#تک‌بیت بی جواب قالماز یقین دیناده مظلومون آهی گر اورکدن چکسه آهی ، عالمی ویران ائدر #محمدرضا‌صادقی‌شیدا

#تک‌بیت منی جهنمدن ائله قورخودور ائله بیر یاشیرام بهشتین ایچره #محمدرضاصادقی‌شیدا

《شهادت حضرت زینب (س)》صفحه ۱ حاج محمدتقی جابری: زینبون جان اوسته دورای عالمه جانان حسین گل، گلن  یولاریوا  زینب   اولا  قربان   حسین الیاس ملک پور: سن بولورسن زینبون قارداش سنه دل بسته دی سرو قدّی خم اولوب جور و جفادن خسته دی گوزلری یولدا سنی گوزلور باجون جان اوسته دی گل تلاوت ائیله باشیم اوسته سن  قرآن حسین محمد هوشمند( مدهوش): آزقالیر غربتده چاتسین دفتر عومروم باشا کاسه صبریم دولوب اندوهیله  ایستیر داشا لیک گلمیر هیچ گمانیم باجیا نه قارداشا هارداسان گل دادیمه ای خسرو خوبان حسین رمضان نقاش (شاهد): الی دورد ائیلدور گئیجه گوندوز حسین جان یاروم هر بلاده غم شریکون  اولموشام غمخواروم ایندی آخر لحظله لرده طالب دیداروم گل گیلن قالموش یولوندا گوزلریم گریان حسین محمودجهاندیده: پیک ایمان کوفه ده زینب دی مولا هارداسان زینت باغ وگل و دنیا وعقبی هارداسان گَل سنه قربان ،باجون غربتده تنها هارداسان سن یئرون اوستونده تک مهر درخشانسان حسین محمدرضا صادقی شیدا: رسمدور  باجی ئولنده  آختارار  قارداشینی تا  محبتله گلوب آلسون دیز اوسته اوسته باشینی پاک قیلسون قارداشی گوزدن آخان گوز یاشینی گل گوروم آخر نفسده  جان وئروم آسان  حسین حاج ستار رزاقی : گوزلریم قالمیش یولوندا ای شه کون و مکان وادی غربتده گوزیاشیم اولوب هجرونده قان گل دم آخر باشیم اوسته ویروم آسوده جان قیل اجابت بوسوزی ای عالمه سلطان حسین استاد جابر ولد پور (مژده اردبیلی ): منشأ جود و کرم سن گل هرایه قارداشیم شام ویراندا حسین جان دوندی قانه گوزیاشیم نه آنام واردی بوغربتده نه یار و یولداشیم ایله بیرده زینبه دیدارووی احسان حسین استاد حاج اصغر فرشچی (عدلی): بیر  نظر قیل زینبه گلمز غمیم  قارداش سانا غربت ایچره جان وئرن ساعت دونوب قلبیم قانا گوزلوریم یو للاردادی گل قویما قلبیم اودلانا ای طبیبیم گل اوزون ائت دردیمه درمان حسین امیرعلی عبدی: منجنیق غم بوخسته روحیمی ایله سیخور فرقتون دردی برادر خانه صبری یخور غربت ایچره ال اورکده باجیوین جانی چیخور اسم اعظم آدیوی ذکرایلوری هرآن حسین علی رضاجابری: من سنون هجرونده تندن رخت الفت سویمادیم عشقیم ابرازینده قارداش جای نقصان قویمادیم الله عالیمدی سنه من آغلاماقدان دویمادیم شاهدیمدور بورمق سیز بوقوتولموش جان حسین محمدمهدوی مرام(جابر) : کربلا دشتینده   باد ظلم   اسنده  گلشنه‌ سن اُوزون‌ گوردون نجه من اوردا یار اولدوم سنه ایمدی من جان اوسته یم گل سن اوخی قرآن منه گل جمالین بیرگوروم من ای مهِ تابان حسین شیرزاد شکوری هشترودی: زینبم درد فراقون طاقتیم الدن آلیب بیر غریبم باشیمه گَرد محن سایه سالیب داده گل جان اوستیم من گوزلریم یولدا قالیب یوخ گوزومی باغلیان عمروم تاپور پایان حسین سرکارخانم رقیه سعیدی(کیمیا): زینبم قارداش! فراقونده بؤکؤلدی قامتیم سن سیز اما بیر ائیله دؤندی منیم هر ساعتیم گؤزلریمده قالمیوب سو دیزده یوخدور طاقتیم گَل اؤزون یوم گؤزلریم جان اؤسته یم الان حسین علی اصغرعباسعلی نژاد: سن گئدنن یاحسین آخدی گوزومنن یاش منیم ویردولار شامین یولوندا باشیمه چوخ داش منیم تز یئتیش جان اوستویم گل باشیمه قارداش منیم گل، گئدنن خانه میز اولدی بیـزیم ویران، حسین سیدبشیرحسینی: محنتون رحمتدی قارداش! غرق رحمت اولموشام فخردور بو، اُسوه‌ی اهل مصیبت اولموشام اولموشام ماتمونده اوّلین بانیّ هیئت اولموشام هیئتین اهلی چیخاتماز زینبی یاددان حسین! سرکار خانم لیلی احمدی: من نه مدت دور سنون هجرانیوه دل داغیرام اللی دورد ایلدور جهاندا غم چکوب قان آغلیرام آغلیرام رخساریمه سیل سرشکی باغلیرام غملریم بیر یرده گر یازسام اولار دیوان حسین حسن رضایی: جان ویرنده هر حسینچی آرزو ایلر سنی چون گوره هرکس سنی یاددان چیخاردار هر غمی سن حسینچی فرض ایله قورتار بو فرقتدن منی جان ویریم منده حسینچیلر  کیمی خندان حسین

صفحه ۲ اصغرگلمحمدی (دلجو): دورت مین اوخلی کوینگون سینم ده دور قارداش هَله سینم اوسته ساخلارام عطرون منه بیر آن گَله چوخ چتیندور زینبِ غمدیدیه بو مسئله کوینگون تک جسمون اولموشدی سنون شان شان حسین حسن تقی لو سالک زنجانی: من سنیلن عشقیمی عالمده بولموشدوم حسین کوفه و شامین مسیرینده دیولموشدیم حسین ایندی یوخ، من قتلگهده سنله ئولموشدوم حسین محمل اوستونده قیزیل قان آخدی آلنیمنان حسین رضا غلامپور (دلپاک): آیه آیه لحنی ای مونس اولان قرانیله ایلین قرآن تلاوت نیزده ایمانیله منتظردور زینبون جان اوسته یورقون جانیله تا کی لحنوندن ائشیتسین آیهٔ قرآن حسین نادر بابایی: سانما بیگانه منی عشقونده ویلان زینبم غربت ئولکه گوزلری یولدا پریشان زینبم مقتلونده اللری ، آق ساچلاری قان زینبم قمچیلررَدّین هله من ائتمیشم پنهان حسین محمدافکاری سردرودی: کربلاده زینبی ایتدون  شریک نهضتون منده همت خرجه ویردیم باتماسون قان دولتون چگنیمه آلدیم  شرفدن پرچم حریتون منده سالدیم نطقیمیله هر یره طوفان حسین محمدکاظمی زنجانی: باشیمه سندن سورا بیر قاره معجر سالموشام یدی قارداشیم ئولوبدور دهریده تک قالموشام قارداشیم عباسیدن بو بیرقی چون آلموشام وئرمرم ئولمسده الدن بیرقون ارزان حسین محمّد مهدوی مرام (جابر): آند ویرّروخ بیز سنی عبّاس و عون و جعفره قطعه قطعه دوغرانان    اوغلون علیّ اکبره جان وئرنده گل آقا.    ایله عنایت  بیزلره گورسه کیم گُل چهره وی جان بذل ائدر آسان‌ حسین‌ حاج رحمن شاجری زنجانی: یُولدا  قالدی گُوزلَریم یُوردی غَمِ  هِجران  حسین هارداسان  گَل  قِبلِیَه  دُوندَر   مَنی  الآن  حسین تاگُوروم بیرگُل جمالون جان وِیروم آسان حسین باشیم اُوسته  سَن تلاوت  اِیلَه  الرّحمان  حسین         چهارشنبه ۲۶ دیماه ستل ۱۴۰۳ مجری اقتراح: گروه تخصصی مجمع الذاکرین تبریز

#تک‌بیت وَ اِن یکاد بخوانید و آورید اسپند که عالمی ز نگاه بَدان فنا گردد #محمدرضاصادقی‌شیدا

یازون مزاریمین اوستونده داشا احتیاجیم یوخدی باجی قارداشا دیریلیقدا منی یادا سالمییَن نیلیورم ئولندن صورا آغلاشا #محمدرضا‌صادقی‌شیدا

بیر ائیش گورمه گلوب گئدن دانلاسین انسان گرک وظیفه سین آنلاسین اوز وقتینده بانلاماسا کسللر خوروز گرک زمانیندا بانلاسین #محمدرضا‌صادقی‌شیدا

#تک‌بیت دامجی دامجی حلال گلوب یغیشار حرام گلوب سئل تک یغوب آپارار #محمدرضاصادقی‌شیدا

حضرت موسی بن جعفر (ع) #محمدرضاصادقی (شیدا): شه مشکل گشا موسی بن جعفر هامی درده دوا موسی بن جعفر #حاج‌محمدتقی‌جابری : ولیّ خالق ارض وسمادور سجایاسی سجایای خداور وصیّ پاک ختم الانبیادور سلیل مرتضا موسی بن جعفر #محمدرضاصادقی‌شیدا اولان ای هر غم و درده معالج نیاز اهلی آلار سندن نتایج تانور عالم سنی باب الحوائج قاپوز باب الرجا موسی بن جعفر #علی رضاجابری: اولابیرکس دچاررنج دوران اورکده دردین ایتمزغیره اعلان دوتاریوزکاظمینه دیده گریان دییَرصدقیله یا موسی بن جعفر #الیاس ملک پور : گلر شیعه غمونده شورو شینه یولی دوشسه   دیار  کاظمینه گهی آغلار  سنه  گاهی حسینه هامی اهل ولا موسی بن جعفر #حاج اصغر فرشچی (عدلی ) : سنی هرکس چاغیرساداده مولا چاتارسان لطفیله امداده مولا کیم اولسا گر سنه دلداده مولا تاپار قلبی صفا ، موسی بن جعفر #شیرزادشکوری هشترودی: چوخورسردابیده بوینوندا زنجیر گرفتار بلا بیر سید پیر عبادت لذتیندن اولمادون سیر اولوب ذکرون دعا موسی ابن جعفر #رمضان نقاش(شاهد): گوزل آدون اولوبدور دلده ازبر اولار شاهلار سنه فخریله نوکر بیزی یاددان چیخاتما یوم محشر سنی جان رضا موسی بن جعفر #صابرثمودی: اولان ای گول آدی غملر دواسی جهاندا شیعیانین مقتداسی دخیلم من سنه زهرا بالاسی ایا کان سخا موسی بن جعفر #ادریس ملک پور: سنی مسموم ائدوب سند بن شاهک یانار   احوالیوه    فوج     ملائک سلام  ای  عبد  صالح  قلبه   مالک امام و مقتدا موسی بن جعفر #استادحاج‌ولی‌الله‌کلامی امام صادقین ای نور عینی نصیب ایله بو جمعه کاظمینی گیداخ اوردان گوراخ قبر حسینی اولوب دل نینوا موسی بن جعفر #حاج‌ستاررزاقی: سنه بی حَد جفا ایلوبدی اوباش دلیمده یوخ توان تا ایلییم فاش ولی ظلّامه هرگز اگمدون باش بو عشقه مرحبا موسی ابن جعفر #اکبرملک پور: سنی وئرروخ قسم شمس الشموسه امام  هشتمه   مولای    طوسه بو جمعی دعوت ائیله پای بوسه به حق لایری موسی بن جعفر #سید جواد حسینی: سنون احوالیوه پیغمبر آغلار یانار دلدن امیر خیبر آغلار توکر قانیاش بتول اطهر اغلار دییر ایوای بالا موسی بن جعفر #روح‌الله رمضانی : اولان ای سکه سی دنیاده رایج هامی امراضه دنیاده معالج نظر ائیله اَیا باب الحوائج تاپا دردیم دوا موسی بن جعفر #مقصودارفعی‌ خسروشاهی: دَم آلدی غیرتوندن استقامت سنه زیبنده دور تاج کرامت قاپوندان فیض آلار ارباب حاجت سنه جانلار فدا موسی ابن جعفر #سرکارخانم رقیه سعیدی(کیمیا): گرفتار اولسا هر کیم بیر بلایه یولون سالسا او صحن باصفایه قسم وئرسه سنی اوغلون رضایه اولار حاجت روا موسی بن جعفر #حاج‌نادربابایی: سنون احوالیوه زنجیرون آغلار غلافینده قالان شمشیرون آغلار قوری یرده دوشن تصویرون آغلار سنه آغلار سما موسی بن جعفر #علی‌جعفری(عاجزتبریزی) اولوبسان حبسیده چوخ زاروخسته دیلینده وای اوغول قلبی شکسته آلان اولمادی باشون بیردیزاوسته دیـه واویـلـتـا موسی بن جعفر #استادجابرولدپور(مژده اردبیلی): امام اوغلی امام ای  جان زهرا رطوبت یئرده قالدون زار و تنها بیلن یوخ  دردیوی  غرق بلایا ملالون جانگزا موسی ابن جعفر #اسماعیل نصیری موحد: او محبسده یوخیدی خویش و یارون فقط اللّهیدی محبسده یارون نگهبان که گوروبدور حال زارون چکوب دیلدن نوا موسی ابن جعفر

#شهنام آریانی (غریب اردبیلی): رطوبت   إیلیوب   جسمونده  تأثیر أیاقلار   کنده ده   قوللاردا   زنجیر إئدیبدور  قامتون   ظلمیله    تغییر گؤروبسن چؤخ جفا موسی بن جعفر #محمدکاظمی زنجانی: سنون احوالیوه  آغلار فلکلر غمونده غم دوتور یکسر اورکلر چکوبل   قارَوی  عرشه  ملکلر یانور اهل وفا موسی ابن جعفر #رسول بابایی: سنه   ای    پور  صادق  آغلارام  من غمون یاده سالوب دیل داغلارام من گوزوم  یاشین  عذاره باغلارام  من به جان  مصطفا  موسی  ابن جعفر #محمدهوشمند(مدهوش): بیر عمری سهملی طوفانه دوشدون ره  قرآنیده   زندانه دوشدون ایویندن آیریلیب هجرانه دوشدون گوروبسن چوخ بلا  موسی ابن جعفر #رضاغلامپور(دلپاک): دم پاکی  مسیحایه وئرر دم قویار موسانی حیرتده مسلم هامی دریایه اعجازه مصمم اگر وورسا عصا موسی بن جعفر #عبادی طارمی ائدیب ایرانی انوارین منور خراساندا شه والا و سرور صفاتی موبه مومانند حیدر تاپوب  سنلن  بقاموسی بن جعفر #فرهاد گوهری: فوآدونده  فراقِ  درد   هجران نه چکدون اون بیرایل زندان به زندان ایاقون کُنده ده  بوینون قیزیل قان سنه جانلار فدا موسی ابن جعفر #سرکار خانم لیلی احمدی: جمالون شمعینه پروانیم من ره عشقونده بیر دیوانیم من غلام درگه شاهانیم من اسیر و مبتلا موسی ابن جعفر #حاج رحمن شاجری زنجانی: یانار بو قلب زاریم هر غمونده آخار اشکیم عذاره ماتمونده ئولونجه وار گوزوم اُول پرچمونده سنون ای مُقتدا موسی بن جعفر #سید بشیر حسینی میانجی: ثنا آللّهه هر آن ایلدون سن او زندانی گلستان ایلدون سن گلستان یوخ کی رضوان ایلدون سن سنه قربان، آقا موسی بن جعفر #طاهرنوروزی سلام اولسون سنه ای روح پرور گوزل آدین اولوب دللرده ازبر کمین دردی اولا ، ای ماه انور سن ائیلرسن دوا موسی بن جعفر #امیر عبدی : گل ای آرام جانیم گل رضاجان داخی یوخدور توانیم گل رضا گل چیخور عرشه فغانیم گل رضاجان اولور سندن جدا موسی بن جعفر #محمد افکاری سردرودی: وئروب قبرون شرافت کاظمینه شرفده اقتدا ایتدون حسینه فدا دی شیعه سن تک نور عینه ولی کبریا موسی بن جعفر #اصغرگلمحمدی(دلجو): سنی وئروخ قسم شاها رضایه امیر ملک ایمان، مرتضایه آنان صدیقه ی خیرالنسایه بیزه یاز کربلا موسی ابن جعفر #محمدمهدوی مرام(جابر): عجب قیلدون نظرای کان رافت بومجمع ده بوشعراولدی کتابت بوجمعه بیر صله ایله عنایت برات نینوا موسی بن جعفر #الیاس ملک پور : امام صادقین ای نور عینی ائدن ای نورباران کاظمینی اوتوز بئش شاعره قبر حسینی اوزون ائیله عطا موسی بن جعفر #محمدرضاصادقی‌شیدا امام صادقین ای دل ستانی اوتوز بئش شاعر اولدی شعره بانی عنایت ائت بو جمع شیعیانی اولا حاجت روا موسی بن جعفر جمعه ۶ بهمن سال ۱۴۰۳ مجری اقتراح: گروه تخصصی مجمع الذاکرین تبریز

شعربدون نقطه دروصف حضرت زینب (س) ابیات‌ فارسی : ای عالمه ی کامله ای رهرو داور ای سالک و راوی رسا ای گل احمر دلدار و دل آرا و گل احمد و محمود ماه علوی روح علی ، طاهر و اطهر معصومه و ای محرم اسرار الهی وی ماه دل آرای علی ای دُر و گوهر دارای کلام علوی ، عالمــهٔ دهــر والا گهرِ اهل حرم ، مَحرَمِ مادر ای عالمه ی آل علی حاکم دلها ای ملک ولارا همه دم عدل مصور مردودم و گم کرده ی راهم مددی ده ای در دو سرا سرور و سالار دلاور ای حامده، ای طاهره،سِرُالَلَّهه محرم کوه ورع و محو ولا روح مطهر ابیات ترکی : هر دم که اراده ائده گر مدحِوَه مادِح آگهدی دل اهلی که اورک اولدی مُکَسَّر کاهلدی او کس اولماسا درگاهوه سائل عالمده اولار هرکس اولا حالی مکدر سر لوحهء داورده آدی صالح و اکمل گوردی سر سرداری اودم اولدی مکدر ای مهدی موعوده گرام عمه ی اعلم درگاه الهی ده مُصَلّی' ده مکرر ای درده دوا آدلی هر آلامه علی وار سالدی رَه دارولری درگاهووه داور ای عالمه و کامله سراللّهه محرم حیِّ صمده سالک و ای طاهره مصدر هر درده دوا دُرِّ دل آرای محمد اُلگو‌دی هامی عالمه کرداری مُطَهّر آرام دل و روح علی گوهر طاها حور ومَلکه سرور ومُلک دله محور درِّ علوی عالمه ی حکم الهی مصدور الم لر اودی سرُّاللَّهه مصدر دلداده ی مولای کرم سرور احرار ای درگهی عالی حرمی کوی معطر ای صالحه و ساعده ی طاهره کردار اهل حرمه محرم اسرارله سرور شاعران: محمدکاظمی زنجانی حسن تقی لو (سالک) حاج محمدتقی جابری اصغرگلمحمدی( دلجو) حاج بهروز کیمیا سرکارخانم رقیه سعیدی (کیمیا) رمضان نقاش (شاهد) روح اله رمضانی زاهد قدیر سعیدی( پویا) سرکار خانم لیلی احمدی علی اکبر خیرخواه حاج نادر بابایی محرم کریمی فرهاد گوهری علی اصغر عباسعلی نژاد کیوج احسان بدرخانی صابر ثمودی حاج جابرولدپور( مژده) محمدرضا صادقی (شیدا) خادم الشعرا الیاس ملک پور پنج شنبه ۲۷ دیماه ۱۴۰۳ برابربا ۱۵ رجب مجری اقتراح: گروه‌ بوستان‌ شعر و ادب‌ تبریز تذکر: در این اثر از مصرع و ابیات شاعران فوق استفاده شده است. بعلت تکرر قوافی و بی معنی بودن بعضی از ابیات مجبور به حذف و ادغام مصرعها و بیتها شدیم. شعر متعلق به جمع نویسندگان میباشد نه یک فرد .

هر گوز کی سنه چپ باخا دگسون داشا قارداش دشمنلریوین عمری یئتشسون باشا قارداش آرزیم بودی حقدن سنه اولسون بیر عنایت مین یوخ ایکی مین یوخ نئچه مین ایل یاشا قارداش #محمدرضاصادقی‌شیدا