ورود به شام ( اول ماه صفر ) مرحوم بیضا اردبیلی چون راس شه دوران شام ایچره عیان اولدی سرنیزه ده قرآنون آیاتی بیان اولدی شام اهلی تماشایه چیخمیش دف و تاریله قرآن اوخویور بیر باش الحان حجاریله قالموش ولی حیرتده شام اهلی بو رازیله ظهریدی موذن ده مشغول اذان اولدی قرآن اوخیان وقته اول پیر خراباتی تسخیر ایلیوب قرآن الحانی سماواتی سرنیزه دکی باشلار درک ایلدی آیاتی بو حالدا او باش افسوس داشلاره نشان اولدی طغیان شرارتدن یئر تیره و تاریدی کعبه گیینوب قاره گون ابره سواریدی سرنیزه ده عاشقلر مست رخ یاریدی منظومه ی شمساده بیردن نوسان اولدی بوس ائتمگه اول باشی پروازه گلور داشلار هر داشی هوا اوسته پیشواز ایلیور باشلار باشدان یولونار ساچلار گوزلردن آخار قان یاشلار شک ایلمه ای شیعه محشر او زمان اولدی دوشدی نظر زینب ناگه سر مذبوحه گوردی کی ورار داشلار بوسه سر مجروهه نه حاله قالوب زینب سوز گلمدی مشروحه محملده باشین یاردی دوز قدی کمان اولدی قان جاری اولوب آخدی گیسوی پریشانه گیسوی پریشاندان دامدی سر مژگانه گوز یومدی قولاخ وئردی آوازه قرآنه دولدی گوزونه قان یاش رخساره روان اولدی آچدی گوزونی باخدی سرنیزه ده عشاقه قرآن سسی ده هر آن اوج ایلدی نه طاقه یئر اوندا وقاریله فخر ایلدی آفاقه سس گلدی ملکلردن یئر ایندی جنان اولدی وصلت می ینون اولموش باشلار هامی مشتاقی مستور الیوب عشقون پیمانه سی عشاقی میخانه ده جام الده حیرتده قالوب ساقی بو سوزدی دئدیم گئچدیم سوز بیله بیان اولدی دیدار ائدوب عاشقلر دلداریله بی پرده جلوه ایلدی یارون رخساری برابرده میعاده گلوب خندان دلداده ده دلبرده بو وادی وحدتده چوخ چوخ هیجان اولدی لبلردن اولور جاری کهف آیه لری محسوس پیوسته او لبلردن داشلار گلوب ایلر بوس قان لخته وران لبلر سویلر گئنه ده حق دوس آیاتیله بو اوراد تکرار زبان اولدی حق جلوه لنوب گئتدی شاماتیده اثباته اوج ائتدی ان الحقون امواجی سماواته عمال جفا دوشدی شترنجیده شه ماته سلطان خلافت ده ملعون زمان اولدی ای مدعی شرم ایله لعن ایلمه `بیضایه” الطاف ید بیضا باشینه سالوب سایه اولموش اونا اشعاری محشر گونی سرمایه فکر ائتمه کی بیضاده بد نام جهان اولدی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#احوالات_هنده #خرابه_شام احوالات شفا یافتن دختر یهودی به نام هنده به دستان پر برکت ابا عبدالله الحسین ( ع) در چهار سالگی 🔴گریز آمدن هنده به خرابه شام ✅ خبر مذکور از منبر آقای حسینی خراسانی واعظ شهیر تهران بخش 1️⃣ اختر سوم اسپهر ولایتدی حسین افسر تارک اقلیم سعادتدی حسین زیب خلقتدی حسین روح عبادتدی حسین شمع پر شعلۀ پر جلوۀ بزم نبوی سینه پروردۀ زهرای عفیف و علوی گل رعنای نبی قامت رعناسی گوزل فعل و رفتاری گوزل سیرت و سیماسی گوزل هدف و عشقی گوزل منطق شیواسی گوزل خوان احسانی گوزل تربت معطوری گوزل ائتدیگی نطقی گوزل ویردیگی دستوری گوزل دل طوفاندا نجی اللهی حیرتده قویان یادگار ابدی مکتب وحدتده قویان ماده تاریخی طلائی بشریتده قویان عالمون سلطنت و عزتنه ناز ائلین آلتی آیلیق بالاسین دیننه سرباز ائلین پیکر رحم و عطا هیکل خیر و برکات مرتضا مَسلک،حسن سیرت و محمود صفات گوز آچان گوندن احبایه اولان باب نجات ابر تک بارش الطافی یاغان هر طرفه صله سین بذل ائلین عذریله سائل بکفه نقل ائدور بو سوزی سلمان او سخنگوی امین روح با قدرت و ایمان شرف اهل یقین مونس شیر خدا یار رسول الثقلین محرم بیت علی فاطمه نون هم وردی مکتب معرفتون شخص اول شاگردی شهر یثربده دیور کوچه ده هنگام گذر یولدا بیر عابری گوردوم ائلدی جلب نظر بیر قیزون دوتموش الیندن یولی آهسته گیدر قیز مریضه ائده بیلمور قدمین تز تز آتا هر قدمده بالانین حالینه ناظردی آتا گوزی دوشدی منه ناگه دئدی ای پاک روان من یهودم ئوزومی یاخشی تانورسان سلمان بو مریضه قیزیمون دردینه ائتسون درمان یره توراتی قویوب تابع قرآن اولام روشیمدن چکوب ال منده مسلمان اولام دئدی سلمان گل اولوم من سَنیچون راهنما بیر طبیبون آپاروم محضرینه ایسته دوا قزووی گورسون عنایت ائلسون فوری شفا هر مریضه او طبیبون اولا لطف و نظری عافیت رختی گیوب جسمیده قالماز خطری گتدی سلمان اولاری خانۀ زهرایه دخیل اذن آلوب محضر مولاده آچوب صحبته دل ینه قربان دئدی ای صاحب اوصاف جمیل بو قیزا واسطیم فوری مداوا ائده سن تلخ بار عمرینی شیرین و گوارا ائده سن دئدی سلمانه او دلباختۀ ختم رسل محرم مجلس توحید ولا هادی کل خوش گلوبسوز ولی افسوس طبیب ایوده دگول نگران اولما سنون ایستدیگون ایش دوزه لر مختصر صبر ائله سلمان طبیب ایندی گلر دئدی مولایه بو سوز قویدی منی حیرتده سنه لقمان زمان قبطه ائدر حکمتده جام عشقوندی قویوب خضرلری منتده دم پاکوندی مسیحانی ائدن خلقه حبیب واردی سندن صورا بو ایوده مگر آیری طبیب ضمن صحبتده حسین قویدی او مأوایه قدم یوز دوتوبدی دئدی سلمانه او مبنای کرم او طبیبی که بابام اولدی معرف او منم نور واحددی بو منزلده اولان خرد و کبار ائله فکر ائتمه اوشاقدور بو حسین دورت یاشی وار 👈 ادامه دارد... 📝 ▪️مرحوم استاد انور اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

احوالات شفا یافتن دختر یهودی به نام هنده به دستان پر برکت ابا عبدالله الحسین (ع) در چهار سالگی 🔴 گریز آمدن هنده به خرابۀ شام ✅ خبر مذکور از منبر آقای حسینی خراسانی واعظ شهیر تهران بخش 2️⃣ دستماز آلدی دوتوب قبلیه یوز قیلدی نماز سجده مسجودینه ائتدی ایلدی راز و نیاز ساربان قطع ایلین اللری قالخزدی بیر آز دیله گلدی دیدی ای مالک میعاد و جزا بو ایوی ایله شفا خانه شفا ویر بو قیزا مستجاب ائتدی دعاسینی مجیب الدعوات حقدن خلعت صحّت او قزا اولدی برات مرض مهلک الیندن قوتاروب تاپدی نجات او قیزون بختینه تقدیر ئوزی تقدیر ائلدی آتاسی مسلم اولوب بیر اوجا تکبیر ائلدی حقه اول تازه مسلمان ائلدی حمد و ثنا گئتمگه رخصت آلوب ایستدی دورسون ایاقا قیز دئدی گیتمیورم قوی منی بو ائوده آتا گرک هر گون دولانام من بو طبیبون باشنا شوقیله خدمت ائدم باجیسینا قارداشنا منزله گیت آناما سویله قیزون اولدی عزیز کرم ائتدی اونا دردانۀ سلطان حجیز گلمدی قالدی اولا حضرت زهرایه کنیز امر مشگلدی یولوم خانه میزه بیرده دوشه ایسته سه گوگلی منی بو ایوه گلسین گوروشه آتا گیتدی او بالا نایل اولوبدور هدفه نچه ایل خدمت ائدوب عترت شاه نجفه نیّت پاکی یتوردی اونی آخر شرفه برج عصمتده مدار ائتدی گویون اولدوزی تک فاطمه تربیت ائتدی او قیزی اوز قیزی تک گچدی ایل لر دولانوب سرعتیله چرخ زمان دست تقدیر آیوروب وئردی اونا شامی مکان شهره تین بسکه ایشیتمیشدی یزید نادان همسر ائتدی اوزونه شآنی اوجالسون فلکه زینبون خادمه سی شامیده اولدی ملکه آرزومندیدی اقبالی دوباره اولا یار یول سالا مُلک حجازه دوتا یثربده قرار ایلیه منزل زهراده طبیبین دیدار فاطمه قزلارینون درک ائلیه محضرینی مقدم زینب عُلیایه آتا معجرینی نصف شب بیر گیجه اول بانوی فرخنده لقا صحنه دوشمیشدی ایشیتدی اوجالوب غملی صدا قولاق آسدی گوره هاردان گلوری صوت نوا گوردی که ناله ائدن منزل ویرانه ده دور ساره لی قوشدی کأنَّه دل کاشانه ده دور آغلیان غملی بیر اورتدی یانور غم کوزونه هوش و گوشیله قولاق وئردی اونون غم سوزونه یاندیران سوزلر ایشیتدی دانشور ئوز ئوزونه نیلمیشدوم منی ای چرخ ائلدون محنته توش خانمانیم داغیلوبدور گزورم خانه به دوش مشتری اولدون همیشه بو آخان گوز یاشما آناما رحم ائلدون نه آتا نه قارداشما اللّی ایلدور قره معجر سالورام من باشما بیر زمان واریدی جبریل بیزه خادمیدی دیللرون ازبری هر یرده منیم آدیمیدی هنده دیسگیندی تعجّبله دئدی یا للعجب بو نه صحبتدی قولاقیم ایشیدور بو دل شب کیمدی بو ناله ائدن کیمدی بو عالیه نسب گوشوار اولدی سوزی گوشیمه گوشواره کیمی بدنیم اسدی دیزیم تتردی گهواره کیمی عجلیله گیجه نون وقتی او سیمای وقار گوتوروبدی نچه فانوس نچه مشعلدار دوره سین آلدی غلام و خدمه دایره وار قصردن چخدی جلال و حشم و عزتیله یوز قویوب منزل ویرانیه چوخ سرعتیله 👈 ادامه دارد... 📝▪️ مرحوم استاد انور اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

احوالات شفا یافتن دختر یهودی به نام هنده به دستان پر برکت ابا عبدالله الحسین (ع) در چهار سالگی ✅ گریز آمدن هنده به خرابۀ شام بخش 3️⃣ ناگهان مسجد ویرانه ایشیقلاندی گیجه نور فانوس او یردن گوگه قوزاندی گیجه اولین دفعه او منزلده چراغ یاندی گیجه مشعلون شعله سی پروانه لره وئردی تکان گوزونی آچدی یاتان قیزلار اویاندی یوخودان زینبون دوره سینی آلدی یتیمه بالالار دئدیلر منزلیمیز روشن اولوب عمّه ننه وار اسرایه قیلوب اظهار او بانوی کبار روزگارون هله وار کشمکشی زینبیله دینمیون هنده کنیزیمدی گلور موکبیله خلق ائدن بیرده چتین منکیمی غمکش یارادا سوزشی دائم اولا قلبیده گیزلین یارادا تز گلون حلقه ورون عموز اوتورسون آرادا گیزلدون سوز مصیباتیله یانمش بدنی قویمیون هنده گوره کهنه لباسیله منی هنده ویرانیه القصه گلوب قویدی قدم قویدولار صندل مخصوصینی اگلشدی او دم گوردی بیر عده مصیبت زده دور مونس غم تک به تک هر بیری رنجور اسارت گورونور یوزلریندن ولی آثار نجابت گورونور یوخدی طاقتلری محبسده یوروب زجر و فشار بوریوب صورت زیبالرینی گرد و غبار او قدر اوستی آچوق یرده یاتوبدور بالالار گیجه سرما توخانوب ایستی دگوب گوندوزلر سهملی یللر اسوب لکّه سالوب گل یوزلر غصه لی بیر اوجا بوی عورتی آلدی نظره غملیدور غمزده نسوانی یغوب دور و بره بالاجا قیزلاری عنقا تک آلوب زیر پره آغاروب ساچلاری گرداب بلاده چالشور باشینی سالموش اشاقه اورگیلن دانشور بیر یتیمه قیزا وئرمیش دیزی اوستونده مکان نه یتیمه گوزی شهلا ایکی ابروسی کمان لبی چون لعلیدی دیشلر صدفی غنچه دهان فکر ائدوب هنده تعجّبله دئدی ئوز ئوزونه بو قیزون گوزلری اوخشور او طبیبون گوزونه یوز دوتوب حضرت زهرا قیزینا ائتدی خطاب ائتموسن سن نیه آق زلفووی رخساره نقاب باشووی قوزا سن الله منه وئر فوری جواب شخص گمنامیده اولسوز گنه روشن دی سوزی ائله تعریف نژاد و نسب و سلسله زی دئدی زینب اونا بیز مفخر قوم عربوک سرشناسوق ئوزومیز قبلۀ اهل ادبوک نسبت و سلسله میز پاکیدی هاشم نسبوک یثربون نوش ائلیوب آب و غذاسین یمیشوک حق پرستوک ئوزومیز حق دانشوب حق دیمیشوک هنده نون رنگی سولوب لرزیه دوشدی بدنی یثرب اهلی دئدی اولسوز ائله آگاه منی تانیورسان حسنینون آناسی فاطمه نی من کنیزیدوم او بانوی نجیبیمدی منیم گوزونون نوری حسین اوغلی طبیبیمدی منیم یاشورام شامیده هجر عالمی تاب و تبیله خوش گونوم خانۀ زهراده کچوب منصبیله خاطراتیم وار حسینون باجیسی زینبیله اوندان اخذ ایلمیشم طرز ادب ربط سخن ایندیده خادمه بیلم ئوزیمی زینبه من مُلک یثربده قاباق واریدی اجلالی اونون تازه لیکده خبریم یوخ نجه دور حالی اونون دیدی دیندیرمه تنزّل ائدوب اقبالی اونون گلشن عزتنه باد مخالف اسیلوب او طبیبیکه دیورسن باشی دالدان کسیلوب 👈 ادامه دارد... 📝▪️ مرحوم استاد انور اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

احوالات شفا یافتن دختر یهودی به نام هنده به دستان پر برکت ابا عبدالله الحسین (ع) در چهار سالگی 🔴 گریز آمدن هنده به خرابۀ شام بخش 4️⃣ (بخش پایانی) دئدی هنده بو نه صحبتدی دولور مغزیمه شور هاردادی زینب ئوزی فاش ائله قلبیم آلشور دئدی ویرانه ده دی منزلی سنلن دانشور دیممیشدوم سنه هنده ائله حرمت قوناقا نیه بس دورمیوسان صندلون اوستن ایاقا زینبم باخما تعجّبله بو آغلار گوزومه خم اولان قدیمه آق زلفیمه سولموش یوزومه اولما ویرانه ده باور ایلمورسن سوزومه بالالار که گوروسن چرخ حیا اولدوزودی دیزیم اوسته اوتوران قیز او طبیبون قیزیدی هنده بیر ضجّه چکوب بیر بیره ویردی الینی زینبون فکر ائلدی آخرینی اولینی یوزی اوسته یخلوب ترک ایلدی صندلینی تاجینی ویردی یره باشینه تُپراق سپدی بالا قیزلارون ایاقیندن الیندن اوپدی مقدم زینبه دوشدی دئدی عفو ایله منی گوزلریم کور اولا گوردوم نیه بو حالدا سنی یاسلی اولدوم گییرم منده عزا پیرهنی هنده نون جانی فدا گوزدن آخان گوز یاشووا آغلارام هم سنه بوندانصورا هم قارداشووا اذن وئرسون منه گرداب بلایه باتارام زندگی عشقینی بلمرّه باشیمدان آتارام گیتمرم قصریمه ویرانه ده سیزلن یاتارام گون باتنجاق گونوز ایوای حسین وای دییرم گیجه لر یاتماسا هر قیز اونا لای لای دییرم دئدی گیت قصروه سن ائتمه بو مأواده مقام قوناقون واردی ایوینده اونا عرض ایله سلام گور قزل طشتده نه حاله قالوب رأس امام ناله وی باخدوقیجا عرشه یتورسون خوش اولار خیزرانی گوز ایویندن تز ایتورسون خوش اولار قویمادی هنده ده زینب سوزی نه صبر و نه تاب گوزلری اشک توکوب دامنینه مثل سحاب آغلیل آغلیا یولداشلارینا قیلدی خطاب خانمون امریدی ناچار خداحافظ ائدک سوندورون مشعل و فانوسی قرانلوقدا گیدک نه روا حضرت زهرا قیزی ظلمتده قالا خط سیریمده منیم مشعل اولا نور اوجالا گوره سن قالدی الهی نیه زینب بو حالا بوکولوب قامتی خون دلینی اشگه قاتوب یدّی قارداش باجیسی وای منه گور هاردا یاتوب قصره یتسم ائدرم پرده لری فوری قرا چیخادوب رخت حریری گیرم کهنه قبا قیلارام منزلیمی بو گیجه دن بزم عزا آچارام زلفیمی آلوده اولار گوز یاشیما قویارام عطری کناره سپرم کول باشیما نه جفا فطرتیمیش بو ایوی بر باد یزید قویمارام بیر گیجه قصرینده اولا شاد یزید خانمون زینبی گر ائتمسه آزاد یزید قالمارام شامیده حتما دوشرم چوللره من دییرم دردیمی چولدن کوچری ائللره من «انورا» زحمتیله شعر ائلدون بو خبری شاعرون رنجی چوخ اولسا اولی زیبا اثری نغزگوسن وار حسینون سنه لطف و نظری باخما دیوانه روشلر ائلسه طعن و عتاب شکر ائله یتدی تمامه هله دوردومجی کتاب 📝▪️ مرحوم استاد انور اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

🛑🏴 اول ماه صفر سالروز ورود کاروان اسرای کربلا (ع) به شام

─‌┅‌‌‌‌‌‌═‎‌‌‌‌‌‌༅࿇༅❃﷽❃ ༅࿇༅═‎‌‌‌‌‌┅─ #غزل_مرثیه_ترکی #اربعین #شعراز_رقیه_سعیدی_کیمیا ─‌┅‌‌‌‌‌‌═‎‌‌‌‌‌‌༅࿇༅❃༅࿇༅═‎‌‌‌‌‌┅─ قرخ گؤن اولدی کی باشون نیزه یه مهماندی حسین قرخ گؤن اولدی ئورگیم ماتمیوه قاندی حسین قرخ گؤن اولدی بدنون غملی بیاباندا قالیب قرخ گؤن اولدی باجیوین گؤزلری گریاندی حسین قرخ گؤن اولدی باشیمین اؤسته اسیر باد خزان قرخ گؤن اولدی باجیوین خانه سی ویراندی حسین گؤزلروندان ایراق اَل تاپدیلا غارت یولونا تا کی یومدون گؤزووی خیمه لریم یاندی حسین کیم گؤروبدور یارالی باش بئله قرآن اوخیا تانیا بیلمدیلر نیزه ده قرآن دی حسین گدیب او شوکتیمیز غارت اولوب محملیمیز بو سفر ، قسمتیمیز ناقهٔ عریاندی حسین ناقه دن بس کی دؤشوبلر یره یورقون بالالار اَل اَیاقدا یِر آلان خار مغیلاندی حسین خیزران یاره سی هم دَیدی سنون لبلریوه هم منیم قلبیم اونون ضربتینه یاندی حسین بیلمیرم من باجون اؤلسون نجه دؤزدیم بو غمه زینبون قانه باتان لبلره قورباندی حسین گؤرمرم خوش گؤنی سنلن صُورا تا وار نفسیم زینبین هر گجه سی شام غریباندی حسین هامی داغدان چتین اولدی منه ویرانه داغی جگریم آه شررباریمه دوغراندی حسین صبریمی آلدی الیمنن دیزیمین طاقتینی باجیوین حالینه باخ گؤر نه پریشاندی حسین منی عفو اِیلَه سوروشما نه گلیبدی بالاما زینبین قلبی اونون داغینه سوزاندی حسین بابا وای ناله سی تا عرشه اوجالدی بالاوین ددی لر یاره لی باش دردینه درماندی حسین نصفه شب قبر ائوینه قویدوم اونون گول بدنین آنامی یاده سالیب ، قلبیم اَولولاندی حسین تربتون ایندی رقیه عوضین نن ئؤپَرَرم بالاوین روحی سنون قبریوه مهماندی حسین 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

محرم ۱۳۹۴ شهر مقدس قم 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

روضه سوزناک حضرت رقیه(س) بانوای استاد حاج سید محمد عاملی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

. #دروازه_ساعات #امام_زمان #مناجات_ورود_به_شهر_شام #مناجات_انتظار کی می رسد زمان غمت انتها شود شیعه ز درد غیبت رویت رها شود بنگر میان قلب مُحِبّین ِ آل تو هر جمعه از فراق تو برپا عزا شود بر درد دوری تو طبیبی نخواستیم این درد ِلاعلاج به دیدن دوا شود کی می شودکه کوری آل سعود ِپست بر تو نماز جمعه ی ما اقتدا شود آباد کی کنی تو بقیع و به امر تو صحنی برای مادرت اول بنا شود از خاک در بیاوری آن دو پلید را پرونده ی جنایت آن کوچه وا شود آتش زنی جنازه ی آن دونفر که این تسکین آه و ناله ی (مهدی بیا) شود آقا بیا بگو به چه جرمی کنار آب رأس امام تشنه ای از تن جدا شود کهنه لباس او برود غارت و تنش در زیر نعل تازه ی دشمن رها شود ناموس او رود به اسیری و رأس او تا شام همدم سر سرنیزه ها شود آقا ببین که جدّ تو مهمان شام شد دردی که بدتر از غم کرب وبلا شود وای از دمی که عمه ی قامت کمان تو با اشک و ناله وارد شام بلا شود با رقص و تار و هلهله آیند در رهش بر مرگ خود ز شدت غُصّه رضا شود وای از گذر ز کوی یهودیّ شهر شام رأس همه شکسته ی سنگ جفا شود (بزم شراب وچوب یزید و لب حسین) قدّش به زیر بار غم و درد تا شود اذنی بده که نوکر تو روز اربعین پای پیاده راهی کرب وبلا شود ✍علی مهدوی نسب(عبدالمحسن) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛