▪️ أنا طفل حسيني 4️⃣ #آلبوم_صيحات_المواكب #لطمیات #ماه_محرم #امام_حسین 🏴 @Halvaji 🚩

🎙#آلبوم_مع_الحسين 9️⃣ زهراء يا زهراء يا حزينة📃 ▫️▫️▫️ قلبج الدامي من تواريخ العذاب بالألم والفجعة ذاب ودمعج الهامي يا حزينة بكل مصاب منهمر مثل السحاب واحنه الغيارى الشيعة المعولة من عينج الحمرة الدمع نهمله ولو ننسى في هالدنيا كل معضلة ما ننسى والله اللي جرى بكربله وابنج الدامي من بعد هم واغتراب بالعطش فوق التراب ننساه لا والله ما نسينه ▪️▪️▪️ الله سوانه للغريب اللي امتحن بالمصايب والمحن نذكر احزانه ونندبه يم الحسن شيعة نبقى بكل زمن شيعة وعمرنه كله يا زهرة بين دمعة في طيبة ودمعه بالرافدين وبين العذابين وأسى الدمعتين نصرخ يزهره يا علي يا حسين هذي دنيانه وعاشر بروحه الوطن نسكنه بهم ما سكن بالعين ثار احسين شايلينه ▫️▫️▫️ شل يباعدنا بينا ما يهدا الحنين للبواجي امهيئين وبسواعدنا نلطم الصدر ابونين وبعشر فوق الجبين كل ما ذكرنا اللي على المشرعة ودنا نوصل بالعجل مصرعه نتقطع بسيف الذي قطعه ننزع قلبنه وبالرمح نرفعه من يساعدنه آه يزهره عاشقين ودنا نوصل للحسين زوار فوق النار قاصدينه ▪️▪️▪️ جينا من عاشر نحمل اسيوف الألم والمدامع تجري دم جينا للحاير وبألف جود وعلم نحرس احدود الخيم مو عنا خبرج النبي المصطفى يخلقنا الله للعزا والوفا أحمر على احسين الدمع نذرفه ونهتف على الدنيه ابمصابه العفى يطلب الناصر واللي لباه السهم صوبه وقلبه انقسم محروم غسله ادموم من جبينه 🏴 @Halvaji 🚩

▪️زهراء يا زهراء يا حزينة 9️⃣ #آلبوم_مع_الحسين #لطمیات #ماه_محرم #امام_حسین 🏴 @Halvaji 🚩

🎙#آلبوم_مسیر 6️⃣ نطب الشام📃 نطب الشام بحرم وأيتام يقيدونه ويسلبونه ويعذبونه ▪️▪️▪️ يليت الموت ماخذني قبل هالضيم واسفاره نسيت بصون موعودة ومشيت اليوم محتاره دياجي الشام بعيوني وأنادي بروح منهاره يحادي النوق تمهلني أواري احسين وأنصاره شقى الأيام بعدهم حام يسحبونه ويقيدونه ويألمونه ▫️▫️▫️ أعوف اشلون دلالي ولو بهواي ما عوفه أنا بيا حال عالهازل أودعه بإيد مجتوفة حفرت الروح يسكنها جسد عباس وجفوفه ودفنت احسين بجفوني وقصدت الشام والكوفة وللظلام ترف أعلام تولونه ومشونه بلا هونه ▪️▪️▪️ شسولف حين عفناكم وشفنا ايزيد وقصوره وصرنا قبال جاتلكم حرم وأيتام مذعورة علينه الصوت يتلوّى عذاب وروس مشهورة في عالي ارماح والنسوة توّن بالراح مستورة هظم وآلام أسف ننضام يعرفونه ويكشفونه ويزجرونه ▫️▫️▫️ عظيم الويل والأصعب حليف الموت باحساسه طشت خلاه قدامي لخوية المنقطع راسه سلبني الروح من شفته يجر بالصوت بانفاسه يلوعْ الراس وبغيضه يكسر بيه أضراسه ورفع الهام قضى وما دام يشتمونه ويسبونه ويكفرونه ▪️▪️▪️ وأزيد النوح والعبرة وأبث شكواي مرفوعه وأصيحن آه من طفلة قضت يا حيف مصروعة هوت عالراس باللهفة بصرها راح بدموعه في هاللحظة ولن ماتت حزينه وبيه مفجوعة وللعلام دمع سجّام يقيدونه ويسلبونه ويعذبونه 🏴 @Halvaji 🚩

▪️ نطب الشام 6️⃣ #آلبوم_مسیر #لطمیات #ماه_محرم #امام_حسین 🏴 @Halvaji 🚩

🎥 ميخونم هر سحر آروم (#زمینه) محرم ١٤٤۲ - شب اول #حسین_حاجی #هيئة_علي_الأكبر - #بحرین #فارسی #محرم #لطمیات #تصویری 🏴 @Halvaji 🚩

🎙#آلبوم_قاصد 6️⃣ قبري مهدوم📃 يا زائرُ بالإستئذانِ لِدخول بقيعِ الأحزانِ عيناكَ تراهُ فاصغي لنِداهُ يا من أتى قبرَ المسموم إلى متى يبقى مهدوم ▪️▪️▪️ أنا القبْر الحويت ابجوفي سري وكتمت ابتربتي كل دمعة تجري يزاير إلى القبر إخذ نظرة من تمر وشوف اللي بالاسى في قلبك ينكسر ظُلامات الحسن يوصفها قبري من اوصول الجنازة وبيها تدري چِنِت نعشه أنتظُر او بهمومي أنحفُر وألم جرحي بالثرى تفته رحى الصدر وانحَفَرَت فيَّ الآلامُ فالنَعْشُ رَمَتهُ الأسهامُ والتُرْبُ حواهُ أي واحسناهُ لَحدٌ بِهِ جُرحي مَرسوم بِنَحبِهِ يبقى مهدوم ▫️▫️▫️ يللي حالي بالألم تِصِده تربتي اتنوح الحسن في لحده إنحرَمَ تربة تِحاذي جدّه يا سبب عن طه چان ايبعده إلا من جور الزمان او حقده استكثر اعليه الضريح وهدّه يا هالزمن هذا الحسن قبره تهدمه واويلاه يا هالزمن خنته هذا الحسن وانته ترجع تظلمه واويلاه ما كفاك السم ايفرّي چبده چفك ابقبره رجع تعدّى ليمته ناوي الظلم تمدّه ليُعيدَ أساهُ ما كانَ نساهُ فقدرُهُ جهلاً مظلوم وقبرُهُ يبقى مهدوم ▪️▪️▪️ يقبر المجتبى زوّارك احنا في منظر باقي أطلالك سرحنا تخيّلنا مشهدك حَرَم عنده نقصدك نزور ابذاك الصحن ونصلي في مسجدك حلم نتأمّله دايم صُبَحنا خيال القبتك طيفه ذبحنا ونرد يا قبر إلك وجرحنا ايتِأمّلك نصد واقع انهدم لها الصورة حوّلك لا نبكي هَدمَ الأحجارِ بل نبكي بالدمعِ الجاري ظُلماً يتجدّد في سبطِ محمّد بكَ ارتهن قلبٌ محروم يا مدفناً يبقى مهدوم ▫️▫️▫️ يا قبر لك بالمحن لفينا قاصدين المجتبى سعينا وينه شبّاچك يقبره وينه جاوَب اتراب القبر علينا وتجري نظرات العتب في عينه وصار ايذكّرنا الذي نسينا شنجاوبه والمجتبى بترابه يبقى واويلاه شنجاوبه بأمره والمجتبى وذكره ضيَّعنا حقّه واويلاه طه وصّى ابريحانتينه واحنا لحقوق الحسن جفينا شالفرِق بين الحسين او بينه هل احييناهُ ام جافيناهُ فوِردُهُ ذِكرٌ مكتوم ولحدُهُ يبقى مهدوم 🏴 @Halvaji 🚩

▪️ قبري مهدوم 6️⃣ #آلبوم_قاصد #لطمیات #امام_حسن 🏴 @Halvaji 🚩

🎙#آلبوم_قاصد 8️⃣ زوارك يحسين توفي لك بالدَّين📃 زوارك يحسين توفي لك بالدَّين ترخص لك الدم والأعادي تعلم ▫️▫️▫️ لو يكشفون البصر والعالم اينظرون لو تسنى امن العليه ننظر اعلى الكون عالبيسطه ابوقت واحد يسعه كم مليون ابكل بلد كم قافله ولكربله اقصدون مثل أسراب الطيور البسمه احومون لو مثل سرب الجراد البفضا ازحفون هاي انصارك المثلك ابد ما يخافون ما يهابون المنايا إلفاطمه يواسون هاليوم هاليوم نعزي فاطمة ومنهاب منهاب الطغمه الظالمة نسير ابقوافل منخشى الهوايل ندوس القنابل ودمنا هديه جنود وجحافل براية بو فاضل بزحفنا نواصل إلى الغاضريه ابنهجك متمسكين لا اشمال ولا ايمين ترخص لك الدم والأعادي تعلم ▪️▪️▪️ هالقوافل قاصده يمك يبو الأحرار رافعه أعلامك وتقصد إلك زوار كلها مشايه ازحفت ما هابت الأخطار كلها تتحدى وتصيح احنه إلك انصار اشلون تتهيب وروح المرتضى الكرار اتحوم وياهم وروح البضعه أم لطهار واقفه يم القبر تستقبل الخطار والدمع قرح جفنها ما نشف مدرار هاليوم هاليوم نعزي فاطمه ونهمل اوياها دموعٍ ساجمه نواسي ابدمعنا إلى الزهره أمنا وينبض قلبنا هوى الهاشميه ويلتم شملنه معاها ابحزنه وعلى قبره كلنا نصبنا العزيه وحبنا اليوم الدين ما يبرد يحسين ترخص لك الدم والأعادي تعلم ▫️▫️▫️ هالله هالله اشلون لحظة من يلوح النور والمنارة اتلوح لينه والقلب مسعور والعلم احمر على القبه يرف منشور يا دمع يبقى ابجفنه ما يهل منثور واللطم بالعشرة عالهامه وعلى لصدور السلام اعليك نصرخ سيدي بلا اشعور هاي لحظة امن العمر تسوى اليحسها ادهور لحظه في وجدان زينب من لفت لقبور هاليوم هاليوم نعزي فاطمه ونواسي زينب اجت متهظمه جمر شوقي يسعر بحبي توجر وكل لحظه اتمر اشوف المنيه بعد مقدر اصبر أمل عمري واكثر ازورك وانظر ضريحك وضيه والعاشق ما اهين يتلظى ابكل حين ترخص لك الدم والأعادي تعلم 🏴 @Halvaji 🚩

▪️ زوارك يحسين توفي لك بالدَّين 8️⃣ #آلبوم_قاصد #لطمیات #ماه_محرم #امام_حسین 🏴 @Halvaji 🚩

🎙#آلبوم_مع_الحسين 7️⃣ وين أصحاب الضمير📃 وين أصحاب الضمير وين أصحاب الضمير ▫️▫️▫️ أبن مرجانه على الأمه أمير واظل بن فاطم على الغبره عفير بني اميه الظالمه تبدي الجحود للرساله وأبد عنها ماتذود شلون للأموال تبذلها وتجود لجل تمحي هالرساله امن الوجود وحتى تقرير المصير بيدهم أمره يصير وضاعت احقوق الفقير وين أصحاب الضمير ▪️▪️▪️ ابكثر طغيانه ابحكم ربه كفر وعله عرشه على الأمه وبطر اشلون يتببختر على الأمه ابفخر أبد ما للدين في نفسه اثر والمجون البيه أبد ما ينحصر يكفي لو ما يكفي من يشرب خمر والوضع أصبح خطير والصبر عنه مرير وصار شره مستطير وين أصحاب الضمير ▫️▫️▫️ فزع بو اليمه وأعلن خطبته أنا الديني اضحي النصرته ابهالوضع قام أبو اليمه ابهمته ثار وأعلن للملا عن ثورته ايريد ينقذ دين جده وامته ايريد اضحي حتى لو دم رقبته ولا يظل دينه أسير بأيد أفاك وحقير عن سبيل الحق ضرير وين أصحاب الضمير ▪️▪️▪️ أنا للإسلام أريد اصبح شهيد أريد أفديه وسح دم الوريد أعلن ابثورته وما بايع يزيد وطلع من مكه الى الكوفه يريد وقال أنا ابمنهج الهادي ما أحيد وابد ما قر ليكم اقرار العبيد وما يغط جفني قرير عن يزيد اشما يصير ولا أظل مالي مجير وين أصحاب الضمير 🏴 @Halvaji 🚩

▪️وين أصحاب الضمير 7️⃣ #آلبوم_مع_الحسين #لطمیات #ماه_محرم #امام_حسین 🏴 @Halvaji 🚩