نوحه حضرت زهرا س گئجه یاری خسته، بال وپری بسته،سینه سی بشکسته،هارا گئدورسن بئله بیر درد اولماز ،هچ گل بئله سولماز،قلبیم بئله دولماز،هارا گئدورسن ننم ای وای ای وای، ای وای ننم ای وای ۳ 🏴🏴🏴🏴🏴 گل بیزی ترک ائتمه، گئجه یاری گئتمه،ائوینن ال چکوب، هارا گئدورسن سیننده یاران وار،دورت خردا بالان وار،گئدورسن هاران وار،هارا گئدورسن ننم ای وای ای وای ای وای ننم ای وای ،۳ 🏴🏴🏴🏴🏴 وای سنه نه گلدی ،غم قلبیمی دلدی،قونشولار دینجلدی،نفسدن دوشدون غم الینن یاندون ،اوت دوتوب اودلاندون،دردوغمه یاندون ،هارا گئدورسن ننم ای وای ای وای ای وای ننم ای وای ۳ 🏴🏴🏴🏴🏴 گل بئله سولمادی ،قارداشون اولمادی ،یاپشسون تابوتین دئیسون وای باجی گل بیزی ترک ائتمه ،گئجه یاری گئتمه،بالالارون آغلار، هارا گئدورسن ننم ای وای ای وای ای وای ننم ای وای۳ 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نوحه حضرت زهرا علیها سلام گلعذاریم زهرا هواداریم زهرا منی قویما تنها علی بی کسدی گوزیوی سست ائتمه الیمدن گَل گئتمه دؤنوب باغرین قانه ئورگیم اَسدی خداحافظ زهرا 3 ، یارالی زهرا سنی دشمن یوردی منه خاطر ووردی نگاریندن اولدی علی شرمنده فدک الدن گئتدی توان دلدن گئتدی گولوم اولدی پرپر سولان گلشنده سنی زینب جانی حسینون افغانی گوزون آچ بیر لحظه گوزوم وار سنده خداحافظ زهرا 3 ، یارالی زهرا بو غروبین وقتی، غروب ائتمه زهرا که سن برج عشقه مهِ یکتاسن آغاروبدی باشون وار اون سگّیز یاشون نه تئز دوشدون دلدن گل طاهاسن سوروشان یوخ حالون سینوب قوش تک بالون گَلن یوخ دیداره عجب تنهاسن خداحافظ زهرا 3 ، یارالی زهرا داریخوبسان بیلّم گوزون یاشون سیلّم سنی اهل بطحا یادا سالمولّار بو مدینه اهلی اولوب کینه اهلی سلامه گلموللر قاپون چالمولّار سنه من همدردم دچار نامردم بو شهر اهلی مندن سلام آلمولّار خداحافظ زهرا 3 ، یارالی زهرا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نوحه ی : جدید حضرت زهرا <س> به سبک - خداحفظ ای آنام باجی .... __ 🍂🍃🍂🍃🍂🍃🍂 اویان اویان یاس پرپر یم غملی دلبر یم زهرا سیندی شهپر یم زهرا آدامسیزام غم حصار ینده یوخدی یاور یم زهرا سیند ی شهپر یم زهرا غملی دلبر یم زهرا سیند ی شهپر یم زهرا 🍂🍃🍂🍃🍂🍃🍂🍃 اویان اویان یارخسته جان غملی بی ا مان زهرا <۲> گوز آچ بیر آن زینبه سس وئر اولدی باغری قان زهرا <۲> حسینی آغلاتما آچ گوزون سسله بیرده جان زهرا <۲> عم اوغلون شرمنده دور سندن یاس پر پر یم زهرا <۲> غملی دلبر یم زهرا سیند ی شهپر یم زهرا 🍂🍃🍂🍃🍂🍃🍂🍃 گوزآچ اویان آغلا حیدره آغلا غملی دورانه <۲> سن اول شمع عشقیم آی زهرا مند ه غملی پر و ا نه <۲> حسن حسینیله زینبه آغلیاق یا نا یانه <۲> کی سنسن تنها هوا دار یم یا ر و یاور یم زهرا <۲> غملی د لبر یم زهرا سیند ی شهپر یم زهرا 🍂🍃🍂🍃🍂🍃🍂🍃 یوزونده سیلی یر ین گوردوم دوند ی گوز یاشیم قانه <۲> گوزونده قان لکه سی سا لدی نوحی غملی طوفانه <۲> بو غمده سینون یاراسیندان فضه گلدی ا فغا نه <۲> اودم تار و پود یم اودلاندی یاندی رگلر یم زهرا <۲> غملی د لبر یم زهرا سیند ی شهپر یم زهرا استاد حاج علی پور علی جاهد

حضرت فاطمه زهرا سلام الله علیها نجه زهرا حسین سوین ننه دی نجه زهرا جوان اولن ننه دی نجه زهراباخوب حسن بویونا طویونون حسرتین چکن ننه دی نجه زهرا حسین دینده آنا اونا اون دفعه جان دین ننه دی نجه زهرا اوغول دالیجا دوشوب دربدر ایولری گزن ننه دی نجه زهرا که اوغلنون دوداقین خیزراندان قاباق اوپن ننه دی نجه زهرا بهشتی ترک الیوب مطبخ خولیه گلن ننه دی نجه زهرا رقیه نون سسینه نصف شب چوللره دوشن ننه دی اوقزی نازیلن قوجاقه آلوب دمبدم گوزیاشین سیلن ننه دی ✍مرحوم استاد رحیم منزوی اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال حضرت زینب سلام الله علیها              در فراق مادر 🎼به سبک گیجه لر سنسیز یاتابلمورم احرا:  استاد کربلایی موسی محمدی اردبیلی 🌷آواز دشتی گوشه دشتستانی🌷 بهار عمرومین گولی صولوبدی سنسیز آی ننه بهاردا ابر تک اورک دولوبدی سنسیز آی ننه              غم غصه دن اورکیم یانار               آنا فرقتی نه چتین اولار             یادیما دوشر او یاتان یئرون              منی یاندیرار غم بی شمار چتیندی فرقتین منه فدا اولا جانیم سنه دالینجا قالدی گوزلریم هارا گیدوبسن آی ننه     سنی من سراقلیوب آغلارام    دیزیمی قوجاقلیوب آغلارام   سنی غصه مرگ ائدوب اهل کین   باشا  قاره باغلیوب آغلارام گورنده بوش یئرون سنین اورک   دونر   قانا  یقین سسین ندندی گلموری چتین اولوب. آنا غمین         اورگیم اسر  گیجه لر ننه        چتین اولدی درد و غمین منه         یادیما دوشر قاپی یانماسی         نجه یانمیوم ننه جان سنه سنین غمینده آغلارام باشیما قاره باغلارام نقدری عمروم اولسا بو جهاندا سینه داغلارام          سنه تنگ اولوب بو جهان ننه          ائدرم من آه و فغان. ننه          اورگیم یانار غم و غصه دن          اودور آ غلارام اوجادان ننه عیان اولوبدی کینه لر گلوبدی باشیوه نلر قاپی یانا ندا قورخموشام قالوبدی زینبین ملر        دشمنین جفاسینا آغلارام       سینه وین یاراسینا آغلارام       گیجه دفن ائدوبدی بابام سنی       بابامین نواسینا. آغلارام جوان ننم جوان ننم درد و غمی نهان ننم مدینه ده غریب اولوب گول تک یانوب صولان ننم       حاج مهدی ملکی زنجانی

‍ السلام علیک یا فاطمه الزهرا (س) ✅#زبانحال_حضرت_علی_ع ✍حاج ولی الله کلامی زنجانی زهرا گئدوب الیمدن غمخواریم ئولدی یارب درمان دالیجا گزدیم بیماریم ئولدی یارب ای یاریم الله الله دلداریم الله الله مندن بیری سوروشمور گل تک ندن سارالدون آیا سنه نه گلدی اوچ دورت گونه قوجالدون حکمت سنوندی الله باشیم بلایه سالدون سن وئرمیشیدون آخر سنده الیمدن آلدون دوشمنلریم سووندی چون یاریم ئولدی یارب بیر دردیدور بو هجران الده دواسی یوخدی بو غملی روزگارین حسن و صفاسی یوخدی وار دورت بالام ائویمده عشرت اساسی یوخدی ناز ئورگنوبدی زینب افسوس آناسی یوخدی دل داغلیام، بو غمده دلداریم ئولدی یارب غسلین وئرنده لوح آمالی پاره گوردوم تردیده دوشدوم اول باخدوم دوباره گوردوم پوشیده ساخلامیشدی من آشکاره گوردوم ایکاش گورمییدیم جسمینده یاره گوردوم ایوای آشنایِ اسراریم ئولدی یارب اولموشدی بسکه زهرا طاها غمینده مضطر روح الامین گلردی دیدارینه مکرر دای فاطمه ئولندن گلمور او پیک داور گلسه گورر قالوبدی منزلده خالی بستر دردانه ی رسول مختاریم ئولدی یارب با اینکه قونشولار چوخ ووردی اونا کنایه همسایه لردن امّا هیچ ائتمدی گلایه دوزدی به جای نفرین آچدی دلین دعایه سکناسی بیت الاحزان اولدی بدون سایه جاندان دویوب انیس اذکاریم ئولدی یارب یارب نولوردی زهرا اوچ آیدا ساق قالیدی راحت دوروب حسینون قول بوینونا سالیدی محسن صود ایستینده آغوشینه آلیدی گهواریه سالیدی بیر لای لای چالیدی گل صولدی باغبان گلزاریم ئولدی یارب 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

‍ ‍ ‍ مدح حضرت زهرا (س) اثر سیف الشعرا.. زهرا او خانمدور که آدین خالق هستی نوریله یازوب جنّت الاعلا قاپوسیندا زهرا او خانمدور که ملک لر دایاناردی چادر شبینی ئوپمگه طاها قاپوسیندا زهرا او خانمدور که قاشی سرمه ساتاردی حورالره مین نازیله سودا قاپوسیندا زهرا اوخانمدور که الین ئوپدی پیمبر عشقه یارادوب منظره والا قاپوسیندا ئوپدوگجه دئدی وار ننموون عطری بو الده روحیم دیریلر اُمّ ابیها قاپوسیندا کیمدور بو خانیم همنفس فاتح خیبر یعنی او که سائلدی مسیحا قاپوسیندا باللّه ید موسی، دم عیساده بونوندی خادمدی بونون مریم و سارا قاپوسیندا کیمدور بو خانم شمس وقمر نور آلوب اوندان باش قوزادیلار عرش معلا قاپوسیندا زمزم بونون آلنندا دوزولمیش تره چاتماز یوخ مِثلی بونون حُسن وتجلّا قاپوسیندا افضلدی بونون بیر توکی مین حور بهشته یوخ شأننه همتا حق یکتا قاپوسیندا پیغمبر ئوزی فاطمیه ائتدی توسّل معراج گونی مسجد الاقصی قاپوسیندا جبریل اومقامیله دوشر حیرته باللّه مدح ایتمگه زهرانی سجایا قاپوسیندا زهرا دئمه،عصمت، شرف، ایثار و صداقت گُللندی اونون کعبه دن اعلا قاپوسیندا صورتگرون آیینه سیدور سینه زهرا افسوس اونی سندیردیلا مولا قاپوسیندا فکر ائت خانمون سینه سینون قانی آخاندا گور دوشدی علینون نجه غوغا قاپوسیندا محشرده اوبانو که ائدر خلقه شفاعت گوردی ئوزی بیر محشر کبری قاپوسیندا دیواره خانم تکیه ائدوب سینه سی قانلی یوخ چاره گوروب درده مداوا قاپوسیندا مسمار اونی نه حاله سالوبدور بیلن اولماز گل جسمینی درد آلدی سراپا قاپوسیندا ئولسم دئمرم هاردا خانم ئولدی دیریلدی سربسته دی سوز مُحنت عظما قاپوسیندا عارف سن اگر آل بو اشاره سوزی مندن گل غیرته طوفان ائله زهرا قاپوسیندا نامحرم ایچینده ایدی خانم محسن ئولنده باخ گور نه چکوب فاطمه ایذا قاپوسیندا دوشمشدی نفسدن گوزی قالمشدی علیده قانیله یازوب بو سوزی زیبا قاپوسیندا مین جانيم اولا آدیوه قرباندی عم اوغلی مردانه دایان صبر ومدارا قاپوسیندا تا فاطمه وار سندیرا بیلمز سنی بیر کس پوزقون ائووین حق اولار احیا قاپوسیندا یاندیم من اگر بو در و دیوار آراسیندا گوردوم ایوئون غملی قضایا قاپوسیندا زینب قیزیما کرب وبلا درسینی وئردیم اورگنسون اودا عشقی تولّا قاپوسیندا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

قبریوین کنارینده هر گئجه مرتضی پریشاندی فاطمه صبحه تک بو پوزقون مزاریوه گوزلریم نگهباندی فاطمه غم سپاهی تعقیب ایدور منی بو چوله گلنده قدم قدم فرقتونده ای مونس علی غم منیم انیسیمدی دمبدم گلمیوم نجه قبرون اوستونه ایوده آغلاماقدان مقیّدم منزلیمده ای باغبان غم گللرون پریشاندی فاطمه ای عزاسی رسما دوتولمیان من اوزوم عزاداریوم سنون ای مزاری خلقه تانینمیان دلشکسته زواریوم سنون ایولرینده بیگانه لر یاتوب آشنای بیداریوم سنون بو زمانه سندن صورا داخی مرتضایه زندانی فاطمه ای مدافع حقّ مرتضی ای سلالۀ ختم مرسلین ای عفیفۀ قائم الصلوة پاسدار شب زنده دار دین ائوده خالی محرابیوه باخوب آغلارام غمونده حزین حزین ای گل رسالت سنه علی عندلیب خوشخواندی فاطمه قلبیم اودلانار گون باتان زمان گوزلریم دولار آغلارام سنه زینبون چراغلاری یاندیرار دل غمین اولار آغلارام سنه غصه دن آناسیز بالالاریم گل کیمی صولار آغلارام سنه گوزیاشیم آخار چون بو گوزیاشی اهل درده درماندی فاطمه غسلیوی ویرنده جنازه وه سو توکوردی اسما یواش یواش پرده نین دالیندا صحابه لر آغلاشوردی امّا یواش یواش بیر اسفلی صحنه گوروب دیدیم وای یارالی زهرا یواش یواش گورمییدیم ای کاش او صحنه نی قلبیم ایمدیده قاندی فاطمه یوخدی خیر سنسیز بو عمریده فرقتون ووروب قلبیمه یارا یوخسا هر گئجه آه و زاریله من هارا بقیعون چولی هارا گوندوزی بغیشله گلنمورم سرپرستم ائوده اوشاقلارا قورخورام اجل گئج تاپا منی محنتیم فراواندی فاطمه استاد حاج ولی الله کلامي زنجانی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛