گرچه از وصف تو شاهد با دل و جان مینویسه از تو گفتن کار ما نیست از تو قرآن مینویسه حسین ستوده شهادت حضرت فاطمه س

....... دَرمَقام حَضرت زَهرای اَطهَر س... اِعتبار و شَرَفِ کون و مَکان فاطمه دی مَفخر اهل جنان ، جانِ جهان فاطمه دی یارادان بو خانمی عالَمه زیوَر یارادوب کلّ نسوانه بِحق دَهریده سَروَر یارادوب ساقی کوثَره بو کوثری هَمسر یارادوب شأنی عالملری حیرتدّه قویان فاطمه دی اشرف کُلّ خلایق شه بطحا بالاسی عالَمون سَروَرینون هَم بالاسی هَم آناسی سویلیوب فَخریله زَهراسینه قربان آتاسی چونکی پیغمبر ایچون پاره جان فاطمه دی سوره کوثری شأنونده خدا ایلوب عَطا اهل کَفری بو عَطائیله اِیدوب حَق رُسوا شاد اولوبدور بو گوزل نِعمَته قَلب طاها شَأنی گون تَک اولان عالَمده عَیان فاطمه دی عِفت و حُجب و حَیا بَحرینه زیبا گوهر عِصمت ومَعرفت وعِشق و وَفایه مَظهر هَمسر شیر خدا ،اون بیر اِمامه مادر بَرتَر و تاج سر اهل جنان فاطمه دی مَفخر پنج تن آل عَبا فاطمه دی مَنبعِ بَخشش وایثار و عَطا فاطمه دی شافِع مُحترم روز جَزا فاطمه دی جود واِحسانیده بی حَدّ و کَران فاطمه دی خامه عاجزدی یازا بوخانمون مِدحَتینی چوخ چَتیندور اِیده دِل شَرح وبَیان شوکَتینی مُصطفا واجب اِیدیبدور هامیا حُرمَتینی حیف دُنیاده اولان قَدری نَهان فاطمه دی بَسکه بالادی مَقام وشَرف وجاه بَتول چوخ چَتین اَمردی دَرک اِیلیه بو شَأنی عقول شَأنه باخ هی اُپوب ایگلَردی او خاتونی رسول بویوراردی دلیمه تاب و تَوان فاطمه دی کیمدی بیر بیله رَه دین و وَلاده چالیشا پُشت دَردَ شَرَر ظلم و جفایه آلیشا گوزده کی اشگ تَری خون دلیله قاریشا بیر بله جور وجفایه دایانان فاطمه دی صادقانه ائوز اِمامیندن اِطاعت اِئلیوب هرنه اَمر اِیلیوب اول امری اِجابت اِئلیوب عاقبت جانینی قربان ولایت اِئلیوب راه حقده قولی ،پَهلوسی سینان فاطمه دی عشقینی عالمه بو یولدا عَجب ویردی نشان اهل دنیایه بو پاک عشقی اولوب گون تَک عَیان ماتیدور بیربیله عشقه هامی عشّاق جهان راه عشقی وِیرن عُشّاقه نشان فاطمه دی جِدّ و جَهدیله ولایت عَلَمین ایتدی بپا بیر بِلَه همّته فَخر ایتمَلیدی اهل وَلا ایستیاق حِفظ ایده بو نِعمَتِ عُظمانی خدا بَذل ایدن چون بو یولون حِفظینه جان فاطمه دی دِینینی راه ولایتّده ایدوب یاخشی اَدا جان ویروب قویمادی تا صدمه گوره دین و وَلا نه اُئوزی، مُحسنی دَه بلکه اولوب دینه فَدا روزوشب تیر بَلیّاته نشان فاطمه دی سَن هارا ،مِدحَت زهرا هارا رَزّاقی دایان چونکی تَعریف اِلیوب حَضرتی خلّاق جهان سَن فقط عشقیله دِلدن بوسوزی ایله بیان عاشقه صبح ومسا وِرد زبان فاطمه دی التماس دعا خاک پای فاطمیّون عزیز ستّار رزّاقی  اسفند ۹۷

نوحه حضرت زهرا س گئجه یاری خسته، بال وپری بسته،سینه سی بشکسته،هارا گئدورسن بئله بیر درد اولماز ،هچ گل بئله سولماز،قلبیم بئله دولماز،هارا گئدورسن ننم ای وای ای وای، ای وای ننم ای وای ۳ 🏴🏴🏴🏴🏴 گل بیزی ترک ائتمه، گئجه یاری گئتمه،ائوینن ال چکوب، هارا گئدورسن سیننده یاران وار،دورت خردا بالان وار،گئدورسن هاران وار،هارا گئدورسن ننم ای وای ای وای ای وای ننم ای وای ،۳ 🏴🏴🏴🏴🏴 وای سنه نه گلدی ،غم قلبیمی دلدی،قونشولار دینجلدی،نفسدن دوشدون غم الینن یاندون ،اوت دوتوب اودلاندون،دردوغمه یاندون ،هارا گئدورسن ننم ای وای ای وای ای وای ننم ای وای ۳ 🏴🏴🏴🏴🏴 گل بئله سولمادی ،قارداشون اولمادی ،یاپشسون تابوتین دئیسون وای باجی گل بیزی ترک ائتمه ،گئجه یاری گئتمه،بالالارون آغلار، هارا گئدورسن ننم ای وای ای وای ای وای ننم ای وای۳

حالات حضرت زهرا (س) .. .. مرحوم انور اردبیلی .. .. آغلا قلبی آتا هجرینده اَسن فاطمیه ئولومه هر نه دن آرتوق تلسن فاطمیه .. .. رشتۀ عزتینه دست جفا وردی دوگون هورمدی ختم نبیدن صورا زلفون هوروگون یاشادی دایرهٔ غصه ده یتمیش بش گون هرگونه ائتدی مین ایل درد و محن فاطمیه .. .. غملری لشکره بنذوردی خانم یالقوزیدی غم مدارینده کأنّه یورولان اولدوزیدی باجی قارداشی یوخیدی آتاسیز بیر قیزیدی غصه لر نیلدی گور غصه چکن فاطمیه .. .. زندگی شربتی آلوده اولا زهریله یا گلون ریشه سینه تیشه دگه قهریله سارالار رنگی سو گر وئرسله مین نهریله رمز و ایمادی سوزوم الده ئولن فاطمیه .. .. قورودی خوش گونونون چشمه لری نهرلری چاره سی اولمادی نوش ائتدی آجی زهرلری دادینه گلمدی همسایه و همشهریلری وطنی تنگ ائلدی اهل وطن فاطمیه .. .. نه گلوبدور نه گلر فاطمه نون دردی سانا آتانون رحلتی آسایشینی قیلدی فنا بیت الاحزان ائلدی شهر کنارینده بنا آغلاماق اولدی ائوینده قدغن فاطمیه .. .. گون به گون برگ شقایق مثلی سولدی یوزی آغلادار دردینه نرگسلری بیمار گوزی گل نیلوفرین اولسا دیلی سویلر بو سوزی رنگدن اوخشیورام سیلی دگن فاطمیه .. .. کاش او بلوا گونی گئتمیدی خانم پشت دره ائوده قالسیدی دچار اولمازیدی اهل شره عشق مولایه گوره سالدی ئوزین هر خطره عشق خیّاطینه باخ بیچدی کفن فاطمیه .. .. ارزیابی ائله تاریخ بتولین سخنین حامله بیر خانمون ایله مجسم بدنین در و دیوار آراسیندا ائلدی سقط جنین محسنی گئتدی قالوب زخم بدن فاطمیه .. .. وردی صیاد ستمکار وران قوش کیمی پر گورمدی بیر کسی گلدی دیله اول پاک سیر جبرئیل هاردا قالوبسان باباما ایله خبر قتلگاه ائتدی ائوین اهل فتن فاطمیه .. .. امّتون صفحۀ تاریخی سوله قاره لدی قلبوین یاره سینی وردی عدو یاره لدی ئوپدوقون سینه نی مسمار دلوب پاره لدی گل علاج ایله علاجی کسیلن فاطمیه ..

زبانحال حضرت زینب سلام الله علیها              در فراق مادر 🎼به سبک گیجه لر سنسیز یاتابلمورم احرا:  استاد کربلایی موسی محمدی اردبیلی 🌷آواز دشتی گوشه دشتستانی🌷 بهار عمرومین گولی صولوبدی سنسیز آی ننه بهاردا ابر تک اورک دولوبدی سنسیز آی ننه              غم غصه دن اورکیم یانار               آنا فرقتی نه چتین اولار             یادیما دوشر او یاتان یئرون              منی یاندیرار غم بی شمار چتیندی فرقتین منه فدا اولا جانیم سنه دالینجا قالدی گوزلریم هارا گیدوبسن آی ننه     سنی من سراقلیوب آغلارام    دیزیمی قوجاقلیوب آغلارام   سنی غصه مرگ ائدوب اهل کین   باشا  قاره باغلیوب آغلارام گورنده بوش یئرون سنین اورک   دونر   قانا  یقین سسین ندندی گلموری چتین اولوب. آنا غمین         اورگیم اسر  گیجه لر ننه        چتین اولدی درد و غمین منه         یادیما دوشر قاپی یانماسی         نجه یانمیوم ننه جان سنه سنین غمینده آغلارام باشیما قاره باغلارام نقدری عمروم اولسا بو جهاندا سینه داغلارام          سنه تنگ اولوب بو جهان ننه          ائدرم من آه و فغان. ننه          اورگیم یانار غم و غصه دن          اودور آ غلارام اوجادان ننه عیان اولوبدی کینه لر گلوبدی باشیوه نلر قاپی یانا ندا قورخموشام قالوبدی زینبین ملر        دشمنین جفاسینا آغلارام       سینه وین یاراسینا آغلارام       گیجه دفن ائدوبدی بابام سنی       بابامین نواسینا. آغلارام جوان ننم جوان ننم درد و غمی نهان ننم مدینه ده غریب اولوب گول تک یانوب صولان ننم       حاج مهدی ملکی زنجانی

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

🔘 فاطمه را خواستم معصومه را زائر شدم...

❇️ هدف از خلقت انسان چیست⁉️ ⚠️ بی‌هدفی بزرگترین درد است. ......🔶🔶🔶........ ﴿وَ ٱعْبُدْ رَبَّكَ حَتَّىٰ يَأْتِيَكَ الْيَقِينُ﴾ 《 تو بندگی پروردگارت را کن تا به تو یقین داده شود 》 ✍ اگر انسان مقداری اهل #تفکر باشد زندگی او متفاوت می‌شود؛ هدف این است که ما با بندگی خدا به معرفت و یقین برسیم . 🎤سخنران : #سیدعلیرضاحسینی

▪️نوحه حضرت زهرا سلام الله علیه 🎼 سبک: گلمیشم فغانه یانه یانه عمه... آغلارام بقیع ده یانه یانه زهرا گلمیشم غمونده منده جانه زهرا یاتما دلبریم یاتما دور علینی آغلاما آی یارالی زهرا وای یارالی زهرا دوقوز ایل ائویمده هر غمه دایاندون حیدر آغلیاندا خوابیدن اویاندون پشت درده آخر قانیوه بویاندون فاطمه گلوم سولدی دورد بالام یتیم اولدی آی یارالی زهرا وای یارالی زهرا کاش وفالی زهرا دردیوی بلیدیم آغلیاندا گزلین گوزیاشین سلیدیم سن ئولن زماندا منده کاش ئولیدیم ئولمدیم عجب قالدیم قبرون اوسته یول سالدیم آی یارالی زهرا وای یارالی زهرا فاطمه علینون یوخدی بیر یانانی گئتدی دیزلریمون طاقت و توانی قویموشام مزاره سن کیمی جوانی غم یلی اسور زهرا صبریمی کسور زهرا آی یارالی زهرا وای یارالی زهرا ائوده آغلاسام من آغلیار اوشاقلار سینه داغلاسام من آغلیار اوشاقلار قاره باغلاسام من آغلیار اوشاقلار چولده آغلارام زهرا سینه داغلارام زهرا آی یارالی زهرا وای یارالی زهرا فاطمه مزارون بی نشان قالوبدی زینبین بو غملر صبرینی آلوبدی مرتضانی اما چوللره سالوبدی درد محنته یانٌام اود دوتوب الولانام آی یارالی زهرا وای یارالی زهرا یاز(جواد) علینون محنت و ملالین ویردلار ائوینده باغری قان عیالین تپراق اوسته یازدی گوزیاشیلاحالین فاطمه منی آتما دور علینی آغلاتما آی یارالی زهرا وای یارالی زهرا

سلام بر مهدی صاحب الزمان عج سلام اولسون سنه ای دلبر فرزانه یا مهدی آقا امداده گل قلبیم دونوب القانه یا مهدی نفس دن دوشموشم سس وئر منه بو غملی دنیاده یاخیندیر کاخ آمالیم اولا ویرانه یا مهدی یاغیر هر سمتیدن فتنه اوزون گل دوز یولی گوستر که سنسن ترجمان واقعی قرانه یا مهدی محبت اهلی چوخداندیر فراقینده پریشان دیر حضور اقدسونده دل چاتار سامانه یا مهدی اماندی آزقالیر عمریم گونی دونسون شب تاره نولار لطف ائیلسه ن بو نوکر نالانه یا مهدی نقدری جمعه ساییدیم ، هفته لر آیلار ایله دوندی گلر بو غملی دورانلار هاچان پایانه یا مهدی گئجه گوندوز گوزوم یاشی آخار حسرتله هجرونده نظر قیل لطفیله بو دیده گریانه یا مهدی زمانه تنگه گتدی سینمی دوشدوم نفس دن گل دونوب عالم گوزوم ده بیر قرا زندانه یا مهدی بیزیم احوالیمزدان آگهم حالی پریشان سان جانیم قربان سنین تک مهربان جانانه یا مهدی گل ای بحر کرم دنیا دولوب فقر محبت دن جهان لب تشنه دور بیر عمردور احسانه یا مهدی بو دور قورخوم ئولم اما جمالین گورمییم بیر دم رضایم که قادان گلسین بو خسته جانه یا مهدی ✍مدهوش (هوشمند)۱۴۰۲ #امام_زمان_عجل_الله #جمعه_های_دلتنگی #