❣زبانحال حضرت زینب(س)بامادر❣
آزعمر ائدن جوان ئولن گجیله گئتمه آی ننه
نَه تِز گینموسن کفن ،گجیله گئتمه آی ننه
گورَنده هَر کبوترین سینوب قَنادی آغلارام
اذان سَسینده جَدّیمون گلنده آدی آغلارام
بوائوده سَنسیزآی ننه گونوم قرادی آغلارام
سولوبدی گلشن وچمن گجیله گئتمه آی ننه
یتیم اوشاقلارون ننه نجه بوائوده ساخلاشار
باخانداگُل جنازووَه حسن حسین قوجاقلاشار
قوجاقلاشار ایکی بالون ائواهلی باهم آغلاشار
دیَرحسین دیَرحسن گجیله گئتمه آی ننه
جوانلیقوندا قبره سن سفربساطی باغلادون
بوگئتمگونله آی ننه یارالی قلبی داغلادون
کچَن گجه بو زُلفیمه وراندا شانه آغلادون
اولوبدی یولداشیم مِحن گجیله گئتمه آی ننه
اوجادان آغلاسام اولار بوآیریلیق جهانه فاش
اَلیمی قوینوماقویوب سیزیلدارام یاواش یاواش
نَنم گنَه بوزُلفیمه وریدی شانه بیرده کاش
شکسته قلبی ائت وطن گجیله گئتمه آی ننه
کچَن زمانه بو ائوَه دوباره یوخ گمان گَله
پیمبره قوناق گئدن گئدور ولی هاچان گله
آماندی گئتمه قورخورام قاپونی یاندیران گله
گلر او عامل فِتَن ، گجیله گئتمه آی ننه
عالمده بیزیم مکتب پرقیمتمیزوار.
یاران جوانمردوابرغیرتمیزوار.
حیدرکیمی ارباب قدرقدرتمیزوار.
بیزحیدریوک عالم اراشهرتمیزوار.
تاواردی علینون آدی امنیتمیزوار.
سربازحسینوک شرف وحرمتمیزوار.
جاهلده نه غیرت بوبیزوک غیرتمیزوار.
الطاف خداوندجهان یاورمیزدی.
به به پدرفاطمه پیغمبرمیزدی.
اسلامون علمداری بیزیم حیدرمیزدی.
یافاطمه تاوارجانمزازبرمیزدی.
آقای جوانان بهشت سرورمیزدی.
حیدرآتامزفاطمه ده مادرمیزدی.
زهرابالاسی مهدی بیزیم رهبرمیزدی.
مهدی نقدرواردی بیزیم قدرتیمیز وار.
#کانال_نوحه_یازینب_سلام_الله_علیها
4_5789731934959567738.mp3
2.59M
حاجی _ مهدی _ رسولی
#کانال_نوحه_یازینب_سلام_الله_علیها
السلام علیک یا فاطمه الزهرا
السلام علیک یا صاحب الزمان
ای شوق وصالنده اورکلرتلسن گل
ای حسرتینه امتی گوز یاشی توکن گل
چوخدا ندی اورکلر تلسور بغص گلوده
چیخ کعبدن ای امتینه ناز ایلین گل
مولا جانم
چوخدا ندی علینون قاپوسی باغلی قالوبدی
ای ریشه بیداد وستمکاری کسن گل
چوخدا ندی آنان فاطمه نین قبری تانمیر
یاالله
ای فاطمه نین غملی مزارین تانیان گل
آقا جانم گوزوموز یولدا
منتظروک یوسف زهرا
ارباب من اویانان قاپینین انتقامی آلاسان
اوقاپی که مولا علی بویوردی بعد از شهادت زهرا
اوغول حسن اوغول حسین
دایان یانان قاپیا
یاسه گلن اولار بالا
بالالار دایاندی قاپیدا
امام زمان گلن اولمادی
مولا بویوردی بالا قاپینی باغلا
قاپینی باغلادیلار بی دویونجا آغلادیلار
نه گلن وار نه گئدن واردی علی تنهادی
دورت شیرین دل بالا اطرافین آلوب غوغادی
بالالار آغلور علی یاسنه یاسین اوخودی
اچیغیدی قاپی یاسه گلن اما یوخودی
یوز دوتوب زینبه گوزیاشلی اوسلطان ولا
زینبیم سن دئدی بی کس ننوی اوخشا بالا
اوخشا بوشهریده بی یارو حبیبوک بیلوسن .
کیمیمیزوارقاپویا باخماغریبوک بیلوسن.
سن شیرین دل لریله اوخشا دی بی کس ننه وای
آغلیوم منده دیوم یاره لی زهرا لای لای
مداحی استاد طالبی
#لعن_الله_قاتلیک_یا_فاطمة_الزهرا
#کانال_نوحه_یازینب_سلام_الله_علیها
608.4K
زبانحال حضرت زینب (س) در شهادت مادر
(سبک : ای قلم سوزلرونده اثر یوخ )
عمری آز دردی دریا ننم وای
سینه سی یاره زهرا ننم وای
نیلمیشدون سنی درده سالدى
بو یوزی قاره دنیا ننم وای
****
زینبی سن نه تئز گوزدن آتدون
آخدون اولدوز مثالینده باتدون
دویمیوب دورت بالون گول یوزوندن
نصف شبده گئدوب هاردا یاتدون
****
زینبون غملی غمخواری لایلای
آغلیان هر گیجه یاری لایلای
گول یوزینده قالان ظلم الیله
سیلی نون نیلی آثاری لایلای
****
تاپشوروبسان منه جان وئرنده
آغلاما بیر نشانیم گورنده
نیله رم من گونی قاره زینب
زلفومی فضه اسماء هورنده
****
من گئچن گونلری یاده سالّام
عطرووی قانلی کوینکدن آلّام
گوزلریم یول چکر دیلده ناله
بوینی چگنیمده حسرتله قالام
****
آغلیاندا من آغلار حسینون
قلبیمی غمله داغلار حسینون
اوتلانان درگهی حسرتیله
گون باتان وقته باغلار حسینون
****
سویلیر گل باجی آغلیاق بیز
اشک حسرت یوزه باغلیاق بیز
سوز آچاق هجر اوتوندان بو ائوده
بو یانان سینه نی داغلیاق بیز
****
توش اولوب درده قلبیم هاچاندی
اوت دوتوب قلبیمون باشی یاندی
سن دی نوحه باجی آغلیوم من
گور حسینون نئجه باغری قاندی
****
یاندیرار بو حسینون جهانی
سوزسه گر جام چشمینده قانی
بو سببدن ئورک قان اولاندا
سسلیر دادینه لامکانی
**
✍احد واحدی
#کانال_نوحه_یازینب_سلام_الله_علیها
آرزوی قلبےشیعیان جهان
بار الها قیل عنایت قلب شیعه دینجله
فاطمیه گونلری قان آلماقا مهدی گله
ذوالفقار و پرچم الده کعبه بامینده دورا
تا اناالمهدی سسی کل جهانی دولدورا
ذورلفقار حیدر الده ، سودۀ الماس تک
غیضیله سوز باشلیا مارد بولن عباس تک
قیل نظر بیت اللهه اوسته پرچم نصرت ویرا
دشمنان دین و قرآنون وقارین سیندیرا
قوم وهابیتون تا رشتۀ وصلین کسه
نسل ناپاک وپلید ثانینون نسلین کسه
قیل نظر بیر ایش گوره تا قلب زهرا دینجله
عدنیدن محسن قوجاقینده تماشایه گله
بین وهابیت ومهدی خانم قاضی اولا
عدل ودادوانتقامیندن ئوزی راضی اولا
ددمنشلر دودمانین یاندیروب دود ایلیه
قلب زهرانی امام عصر،خوشنودایلیه
قیل نظرخاک حجازی فتنه دن پاک ایلیه
خاک پاک قبر زهرانی فرحناک ایلیه
خلقی ارشاد ایلیه اهداف ، حبل الله اولا
حزب ،دنیاده فقط حزب رسول الله اولا
حضرت خلاق داوردن او دم رخصت آلا
قبرزهرا اوسته مولا بیرگوزل گنبد سالا
حیدر و زهرا آدین دنیاده سرمشق ایلیه
قبر زهرانی جهاندا مرکز عشق ایلیه
قویمیاطرح ضریحی آیری دولتدن گله
استغاثه ایلیه تا طرحی جنتدن گله
ویرمیه رخصت اونا هرکس مصالح آلدیرا
شبه لی اموالیله زهرایه گنبد سالدیرا
گوزلیه الله اونا مردان صالح گوندره
عرش اعلادن ملکلرده مصالح گوندره
گنبدین عرشه اوجالدا هر طرفدن گورسنه
گنبد و گلدسته سی شهر نجفدن گورسنه
صحن وایوان ورواقین نورباران ایلیه
گنبد و گلدسته نین دورین چراغان ایلیه
بار الها قیل عنایت عالی ترمیم ایلیه
یر یوزونده جنت الاعلانی ترسیم ایلیه
کیم زیارت عزمینه گلسه بقیعدن گیتمیه
گورسه زهرا جنتین ، هیچ جنته فکر ایتمیه
جنت الاعلای زهرایه باخان حیران قالا
عرشین اهلی عرش اعلادن باخوب عکسین سالا
آرزوی شیعه دی شاعر دیور بوسوزلری
بلکه اشک شوقیله دولدورسون آخرگوزلری
گرچه قبری قالدی گیزلینده بو دارفانیده
نور تک محشرده اما گورسنر بیر آنیده
نور زهرا حشریده حضاری حیران ایلیر
روز محشر،محشر دیگرنمایان ایلیر
سس گلربیرسمتیدن اگلشمیون مولاگلور
بیرطرفدنده دیللر محشره زهراگلور
امر اولار گوزلر یومولسون هامی گوزلرباغلانار
سینه لرده حبس اولاریورقون نفسلرداغلانار
اوردادا گوزیاشلارین رخساره باغلارشیعه لر
واحسیناسسلنرگوزباقلی آغلارشیعه لر
اوت احاطه ایلراوندا عرصه گاه محشری
آز قالار یاندیرسون آتش امت پیغمبری
سس گلر،زهرا،بولاردلدادۀ حیدردیلر
رحم ایله بو آغلیانلاراوغلوا نوکردیلر
قویما یانسونلاربولارهیئت قوران کسلردیلر
شاه مظلومانی هیئتده بولار سسلردیلر
چوخ امیدیم وار دیه عزت سیزیندور والسلام
ای حسین نوکرلری جنت سیزیندور والسلام
ابوالفضل فرهنگی
✨اَللّهُمَّ عَجِّل لِوَلیِّکَ الفَرَج✨
#کانال_نوحه_یازینب_سلام_الله_علیها
روضه حضرت زهرا س
الله الله گل نیلوفریم الدن گیتدی
اورگیم بندی گوزل همسریم الدن گیتدی
آتش غمده یانوب شام وسحر آغلیارام
دیئرم دلده مدام دلبریم الدن گیتدی
نی کیمی ناله ایدوب عالمی لرزان ایدرم
توکرم گوزیاشیمی گوهریم الدن گیتدی
گیجه نی صبحه کیمی هیچ یوخی گلمز گوزمه
چوخدی دلده محنیم یاوریم الدن گیتدی
باخارام بوش یرینه صبح ومسا وای دیرم
ایومون لذتی یوخ سروریم الدن گیتدی
نیلیوم چرخ فلک قویدی منی قاره گونه
گل ارزنده وخوش منظریم الدن گیتدی
ائل یاتانان صورا من اوزاوزمه آغلیارام
دیئرم سوزدی گوزل اختریم الدن گیتدی
(شاکر)
#کانال_نوحه_یازینب_سلام_الله_علیها
سلام بر حضرت زهرا(س)
سلام اولا سارالان گول کیمین سولان نَنییَه
بالاسی سقط اولونان دیلدن اوتلانان نَنییَه
😭😭😭😭
سلام اولا قاپوسی ظلم اَلیلَن اوتدا یانان
قاپی دالیندا قالوب سینه سی سینان ننییه
😭😭😭😭
سلام اولا یئرییَن وقت اَلین قویان بئلینه
گلین لیگینده اولان قامتی کمان ننییه
😭😭😭😭
سلام اولا دوگولن کوچه ده یوزی گُؤوَرَن
او سیلی دن گوزینه لخته قان دولان ننییه
😭😭😭😭
سلام اولا ئوز ائوینده یوزونی گیزلَدَنَه
بالالاریلا دویونجاق دانشمیان ننییه
😭😭😭😭
سلام اولا گئجه گوندوز حزین دعالرینه
نماز وقتی بیر اَللی قنوت دوتان ننییه
😭😭😭😭
سلام اولا باشا چاتماز قوتارمیاندی غمی
عزیزه قیزلارینا ناگران اولان ننییه
😭😭😭😭
سلام اولا حَسَنِین ، کلثومیله زینبینه
فراقینین اوتونا غمدن آغلادان ننییه
😭😭😭😭
سلام اولا او جوان وقتی حسرتیلن ئولن
تمامی آرزولاری قلبیده قالان ننییه
😭😭😭😭
سلام اولا گئجنین عالمینده قبره گئدن
بالالارین غم هجرانه یاندیران ننییه
😭😭😭😭
(سیامکا )غم زهرانی چوخ گتیرمه دیله
سلام اولا دئنَه قبری تاپولمیان نَنییه
#کانال_نوحه_یازینب_سلام_الله_علیها
آی عمری آز ملالی چوخ باشی بلالی فاطمه
پیمبرون خانم قزی ئورک یارالی فاطمه
عم اوغلووام فراقدن یوخیا گئتمیوب گوزوم
بالالارون یاتوب گئجه بقیعه گلموشم ئوزوم
بیرین تاپوب دینمدوم ز بس یانقلیدور سوزوم
رضای حقدی اول منیم سوزومه حالی فاطمه
حبیب حیّ داورون اگر چه من حبیبیم
اسیر جَوّ محنتم مدینه نون غریبیم
او منبریکه من اونون سخنور و خطبیم
علینون اوردا قطع اولوب گوزل مقالی فاطمه
صحابه لر اسیر اولوب وطنده هیچ کاریه
یانولّا خشکه عود تک ئورکده که شراریه
نه وقت اولار اوزاق دوشوب چخانمیور مناریه
پیمبرون موذِّنی حبَش بلالی فاطمه
اولوبدی باغلی قوللاریم مشیّتون طنابینه
مواظبم پیمبرون شریعت و کتابینه
ائویمده گوشه گیر اولوب اوتورموشام صوابینه
نه ایستورم خلافتی نه قیل و قالی فاطمه
شباهتیم وار اول کسه چو غنچه باغریقان اولا
امرو مسلمیندن همیشه ناگران قالا
گوزونده زهرلی تیکان گلوده استخوان قالا
کیم عُمر ائدور جهاندا گور علی مثالی فاطمه
چکنده مسجده منی او قوم پست و بد روان
حسین دینده آی ننه حسن دینده الامان
دوباره قنفذ دنی سنی ووروب یخان زمان
عم اوغلووندا بوینونا دولاندی شالی فاطمه
وئرنده غسلوی گئجه آلولانوب آلیشدی دل
باخاردی اشکلی گوزوم جنازووه خجل خجل
او ساعتی که پیکرون مزاره تاپدی منتقل
صفادن اولدی مرتضی اطاقی خالی فاطمه
خلافتون عواملی علیده گوردی نرمشی
قاپیمدا قتل محسنه یتیشدی ثانینون ایشی
گرک عیالین حفظ ائده خطر زمانی هر کیشی
فلک بو یرده وئرمدی منه مجالی فاطمه
دئمم چتیندی مرد ایچون غم زمانه یوز وئره
دیمم چتندی دشمنی ووروب عزیزین ئولدوره
چتین بو غمدی هر کیشی چخوب اطاقدن گوره
یارالی صحن خانیه دوشوب عیالی فاطمه
عبامی چکدیم اوستووه گورنده حالیوی بهم
گوز آچ دئدیم که عم قزی باشوون اوسته که منم
دور آشیانه شهپر آچ سن ای کبوتر حرم
دئدون نجه اوچا قوشون سناندا بالی فاطمه
نه نوعی هجر دفترین آچوب وَرَقلَه سون علی
نجه ائوینده اگلشوب دیزین قوجاقلاسون علی
اوزوندن ایلورم سوال ننوعی ساخلاسون علی
او دوُرت کیچیک گوزل باخیش مَلَر غزالی فاطمه
نجه بو قبری تک قویوم دوام ائدوم فراقیوه
نجه گئدوم انیس اولوم او بش قالان اطاقیوه
دانش گوروم سوزون ندور او دوُرت یتیم اوشاقیوه
دئمورسن هئچ نه حالدادور حسینون حالی فاطمه
گونوز چوخ آغلادی حسین گئجه دیل اولمادی دینه
بنفشه مثلی بوینونی اوتوردی قوید چیگنینه
دئدیم که هر گجون کیمی اوغول منه دانش گینه
دانیشدیرانمادیم ولی او خوش مقالی فاطمه
سوزی خلاصه ایلیوم عم اوغلوون سنوب بِئلی
بهار زندگانیمی خزان ائدوب ستم یِئلی
پوزولدی غملی صورته توکولدی زینبون تِئلی
ئولونجه زلفی تک اولار اونون خیالی فاطمه
✍مرحوم استاد انور اردبیلی
#کانال_نوحه_یازینب_سلام_الله_علیها
🩸حالات حضرت علی اصغر(ع)🩸
عاشق صادق اولار مفتخر اللهه گوره
غَلّیدن غَشّیدن ایلر حذر اللهه گوره
پرچم نصرت و عزّتدی بیزه قاره علم
مجلس تَعزیه ده جمله مَلکلردی خَدم
اولاجاق مَدّ نظرده بورا کیم قویسا قدم
بوآخان گوزیاشوزون قطره سین ایلولّه رقم
بزم ماتملری زهرا گَزر اللهه گوره
صادق آل محمّد بویوروب بیر نفره
جَدّیمون ذاکری محشرگونی دوشمزخطره
گئت رجوع ایله بو سوزده گنه اهل خبره
صورا اخلاصیلن آل فاطمه اوغلون نظره
بَسدی گر ائتسه بیزه بیر نظر اللهه گوره
ایلدون سن که حسین آدینه اَزبر سوزووی
عشقه سرمایه قویورسان گِجووی گوندوزووی
وقف شاه شهدا ایلوسن آغلار گوزووی
حیفسن پاک دولان لَکّه لی ائتمه ئوزووی
عاشق اَهریمن نَفسین اَزر اللهه گوره
درب دربار حسین باب شفاعتدی بیزه
او قَرا پرچمی منشورِ سعادتدی بیزه
اولسا گر حاجتیمیز دامن حاجتدی بیزه
آلتی آیلیق بالاسی باخسا کفایتدی بیزه
سائلین دردینی درمان ائدر اللهه گوره
سالاروق یاده گِنه فاطمه نون گُللرینی
صحن گلشنده سولان سوسن وسُنبللرینی
گُللری دوره لین نغمه لی بلبللرینی
غنچه نون آچماقینی باشداکی نسگیللرینی
باغبان اولدی اونا نوحه گر اللهه گوره
رسم اَعرابی یادینان چیخادوب قوم نفاق
میزبانلارسوایچوب تشنه قالوب خورداقوناق
چرخ دون ایلدی سیراب اونی بیلمَم نَه سیاق
آتانون اَللری اوسته بالا چالدی اَل ایاق
آتا باخدی بالیا دیده تَر اللهه گوره
اوچیلار اَملیک اووا رسمیدی ورمازلا یارا
اولمادی حرملیه بیر دیَن ای شوم و دغا
نازکیدی هدفون آتدوقون اوچ پَر اوخووا
صوداَمرحلقی هارا زَهریلی اوچ پَراوخ هارا
اولدی زهرا بالاسی خونجگَر اللهه گوره
دئدی یارب گوروسن خورداجادلداده گلوب
کوی عشقی دولانوب مَحضرووه ساده گلوب
گرچه دیلسیزدی بالام عشقیده فریاده گلوب
وَصلووه مایل اولوب زَهریلی فولاده گلوب
آنا پستانین آتان اوخ اَمر اللهه گوره
نَه روادور بَلشه قانه ربابون بالاسی
حشره جک سینَمه آلّام ائله بیل جان پاراسی
اَلی قوینوندا گزر چوللری یورقون آناسی
اکبریمدن چتین اولدی منه اصغر یاراسی
گویه اوجوندا حسین قان سَپر اللهه گوره
باغبان غنچه سینون سَپدی گلابین هَدفه
صورابیرباخدی قوجاقینده اوسینمیش صدفه
خورداوَقتینده دئدی چاتموسان عالی شرفه
حیف اولا دیندیرنون یوخ باخورام هرطرفه
عجب ائتدون آنووی بَختور اللهه گوره
آلتی آیلیق گوزلیم غنچا گُل نازیمیدون
گرچه شهبازیم اباالفضلیدی سن بازیمیدون
بِله غُربتده منیم سوزیمیدون ، سازیمیدون
لشکریم ایچره بالا خورداجا سربازیمیدون
هانی اولسون کمکیم بیر نفر اللهه گوره
پَر آچوبسان گئدوسن شاخهء طوبایه بالا
یوزگوزی قانلی چیخوبسان بومصلایه بالا
گوزدن آتدون نَنووی قیمت معنایه بالا
عیبی یوخ گئت گئدوسن سینهءزهرایه بالا
گئت علی نازووی زهرا چکر اللهه گوره
اوخ آتان اوچی یتوب مقصدینه دای بالا یات
اوخی ائتدی نَنووین زحمتینی ضای بالا یات
قورتاروب هَلهَله اوغلوم کسیلوب های بالا یات
گوزلیم چوخ یورولوبسان علی لایلای بالا یات
گویده قوشلار سنه لایلای دیَر اللهه گوره
(نادرا) دوزیولی سرمشق ائله افکارووه سن
اعتقادیله دولان مِحور اشعارووه سن
قویماسون هَرزعلفی یول تاپاگلزارووه سن
یتوررسن اَلووی حشریده دلدارووه سن
گجه لر یاز اونا سوز تا سحر اللهه گوره
#کانال_نوحه_یازینب_سلام_الله_علیها
اویان ای یاور و دلداریم اویان
نوحه حضرت زهرا (س)
✍️ شاعر علیرضا علوی زنجانی ✍️
اویان ای یاور و دلداریم اویان
آچ گوزون غم گونی غمخواریم اویان
آغلیور. باشیوین . اوسته بالالار
سنه قربان دل. بیماریم اویان
گل بی خار یم اویان. یارلی یاریم اویان
سنه من یارلی ؟ لایلای دیرم
قبرون اوسته گیجه لر تک گلرم
قارداشین یوخ بیلیرم فاطمه جان
گوز لریم یاشینی گوزدن الرم
گل بی خواریم اویان. یاره لی یاریم اویان
اچ گوزون غملی نگاریم گوزون اچ
ای منیم باغ و بهاریم گوزون اچ
باخ حسینین سارالان صورتینه
ای منیم دارو نداریم گوزون اچ
یارلی یاریم اویان. غملی غمخواریم اویان
گل منیم قلبیمی قان ایتمه خانیم
غصه لی قلبیمی اینجیتمه خانیم
سنسیز عالمده پریشاندی علی
یالقوزام بی کمگم گیتمه خانیم
یارلی یاریم اویان. غملی غمخواریم اویان
دیمرم فاطمه جان گویلومی آل
گل حسینه گوره سن بو گیجه قال
زینب آغلیور اورگیم. اوتلانیری
آچ قولون زینبوین بوینونا سال
یاره لی یاریم اویان. غملی دلداریم اویان
آچ گوزون ای حسنینون آناسی
بی کسم سن سن حسینون آناسی
حسن آغلیور دانشور اوز اوزونه
هی اشاریله ویرور دیل یاراسی
یارلی یاریم اویان. غملی غمخواریم اویان
قولی پهلوسی سینان یاریم اویان
درگهی. اوتدا یانان یاریم اویان
ای جوانلیقدا. اولان قدی کمان
گل کیمی رنگی سولان یاریم اویان
یاره لی یاریم اویان غملی غمخواریم اویان
غسل ایدنده سنه من آغلامیشام
من سنون هجریوه دل داغلامیشام
گوزون آچ حیدره باخ فاطمه جان
سینوین یاره سینی باغلامیشام
یاره لی یاریم اویان. غملی غمخواریم اویان
✍️ شاعر علیرضا علوی زنجانی ✍️
وام گرفته از استاد حسین غفاری اردبیلی
#کانال_نوحه_یازینب_سلام_الله_علیها
نوحه حضرت زهرا (س)
شاعر علیرضا علوی زنجانی
گوهر خلقتدی زهرا خلقته علتدی زهرا
عاشقه عزتدی زهرا عالمه زینتدی زهرا
جلوه ی عشق شرفدی
همسر شاه نجفدی
فاطمه یا فاطمه
فاطمه یا فاطمه
فاطمه درده دوادی مظهر لطف عطادی
زینت ارض و سمادی فاطمه خیرالنسادی
الگوی حجب و حیادی
شافع روز جزادی
فاطمه یا فاطمه
فاطمه یا فاطمه
معنی کوثردی زهرا هامیدان برتردی زهرا
مصطفی نین دلبری لایق حیدردی زهرا
ای گرفتار بلا
سسله آدین تاپ صفا
فاطمه یا فاطمه
فاطمه یا فاطمه
برج عشقه آفتاب گوهر عشقینده ناب
مظهر ایمان عشق الگوی ناب حجاب
معنی مهر و وفا
حیدره اولدون فدا
فاطمه یا فاطمه
فاطمه یا فاطمه
#کانال_نوحه_یازینب_سلام_الله_علیها