🌸🍃 🌸🍃🌾 🌾🌼 🍂 🌾 🍃 درشهادت حضرت امام جواد علیه السلام ✍️ حاج اصغر فرشچی (عدلی تبریزی) . کینه زهریندن جواد بو گونده افغان ایلوری جاننی اوز جدّی تک اسلامه قربان ایلوری . رهبر دینون زبسکه ناله سی جانسوز اولوب شمع تک یاندی جفادن گول کیم رنگی سولوب وامصیبت لرسسیلن شیعه لر دنیا دولوب شعله سی اود ویردی جانه قلبی سوزان ایلوری . درده پیچیده چکور آه و گهی ایلور نوا اوغلونی سسلور گتورسون سو اولوردینه فدا بس یانور سوز عطشدن نقش باغلور کربلا غربت ایچره غربت شاه شهیدان ایلوری . باخبر اولسون جماعت دُخت مأمون ایستمز مؤمنه اولسا عیال هرگز خیانت ایلمز اُمّ فضل" الله واکبر لفظینی دوز سویلمز ایتدی محبوس منزلی اول شاهه زندان ایلوری . اوز ایوینده اولدی زندانی قالوب تنها امام پیشوای مؤمنین و زادۀ خیرالانام یوزدوتوب درگاه حقه سویلدی من یالقیزام دیلده گل زهرا غریبم لفظین عنوان ایلوری . ایستدی سو جان ویرنده مانع اولدی بی وفا لیک سو ویردی امامه اوغلی دیلده وا ابا عاقبت جانویردی جانانه جواد ابن رضا گتدی افغانه فغان شاه خراسان ایلوری . قصد ایدوب قرآن ناطق پیکرین بی دین عدو بولمیه مردم امامی گیزلدوبدور کینه جو دشمن دین خداده اولمیوبدی آبرو اوچ گجه مانند گنج منزلیده پنهان ایلوری . گون قباقینده قویوبدی پیکرین اوچ گون قالا بلکه بوی بد تاپا تا مردمون صبرین آلا گوردولربوی جنان وارعطروارهاردان هارا چهرۀ خورشیدی سوزان بیرده تابان ایلوری . معتصم ظلمی عیاندی ایلدی بی حد جفا صبر ایوین یخدی او دم آغلار بنات مصطفی پیکرین مسلم کیمین آتدی اوجا یردن خدا دیو صفت لر عکس امر دین و قرآن ایلوری . ای محبت ملکونون فرماندهی مشکل گشا (عدلینون ) بیر دردی وار ایلور دعا اولموردوا جان زهرا و رضا ایت درگه حقه دعا بومریضه ام تا گوره حق درده درمان ایلوری . 🌾 🌾🌼 🌼 🌾🌼

تمنای دل😔 یوسف گم  گشتنی   تز یـولاّ   کنعانه    خدا                                               منتظردور روح بدنده   نورو نا تاپسون  صفا خالقا  ای آشنای  دل منه  ویرر قلب پاک                           عشقیوه دل باغیلوم سینم اولا تا چاک چاک نوریله  دولدور بو قلبی تا  تاپا  علم  یقین ایت  منی سجّاد  اولوم  راز  و نمازیله  عجین اشگ چشمیله منی ایت هر گجنده باده نوش خرقه  پوش ایله  منی بازار عشقه  گل فروش نیمه شب لرآل یوخی  مندن سنه همرازاولوم                                باب  رحمت آچ  خدامعشوقه  عاشق باز اولوم بار الها صاحب  فضل و کرم  درگا هسن سن  سمیع و هم  علیم هرقلبیدن اگاه سن «عدلیدور» غرق گناه  لطفونله بیراحسان ایله گیتمه  سین  راه خطا قلبین  دولی ایمان ایله شبتون خدا پسندانه🌺شورتون مهدوی🙏

🌸🍃 🌸🍃🌾 🌾🌼 🍂 🌾 غریب به قلم استاد : الیاس ملک پور چوخ چوخ چتیندی اولسا اگر آشنا غریب خاصّه او کیمسه کی ئوز ائوینده اولاغریب زندان چتیندی هرکس اولا هر دیاریده یا اولسا کَند ایچنده اگر کدخدا غریب غربت غمی چتیندی بودردی چکن بولر نی تک سیزیلدیار ائدر آه و نوا غریب یثرب کی شهر اشهر پیغمبر آدلانوب علت نه اولدی فاطمه اوردا قالا غریب ظلم آتشیله یاندیرالار آشیانه سین خانه نشین اولا آقامیز مرتضا غریب مسمار در باتا سینه سین اوخ کیمی بوله فضّه خُذینی سسلیه باب الرجا غریب ئوز شهرینین غریبی اولاغربت اولکه تک بیتُ الحزنده آغلیا اُمّ البُکا ،غریب شور سقیفه آلدی علیدن ولایتی ییرمی بئش ایل اوتوردی ایوینده آقاغریب زهریله سالدی جعده ایاقدان امامینی یئتدی شهادته حسنِ مجتبا غریب ئوز همسرین یئتیردی او ظالم شهادته ئوز منزلینده اولدی امام هدا غریب کرب و بلا غریبی ، غریبلر غریبدور تک قالدی کربلاده شه کربلا غریب ئولدوردولر جوانلارینی فرقهء جهول جسمین سالوبدی قتلگهه اشقیا غریب باشین کسوبله ظولموله پیغمبر اوغلونون عریان قویوبلا جسمینی قوم دغا غریب شمشیری اولمیان داش آتیردی جنازیه اولدی شهید خامس آل عبا غریب آت چاپدیلار جنازه سینین اوسته اشقیا بولمم نه حاله قالدی حبیب خدا غریب حمله ائدوبله خیملرین غارت ائتدیلر قالمیشدی اوت ایچینده اوزین العباغریب ویردی یانار اوتا ئوزونی زینب عمه سی اوتلار ایچینده یانمیا بلکه بالا غریب بیر یا علی دئیوب چکوب اوتدان امامینی وئردی نجات قالمیا صاحب لوا غریب قتله یئتیردی همسرینی امّ فضل دون نامحرم اولدی محرمینه اولدی تا غریب موسی بن جعفرین حالینا من چوخ آغلارام درمانگریدی اولدی دوایه دوا ، غریب جانیم فدا امام رضانین جلالینه اولدی رضا کی جان وئره شمسُ الضّحاغریب نوری ائدوبدی کشور ایرانی غرق نور مشهور اولوب "غریبه " امام رضا غریب مشهد اولوبدی مرکز ثقل ملاطفت کیم لا علاج اولا وئرر الحق شفا غریب شمسُ الشّموسه رتبه تاپوپ آستانه سی نام آشنادی دهریده یا مطلقا غریب ؟! جاه و جلالینه هامی شاهلار قالوبدی مات آیا مگر بو قدر تاپار اعتلا غریب تشویق قیلدی بحری(ملک پوری) وئردی دم نظمه چکه بومطلبی بوبینوا غریب یارب قیامتین گونی تک قویما شیعه نی محشر گونونده اولمیا اهل عزا غریب ملتمس دعا اصغر فرشچی(عدلی تبریزی) 🌾🌼 🌼 🌾🌼

🌸🍃 🌸🍃🌾 🌾🌼 🍂 🌾 نه غمیم وار به قلم استاد: الیاس ملک پور یارب ، سنیله راز شبیم وار نه غمیم وار قلبیمده عجب تاب وتبیم وارنه غمیم وار یاربّ و هُوالهوئله مستم ، مترنّم لا حُولَ وَ لا ذکر لبیم وار نه غمیم وار بسدور منه بو علّمَ الاسماء الهی وه ! بنده عاشق لقبیم وار نه غمیم وار انسانی ادبدور یئتیرن اوج کماله به به اُدبا تک ادبیم وار نه غمیم وار بو دهریده هر کس ائلیوب بیرکسه تکیه اون دوت نُجبا منتخبیم وار نه غمیم وار عمریم بویی آللّهه قوناقم اودی رزّاق من بندییم عالی نسبیم وار نه غمیم وار اُدعُونیِ خلّاقِ خلایقدی پناهیم به به رمضان و رجبیم وار نه غمیم وار بیچاره گنهکار (ملک پورم ) الهی سنله گجه لر راز شبیم وار نه غمیم وار ملتمس دعا اصغر فرشچی(عدلی تبریزی 🌾🌼 🌼 🌾🌼

درشهادت حضرت امام جواد علیه السلام ✍️ حاج اصغر فرشچی (عدلی تبریزی مداح کربلایی احد رضایی . کینه زهریندن جواد بو گونده افغان ایلوری جاننی اوز جدّی تک اسلامه قربان ایلوری رهبر دینون زبسکه ناله سی جانسوز اولوب شمع تک یاندی جفادن گول کیم رنگی سولوب وامصیبت لرسسیلن شیعه لر دنیا دولوب شعله سی اود ویردی جانه قلبی سوزان ایلوری درده پیچیده چکور آه و گهی ایلور نوا اوغلونی سسلور گتورسون سو اولوردینه فدا بس یانور سوز عطشدن نقش باغلور کربلا غربت ایچره غربت شاه شهیدان ایلوری باخبر اولسون جماعت دُخت مأمون ایستمز مؤمنه اولسا عیال هرگز خیانت ایلمز اُمّ فضل" الله واکبر لفظینی دوز سویلمز ایتدی محبوس منزلی اول شاهه زندان ایلوری اوز ایوینده اولدی زندانی قالوب تنها امام پیشوای مؤمنین و زادۀ خیرالانام یوزدوتوب درگاه حقه سویلدی من یالقیزام دیلده گل زهرا غریبم لفظین عنوان ایلوری ایستدی سو جان ویرنده مانع اولدی بی وفا لیک سو ویردی امامه اوغلی دیلده وا ابا عاقبت جانویردی جانانه جواد ابن رضا گتدی افغانه فغان شاه خراسان ایلوری قصد ایدوب قرآن ناطق پیکرین بی دین عدو بولمیه مردم امامی گیزلدوبدور کینه جو دشمن دین خداده اولمیوبدی آبرو اوچ گجه مانند گنج منزلیده پنهان ایلوری گون قباقینده قویوبدی پیکرین اوچ گون قالا بلکه بوی بد تاپا تا مردمون صبرین آلا گوردولربوی جنان وارعطروارهاردان هارا چهرۀ خورشیدی سوزان بیرده تابان ایلوری معتصم ظلمی عیاندی ایلدی بی حد جفا صبر ایوین یخدی او دم آغلار بنات مصطفی پیکرین مسلم کیمین آتدی اوجایردن خدا دیو صفت لر عکس امر دین و قرآن ایلوری.

مداحی سینه زنی جناب آقای کربلائی محمد صدرا یگانه. هیئت فاطمیه اعطم تبریز

🌸🍃 🌸🍃🌾 🌾🌼 🍂 🌾 شهادت حضرت امام محمد تقی جواد الائمه علیه السلام به قلم استاد ستار رزاقی گَل ایله شیعه، بو گونده نوا امام جواده یَقیندی آغلوری اَرض و سَما امام جواده توکور سرشکینی اِنس و مَلَک عذاره بوغَمده دوتوبلا هَر یئره باخسان عزا امام جواده آناسی حضرت زهرا بهشتیده اَلی باشدا اورَکدَن اوخشیوب ایلور بُکا امام جواده غَریب آتاسی کیمی دوشدی آیری ائوزوطنیندن کی ایمدی آغلور آتاسی رضا امام جواده عَطا و جود و سخاوتّده بی بَدیلیدی امّا زَمانه اولدی بِله بی وَفا امام جواده عَداوت اوسته جوان سنّیده جماعت جاهل ایدوبله یئریوزونی غَم فَزا امام جواده ائوینده جَدّی حسَن تک شقاوتیله صدافسوس ویروبدی همسری زَهرِ جفا امام جواده ساتوبدی دینینی دنیایه اُم فَضلِ کَج اندیش گوروبدی بیربِله ظلمی رَوا امام جواده غَریب ائولکه ده جَبریله ایچدی جام شهادت تَرَحّم ایتمدی دست قَضا امام جواده سو ایستَدی ولی مانع اولوبدی همسری، سویلوب گتورمَسین بیری سومُطلقا امام جواده قویون جواد اُئوز اطاقینده تشنه تاپشورا جان گرک بو ائو اولا دارِ بَلا امام جواده گلوب بالاسی علیَ النّقی سو ویردی امامه دیدی گرکدی اولام هم صدا امام جواده سالوبدی یادینه جدی حسینی تا سویی ایچدی مُجسّم اولدی غم کربلا امام جواده ایدردی بیر باخیشیندا تمام دردلره درمان نَدَن تاپولمادی بولمَم دَوا امام جواده او کسلرین کی دوشَر زندگیده اَللری تَنگه ایدَلّه حسرتیله اِلتجا امام جواده سنونده دردیوه رزّاقی وار یَقین اولی درمان خلوصیله ایده سن گر نوا امام جواده التماس دعا . بر عاشقانش تسلیت باد . اصغر فرشچی (عدلی تبریزی) 🌼 🌾🌼

🌸🍃🌾🌼 🌺🍂🍂 🍂🍂 🍂 قوجالیق قاصدی اصغر فرشچی ( عدلی تبریزی) عمرلرکوته اولور ایل بویی هرهفته و ماه قوجالیق سایه سی اطرافی آلوب مثل سپاه بیرگونی قاره لی باشدا چخوب موی سفید گوردی گولدی مسخره ایتدی اونی موی سیاه دیدی مندن گز اوزاق اولما جواریمده منیم موسفید اولدون داخی گورمزقدومون شاهراه نطقه گلدی مو سفید ایتدی خطاب قاره توکی اولدوروبلارمن وارام ترک اتمرم خواه و نحواه من قضا و قدرین رهرویم قاصد پیر گل تقدیرم و هم تابع هر حکم الاه لشگر عشق وجوانی داغولوب عمر گیدوب قوجالیق سایه سی اطرافی آلوب مثل سپاه گرچه یوخدی قره رنگ اوستونه رنگ رنگرزی بویوری گه قریه گه آغا یوخ منده گناه خرمن هستیه آخر که اسر باد خزان آغارار هرقره توک هرگیجه کی اولدی پگاه منده سن تک قره رنگیم واریدی خرم وخوش لیک آغ رنگه بویاندیردی قضا ایله نگاه گول نقدری گوله جاقسان ولی باخ عبرت ایله عمرلرکوته اولور ایل بویی هر هفته و ماه آغ قره قبره گیدردنیانی ترک ایتمه لیدی او قارانلوقدا یاتان جسم لر اولمازلا تباه روزمحشرکه عیان اولدی آغا هم قرییه یا جهیمه گیدی یا جنّته وار الده گواه گل دوتاق فاطمه دامانینی بیز (عدلی) کیمی گر شفاعت ایلسه یوم جزا چکمروخ آه 🍂 🌿🍂🍂 🍃🌺🍂🍂

🍃 💐🍃🌿 🌿🌸🍃 🌸🍃 💐 خطاب به حضرت امیرالمؤمنین علیه السلام در روز عاشورا عدلی تبریزی ای خادمان درگهی میکال و جـبـرئیل الیاس و خضره بـحـر و بـرّیـده دلیل ای واسـطـه مـیان خــدا انـبـیـای حق محتاج اولوب سنه آدم ونوح وهم خلیل ای خلقتی هـدف ,آدم و ابنائیدن ازل ای جلیله ولیّ و جـعـل امامتی جلیل ای هــادی خلایـق و شافع یوم نشور ای حشریده قاسم بهشت ونارو سلسبیل جـاری اشـاروه تسنیم کـوثـرو قـنـات عاملدی امریوه قُلزم وجیحون ورودنیل باخ کربلا چولونده سوسوزجان ویرنلره قرآن یولوندادوشوب عباس و اکبروعقیل بیرجرعه سوطلب ایتدی حسینون اصغره گـورشـامیان دنی نجـه اولـدو لار ذلیل قالوب آراده حسین دوتوبلا دامنینی یورقون سوسوزبالالاربی یاوروبی کفیل عصیان ایدوبدی کوفیان یکسریانور خِیام قزلار داغـولدی چوللره فضا سسی تعویل یانان یانوب قالان اسیردشمن اولوب تمام گلورصـدای شـمـر ویرور رخـصـت رحیل احرامیان منایه یول سـالـوب یعنی قتلگاه زینب گوروب حسینی اشکریزاولوب جزیل عرض ایلوری خدا فدیۀجاناندی ایت قبول نــوک سـنـانـدا بـاشی یـرده پـیـکری قتیل تـب دار و نـاتـوانـدی بـاقـرالـعلـومـه آتـا واراحتیاجی بیر بـاخـوشـا سـاجـد علیل ای شیرکردگار یولـوی کـربـلایـه سـال زهـراگلوبـدی سنده گل اماندی ایت تعجیل گلوب مُحرّم آیی اولوبـدی روز عـاشـورا حسینه آغلوری یرگوی جماعت ایچره عویل کرب وبلا غمینده واردی آغلیین گوزوم آغـلار یـازار قلمـیم نــوحـه تاپاندا اصیل مرام «عدلی» بو دور شفاعت ایلیه سن اوزون سالوب اودی درگاهیوه اولوب دخیل

شام غریبان حضرت سید الشهدا علیه السلام اصغر فرشچی ( عدلی تبریزی) شب شام غریبان است بیا ای عاشق جانان به آب دیدگانت کن خموش آن آتش هجران بیا ای خادم صادق" بریز اشکی روا باشد بگرید شمع وگرسوزد دهد پروانه بهتر جـان بیا با صدق زاری کن چـو ابر نو بهار امشب که زاری خوش بودامشب دهداجرجزیل یزدان چوسنجد مادری طفلش چه حاجت دارداززاری مثال شیر خواران کن سـرشک دیده را باران بنال آن شـاه عـاشـق را فنا گردیـد بقا بخشید هـمـه دارو نـدارش داد کـه پـایـنـده بود قرآن بنال آن شـاه عاشق را چو عاشور محرم شد گـذشت از اکـبـر واصغـربـرادرهـا هـواداران زگودالش چه گویم من بدست شمر خنجر بود بخون آغشته آن خنجرزحنجر خون شده جوشان چـو زینب سـر زنان آمـد به گـریه وا اخا گفتا سـرِ از تن جُـدا فرمـود به بستیم با خدا پیمان مکن ناله صبوری کن علم دردست توست اکنون همین نهضت به دستانت شـود برپا وجاویدان به نیزه رأس خـونینم شـود هـمـراه تـو زینب به شـام و کـوفـه با نطقت بنا کـن خـانۀ ایمان مگـو (عـدلـی) زآلام و مصیبتهای آن حضرت که پیغمبر شود محزون و زهرا میشود گریان

ندای آسمانی اصغر فرشچی ( عدلی تبریزی) یا حسین من گلشنوندن لاله پرپر ایسترم زرگرم سنگ محک له پُر عیار زر ایسترم هوشیار اول عاشیقیم آشفته دور بازار عشق آچ بساط عشقیوی وار هر نه گوهر ایسترم مشعلـی خاموش ایله ظلمتده انصاره دِنَه من سحـر بیر نچّه جانباز و دلاور ایسترم گتسه هرکیم مانع اولما قوی گیدن گیتسون حسین من قانا آغـشته غنچه لاله احـمر ایسترم رد ایله ناخالصی تا خالصان قالسون فقط خالص اولسا قیمتین من صد برابر ایسترم مکتب عشقونده هرکس عاشق صادق اولا عاشقان خـالصه من قانلی سنگـر ایسترم من عدمـدن عالمی گتدیم وجوده اکبَرم بو سببـدن اولـین قربانـی اکـبر ایسترم سو یرینه گر اَمَه پیکان دمین بیرغنچه گول غم یمه شش ماهه سربازتشنه اصغرایسترم نادم اولسا حرّ گلسه توبه سین ایله قبول من حرم سقاسی تک حرّی برابرایسترم زینبه ده تا ایکی اوغلون ایده تعلیم جنگ هراوچون خندان وشادان روز محشرایسترم ایستسم هر کیمسه نی چوخ من بلا ویرّم اونا موپریشان دل پریشان یاخشی اخگرایسترم «عدلیم» کنج قفس دن ایستورم روحوم اوچا کربلانی گورماقاهم بال وهم پرایسترم 🌾