شام غریبان حضرت امام جواد علیه السلام گریز به شام_غریبان #سبک_یارالی_جان_یارالی و … ( 4 سبک ) مرحوم نجمی تبریزی و مرحوم حافظی تبریزی یالقوز ایوده ویرورم حسرتیله جان آناجان گل جواد اوغلووا دوت شام غریبان آناجان ئوز عیالیم من خونین دلی مغموم ایله دی کینه سین ویردی بروزه آنا مظلوم ایله دی قلبیمی پارچالادی زهریله مسموم ایله دی قلبیمی زهرجفا ایله دی آلقان آنا جان اوز الونله آنا گل قبلیه دوندر یوزومی قویما بو پارچالانان قلبیده گیزلین سوزومی باغلا اوز معجریویله ایکی آغلار گوزومی باشیمی آل دیزیوه جان ویروم آسان آنا جان علتی وار بو قدر گوگلره نالم اوجالوب صرصر جور و جفادن گلِ عمروم سارالوب گل یوزوم یرده گوزوم یولدا سوزوم دیلده قالوب تیر محنت ایلیوب قلبیمی شان شان آناجان سالدی دیلدن منِ محنت زده نی درد و محن یوخدی بالینیمه بو حالیده بیر کیمسه گلن اوغلووام گل ویرورم جان بو غریب ئولکده من گوزلریم یولدا قالوب گل سنه قربان آناجان سن آنا هاردا غریب ئولسه اونون همدمیسن گوگلونون گیزلین اولان محنتینین محرمیسن غملی لر غمکشی غربتده سرشگ غمیسن آلاسان دردینی هر آن دِیَه سن جان آناجان سالوب اکبادیمه اود زهر جفا اودلانورام آتش زهریله اودلانماقی آسان سانورام بیر ایچیم سو ویره نیم یوخدی عطشدن یانورام سو گتور قویما یانوم چوخ من نالان آناجان دیله گتدیم سو آدین گر آنا عفو ایله منی آغلادار قان اولا سو صحبتی هر یرده سنی اوغلوا ویرمدی بیر شربه سو اشرار دنی سو یانیندا سوسوز ئولدی شه عطشان آناجان حسرتیله آنا آخر الیم الدن اوزولوب جام چشمیمدن اوزه اشک روانیم سوزولوب قطره قطره اورگیم قانی دوداقه دوزولوب غبطه بو قانه ایدر شطه مرجان آناجان کیم وطن سیزلره غربتده هوادار اولاجاق دردینی دلدن آلوب محرم اسرار اولاجاق گلمه سن شام غریبانیم آنا خوار اولاجاق دوتان اولماز منه بیر شام غریبان آناجان گوگل آلچاقلیقی هر آنیده ایلرسن آنا هامی اولادیوه برپا ایده سن بزم عزا هارا اولسا گیدسن بِلده الون دیلده نوا اولا بغداد و یا شهر خراسان آناجان سن هامی اوغلون ئولنده گوزونی باغلامیسان آچمیسان باش یوزه گوز یاشی توکوب آغلامیسان غم اودوندا دل ماتمزده وی داغلامیسان سس چکوب ایلمیسن ناله و افغان آناجان غمی بیر اوغلوون اما هامی غمدن باش اولوب گورموسن غسلی قزل قان کفنی اوخ داش اولوب نعشی اوستونده اونون قانیله زلفون یاش اولوب آغاران ساچلاریوی قان ایدوب الوان آناجان ساچدون اوردا او قیزل قانیله بیر گل باشیوا ایلدی غبطه هامی سوسن و سنبل باشیوا او گل اوستونده سووردون نیه بس کول باشیوا اولا ویرانه گوروم کوفۀ ویران آناجان گل منیمده باشیم اوستونده باش آچ ایله فغان سینه داغلا یوزیوه گوز یاشیوی ایله روان یوخدی بو حالیده احوالیمه بیر کیمسه یانان ویرورم حسرتیله جان من نالان آناجان یازیلان دمده بو اشعار ایکی اکبر واریدی ناجیان اکبری فرهودی اصغر واریدی ئوزگه اوضاعیدی بیر عالم دیگر واریدی هامی گوزدن توکورلودی دُر رخشان آناجان #کانال_نوحه_یازینب_سلام_الله_علیها ئوز وفاتیمده بو بش خادم شاه شهدا پیشنهاد ایلدیلر تا که بو نوحه یازیلا « نجمی » و « حافظی » یازدی ایلدی حقین ادا اولدی بر پا منه بیر شام غریبان آناجان

طفــلان زینـــب 🏴🏴🏴🏴🏴🏴🏴 بسدی چوخ اسرار ائلمه ، گلمه نوای زینب یوللورام اوغلانلاریـــوی ، قانلی منای زینب زینبیــــم اللهَ ، تــــوکل ایله حضرت زهرایه ، توسل ایله غصه شریکین باجیسان ، نیه پوزولدی حالین ساخلادیم اوغلانلاریوی، چوخ اولماسین ملالین گوزیاشیوی توکمه بو سن ، بودا اوزی دهِ حالین قیزلاریوی حاضر ایله ، غـم عـــــــــزایه زینب زینبیــــم اللهَ ، تــــوکل ایله حضرت زهرایه ، توسل ایله   ایندی کی حجرانه ویریب ،آتالاری اجازه قوی قالالار بالالارین،اوزون قییت حجازه بیراز گچر خیمه لره ، گلر ایکی جنازه فاطمه قیزلاری ورر ، صدا صدایه زینب زینبیــــم اللهَ ، تــــوکل ایله حضرت زهرایه ، توسل ایله   من گورَ بولمم باجی جان ، گوزونده گوزیاشین وار دوزموسن اَللی ایل غمه ، بلا چکن باشین وار سسله ابوالفضلی سنین ، بیرایله قارداشین ار گوی یولا سالسین بولاری، ائتمه گلایه زینب زینبیــــم اللهَ ، تــــوکل ایله حضرت زهرایه ، توسل ایله   اکبراولَنده باجی سن ، تَسَلّی وردین منه منده بو محنت ده گَرَک ، وِرَم تسلی سنه چوخ آز قالیر باشلاریمی ، گِئدم آلام دامنه سنده چاغیر غریب آنا ، گلر هـرایه زینب زینبیــــم اللهَ ، تــــوکل ایله حضرت زهرایه ، توسل ایله   هر آنانین باتسا اگر ، گوزل بالاسی قانه قانلی لباسی یتیشر ، او بی کـسه نشانه خیمه لرین قاره سی اولار ، اورک گلر فغانه چاتار نشانی بولارین ، اهل جفایه زینب زینبیــــم اللهَ ، تــــوکل ایله حضرت زهرایه ، توسل ایله   غصه لی قلبینده سنون ، اگر کی چوخ سوزون وار دوز بولارین دا غمینه ، کی غملــــــره دوزوم وار یوم گوزووی چون کرم ، فاطمه ده گوزون وار گوندر ایکی دسته گولی ، خیرالنسائ زینب زینبیــــم اللهَ ، تــــوکل ایله حضرت زهرایه ، توسل ایله   کیم گئده فاطمه یولون ، دیلیده گَرَک داغ اولسون یاخشی وریرسن امتحان, زینب اوزن آغ اولسون گوی گئجه باشدان بالالار ، سنین باشین ساغ اولسون دوز غمه باشیوی اوجاد ، عرش خدایه زینب زینبیــــم اللهَ ، تــــوکل ایله حضرت زهرایه ، توسل ایله#کانال_نوحه_یازینب_سلام_الله_علیها 🏴🏴🏴🏴🏴🏴🏴

کوچ از قتلگاه ✍هوشمند تبریزی ائتدی دین  یولوندا آخان قانین               کربلا چولون  با صفا حسین زینبین گئدیر کوفیه قوناق                  بیله یاتما دور سال یولا حسین جانیمیز بو جانه فدا حسین (۲) دور ایاقه بیر خواب نازیدن               ای منیم پناهیم نه یاتمیسان بستر ائتمیسن قانلی توپراقی             زینبی غمینده قوجاتمیسان کربلا چولون ائیلدین وطن       حقه باش وئریب باش اوجاتمیسان ای اومید  عالم اویان ندن                اهل بیتوی گوزدن آتمیسان باغریمیز دونو ب قانه غصه دن          یوخدی بیر نفر آشنا حسین دور ایاقه سال زینبی یولا           درد و غصه دن باغریقان گئدیر شام و کوفیه  جبریله بو گون          سندن آیریلیر  کاروان گئدیر دفن ائدنمدی نعشیوی باجین              هر یئره گئده ناگران گئدور قتگاهه باخدوقجا قلبیمه                 غم گلیر اورکدن توان گئدور یوخ امان اقلی باجون سنه             قتلگهده دوتسون عزا حسین وار یئری بو غم واردی تا نفس              آل حیدری   یاندیرب یاخا ویرمدي سنه قاتلین سودان                    چوللره فراتی   آخا    آخا یوخدی جسمیده صاف  یئرین  حسین        اولموسان  نشان نیزیه  اوخا بیر کس اولمادی یاراولا بیزه         دفن ایداخ سنین نعشیوی اخا هاردا واردی سن تک فدا اولان               یا کی  کربلا تک منا حسین. #کانال_نوحه_یازینب_سلام_الله_علیها

حضرت علی اکبر عليه السلام قربان کیمی ئوز قانینه غلطان بالام وای قرآن یولوندا دینینه قربان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه عزم ایلدون حیدرکیمی کوی جهاده یانّام سنون بو دردوه من فوق‌العاده گیتدون عقاب اوسته اوغول گلدون عباده سو ایچمیوب الده ئولن عطشان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه فانی جهانه عار اولا یکسر یالاندی هانسی گناهه جام امیّدیم جالاندی صَرصَراَسوب آرزی باغیم سولدی تالاندی گیتدی فنایه لاله و ریحان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه بو آرزدیدیم باغ دلدن لاله دَرّم بیر گون طویوندا ای وجاهتده مُکرّم زیر قدوم نو عروسه لاله سَرّم وای بختیمه سسلور آنون الان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه ای مرغک خوش منظر و شهپر سفیدیم تار تِلون تک قطع اولوب تار امیدیم سس ویر سسیم باتدی ایا زیبا شهیدیم آغلار سنه هر صاحب وجدان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه عمریم سماسیندن سوزوب گیتدون زواله قانیله پرده سالموسان سولموش جماله هیچ بیلموسن اما ننون قالدی نه حاله قبره گیدینجه ایلرم افغان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه قلبیم تلاطم ایلیور سینمده قالمور سعی ایلورم صبر ایلیم آرامش آلمور هی اوخشیوب هی آغلورام دردیم آزالمور اون سگیز ایل هر دردیمه درمان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه احوالوه گوز یوخ دل سوزانیم آغلور قلبیمده قان جوشه گَلور شریانیم آغلور اوغلوم سنه هر جان دینده قانیم آغلور هی آغلیوب هی سسلرم گریان، بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه آی تک غروبی کیم سنه ئورگتدی اکبر قانلی عباده پیکرون راحتدی اکبر دنیا منه سنسیز بوگون ظلمتدی اکبر قانلی جمالی چون مَه تابان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه هیچ لاله سن تک ای گوزل گُل پرپر اولماز باشون کیمی عالَمده سینمش گوهر اولماز دنیانی گزسون من کیمی هیچ مادر اولماز حنجر انوبدور باشووه هاردان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه گرچه بو باشون یاره‌سی رمز ظفردی قرآن الینده پیکر دینه سپردی باش یارون اما باش دئمه شق القمردی آغلار سنه منظومۀ کیهان بالام وای لیلا آنون دل داغلیار  تا ئولمیوب قان آغلیار سن تک جوانه       ای ناز دانه. #کانال_نوحه_یازینب_سلام_الله_علیها