درشهادت حضرت امام جواد علیه السلام ✍️ حاج اصغر فرشچی (عدلی تبریزی مداح کربلایی احد رضایی . کینه زهریندن جواد بو گونده افغان ایلوری جاننی اوز جدّی تک اسلامه قربان ایلوری رهبر دینون زبسکه ناله سی جانسوز اولوب شمع تک یاندی جفادن گول کیم رنگی سولوب وامصیبت لرسسیلن شیعه لر دنیا دولوب شعله سی اود ویردی جانه قلبی سوزان ایلوری درده پیچیده چکور آه و گهی ایلور نوا اوغلونی سسلور گتورسون سو اولوردینه فدا بس یانور سوز عطشدن نقش باغلور کربلا غربت ایچره غربت شاه شهیدان ایلوری باخبر اولسون جماعت دُخت مأمون ایستمز مؤمنه اولسا عیال هرگز خیانت ایلمز اُمّ فضل" الله واکبر لفظینی دوز سویلمز ایتدی محبوس منزلی اول شاهه زندان ایلوری اوز ایوینده اولدی زندانی قالوب تنها امام پیشوای مؤمنین و زادۀ خیرالانام یوزدوتوب درگاه حقه سویلدی من یالقیزام دیلده گل زهرا غریبم لفظین عنوان ایلوری ایستدی سو جان ویرنده مانع اولدی بی وفا لیک سو ویردی امامه اوغلی دیلده وا ابا عاقبت جانویردی جانانه جواد ابن رضا گتدی افغانه فغان شاه خراسان ایلوری قصد ایدوب قرآن ناطق پیکرین بی دین عدو بولمیه مردم امامی گیزلدوبدور کینه جو دشمن دین خداده اولمیوبدی آبرو اوچ گجه مانند گنج منزلیده پنهان ایلوری گون قباقینده قویوبدی پیکرین اوچ گون قالا بلکه بوی بد تاپا تا مردمون صبرین آلا گوردولربوی جنان وارعطروارهاردان هارا چهرۀ خورشیدی سوزان بیرده تابان ایلوری معتصم ظلمی عیاندی ایلدی بی حد جفا صبر ایوین یخدی او دم آغلار بنات مصطفی پیکرین مسلم کیمین آتدی اوجایردن خدا دیو صفت لر عکس امر دین و قرآن ایلوری.

مداحی سینه زنی جناب آقای کربلائی محمد صدرا یگانه. هیئت فاطمیه اعطم تبریز

🌸🍃 🌸🍃🌾 🌾🌼 🍂 🌾 شهادت حضرت امام محمد تقی جواد الائمه علیه السلام به قلم استاد ستار رزاقی گَل ایله شیعه، بو گونده نوا امام جواده یَقیندی آغلوری اَرض و سَما امام جواده توکور سرشکینی اِنس و مَلَک عذاره بوغَمده دوتوبلا هَر یئره باخسان عزا امام جواده آناسی حضرت زهرا بهشتیده اَلی باشدا اورَکدَن اوخشیوب ایلور بُکا امام جواده غَریب آتاسی کیمی دوشدی آیری ائوزوطنیندن کی ایمدی آغلور آتاسی رضا امام جواده عَطا و جود و سخاوتّده بی بَدیلیدی امّا زَمانه اولدی بِله بی وَفا امام جواده عَداوت اوسته جوان سنّیده جماعت جاهل ایدوبله یئریوزونی غَم فَزا امام جواده ائوینده جَدّی حسَن تک شقاوتیله صدافسوس ویروبدی همسری زَهرِ جفا امام جواده ساتوبدی دینینی دنیایه اُم فَضلِ کَج اندیش گوروبدی بیربِله ظلمی رَوا امام جواده غَریب ائولکه ده جَبریله ایچدی جام شهادت تَرَحّم ایتمدی دست قَضا امام جواده سو ایستَدی ولی مانع اولوبدی همسری، سویلوب گتورمَسین بیری سومُطلقا امام جواده قویون جواد اُئوز اطاقینده تشنه تاپشورا جان گرک بو ائو اولا دارِ بَلا امام جواده گلوب بالاسی علیَ النّقی سو ویردی امامه دیدی گرکدی اولام هم صدا امام جواده سالوبدی یادینه جدی حسینی تا سویی ایچدی مُجسّم اولدی غم کربلا امام جواده ایدردی بیر باخیشیندا تمام دردلره درمان نَدَن تاپولمادی بولمَم دَوا امام جواده او کسلرین کی دوشَر زندگیده اَللری تَنگه ایدَلّه حسرتیله اِلتجا امام جواده سنونده دردیوه رزّاقی وار یَقین اولی درمان خلوصیله ایده سن گر نوا امام جواده التماس دعا . بر عاشقانش تسلیت باد . اصغر فرشچی (عدلی تبریزی) 🌼 🌾🌼

🌸🍃🌾🌼 🌺🍂🍂 🍂🍂 🍂 قوجالیق قاصدی اصغر فرشچی ( عدلی تبریزی) عمرلرکوته اولور ایل بویی هرهفته و ماه قوجالیق سایه سی اطرافی آلوب مثل سپاه بیرگونی قاره لی باشدا چخوب موی سفید گوردی گولدی مسخره ایتدی اونی موی سیاه دیدی مندن گز اوزاق اولما جواریمده منیم موسفید اولدون داخی گورمزقدومون شاهراه نطقه گلدی مو سفید ایتدی خطاب قاره توکی اولدوروبلارمن وارام ترک اتمرم خواه و نحواه من قضا و قدرین رهرویم قاصد پیر گل تقدیرم و هم تابع هر حکم الاه لشگر عشق وجوانی داغولوب عمر گیدوب قوجالیق سایه سی اطرافی آلوب مثل سپاه گرچه یوخدی قره رنگ اوستونه رنگ رنگرزی بویوری گه قریه گه آغا یوخ منده گناه خرمن هستیه آخر که اسر باد خزان آغارار هرقره توک هرگیجه کی اولدی پگاه منده سن تک قره رنگیم واریدی خرم وخوش لیک آغ رنگه بویاندیردی قضا ایله نگاه گول نقدری گوله جاقسان ولی باخ عبرت ایله عمرلرکوته اولور ایل بویی هر هفته و ماه آغ قره قبره گیدردنیانی ترک ایتمه لیدی او قارانلوقدا یاتان جسم لر اولمازلا تباه روزمحشرکه عیان اولدی آغا هم قرییه یا جهیمه گیدی یا جنّته وار الده گواه گل دوتاق فاطمه دامانینی بیز (عدلی) کیمی گر شفاعت ایلسه یوم جزا چکمروخ آه 🍂 🌿🍂🍂 🍃🌺🍂🍂

🍃 💐🍃🌿 🌿🌸🍃 🌸🍃 💐 خطاب به حضرت امیرالمؤمنین علیه السلام در روز عاشورا عدلی تبریزی ای خادمان درگهی میکال و جـبـرئیل الیاس و خضره بـحـر و بـرّیـده دلیل ای واسـطـه مـیان خــدا انـبـیـای حق محتاج اولوب سنه آدم ونوح وهم خلیل ای خلقتی هـدف ,آدم و ابنائیدن ازل ای جلیله ولیّ و جـعـل امامتی جلیل ای هــادی خلایـق و شافع یوم نشور ای حشریده قاسم بهشت ونارو سلسبیل جـاری اشـاروه تسنیم کـوثـرو قـنـات عاملدی امریوه قُلزم وجیحون ورودنیل باخ کربلا چولونده سوسوزجان ویرنلره قرآن یولوندادوشوب عباس و اکبروعقیل بیرجرعه سوطلب ایتدی حسینون اصغره گـورشـامیان دنی نجـه اولـدو لار ذلیل قالوب آراده حسین دوتوبلا دامنینی یورقون سوسوزبالالاربی یاوروبی کفیل عصیان ایدوبدی کوفیان یکسریانور خِیام قزلار داغـولدی چوللره فضا سسی تعویل یانان یانوب قالان اسیردشمن اولوب تمام گلورصـدای شـمـر ویرور رخـصـت رحیل احرامیان منایه یول سـالـوب یعنی قتلگاه زینب گوروب حسینی اشکریزاولوب جزیل عرض ایلوری خدا فدیۀجاناندی ایت قبول نــوک سـنـانـدا بـاشی یـرده پـیـکری قتیل تـب دار و نـاتـوانـدی بـاقـرالـعلـومـه آتـا واراحتیاجی بیر بـاخـوشـا سـاجـد علیل ای شیرکردگار یولـوی کـربـلایـه سـال زهـراگلوبـدی سنده گل اماندی ایت تعجیل گلوب مُحرّم آیی اولوبـدی روز عـاشـورا حسینه آغلوری یرگوی جماعت ایچره عویل کرب وبلا غمینده واردی آغلیین گوزوم آغـلار یـازار قلمـیم نــوحـه تاپاندا اصیل مرام «عدلی» بو دور شفاعت ایلیه سن اوزون سالوب اودی درگاهیوه اولوب دخیل

شام غریبان حضرت سید الشهدا علیه السلام اصغر فرشچی ( عدلی تبریزی) شب شام غریبان است بیا ای عاشق جانان به آب دیدگانت کن خموش آن آتش هجران بیا ای خادم صادق" بریز اشکی روا باشد بگرید شمع وگرسوزد دهد پروانه بهتر جـان بیا با صدق زاری کن چـو ابر نو بهار امشب که زاری خوش بودامشب دهداجرجزیل یزدان چوسنجد مادری طفلش چه حاجت دارداززاری مثال شیر خواران کن سـرشک دیده را باران بنال آن شـاه عـاشـق را فنا گردیـد بقا بخشید هـمـه دارو نـدارش داد کـه پـایـنـده بود قرآن بنال آن شـاه عاشق را چو عاشور محرم شد گـذشت از اکـبـر واصغـربـرادرهـا هـواداران زگودالش چه گویم من بدست شمر خنجر بود بخون آغشته آن خنجرزحنجر خون شده جوشان چـو زینب سـر زنان آمـد به گـریه وا اخا گفتا سـرِ از تن جُـدا فرمـود به بستیم با خدا پیمان مکن ناله صبوری کن علم دردست توست اکنون همین نهضت به دستانت شـود برپا وجاویدان به نیزه رأس خـونینم شـود هـمـراه تـو زینب به شـام و کـوفـه با نطقت بنا کـن خـانۀ ایمان مگـو (عـدلـی) زآلام و مصیبتهای آن حضرت که پیغمبر شود محزون و زهرا میشود گریان

ندای آسمانی اصغر فرشچی ( عدلی تبریزی) یا حسین من گلشنوندن لاله پرپر ایسترم زرگرم سنگ محک له پُر عیار زر ایسترم هوشیار اول عاشیقیم آشفته دور بازار عشق آچ بساط عشقیوی وار هر نه گوهر ایسترم مشعلـی خاموش ایله ظلمتده انصاره دِنَه من سحـر بیر نچّه جانباز و دلاور ایسترم گتسه هرکیم مانع اولما قوی گیدن گیتسون حسین من قانا آغـشته غنچه لاله احـمر ایسترم رد ایله ناخالصی تا خالصان قالسون فقط خالص اولسا قیمتین من صد برابر ایسترم مکتب عشقونده هرکس عاشق صادق اولا عاشقان خـالصه من قانلی سنگـر ایسترم من عدمـدن عالمی گتدیم وجوده اکبَرم بو سببـدن اولـین قربانـی اکـبر ایسترم سو یرینه گر اَمَه پیکان دمین بیرغنچه گول غم یمه شش ماهه سربازتشنه اصغرایسترم نادم اولسا حرّ گلسه توبه سین ایله قبول من حرم سقاسی تک حرّی برابرایسترم زینبه ده تا ایکی اوغلون ایده تعلیم جنگ هراوچون خندان وشادان روز محشرایسترم ایستسم هر کیمسه نی چوخ من بلا ویرّم اونا موپریشان دل پریشان یاخشی اخگرایسترم «عدلیم» کنج قفس دن ایستورم روحوم اوچا کربلانی گورماقاهم بال وهم پرایسترم 🌾

🌿🌸🍃🌾🌼 🍃🌺🍂 🌿🍂 💐 نوحه روز عاشورا اصغر فرشچی ( عدلی تبریزی) کربوبلا چولونده طوفاندی یا محمد*ص گوندر کفن حسینه عریاندی یا محمد*ص قان باغلادی اورک لر فریاده گل محمدص گریاندی اهل بیتون امداده گل محمدص پیروجوان بو یرده قربان دین اولوبدی باشسیز دوشوب بدنلر دین گلشنی سولوبدی اولدوردولر حسینی گون سیردن دونوبدی اکبر کیمی جوانی دوغراندی یا محمدص اوخ سینه ده یارالار پردن آچوبدی شهپر آت سالدیلار پوزولدی گل تک اولوبلاپرپر بیر غنچه وارایچینده سالدی بو جانه اخگر اصغر ال اوسته عطشان اوخلاندی یا محمدص اوخ حرملیدی قویدی قهرا بو گون کمانه اصغر بوغازی اولدی اوچ پر اوخا نشانه گوردی آتا ال اوسته قانی قاروشدی قانه گولدی اولحظه عالم حیراندی یامحمدص گل غنچسیدی اصغراوخ دگدی پر پر اولدی اللر قـماطه باغـلی قنداقی قانه دولدی ایلورآتاسی افغان گوردی بالاسی سولدی باغ رسالته گل خندانـدی یـا محـمـدص مشک اوخلانوبدی عباس گوزده وار اوخ یاراسی قـولارینی سالوبلار دوشموش یره لواسی قـانی آخور باشیندان ادرک اخا صداسی درک ایلدی حسینون اودلاندی یامحمدص بو گونده اولمادی بس ویران بوکون وامکان اوغلون باشی کسیلدی قان یاغدی اولدی طوفان غارت اولوب لباسی نعشی قالوبدی عریان عصرین امامی سجّاد گریاندی یا محمدص اخیامه اود ویروبلار یاندی خیم سراسر قاچسون چوله اوشاقلار مانعدی قوم کافر یاندی یانان قالانلا ر اولدی ملول و مضطر درد و محندن اطفال نالاندی یا محمدص بو کوفیان ندندی جو رو جفاده دویماز غارتده جای نقصان بواشقیادی قویماز اغماز ایدر مگر بو دشمن بناتی سویماز نـام دنـی بـو قـومه عنواندی یا محمدص ظاهرده کربلاده گتدی حسین جلالی دشمن ایدوبدی غارت هرنه اولان منالی اولدی اسیر دونان آغلار قـالوب عیالی جاه و مقامه دشمن تولاندی یا محمدص ایل لر بویی بو غمده دل اهلی سینه داغلار (عدلی) اودی اورکدن بوگون حسینه آغلار کـربو بلایه گتسون پیما ن سنیله باغلار قـربـان مـزار پـاکه بو جاندی یا محمدص 🌾 🌾🌼 🍃🌾🌼 🌸🍃🌾🌼

🌿🌸🍃🌾🌼 🍃🌺🍂🍂 🌿🍂🍂 🌺🍃 🍃 حضرت علی اصغر علیه السلام زبانحال حضرت سیّدالشُهدا علیه السلام اصغر فرشچی ( عدلی تبریزی) سبک : مانده ام تنهای تنها.... گل پونه ها... اصغریم آرام جانیم جسمیده روح و روانیم سنده بو چولده عمون تک اولموسان شیرژیانیم کاروان عشقیده سن تک گل زیبا تریم سن بوجوانان ایچره اصغر سن منیم زیب فریم سن گرصغیر سن .... اکبریم سن همّتین بی حدّی اصغر اکبریمدن سیچمرم من نسگلون قالدی اورکده قاتلوندن گیچمرم من تشنه جانویردون ال اوسته اولسادا سو ایچمرم من خارالینده گلستاندا گل کیمی پرپر اولانیم بوبیابان بلاده قارداشیم تک " تک قویانیم گرصغیر سن .... اکبریم سن ال ایاق چالدون ویروب قان حنجرون مثل کبوتر اوج ایدوب روحون پرآچدی شرب ایده تا آب کوثر جسمووی کربوبلاده آلدی مندن تا که خواهر بزم غم قورسون آنانلا عالَمِینی آغلادانیم ای قیامت عالمینده قانلی قونداقی نشانیم گرصغیر سن .... اکبریم سن را من سنی آلدیم آناندان تا آلام بیرجرعه ای آب اوخ سنی سیراب ایدنده آخدی قانون ایتدی بی تاب ویرمدی سو اوخ آتوبدی دشمن دین قوم اذناب تاریک اولسا گوزلریمده واریری هربیرمکانیم اوخلانان نازیک بوغازدان قونداقا قانی آخانیم گرصغیر سن .... اکبریم سن جدّیمی رویاده گوردوم گلموشم کربو بلایه عالم زرعهدیم اوسته دوزموشم من هرجفایه بیزیاتان یربو دیاری چوندرر دارالشفایه سن یاتارسان سینم اوسته ای بهاریم هم خزانیم قبریمی ایلر زیارت زائران و عاشقانیم گرصغیر سن .... اکبریم سن نهضتیمده شرکتین وار قاسم و اکبرله همدوش اتمرم اوگولماقوی تا جهان واردورفراموش دنیانی بو گولماقونلا ایلسن مبهوت ومدهوش آغلادارسان هرآنانی آلتی ایلیق جانفشانیم (عدلی) تک دربارعشقه واردی صادق نوحه خوانیم گرصغیر سن .... اکبریم سن

زبانحال حضرت امام جواد(ع) کلام مرحوم وافی تبریزی بو غربت الکه ده من زارو ناتوان الورم یوخومدی حالیمه بیرکس باخوب یانان الورم آتام رضا کیمی گزلین ویروبله زهرمنه ستمله باغریم اولوب مثل لاله قان الورم حیات گلشنیمین نخلی گل کیمی سارالوب بهر عمریم اولوب ظلمیله خزان الورم آدیم تقی کیمی شغلیم اولوب تقیه منیم نقدری دشمن ایوینده ایدوب مکان الورم جواد و حی و قدیمین حضورینه گیدورم بوقان اولان جگریم الده ارمغان الورم اگرچه ظاهرصورتده بیر یارام یوخدور ایدوبدی قلبیمی مین زخم کین نشان الورم الیم اورکده یوزوم تپراق استه جان ویرورم بو حسرتیله خدایا ایدوب فغان الورم شهادتیم منه بیرسود اولوب بو غربتدن غریب الماقیمی بلمورم زیان الورم یوزیمه باغلی قالوب چاره یولاری بلورم علاج دردیمه یوخدور داخی گمان الورم مدینه شهری دگل جمع اولا بنی هاشم آلا کناریمی ایل و قبیلم یکان یکان الورم مگرآتاسی الن نوجوان آتا نعشین اوغول گلوب گوتومزجان ویرن زمان الورم اوغول نولورمنی جان ویرمموش گلوب گوره سن گورم گوزل یوزون ای سرو بوستان الورم آتا بالا نولی بیرقول بویون اولاقبیرده اورکده قالمیا حسرتلریم نهان الورم شکسته قلبیله (وافی)سنون الین دوتارام جزا گونی سنی تک قویمارام اینان الورم با عرض تسلیت و تعزیت در سالروز شهادت امام محمد تقی جواد الائمه علیه السلام. جهت شادی روح شاعر این اشعار مرحوم. مغفورجناب وافی و تمام اموات گذشتگانتان حمد و سوره ای قرائت بفرمائید اصغر فرشچی (عدلی تبر یزی)

🌸🍃 🌸🍃🌾 🌾🌼 🍂 🌾 🍃 درشهادت امام جواد علیه السلام به قلم : هدایت تبریزی سبک:کربلا منتظر ماست بیا تا برویم... امّ فضلین ستمی قلبمی قان ایتدی آنا آلوب آرامشیمی سلب توان ایتدی آنا آنا گل حالیمه باخ پوزقون احوالیمه باخ یار الیندن ئورگیم شعله چکیب اودلانوری تاروپود بدنیم زهر اثریندن یانوری آه پر سوز و گدازیم فلکه قوزانوری فلک ئوز همسریمی دشمن جان ایتدی آنا کیمه درد دل ایدیم درد ئوزی همدمدی منه همدمیم ، همنفسیم ، خصم دی دشمندی منه ئوز ایویم قتلگهیمدی دیمه ایمندی منه باغ عمرومده اجل بادی وزان ایتدی آنا کاش بیر کیمسه منیم دردیمه دارو گتوره بو تواناسی گیدن پیکره نیرو گتوره جان چیخاندا بیر ایچیم باری منه سو گتوره زهر کین قامتیمی اگدی کمان ایتدی آنا ئولورم سوز عطشدن دلیم آغزیمدا یانور یانورام زهر اثریندن جگریم پارچالانور نه پشیماندی ایشندن حرمیم نه اوتانور طعنه ووردی منه چوخ زخم زبان ایتدی آنا هدف اولدی ئورگیم کینه و آزار اوخونا ریب و انکار اوخونا سمّلی افکار اوخونا من وورولدوم آنا بیر اهل ستم یار اوخونا منی ئوز همنفسیم تیره نشان ایتدی آنا دوشموشم افعی ورانلار کیمی پیچ و خمه من قویورام گاه الیمی آلنما گه سینمه من نه روادور بیله پوزقون گیدم اول عالمه من منی دشمن بئله سی قبره روان ایتدی آنا بو سوسوزلوق آنا جدّیم عطشین یاده سالور ایلورم گوزده مجسّم ئورگ آرامین آلور زینب عمّه م گورورم اللری باشدان اوجالور قارداش احوالی اونی دل نگران ایتدی آنا دیدی ایوای آنا قارداشمی ئولدوردی عدو جان ویرور تشنه اونا کیمسنه یوخدور ویره سو خشک اولوبدور دوداقی قان ویروری یاره گلو ئوز عنادین بو ستمگرلر عیان ایتدی آنا بوغازین قارداشمین نوک سنان یاره لیوب سجدگاهنده ستمله داش آتان یاره لیوب قلبنین قانین اوخ ایلوبدی روان یاره لیوب اوخ دگیب قلبنه قطع شریان ایتدی آنا نه (هدایت ) بولر احوالیمی نه یار و حبیب دردمین چاره سی وار نه ، نه ده درمان و طبیب نجه بو جور و جفایه ایلیوم صبر و شکیب باغ صبری ستمین بادی خزان ایتدی آنا التماس دع دعا اصغر فرشچی ( عدلی تبریزی) 🌾 🌾🌼 🌼 🌾🌼