بنام خداوند رحمان و‌رحیم رنگ خون به قلم استاد : الیاس ملک پور حسین جان پرچم سرخ قشنگت رنگ خون دارد پیام از انقلاب کربلا و عاشرون دارد شهیدان حریم قبله ی عشقت سبک بالند! همای اوج عزت گشته حکم طائرون دارد بیان جمله ی(کُنّا مَعَک) در شان هرکس نیست شهادت نامه ی دانشگهت صدآزمون دارد بنازم پیروان مکتب خونین عاشورا پس از طی قرون در دل شعار ( تُرهبون) دارد بُودهر روز عاشورا وَ هر جا کربلا کانجا یزید پست و بی وجدان بساط شاربون دارد بنازم لشکر شامات و ایران و یمن وَالطیف برای یاری اسلام و قرآن ( قاهرون) دارد میان قلب امریکا و صهیون رهروان حق فداییهای جان برکف بسا دارالجنون دارد سلیمانی نه یک اسطوره یک فرهنگ مواج است به دنیا گشته ثابت لشکری ازصابرون دارد اگرچه جسم سردار دلاور در لحد باشد ولی روح بلندش مکتبی از ذوالفنون دارد شهیدان حریم مضجع پاکِ عراق وشام به حکم نصّ قرآن افتخار یُرزقون دارد به هرجا گر یزید پست فطرت حکمران باشد حسینی مسلکان آنجا قیام قائمون دارد (ملک پورا )جهاد شاعران تبیین اسلام است جهادی که قلم حکم مقام یَسطرون دارد التماس دعا. حاج اصغر فرشچی (عدلی تبریزی)

توسل به حضرت ابوالفضل علیه السلام به قلم : تبسم رضا زاده (شدتی) هاردا قالیبسان عباس دل ناگراندی زینب.. صحرای غم ایچینده اشکی رواندی زینب... دشت بلاده گورموش مینلر بلانی قارداش... یتمیش ایکی شهیده ناله کناندی زینب عمه عطشدن اولدوم فریادی، عرشه چاتدی... سنسیز نئچه اوشاقه آرام جاندی زینب.. شمر دغاده یوخدور بیر ذره جه عطوفت... قویما دئسینله قارداش بی پاسباندی زینب... سولدوردولار بو چولده گلزار مصطفانی... ای باغبان،اسیر دست خزاندی زینب.. طعنه اوخون آتیبلار قلبیم یانیر دمادم... قورتار منی بو اوتدان،حسرتده یاندی زینب.... آچ گوزلرین نجفدن سسله آتامی گلسین... بی رحملر ایچینده بی همزباندی زینب... ای مظهر شجاعت قولاریوه نه گلدی؟'... بیر جوت اوزون قولوندان دل ناگراندی زینب... ملتمس دعا حاج اصغر فرشچی(عدلی تبریزی) 🍃🌼🍃🌼🍃🌼🍃🌼🍃

اول محرم ۱۴۰۲ تبریز-هیات باب الحوائج(ع)شهرک ارم مداحی سهراب صالحپور شعراز عدلی تبریزی @canalsohrabsalehpour

🌸🍃 بداهۀ ولایت عشق دلنوشته های شعرای بوستان شعر وادب تبریز هوا ،وای مُحرّم ، ریاض و جنّتِ عشق گلوبدی شوره شعوریله طبع وهمّت عشق شعورعشق قویار شورِعقلی حیرتده اولارعقول و خردتابع شریعت عشق شرار عشق ویرار عقل و جسم و جانه شرر نهاد عاشقی تسخیرائدر طریقت عشق خدای عزّوَ جَل خلق ائدنده انسانی قویوبدی قلبینه معشوق اوچون ودیعت عشق بوعشقدور چکر انسانی اوج معراجه سجود معرفته دل وئرر شهادت عشق همیشه عاشق و معشوق آرا بو قاعده وار کی عاشقین اُولی قلبینده شور صحبت عشق حضورغی دن عاری اولاندا محفل راز وئررصفا دل عشاقه بزم خلوت عشق بو بزمه کیمسه مگریول تاپار بجز عاشق؟! چتین دی درک ائده هر کس ندوربولذّت عشق بشرتکلّمی قاصردی وصف حالیندن میان عاشق ومعشوق سرّ خلوت عشق بو رمزعشقی حسین شاه کربلا تانیدی ندور خلاصۀ آغاز و هم نهایت عشق چکر امام حسین موکبین بلا چولونه کی ترس و واهمه بیلمز شهید غیرت عشق بلا چولونده ابوالفضلی جان وئرن وقته یقیندی کون و مکاندا قوپار قیامت عشق رضای یاره گئچراصغریندن اکبری تک بلا چولونده بودورمعنی عبارت عشق وصال حضرت جانان اوچون گئچرجاندان منای عشقیده معنا تاپار تجارت عشق بقای دین خدادن اوتور امام هدی کسیک باشیلا ائدر نیزه ده امامت عشق بدون واهمه ازازدیاد لشکرکفر نمایشه قویولارصحنۀ شهامت عشق بلا چولونده حسین چکدی های مستانه گلون گورون نجه دو لذّت حلاوت عشق گلون شراب طهورا یلن اولون سرمست تمام عالمی مدهوش ائدر سقایت عشق دئیوبله حضرته لبیک بیرببیر یاران شهید مکتب اولوب ساقی سقایت عشق چاتوبدی ائیله مقامه یلِ علی عباس جزاده غبطه ائدر شانینه جماعت عشق لقب وئروبدی اونا نافذالبصیره امام یئتوردی اوج ولایه اونی بصیرت عشق چکوبدی باشه حسین جام وصلی مستانه منای کرب وبلاده تاپیبدی وصلت عشق حسین عشقه شرف وئردی عزت آرتیردی اولوب بحق متجلّی صفای دولت عشق اولوبدی مستِ میِ " لا اله الّا هو" چکوبدی باشه شراب طهورو شربت عشق ترابه یخدیلا ناگه ابوتراب اوغلون گلوبدی حیرته سکان عرش و جنت عشق صدای وا وَلَدا یا بُنَیَّ اوج ائلدی الی باشیندا قان آغلوراو مام عصمت عشق پیمبرالده عمامه علی ده مویه کُنان گلولّه قتلگهه بر حضورحضرت عشق باجیسی زینب اکبری خیامدن گلوری بهارابری تک آغلور اورکده محنت عشق صداقتیله عدالتله قورتاریبدی خدا کلام وحینی یعنی حسیندی تَمَّتِ عشق خدا بئله بویوروب " سارِعوا اِلَی الخَیرات" یقین صراطِ حسینی دی رمز سرعت عشق فَیا سیوف خُذینی ، که یوخ منیم باکیم خدا وئروبدی منه اوز یولوندا جرئت عشق تجلیات خدادن تاپوبدی حال " وَله" یارالی جسمینه اولدی او دم عنایت عشق آچوبدی شهپرینی خادمانه روح الامین سالوبدی سایه کی چاتسین باشا رسالت عشق بویوردی چک قانادون جلوه گاهی خلوت ائله جمال یاریله تکمیل اولا زیارت عشق وئروبدی جانینی جان آفرینه ایتدی عروج وصال یاره چاتیب جلب اولوب رضایت عشق نصیب اولمادی ری بوغداسی عمر سعده ولی حسینه یتیشدی به حق ولایت عشق کسیک بوغازیله کهف آیه سین ائدوب تفسیر فراز نیزده تبیین اولوب حکایتِ عشق حسینین عشقی اورک مولکونی مسخّرائدوب نقدرواردی بشر واردی بو حکومت عشق تمام اورکلری تسخیر ائدوب بحول الله آچیبدی آل عبا عشقینه سفارت عشق قیامِ قائمه تک بو" قیام " قائمدی! حسینه حضرت حقدن بودور کرامت عشق هر ایل محرّمی عاشقلری قرا گیینر حسینی یاد ائلییرعارفانه امّت عشق بو شعری بیر نئچه شاعر چکیبدیلر نظمه کی بوستان ادبده اولوب کتابتِ عشق یازوبدی مطلعی "مهدی" اولوب غرض بانی جناب "جابری" ده ایلیوب شراکت عشق گلوبدی فکر "ملک پوره "کیمیائیله" و بیرده "عارف" و "خرم" ائده روایت عشق جناب "عدلی" گوزل بیت لر یازوب "شیدا" آچوبدی مصحف عشقه اوزی کتابت عشق "سید جواد حسینی" و "گوهری " فرقان" رقم رقیمه چکوب ساخلیوبلا حرمت عشق "امیر رستمی" نین واردی عالی ابیاتی "وحیدی" دن ده گلور بوستانه نزهت عشق ائدوبدی مقطعه اقدام ، عشقیله "دلجو" کی روشن اولسون اسامی بودورحقیقت عشق اسامی شعرا: استاد مهدی محمدزاده (شاعر و قاری قرآن) حاج اصعرفرشچی( عدلی تبریزی) حاج بهروز کیمیا حاج محمدتقی جابری محمدرضاصادقی( شیدا) غیضعلی اشرفی( عارف) امیر رستمی فرهاد گوهری اصغر گلمحمدی( دلجو) حسین وحیدی حسین محمد زاد( فرقان) سید جواد حسینی خادم الشعرا الیاس ملک پور چارشنبه ۲۸ تیرماه ۱۴۰۲ برابر با اول محرم۱۴۴۵ گروه (بوستان شعروادب تبریز) 🌿 🌿💐 🌾🌼🌿

🌸🍃🌾🌼 🍃🌾🌼 🌼🍃 🌸 عدلی تبریزی سبک : ایران اگر دل ترا شکستند عباس دورای بوچولده سرسپاهیم امـیـر لشکـریـم پـنـاهـیـم دریای محنت ایچره قالدیم چخوبدی عرشه داد و آهیم کر سندی بیلیم قارداش ابوالفضل آغلار گوزوم قانیاش ابوالفضل آی تک دور ابر خون ایچینده یاتما کمک سیزی گوزوندن آتما حرم لریم یولووی گوزلور سرشک چشمی قانه قاتما عباس سن تک لب عطشانه قربان قولسوزدوشن میدانه قربان تحصیل ایدن دیـن مکتبیده جان بذل ایـدن جانانه قربان بولدوم سـو مشکیـنی فـراتـه سالدون آرامـشـی دشـمـنـدن آلــدون تشنه چخوب میل ایتمدون سـو ایتدون مواسات تشنه قالدون یاتما دور بـیـرده پـرچـون اَلَـه آل گوتور بو مشکی چیگنیوه سال هلاک اولور سوسوزدان اصغر سن قیدینه قاردش اوزون قال عباس بـو چـولـده مـن مصباح دیـنـم دخت رســولــه نــور عـیـنم ســن جـعـفـر طـیـاریــم اولسـه قــالـمـاز کسیم مــن بـی معـیـنم یارب ای درگــهــی رحـمـت پـنـاهـی وار ( عدلینون) چوخ اشتباهی جــرمـون بغـیـشلـه مـن حسینه عــفــو ایـلـه بــو غــرق گناهی سندی بیلیم قارداش ابوالفضل آغلار گوزوم قانیاش ابوالفضل 🌸 🍃🍂 🍃🌺🍂 🌸🍃🌾🌼

مستندی از عزاداری سُنتی ایرانی در باکو 77 سال قبل این فیلم در سال 1941 قیلم برداری شده است شیوه عزاداری کاملا ایرانی است و مشابه این نوحه ها اکنون هم در شهرهای آذری نشین ایران اجرا می شود التماس دعا اصغر فرشچی ( عدلی تبریزی

🌼 🌿🌸🍃🌼 🌼 🌿🌸🍃🌼 این حسین کیست که عالم همه دیوانـۀ اوست وین چه شمعی است که جانها همه پروانه اوست راد مردان شـیـرخواران دیـده گریان مـدح خوان هــر کــجـا می نگــرم جـمـلـه عــزاخـانۀ اوسـت درد وغمینده آغلین چشم جهاندی یا حسین شعلۀ آهوندا یانان کون و مکاندی یا حسین قــرن لـراولـدی بـوآدون حـکـمـروادی دل لـره ذکـر مصیبتون ایـدن پـیـر و جـواندی یاحسین آفرین برمادرشیرده وپدرتربیت دهندۀ این فرزند عاشق عدلی تبریزی 🌼 🌿🌸🍃🌼

🍃🌺🍂 🌿🍂 🌸 نوحۀ قتلگاه اصغر فرشچی ( عدلی تبریزی) اللری باشدا گزور بیرقانه غلطان آختارور صفحه صفحه یریوزونده متن قرآن آختارور زینب کبرادی بـو دخـت شـه خیبر گشـا فاطمه دلبندی کان عصمت ومهر و وفا خـواهـر شـاهنشه دیـن قـهرمان کربلا آل هـاشمدن اولان قرآنه قربان آختارور شل ائدیدی کاش خدا بوگردش دوران الین تـابع شیطان اولانلارآشدیلارطغیان الین یـوم عـاشـوراده کسسین نیّر تابان الین قانلی صحراده باجی ناحق آخان قان آختارور حفظ نـامـوس وشریعت اوسته بوحبل المتین ما سوالهدن گیچوب حتی ویروب انگشترین باش گیدوب مهمان منّور ایلیوب قاتل اوین بیرچوخور یرده یارالی عشقه سلطان آختارور نمرۀ عـالی آلان عشـق اوستـه صاحـب امتیاز تاپدی قارداشی گوروب یرده آچوب جای نماز گرچه سویوخدی آلوب قانیله قیلسون دستماز سجده گاه عشقیده تنهادی جـانـان آختارور باخدی زینب گوردی تا قانه بلشموش پیکرین ویر میوب لر سـو کسوبـلر بـاشنی هـم اللرین اختیارالدن ویروب توکدی یوزه اشگ ترین گوزیاشیله زخـمـلر اوستونده درمان آختارور آه آتشباریـلـه قـلبین دوبـاره یـانـدوروب گوردی بیرصاف یریوخی هربیریتن یاره ویروب قتلگاه عشقیده بیـرمجلس مـاتم قوروب بیردویونجا آغلیه چشمونده طغیان آختارور عرض ایدوب ای گلشن و گلزاری بیر گونده سولان قلبی ای بـحرعـطـوّت لیک قانیله دولان اوزیاراسیندان آخـان ثار خــدا غسلی اولان یوخدی فرصت زینبه دفنینده امکان آختارور اسـدی طـوفـان بلا قد یمی چوگان ایلدی دوندی وصلت گونومی ظلمت هجران ایلدی بـاجـوون قلبینی بـو شـعبه لی اوخ قان ایلدی سینه ی سیناده زینب سینه ســوزان آختارور بوفـلـک چـرخی سینا ویـردی جفا داشی منه قویمیوب دنیاده قالسون تک جه قارداشی منه لـوح مـکـتـوبـه یـازوب آهیله گـوز یاشی منه غـم سحابیندن بوچولده غملی بـاران آختارور آشـیانم یـوخ داغودّی صـرصرظلم و جـفا ایـتـمدی حـرمـت قـونـاقـه سـر زمین کربـلا قـالـمـاقـا قـویـمـاز منی شامه چکردست قضا زینبون کاخ یـزیـد شـومـی ویـران آختارور نینیوم بـو یـاتـمـاقون اوزدی بـنـای ریشه می ایـلـرم صـنـدن صـورا قان آغلاماقلیق پیشه می آرتـورورهـرلـحظـه شامون نطقی بواندیشه می اوردا زینب نطقیلن مجلسده طوفان آختارور آرخـاسی اوسـته دوشـن حـقه ایدن رازونیاز یاره لرخسته سی ای پـادشه ملک حجاز انقلابون ایلیوب قـرآن و دینی سـر فراز طی ایده بو شاهراهی سربـداران آختارور نسل انسانه نجات و روح وحدت یا حسین زورق امید هرانسان وهم بحرکرامت یاحسین مـن گـنـه کار(عدلیه ) ایله عنایت یا حسین تا گوره کرب و بلا حقینده امکان آختارور (رباعی) یا حسین مظلوم قورولان سندن اوتورمحفل غم خانه وه باخ دورشمع اوسته یانان پرلری پروانه وه باخ کربـلا حسرتی دیلده قوتولور عمروم آقا غمیلن قلبی دولان عاشق دیوانه وه باخ 🌿 🌿💐 🌾🌼🌿

🌸🍃🌾🌼 🍃🌺🍂 🌿🍂 🌸 نوحۀ قتلگاه اصغر فرشچی ( عدلی تبریزی) آه اوساعتدن که زینب قارداشین عریان تاپوب مـاه تـک دوشموش محاقه نیّرتابان تاپوب فَلک امیدین گوروب مستغرق دریای خون وارسپهر پیکرینده یـاره انجمدن فزون غم فشاریندن اولوب رخصار زینب لاله گون مُلک تنده یاره لردن روضـۀ رضوان تاپوب شعبه لی اوخ قلبیده پـیـکان و خنجردن یـارا هـر گلن یـاره ویـروبـدی یـاره لر گلمز سانا نه الی نه واربـاشی سسلندی سنسن بو اخا قتلگاهون چشمه چشمه زخملردن قان تاپوب پیکربی جانیله ایسّی قوم اوستونـده یـاتان قالموشام بوچولده یوخدورقیدیمه کیمسه قالان آغلارام بوگوزیاشیلن مرهم اولسون هریاران تاباجون گورسون بوچولده جانینه جانان تاپوب اوخلاری بیر بیرکنارایتدی اولوبدی بی قرار نحرمنحرون اوپوب قانیاش توکوب گوز اشکبار سسلدی زهرا آنا گل زینب اولدی داغدار گل قزون زینب حسینی قانینه غلطان تاپوب ما سوالهون ویروب قـرآنه دنیاسون آتوب ایسی قوملاراوسته گل گورآرخاسی اوسته یاتوب کاسـۀ چشمونـده زینب اشکینی قانـه قاتوب قان دولوب گوزکاسسینده قان اولان مژگان تاپوب صرصر ظلم اسدی بوچولده تاپولدی مین بلا مـحـشر کـبـرایـه بنزورغملی دشت کربلا یدی قارداشدان بیری قالمور آنا یاور اولا گل بلا صحرا سینه زینب قدین چوگان تاپوب بـو بیابانی آنـا اوغلون قانی گلگون ایدوب قانی آخدوقجا یره گوی اهلنی دلخون ایدوب زینب بی خانمانی گل آنا محزون ایدوب قالمیوب تاب وتوان حسمینده چون خسران تاپوب واریری بوچولده من ایوای حسینیم وای دیم قطره قطره اشک چشمیم قان اولا ایوای دیم اصـغـریـن تاپسام اونـا بو سینه ده لایلای دیم گل یرین گوسترقیزون زینب دیسون مرجان تاپوب گل آنـا قـویـموللا بـوردا مـن حسینه آغلیم بـو یـارالی اوغلی اولـموش قـارداشا دل داغلیم باشی یـوخـدی وای منه تـا گوزلـرینی باغلیم همسرخولی باشین مطبخده چون مهمان تاپوب مشعل دینی خموش اولسون جهاندا قویمارام جسمیدن رخت عـزانی مـن اولونجه سویمارام آغلارام قارداشیما مـن آغـلاماقـدان دویمارام اشـگ چشمیله دیسونـلر زینبی عنوان تاپوب سیل اشکین (عدلی) هـرآن بـوغـمـه ایلر روان نام زهــرانـی حسینی ایلیوب ورد زبان وارامــیـدی کربلایه ایستسین شـاه جهان تـا گـوره وادی غـم بیربلبل خوشخوان 🌿 🌿💐 🌾🌼🌿

🍃 💐🍃🌿 🌿🌸🍃 🌸🍃 💐 شام غریبان حضرت سید الشهدا علیه السلام اصغر فرشچی ( عدلی تبریری) زبانحال حضرت زینب در شام غریبان در سبک شبانگاهان.... آنا زهـرا دشت کرب وبـلا ظلم دشمندن لالـه گون اولـدی بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا پـرستـار اولـدوم سـحـردن تـا گون غروب ایدنی یاره باغلادیم حـسـیـنـیـوه مـن دل شـبـده شـام غـریبان دوتدوم آغلادیم سـالـوب ربـاب اصغـریـن یاده آغلیوب مـنـده سیـنه داغـلادیم بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا فـشـار غــم غـصـّه زیـنـبـوون قامتین اگدی قــد کـمـان اولـدی چـمـن زارعـشـقـیـنـه اســدی صرصرجفا چون خزان اولدی سواوستونده صودامر بوغازی زهـرلـی تـیـره خونفشان اولدی بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا بـیـرانـگـشـتـر اوستـه سـاربان ال کسـوب زیـنـبـدن تـوان آلدی او ال کسـن آغـلادوب بـاجیمی جـانـیـنـه یـانـان بیرشـررسـالـدی سـنـه بـنـز ربـیـرمـلـک مـنـظـر قـارداشـیـم قـیـزی آتـاسـیـز قالدی بوگون غمدن خم اولوب کمریم قاندی بو جگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا گلـسـتـانـدا آچـمـیـیـن گـلووی آسیـاب فـلـک چـون گلاب ایلدی بـیـراوخ گـلـدی حـنـجـره دگـدی خون اصغریوی خون ناب ایلدی گـولـوب اوّل یـومـدی گـوزلرینی قارداشیم قلبین چون کباب ایلدی بـوگـون غمدن خم اولوب کمریم قـاندی بـوجگریم گللریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا یـاری یانموش خیمده دوتدوم شــام عــاشـورا شــام غـریـبـان حسیـن بـاشی کـوللر اوستـونـده خـولـیـه اولـوب بـوگـجـه مهمان او قـانـلی گـودالـیـده دوشــوب سینه سی اوسته پیکری عریان بـوگـون غمدن خم اولوب کمریم قـاندی بـوجگریم گللریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا بــقــیـــده یــاتـــمــا مــزاریـــده کــربـلایـه گل قـالـموشــام تـنـها اوزن گل باش چک بوچولده گور هـانـسی یـراولــوب زیـنـبـه مـأوا صـحـر اولـسـا مـن آنـا نـیـنـیـم قــتـلـگاهـیـده قـارداشـیـم قـالـسـا بـوگـون غمدن خم اولوب کمریم قـاندی بـوجگریم گللـریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا غـم ایلمه (عـدلـی) وارگنهـون یـاز بو دربـاره بنده گلـمیـشـم الـیم بـوشدور روسیـاهـم مـن خجلتم وارشـرمنده گلمیـشـم نـواخـوان و ذاکرین گـلوری حاجت آلماقا منده گلمـشـم 💐 🌼🍃 🍃🌾 🍃

نوحه محرم مرحوم شهاب تبریزی قان آغلیون ای شیعه که ایام عزادی زهرا باش آچوب صاحب عزا شیر خدادی نه طاق فلک یاسه باتوب آغلوری عالم سکان سما چیده ایدوب مجلس ماتم بو غمده گلوب نالیه پیغمبرخاتم ارواح رسل روح الامین نوحه سرادی ای شیعه ایدون مدنظرکرببلانی بیریاده سالون محنت شاه شهدانی قانه بلشوب یتمش ایکی پیر و جوانی باشسیز توکولوبلردیه سن کوه منادی ای شیعه قیامتلر اولوب اکبرالنده صدپاره گلوب قانلی کفن قانلی بدنده ساچلار یولونوب خیملره نعشی گلنده لیلانین ایشی حشره کیمی واولدادی اول دم که علمدارین عدو قانینی توکدی بو درد وغم ای شیعه حسین قدینی بوکدی دلدن کسیلوب تاب و توانی یره چوکدی بیل سندران عالمده غم مرگ اخادی ای شیعه ووروب حرمله اود کون و مکانه افلاکه سالوب رعشه بیر اوخ قویدی کمانه اصغربوغازین ایلدی بیرتیره نشانه گوربیرنقدر حرمله بی شرم و حیادی سلطان مدینه او بیابانی گزردی قانین یاخوب اعضاسینه اول طفلی بزردی اوجوندا گهی اخذ ایدوب افلاکه سپردی بلسونله او قان تحفه درگاه خدادی شاه الدی قشون سیندی ستم عرشه دایاندی اودووردولا اولاد علی خیمه سی یاندی عصمتلی حرملر سویولوب یاندی تالاندی رحم ایتمدی بیر کیمسه بولار آلعبادی

🌸🍃🌾🌼 🍃🌺🍂 🌿🍂 💐 زبانحال حضرت امام حسین علیه اسلام بر بالین حضرت ابوالفضل علیه اسلام . . حاج اصغر فرشچی ( عدلی تبریزی ) سبک : سن آغلوسان من دوزنمورم.... دور ای ویرن کوی عشقیده عالی امتحان قارداش دوروب باشون اوسته قدی خم شاه انس وجان قارداش . دورمشگوی بیرده آل اَله گوزون آچ اویان قارداش سوسوزقیزلارآز قالور ئوله منی تک قویان قارداش . . شراب وصلیله مست اولان کوی عشق قربانی گوزیوی آچ منله بیر دانش ای اولان وفا کانی سیلنموسن قوی اوزوم سیلیم گوزده کی آخان قانی بوسینوی اوخلارا عدو ایلیوب نشان قارداش . . دورای منیم اهل بیتومون باشینه سالان سایه حسینیله عشقیده اولان بو زماندا همپایه بوقان نه قاندوردوتوب یوزون بنزیین یوزی آیه قوجاقلاشاق یوخدی قوللارون آه والامان قارداش . . دور ای مواساتیده اولان اسوۀ جهان عباس ایکی قولون یوخدی باش یاراچشمی خونفشان عباس گلوبدی بو غمده نالیه ایندی قدسیان عباس مدینه ده بولسه آغلاسا حقی وارآنان قارداش . . گلنده یول اوسته گورموشم قوللارون دوشوب قارداش نه حاله قالدیم خدا بولور آخدی صورته قانیاش دیلیمده قارداش دیه دیه گلموشم بورا بیرباش جری اولوب شامیان گوروب سنده یوخ توان قارداش . . سن ای بنی هاشمون آیی ابرخونیده باتما کمک سیزام من اوغولسوزام قارداشون بیله آتما حرملریم گوزلوری یولون قان ایچینده خوش یاتما یارالارون قان ویرورنجه یاتموسان اویان قارداش . . ویروبلاراوخ مشکه سوآخوب سنده یوخدی سوعباس دیمه خجل اصغروندنم ای فرشته خو عباس دورحمل ایدوم خیمه وه سنی سیرتی نکوعباس سینوب بلیم بولمسین عدو خاصه کوفیان قارداش . . بو چولده سندنصورا منیم یوخدی بیرهوا داریم فدای جانان اولوبدولار یاوران غم خواریم قالورفقط سود امر بالام بیرده عابد زاریم بیری مریضدوربیری سوسوز باغریم اولدی قان قارداش . . اگرچه یوخ بو سپاهیده ذرّه آبرو عباس ها رایلا دِ قومِ کافره اِن قطعتمو عباس سن اولماسان تنگ ایدرمنه عرصه نی عدوعباس بو نحویلن قلبومون سوزون ایلورم بیان قارداش . . دورای علی دست پروری شیر صولتیم عباس دورانموسان باری آچ گوزون سرو قامتیم عباس منیم علی اکبریم اولوب چوخدی مِحنتیم عباس گیدن ره عاشقان حق اکبره چاتان قاردا ش . . یازی یازانلارکتاب ایدر شرح غمده حالاتون گجه نمازین اداسینی نصف شب مناجاتون الینده سو ایچمیوب ایدن قارداشا مواساتون بونیسگیلون اود سالورمنیم جانیمه اینان قارداش . . سن«عدلی»ای ذاکرحسین فارغ اول علایقدن اورزق مقسومه قانع اول راضی دوش او رازقدن دِ دردون عباس شاهده چک الون خلایقدن منیم دیلیمده دینه اونا اسمی جاویدان قارداش 🍃 🌾🌼 🍃🌾🌼 🌸🍃🌾🌼