‍ ای اولان دنیاده شان و منصبی شایان خانیم جده سی زهرا کیمی محبوبه ی جانان خانیم ای حیا گنجینه سی ثابت اولوبدی عالمه خلق و خوده بیر فقط سن سن ایکیمجی فاطمه آستانونده کنیز لیک آرزودی مریمه فخر ائدر عیساده گر اولسا سنه دربان خانیم یوخدی دار فانیده سن تک رفیع المرتبه گنبدون جلوه وئرور گویلرده ماه و کوکبه گورمدی بلقیس اوزونده بو جلال و دبدبه باشدی قارداشون رضاده مین سلیمانان خانیم مهبط افلاکیاندی قبر تابانون سنون باغ رضوانان گوزلدی صحن و ایوانون سنون چاره سیز لر بوشلویا هیهات دامانون سنون چاره سیز امراضه سن دنیاده درمانسان خانیم بو حدیثی عالمه ایلوب بیان ابن الرضا معرفتله قبروه هرکیم گلوب زائر اولا ایلییر واجب بهشتی خالق یکتا اونا سنده دی گویا جواز روضه ی رضوان خانیم سن قوما وئردون صفا خاک خراسانه رضا ایرانین توز تپراقین ائتدوز مثال کیمیا ایلیوبسن قم دیارین خانه ی آل عبا پنج تن قومدا سنه حتما اولور مهمان خانیم سن قوما وارد اولاندا باشوه گل سپدیلر باملردن کوچه و بازاره سنبل سپدیلر کوفیه زینب گدنده باشینه کول سپدیلر سن اوزونده زینبه قان آغلوسان هرآن خانیم سن کرم دریاسی سن من خادم درباروم خوان احسانونده من ایللردی ریزه خواروم جمعه لر صحنونده بیر جارو چکن زواروم گرچه من نالایقم سن ائتمسون احسان خانیم افلاکیان خاکی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ای دل دوز اولسا طینت انسان یالان دئمز دوز سوز دییر جهاندا مسلمان یالان دئمز دانشگه مودت و ایمان و عشقیده عبد ذلیل خالق منان یالان دئمز جاندان گئچر طریق مودتده روز و شب دارفناده صاحب وجدان یالان دئمز مین لر بلاده باشینه گلسه بحکم حق باغلار جناب عشقیله پیمان یالان دئمز حق و حقیقت آختاران اولسا مریدحق قرآن دیور که تابع قرآن یالان دئمز داره چکیلسه دهریده انسان حق طلب منطوراولار جهاندا کماکان یالان دئمز دوز تربیت وئریلسه بش اون گون زمانه ده وادیر یقین که طفل دبستان یالان دئمز دوزیول گئدر دوز عاشق اولاریول نشان وئرر اولس یقین کی حاکم دوران یالان دئمز محبوب اولار چاتارکی حریم ولایته خدمتگذار دولت ایمان یالان دئمز نفرت تاپار پدیدۂ منفور کفریدن بی شک رهین رحمت رحمان یالان دئمز محبوب ذوالجلال اولار انسان حق مرام جانان یولوندا حان ائدر احسان یالان دئمز گرچه بیرعده مصلحت اوسته یالان دیور اما مرید حضرت سبحان یالان دئمز شاعرده اولسا شاعر شهر شعور اولار تدوین ائدنده دفتر و دیوان یالان دئمز شاهد که روح شعره اولار روح منزوی (مژده)یازاربوعرصه ده انسان یالان دئمز 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ازکانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

🟨🟨🟨🟨🟨 🟨🟨🟨🟨 🟨🟨🟨 🟨🟨 🟨 #حضرت_اُمَّ_البَنین_س کیمسه نه بولور که نجٓه ویرانه دیِ گوگلوم دورت اوغلوم اولوب غملره کاشانه دیِ گوگلوم سالدی باشیمی جُور فلک اوزگه بلایه نِی تک گَلرم  صبح و مساء آه و نوایه دیلدن اوجالار ناله سَسیم عرش خدایه دایم یوزه گوزلردن آخار اشک روانیم نینیم که باتوب قانینه دورت تازه جوانیم دورت ماه جمالیم که منیم قانه باتوبدی هر تک تکی مقصودینه عالمده چاتوبدی نیسکیل بودی عباسیم اوزاخ لخدا یاتوبدی گلمز غم و آلامی یانان دیلده شماره سَرو قَدئیله گِئدی بالام خیردا مزاره چوخ سعی اِیلدیم اولمادی عالمده سعادت تا خیردا مزارین اِیلیم منده زیارت جان اوسته اودور جوشه گَلور دیگ محبت قانلی علمین ویرسا اگر قبریمون اوسته مقصودینه نائل اولی بو قلبی شکسته هر چند بو شهر ایچره واریم اِیل و تباریم قالموبدی ولی دیلده منیم صبر و قراریم عباسیدور عالمده نه چون دار و نداریم عباس نه عباس، بوتون عالمه لنگر ویردیم بالامی فاطمه نین اوغلونا نوکر زینب دئیر آتدان یخیلان لحظه ده بیر باش... سَسلندی آنام اِیندی یانیمدا اولا ای کاش اطرافین او دم آلمشیمش بیر نچه اوباش قولارین آچیبدور عوضیمدن اونا زهرا معناده دیوب سینه مه گَل آغلاما سقا... چوخ صحبت ایدوب دخت علی غملی چاقیندان شرمنده دِیَر اولمادی اوغلون قوناقندان زهرانین اوپوپ قانلی لبیله ایاقندان عرض ایلوب آنا دورمشام اوز سوزلریم اوسته لطف ایلمیسن قوی قدمین گوزلریم اوسته بو فعل او بانویه دئمه جای عجبدی زهرا او پیمبر قیزی دریای ادبدی انسانی بو حَده یتیرَن اصل و نسبدی مین دیل دِیوب عباسین او دم گوگلون آلوبدی مندنده چوخ عباسیمه دنیاده یانوبدی عباس غمین سایسالا گر گَلمز حسابه چوخ درد و مصیبت یتیشوب قلب کبابه بند اولمشوموش بیر ایاقی بند رکابه السیز بدنی اِیسی قوم اوسته سورونوبدی باشدان باشا اوز قانینه یرده بورونوبدی نیسکیللَری دیلدن آلوری تاب و توانی عرشه اوجالوب عرصه میداندا فغانی گویاٰ چاغیروب دادینه شاه شهدانی ایللَر بویی قارداش دئمدی قارداشا قارداش قارداش چاغیروب اوندا ولی دیده ده قان یاش تَل اوسَتن آلوب ناله سَسین خسرو ایجاد قان یاش اَلیوب عارضینه سَسلنوب ای داد القصه که عباسه او دم اِیلیوب امداد بولمَم نه گوروب رنگی او گول تک سارالوبدی قَدی بوکولوب آیری بیر احواله قالوبدی اصراری واریمش آپارا خیمیه ساری عباسه او آخر نفسینده اِیده یاری بو فعله ولی مانع اولوب حال نزاری اکبر کیمین ایستورموش او غم فرشینی آچسین خیردا بالالار، قلبینه غم تیرینی ساچسین شه نوکرینه گورسدوب اوز لطف و عطاسین دیلدن اوجادوب گویلره بو غمده نواسین میداندا هله آچمشمیش قانلی عباسین عباس دیوب که خجیلم من حَرموندن اخیامه آپارما منی لطف و کرموندن غم شاه شهیدانین او دم صبرین آلوبدی عباسیمه باخدوخجا دل و جانی یانوبدی میداندا حسینیم اِیله آواره قالوبدی یانام اونون احوالینه تا جاندا واریم جان باشی او قفادن کَسیلن سروره قربان مدتدی عتیق ایلموسَن نوحه نگارش عباس آناسیندان ایله بو مرحله خواهش تا ایلیه عباسه سَنی، بلکه سفارش حاجاتیوی قلبینده روا اِیلیه عباس دردون نَدی قلبونده دوا اِیلیه عباس التماس دعا🙏 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

صاحب شان وجلالتدی ابلفظل اناسی احوالات حضرت ام البنین(س) شعری جدیداز: ✍محمدرضامحمدی(ناعم). ▪️▪️▪️▪️▪️▪️▪️▪️▪️▪️ صاحب وشٲن وجلالتدی اباالفضل آناسی بحرپر موج کرامتدی اباالفضل آناسی معدن فضل و فضیلتدی اباالفضل آناسی بانوی بیت ولایت ئوزی محجوب و متین فاطمه آدی،مبارک لقبی ام بنین 🍁🍁🍁🍁🍁🍁 همسرشیرخدا،بانوی ارزنده مقال همنشین نجبا،صاحبهٔ جــاه و جلال اولدی زهرا ائوینین جاریه سی تاپدی کمال قدمی وئردی صفا،غمله سولان انجمنه اشتیاقیله ائدوب خدمت حسین وحسنه 🍁🍁🍁🍁 عربستانیده مشهوریدی اصل و نسبی پاکزادیدی طریقتده اونون اُمّ و اَبی نقل محفللردی طینت و زهد و ادبی بی نظیریدی او دورانیده عفتده خانیم خلقه ضرب المثل اولموشدی دیانتده خانیم 🍁🍁 دین و قرآنه اوره کدن بوخانیم شایقیدی پیرو مکتب اطهاریدی چوخ لایقیدی جان ودلدن ئوزی زهراخانیما عاشقیدی آرزوسیدی اولا بیت ولا خادمه سی اونادادرس شرافت وئره زینب ننه سی 🍁🍁🍁 اون ایله دونموشودی فاطمه نون هجرانی آناسیزلیق غمی سولدورموشودی طفلانی غصه لرتنگه گتورموشدی دل مولانی چون وصیت ائلمیشدی ئوزی زهرای بتول عزم تجدیدفِراش ایلدی دامــادِ رسول 🍁🍁🍁🍁🍁🍁 علم اَنسابیده چوخ ماهریدی شخص عقیل حیدرون قارداشی بیرفردوفادار واصیل اونا تاپشوردی خود حجت خلاق جلیل ایستورم غصه لی صرافووه گوهر تاپاسان گزه سن طایفه لردن منه همسر تاپاسان 🍁🍁🍁🍁🍁🍁 ولی وارشرطی اوقیز وصلتیمه شایق اولا ننه لیگ اولمیا،،دورت نوگلیمه عاشق اولا یاخشی تحقیق ائله،زهرا ائوینه لایق اولا شهرهٔ یثرب اولا قوم و نژادو نَسَبی اوخشیافاطمیه حجب وحیاو ادبی 🍁🍁🍁🍁🍁 گلمگیلن بو ائوه غملره پایان گتوره غصه لی قلبیمی آرام ائده درمان گتوره قدمیلن بوعزالی ائوه سامان گتــوره قویمیا فاطمه نون گللری محنتده سولا گوگلوم ایستور اوخانیمداندا منیم اوغلوم اولا 🍁🍁🍁🍁🍁🍁 بیراوغول که داریخان وقتده هواداریم اولا حسنینه قوشولا یار و مددکاریم اولا اوجابوی،اَنّی کورَک،غم گونی غمخواریم اولا عشقی قارداشلارینا بی حدوهم دائم اولا یوزی زیبا،لقبی ماه بنی هاشم اولا 🍁🍁🍁🍁🍁🍁 دیدی مولا،تانورام بیرقیزی که عالمه دی شان و شوکتده ملکلر بوقیزا خادمه دی عفتدی شهره دی یثربده،آدی فاطمه دی دخت محجوب حَزام،جدی اونون شخص کلاب یوخدی عفتده نظیری،ئوزی صدیقه مآب 🍁🍁🍁🍁🍁🍁 خواستگاری اولونوب ماحصلی گلدی گلین گلدی زهراائوینه فاطمح،محجوب ومتین پوزولان انجمــــنه وئردی صفا ام بنین گوردی بوصحنه نی نسوان مدینه سالیب های ننه لیک گلدی علینون ائوینه،زینبه وای 🍁🍁🍁🍁🍁 مطلبی بیلدی اوخاتون وفادار ونجیب دیدی یوخ ذره وجودیمده منیم حیله و ریب ایندی که اوج سعادت منیچون اولدی نصیب ظاهراً همسرسلطان حجیزم تانیــون گرقبول ایلسه زهـــرایه کنیزم تانیـــون 🍁🍁🍁🍁🍁🍁 آنداولا فاطمه نون ذکرنماز شبینه عالمی درده سالان غصه لی تاب وتبینه گرقبول ائتسه کنیــزم خانیمون زینبینه خادم منزل سردار حنینم تانیـــون فاخرم،چونکه کنیزحسنیــنم تانیون 🍁🍁🍁🍁🍁🍁 دوشنوب درگه زهرایه او بانوی گرام دورد اوغول وئردی اونا حضرت خلاق انام دیدی خوشدور اولا هر دوردیده زهرایه غلام اعتنــا ایلمــرم خلق الین همهمیــه بالالاریم هامی نوکردی بنی فاطمیه 🍁🍁🍁🍁🍁🍁🍁 گون به گون حرمتی آرتوردی او والانسبین هامی تعریف الیوردی حسنات و ادبین عاشق اولموشدی حسینه خبر آلما سببین عالم عشقیده بیرهمت شایان ائلدی فاطمه اوغلوناهردوردونی قربان ائلدی 🍁🍁🍁🍁🍁🍁 تربیت ایلدی دورداوغلونی وانفساده که فقط عشق حسیندی قالاجاق دنیاده گوزلیون قویمیاسوزتک،اونی هـــر بلواده ساتمیون عشقینی گر وئرسه له،دنیا بویی زر فاطمه یوسفینون بیر توکی دنیایه دَیَر 🍁🍁🍁🍁🍁🍁 عالم عشقیده بالمره قیامت سالدی دست زهرادن ئوزی رتبهٔ شایایان آلدی جان وئرن وقتیده افسوس اولاکه تک قالدی دیدی لبیک حسین،صون نفسیمدور ئولورم گل که گورسم یوزویی بیرده بسیمدور،ئولورم 🍁🍁🍁🍁🍁🍁🍁 نچه ایلدور بئله خدمت شالینی باغلامیشام اگنیده رخت عروسی،آنووا آغلامیشام غملرون یاده سالیب غمله جگرداغلامیشام جان وئرن لحظه نه خوشدور منی ده یادائده سن نه اولار،اوغلی ئولن بیر ننه نی شادائده سن 🍁🍁🍁🍁🍁🍁🍁 دئمورم ماتمیمه دسته گل یاسیله گل یا که قلبونده اوغول آهیله احساسیله گل اولساامکانی ملاقاتیمه عباسیله گل ایکی دلداده گلون بیرداجگر داغلاماقا گتورعباسیمی آغلار گوزیمی باغلاماقا 🍁🍁🍁🍁🍁🍁🍁 ایله زهــرایه سفارش،او انیس محنــه ایلسون عمده عنایت بوجلای وطنه باخسابیردفعه محبتله اگــر بسدی منه منی مشمول ائلسون باغ جناندا کـــرمه باغ جنتده ده اولادینه ائت 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ازکانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛