#وصیت #بمردمه میسّه قرآن بخوندین😢 #رَبِّکُما تُکذِبان بخوندین😢 #کفن کافور نهیمه عِب نکندِه😢 #بَشور بَشور نهیمه عِب نکندِه😢 #خَوِر هادین دوست و رفقون بی یِن😢 #مه قبر سر لیلی و مجنون بی یِن😢 #بَووین که سوزِ دار بی یِه بَمِرده😢 #ونوشه ی بهار بی یِه بَمِرده😢 #گواه هادین حسینِ نوکِر بی یِه😢 #خِدا رِ وِ الهی شُکِر بی یِه😢 #دَسّه جَمی مِره حلال هاکنین😢 #مه مارِ وَر هم مِره چال هاکنین😢 #عیدی پیشی مردمِ غم نیارین😢 #فاتحه ره مه وِسّه کم نیارین😢 #سیو لَچِکّه شِه دورِ سر نِلین😢 #هلی ته تی ره مه گورِ سر بِلین😢 #مه یار ره بَوّین شونگ و ونگ نَکِنه😢 #مه غم جا شه می ره چنگ نَکِنه😢 #فقط هول شه پشت سر دارمبه😢 #دامادیه چارتا پسر دارمبه😢 #غم وِشونه دَرِ کِرِک نَیره😢 #غمیره نِه سَرِ چِنِک نَیره😢 #الهی که هیچکسی لال نمیره😢 #غریب مَله بی زنگ و تال نمیره😢 #هادی_اکبری_وسطی_کلائی **** 98/12/19 https://eitaa.com/hadi9655

#تقدیم_به_روح_شاعر_خوش_بیان_مازندران_زنده_یاد #استاد_غضنفر_بالی_لاشک خدا خواسّه همیشِک شعر بخونده اوی تِک تا کوی تِک شعر بخونده صدا خواسّه همه جاره دَپیجه باته که بالی لاشِک شعر بخونده #هادی_اکبری_وسطی_کلائی **** 98/12/22 https://eitaa.com/hadi9655

یا مُقِلبَ القلوب ته و این دیده و دل یا مُدَبّر شو و روز منا و این دِ لینگِ شِل یا مُحوِّل حال من ته و این امسالِ مِن ای که حَوِّل حالِنا مِره نِل اینورِ پِل #هادی_اکبری_وسطی_کلائی **** 99/1/1 https://eitaa.com/hadi9655

کرونا مه دار و نِدار ره بَیته دل خِشیه فصل بهار ره بَیته اَعیدی پیشی غِرصه اَمِسّه بِشته مه سِر پیشه نوج بَزه دار ره بَیته #هادی_اکبری_وسطی_کلائی **** 99/1/9 https://eitaa.com/hadi9655

بِرو تا کهنه گِر بَوّیم دِتائی بال به گردن جا هرازِ اوره پل بَوّیم نترسیم هر دِ مردِن جا اتا لیلی اتا مجنون اتا شیرین اتا فرهاد هه ائی غِرصه خوار بَوّیم نترسیم اینتی خِردِن جا #هادی_اکبری_وسطی_کلائی **** 99/1/31 https://eitaa.com/hadi9655

بمردمه مه وِسّه زار بخوندین اتی زار مه جان مار بخوندین مه قبر سر گل لاله دِکارین داغ ونوشه ی بهار بخوندین #هادی_اکبری_وسطی_کلائی **** 99/3/8 https://eitaa.com/hadi9655