ــــــــــــــــــــــــــــــــــــــــــــــــــــــــــــــــــــــــ به نام خدا #ورود_به_ماه_محرم #گلواژه_های_اشعار_ترکی الله الله گنه باشـلاندی محرّم دهه سی دهه ی شاه شهیـداندی محرم دهه سی آیلار ایچره مه تاباندی محرم دهه سی گور حسین سفره سین احساندی محرم دهه سی آدی گلدی گــوزوم ایســـلاندی محـــرم دهه سی ای دادان سفره ی احسانیده زهرا دوزونی آچ محـرم علمـــین اشگیله یو آل توزونی آغلیان گوزلره باخ یاد ائله عشق اولدوزونی بو قرا پرچمین آلتیندا کسون قوچ قوزونی پرچـــم عشـــقه نگهباندی محرم دهه سی ای ادب مشـتریسی گــوزله عوام اولمیـاســـان غمی یاددان چیخادوب شادلیقا رام اولمیاسان باخ امامــین ســؤزونه ضــــدّ نظام اولمیاسان سعی ائله منحـــرف از خـــطّ امـام اولمیاسان بویوروب محیـــی ایــراندی محــرم دهه سی بیزه هرنه یتیشوب اهل نظردن یتیشوب وجهه بو مملکته صبر و ظفردن یتیشوب نصرت ایرانه محـــرّمله صفردن یتیشوب شهدایه اؤ شرف بیر صودامردن یتیشوب اصغرین قتلیــنه اعلاندی محرّم دهه سی دئمـــورم الده اولان عزّتیوه ناز ائلمه دئمـــورم پرچم ایرانی سرافراز ائلمه دیئرم فرعی دوتوب اصلیدن اعراض ائلمه قافیه عیـــبینی دوتما هنر ابراز ائلمه شعریده قافیه گرداندی محرم دهه سی آقاما قـــربان اولوم ایرانی پیروز ائلدی باشی دالدان کسیلوب ایمانی پیروز ائلدی نِی ده قرآن اوخودی قرآنی پیروز ائلدی بلی اسلامی حسینون قانی پیروز ائلدی بیل اؤ شمشیری یخان قاندی محرم دهه سی فجر حسین نور حسین جلوه ی منهاج حسین دوغولان گون ائلین گویلره معراج حسین شهدا باشینه قانیله قویان تاج حسین وئردی جان وئرمدی اهل ستمه باج حسین اؤ اوجا همّته برهاندی محرّم دهه سی دلده عالم بویی سؤز وار گچورم سوزلردن عشــق مولا آییــــرار ایری لری دوزلردن ائتمدی شرم اوخ آتان بیرجوت آخان گوزلردن گوزیاشی چاتدی ربابه گجه گوندوزلردن ننه احوالینه حیـــراندی محرم دهه سی اوندا که الدن اباالفـضل علمی دوشدی یره اوخلانان مشگی حسین گتدی ئوزی خیمه لره العطش دلده هامی تیکدی گوزین صودامره گوردولر گوزلر آخور جانی دوشوبدی خطره اؤ غمه ایندیده سـوزاندی محرم دهه سی خیمه لرده دئــدی مولا ندی شیون بیلورم وئردون اول طفلی منه دردینی دلدن بیلورم ای رباب آغلاما من غنچه وی گلشن بیلورم سن ئوزون یورما بالامون دیلینی من بیلورم غمه دؤز دهّه ی هجراندی محرم دهه سی سیردن کاش قالیدون اؤ گون ای چرخ کهن گور هارا چکدی حسینون ایشی ایام محن سسینه وئرمدی سس چول دولوسی اهل فتن صودامر بـــیر بالا اولدی اونا لبّیک دیین گویده قوشلار آقاما یاندی محرم دهه سی سس دوشوب لشگر آرا ناظر اولون جریانه باغبــان عــلوی گل گــــتورور میــــدانه قونداق اوخشـــوردی قوجاقدا ورق قرآنه دئدی بیر آز سو وئرون بو دوداقی عطشانه دیلی یوخدی سیزه مهماندی محرم دهه سی کاش سعد اوغلی دییدی آقا گئت باخما سووا آب دریا قوتارار جــرعه سو وئرساخ بالووا سسـلدی حـــرمله نی تا قانــی قانیله یووا دئدی چوخ ضربه گوروب هاشمی لردن بو قوا اوخون آت موقـــع جبراندی محرم دهه سی حــرمله دیزلرینی وردی یره یوخ دئـمه دی شـیــرخواره بالیا نیلـیه جاق اوخ دئمه دی اوخ گلوب دگدی بوغازدان بالا هئچ اوخ دئمه دی دوداقی گولدی بیر آز، آغلامارام چوخ دئمه دی عالم اول گولماقا گریاندی محرم دهه سی کیم گوروب جانی چیخاندا اوشاقین گولماقینی کیم گوروبدی سو یانیندا بالیقین ئولماقینی گوردی زهرا آقامین قان یارادان سیلماقینی بالانین دردیــنه پیکانی دوا بیلمـــاقینی دئدی اوغلوم بالان اوخلاندی محرم دهه سی جان بالا غملی بالا اوغلوی آز باغریوا باس فاطمه سس وئره نوندی بو ندایه قولاق آس دئمه عباسیم ئولوب ایلمه تکلیق احساس آلا بیلمز قوجاقا اوغلووی قولسوز عباس منه وئر جان سنه قرباندی محرم دهه سی جان بالا صــبریوه گویده متعجّبدی ملک بیر اووج قان گویه سپدون بزنوب قانلا فلک مرحبا عشقیوه عاشـــقلریوی ائتدون الک مین سپاهه دگر عشق عالمی بو قانلی بلک اصغرون عالمه سلطاندی محرم دهه سی وئر منه گوهریوی غملی آنان گوهری دی گوهرون سیندی ولی الله اونا مشتری دی وئر باسیم سینمه سینم شهدا دفتری دی ئوز نوه مدی اؤ بالا محسنیمون بنذری دی اونا محسنده نواخواندی محرم دهه سی شعر:کلامی زنجانی ┄┅═✼✵✿‍✵✼═┅┄ @goLvazhehaye_asharetorki ┄┅═✼✵✿‍✵✼═┅┄ [[ گلواژه های اشعار ترکی]] ــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــ به نام خدا #محرم #سینه_زنی_ترکی #گلواژه_های_اشعار_ترکی #سبک:یاامام زمان شیعه ده احساسه باخ عاشـــقان حســـین ، ماه محـــرم گَلور باشلانور روضـه لَر، خیمـــه ماتــــم گلور قاره کؤینک گیون ، گؤیلره پرچم وورون چون حسین یاسینه ، حضرت خاتم گلور ای عــــزیز خدا سَنَه جانیم فدا یاحسین جان(۴) ┄┅═✼✵✿‍✵✼═┅┄ بونَه عشقیدی کـی ، شوری سالوب عالَمَه گَلمَه میش ماه غم ، شهره دؤشوب همهمه اِشــــیــدیبلر گَـــــلیر ، ناله کنــان فاطمه آغلاشور عرشـــیده ، حور و ملک بو غَمَه اِیلیــور زمــزمه آناســی فاطــمه یاحسین جان(۴) ┄┅═✼✵✿‍✵✼═┅┄ افتخـــاریم بو دور ، خـــــــادم درباریوَم سَســلَرَم عاشــــقِ ، قُولســــوز علمـداریوم گـــــؤزلَرَم بیر ایلی ، تا که محـــــــرّم گَلَه سن قــــبول ایله سُــون ، غملی عزاداریوم اولموشام سینه زن سَنَه ای بی کفــن یا حســین جان(۴) ✍شعر:رقیه سعیدی(کیمیا) ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــ به نام خدا #نوحه_خرابه_شام #گلواژه_هاے_اشعار_ترکی هارداسان ای جانيمه جان علی جان علی جان ای باجـوا روح و روان علی جان علی جان یولاروا گــول ســپـرم گلنده گلنده گول دوداقوندان اوپرم گلنده گلنده جـان سنه قربان ائدرم گلنده گلنده گل ئولورم قارداش امان علی جان علی جان ديل يارالی غصـــه ليم پريشان پريشان غملر ايچينده يانورام نواخوان نواخوان عاشقم عشقونده اولوب اورگ قان اورگ قان گـوزدن اورگ قانی روان علی جان علی جان بير باجـيام سنده علی گوزوم وار گوزوم وار سيلی دگوب نیلی اولان يوزوم واريوزوم وار گلسون اگردیلده سنه سوزوم وار سوزوم وار قلبيمی یاندیردی سنان علی جان علی جان گل باجــوی قارداشيــم آل قوجاقه قوجاقه گول دوداقون قُوی بو یانان دوداقه دوداقه ديل گوزی مــــائلدی بئــــله قوناقه قوناقه هجرون ايدوب باغريمی قان علی جان علی جان هجريده گوندوزگوزومه تار اولوب تار اولوب رنج و محـن گلدی منه يار اولوب يار اولوب داغ فراقــون منيچـون نار اولوب نار اولوب عشقيده ياندی دل و جان علی جان علی جان ســــــالدی منی خصم دنی عذابه عذابه شــــامـيده اولموش وطنـيم خرابه خرابه باش قـــــويارام من گجــه لر ترابه ترابه تپراق ئوزی اولدی مکان علی جان علی جان يازدی آخــــوندی بو سوزی نوالی نوالی گوز ياشی یوزده اورگـی يارالی يارالی ديل يارالی باشـــــدا قـرا عزالی عزالی سويليور هر يرده عيان علی جان علی جان شعر:کربلایی حسن آخوندی ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــ به نام خدا #سینه_زنی_ترکی #حضرت_علی_اصغر_علیه_السلام #گلواژه_هاے_اشعار_ترکی سبک:مهربان بالام لای لای بانوای مرحوم محمدباقر منصوری صؤد اَمَربالام لای لای دیده تر بالام لای لای صؤد یِرینَه قان ایچَن خون جگربالام لای لای ┄┅═✼✵✿‍✵✼═┅┄ لای لای اصغریم لای لای(۲ بار) ┄┅═✼✵✿‍✵✼═┅┄ خسته پراولان لای لای گؤزلَری دولان لای لای اؤچ گِجَه قالان تشنَه گؤل کیمین صُولان لای لای ┄┅═✼✵✿‍✵✼═┅┄ لای لای اصغریم لای لای(۲ بار) ┄┅═✼✵✿‍✵✼═┅┄ تشنه لب ئؤلَن لای لای قلبیمی بؤلَن لای لای اؤچ پر اوخ دَیَن وقتده لب لَری گؤلَن لای لای ┄┅═✼✵✿‍✵✼═┅┄ لای لای اصغریم لای لای (۲ بار) ┄┅═✼✵✿‍✵✼═┅┄ دیلسیزاصغریم لای لای نازلی پروریم لای لای گؤردؤم اوخ یاراسین من سیندی شهپریم لای لای ┄┅═✼✵✿‍✵✼═┅┄ لای لای اصغریم لای لای(۲ بار) ┄┅═✼✵✿‍✵✼═┅┄ سن سیزآغلارام لای لای قلبی داغلارام لای لای تا ئؤلؤنجَه من باشَه قارَه باغلارام لای لای ┄┅═✼✵✿‍✵✼═┅┄ لای لای اصغریم لای لای (۲) ┄┅═✼✵✿‍✵✼═┅┄ گؤلدی لب لَرون لای لای ئؤلدی مادرون لای لای اُولدی چُوخ منَه نیسگیل باغلی اللرون لای لای ┄┅═✼✵✿‍✵✼═┅┄ لای لای اصغریم لای لای(۲) ┄┅═✼✵✿‍✵✼═┅┄ شعر:رقیه سعیدی (کیمیا) ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

صؤد اَمَربالام لای لای دیده تر بالام لای لای #شعر_رقیه_سعیدی_کیمیا #اجرا_مداح_شوقیان ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــ

به نام خدا اکبره باخ اکبره باخ ماه ملک منظــره باخ صورت پیغمــبره باخ قدرت صـورتگره باخ اکبره باخ، اکـبره باخ گؤیده فقط ماه بودور یئرده فقط شاه بودور حقه دیسون راه بودور ســــــیر الی اللّٰه بودور ســــــرّ فـــدیناه بودور بنــــــده‌ی درگاه بودور مسـت علی الله بودور ســــــاق ید الله بودور اللره باخ اللره باخ،اکبره باخ اکبره باخ کنز ادب گــــوهریدی گوهره ده جوهریدی اشبه پیغمـــــــبریدی چون اونا چوخ بنذریدی یوســـفه تاج سریدی عالـــم اونا نوکریدی لیلــــیه بال و پریدی عمه سـینه چاکریدی زینبه باخ چاکره باخ،اکبره باخ اکبره باخ چون دیدی موسی ارنی لن دیدی خــــلاق جهان تا اونا ارنـــــــی دیـمیه بیر گونی هر گلّه چران هرنئی آیــــــــینه گورر ارنیه یــــوخ جای بیان آینه گر گـــــورمسه ده گورسدر اشــیانی عیان آینه‌ی داوره باخ،اکبره باخ اکبره باخ شعر:یحیوی منزوی اجرا:استادسلیم موذن زاده ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ ‍ [[ #گلواژه_های_اشعار_ترکی ]] ـــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ به نام خدا #تشت_گذاری #حضرت_اباالفضل_العباس_علیه_السلام #گلواژه_های_اشعار_ترکی عاشــــقلــــرین ای دار و نداری آی ابالفضــــل! عشـــق عالمیـــنین قافـــله داری آی ابالفضــل! غــــم عطــــــری گلیــــر ماه محــــرّم گلیر آقا! قـــؤردوق آدیوا تشــــت گـــذاری آی ابالفضل! ماتمـــده اؤرَک، اهلِ عــــــزا داغلیــــاجـــاقدی یاســــونده سنـــون باشه قـــــرا باغلیـاجاقدی قانلی گـــــؤزیوه گـــــــؤزلریمیز آغلــیاجاقدی بیـله سُــــؤواریق لیل و نهـــاری آی ابالفضـــل! بو پیر و جـــوان صـــدقیله دیلدن سنی سسلر بیمـــاری اولان صــدقیله دیـلـدن سنی سسلر مشکـــلده قــالان صــدقیله دیلدن سنی سسلر باخ قـانلی گؤزونله بیـــــزه ساری آی ابالفضل! درگاهیـــــوه بــــیر عــــــدّه دی آواره گلـــوبلر تا ایـــلیه ســـــــن دردلرینه چـــــــاره، گلوبلر ماهِ غمـــــــه خــــاطر گئــینوب قـــــاره گلوبلر مـأیوس ائلمـــــه ســــنده بـولاری آی ابالفضل! چوخداندی بیلورسن سنون عشقـــونده علیلم دوت مرحــــمتیلَن الیمــــــی ابـــــن سَبـــیلم بال و پــــری سینمیــش قوشـام آهیله دخـیلم ســـالما نظــــرونـدن مـــنِ زاری آی ابالفضـــل! چؤل هر نه ده اولـســا دولانوب گلشنه چاتماز عشقـــینده نه فرهــاد و نه مجنون منه چاتماز حُسن عــــالمی یوسف ندی٬ آیدا سنــه چـاتماز گؤیچـک یارادوبدی ســــنی، تاری، آی ابالفضل! چوخـــداندی کی گؤزلوردوم اولا تشت گذاری تا کی گلـــم امّیــــدیلــه بو مجلســـــــه ساری مــأیوس ائلمــــزســــن گلن عــــاشقلــری آری نومیــــد ائلمـــه سن منـــی باری آی ابالفـضل! بیـر عمـــری آنون باشـــه قــارا باغلادی ئولدی آهیـــله یانان سینـــه سینــی داغـــلادی ئولدی گونلر قاباقـــیندا اُوتـــوروب آغــــلادی ئولدی اولموشـدی آدون دیلده شـــعاری آی ابالفضـل! جان بیشـه ی غیرتده فـــــدا سن کیمی شیره وئــرّم قســــم اؤز آدیــوه ای ماهِ عشـــــیره لطفیـــه شـــفاعت ائـله محـشــرده «بشـیر»ه چوخ ایستیَن ای هشت و چهاری آی ابالفضل! شعر:سیدبشیر حسینی میانجی ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ