آزاده لر شاهی آلدی امام اسلامین بیرقینی الینه پیغمبرین سوزلری گلدی گوزل دیلینه گورنده زنجیرلری انسانین ایاغیندا مدینه ده دایاندی فسادین قاباغیندا ال وئرمه دی فاسقه ائتمه دی اونلا بیعت قانلی یولو گوستریب عاشق لره شریعت کربلانین شهیدی معروفا امر ائیله دی اسلامین احکامینی ظالیملره سویله دی دونیا بیلیر اگری یول مقصدینه یئتیرمز دوز یولو گئدن انسان، آللاه یولون ایتیرمز ظالیمین دوروشوغو بویوک منکر ساییلار قاباغینی آلماسان بو سئل ائلده یاییلار پروردگار امری دیر امر به معروف ائتمک نهی از منکر ائیله مک ظولمون جنگینه گئتمک نهی از منکر اولماسا دونیانی ظالم آلار دولانارکن ائللرده ظولمون هاواسین چالار آزاده لر شاهینی ذلت یئره ییخانماز زیروه لرده دوروبدور کیمسه اورا چیخانماز گلدی قانلار یوردوندا عاشق قوردو خیمه سین جاندان کئچن ساخلایار قانلا دینین پایه سین سوکوتونو سیندیردی کربلانین حیدری گوزل رجز اوخودو مومن لرین رهبری لشکره چوخ دانیشدی آتین اوسته میداندا جنگ ائیله مز اماملا غیرت اولسا انساندا شمشیریزی توتمایین ایمانلارین اوستونه ایاغیزی قویمایین پیمانلارین اوستونه نامردلره چوخ آچدی دینین آیدین سوزونو سوزلریله چیخارتدی فتنه لرین گوزونو معروفا امر ائیله مک مومن لرین ایشی دیر ظالیمین قاباغیندا دوران بویوک کیشی دیر نصیحتی ائده ر کن باخدی ساغی سولونا دئدی کوفه نین اهلی گلین ایمان یولونا خزانه نین پوللاری پرده چکدی گوزلره کوفه لی لر باخمادی آللاه سئون سوزلره غیرت لرین دوواری بوردا یئره ییخیلیب حرام اولان تیکه لر بوغازلارا تیخیلیب امامین گول سوزلری گیرمه دی قولاقلارا اوخلار گلیب دگدیلر ایشیقلی چراقلارا سسی دوشدو دونیایا قانلی کسیک بوغازین عاشق نامازا قیلماغا آلدی قان دستمازین تعطیل اولان احکامی احیا ائتدی ثارالله دوستا وال من والاه یادا عاد من عاداه کربلانین قانلاری گوستردی حقیقتی آیدینلاتدی ائللرده عزتلی طریقتی ظالیملرین اوزونه قیزیل قانلار باغیردی ظولمون کوکون کسمغه انسانلاری چاغیردی نهی ائیله دی منکردن نهضتین آل قانلاری معروفا امر ائیله دی گویه اوچان جانلاری ظالیمین قاباغیندا آخان قانلار دایاندی اونا گوره ایگیدلر اوز قانینا بویاندی علی # امامی

🏴🏴🏴🏴🏴🏴🏴🏴🏴🏴🏴🏴 🌴 درد و دل امام حسین علیه السلام با امام حسن علیه السلام 🌹 یا ابا عبدالله الحسین علیه السلام 🌹 🌴 هیئت رزمندگان اسلام شهرستان 🌴