#ارسالی از سعادتی قم المقدس ## من حسینم کیم منه ساری گوتورسه بیر قدم مین قدم گللم یقین امیدوار اولسون منه پاک عزاداریم و یا زوّاریم ئولسه قورخماسون قبرینون اوّل شبینده انتظار اولسون منه باشیمی دفن ایتمه قوی چوللرده سرگردان گزوم هر باخاندا باشیمه زینب خمار اولسون منه فاطمه اوغلی مگر عیسادی دار اوستن قاچا شامه جک هر گون گرک تکلیف دار اولسون منه ویرمرم مین بیله دیره خیزرانون خیرینی بوسه آلماقدا اودا معشوقه یار اولسون منه مانعی یوخدی گوزومدن دیشلریمدن ئوپسه ده مجلس شُربون گرک تالاری تار اولسون منه گُل نثار ایللّه سلطانه گلی من نیلورم طشتده ئوز لبلریم گوهر نثار اولسون منه قانه باتمیش لبلریمله دمبدم یاهو دیوم خالقیم باخسون ئوزی قیمت گذار اولسون منه انتقامیم آلماقا مجلسده دیلّنسون باجیم منطق برّانی مثل ذوالفقار اولسون منه "انورم" بو نوحه نون نظمینده پرشور اولموشام ارزشی وار دفتریمده شاهکار اولسون منه 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

یاحسین غریب مادر تویی ارباب دل من... 🏴مداحی ویژه ماه محرم با نوای جواد ذاکر 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

خطاب به خورشید## ##ارسالی از سعادتی قم المقدس ## چیخما ای گون رحم ائله حالی پریشان زینبه آز قالیر اولسون بو گون محشر نمایان زینبه چیخما صبر ایله که اهل عشقه فرصتدور هله زیبنب کبرایه بیر دم ده غنیمتدور هله چیخما ای گون زینبین قان ائیلمه گوزیاشینی قوی دویو نجا بیرگوره یالقیز قالان قارداشینی آز قالیر گورسون جدا اوسته کسیلمش باشینی زاده زهرا باش اگمز ذلته ازاده دی الده خنجر اهل کین قان توکماقا اماده دی چیخما تا عرشه اوجالسین خیمه دن قران سسی جان ویره بو داغلی قلبه بیر زمان جانان سسی وار یقینیم قوزانار اخیامیدن افغان سسی ازقالیر کربلادشتی بلادن دولماقا ازقالیر باغ نبوت باد غمدن سولماقا چیخما ای گون، ائیله سیرینده بیر آزجا حوصله آز قالیر کی عالم امکانه دوشسون ولوله چیخما ، چیخسان گر دوشر راس حسین الدن اله خیمه عشاقیده شور شهادت گورسنیر بو گئجه قورتارسا صبحونده قیامت گورسنیر چیخما چیخسون کربلا دشتی دولار افغانیله تشنه لر سیراب اولار باشدان آخان القانیله خیمه لر غارت اولار بو فرقه نادانیله چیخما تا آی دوره سینده ساخلاسون اولدوزلاری یاتسین آسوده دویونجا شاه دیننین قیزلاری چیخما آل اللهی سایسیز درده آماج ائیلمه خرمن صبری شرار غمله تاراج ائیلمه عترت پیغمبری اغیاره محتاج ائیلمه چوخ مصیبت لر چکیب زینب فراغت گورمیوب چوخ چتین دیر آل پیغمبر اسارت گورمیوب چیخما ای گون تا گوره لیلا دویونجا اکبری بلکه سو تاپدی رباب آسوده ائتدی اصغری آز قالیر خندان اولا کرب و بلانین گوللری اولما راضی اوچ پر اوخدان شیرخواره سو ایچه نیلیر بیکس رباب اصغر بوغازین اوخ بیچه چیخما تا آل اللهین قلبی یانیب قان اولماسین محشر کبری بودشت ایچره نمایان اولماسین گلشن زهرا ایاقلار آلتدا تالان اولماسین چیخما ای گون پوزما عشاقین صفالی خلوتین قوی آپارسین سجده دن اهل عبادت لذتین چیخماقا سعی ائیلمه سیرینده تاخیر ائت بیر آز بیر دویونجا بنده لر معبودینه قیلسون نماز ایلسونلر محضر داداریده راز و نیاز صبر ائیله محراب طاعتده صفا و وشوره باخ موسی عمرانه دی گل کربلاده طوره باخ مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

روضه قتلگاه ارسالی از سعادتی قم المقدس باشدان باشا جسمون یارادی قاندی حسینیم خنجر یریدور نیزه و پیکاندی حسینیم هر یاره آچوب قرمزی گل اوخلی بدنده گویا بدنون صحن گلستاندی حسینیم بی غسل و کفن قان آرا گونلر قاباقندا بیر کیمسه دین یوخ کی مسلماندی حسینیم بوشمرو سنانیله نجه شامه گدیم من؟ قاتل یوزی گورماخ مگر آساندی حسینیم بیر کشمکش اولدی باشیوی شمر کسنده (یتیشدی اوبدنین کنارینه گوردی الینه شمشیر گلن نیزه گلن الینه داش گلن بیر یارالنی ورولار،گوردی او ظالم الینده خنجر آخی یارالنن یرین راحت اللر آخی جان ویرنین سینه سین یونگول اللر خانمن هیچکسه الی چاتمادی اله آدامسیزلادی اله تک قالدی مجبورا یوزون دوتدی عمر سعده سسلندی سن باخا باخا منیم قارداشمی ایستیلر نیلیلر اوظالم دالن دوندردی که یعنی منن انتظار کمگین اولماسین خانم او اوجور الینده بیر باخدی نجفه طرف سسلدی بابا ایندی کی بله اولدی منده ستین قیزوام من زهرا بالاسیام من ننمن اسگیح دیرم اله دایانام اویانان قاپیا امامیندن مواظب اولدی نیلدی؟ خانم یاپشر شمرین الینن؟آخی نامحرمیدی خانم نیلییدی؟الین آتدی یاپشدی خنجردن اوظالم الینه حرکت ویردی خانم یخلدی یره اویارالی بدن بیر حرکت اله دی حسین اوگوزلرین یومدی ) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

روضه قتلگاه## #ارسالی از سعادتی قم المقدس ## دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب (باخدی بیر او یارالی بدنه) کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ گرچه مقام عشق و وفاده اوجالمشام سن گوردوگون باجی دیورم چوخ قوجالمشام وای منه دوشدون عزیزیم عجب الدن اله سن اوپورم یاره لرون بلکه بیر آز دینجله سن قول ویر سنده منه زینب ئولنده گله سن کوفه ده کامه چاتدیم، پرچمیوی اوجاتدیم باشیوی نی ده گوردوم ، عالمی گوزدن آتدیم قدیمی غم اگینده ، آنوا داش دینده ایتدیم اورکده نفرین ، عجوزه لعینه ایوای یارالی قارداش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ارسالی از سعادتی قم المقدس ## الده   شمع    ماتم   گلمیشوخ     عزایه آغلاروخ      اورکدن     شاه      کربلایه شمع تک شرر باروخ               یانماقا       سزاواروخ یاحسین مظلوم ( 2 ) الده  شمع    ماتم     دلده  شور  و  ناله باغلاروخ  بو  غمده   گوز یاشین جماله باغریمیز   دونوبدی     قانه   مثل   لاله شمع      تک     الولاننوخ              دلدن اود  دوتوب یاننوخ یاحسین مظلوم ( 2 ) بو گيجه  حسینون گیتدی عز  و  جاهی لشگری داغيلدی   ئولدی  سر  سپاهی قیزلاری  سویولدی یاندی خیمه گاهی کسدیلر باشین عطشان               اولدی     قانینه    غلطان یاحسین مظلوم ( 2 ) بو گيجه ربابین  بوش قالوب  قوجاقی جانینی    آلوبدور      اصغرین    فراقی هر  آنانون   ئولسه صود  امر اوشاقی گوز  یاشین  الر  آغلار               آهو    تک   ملر   آغلار یاحسین مظلوم ( 2 ) بو    گيجه   رقیه   آیریلوب    گولیندن اکبر  آدی  دوشمز  بیر  زمان  دیلیندن اللری     ئوزولدی     ظلمیله      الیندن وای  بابا  دیوب   آغلار               آهی     عالمی    داغلار یاحسین مظلوم ( 2 ) بو گيجه   گچوبدی   مصطفی   چراغی اولدولار   امامه       اهل    کوفه   یاغی تشنه لب  حسینون    باشنون  سراغی کوفدن  گلور   هر  آن               خولیه  گیدوب   مهمان یاحسین مظلوم ( 2 ) بو گيجه عروسین عیشی یاسه دوندی قاسمون جفادن  شمع  عیشی سوندی اگننه     لباسِ      قرمیزی      بوروندی طوی  لباسی  قان  اولدی               حجله سی   تالان  اولدی یاحسین مظلوم ( 2 ) ( کریمی ) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ارسالی از سعادتی قم المقدس # گلمیشوخ ای شیعه‌لر شام غریبانه بیز ویرماقا باش ساقلیقی زینب نالانه بیز بوگجه بیز گلمیشوخ نوحه ایداخ آغلیاخ آغلیوب اول سروره سینه‌میزی داغلیاخ تشنه‌ اؤلـن سروره جمله عزا ساخلیاخ شیونیله گلمیشوخ جمله شبستانه بیز چون باتوب اؤز قانینه اکبر شیرین زبان حلقین علی‌اصغری اوخلیوب اول کوفیان بی‌گنه اولموش شهید چون او ایکی باغریقان باعث اودور گلمیشوخ ناله و افغانه بیز آغلاروق اول سرورین نازلی علمدارینه جملـه اصحــابینه یــاور و انصــارینه حیف اولا عباسین اول قامت و قوللارینه یئتسه اَل عرض ایلروخ سرور مردانه بیز یئــرده قالـوب پیکـر شاه زمین و زَمَن نیزیه گئچمیش باشی قانی آخور نیزه‌دن کیمسَنَه یوخ ایلیه غسل و حنوط و کفن دوشمیـاق آغلار نئجه کوه و بیابانه بیز زینب و کلثوم اولوب خصمه اسیر و فگار هر بیری بیر محنته بوگئجه اولموش دچار سیّــد سجّــاددَه نالــه ایـــدر زار زار سس ویراق اول بیکسه ایمدی یانا یانه بیز نازلی سکینه اولوب بوگئجه‌ زار و ملول ظلمیله سیلی ووروب شمر شریر و جهول تتریری بو ظلمیدن عرش، خدای رسول آغلوروق اول بی‌کس و حالی پریشانه بیز آغلیـون ای شیعه‌لر کرب و بلا شاهینه باخمـادیلار زینبـون اود یـارادان آهینه ظلمیله اود ووردیلار خیمه و خرگاهینه کـاش یانیـدوخ تمـام آتـش سوزانه 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

"در جلالت حضرت اباعبدالله الحسین علیه السلام ترجمه حدیث قدسی - گریز به عصر عاشورا و غارت - شام غریبان و قتلگاه #﷼ارسالی از سعادتی قم المقدس ##  عریان بدنون یرده دی قارداش باجون ئولسون گُل جسموه قان پرده دی قارداش باجون ئولسون 🖤🖤🖤🖤 ایوای حسین وای (۲) ایلوبدی حسین نوک سِنان نحریوی منحور نه دفن ایلین وار سنی، نه غسل و نه کافور گون تک یارالی باشون اولوب نیزه ده مشهور عریان بدنون یرده دی قارداش باجون ئولسون 🖤🖤🖤🖤   آخدوقجا گوزومدن دیوری گوزیاشیم ایوای درد و غمه توش اولدی بلالی باشیم ایوای وردیم بودی ایوای یارالی قارداشیم ایوای عریان بدنون یرده دی قارداش باجون ئولسون 🖤🖤🖤🖤 حیراندی حسین اهل سماوات بو صبره کیم سن کیمی قارداش دوزَر آیا بیله جبره بیر کیمسه تاپولمور که جنازون قایوا قبره عریان بدنون یرده دی قارداش باجون ئولسون 🖤🖤🖤🖤 آت دیرناقی پامال ایلیوب سینه وی قارداش جسمونده چکوب نقش فنا فی الَلهی قارداش بو حاله نجه صبر ایلیوم بس منِ کُل باش عریان بدنون یرده دی قارداش باجون ئولسون  🖤🖤🖤🖤  بیر قطعه یارالی بدنون صاف یری یوخدور باشدان باشا آماج دم نیزه و اوخدور بو قطعه به قطعه بدنون یاره سی چوخدور عریان بدنون یرده دی قارداش باجون ئولسون 🖤🖤🖤🖤  چوخ ظلم ایلیوبدور سنه بو فرقه ی اعدا بیر ظلم آنام اوغلی منی چوخ یاندورور امّا دروت مین یارالی کوینگیوی کیم سویوب آیا عریان بدنون یرده دی قارداش باجون ئولسون 🖤🖤🖤🖤  ئولسون باجون، آیا بو نجه حالیدی سنده نه اَل، نه لباسون، نه باشون واردی بدنده بو درده نجه طاقت و آرام اولی منده عریان بدنون یرده دی قارداش باجون ئولسون 🖤🖤🖤🖤 معشوقیله لازمدور اولا عاشقی یک رنگ آق زلفیمی منده بویارام قانیله دل تنگ ای شاه سنه ایستی قوم اوستی اولوب اورنگ عریان بدنون یرده دی قارداش باجون ئولسون 🖤🖤🖤🖤 بس که وورولوب نیزه ایدوب جسمیوی گُل گُل سینونده چاتوب باش باشا اوخ، چون گُل و سنبل بو غصّه اولوبدور منِ بیچاریه مشکل عریان بدنون یرده دی قارداش باجون ئولسون 🖤🖤🖤🖤 چوخ ایستیدور آتلار قویا بُلمور یره دیرناق سن قالموسان عریان یارالی، باشیمه توپراق شام اهلی ایدوب جسمیوی قرآن کیمی اوراق عریان بدنون یرده دی قارداش باجون ئولسون 🖤🖤🖤🖤 یاز نوحه «حسینی» بو غمه آغلا ئولونجه عمرون یتیشوب باشه اجل پیکی گَلینجه بیرده بو سوزی قارداشا یاز باجی دلینجه عریان بدنون یرده دی قارداش باجون ئولسون  سعدی زمان" 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شام غریبان امام حسین (ع) ## – تنور خولی## #﷼ارسالی از سعادتی قم المقدس ## عيال خولي گوز آچدي گوره نه غوغادي باخوب نه گوردي كه مطبخده حشر بر پادي تنوريدن گورجك نوريدي تلالو ايدور ديدي خدا بو حقيقتدي يا كه رويادي بو خولينون ايويدور بوردا وا حسين سسي وار بو محترم كيشي لر كيمدي نه قضايادي نه سسدي بو كه ديولر دورون گلور طاها داليجا نوحيدي ادم مسيح و موسادي شعيب و خضر و سليماندي يونس داوود خليل و يوشع و شمعون ذبيح و يحيادي هاموسي قاره گيوب باش آچوقدي سينه زنان تنوري دور ليوبلر عجب تماشادي نه گوردوم اوندا بلند اولدي طرقوا صوتي تمام ايدون ديديلر موقع تسلي دي چيخون قباقنا ايندي اوغول آناسي گلور حسين عزاسيدي بو سر پرستي زهرادي گلوب اوتوردي تنوره اوزاتدي بير اليني اشاره اهلينه بو سوز گوزل بير ايمادي ديوله بير قولي قاخموردي ظلم ثانيدن بير اللي گوتدي او باشي اوجالدي فريادي ديدي حسين گوزون آچ كام آلوم نگاهوندان خبر ويروم سنه اوز قانلي قتلگاهوندان او چولده من واريديم چشم خونفشان واريدي غريبه منظره لر واضح و عيان واريدي يانان چادردا نماز اوسته زينبي گوردوم نه ديزده طاقتي نه قلبيده توان واريدي سرير نازيده صبح ايلين بالالاريوا گیجه نه بستر راحت نه خانمان واريدي گوزوم فراتده دوشدي آخوردي اوز باشينا شريعه ده نه موكل نه پاسبان واريدي ديديم گيدوم گينه گودال قتلگاهه طرف اگر چه اوردادا مين محنت گران واريدي كسوك بوغازيوي اوپدوم اوجادان آغلاماديم كمينده چون الي خنجرده ساربان واريدي غريبه شام غريبان غريبه مجلسيدي ديمه نه بير باش آچان نه بير آغليان واريدي من اوخشاما ديمديم چونكه سينون اوستونده بير اوچ ياشيندا گوزي ياشلي نوحه خوان واريدي آيون ايشقي دوشنده رقيوين يوزونه گوزومدن اولدي روان قلبيده نه قان واريدي بيله خيال ايليديم ثاني كربلايه گلوب يوزونده من كيمي چون سيلي دن نشان واريدي کسیلسون اللری شمرون ، ایوی خراب اولسون گوروم که من کیمی قلبی یانوب کباب اولسون * مرحوم حاج رحیم منزوی اردبیلی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

به گریه‌های خواهرت به صبح گو طلوع مکن که قلب زینب از غمِ تو آب شد حسین جان

روضه شهادت امام حسین(ع) وار یری غرق اولاق ای اهل عزا گوز یاشنا یاغدی هر سمتیدن اوخ یالقیز امامین باشنا تلیدن زینب علیا ده باخور قارداشنا گورجک اول حالی اورکلندی دیدی جان قارداش جانم اولسون لب عطشانیوه قربان قارداش راوی نقل ایلر اوهنگامه نی گوردوم النی اهریمن دوریه آلمشدی امام زمنی ذالجناح اوسته سراسر یارالیدی بدنی وردی پهلوسینه بیر ناکیشی نیزه یاراسی صول یوزی اوسته یخلدی یره ایتدی شمشیرینه تکیه اله دی قدین علم بیر زنا زاده جفا دفترینه وردی رقم آتدی بیر داش آقانین سجده گهین یاردی اودم قانیله گوزلرینون کاسه سی دولدی آقانین قارداشین سالدی یادا حالی پوزولدی آقانین دیدی عباس غمونده گوزوم آغلار قان یاش ایندی بولدوم نه چکوب سن سنه قربان قارداش سن کیمی دوزدی منیمده دیوب آنیمدان داش سن ولی السیزیدون دردینی بولموش جانان من گلینجه گوزوون قانینی سیلمیشدی آنام فاطمه دلبری قورتاردی بو نسگیلی سوزون شوقیله ایتدی شهید اولماقا آماده ئوزون کوینگون آهیله قالخیزدی سیله قانلی گوزون جلوه لندی اوزمان گل کیمی غملی اورگی یورقونویدی یوخودی حیف اولا اما کمگی ناگهان حرمله گوردی آقانین سینه سینی ایستدی گورسده عالملره ئوز کینه سینی سیندرا سنگ جفائیله غم آیینه سینی دوشدی فرصت اوزنا زاده نادان الینه ظلمیله آلدی اوچ شعبه لی پیکان الینه قلب طاهانی دیدی پنجه ظلموم سیخاجاق بو بیر اوخدور کی حسین بن علینی یخاجاق امتحاندان ایکی دفعه بواوخون مثلی چخوب بیری بیر حلقی بیچوب بیری عباسی یخوب 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛