بی معرفت مره نفرین چه کِندی اِتی بی بال و بی سرین چه کِندی عاشقی دین و ایمون نِشناسِنه مره کافر مره بی دین چه کِندی #هادی_اکبری_وسطی_کلایی **** 97/10/1 https://eitaa.com/hadi9655

اَتا وچه چراغِ جا سوزِنه دل پاره بونه داغِ جا سوزِنه اونتا لاله که ماشینِ بِن شونه جیگر وِنه فراقِ جا سوزِنه #هادی_اکبری_وسطی_کلایی **** 97/10 /6 https://eitaa.com/hadi9655

یک روز به یاد ماندنی در کنار مزار و منزل نیما یوشیج در شهر بلده نور روستای یوش با حضور شاعران تبری سرای استان مازندران و فعالان گروه ادبی مازیارون در سالروز وفات نیما 97/10/13 https://eitaa.com/hadi9655

تو را من چشم در راهم اَگه بونه بِرو لَس لَس شباهنگام بِعی مه وَر مِنِم بَیرِم تی هَر دِ دَس گرم یاد آوری یا نه تی می خاطِر دَری هر شو تو را من چشم در راهم میونِ هر کس و ناکس #هادی_اکبری_وسطی_کلایی **** 97/10/13 https://eitaa.com/hadi9655

لَلِه دارمه تیناری جا بَمِرده مه لَلِه چی نِخاری جا بَمِرده تمومِ مازرونِ پا بَزوئه طالبِ جور قِراری جا بَمِرده #هادی_اکبری_وسطی_کلایی **** 97/10/15 https://eitaa.com/hadi9655

ماهه مونا می اِفتابِّ نَدی تِه؟ صبحِ روجا می مهتابِّ نَدی تِه؟ بلباسِ یار رَفِق کوئِه نِموئِه قِرارِ دلِ بی تابِّ نَدی تِه؟ #هادی_اکبری_وسطی_کلایی **** 97/10/16 https://eitaa.com/hadi9655

بِبا جان تور و داز وَنگ کِنّه تِره سامون سَرِ چِماز وَنگ کِنّه تِره صوائی سر اذان که بَیّه بوردی تی مهر و جانماز وَنگ کِنّه تِره #هادی_اکبری_وسطی_کلایی **** 97/10/19 https://eitaa.com/hadi9655

لالا لالا شه بابای بلاره من شه آسمون مایِ بلاره کجه بوردی بابا تینار بهیمه اصری به چش و غرصه خوار بهیمه کجه بوردی تره سِر سِر ندیمه ته که بوردی من بی غم خوار بهیمه لالا لالا شه بابای بلاره من شه آسمون مایِ بلاره مسلمانون مه دل غم دارنه امشو اصری مه دیم سر نم دارنه امشو مره انگاری روزا و شو نَوینه مه دل مه باباره کم دارنه امشو لالالالا شه بابای بلاره من شه آسمون مای بلاره لالا لالا بخس مه کوی کوتر لالا لالا بخس همه تو بیتِر ته که بوردی زمسون بَیه مه دل لالا لالا بخس  بهارِ نو وِر لالا لالا شه بابای بلاره من شه آسمون مای بلاره #هادی_اکبری_وسطی_کلایی **** ۱۳۹۷/۱۰/۱۹ https://eitaa.com/hadi9655

باغِ تِه تی دارِ هَلی بِموئِه زینبِ زهرا و علی بِموئِه پیغوم هادین کربلای زمینّه شاهد خنجر و گَلی بِموئِه #هادی_اکبری_وسطی_کلایی **** 97/10/22 https://eitaa.com/hadi9655

خوامبه مهربوون بوئِم ساده و بی شیله پیله زِلالِ اویِ  واری روش بَهیرِم بورِم کیله اَتا دِنیا بَواشِم همه ره پیش کشه دارِم نا که بِرمه بیارم نا که دِرو نا که حیله #هادی_اکبری_وسطی_کلایی **** 97/10/29 https://eitaa.com/hadi9655

مِن ایرونِ وَچومه دِنیا مِره یوز بَتِنه مِره میدونِ دِله پلنگِ پیروز بَتِنه اَنده سو دارنه می نوم دِنیا ره چاشت هاکردمه مِره ماه و اِسّاره هم اِفتابِ روز بَتِنه #هادی_اکبری_وسطی_کلایی **** 97/11/5 https://eitaa.com/hadi9655

مِره هول هَسّه تِره دِل دَوِندِم تی خاهونیِ وِسّه جِل دَوِندِم مِره هولِ خِدا نا بَوِّه مِره دَخیلِّ بَیرِم ته کاکِّل دَوِندِم #هادی_اکبری_وسطی_کلایی **** 97/11/6 https://eitaa.com/hadi9655