‍ ‍ ‍ ‍ ‍ #دعاهای_مجالس وعده میزانشاءالله کربلااولا بین الحرمین اخرمجلس اللرو قووزا گوه بش دفعه سسله الهی یاالله الهی یاالله الهی  یاالله الهی یاالله الهی  یاالله خدایا به احترام دلسوخته زینب اللری که  که درگاهیوه بلند اولوب  ناامیدومایوس سینه لره قیترمه بارالهاامین دیین دیلری گرفتاربلا ایلمه کربلانی گورمه مش اسیرخاک المه تمامی دردی اولانلارین حاجتی اولانلارین التماس دعا ایلین لرین بوقاپیدا مقضی المرام ایله التماس دعاایلیری به احترام دل سوخته رباب شب شام غریبان رقیه نین اوباباوای ناله سینه خاطر خدایاتمام مریضلره شفاء وره مریضیلره شفاء ورمینن خانواده لرین خوشحال اله الله بومحرمی بیزلراخرین محرم قرارورمه الهی اولین روزماه محرم بواق سقللرجوانار عزادار ارباب بی کفن اولوبلارخدایابو عزاداریلره عالی درجه ده قبول ایله بودنیاده امام حسین اقانین زیارتین واودنیاده شفاعتینن بهرمنده ایله بیردنه دعاایلیوم اوجا امین دیه الله امام زمانین ظهورینده تعجیل ایله شب جمعه دی الهم لعجل ولیک الفرج 2 التماس دعاایلیینلرین مریضلری وار خانواده لرین التماس دعاایلدی  الله به احترام باالحوائج ابوالفضل بومریض ده شفاکرامت ایله خدایا بومریض شفاء ورمگین اونن صحیح  سلامت  قیتمین خانواده لری خوشحال ایله شهادت دررکاب حضرت ولیعصر اقاامام زمانین رکابنده بیزلره نصیب و روزی ایله   مسئولین دلسوزنظام مقدس جمهوری اسلامی راسینده مقام عظمای ولایت الله  ابوالفضله خاطر یرین گوون بلیاتینن حفظ ایله بوحسینیه دن اسیر خاک اولاناره روحین   اربابا قوناق ایله اولنرمیزن روحیین بو مجلسین ثوابینن فیض  واصل ایله اموات میزین روحین شاد ایله دوباره التماس دعاایلدیلر خدایا دردی اولان وار حاجتی اولان وار خدایا سنی اندورم او بیمار مصلحتی کربلا  امام سجاد اقانین اوبوینون رنجیره آیریلاندا اربابین ایاخلارن باقلاددیلار امام سجاد اقانین قولارین باقلادیلار اقابیرباخدی اوی یخیلانار ایاقیمی باقلییسیز من کی اچان دیرم نقدرساقده رقیه قویب قاچان دیرم خدایا به احترام امام سجاد اقا تمام مریضلره شفاءکرامت ایله امواتمیزن روح شادارواح طیئبه شهداامام شهداوشهداکربلا اموات این جمع رحمه الله من یقرافاتحه مع صلوات دعای اخر مجلس مداح ( استاد طالبی )

‍ ‍ ‍ روضه حضرت محمد(ص) بسم الله الرحمن الرحیم یارحمان ویارحیم یارسول الله بو غمدن کون وامکان آغلادی ایلدون رحلت سنه آیات قرآن آغلادی شهر یثربده اوجالدی گولره آه ونوا بیر طرفده حضرت زهرا دیور ای وای بابا بیر طرفده باش اچیب مولا علی المرتضی علی عمامه نی قویوب یره زهرادولانیر پیغمبرین باشینا عالم معناده عرش حی سبحان آغلادی یا رسول الله شب شهادت امام حسن شب رحلت رسول گرامی اسلام یارسول الله ندن بس اولمادی محشر عیان پنج تن جمع اولدی بیر یرده اولوب اشگوز روان معجرین آلدی اله زهرا ایدوب دادو فغان ایله ناله ایلور خانم دولانور بابا باشینه هر دن دیور بابا بابا سارالان رنگوه قربان بابا زهراگودی او اثناده قاپی دولدی گیمسن دیدی بیرعربم خانم بوردیو بابامین حالی یوخ دی حال ملاقاتی یوخدی دوباره قاپی دولدی خانم آچما دی بیرده قاپینین سسی گلدی بابا گوزلرین آچدی زهرا بالا قاپینی آچ بالا زهرا بیلسون قاپی دوون کیمدی بالا اوملک الموتیدی قابیزل ارواحدی قیز اوشاقین اولا بابینن ارادا بیر محبتی اولار زهرا گلدی یوزون قویدی بابامینن یوزونه خانم گوزونون یاشی توگولور التماس دعا واریمدی ای بوگجه پیغملرین قاپیسینا گلنلر زهرانن گوزنین یاشی توکولور علی آغلیر زهرا آغلیر پیغمبر جان ویرور علی بویورور گوردوم بابا بالا قولا قینه بیر سوز دیدی زهرا تبسم ایلدی علی دیر سورا زهرادن سوال ایلدیم بابان نه بویوردی خانم دیدی عمه اوغلی بابام بیله دیدی زهرا نگران اولما قیزیم اولین کس که گلر یانیمه سن اولارسان بالا بالا بو یاخینیقاگلرسن بابا دیدارینه پیغمبر اجازه ویردی قیزیم آچ قاپینی بو هیچ کسدن اجازه آلماز اما بوردا بیر روضه اورگیمدن گیچدی آی آماده ایلشنلر دیورم یا رسول الله ملک الموت زهرادن اجازه آلدی اما اوچ گون سندن صورا بالاون قاپیسینا اوت ویردیلا اوشیوز 300 جماعت علینون قاپیسینا یاندیردیلا علینین الی قالدی بیلینده زهرانین الی قالدی سینه سینده خانم یواش یواش دیور گل فضه قاپیم یاندی شرار غمه یاندیم سقط اولدی بالام محسن اوزوم ده یارالاندیم خانم غش ایلدی بیر زماندان صورا گوزون آچدی گوردی علینی آپاردی لار اپارمیون عم اوغلومی وفالیم دوزمرم آچون عم اوغلومون قولون یارالیم گلنمرم خانم گوردی علی گیدور اما حسن آغلیرحسین آغلیر گوزلرین آچدی خانم باخدی بیراز صاق صولونا عاشقانه ایلدی تکیه حسینون قولونا دیدی اوغلوم گوزون آچ باخ بو شرافت یولونا بو یولون قانه باتان مقتلی وار سنگری وار اوخی وار قمچی سی وارنیزه سی وارخنجری وار خانم گودی اوبالاجابالانین گوزلریندن یاش جاری ایله یواش یواش دیور ننم لایلای بالانی باسدی باغرینا اوغول منه لایلای دیگون دیللره زهرا قربان مهربان لهنوه گوفتاروه دنیا قربان گوزلروندن توکولن یاشلی را دریا قربان دیدی گون لایلایا گوز یاشیمی گوزدن سیخارام عوضین گلم اوغول کرب بلاده چیخارام بامداحی استاد طالبی

🏴#احولات_اربعین 🏴زبانحال حضرت زینب(س) ▪️سینه زنی 🎼 سبک: گئت قالما علی غم سوروسونن دالا لایلای، لایلای بالا لایلای 🎼سه گاه آذری زینب قوجالیب گلدی حسین قبریوه زوار بی یارو هوادار امر ائت منی پیشواز ایله سون، قولسوز علمدار عباسه سوزوم وار گورسون نئجه ایستکلی سی اولموش گونی قاره وار دیلده شراره دوشمیش قولی باغلی بو دیارو او داره بی مونس و چاره بیر تیر شمادتله دییوب قلبینه یاره بی حدو شماره آرام دیلین الدن آلیب فرقه ی اشرار بی یارو هوادار سیزدن سورا کی خیمه لری ائتدیله غارت افراد جنایت یاندی شرر ظلمیله کانون سیادت اخیام ولایت صحرا لره قوش تک داغلیب قورخولی عترت دیللر دولی حسرت سسلردی قاچان هاردادی غیرتلی علمدار بی یارو هوادار یار اولدی بو عفریته فلک قوم عناده عصیان و جفاده سویدی بیزی اشرار ستم دشت بلاده تاچاتدی مراده آهو کیمی ویلانیدی اطفالون اَراده گلمیشدیله داده سجدده باجون خیمه ده اولموشدی پرستار بی یارو هوا دار گوز یاشیمیزی ظلم الی خون دیله قاتدی حقون سسی باتدی سعد اوغلی گیدوب بستر اجلالیده یاتدی حقون سسی باتدی ____ #اوخشاما آنام اوغلی ایشقلی گون منه سنن سورا قرا گیجه دی بویور گوروم آنام اوغلی یارالارون نئجه دی _

‍ ‍ ای حسین عاشقی فخر ایله قرا کوینگووه وئره جک فاطمه محشرده بها کوینگووه رخت شاهانه گیوب فخر ایلین سلطانلار باخاجاق حسرتیلن روز جزا کوینگووه عشقووین عطرینه هر ائیل بویا اول صورا گی ساخلا زینب کیمی آداب وفا کوینگووه حرمتین حفظ ایله قرآن کیمی ئوپ قوی گوزووه سعی ایله قویما دگه رنگ ریا کوینگووه آند اولا کوینگی اللرده قالان سلطانه زیر و رو اولسا فلک یوخدی فنا کوینگووه آناوین قدرینی بیل قاره گیندیردی سنه گئت دئدی سینووه وور سسله علمدار آقاوی ایلسین عرض ادب شاه و گدا کوینگووه هر نئین قیمتی وار مشتری سین تاپسون اگر ساتما ، هر کس وئره مین کیسه طلا کوینگووه قبریده گورسه ملکلر قره پیراهنووی اولاجاق مهر ملوکانه ادا کوینگووه ائله کی پیکرووی قبره قویوب گئتدی هامی باخاجاق قبریده شاه شهدا کوینگووه دیه جک کوینگون اوخشور قیزیمون کوینگینه قوی ووروم بوسه مستانه عزا کوینگووه کوینگون سالدی منیم یادیمه مظلوم بالامی احترام ایلر اودور آل عبا کوینگووه شام یوللاری اوزونلوقدا غمیم واردی منیم... باخبر اول گوزوین یاشی آخا کوینگووه اوقدر قمچی وورولدی بالاما یوللاردا اوخشادی قوللارینون رنگی قرا کوینگووه....... تقدیم به همه عزاداران وسیاه پوشان آقااباعبدالله الحسین علیه السلام

‍ ‍ در شهادت حضرت خاتم الانبیا (ص) شاعر مرحوم حاج محمد حسین جنّتی مقام (صحاف تبریزی) ایلیوب رحلت شه بطحا بو گون باش آچوب ایلر نوا زهرا بو گون مصدر وَالعَصر بزم غم قوروب آفتاب دین بو گون ایلوب غروب ظلمت غم شش جهاتی دولدوروب وار یری قان آغلاسون دنیا بو گون غرق اولوب بحر غمه لاهوتیان آغلاشور سبّوحیان قدّوسیان عرش اعظمده خدای لامکان ایلیوب بزم عزا برپا بو گون جا وئروب جانانه ختم المرسلین هادی دین رحمةً للعالمین عارضه قانیاش توکر روح الامین الده تاجی دلده واویلا بو گون ثابت و سیار دگمش بیر بیره آز قالوب گوگلر توکولسونلر یره نقض اولوب خطّ بلاده دائره رخنه تاپدی قطب دین گویا بو گون ای گوزوم ایله بکا پیغمبره آغلوری ارض و سما پیغمبره ساخلیوب یکسر عزا پیغمبره حوریانِ جنَّةُ الماوی بو گون ایلیور گویده منادی لر خطاب بو همان گوندور اولوب یثرب خراب باش آچوبدور عترت ختمی مآب ورد ایدوب سبطین واجدّا بو گون تتروری وحشتدن عرش ذوالجلال صورت اجزا تاپوب تغییر حال یوز وئروبدور کائناته اختلال غملنوب دنیا و مافیها بو گون دین اسلام اوسته بو ناموس دین چوخ چکوب زحمت ائدوب دینی مبین ماتم خیر الوری دور ، مسلمین ایلمز شور و نوا آیا بو گون چکدی چوخ زحمتلر اول مولای دین زحمتیله ایلدی احیای دین باشینه کول توکدولر اعدای دین اولدی زحمتدن خلاص امّا بو گون ائتدی تبلیغ شریعت امّته عترتین قویدی امانت امّته احترامین ائتدی اجرت امّته حرمتین هتک ایلدی اعدا بو گون سارقین دین کمینگهدن دوروب حقّی ناحقّ ائتماقا مجلس قوروب رکن دینه صدمۀ اعظم ووروب محو شرعه ائتدیلر شورا بو گون ای حبیب لامکان سندن صورا چوخ بلا چکدی قزون خیرالنّساء قویدولار یرده جنازَن اشقیا فاطمه سسلندی واغوثا بو گون آچدیلار ال چرخ عصمت ماهینه باخمادی بیر کیمسه سوزِ آهینه ووردولار اود فاطمه درگاهینه شرح ظلمه  دلده یوخ یارا بو گون امّتون جور و جفادن دویمادی قبره گرچه جسم پاکون قویمادی دشمنون اما لباسون سویمادی ائتمدی چوخ نعشیوه ایذا بو گون قیل گذر بیر کربلا صحراسینه باخ حسینون چاک چاک اعضاسینه غرق اولوبدور جسمی قان دریاسینه حالینه باخ آغلا یان شاها بو گون نوحه یاز «صحّاف» ائت آه و فغان زحمتون گئتمز هدر قطعاً اینان روز محشرده دیرسن شادمان اجریمی لطف ایله یا زهرا بو گون #سبک #پیامبراسلام_شهادت #ایلیوب_رحلت_شه_بطحا_بو_گون

روضه شهادت حضرت روسول اکرم سلام الله علیها عمر رسول خدا     تاپدی بو گون خاتمه باشه قرا باغلیوب    ناله ائدور فاطمه زهرا سسلور دئیور ایوای بابا عرش اهلی سسلور وا مصطفی (۲) 🌾🌾🌾🌾🌾🌾🌾🌾🌾🌾 باتدی فلک ماتمه     قاره گیوب فاطمه گویده ملک آغلاشور      پیمبر خاتمه  ابرغم  سایه سالوبدی عالمه ای وای قالدی آتاسیز فاطمه (۲) 🌱🌱🌱🌱🌱🌱🌱🌱🌱🌱🌱 شمس هدایت باتوب  عالمی گوزدن آتوب دوشدی نفسدن داخی  مفخر عالم یاتوب باتدی یثرب بو غمده ماتمه قاره  گیدی  رسول  خاتمه( ۲) 🌾🌾🌾🌾🌾🌾🌾🌾🌾🌾🌾 دخت رسول خدا    اولدی غمه مبتلا باشدا قرادیلده شور  سسلنورایوای بابا گل رحم ایله بابا بو ذیغمه گورنه حاله قالوبدی فاطمه( ۲) ایتمه غمونده بابا     غصه لی قلبیم یارا صبح امیدیم اولار   ظلمت شب تک قرا هجرونده بابا دل داغلارام هرگجه هر گوندوز آغلارام( ۲) شاه مدینه دایان   ائتمه منی باغری قان قانه دونر گوز یاشم  آی بابا سنسیز اینان قلبیمین آرتور غم غصه سی سنسیز زهرانون یوخ بیر کسی (۲) شام وسحرگوزیاشم  عارضه من باغلارام قلبیمی نار غمه     وای بابا وای داغلارام غمدن باشه قاره باغلارام اولسا عمروم نقدری آغلارام( ۲) باشیوون اوسته بابا گورنجه گوللرسولوب ابر بهاری کیمین  گور نه حسینیم دولوب قویما غمگین اولا ریحانه وی آل  آغوشه  بابا  دردانه  وی( ۲)

‍ آغلاشور عرشیان عرشیده دلده نوا ترک ایدوب عالمی حضرت موسی الرضا دلده آه و نوا سسلور اهل سما یا رضا جان یا رضا جان قلب عالم یانوب آخر ماه صفر زهر انگوریله اولدی رضا خونجگر قبلی یاره گیدوب قبره او والاگهر ایندیده حالینه اشگین الر شیعه لر قان اولوب لبلری آخدی اشگ تری یا رضا جان یا رضا جان چوخالوب قلبیده شیعه لرین ناله سی حضرت کاظمین ئولدی جگر گوشه سی جان ویروبدور رضا عرشه چاتوب ناله سی جان ویرن لحظه ده اولمادی هیچ بیر کسی اولدی مسموم آقا ئولدی مظلوم آقا یا رضا جان یا رضا جان شهر مشهد اولوب وادی آه و نوا دست مأمونیله سولدی گل مرتضی اللی ایل غم چکوب ئولدی امام رضا اولدی زهرا گولی کشته ی زهر جفا سسلر اهل ولا علی موسی الرضا یا رضا جان یا رضا جان هشتمین پیشوا رهبر عالی نهاد یار قرآن و دین٬دشمن ظلم و فساد یرمی ایل کرسی حقده ایدوب عدل و داد سگیز ایل درک ایدوب محضرین اوغلی جواد رهبر شیعیان فخر ایرانیان یا رضا جان یا رضا جان مداحی استاد طالبی