا بروم به بها نۀ تو ... نوائی نوائی و.... پوزولدی گلشنون گللردن آیرولدوم عشقونده وطندن ایللردن آیرولدوم گیدورم شامه سال یولا قارداش آغلارام گـوزدن الرم قانیاش من خدا حافظ یارلی قارداش جسمیدن بـاشی آرالی قارداش اســیـرم دشـمـنـه آپاروللا رشامه گـونـدوزم بـولـورم دونـه جاقـدی شامه بـیـرنفـرتــاپـولمازرحـم ایـده امـامـه ای تراب اوسته یاتانیم قارداش زینبین گوزدن آتـانـیم قارداش من خداحافظ یارلی قارداش جسمیدن بـاشی آرالی قارداش قـانه بـاتـدی سـنـله جمله یارویاور ابوالفضل وقاسم بیرده عون وجـعـفر دوغرانوب اکبرون اوخلانوبدی اصـغر عشقیده کامل عـیارم قارداش کمند صیدیوه شکارم قارداش من خدا حافظ یارلی قارداش جسمیدن بـاشی آرالی قارداش سوسوزدان اصغرون گل کیمی سارالدی قماطـه اللری آخرباغـلی قالـدی آناسی ربابون اختیاریـن آلـدی فرض ایدوراصغرقوجاقدا آغلور هی دیورلایلای سینمی داغلور من خدا حافظ یارلی قارداش جسمیدن باشی آرالی قارداش بودشت بـلاده یـوخ بیزه هوادار کـمـک سیز قـالوبدی اهلبیت اطهار یدی قـارداشیدن یـوخ بیری اولا یـار گـتـوروب غـملر قلبیمی دره آخـورگوزیـاشیم عارض زرده من خدا حافظ یارلی قارداش جسمیدن بـاشی آرالی قارداش دیمورم ظلمودن اهل عالم دویوب رعیّت هانسی شاهی بونوعی سویوب بدنین گون قباقیده عـریان قویوب ای نحری منحوراولا نیم قارداش اورگی غملـه دولانـیم قـارداش من خدا حافظ یارلی قارداش جسمیدن بـاشی آرالی قارداش قالوبدی قوری یـرده عـریان بدنون نـه غسلون ویرن وارنه بیردفن ایدنون خاروخس بوچولده اولوبدی کفنون بـاشی اللرده قـالانیم قارداش دله هـردردی آلانیم قـارداش من خدا حافظ یارلی قارداش جسمیدن بـاشی آرالی قارداش گورموشم شـمردون بـا شـوی کسنده ظـلـمت آسـمـان قــاره یــل اسـنـده تـاراولـورگـوزلـریم جسموه دوشنده نیمه جان اولدی دخترزهــرا کشتی روحـوم دورگِلَه باتما من خدا حافظ یارلی قارداش جسمیدن بـاشی آرالی قارداش بـاجون عـزّتیله گلموشدی بـوچوله شام شومه ایندی چکـورلرزوریله اسیرعـشقـوم گلمرم من دله باجووی عشقین چوللره سالدی عدلینون الدن صـبرینی آلدی من خدا حافظ یارلی قارداش جسمیدن بـاشی آرالی قارداش 🌾🌼 🍃🌾🌼

🌸🍃🌼 🍃🌺🍂 🌿🍂 💐 زبانحال حضرت امام حسین ع برسر بالین حضرت ابولفضل العباس ع اصغر فرشچی ( عدلی تبریزی) سبک ....شبانگاهان... دیزوم اوسته قانلی باشی اولان وار بیان ایله هر سوزون قارداش کر: بلیم سندی یاتما دور عباس بیر دانش منله آچ گوزون قارداش سسون گلدی خیمه گاهیمده قالمادی منده طاقتیم قارداش یتشدوم تا باشون اوستونده قالدی دلده مین حسرتیم قارداش آپارام بو دوغرانان نعشون خیمه گاهه وار همتیم قارداش بلیم سندی یاتما ... وفا رسمین سن بو عالمده ای علمداریم نه گوزل سچدون طریق عشق و حقیقتده ای ابالفضلیم جانیدن گچدون عمل ایتدون بس مواساته ایچمدون سن سو خوندل ایچدون بلیم سندی یاتما ... دوشن قولار توپراق اوستونده جانیمه یانان بیر شرر سالدی سنون بو یرده اوزانماقون گور نقدری مندن توان آلدی بو سینمده سسلیم بیرده سن ابوالفضلی حسرتیم قالدی بلیم سندی یاتما ... اولان ای مهرو وفا کانی عاشقیم عباس عشقیمه بسته باخور دشمن بولدی سندی بلیم مذبح عشقه دوشموسن خسته ایاقه دور خوندل گوزده گورمنم قارداش بو باشون اوسته بلیم سندی یاتما ... اگر عباس دینی فرض ایلیاق بو جهاندا بیرگل ستان اولسون یقینیم دور قامتوندی سبب گُل لره بلبل نغمه خوان اولسون گور نمورم سرو قد یخولا قول گیده گوزده اوخلی قان اولسون بلیم سندی یاتما ... بو غملریم اود ویرار اودلار «عدلنی» دلدن آه چکر آغلار محرمندن تا محرمه جان هفته لرآیلار سینه سین داغلار محافلده غملی نوحه اوخور گوزدن اشک غمین صورته باغلا بلیم سندی یا هاتما ... . 🌾 🌾🌼 🍃🌾🌼 🌸🍃🌾🌼

‍ 🌸🍃🌾🌼 🍃🌺🍂 🌿🍂 💐 زبانحال حضرت امام حسین علیه السلام خطاب به حضرت ابوالفضل علیه السلام عدلی تبریزی سو یوللاری باغلار قالوبدی اخا حرم لریم آغلار قالوبدی اخا سو مشکینی آل اله دور ایاقا باخ اصغریمده قورین دوداقا دوشوب حال مماته سور مرکبون فراته آناسی باغلیوری اصغـر الـین قماطـه حـرم لـریـم یانـوری سوسوزدان اودلانوری سنسن امیر لشکریم بـرادر قدرتده هنگـه لشکره برابر گل تک سارالدی سولدی بواوشاقلار سوسوزلوقدان خشکیده دی دوداقلار قارداش بـوگویلومی بوچـولـده قیدیمه قـال قوی گوزلروندن اوپوم قـولوی بـوینومـا سال حرم لریم یـانوری سوسوزدان اودلانوری تنگ اولدی اورک ای مه مدینه الده سـو جامی گـزوری سکینه بو کربـلاده سولوری گل لریم شهید اولوبدی نو جوان اکبریم دیـن حقین فـداسی دوردردیمون دواسی اطفالیمه سو گتور سن کربلا سقاسی حرم لریم یـانوری سوسوزدان اودلانوری دوشدوخ بلایه کربلا چولونده ایـله حمایت علمون الونـده چون واردی سنده قدرت حیدری داغیدداغلسون باش باشا لشکری علمدار لشکریم عباس غم پروریـم اوچ گوندی سوایچمیوب سوسوزدی صود امریم حرم لریم یـانوری سوسوزدان اودلانوری اللـرده دوتوب قیزلاریم پیاله سو الماسا گل یتجاق زوالـه گیتمموش گل بوینما قولون سالوم یوزون اوپوم عطرین دویونجا آلوم فرات آخور جوبه جو آخان سودان آل وضو دولدوردولاسومگشی خیمه لره گتور سو حرم لریم یـانوری سوسوزدان اودلانوری دعوت اوسته نامه منه یازدیلار کج گیتدیلر دین یولونی آزدیلار آنام مهریه سیدی بو آخان سو ولی باغلیوب سویولون بو عدو بو قومیده حیا یوخ قویما مشکه دگه اوخ پاره اولسا سومشگی تأثیر ایدرمنه چوخ بو درده (عدلی) یانار بو نوعی نوحه یازار سبک: قاری قرآن و مداح جناب امیر حسین از خطۀ اردبیل . 🌾 🌾🌼 🍃🌾🌼 🌸🍃🌾🌼

🌸🌸🌸🌸 بسته شدن راه فرات به قلم استاد الیاس ملک پور امشب شب مخصوص فرزندرباب است دلها ز سوز نالۀ اصغر کباب است راه فرات و دجله را هم کوفیان بست در خیمه های آل طاها قحط آب است در مشکها آبی برای کودکان نیست داد و نوای تشنه کامان جمله،آب است قلب رباب از غصه و غم گشته محزون قلب حسین ابن علی دراضطراب است بر نازو برلالایی مادر نخوابد ! از سوزنار تشنگی در پیچ و تاب است اصغرچه اصغر زینت باغ نبوت اِبنُ الحسین، دردانۀ ختم مآب است اصغرچه اصغر یک رضیعِ نیم ساله نوباوۀ خیرالنّساء و بوتراب است خونِ گلویش مینوردد آسمان را قربان دین آئینۀ اُمّ الکتاب است تنها شهید کودکی باشد که تا حشر در سینۀ بابای مظلومش بخواب است در بزم سوگش حاجتی برعطروگل نیست اشک عزاداران او مُشک و گلاب است با خواندن لعنت ز سوی اهل عرفان بن سعد و شمر و حرمله در التهاب است قوم تبهکار و یزید آل سفیان در عالم برزخ کماکان در عذاب است از انکسار قلب محزونت ( ملک پور) حال قلم چون حال چشمانت خراب است از سوز شعرت صاحبان چشم پُر نم در روز محشر از شفاعت کامیاب است التماس دعا. عدلی تبریزی . 🌸🌸🌸🌸🌸

🌸🍃🌾🌼 🍃🌺🍂 🌿🍂 🌸 حضرت علی اصغر علیه السلام اصغر فرشچی ( عدلی تبریزی ) سبک : اگر صبح قیامت رشبی هست.... اوزوم گوردوم.... باجی زینب گولوم سولدی اولان دین نخلینه هسته آناسی خيمده آغلار ولی آهسته آهسته کر: گل گورنجه گولوم سولوبدی قنداقی قانیلن دولوبدی علی لایلای.. بالام لایلای.. علی لایلای بالام لایلای . . باجی گل اللريم اوسته قوزی قربانيم اوخلاندی قماطه اللری باغلی سوسوز جیرانیم اوخلاندی ایشیدّی هل معین مندن اولوب مستانیم اوخلاندی آناسی خيمده آغلار ولی آهسته آهسته . . اورک دوزمورالیم اوسته ویرور جانانینه جانی گُلوب بیرلحظه گوزیومدی ایده گویا بوعنوانی بابا اوچ شعبه اوخ امدیم بوغازیمدان آخورقانی يارامی ويررباب باغلار ولی آهسته آهسته . . ربابه ویرگوزی یولدا بالا گوزلورپریشاندی آلارسندن اوپرسویلربالا سرتاسرین قاندی چكرآغوشينه امّا گورربی روح وبی جاندی توكرقانياش سينه داغلار ولی آهسته آهسته . . سالارگاهي ديزی اوسته علی لايلای ديرآغلار بوغازیندان گلرقانی دوباره یارسین باغلار گینه سسلرعلی لایلای حرم اهلین غمی داغلار دئدوقجان غملری آرتار ولی آهسته آهسته . . دیرلایلای جهاد میدانینه عطشان گیدن لایلای آجیندان دیرناقیلن صورتین خط خط ایدن لایلای سوسوزقالدون گیدوب امدون سولی پیکان ندن لایلای بونیسگیل قلبینی اودلار ولی آهسته آهسته . . علي گورسنميوب سن تك اوشاق اوچ گون سوسوزقالسون نه سوایچسون نه صود امسون بشیکده ال ایاق چالسون اوروج دوتسون بو سینّینده آنانون صبرینی آلسون قان ایچسون ایلسون افطار ولی آهسته آهسته . . همای عشق سن پرآچ قانادلان گل سینم اوسته قماطه اللرون بیرده رباب اتمز اوغول بسته زبس صود سینمی گزمور ایدوبدی روحومی خسته آنان داغ دلون ساخلار ولی آهسته آهسته . . بودشت کربلا داغین اوغول من سینمه آلام قوجاقدا صود امرگورسم علی وای ناله سی سالام بالا هجرونده آهوتک بیاباندا ملر قالام منيلن آهولار آغلار ولی آهسته آهسته . . سنی فرض ايليوب دشمن كه جنگه گلموسن اصغر آتوبدی حرمله بیراوخ یوموب جنّتده گوز حیدر بیچوپ نازک بوغازپیکان آنان قالدی بالا مضطر اوغوب گل غنچه ده اشرار ولی آهسته آهسته . . آدون اصغراوزون اصغر ولی باب الحوائج سن الون مشکل گشادورسن تمام درده معالج سن بوجمعین مشکلون حل ایت دیوردردین نتایج سن بيری«عدلی»ايدراظهار ولی آهسته آهسته علی لایلای.. بالام لایلای.. علی لایلای بالام لایلای 🌿 🌿💐 🌾🌼🌿 🌸🌾🌼🌿

🌸🍃 🌸🍃🌾 🌾🌼 🍂 🌾🌼 🍃 حضرت علی اصغر علیه السلام اصغر فرشچی ( عدلی تبریزی) سبک: سن آغوسان من دوزنمورم..... باجی الیم اوسته صود امر بویانوب قیزل قانه سوایستدیم شام و کوفیان اوخ ویروب بوعطشانه گل آل باجی ویر آناسنا ایدر چاره اوخ یاراسنا گل بالامی آل زینب (2) آناسندان مین دلیله من آلموشام بو نالانی خجالتم من ربابیدن اوخ دگوب آخور قانی بوخواهشی مندن ایت قبول سنی اکبرین جانی اوزون ربابه تسلی ویر گلمسین او افغانه گتوردوم تا سوایچه بالام ویرمیوبدی سو اعدا من ایلدیم حجّتی تمام قوردی لیک عدو شورا نتیجه ده حرمله اوخی سالدی عالمه غوغا دولاندی دنیا بو باشیمه کاش اولیدی ویرانه بوغم فزا دشتیده گلوب ایله خاطریم تنگه دئدیم آلون سوویرون اوزوز گلمیوب بالام جنگه هدایتیم ویرمدی اثر بیله قوم دل سنگه بیر اوخ گلوب قاننی قاتوب قولومدان آخان قانه آخوب قانی دولدی قونداقی غمه باتموشام زینب فشارغمدن بوگوز یاشین قانه قاتموشام زینب بیز آز قانین اوجوما آلوب گویه آتموشام زینب بیر قطره سی گلمدی یره تحفه اولدی جانانه دگنده اوخ آچدی بیر گوزون گولدی بیر منه باخدی بو گولماقی اود ویروب دله یاندوروب دلی یاخدی گوزون یومدی سُها کیمی صود امر بالام آخدی بو چولده عشقین ویروب نشان شمعه اولدی پروانه بولورالهی بو دشتیده کچموشم من اکبردن تمام یارانِ با وفا عون و فضل و جعفردن دا بیرزادیم قالموری ویرم چکموشم ال اصغردن ایشیتدی قارداش سسین باجی گلدی قانلی میدانه دئدی سنه زینبون فدا گلمه بیله افغانه بوعالم عشقی طی ایدوب جانفدادی قرآنه بودا گیدوب اکبرین یولون درس اولا مسلمانه آپارسام ایندی خیامه من اولاجاق عزاخانه تاپوبدی گل غنچه وقتیده وصل عشق جانانی ویروبدی هَل مِن مُعینوه بو جواب روحانی شهید اولا راه دینیده ترک ایده بو دنیانی اوچا گیده روحی جنّته شکر ایده او یزدانه سنون حسین درد وغملرون گلمیوب سانا گلمز بو عالمی ویرسلر سنه تار زلفووه دگمز بولور باجون قارداشی حسین بیعته باشین اگمز اولار الست اوسته پای بند خلق ایدن او منّانه خزان اولان غنچه گولوه (عدلینین ) جانی قربان دیوربیرعمر نوحه یازوموشام ایلیون منه احسان مریضه سی واردی ایستیاق خالقی ایده درمان بواصغرین شرح حالینی یازوب هر نوا خوانه یا باب الحوائج حضرت علی اصغر دستم بدامنت 🌼 🌾🌼 🌼 🌾🌼 🍃🌿🌸 🌾🌼

🍃 💐🍃🌿 🌿🌸🍃 🌸🍃 🌿 زبانحال حضرت سیدالشهدا علیه السلام نوحۀ حضرت علی اصغر علیه السلام اصغر فرشچی ( عدلی تبریزی) خـارجـفـائیله گـولـوم اولـدی باجـی خـنـدان جانویردی اللراوسته گل بو صود امرعطشان لایلای علی لایلای بالام لایلای علی لایلای بّـیـرظـلم ایـدوبـدی حـرمـلـه قلبیم الـولانـدی تـیرسـه پـرتـوکـدی قانـیـن قـونداقی القاندی یاتموشدی دیسگیندی بالام بیرلحظه اویانـدی گولدی منه یومدی گوزون باتـدی مه تابان گلموشدی سوایشسین بالام سوویرمدی اعدا قتله یتیرسـون شامیان قـوردی اودم شـورا بـو دشـتی ایتسـونله مـنه بیـر محشـر کـبـرا اوخ گلدی دگدی اصغره سالدی چوله طوفان دنیا دولانـدی باشیمه تـاراولـدی گوزومـده اوپدوم بو غازین زینبیم قان وار بـویوزومده اصغرله باهم یاره لی اولدوم من اوزومـده اوخ حلقینی بیچدی اونون دگدی بوصاق قولدان قـانین ازل اعـضـاسینه یاخـدوم غـمه باتدیم مِحنـت فشاریدنن قانین گـوز یاشیمه قاتدیم اوجـومـدا دوتدوم قانینی گـوی سمتینه آتدیم بیر قـطـره سی گلسه یـره دنیا اولار ویـران یوخ دور بوچولده بیرنفر مندن بونی آلسون ویـرسـون آنـایـه تـا آنـا گـهـواریـه سـالسون حنجـر یاراسین باغلاسین لایلاینی چالسون اوچ گوندی تشنیدی بالام عطشان ویروبدی جان حسرتله باخدیم اصغره اصغره منه باخدی گـولدی یـوزومه گولماقی قلبه شرر یاخـدی گوزیـومـدی یاتـدی تا ابـد اشگیم یوزه آخدی سوایستمزبـیرده بالام امدی سولی پیکان دعوت ایدن حرمت پوزوب عزّتلی قوناقین مهمانی بـوچـولـده اَمُـورخشکـیده دوداقین اوخ آتدی قوش تک اصغریم چالدی ال ایاقین ظلمونده نقصان قیمیوب " بو لشکر عدوان (عدلی) صبوی عشقـیدن آب حـیات ایـستـر رخسارینه اشـکون تـوکرمندن بـرات ایستر محشرگونی اول شافعه اود دان نجات ایستر لطفون اونا شـامل ایله تـا اولماسین گریان 🌾 🌾🌼 🍃🌾🌼 🌸🍃🌾🌼

درسبک من ماندام تنهای تنها باصدای محسن رضائی شاعر: عدلی تبریزی حضرت علی اصغر علیه السلام

باش سنوب قوللار دوشوبدی شعر از استاد عدلی تبریزی بانوای محرم کریمی

🌿🌸🍃 🌸🍃 💐 گلمه طغیانه اصغر فرشچی ( عدلی تبریزی) گنه باشدان آشا حدن گچه انسان اولار خودخواه یتیشمـز کج گیدن یول مقصـده حتی اولار گمـراه زر و زوره اولـوب مغـرور بو قدری گلـمه طغیانه گوررسن واژگون اولدون اولوب مسکن سنه بیر چاه تواضـع پـیشه ایـت ای دل گلوب سن کوردل اولما اولان اوزنفسـینه مغـرور خروسدی طمعة روباه بو دنیانـون ایپـی قسـا محبت رشته سـی سـالمـا که هـررشتـه دگـون دوشسه گوررسن که اولارکوتاه جهاندا چوخ انیش لرچوخ چخوش لارواردی من گوردوم که گاهی کاه اولار بیرکوه دونریاکوه اولاربیرکاه فـقیری اتمه تحقیر گـرغنـی سن مـال دنیـادن که گاهی شه گدا اولسون گوررسن گه گدانی شاه غباری «عدلی»دیلدن سیل صفای دل اله گلسون قرانلیقـلاراولار روشـن سالاندا نورونـی اول ماه 🌾 🌼🍃 🍃🌾 🍃 🌾🌼🌼🍃

🌸🍃🌾🌼 🍃🌺🍂 🌿🍂 💐 عار اولسون استاد الیاس ملک پور مادح بی مراده عار اولسون بئله ننگین نژاده عار اولسون شرطیله نوحه خوانلیق ائیلیینه پوللی بیر انعقاده عار اولسون کیم حسین آدینا تجارت ائدور اولارا فوق العاده عار اولسون دوشمنین نقشه سین بو کشورده هرکس ائیلور پیاده عار اولسون شاخسیین دوز مسیرینی چویورن او قورولموش ستاده عار اولسون لعنت اولسون کمان و دف چالانا ناشران فساده عاراولسون ادّعاسی بودور،جهاد ائلیور بئله ننگین جهاده عاراولسون بی نمازه امام حسین باخماز !! دئیورم صاف و ساده ،عار اولسون قاریشیب بیر بیره کیشی آرواد !! سیز ائدن اتحاده عاراولسون انتقاد ائیلمه شریعتدن !! بی جهت انتقاده عاراولسون نوحه خوانسان قیزیل مدال ندور؟؟!! سنده کی اعتقاده عار اولسون ازیسن آیه آیه قرآنی !!!!! سن کیمی بیسواده عار اولسون اِن یَکاد آیسینده حکمت وار سن قانان اِن یَکاده عاراولسون هرعبادت کی خلقه خاطیر اولا قالاجاقدورهواده عاراولسون دستمازسیز، نمازباطلدور !!! بئله بیرانقیاده عا اولسون شرع اسلامی وئرماقا رونق کیمده یوخدور اراده عاراولسون ئوزگه مالیله اولسا کیم حاجی!!! کسسه قوربان مناده عار اولسون باجینین،قارداشین، ییین مالینی ائتمسه گر اعاده عاراولسون لعنت اولسون یزیده باش اگنه !! شمره ، ابن زیاده "عار اولسون ظولم ائدن آل حیدر حققینده بئله قوم عناده عاراولسون ائتدی غوغا شُریح امضاسی !! اوایتیلدن مداده عاراولسون ئولدوروبدورامام برحققی !!! قان توکوب کربلاده عاراولسون آلا بیلسون ( ملک پور) حققوی آل قویما قالسین معاده ، عار، اولسون 🌾 🌾🌼 🍃🌾🌼 🌸🍃🌾🌼

💢سینه‌زنی رئیس جمهور منتخب در حسینیه موسی بن جعفر(ع) تهران ▫️سینه‌زنی پزشکیان رییس جمهور منتخب در شب هفتم محرم در حسینیه حضرت موسی بن جعفر (ع) آذربایجانی های تهران در میدان منیریه التماس دعا عدلی تبریزی ..

🍃 💐🍃🌿 🍃🌾🌼 🌾🌼 🌾 . ورود ماه محرم . حاج اصغر فرشچی ( عدلی تبریزی) سبک یاران اگر دل ترا شکستند... . یاران گلدی مه شور و شهامت ذکر الم درد و شهادت گل ناله و افغان و داده خاموش اولوب شمع هدایت . کر: باشلاندی گل حسین عزاسی گوزیاشیون چوخدور بهاسی . . یاران غم یوز ویروب بوآی حسینه آغلار آناسی نور عینه گی اگنیوه سنده قراسین گل بزم غمده شورشینه . . یاران چاتوبدی غم ارض و سمایه یرگوی گلوب شورونوایه گینه گلوب مه محرم گلدی حسین کرب وبلایه . . یاران حسین ایدوب بوآیدا نهضت قرآن و دینیدن حراست اولوبدی یاوری بیرعده ویرن جانین تاپوپ سعادت . . یاران شیعه باتار بو آی عزایه قاره گیوب گلر نوایه سینه ویروب سسلر حسین وای سس قوزانارعرش خدایه . . یاران گرک شهید کربلایه او لنگر زمین سمایه اولا آناسنا تسلی باتاخ محرّمی عزایه . . یاران اولیدی قان شط فراتی ضیقه سالار بو آی حیاتی باغلار عدو سویون یولونی تشنه قویار پیرو بناتی . . یاران بلبل کیمی پر بسته اصغر آج دور سوسوزدی خسته اصغر نه واردی سو نه صود ویرولسون دوزنموری جان اوسته اصغر . . یاران گل غنچه سی بو آی سولوبدی قونداقی قانیله دولوبدی چوخ ظلم ایدوب اوچ پرآتان اوخ قانین توکوب پرپر اولوبدی . . یاران بوآیدا بیراولدوز باتوبدی هم آج همی سوسوز یاتوبدی بیرصود امر دلسیز اوشاقه دونان کوفه اوخ آتوبدی . . یاران بو آی باتوب مه وستاره ایدوبله پیکرینی پاره اسوبدی صرصر عداوت ویروبلا یاره اوسته یاره . . یاران چکوبدی نظمه بو بیانی فدا اولا بو دینه جانی اواهلبیته خادم (عدلی) ایدر حسینه نوحه خوانی . . 🌾   🌾🌼 🍃🌾🌼

🌸🍃🌾🌼 🍃🌺🍂 🌿🍂 🍃 وداع حضرت سید الشهدا علیه السلام . حاج اصغر فرشچی ( عدلی تبریزی) . . عزم کارزار ایدوبسن ایلمه شتاب حسینیم سینم اوسته اللرون قوی یوخ فراقه تاب حسینیم . . ایله محو ایدوب بو چولده سنی شوق وصل جانان اودی بزم وصل یاره بیله اولموسان شتابان ولی بیردایان دوتوم من باشون اوسته بیرجه قرآن سنی حفظ ایدر بلادن بو گوزل کتاب حسینیم . . اولا گربیری مسافر خاصه سنکیمی برادر بیله رسمیدی گیدنده دالیسیجا سو سپللر سویا یوخ اگر چه امکان ولی اولما چوخ مکّدر سپرم دالونجا گوزدن یوزه اشگ ناب حسینیم . . بولورم که مست ایدوبدور سنی بادۀ شهادت بوشهادتینده واردور سنه بیرگوزل سعادت قلم قضا یازوب دور منه ده اخا اسارت آلارام دله بو یولدا غم بی حساب حسینیم . . بودی عالم محبت گتورور منی نوایه بولورم بو چولده مقهور اولاسان بو اشقیایه سنون اهل شام و کوفه باشیوی ویرارجدایه منه بی جحاز ناقه ایدر انتخاب حسینیم . . ایدر اشقیا جفاسی منی ایله زار وخسته سالی یول اوقتلگهدن هدف اوسته دست بسته یتوشوب گورنده باشسیز یارلی جنازن اوسته نجه صبر ایدوم اودمده من غم نصاب حسینیم . . دل زاری هجر اوخیله یری وار اگر دلم من غم و درد یدن جهاندا نه روادی دینجلم من گیده هر دیاره باشون گرک آردیجان گلم من قوللاریمدازلف عشقون اولی چون طناب حسینیم . . دیمورم که زینبم من یدّی قارداشا عزیزم گیدور عزّتیم سنیله بو فراقه اشگ ریزم دیورم بوچولده فرض ایت بالا قیز لارا کنیزم حامی رقیّن اولاّم اولا تا ثواب حسینیم . . بیردایان حسین سوزوم واربولورم که یوخ محلی ویراجازه عرض ایدوم لیک اولا گویلومه تسلی اوزمان که نوک نی ده باشون ایلییر تجلی باشیوی دانشدورندا منه ویرجواب حسینیم . . گرچه شعلۀ فراقه اود دوتوب بوچولده یانّام یته هرغم و مصیب من زاره سهل سانّام ره عشق دور بو یولدا ولی صبر ایدوب دایانّام ایده اهل شام و کوفه نقدر عتاب حسینیم . . شب و روز ( عدلی) جاری یوزه اشگ حسرت ایلر نقدر وار عمری آخر نقدر فراغت ایلر بیزه صدق اوزیله نوحه یازار عالی خدمت ایلر اوزون ایسته اجرویرسون حق مستطاب حسینیم 🌾 🌾🌼 🍃🌾🌼 .

🌸🍃🌾🌼 🍃🌺🍂 🌿🍂 💐 نوحـۀ کوچ از قتلگاه عدلی تبریزی سبک: ای گل مینای من و..... یـاتـما دورقارداش اویان یـولّا نور بـو کاروان بسدی غـم لـر زیـنـبه شمر اولوبدی سـاربان ای تراب اوسته یاتان دوردالومجان ویر اذان زینبون شامه گیدورهمرهی شمروسنان یول اوزاق ناقه جهیزسیز ساربان سرسخت کاروان دوشدی گیدوریول باشلانوب فرقت مظلوم ....حسین غریب..... حسین دیـن ایـوینی یخد یلار امر حقدن چیخد یلار مـنجـنیق ظـلمــوده اهلبیتون سـیخد یلار دشمن قرآن و دین بو شهادتدن صورا خیمه گاهه اود ویروب قتل وغارتدن صورا قویمادیم سجّادی یانسون اودلارا قارداش گوزیاشون بو خردا قیزلار ایلسون قانیاش مظلوم ... حسین غریب.....حسین تکیه گاهی زینبون داد خواهی زینبون عـشق پـاکوندی فقط تک گناهی زینبون سنکیمی شمـعه حسین زینبون پروانه دی قوی دیسونلرعشقیوه بوباجون دیوانه دی سن تنور خولیده اول میهمان قارداش جام محنتدن من اولام نیمه جان قارداش مظلوم .. حسین غریب.حسین صبر ایوینی یخمارام امر حقدن چیخمارام شیر یزدان دور آتام من یزیدن قوخمارام من اسیر عشقوم نـه یـزیـد نـا خلـف پرچمون الده دوتوب واردی برنامه هدف شـامه چاتسام من یزیدی ایلرم رسوا نـهـضتـون ویرّم ادامه ساخلارم بر پا مظلوم .....حسین غریب....حسین یـازموشـام برنامه وار زینبه هنـگامـه وار سـیـّد سـجّـاد کیمی شامیده عـلامـه وار مـنبره یولاّربـاجون سـید سجّـا دیـوی مفـتضح ایلر سنون قـاتل وجلاّدیوی درددینی قانیلن سن ایتموسن درمـان صودامرسربـاز واکبر ویرموسن قربان مظلوم .....حسین غریب.....حسین یوخدی امکان دفن ایدیم فـکره گلمـور نه ایدیم مـیـنـدورلـلر نـا قـیـه مجبورام منده گـیدیم گوزیاشیله اولمادی یاره وه مرهم قویام باشون اوسته آغلیام مختصرآرام اولام روح زینب قالدی بوردا شامه یولاّ ندی آتش اندوه غـمده او د دوتوب یاندی مظلوم .....حسین غریب....حسین مــاه تـابـانیم اویان سـر و بستانیم اویـان دور یولا سال زینبی قـانـه غلـطانیم اویان کاروان سنسیز گیدر هرزمان لنگه دوشر بو اسیرانـون دلی گلمسن تنگه دوشـر نوک نی ده گل اوخی سـن صوتیله قرآن زینبون آل گویـلـونی ایـت عالمی حیران مظلوم ...حسین غریب......حسین در گـهونده سـائـلـوخ آز چوخا بیز قائلوخ کربــلایــه گـیـتمـا قا یا حسین بیز مائلوخ (عدلیده) بیرعمردور ماتمینده آغلوری نوحه ومدحون یازورسینه غمدن داغلوری گـیـتمـاقـا کربـوبـلایه حسرتی واردی بـیر مریضه دخترینه حاجتی واردی مظلوم ...حسین غریب...حسین 🌾🌼 🍃🌾🌼

🌸🍃🌾🌼 💐🌺💐 🍃🌼 🍃 قتلگاه با مقدمه حاج اصغر فرشچی ( عدلی تبریزی) جانه گلوبدی ذیحیات تلخی روزگاریدن سلب اولوری توان وعیش قالموراثر قراریدن فصل بهار گلر آچار گلشنه گل ویررصفا پرپر ایدرخزان ولی گللری لاله زاریدن غنچه گل آچمیه سولا تار اولی باغبان گوزی بلبلی باغریقان ایدر گل گوره ظلمی خاریدن هرگوز آچان زمانیه مثل گل بهاریدی باد خزانه توش اولار عمری یمین یساریدن برگه دولان یا دولمیین گل هانی گوردی دهریده سو ایچه خوشگوار اولا جانینه جویباریدن نقش الونوبدی لوحیده هرگوزآچان گرک یوما پیر اولا یا جوان اولا اَل چخار اختیاریدن چرخ فلکده یوخدی رحم شیرین اولان زمان حیات عادتیدی آیری سالار ظلمیله یاری یاریدن ویرسه اجل پیاله سین جان آلاجاقدی جانیدن میل ایدن اَل اوزر تمام مُلک ومَنا ل و داریدن روحودی مُلک جانیده سلطنت ایلوری تنه روح جانی ترک ایدن زمان تن دوشراعتباریدن واجب فوری دورکه تن غسل اولاهم کفن اولا دفن اولا احترامیلن امریدی کرد گاریدن گریز: به قتلگاه حضرت سید الشهدا ع پس ندن اولمادی کفن دشت بلاده شاه دین آلدی قراروصبرینی زینب گون تباریدن اونداکه گوردی پیکرین گلموری سانه یاره لر گوزده اولوبدی تیره تنگ گوندوزی لیل تاریدن تیرستمله پرآچوب هریارا شاهباز تک هریتیشن ویروب یارا یاره چخوب شماریدن سسلدی یاتما دورحسین محشراولوبدی زینبه واردی منیم شکایتیم گردش کج مداریدن دوزدی باجون دونن گجه درد و غم ومصیبته ایله دعا قورتولا تا زینی گیرو داریدن منزلیم اولدی بیریانوخ چادرو سقفی آه و وا وای بابا ناله سی گلوب صبحه کیمی صغاریدن یاتمادی صبحه تک رباب سینه سینی گزنده صود عرشه اوجاتدی آهنی او دل پر شراریدن فکر وخیالیله آلوب اصغره سینه ده چالوب لایلائی آغلادوب منی صبری آلوب کباریدن قونداقونی آچوب یره دلده یانقلی سوز دئدی آغلاما هی دئدوخ دئدی اصغر شیر خواریدن ایندی باخورفرات آخورجلولنورگوزونده سو داده گلور دیور بالام ایچمدی آب جاریدن دورسن اوزون تسلی ویراوغلی ئولن ربابیوه آل عبانی ساکت ایت تا دوشه آه و زاریدن قول قولا باغلانوب گیدور شامه اسیرحرملرون آیری سالوربو اشقیا سنکمی شهریاریدن عشقون اسیریم حسین من نه یزید کافره کاخ یزیده گرچاتام ساللام اونی وقاریدن حفظ حجاب اوسته حسین ترک سروجان ایلدون ارزشه مندیرر با جون یول سالا هر گذاریدن ساخلارام الده پرچمون ویررم ادامه نهضتون تا دوشه کربلا سوزی سس گله هردیاریدن (عدلی) گناهکاریدی ایلسه توبۀ نصوح توبه سینی قبول ایدرآللهی توبه کاریدن اللیدن آرتوخ ایلدی که نام حسینی سسلوری یاتماقا اولین شبی قورخوری تک مزاریدن 🌸 🍃🍂 🍃🌺🍂

🌸🍃🌾🌼 🍃🌺🍂 🌿🍂 آسمان عشق را رنگ وهوای دگر است پسر فاطمه را عالمیان نوحه گر است رو سیه جامه به پوش مِهرحسین گیربه دل خالی از مِهر حسین دل صدف بی گُهُر است عدلی تبریزی 🌸🍃🌾🌼