[﷽] #امام_حسین_ع_گودال_قتلگاه يكي با نيزه اش از پشت ميزد يكي با چكمه و با مُشت ميزد خودم ديدم سنانِ دائمُ الخَمر حسينم را به قصد كشت ميزد شاعر: #رضا_قرباني •┈┈••✾••┈┈•

[﷽] #امام_حسین_ع_مناجات دور تو پُر از پیر غلام و ذاکر مشغول به مدح تو هزاران شاعر یا سیدناالغریب! امّا ما را... دق میدهد آخر غم ِ «هَل مِن ناصِر»! شاعر: #مرضیه_عاطفی •┈┈••✾••┈┈•

زبانحال حضرت ام البنین (س) ای گوزلرین اوخ باغلیان اوغلوم ئولورم گل یوخدی منه دیل داغلیان ؛ اوغلوم ئولورم گل من ام بنینم ولی اوغلانلاریم ئولدی اولدوم اورگی غصه لی اصلانلاریم ئولدی خم اولدی بئلیم ؛ طلعتی رخشانلاریم ئولدی گل جان وریرم ، گل اورگی قانم ابالفضل گل باشیمون اوسته سنه قربانم ابالفضل دردون چوخ آغیردی ؛ ائلدی سینه می سوزان سندن صورا سندیم وطنیمده ؛ ننه قربان قالدم ائله احواله منه آغلادی مروان هئچ کس منی سندن صورا دای یادینه سالماز دورد اوغلی ئولن بیر ننه نون عزتی قالماز یاناّم گئجه گوندوز شرر درد و بلاده من اولمامشام وقت خطر کرب و بلاده غرقم اودی دریای غم و آه و نواده یاناّم ؛ بیچیلن قامتووه باخمامشام من زینب کیمی قان ساشلارما یاخمامشام من آی قهرمان اوغلوم بیچیلن قدووه قربان ایثار و وفاداری بی حدووه قربان سو اوسته توکولمیش یره قان ردووه قربان سن اووخ دئمدون هر نقدر قانه بویاندون اَوخ مشگه دگنده ولی اصغردن اوتاندون گل بوردا دگل غملی رباب ؛ اوغلوم اوتانما جانیم چخور ؛ آخر نفسیم چاتدی ؛ یوبانما اگلش باشیم اوستونده ؛ ایاق اوسته دایانما من دورام ایاقه ؛ باشووا چوخلی دولانام سن یاره لیسن قانووه جان اوسته بویانام عشق عالمی هئچ کس منیم احساسیمه چاتماز مین مجلس غم ،گرمی اجلاسیمه چاتماز خوبان جهان جمع اولا عباسیمه چاتماز دوغدوم بیر اوغول سن کیمی حامی اولا دینه مین سن کیمی اوغلوم اولا قرباندی حسینه زهرایه حمایت ائلدون باشیم اوجالدی دشمنلری قدرتلی قولون لرزییه سالدی دوشدی قولون افسوس؛ حسین فوری قوجالدی منده اشیدنده بو سوزی پیکریم اسدی بیلدیم یخلیبسان یره ، سن دیزلریم اسدی وای ام بنینه قانا غلطان یخلیبسان پرچم قاریشق سینه سی شانشان یخیلبسان قولسوز یوزی اوسته یره آتدان یخیلبسان آتدان یخلوب نالیه دنیانی گتیردون بالینووه سن غمزده زهرانی گتیردون سنده گل اوغول یانیمه بو مطلبه خاطیر قلبیمده اولان محنت و سوز و تبه خاطیر قویما تک ئولم من ؛ گل اوغول زینبه خاطیر یوخدی خبرون قلبیمه غملر توکولوبدی زینب کیمی قدیم سن ئولندن بوکولوبدی ای باشدان ایاقه علینون بنزری اوغلوم هر یرده سالان خاطیریه حیدری اوغلوم جان اوسته آدوندی دیلیمون ازبری اوغلوم دیلدن چکور آه غمی ، بو غصه لی مادر قربانون اولوم گل یوزومی قبلیه دوندر بو شهر مدینه دئمورم عزتی یوخدی بعضیلرون اما دیلی بو شهریده اوخدی طاهائیله حیدر آتوون دشمنی چوخدی گل قویما ابالفضل قالا جانیم قوشی داردا قویما ویرالار طعنه کی اوغلانلاری هاردا؟ حاشا من اولام شانیده همپایه زهرا حق ، کاش منیده ایلیه همسایه زهرا فخریمدی دوشه قبریمه گر سایه زهرا گر خاک بقیع اولسا منیم قبر و مکانیم زهرایه گورا شاید اولا فاتحه خوانیم ای ساق گوزون اوخ پارچالیان؛ سنده گوزوم وار قلبیم ائله چرپنمادادی ؛ دیلده کوزوم وار آغزمدا دولانمور دیلیم ؛ هر چند سوزوم وار آخر سوزومی من دیورم ای منه تسکین ئولدوم دای اوغول باشلادی اوغلون منه یاسین ** بهروز سلیمانی ثمرین 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال حضرت امّ البنین (سلام الله) ای ماه جبین قامتی طوبا آی ابوالفضل تنگ اولدی گوزومده منه دنیا آی ابوالفضل روحیم قوشی یوروقون دوداقمدا سنی گوزلر گوز یاشی توکر غملی بلوطلار کیمی گوزلر هی سوژه ویرور گوز یاشنا غصه لی سوزلر دردیم کیمی اشگیم اولی دریا آی ابوالفضل دل ملکینه رعدی پیاپی شاخور آغلور گوز یاشی سارالمش یوزومه هی آخور آغلور گل برگی کیمی لبلر اسور گوز باخور آغلور آغلار منیم احوالیمه اعدا آی ابوالفضل آی تک باتورام دورمه آهیم یایلاندا گورم سنی بیر لحظه یاتان بخت ایلاندا من باشدیام آواره لر آدی سایلاندا گوزلور سنی بو کلفت زهرا آی ابوالفضل گلمور گوزومه خوش نه چمن زار و نه گلشن چونکه گوزلیم گوزدن آتوبسان آناوی سن جانیم چالیشور سینه ده یول گوزلیورم من قویما ننوی بیکس و تنها آی ابوالفضل غربتده اوغوللار اولالار یا که وطنده گوزلر آنـا اوغلانلاری جان اوسته ئولندها تابوت ال اوستنده گئده قبره گئدنده گرچه کسیلوب اللرون اما آی ابوالفضل مدتدی فراقونده سنون غرق عزایم ئوز حالیمه یوخ من سنه مشغول رثایم قلبی یارالی عورتم امّ الشهدایم زنداندی منه منزل و ماوا آی ابوالفضل جان اوسته رضایم که غمیم قلبیمی سیخسون هجران سیلی دیوار سـرای دیلی یخسون گل بیرده ئوپوم صاق گوزوی جان صورا چیخسون بی کس ننوم عازم عقبا آی ابوالفضل هادی اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

‍ ای اولان دنیاده شان و منصبی شایان خانیم جده سی زهرا کیمی محبوبه ی جانان خانیم ای حیا گنجینه سی ثابت اولوبدی عالمه خلق و خوده بیر فقط سن سن ایکیمجی فاطمه آستانونده کنیز لیک آرزودی مریمه فخر ائدر عیساده گر اولسا سنه دربان خانیم یوخدی دار فانیده سن تک رفیع المرتبه گنبدون جلوه وئرور گویلرده ماه و کوکبه گورمدی بلقیس اوزونده بو جلال و دبدبه باشدی قارداشون رضاده مین سلیمانان خانیم مهبط افلاکیاندی قبر تابانون سنون باغ رضوانان گوزلدی صحن و ایوانون سنون چاره سیز لر بوشلویا هیهات دامانون سنون چاره سیز امراضه سن دنیاده درمانسان خانیم بو حدیثی عالمه ایلوب بیان ابن الرضا معرفتله قبروه هرکیم گلوب زائر اولا ایلییر واجب بهشتی خالق یکتا اونا سنده دی گویا جواز روضه ی رضوان خانیم سن قوما وئردون صفا خاک خراسانه رضا ایرانین توز تپراقین ائتدوز مثال کیمیا ایلیوبسن قم دیارین خانه ی آل عبا پنج تن قومدا سنه حتما اولور مهمان خانیم سن قوما وارد اولاندا باشوه گل سپدیلر باملردن کوچه و بازاره سنبل سپدیلر کوفیه زینب گدنده باشینه کول سپدیلر سن اوزونده زینبه قان آغلوسان هرآن خانیم سن کرم دریاسی سن من خادم درباروم خوان احسانونده من ایللردی ریزه خواروم جمعه لر صحنونده بیر جارو چکن زواروم گرچه من نالایقم سن ائتمسون احسان خانیم افلاکیان خاکی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ای دل دوز اولسا طینت انسان یالان دئمز دوز سوز دییر جهاندا مسلمان یالان دئمز دانشگه مودت و ایمان و عشقیده عبد ذلیل خالق منان یالان دئمز جاندان گئچر طریق مودتده روز و شب دارفناده صاحب وجدان یالان دئمز مین لر بلاده باشینه گلسه بحکم حق باغلار جناب عشقیله پیمان یالان دئمز حق و حقیقت آختاران اولسا مریدحق قرآن دیور که تابع قرآن یالان دئمز داره چکیلسه دهریده انسان حق طلب منطوراولار جهاندا کماکان یالان دئمز دوز تربیت وئریلسه بش اون گون زمانه ده وادیر یقین که طفل دبستان یالان دئمز دوزیول گئدر دوز عاشق اولاریول نشان وئرر اولس یقین کی حاکم دوران یالان دئمز محبوب اولار چاتارکی حریم ولایته خدمتگذار دولت ایمان یالان دئمز نفرت تاپار پدیدۂ منفور کفریدن بی شک رهین رحمت رحمان یالان دئمز محبوب ذوالجلال اولار انسان حق مرام جانان یولوندا حان ائدر احسان یالان دئمز گرچه بیرعده مصلحت اوسته یالان دیور اما مرید حضرت سبحان یالان دئمز شاعرده اولسا شاعر شهر شعور اولار تدوین ائدنده دفتر و دیوان یالان دئمز شاهد که روح شعره اولار روح منزوی (مژده)یازاربوعرصه ده انسان یالان دئمز 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛