مدح حضرت علی اصغر علیه السلام عشق اینجا دل بدریا میزند عقل دورخویش درجامیزند یک طرف روباه جنگی سی هزار یک طرف یک شیراما شیرخوار ان طرف کفرجهانی یک جهان این طرف جان جهانی نیمه جان عشق اینجا نیز طغیان میکند شیرخواری کار شیران میکند اصغرمن ظهرعاشورا رسید روزروشن لیله اسراءرسید میروی آنجا که خلوتگاه اوست یارآنجا باتو اندر گفت و گوست خفتگان را خفتنت بیدارکرد ماندگان را رفتنت بیمارکرد آفرین برهمت والای تو مرحبا بر عشق بی پروای تو خوش برو معشوق میخواند تورا میرسد این بانگ از عرش خدا الصلا ای محرم اسرار عشق الصلا ای اخرین سردارعشق ای یگانه محرم رازم بیا غنچه خونین ممتازم بیا بسترت اینک نه دشت کربلاست جای تو خلوتسرای کبریاست گاهوارت ذروه اعلا بود جای تو دردامن زهرا بود ای همه بیچارگان را چاره ساز رونقی بی تو ندارد بزم راز قدسیان درراه تو بنشسته اند عرش را با نور آذین بسته اند یک طرف صف بسته خیل حوریان ایستاده یک طرف کروبیان تو بیا ای آشنای خرد سال شد مهیا بهر تو بزم وصال ای فروغ جنت الماوای من ای همای شاخه طوبای من تو بما پیوستی و ازما شدی قطره بودی و کنون دریا شدی ای به موج خون چو ماهی درشنا آمدی خوش بردیارآشنا یار یار خویش تا آوازکرد روح اصغرازقفس پرواز کرد بخش 2 پایانی ✍منکلام:استادحاج صمد قاسمپور تبریزی 🔴کانال رسمی عاشقان حضرت زینب«س» https://t.me/hazratehzeynab

مدح حضرت امام حسین علیه السلام گریز به شهادت حضرت علی اصغر علیه السلام بخش اول شاهد مه لقا حسین جاهد جانفدا حسین مظهر کبریا حسین مفخر انبیا حسین امّته پیشوا حسین جنته رهنما حسین مست میِ بلا حسین دست گره گشا حسین کلمۀ ابتدا حسین نقطۀ انتها حسین تشنۀ البلاء حسین کشتۀ کربلا حسین محکمۀ عدالته مدرک معتبر حسین نور حسین سحر حسین شمس حسین قمر حسین خنجرین آلتدا تشنه لب فتح حسین ظهر حسین کلمه به کلمه مصحفه زیر حسین زَبَر حسین ریشه سی یرده شاخه سی گویده اولان شجر حسین سورۀ یاءِ و سینیده سین حسیندی یا حسین قدّ رسای قامتی غیرت اَلصَّلاتیدور تشنه دوداقی چشمۀ طیبۀ حیاتیدور هر یره دوشسه کولگه سی دایرۀ نحاتیدور نکته به نکته مو به مو رحمت و التفاتیدور مقبرۀ مُسدّسی محور شش جهاتیدور کرب و بلانی ایلیوب قبلۀ اتقیا حسین یوخدی نیازی حضرتین خواهشه یا سفارشه اوج صعود عزتی دوشمدی سیر کاهشه ایلمدی موافقت پیشنهاد سازشه شاه کی دست بیعتین ویرمدی خصم سرکشه نوکری دست رَدّ وورار سینۀ پستِ داعشه خنجرین آلتدا سسلنر جاندا سنوندی یا حسین لنگر آسمان حسین زیور کهکشان حسین رحمت لامکان حسین جنت جاودان حسین مونس قدسیان حسین فارسِ قهرمان حسین ناظرِ امتحان حسین شافعِ شیعیان حسین روح حسیندی جان حسین روحیمه آرمان حسین نیلیورم طبیبی من درد حسین،دوا حسین کسب مقام ومنصبه کرب و بلایه گیتمدی تحت لوای دشمنِ آلعبایه گیتمدی دشت بلا مناسینه ذکر و دعایه گیتمدی علتی وار کی نهضتی باد فنایه گیتمدی فرق قویوب آیورمادی راه خطایه گیتمدی قاره غلامه اکبری قوشدی شرف نما حسین راه حسین هدف حسین غیرت حسین شرف حسین ناشرِ درسِ مکتبِ پادشهِ نجف حسین گوردی سوروبدی ریشۀ گلشنی هرز علف حسین فرصتی لمحة البَصَر ایلمدی تلف حسین بعضی شرف ساتان کیمی اولمادی بیطرف حسین ایلدی آرمانینه ئوز بالاسین فدا حسین باشینه گلدی هر بلا چیخمادی صبر و تابیدن باخما بیر عده چیخمیور ساحله منجلابیدن دینه حمایت ایلیور سنگر رختخوابیدن شیر کیمی محافظت ایلدی انقلابیدن گلدی آیوردی اصغری ئوز آناسی ربابیدن ایلدی روحی جسمیدن فکر ایلیون جدا حسین سینه سینه یاپیشدیروب تشنه یاتان کبوترین اگدی باشین مقابله ایستدی ئوپسین اللرین گوردی قنادی باغلیدی ترپده بیلمیور پَرین تَر دوزولوبدی آلنینا اود بوریوبدی پیکرین چکدی عبانی اوستونه یادینه سالدی اکبرین اصغری ئوپدی ساخلادی اکبرینه عزا حسین گلدی دایاندی عرصه ده لشکر شامه روبرو باشلادی صحبت ایلسین نصّ صریح تُفلحو هرنه واریدی لشکره آچدی دانیشدی موبه مو بو صود اَمَر یانور دیدی خیمه لریمده یوخدی سو کیپریگی قالخوب اَنمیور بلکه ده جان ویریبدی بو چاره سی یوخدی نیلسین اوغلونا منتها حسین هئچ بیلوسوز بو صود اَمَر ... ادامه دارد۰۰ ✍منکلام:اشجع الشعرا استاد حاج حسین غفاری اردبیلی 🔴کانال رسمی عاشقان حضرت زینب«س» https://t.me/hazratehzeynab

مدح حضرت امام حسین علیه السلام گریز به شهادت حضرت علی اصغر علیه السلام بخش دوم هئچ بیلوسوز بو صود اَمَر هانسی گولون گلابی دور قلبیمی یاندیران بونون طاقت و صبر و تابی دور غیرتین آسمانینون اولدوزودی عقابی دور روحیمون انتخابی دور عشقیمون آفتابی دور دوزدی کی شیرخواره دی معرفتین کتابی دور ایلمیوبدی ایلمز بی سبب ادعا حسین سیّد پاکزاده دی دست گره گشاسی وار هرنفسینده مین طبق معجزه گر دواسی وار فرشیدن آرتوق عرشیده عاشق جانفداسی وار صبرایلیون تلسمیون بوردا بلا کلاسی وار سینمون اوسته اوغلومون گورملی ماجراسی وار بوردا بلا عمارتین ایلیه جک بنا حسین تشنه دی تشنه لبلری من کیمی ظلمه لا دیه پارچالانا دوداقلاری سجده ده ربّنا دیه روح خدا مسیح تک حمد دیه ثنا دیه غیرتینه سیغیشمیور مُفسده مقتدا دیه ننگ اولا کیم ستمگره جانیم اولا فدا دیه ایلمیوبدی ایلمز ظالمه التجا حسین هرنه بویوردی الغرض اولمادی امری مستجاب غالب اولوبدی لشکره سایۀ شوم التهاب آلدی اَله کمانینی حرمله غرقِ اضطراب ایلدی بیر سه پر اوخی اوخلار ایچیندن انتخاب یر دئدی من باخانمارام گوی دیدی هارداسان رباب اصغری باسدی باغرینا باشلادی ربّنا حسین صاعقه مثلی ناگهان اوخ قوتاروب کمانیدن ناله صداسی قوزانوب پهنۀ کهکشانیدن سینه زنان فرشته لر گلدی یره جنانیدن اوخ نجه اَندی اصغرین حلقینه آسمانیدن قان اوشاقی قوجاقلادی دوشدی زبان بیانیدن گوردی اونون یاراسینا تاپمیاجاق دوا حسین اوخ گولونون بوغازینه گوردی باتوب تیکان کیمی سینه سینه یاپیشدوروب غمزده باغبان کیمی ئوپدی یاراسین ایگلدی قاسم نوجوان کیمی باخدی مدینه سمتینه آغلادی آسمان کیمی من اولا بیلمرم دیدی مادر مهربان کیمی بسدی بو قدری آغلاما گوزلرووه فدا حسین من دیدی ایستورم اوغول یارووی رویت ایلیوم اوچ پر اوخون یاراسینا بلکه طبابت ایلیوم چالما بو قدری اَل ایاق قوی سنی راحت ایلیوم قوی بو اوخی چکیم چوله رفع جراحت ایلیوم کعبه کیمی بوغازووی باری زیارت ایلیوم بوسۀ روح پرورین حقّین ایدر ادا حسین دوزدی کی اوچ پر اوخ سنون پوزدی بوتون نظامووی دوزدی بو سوز صحیحیدور آلدی بو اوخ دوامووی دوزدی بو بی مرامیلر بیلمدیلر مقامووی سن ولی قهرمان کیمی حفظ ایله ئوز مرامووی گون قاباقیندا تشنه لب ساخلاما ئوز امامووی گون ایتیرر یولون اگر اولماسا رهنما حسین معترفم شعورووه واقفم آرمانووه مندن اولا صد آفرین غیرت بیکرانووه باخما بو های و هویده سودووه یا زیانووه آند اولا خسته جانیمه آند اولا تشنه جانووه بیر گونی پادشاهیلر باش قویار آستانووه اوندا دیرسن آی بابا عشقووه مرحبا حسین آغلاما اوغلوم آغلاما من سنه اصغر آغلارام فکر ایلمه ربابیدن من سنه کمتر آغلارام هرکس الینده ایلسه غنچانی پرپر آغلارام قبریده ایلرم سنه سینمی بستر آغلارام یارووه غملی زینبیم باغلاسا معجر آغلارام عمری نقدری وار سنه ساخلیا جاق عزا حسین ✍منکلام:اشجع الشعرا استادحاج حسین غفاری اردبیلی 🔴کانال رسمی عاشقان حضرت زینب«س» https://t.me/hazratehzeynab

مدح حضرت علی اصغر علیه السلام ﭼﯿﺨﯿﺐ ﻗﻞ ﻫﻮﺍﻟﻠﻬﯿﻠﻦ ﺟﻨﮕﻪ ﺍﻭﺥ ﺑﻮﺗﻮﻥ ﻣﻤﮑﻨﺎﺗﯽ ﺳﺎﻟﻮﺏ ﺗﻨﮕﻪ ﺍﻭﺥ ﺑﻮﻟﺮﺩﯼ ﺗﻮﺧﺎﻧﺴﯿﺪﯼ ﮔﺮ ﺳﻨﮕﻪ ﺍﻭﺥ ﯾﺎﺧﯿﻨﻼﺷﺪﯼ ﺣﻠﻘﻮﻡ ﺧﻮﺷﺮﻧﮕﻪ ﺍﻭﺥ ﺩﺋﺪﯼ ﺍﻟﺴﻼﻡ ﺍﯼ ﻣﺒﺎﺭﮎ ﺗﺒﺎﺭ ﺩﮔﻮﺏ ﯾﺎﺭﺩﯼ ﺍﻭﺥ ﺗﺎ ﮔﻠﯿﻦ ﺣﻨﺠﺮﯾﻦ ﭼﮑﯿﺐ ﻓﻮﺭﯼ ﮔﻞ ﺻﺎﺣﺒﯽ ﺧﻨﺠﺮﯾﻦ ﮐﺴﻮﺏ ﺑﻨﺪ ﻗﻨﺪﺍﻗﯿﻨﯽ ﺍﺻﻐﺮﯾﻦ ﺩﺋﺪﯼ ﺭﺍﺣﺖ ﺍﻭﻝ ﺍﯼ ﻧﮑﻮ ﺭﻭﺗﺮﯾﻦ ﭼﺎﻟﻮﺏ ﺍﻝ ﺍﯾﺎﻕ ﻋﻤﺮ ﺍﻟﯿﻨﺪﻥ ﻗﻮﺗﺎﺭ ﭼﮑﻮﺑﺴﻦ ﮔﻮﺯﻩ ﺳﺮﻣﺪﯼ ﺳﺮﻣﻪ ﻧﯽ ﺑﻮ ﺣﺎﻟﯿﻠﻪ ﯾﺎﺕ ﺍﯼ ﺟﻨﺎﻥ ﺳﻮﺳﻨﯽ ﺭﻫﺎ ﺍﯾﺘﺪﯼ ﺁﺧﺮ ﺳﻮﺳﻮﺯﻟﻮﻕ ﺳﻨﯽ ﺭﻫﺎ ﺍﺋﺘﻤﻮﺭ ﺍﻣﺎ ﺧﺠﺎﻟﺖ ﻣﻨﯽ ﺍﻭﻏﻮﻝ ﺷﺮﻣﺴﺎﺭﻡ ﺍﻭﻏﻮﻝ ﺷﺮﻣﺴﺎﺭ ✍منکلام:شاه الشعرا استادحاج عسگر شاهی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

نوحه حضرت علی اصغر علیه السلام الیمین اوستونده بالام قانه باتدی گل آل مندن زینب سوسوز طرلانی بویانوبدور قانه گویرچینلر مثلی ربابون ششماهه گوزل جیرانی آناسیندان آلدیم آپاردیم میدانه دیدم آی انسانلار بالام عطشاندی گوله بنزر اوغلوم سارالوبدی رنگی سوسوزدی اوچ گوندی عطشدن یاندی سوزومی آغزیمدا سه پر پیکان قویدی بوغازیندن دگدی آیوردی باشین ایله بیلدیم زینب، ابوالفضلین بیرده منیم ئوز یانیمده گوزی اوخلاندی قوجاقیمدا باشین اوَل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسموشدی ربابین جیرانی دوداقیندن ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربانی ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسیدی ایله کی گوز یومدی دیدیم لای لای اوغلوم باجون گوزلور الان یوبانسون آغلار یارووی آهسته آچار باشدان معجر دیر لای لای اصغر رقیه ام باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمل لرده دییر یاندیم قارداش عزاسین ساخلار ✍منکلام:اشجع الشعرا استادحاج حسین غفاری اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت علی اصغر علیه السلام حرمله ایری کماندا دوز اوخا وئردی مکان ائتدی اوچ پر تیکانا غنچه ی نوبازی نشان او قوی دست چکوب شدت قهریله کمان اوخ یولا دوشدی هوا اوسته مسیرین تاپدی عجلیله صود اسیرین سو اسیرین تاپدی ساغر صبری او پیکان عدوات جالادی دگدی نازک بوغازا شاهرگین پارچالادی دیین اولمادی بیر آز رحم ائله دیلسیز بالادی سنکه بو حالتیله پاره لدون آی پاراسین عمه سی نه آناسی باغلیا بیلمز یاراسین دم فولادیله یوخ نسبتی ریحان ترون آدون اوخدور ولی خنجر کیمی واردور کسرون اوچ یره بولدی بوغازین بونون اوچ تیز پرون خواراولیدی سنی گل برگینون اوسته آتانی دگجگین یاره لدون هم بالانی هم آتانی آغ گیندیردی گوزل اوغلونا بیچاره رباب سو تمناسینه گوندری اورکده تب وتاب قلب زهرانی ائدوب حرمله نون ظلمی کباب جان وئرن وقته او دیلسیز بالانون چکدی نازین گوزلرین باغلادی اول صورا ئوپدی بوغازین دگدی اوخ ٱسدی اوطفلون چنه سی هم بدنی سوز بئله گلدی ندوم ایلمه تنقید منی ساده تشبیه وروم حالی ائدیم درده سنی دوشدی نه حاله خبر آلما ربابون چیچگی تیز قمچیله تصور ائله نازک ایپگی لاله مثلی بویادی دوشلوگون آخدوقجا قانی مرغ بسمل کیمی مظلوم بالانون چخدی جانی باغبان چکدی گلون اوستن او اوچ پر تیکانی دئدی اوغلوم سنه اوخ خوان جفادن پاییمیش بو فنا دهریده عمرون ائله آلتی آییمیش پهلوان ئو لدورن اوخ دگدی یازیق بیر اوشاقا نرم و نازک بوغازی آچدی قولاقدان قولاقا نه پذیرائیدی بو حرمله ائتدی قوناقا حقی وار دور آتووین باخدوقیجا قلبی یانا اللریم اوسته جنازون گئدیم ایندی هایانا قاتلون قوشدی سنون یاسوی اکبر یاسینا بیرنفر حالی اولان یوخ اورگیم احساسینا خبرون یوخدی نجه دوشمشم ئوز دالداسینا خاریله برگ گلی پارچالیان اولسون خوار حلقوین یاره سینی گورسه رقیم قورخار بئله یاتدون بالا یوخ بیرده آیلماق هوسون کسیلوب بیرده اوجالماز نه سیز یلتون نه سسون لبلرون گولدی نیه گولدی باتاندا نفسون متبسم دود اقون محنتوی آندیردی گلمه گون آغلا ماقوندان منی چوخ یاندیردی سینسا گل بوته سی اوستوندن اولار آویزان ✍منکلام:امین الشعرا مرحوم استاد حاج قدیر جلیل زادگان متخلص به انور اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

هر مذهب اولسا بونا رحم ایدر یقین حجّتده معتنابِهِ ادیان گتورمیشم جان قویموشام ئولنده علی اکبر اوسته من جانانه ویرماقا گینه بیر جان گتورمیشم گوزلور آناسی خیمه ده بیر شربه سو ویرون رحم ایلیون بو طفلی من عطشان گتورمیشم قرآن اهلیوق دیوسوز امّتِ رسول منده همان او مُصحَفه ایمان گتورمیشم اکرامِ ضِیفی واجب ایدوب حیّ لم یزل بیر تشنه بیر ایچیم سویا مهمان گتورمیشم قرآنِ ناطقم اوزوم ای اشقیای شام اتمامِ حجّته ولی قرآن گتورمیشم رحم ایله ای خلایقه راحم #حسینیم بیر تحفه دور حضوریوه پژمان گتورمیشم بیر عمر عقلی ایلمیشم نفسیمه اسیر اوز لغزشندن ایمدی پشیمان گتورمیشم ✍منکلام:مرحوم استاد حاج سید رضا حسینی تبریزی متخلص به سعدی زمان 🔴کانال رسمی عاشقان حضرت زینب«س» https://eitaa.com/hazratehzeynab

احوالات حضرت علی اصغر علیه السلام هئچ من دیمورم بیکس اوغولسوز شاها خاطر آدوز که مسلماندی رسولُ اللّها خاطر بیرجُرعه سو احسان ائلیون اللّها خاطر چیخمِی نَفَسی سوز عطشدن یانور اوغلوم واللّه قوریوب دیل دوداقی اودلانور اوغلوم تِزگَل آنازهرا بالاما ویرمدیلر سو لشکر قاباقیندا مَلَدی صودامر آهو دلسیز بالامون حالینه قان آغلادی یاهو اوچ پر اوخا توش اولدی بالام قانه بویاندی دیسکیندی گوزآچدی یوخودان بیردن اویاندی من سو دئدیم امّا سه پر اوخ اولدی جوابیم وار غملی ربابه منیم آخر نه جوابیم اصغر ال ایاق چالدوقیجان آرتور عذابیم تِزگل ننه آغوشیوه آل اوخشا بالامی اولدوردی بونون تشنه لیگی یالقوز امامی ✍منکلام:کربلایی رحیم فیضی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت علی اصغر علیه السلام زبانحال حضرت امام حسین علیه السلام در موقعِ آوردنِ قنداقهء فرزندش بر خیام باخمادی چشمهء چشمیم دولی بیر یَمدی باجی اوخی پستان یرینه تشنه بالام امدی باجی گور بو نه عالمدی باجی ایله سولموشدی سارالموشدی خزان یپراقی تک مرغِ بسمل کیمی تترردی بو بی آب سَمَک نه تک آغلوردی بونا قیرخا یاخون قاره لچک آغلادان ارض و سما اهلینی بو غمدی باجی سو امیدیله آپاردیم بالامی رزمگهه اولمادی حالی مؤثّر سپهِ رو سیهه قیتروب تشنه گتوردوم گینه بو خیمه گهه بو گیدیش بو گَلشین فرقی مُسلّمدی باجی الیم اوستونده سُها اولدوزی تک باتدی بالام گوزلری آخدی هامی دشمنی آغلاتدی بالام چوخ یورولموشدی یوموب گوزلرینی یاتدی بالام گورمیَن حالینی بولمز بو نه عالمدی باجی قالمیوبدور داخی قلبیمده منیم طاقت و تاب قانلی قنداقین آلان یوخ جگریم اولدی کباب یوز گوزی قانه بلشمیش گوره مشگلدی رباب بالاسین گورسه هلاک ایتسه اوزون کَمدی باجی ظلم الیله نجه یاندی اورگیم بولدی بالام اوخ دگنده اودی باخدی یوزیمه گُلدی بالام رنگی قیرمزدی ولی بیر سارالان گُلدی بالام بو گُله قرمزی قان قطره سی شبنمدی باجی یوخلامیشدی یوخودان دیسگنوب آچدی گوزینی گورمیَم زخمینی دوندردی یوزیمدن یوزینی آناسی فاطمه آغوشینه آتدی اوزینی یارالی طفله آتادان آنا اقدمدی باجی بالامین واریدی اگنینده باجی سبز قبا اوزگه بیر زینته محتاجیدی بو ماه لقا سبز رنگی بویادی قرمزی پیکانِ جفا قانی آق صورته پیرایهء مُعظمدی باجی ایلدیم دینیمه قربان بو لب عطشانی سوسوز سو کیمی آخدی الیم اوسته یره قانی سوسوز باخما ذبح ایلدیلر بو قوزی قربانی سوسوز گلشنِ دینه ویرن سو بو آخان دمدی باجی ایله هنگامه بو چولده باجی بر پا ایلدیم آلِ سفیانی تواریخده رسوا ایلدیم جدّیمون دینینی بو امریله احیا ایلدیم سببِ عزّتِ دین ، ماهِ محرّمدی باجی بالام اوخلاندی یقین اولدی مرامه چاتارام باش ویروب عالَمِ امکانی گوزیمدن آتارام قبریده اصغریمی سینم آلّام یاتارام تا جهان وار گوره نه مایهء ماتمدی باجی بالامی حرمله بیر نحویله قانه بویادی آشنا گورمدی بو مسئله آغلاتدی یادی یوخلادوب بیر گون اولار قائمِ مولود اویادی او گونون منتظری عالَم و آدمدی باجی ای #حسینی بو غمه آغلاسا هر شیعه گوزی یتوشر دادینه محشرده بو شهزاده اوزی یازدیروبدور سنه بیر #شیعهء_خلّص بو سوزی باخمادی چشمهء چشمیم دولی بیر یمدی باجی ✍منکلام:مرحوم استادحاج سید رضا حسینی تبریزی متخلص به سعدی زمان ✍منکلام:استادحاج غلام رضا شیعه خلص 🔴کانال رسمی عاشقان حضرت زینب«س» https://eitaa.com/hazratehzeynab

شجاعت حضرت علی اکبر علیه السّلام عرصه جولانگهه دلداده ی داور گلوب فقهیده استاد اعلم غیرته مظهر گلوب یا بقول منزوی ماه ملک منظر گلوب یوخ نیازی تا دییم هانسی هنر پرور گلوب آری آری هامی بیلدی عرصیه اکبر گلوب قامت شمشادی حیرتده قویوب طوبالری گوزلری مات ایلیوبدور احور و حورالری بیر نگاهی مسلم ایلر راهب ترسالری غیرتی یاده سالور موج ایلین دریالری غیرتیندن یادیمه دریای پهناور گلوب عشق خلاق ازل تسخیر ایدوبدور پیکرین گلدی اکبر ساخلیا پاینده دین اکبرین لرزیه گلدی وجودی گوردی هر کیم گوزلرین لشکرمزگانی برهم ایتدی شمرون لشکرین لشکر مزگان اکبر تک مگر لشکر گلوب گر درختان جهانون قطع اولا سرتاسری هاموسین کاغذ ایده بو عالمون صنعتگری او آغاجلاردا گلوب بیر دفتر اولسا یکسری دوتماز اول دفتر فقط وصف جمال اکبری بعضی لر ذهنینده بو سوز گرچه ناباور گلوب تا آپاردی عرشه الله خاتم پیغمبری دردیلن مملو اولوب مولا حسینون پیکری هجر احمدده آخوردی صورته اشک تری تا گلوب اکبر حسینون گیتدی یکسر غملری سسلدی پیغمبر ئولدی شبه پیغمبر گلوب سویله دی بیر گون معاویه او بدذات و پلید کیمدی شایسته جهانه شاه اولا قوم مرید بی تأمل هامی سسلندی امیرا تک یزید سسلدی ساکت اولون هامی اسوبدور مثل بید عالمه سالطان اولا لایق فقط اکبر گلوب ارشد اولاد مولا عرش عشقه قائمه جاننثار ملک ایمان بند قلب فاطمه وئرمدی بیعت الین اشرار پست و ظالمه روبرو دوردی اوتوزمین لشکره بی واهمه هیبتیندن لرزیه سردار وسرلشکر گلوب بیلمدی لشکر علی اکبر گلوبدور یانبی بعضی لر سسلندیلر صلو علیک یا نبی ئولمیوبدور اللی بوندان قاباق گویا نبی گر ئولوب گلدی نجه بو عرصیه آیا نبی حضرت طاهادی بو یا هانسی خوش منظر گلوب سسلدی اکبر منم ابن شه مردان حسین آدیم هم نام علی دلبسته ی سلطان حسین رگلریم سسلر حسین شریاندا سسلر قان حسین اکبرون مین دفعه اولسون آدووه قربان حسین چون ازلدن اکبر اوغلی فدیه ی رهبر گلوب آدیمییاخجی بیلون یار امامم اکبرم من علی بن حسین بن علییم افسرم گوزآچانگوندن جماعت بو کلامی ازبرم باشیمیویررم ولی میخواریه باش اگمرم خلق ایده اکبر بو چولده محشر دیگر گلوب بوسوزه دقت ایدون ای زاهدان بی هنر ریش ویا تسبیح یا پینه جبین قویماز اثر زاهدی کی علمی وورسا ریشه ی دینه تبر الده کی تسبیحیلن داور اونی داره چکر بیعمل زهاده آری بیله بیر کیفر گلوب نینورم فانی جهاندا نام و جاه و منصبی اکبر ئولسون زنده قالسون کربلانون مکتبی ای اولارکی سجده ایلورسوز حقه روز وشبی گر مسلمان سوز منه فاش ایلیون بو مطلبی بو اوتوز مین زن نیه صحرایه بی معجر گلوب خطبه ی اکبر سالوبدور قلب اشراره شرر غیرت اللهین سوزی بی غیرته ائتدی اثر شیرین اوسته حمله ائتدی روبهان کج نظر آچدی پر فوج غراب اوسته عقاب تیز پر دلده ذکر یا علی نی ایلیوب ازبر گلوب مهر باطل شد وئروب هر ضربه سی بیر دستیه قان سوزور خون گلولردن نشان رستیه هم مبارز یوخدی بو سرباز پیمان بستیه تلیدن باخدی حسین رزمنده ی برجستیه فن جنگوندن دئدی یاده شه خیبر گلوب پور لیلا اشقیادن طاقت و آرام آلوب تیر ایثاری دل اعدای بدکیشه چالوب هر کیمه خنجر ویروبدور جسمینه آتش سالوب باش بدندن آیریلوب جسمی ایاق اوسته قالوب قانه غرق اولدی جداله هانسی رزم آور گلوب باش دیور احسن سنه پیکر دیور ای وای منه یوخ مجال زندگی جنگه گلن اهریمنه اکبری غرق شیعه بحر شور و احسنه آبشار خون قوشوبدور تیغیلن باشسیز تنه چشمه ی جوشان کیمین قان حلقیدن پی درگلوب بطن دعواده اولانلار یاخجی گورمز منظری کیم اوجا یرده اولا یاخجی گورر دور و بری باشلاری بیر بیر هوایه گوندروب حق مظهری سسلدی یاخجی گورون باشلار توان اکبری سر هوایه قوزانوب پیکر یره بی سر گلوب حمله اعدا ایلیور تیغ و سنان و تیریلن روبهین گر عقلی اولسا جنگه چیخماز شیریلن کیمگلوب پیکار ایده بو عاشق دلگیریلن عمرونون پایانینه امضا آلوب شمشیریلن تلیدن تکبیر عباس علم پرور گلوب بیر بیله رزمنده ی صاحب نشان گورسنمیوب لشکره لرزه سالان بیر نوجوان گورسنمیوب عرصه ده بیر صحنه وار مثلی اینان گورسنمیوب نقدر خنجر ووروب خنجرده قان گورسنمیوب خارجه چون جسمیدن قاندان قاباق خنجر گلوب تلیدن مولا گوریدی شاهکار دلبرین اوچماقا آچمیشدی شهپر گوردیگیجن اکبرین منقذ ظالمولی سیندیردی مولا شهپرین خنجریلن پست زاده اکبرون بولدی سرین مرکب اوستوندن یره باش یاره لی سرور گلوب یوز دوتوب اخیامه سسلندی امیرا السلام اوغلونون آلدی سسین تل اوسته بیچاره امام بیلدی کی کامه چاتوبدی کوفیان بدمرام یوز دوتوب عباسه سسلندی اخا ئولدی بالام بو صدای جان گزادن قلبیمه آذر گلوب یا ابوالفضل آند ویررم حیدره الان سنی راضی ایله حجت برحق حی ذوالمنی یاندی قلبیم تئز یتیر میدانه آی قارداش منی ✍منکلام:کربلایی نویدآسال اردبیلی ‍ 🔴کانال رسمی عاشقان حضرت زینب«س» https://t.me/hazratehzeynab