🖤السلام علیک یا زینب کبری سلام الله علیها 🤍میون همه دل ها امان از دل زینب 🖤شامیان سنگ به ریحانۀ زهرا نزنید 🤍خنده بر زخم دل زینب کبری نزنید ‌🔴کانال رسمی عاشقان حضرت زینب«س» https://eitaa.com/hazratehzeynab

🔳غمت در نهانخانه‌ی دل نشیند... نوای دلنشین کربلایی جواد مقدم 🔳به مناسبت اول ماه صفر سالروز ورود کاروان اسیران کربلا به شام ‌🔴کانال رسمی عاشقان حضرت زینب«س» https://eitaa.com/hazratehzeynab

🌸این سبد گـل قشنگ 💓تقدیم به تـک تـک 🌸شما عزیزانم 💓ڪــه بــا 🌸بـــودنتــون 💓تـنـها نیستیم 🌸ومایه افتخار است 💓لحظه هاتون گل افشان دلتون شـاد ‌🔴کانال رسمی عاشقان حضرت زینب«س» https://eitaa.com/hazratehzeynab

عــــــــــشق راافسانه کردی یاحسین عـــــــــقل رادیوانه کردی یاحسین در ره معبودبی همتای خویش همتــــــــــی مردانه کردی یاحسین تا قیــــــــــامت در دل اهـــــــــل ولا منــــــــــزل وکاشانه کردی یاحسین صبحتون حسینی ‌🔴کانال رسمی عاشقان حضرت زینب«س» https://eitaa.com/hazratehzeynab

ورود به شام چاووش چکدی جار گلور خارجی اسیر اولموش بناتِ شیرِ خدا شمره دستگیر جلب ِتوجّه ایلدی نامِ شهِ نجف شام اهلی یوز قویوب هامی دروازیه طرف بدر انتقامین آلماقا گلمیشدی اهلِ شام توهین ایدردی باشلارا اول ملّتِ عوام داملاردان اود توکردیله آلِ پیمبره گه ناسزا دیردیله اولادِ حیدره گه قیزلارا کنیز گوزونده باخاردیلار گاهی گولوب خانیملارا گه کف چالاردیلار بازارِ شام عترتِ خیرالانام عجب دوتموشدی قلبِ سیّدِ سجّادی تاب و تب آت اویناداردی شمر و سَنان اللرینده باش قیزلار باخاردی دلده فغان گوزده قانلی یاش لیکن جدا باشیندا سرِ شاهِ اولیا کهف آیه سین اوخوردی او سلطان ِماسوا دوتموشدی گرچه گوزلرینی لخته لخته قان امّا باخاردی قیزلارا اول میرِ انس و جان محمل لریله ناقه لر اولموشدی روبرو باشلار گزردی نیزه ده شاماتی کو به کو باشلار ایچینده واریدی بیر سودامر باشی هر کیم باخاردی عارضه باغلاردی گوز یاشی مشغول ایدوبدی ذهنیمی بیر سِرّ جانشکار آتش سالوب نهادیمه بو نکته آشکار بیر باش خیالی خانه ی فکری ایدوب خراب باشلار ایچینده یوخدی سرِ پورِ بوتراب باب المراد ساقی بی دستِ کربلا سینسین قلم بو سِرّی اگر ایتسه برملا شرمنده دور بو خجلتینون واردی علّتی چوخ یاندیریب او غمزه ده نی بیر سو صحبتی بیر مشک سو خجالت ایدوب اول دلاوری لابد بودور جداده دگول راس ِانوری هر دم باخور گوز آلتی گینه رأس اصغره.... معناده آهی اوج ایلیور عرشِ داوره دلدن یانور او قانه باتان زلف و کاکله معناده بو زبانیله گویا گلور دله ای آسمانِ عشقیده رخشنده ماهتاب قربان او خسته گوزلره ای غنچه ی رباب وار علّتی علی بور قدر غرقِ مِحنتم حشره کیمی رباب آناندان خجالتم ایله #زکی بو چامه ی پُر محنتی تمام قورتولماز هر قدر یازیلا ماجرای شام بسدور دایان بو قصه ی جانسوزی ختم اِله آغلا او قدر حاجتِ قلبون گله اَله ✍منکلام:استاد حامد محمدی متخلص به زکی 🔴کانال رسمی عاشقان حضرت زینب«س» https://eitaa.com/hazratehzeynab

ورود‌ به شام سس دوشدی گلور شامه حسین باشی جداده شام اهلی تماشایه چیخا ائتدی اراده هر رهگذری خلق ویروب ال اله دوتدی غوغا اوجالوب هلهله و غلغله دوتدی زینت تاپوب اولموشدی بوتون شهر چراغان ائتمیشدیله خلقه اولاری خارجی عنوان رقاصه لر اوینوردی دوشمنیشدی خیابان سازنده گیدوب شوره نوازنده گلوردی رقاص اوتوروردی یره خواننده گلوردی بایرام کیمی اللرده حنا خرد و کلانین قاتمیشدی باشین عیش و طرب پیر و جوانین پیغمبرین آلمیشدیلا معناده توانین بولموردیله که ختم رسلی شامه گلوبدی ایتام آتاسی باش چکه ایتامه گلوبدی بیردن نه گوروبلر که سینیق قافله گلدی منظوری تماشاچیلرون حاصله گلدی ناگاه حسین باشی جداده دله گلدی قرآن اوخودی قانلی لبی آیه به آیه سالمیش باشینا قیزلارینون نیزه ده سایه شام اهلنی غم منظره سی حیرته سالدی بعضیسی قیتدی ایوه بعضی لری قالدی بو اوندان او بوندان جریانی خبر آلدی هر کس که بولوب بولمینی ایلدی حالی وردی باشا ای وای دئدی پیغمبر عیالی دوشموشدی جداده شهدا باشی نظامه تشبیه گونه اولدوزا یا بدر تمامه مشعل او چراغانیده اولموشدولا شامه هر تک تکی نین سیریده مخصوص مسیری مجذوب ائلیوب هر بیری بیر نچه اسیری هر بیر باشا مینلرجه گوز ایلوردی تماشا مشغول تماشا اوزی زیبا و دل آرا مشهوریدی شام اهلی اولور حسنده تنها سوزدن بوله سن باش ندی باش صاحبی کیمدی یا حسن ندی حسنون اولان طالبی کیمدی مستغرقیدی بحر تحیرده باخانلار یا رب گورسن کیمدی دئردی بو جوانلار چوخ جای تعجبدی که ئولموله قالانلار دلده بولارین لاله کیمی داغی ساغالماز بیر بئله جوان ئولسه آناسی دیری قالماز بوندان بیلسن لیلینین احوالینی سنده نه چکدی او مدتده و یا ملک وطنده اکبر وئیه بولموردی دوشوردی دیلی بنده ایستردی دوشه سوز یتوره خلقه مرادین قویدی آناسی ئولموش علی اکبرین آدین داماد باشیندا ائلین زلفه نظاره دلدن آلشوب یاندی دیلی دوتدی شراره بیردن او جماعتدن اوزون چکدی کناره گوز یاشی توکوب آغلادی احوال عروسه یاندی ئورگی ایده و آمال عروسه اصغر باشی آلمیشدی ئورکلرده کی تابی سویلوردوله یوخدور غمینین حد و حسابی هر چند تانیموردولا غم دیده ربابی حقلیردیله کی حقلیدی حسرت ئولوم ایتسون الله آناوین کورپه بالا دادینه یتسین سقا باشی اما یوخودی نوک جداده فرض ایلماق اولماز او بویوک مطلبی ساده هاردیدی یرین دل دئماقا ائتمز اراده نسگل اوتی کشف اولسا دل عالمی داغلار جنتده علی ساقی کوثر یانار آغلار زهرا قیزینون تنگیدی دنیا نظرینده چیخمیشدی ئوزوندن غم و محنت اثرینده گوردوقجا تماشاچیلری دور و برینده الله بولوری غملر الیندن نه چکوردی بیر عده ستمگرلر الیندن نه چکوردی آدم گتوروب دور دیه سن بس در و دیوار مملویدی عورت کیشیدن کوچه و بازار بیر خاتم انگشتر اولوب عترت اطهار ناجنس لرین دستی رسندیدی تمامی آزار و اذیت هوه سیندیدی تمامی بعضی داش آتوب دل یاراسی بعضی وئراردی مهمان باشنا گل یرینه کول سووروردی صیاد صفت دام بلا یولدا قوروردی هر دام بلانی قوران اوز قوردوقی یره ائلوردی اذیت برینه دوردوقی یرده هر گونه ستم ایتماقا اولموشدیلا آزاد هر کس که نه الیندن که گلوب ائلدی بیداد بیجا دگی فرمایش ائدوب سید سجاد ایکاش ئولئدیم من آنامدانم دوغولونجا بو نوعیله دریای بلاده بوغولونجا خیبردن اولان جمع یهودی متواری مسکن گلوب ائتمیشدیله او دار و دیاری فرصت دالیسنجا ائلیوب روز شماری پیغمبره مافاته قصاصین سراغیندا بیردن بیره گوردی هدفین اوز قاباقیندا چیخدی او یهودیلر ائچیندن بیر عجوزه گلدی دل پوسیده ده داغ غمی سوزه اوز کینه دیرینه سینی گتدی حضوره بیر سنگ جفا تاپدی اله سالدی بهانه سلطان سلاطین باشینی قیلدی نشانه آتدی او داشی آلنی حسینون یارالاندی قان آخدی قیزیل قانیله آغ خطی بویاندی باخدی باجی قارداش باشینا صبری تالاندی جان سسلدی قارداش یارالی باشیوه قربان ئولمور نیه زینب که اولا دردینه درمان نه گون اولور آخشام نه یتور باشه مصیبت بیر ائیل اولوری بیر ایله که لحظه ده ساعت آل اللهه با جادی دئسم اولدی قیامت بیر آز یول ة اوزون وقت الهی نه چتیندی یول اهلیدی عورتدی اشاق قیزدی گلین دی ویرانیه دروازه دن آزجیدی مسافت چکمزدی او یول طی طریق اون ایکی ساعت یا رب واریمیش یولدا نه اندازه جماعت غم قافله سین لنگه سالوب یولدا یوباتدی بیر گون چکوب علت اودی ویرانیه چاتدی عزت اطاقیندا یاشیان خیردا اوشاقلار اولدی قوری یرلرده اولان خوار قوناقلار تترردی بدن لر قوروموش غنچه دوداقلار دل خسته بدن خسته ئورک داغلی سوسوز آج هر تک تکی بیر یالشه آسایشه محتاج سوز سخت مقامه یتیشوب ختم ائله قورتار دل صاحبی دل وئردی سوزون اولدی شکر بار هر بیتینه بیر سجده شکر ائتگیله مین بار ای حافظی یعقوبی و آزادی و اصلی یازدیردی بو اشعاری سنه موسم و فصلی ✍منکلام:مرحوم استاد حاج کریم حافظی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام ایکاش اولیدی ویران بو چرخ کجمداری شامه اولاندا داخل آل عبا قطاری اهل حرم سراسر عریان جمازه اوسته باشلار ..... تماماً قوللاری طنابه بسته اولموشدی ظلم الیله مغلول امام خسته بیطاقت ایلمشدی زنجیر او باوقاری امر ایلمشدی سلطان عیش ایلیه رعیت اولموشدی شامون اهلی مشغول عیش وعشرت ایولرده قالمامشدی نه بر کیشی نه عورت دوتموشدیلار تماشا قصدیله رهگذاری گیمشدی شامون اهلی یکسر لباس تازه الده کیمی نی و دف چخمشدی پیشوازه بر پیشواز اولوندی رأس شه حجازه بانگ نی و دف و کف دولدوردی رهگذاری دروازه دن اولاندا غم فوجی شامه داخل بر نوعیلن نظامه سالمشدی قوم باطل اولموشدی هر کسوک باش بر محمله مقابل چخمشدی اهلبیتون افلاکه آه و زاری اکبر باشین گورن دم لیلا مقابلنده بر تازه شور و شیون باشلاردی محملنده اولماز او حاله مطلق طاقت آنا دلنده گیتمشدی اول غریبون هم صبر هم قراری گیتمشدی ناقه اوسته زینب ایله تواندان قالموردی بر او قدری کسسون علاقه جاندان ناگه آلوب حسینون قرآن سسین سناندان آئینه دلندن سیلدی او سس غباری دوتدی یوزین جدایه اول بانوی مودب ایتدی بو دللریله قارداشنی مخاطب گور بر دوشوب نه حاله قارداش بلانی زینب غمدن گلوبدی تنگه یوخ کیمه غمگساری بر غرفه دن تماشا ایلوردی بر لعینه قرآن اوخوردی گوردی راس شه مدینه جوهر الاشعار شرم ایتمدی خدادن بر داش آلوب الینه ایتدی نشان جداده اول راس زخمداری دگمشدی اول مقدس باشه اون ایکی یاره آسان سانوب عجوزه آتدی داشی دوباره داش گلدی دگدی فرق سلطان تاجداره قرآن سسی کسلدی القانی اولدی جاری ایلردی هر گذرده بیله ندا منادی بو دستگیر اولانلار اولاد مرتضادی هر کیمسه نون دلنده وار مرتضا عنادی هر نوعیله اذیت ایتسه وار اختیاری تاپدی شقی جماعت جرات همین خبردن ظلم ایتدیلر او قدری گیچمزدی هیچ نظردن گه کُل توکوب گهی اود شام اهلی باملردن چکدی بنات زهرا بو درد بیشماری بیمار امامون از بس گیتدی قراری الدن اودلاندی بو کلامی فرمایش ایتدی دلدن ایکاش گلمییدیم دنیایه من ازلدن تا اینکه گورمییدیم بو ظلم ناگواری تحصیل آدمیت ایله #شهاب اول آدم مطلق اولور ملکدن آدم اولان مقدم گر ایسته سن یازاندا روح القدس ویره دم پاک ایله سوز محلین درک ایت بو اعتباری ✍منکلام:مرحوم استادحاج یوسف شهاب تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام جمعیدور یارب ندن بئیله جماعت شامیده سدّ اولوب دروازهء ساعت بو ساعت شامیده اجتماع مردم شامه مگر علت ندور گوئیا برپا اولوب شور قیامت شامیده بیر طرفده شامیان بر پا ایدوب جشن و سرور بیر طرفده گورسنور غملی حکایت شامیده نوک نی ده بیر کسوک باشدور حجازی لحنیلن ایلیور آیات قرانی تلاوت شامیده دین اسلامی فراز نیزه ده تبلیغ ایدور شامیان تبلیغینه ایلور عداوت شامیده ذکری ذکر حقیدور، بولمم نه عنوانه اونا داش آتور شام اهلی ایلور حتک حرمت شامیده راس نی ده گوئیا گوندور چخوب چرخ اوستونه کیم گورور انوارینی ایلور حسادت شامیده نورینی سندن آلور بو نور مطلق لا کلام ایلیور اهل دلی یکسر هدایت شامیده نقش اولوبدور عرشیوی گویا بو دم فرش اوستونه گورماقا یوخدور ولی چشم بصیرت شامیده شش جهتدن یکسر اطرافین آلوب اولدوزلاری مه خسوف ایلوب ندن بولمم بو ظلمت شامیده بیر خانم عورت گهی سسلور ایا ماه منیر هاردا قالدون زینبه وقت حمایت شامیده گاه سسلور ای گل زهرا سنه جانیم فدا نیزه دن آچ گوزلرون ایله عنایت شامیده گور نه احواله قالوبدور زینب نالانیوی یوز ویرور هر لحظه ده مینلر مصیبت شامیده ووردی بیر داش که عجوزه سجده گاهیندن سنون اولدوره بو غم منی ایلر کفایت شامیده سجده گاهیندن آخان قان باغریمی قان ایلدی یادیمه عباسی دوشدی چکدیم حسرت شامیده نطقیدن سالدی سنی ای پاره قلب رسول نطقه گل ظلم آیه سین ایله قرائت شامیده عمرده بیر بیله غم یوز ویرممیشدی زینبه اوندان آرتوق یوز ویروبدور درد و محنت شامیده بیر طرفده بیر نچه محملده اطفال آغلاشور آغلادوقجا شامیان ایلور شماتت شامیده ناقه عریانین اوستونده مریض عشقیوی بسته زنجیر ایدوب قوم ضلالت شامیده ظلمیله باشینده یاندی اوغلوون عمامه سی قویمادی خاموش ایده قید اسارت شامیده یاندی یاندوقجا باخوب یاندوم اونون احوالینه قلبیمی یاندوردی ظلم بی نهایت شامیده وار سنون قلبونده چوخ شوق زیارت ای #عتیق بیر زمان بو سس دوشر ایلور زیارت شامیده ✍منکلام:استادحاج داود طهمورثی تبریزی متخلص به عتیق 🔴کانال رسمی عاشقان حضرت زینب«س» https://eitaa.com/hazratehzeynab

ورود‌ به شام شامیان من داغدارم هلهله کمتر کنید خارجی نه زاده ی پیغمبرم باور کنید کف زدن پایِ سر فرزند زهرا خوب نیست نامسلمانان حیا از دخت پیغمبر کنید با چه جرمی عمه ام را پیش چشمم می زنید نه حیا از فاطمه نه شرم از حیدر کنید گشته جای شیر جاری اشک از چشم رباب جای خنده گریه با آن مهربان مادر کنید میهمانم، زاده ی پیغمبرم آیا رواست جای عطر گل نثارم خاک و خاکستر کنید این سر ریحانه ی زهراست بر بالای نی از چه رو با خنده استقبال از این سر کنید کوچه کوچه سنگ بگرفتید جای گل به دست تا نثار فرق مجروح علی اکبر کنید زخم زنجیر مرا دیدید و خندیدید باز شادمانی پای اشک عمه ام کمتر کنید فاطمه با ماست ای نامرد مردم کِی رواست رقص پای گریه ی صدیقه ی اطهر کنید شیعیان با شعر #میثم در غم ما اهل بیت دیده را لبریز از خون سینه پر آذر کنید ✍منکلام:استادحاج غلامرضا سازگار متخلص به میثم 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام زینب اوگونکه داخل بازارشامیدی شامون اوگونکه صبحی اوناتیره شامیدی نه شام صبحی شام غریبان کیمی سیاه نه صبح شامی تیره چوقلب ظلامیدی شامه گیرنده آل پیمبر نظامیلن شامون شقی جماعتی چوخ بی نظامیدی کسمشدی کوچه لرده تماشاچیلر یولی تقریره گلمیری که نجه ازدحامیدی گیمیشدی مرد و زن هامی فاخر لباسلر چون پیشواز عترت فخر انامیدی فخر انام عیالی خجل باشلاری مه یوزلرنده طره مشگین غمامیدی هر محمیلین مقابلی بیر قانلی باشیدی  زینب برابرینده ده رأس امامیدی قرآن اوخوردی نیزه باشندا حسین باشی ذکری همین کلام حق لاینامیدی اثبات ایدردی حقّنی حق بولمینلره بولسونله حق ولیسنه قایم مقامیدی کیم سالدی نطقدن اوباشی بیرعجوزه بولمم او بیحیا نجه بی ننگ و نامیدی بیرداش گوتوردی ایتدی نشانه حسین باشین دلده کلامی باخمادی الله کلامیدی دوشموشدی بیرمنادی قباقه چکردی جار ای فرقه یهود بوگون وقت کامیدی هرکیمسه نون پیمبریله وار عدواتی گلسون گلوب عیالی دم انتقامیدی اول دو مجوس و کافر و گبر و یهودیلن مملودی او که در و دیوار و بامیدی گه داش آتوب توکر دیله گه باشلارینا کول چون ارثیدور عیال رسول گرامیدی محمللره توکر دیله گه باملردن اود آل الله ایتدیلر او که صبر و دو امیدی شامی تمام کوچه به کوچه دولاندیلار شام اهلنون جفاسی هله ناتمامیدی شام اولدی بر خرابه ده یرویردی شامیان کیم باخبردی شامون او شامی نه شامیدی منزل خرابه اهل حرم خسته آچ سوسوز نه فرش و نه چراغ و نه طبخ و طعامیدی اولماز بو شام محنتی تحریریلن تمام الدن ((شهاب)) سال گیله بو خامه خامیدی ✍منکلام:مرحوم استادحاج یوسف شهاب تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام غم قطارین ساخلادی قوم ضلالت شامده آل طاهایه اولوب برپا قیامت شامده جمله گلدی اولمیوب سیر تماشادن قالان اهل بیت مصطفادن طاقت و آرام آلان طعن ایدن آت چاپدیران مسرور و خندان کف چالان درد و غمدن نه چکوب آل رسالت شامده سسلیوبلر بیر بیره شامه عجب موکب گلور بیر قطار عشقدور باخساز اله مطلب گلور یعنی بو شهره بو گون زهرا قیزی زینب گلور کربلا ظلمون گلوب ایتسون حکایت شامده کینه و بغضون او‌گون شام اهلی تکمیل ایتدیلر بیر بیره سبقت ایدوب بازاری تعطیل ایتدیلر ماه و انجم سیرینه یتماقه تعجیل ایتدیلر کثرتیندن بیر بیرین یخدی جماعت شامده آل طاها سینه سی دولدی غم و آلامدن جور و ظلم اشقیادن ازدحام شامدن باشینه بیمار امامون اود توکوبلر بامدن ابر غمده قالدی تا ماه امامت شامده روبروده تا گورور هر باجی قارداش باشینی حسرتیله عارضه گوزدن توکور گوز یاشینی ناقه دن سسلور رقیه سود امر قارداشینی باجی قارداشا ایدور غمدن شکایت شامده ناقه لر اوسته اوشاقلار حسرتیله آغلوری ایله پوزقوندی رقیه حالی سینه داغلوری کیم باخوب اول حالنه اشکین عذاره باغلوری سلب اولور تا قلبلردن صبر و طاقت شامده یاسلیدور زینب قوروبدور ناقه اوسته بزم یاس لیک شام اهلی گیوبدور اگننه قرمز لباس باملرده دف چالولار قوم دون و رذل ناس زینبه گور نه ویروللر سر سلامت شامده عیددور گویا او‌گون چوخلار اوزون دلشاد ایدور بیر بیره هر کیم یتوبدور تا مبارک باد ایدور جشن ایدور شام اهلی آل الله فغان و داد ایدور عیددور بو یا اولوب برپا قیامت شامده خلق ایلوردی نظر اول دمده نیزه باشینه تاحسین باشی هدف اولدی عجوزه داشینه باخدی زینب نیزیه رخصت ویروب گوز یاشینه قارداشین باشنده گوردی بیر علامت شامده #اعظمی دولدورماگوز یاشیله دیده ابرینی صبر ایله غمده قسم ویر حقه زینب صبرینی تا نصیب ایتسون سنه الله رقیه قبرینی اول گوزل قبرین گیدوب ایله زیارت شامده ✍منکلام:مرحوم استادحاج بیوک اعظمی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام یتنده قافلهٔ عشق باب ساعاته بهشت رشک آپاراردی صفای شاماته نی اوسته جلوه گر اولموشدی آی کیمی شهدا فضای ظلمت شامه ویرردی نور و ضیا بیر اوجا نی ده ولی رأس میر عشق و وفا سالاردی گون‌کیمی بیر جلوهٔ جهان آرا نه جلؤه جلوه لنوب نیزه اوسته آیت عشق عوالم ایچره مبرهن اولوب حقیقت عشق نه جلوه انفس و آفاقی محو نور ایلیوب فراز نیزه نی مشکوة نورِ طور ایلیوب نه جلوه جلوده مدهوش ایدوبدی موسانی سالوب تعجبه ساعیرده مسیحانی بو جلوه دندی درخشندگی جلوهٔ طور مشیت امریدی ایلوبدی نیزه اوسته ظهور بو جلوه دن متجلی اولوبدی جادهٔ عشق بو جلوه صاحبی باشه چکوبدی بادهٔ عشق ویروب صحیفهٔ عشق ایچره هر قضایه رضا اودور یوزونده مین اسرار عشق اولوب پیدا بیله مقدر ایدوبدور خدای کون و‌مکان اوزی کمک لری اولسون شریعته قربان وفا ایدوبدی او پیمان عشقه بی پروا گیدوب جدایه باشی عصر روز عاشورا جدا باشندا گلور شامه عشق سلطانی سالوبدی آردیجا بیر فوج عشقه دارانی بیر عده آردیجا سرمست و سربدار گلور بیر عده ناقه لر اوستونده دلفگار گلور غریبه عالمیدی شهر شام یا زهرا کجاوه لردن اوجالمیشدی عرشه واویلا دوشنده ناقه لر اوستن جدالره گوزلر دله گلوردی اورکلرده کی نهان سوزلر بیری دیردی اوغول آغلارام اُلنجه سنه جدا دَه باخ منه منده باخوم دویونجا سنه هَرَه سی بیر دلیله دل دیردی آغلاردی ولیک اصغر آناسی جهانی داغلاردی دیردی ای آناسین چوللره سالان بالا وای جفا الیله سوسوز تشنه اوخلانان بالا وای فراق اودی ایله آتش سالوب دل و جانه باشون دالنجا دولانام علی یانا یانه فراز نیزه نی خوش بستر ایتموسن اُوزیوه صبا یلی بالاجه تللرون توکوب یوزیوه ندندی اُلفتوی کسموسن اوغول مندن بیله‌گمان ایدورم کوسموسن اوغول مندن سن آیریلاندان اوغول صبح و شام آغلاموشام سنون غمونده هامی ماسوانی داغلاموشام اگر قوجاقیمه گَلَسن جهانی داغلامارام یقین ایله داخی من اللریوی باغلامارام بو‌نسگلون ایله آرامیمی آلور اَلدن او قدر گچمز آناوی اوغول سالار دلدن بلا چولنده شرار جفائیله یاندون سو اولمادی سوسوزوندان یانوب اَلولاندون خیال ایتمه آنان خوشهٔ وفانی بیچه محال امریدی سندن صورا سرین سو ایچه اوغول علی دیمه بوندان صورا دیوب گُلَم یورولموشام داخی به محنتیله من اُلم یازاندا «جابری»بو سوزناک نوحه لری روان اولاردی عذاره گوزوندن اشک تری خطاسی چوخدی شریعتده چوخلی غفلتی وار بو غفلتیله ولی حقه قصدقربتی وار ویروبدی چنگ سنون دامن جلالتوه نیازی واردی اوغول حشریده شفاعتوه ✍منکلام:استاد حاج تقی جابری 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام غم حوزه سینده مطرح اولوندی کلام شام شرح اولدی فصل فصل فصول مهام شام لفظ عربده کلمه ی مشتقدی شومدن لفظ عجمده عالم تار و ظلام شام غم شدتله یتیشسه دیرلر گون اولدی شام بخصوص اسیر ایچون اولا غربتده شام شام راوی سوروشدی هانسی مصیبت اشدّیدی فرمایش ائتدی سید سجاد شام شام شوم اولدی آل حیدره اوز شوم لفظی تک اما یزیدکافره دارالمرام شام شامه چکنده آل پیمبر قطارینی دوتمیشدی کاروان یولونی ازدحام شام ایلردیلر ندا یول آچون خارجی گلور نصرت تاپوب خوارجه قائم مقام شام بام اوسته غرفه لرده دوزولموشدی صف به صف سیر اسیر ائتمگه اهل تمام شام پیغمبرین اوز اوغلونا آد قویدی خارجی بولدی اوز اهلین امت خیرالانام شام دین ئولدوروب دییردیله بیز اهل مذهبوک دین عالمینده ائتدی عجب فکر خام شام تبریک ائدردی بیربیرینه اهل شهر او گون اولموشدی دین عزاسی بیر عید عظام شام کوچه به کوچه آل رسولی دولاندیروب تا ملت یهود آلالار انتقام شام گه اود توکردی عترت اطهار باشینه گه سنگسار ائدردیله قوم لئام شام گه سس چکوب گولردیله گه‌کف ووراردیلار گه دف چالاردی فرقه ی بی ننگ و‌نام شام قرآن ناطقین باشینی گوردی نیزه ده غفلتدن اویمادی ملأ ذوالمنام شام بیر حاله سالدی اشرف مخلوق عترتین انظاره جلوه وئردی کنیز و غلام شام بیر ظلم قالموب آل رسوله یتیشمه میش ائتدی تمام جور و جفاسین تمام شام آخر بنات علت ایجاد عالمه وئردی خرابه کنجینی مسکن مقام شام مهمان نوازلر یغیشوردی خرابیه طعن وشماتت اولموشیدی احترام شام هر بیر ستم کشیده قیز آغلاردی دردینه شهقه چکوب گلوردی الدالخصام شام بیر چوخ مدید مدت او بیداد مرکزی اوز ظلم بی دریغینه وئردی دوام شام #ذهنی بس ائت که شام کیمی ذهنون اولدی تار یتمز تمامه نظیمله بیداد تام شام ✍منکلام:مرحوم استادحاج علی اصغر ذهنی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام بیرظلم اولوب اسیر بلایانه شامیده ال علی دایاندی اوگون جانه شامیده کرب وبلاوکوفه ویولارداکی ستم یادان چیخوب اوظلم فراوانه شامیده شمرشقی قباقه دوشوب چکدی بیله جار اکرام ایدون بوراس لب عطشانه شامیده دشت بلاده نیزه قلج چوخ گوروب بوباش داش یاره سین گرگ گوره ویرانه شامیده هرکیم ایشتدی سرعتیله چیخدی بامینه رحم ایتمدی اوحال اسیرانه شامیده بعضیسی اودتوکردی اسیرانون اوستونه اودلارهواده گلمزیدی سانه شامیده هربیراسیره قیزچاغوروب زینب عمه سین چاره ندوربوزلف پریشانه شامیده دوشدی اواودلارون بیری سجادباشینه عمامه سی الیشدی یانایانه شامیده اوزفکرین ایتمدی اناسی قیدینه قالوب اچدی دلین اودم حق منانه شامیده ایوای تازه دن ویریلورنوک نیزیه ظلم وستم گلن دگیلی سانه شامیده دوشدی یهودکوچه سینه کاروان یولی فکرایت نیدریهودی مسلمانه شامیده توارتین اهلی ظلموده نقصان قویمادی چوخ ظلم ایدوبله عترت قرانه شامیده باریک کوچه بامیلرالچاق اوجادوه الکردولردوه لری هریانه شامیده قیزلاردوشردی ناقه ایاقلاردی چوخلارین قول قیج سیناردی یوخ باخان افغانه شامیده دورموشدی بیرعجوزه باخوردی کناریدن رحم ایتمدی اوزینب نالانه شامیده باجی برابرینده ایدوب قارداشین نشان بیرداش ویروب اوغولسوزاوسلطانه شامیده اکبرگوراچدی باخدی باشایومدی گوزلرین ایوای باشون بلشدی گینه قانه شامیده زینب گورنده گلدی دله سسلدی حسین حرمت ایدوله داشیله مهمانه شامیده یتمورالیم بوتازه اخان قانی من سیلم قربان اولوم بوصورت الوانه شامیده ای کاش سنون یریوه منی داشلیردیلر سنگ جفادگیدی بونالانه شامیده خردااوشاقلارین غمی یادان چیخان دگل هم ناله اولموشام بویتیمانه شامیده حکم ایلین یزیداولااجراایدنده شمر بیرظلم اولارکی یتمیه پایانه شامیده هرگزدیمم اینان گیت اوزون باخ خبرده گور دستورقتل عام اسیرانه شامیده واللهی ساخلادی اسرانی خدااوزی یوخساعمل اولاردی اوفرمانه شامیده عباس باشی نوک جداده دایانمادی ات تورباسینداچکدیله هریانه شامیده نوفل عمودیلن اوباشون نقشینی پوزوب ام البنینه اچدی عزاخانه شامیده یارب بحق راس ابوالفضل سال اوزون هر #تابع_دینون گذارینی سالانه شامیده ✍منکلام:مرحوم استاد حاج حسن تابع دین تبریزی 🔴کانال رسمی عاشقان حضرت زینب«س» https://eitaa.com/hazratehzeynab

‍ یا رسول الله عیالون گلدی تنگه شامده زینبون غمدن بویاندی رنگ رنگه شامده کیمسه یاد ایتمز بولار اولاد پیغمبردیلر اوخشادولار بیزلری روم و فرنگه شامده بسکه یردن قالخیزوب آت اوینادولار توز گوگه وردیلر آیینه ی رحمانی زنگه شامده آدلارین مسلم قویانلار انجیدور اولادیوی بو حیاسیزلرده بیر باخ عار و ننگه شامده بیر نفر رحم ایلمیر ای رحمت للعالمین عجز قیلدیم کوفه ایچره گاه من گه شامده توکدولر گه اودلی نی لر گاه تپراق گاه کول داش اورکلر گه عیالون باسدی سنگه شامده هر یتن بیر نوع یا جدا وورور دل یاره سی کربلایه گلمینلر گلدی جنگه شامده کربلاده اوخلانان اوخلاندی منده سینمی خوش نشان ویردیم شماتتدن خدنگه شامده کیمیای غم ساراتدی حجه الله عارضین یوخ باخان گل صورتنده آبرنگه شامده آلتی آیدور ساخلیوب ویرانه ده ایتمز خلاص گور یزیدی کیم وروب سجادی لنگه شامده سن اوپن گل تک دوداقلاردان آلور گه انتقام گه قویور طعنه داشین دلده سپنگه شامده گه کسیک باشین وورور طعنیله سویلور یاحسین دامن مقصودی سالدیم یاخشی چنگه شامده ویردی جان تپراقلار اوسته بیر قیزون ویرانه ده آج سوسوز تاب ایتمدی بیجا درنگه شامده #صافیا دریای غمدور شام ویران مجلسی گور رقیه دوشماقین کام نهنگه شامده ✍منکلام:مرحوم استادحاج کریم صافی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام مجلس یزید چون قطارِ کوفه سوی شام شد طرفه شوری ز ازدحامِ عام شد شد ز شهرِ شام گردون بر نفیر چون ز اَحبارِ یهود اندر فَطیر دورِ گردون بس که دشمن کام شد ماتم‌ِ اسلام عیدِ عام شد شد چو ‌در شام اخترانِ برج دین آسمان گفتی فرو شد بر زمین آلِ سفیان در قصورِ زرنگار در نظاره سویشان از هر کنار بسته ره حزبِ شیاطین از هجوم بر سنان سرها درخشان چون رُجوم هر طرف نظّارگان از مرد و زن با دف و نی انجمن در انجمن شامیان بر دست و پا رنگین خضاب چهره خون آلود آلِ بو تراب خواجه ی سجّاد آن فخرِ کبار همچو مصحف در کفِ کفّار ‌خوار بر سِنان تابان سرِ شاهِ انام چون ز جیب شامگه ماهِ تمام آلِ زهرا پا برهنه بر شتر گِرد آن سر چون قطارِ عِقدِ دُر زین حدیث انگشت بر دندان مگیر کآلِ حیدر سر برهنه شد اسیر رویشان که آفتابِ فاش بود خود حجاب دیده ی خفّاش بود جای حیرانی است این دورِ نگون شرم بادت ای سپهرِ ‌واژگون شهر شام ‌و عترتِ پاکِ رسول در اِسار زاده ی هندِ جهول گیرمت باک از جفا و کین‌ نبود در جفا کاری چنین آئین نبود شامیان بردند در بزمِ یزید دست بسته عترتِ شاهِ شهید خواجه‌ی سجّاد در ذِلّ قُیود .چون‌مسیحی در کلیسای یهود شاهِ دین را سر به طشتِ زرنگار بانوان ‌از دیده مروارید بار ره نشینان متّکی بر تختِ عیش همچو‌ در بتخانه اصنامِ قریش پورِ سفیان سر خوش از جامِ غرور قدسیان گریان از آن بزمِ سرور بانوان ‌کِلّه ی شرم و حیا پرده پوشانِ حریمِ کبریا از هَوانِ دهر در ذِلّ قیاد بسته صف در محفل آن بد نهاد خواجه ی سجّاد سبطِ مستطاب کرد با آن دل سیه روی عتاب گفت وَیحَک ای سیه بختِ جهول هین‌ گمانت‌ چیست در ‌حقِ رسول گر ببیند با ‌چنین حالِ عجیب بالله این مستورگانِ بی حجیب گر بدانستی چه‌ کردی از جفا با سلیلِ دودمانِ مصطفی می‌گرفتی راهِ دشت و کوه پیش میگرستی روز و شب بر حالِ خویش بیختی غم خاکِ عالم بر سرت باد بالین توده ی خاکسترت باش در‌ موقفِ یومُ النُّشور آیدت پیش آنچه ‌کردی از غرور گر دو روزی سفله گان خوشه ‌چین بر سریرِ کامرانی شد‌ مکین برنکاهد کبریا و جاه‌ِ ما وآن سلیمانیّ و تاج و ‌گاهِ ما ما سلیلِ دوده ی پیغمبریم با نبوّت زاده ی یک ‌مادریم شیرِ یزدان بابِ ذوالاِکرامِ ما با اَمارت زاده ما را مامِ ما تا شده مامت ز بابت بار‌ گیر بوده بابم بر مسلمانان امیر مصطفی را آن امیرِ محتشم بود در بدر و اُحد صاحب علم بابِ تو در جیش کفّارِ قریش حامل رایات و‌ پیش آهنگِ جیش پورِ هند از پاسخش بر تافت رو که نبودش حجّتی در خوردِ او وه ‌چه‌ گویم ‌من زبانم بسته باد خامه ی خونبارِ من بشکسته باد که ‌چه رفت از ضربتِ چوبِ جفا زان سپس بر بوسه گاهِ مصطفی پس به خود بالید و گفت آن سفله قدر کاش بودی در حضور اشیاخِ بَدر تا بِدیدندی که ‌چون‌کردم قضا ثارِ خویش از خاندان مرتضی زان سپس دادند در ویرانه جا پرده ‌پوشان‌ حریمِ مصطفی شد خرابه گنج دُرهای یتیم همچو اندر کهف اصحابِ رقیم نه به جز خاکِ سیه فرشی به زیر نه به سرشان سایبانی از هجیر سَروری که سر به پا سودیش عرش شد سرش را خشت بالین خاک فرش اشکِ خونین شربتِ بیماریَش شمعِ بالین آهِ شب بیداریَش ✍منکلام:مرحوم استادحاج محمدتقی ممقانی متخلص به نیر تبریزی 🔴کانال رسمی عاشقان حضرت زینب«س» https://eitaa.com/hazratehzeynab

ورود به شام یتنده قافلهٔ عشق باب ساعاته بهشت رشک آپاراردی صفای شاماته نی اوسته جلوه گر اولموشدی آی کیمی شهدا فضای ظلمت شامه ویرردی نور و ضیا بیر اوجا نی ده ولی رأس میر عشق و وفا سالاردی گون‌کیمی بیر جلوهٔ جهان آرا نه جلؤه جلوه لنوب نیزه اوسته آیت عشق عوالم ایچره مبرهن اولوب حقیقت عشق نه جلوه انفس و آفاقی محو نور ایلیوب فراز نیزه نی مشکوة نورِ طور ایلیوب نه جلوه جلوده مدهوش ایدوبدی موسانی سالوب تعجبه ساعیرده مسیحانی بو جلوه دندی درخشندگی جلوهٔ طور مشیت امریدی ایلوبدی نیزه اوسته ظهور بو جلوه دن متجلی اولوبدی جادهٔ عشق بو جلوه صاحبی باشه چکوبدی بادهٔ عشق ویروب صحیفهٔ عشق ایچره هر قضایه رضا اودور یوزونده مین اسرار عشق اولوب پیدا بیله مقدر ایدوبدور خدای کون و‌مکان اوزی کمک لری اولسون شریعته قربان وفا ایدوبدی او پیمان عشقه بی پروا گیدوب جدایه باشی عصر روز عاشورا جدا باشندا گلور شامه عشق سلطانی سالوبدی آردیجا بیر فوج عشقه دارانی بیر عده آردیجا سرمست و سربدار گلور بیر عده ناقه لر اوستونده دلفگار گلور غریبه عالمیدی شهر شام یا زهرا کجاوه لردن اوجالمیشدی عرشه واویلا دوشنده ناقه لر اوستن جدالره گوزلر دله گلوردی اورکلرده کی نهان سوزلر بیری دیردی اوغول آغلارام اُلنجه سنه جدا دَه باخ منه منده باخوم دویونجا سنه هَرَه سی بیر دلیله دل دیردی آغلاردی ولیک اصغر آناسی جهانی داغلاردی دیردی ای آناسین چوللره سالان بالا وای جفا الیله سوسوز تشنه اوخلانان بالا وای فراق اودی ایله آتش سالوب دل و جانه باشون دالنجا دولانام علی یانا یانه فراز نیزه نی خوش بستر ایتموسن اُوزیوه صبا یلی بالاجه تللرون توکوب یوزیوه ندندی اُلفتوی کسموسن اوغول مندن بیله‌گمان ایدورم کوسموسن اوغول مندن سن آیریلاندان اوغول صبح و شام آغلاموشام سنون غمونده هامی ماسوانی داغلاموشام اگر قوجاقیمه گَلَسن جهانی داغلامارام یقین ایله داخی من اللریوی باغلامارام بو‌نسگلون ایله آرامیمی آلور اَلدن او قدر گچمز آناوی اوغول سالار دلدن بلا چولنده شرار جفائیله یاندون سو اولمادی سوسوزوندان یانوب اَلولاندون خیال ایتمه آنان خوشهٔ وفانی بیچه محال امریدی سندن صورا سرین سو ایچه اوغول علی دیمه بوندان صورا دیوب گُلَم یورولموشام داخی به محنتیله من اُلم یازاندا #جابری بو سوزناک نوحه لری روان اولاردی عذاره گوزوندن اشک تری خطاسی چوخدی شریعتده چوخلی غفلتی وار بو غفلتیله ولی حقه قصدقربتی وار ویروبدی چنگ سنون دامن جلالتوه نیازی واردی اوغول حشریده شفاعتوه ✍منکلام:استاد حاج تقی جابری 🔴کانال رسمی عاشقان حضرت زینب«س» https://eitaa.com/hazratehzeynab

ورود به‌ شام دوتوب شام اهلینی حیرت‌ گلن دوردی گیدن دوردی کسیلمیش باش ایدر صحبت گلن دوردی گیدن دوردی قاچاقاچ دوشدی شهر ایچره هامی حیران و سرگردان گورنلر بیر بیره فورا قضایانی ایدر اعلان گلون یاخشی تماشا وار جداده باش اوخور قرآن تعجب گلدی کیفیت گلن دوردی گیدن دوردی هامی مایل هامی مشتاق باخا اعجوبۀ دهره تعجبلو تماشادن آپارا حصه و بهره یغان بازار و دکانین قاچار دروازۀ شهره گلوب بی حدّ جمعیت گلن دوردی گیدن دوردی مگر یول وار بیری گلسون یولی ویرسون نشان گچسون دیسون گلمه گلن صبر ائت سنق محمل دایان گچسون دیدله یوخ باجی قارداش گرکدور یان به یان گچسون هامومیز ایلیک رؤیت گلن دوردی گیدن دوردی همان باش یدی ضربتلن ذبیحاً من قفا اولدی مکان و منزلی گه دیر و گه مطبخ سرا اولدی ولی شامه گلن وقته او باش انگشت نما اولدی دولوب دروازۀ ساعت گلن دوردی گیدن دوردی جداده آیۀ کهفی تلاوت ایلین وقته عجائب سرگذشتیندن حکایت ایلین وقته ضلال اهلین رهِ حقّه هدایت ایلین وقته دگوب اول باشه بیر ضربت گلن دوردی گیدن دوردی نجه صبر ایلسون آخر گرک قان آغلیا زینب شدایدِ مصیبتدن سینه سین داغلیا زینب چوخ حسرت چکدی قارداشین یاراسین باغلیا زینب ولاکن اولمادی فرصت گلن دوردی گیدن دوردی تردد باغلانوب کوچه دوتولدی راه سد اولدی جماعت بیر بیری اوستن گلوب بی حصر و حد اولدی نه فرمایش ایدوب شمره امامون امری رد اولدی بیر آزدا ظلم اولوب شدت گلن دوردی گیدن دوردی دیدی دوندرمه ای ظالم بی بیمون اشکینی نهره آپار بو قانلو باشلاری بیر آیری راهدن شهره تماشاچی چکیلسون قوی او سنگ دل گلوب قهره ایدوب برعکسنه نیت گلن دوردی گیدن دوردی ویروب فرمان حسین باشی دوروب خواهر قباقینده اوغولون باشی ساخلاندی او دم مادر قباقینده خانملار ناقه اوستونده قالوب گونلر قباقینده خجالت حال اوچ ساعت گلن دوردی گیدن دوردی دیدی بیر شخص یاز #مضطر مغلظ کلمه عنوانی دیدوم یوخ مجلس اهلینون یانیندا کنزو برهانی اوزاندی سوز چکوب بحثه سولاندی جنگ میدانی بیر اولمادی ایکی نیت گلن دوردی گیدن دوردی ✍منکلام:مرحوم استاد میرزاجبار خلیل وند متخلص به مضطر اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

احوالات دروازه ساعت ماجرای شام کرده آنچنانم تلخکام کز غم زینب بچشمم روز روشن گشته شام بر بقیعت ای نسیم صبح گر افتد گذار بر حضورفاطمه از من ببر اول سلام باز گو وانگه چسان آرام اندر مدفنی سر بر آر از خاک ایدخت رسول لاینام دخترانت سر برهنه مانده در شام خراب معجری باز آر بهر زینب علیا مقام ای صبا زهرایه دی دور قبردن شاماته گل الده بیر معجر گوتور دروازه ساعاته گل زینبین دور و برین نامحرمان شام آلوب کیم دیر خورشید عصمت پرده دن عاری قالوب ابر تک مه صورته قانه باتان زلفین سالوب آی جمالین گور بولوتدا سیر تشبیهاته گل ظاهرا الله الین مغلول ایدوب اهل دمشق باطنا توحیده آیت گوسترور اثبات عشق هیئت تسلیمی آل الله ایدوب اولده مشق حجةالله محضرینده کشف معلوماته گل شوریله نی تک نوا ایلور خواتین حجاز پرده پرده موسیقی سازنده لر ایلوله ساز الده دف ایلوب مخالف اهلبیتون پیشواز هاشمیه قیزلارین گور ناله سین اسکاته گل نینوا دشتنده بیر اود یاندروب اهل عراق شامده سوزی سالوب پوزقون قطاره احتراق سبط طاهایه اولوبدور نیزه اعدا براق جدینون معراجینه تطبیق و تحقیقاته گل قاب قوسینه گیدوب مصداق والنجم و هوا سروالشمس ایلوب اوادناده تسخیر هوا نیزه باشندا ایدوب طی حجابات هوا اوخ یرین گور طاق ابرو اوسته تاویلاته گل دولدوروب شامی جلالیله جلال اللهه باخ دلده ارنی تالی موسی گور آل اللهه باخ کشف ایدن لن نکته سین نور جمال اللهه باخ قان دوتان مرآت حقده منظر لمعاته گل باشلیوب قرآن ناطق نیزه ده کهف آیه سین ناله سین مستور قیلسون اهلبیت بیکسین چوخ سوور سن اوغلوون خوش لحنیله قرآن سسین رتل القرآن ترتیلاده تقریراته گل مرکز تنزیل و وحی ایستر ایده شانین ثبوت گه اوخور اعجاز له قرآن گهی ایلور سکوت گوسترور گویا منم مرآت حی لایموت لایموت المومنون آیاتنه اثباته گل مظهر حق حق سوزین ناحقلره ایلور جفا سفیانیان عترتون آغلور یانور گورسنده بو احوالی یان اولماقا همناله بو نسوان مسبیاته گل ایلیوب چیده یزید بیحیا بزم شراب ایلسون آل اللهین قانه دونن قلبین کباب باغلانوب زنجیره کل عالمه مالک رقاب تسلیت زین العباده ویرماقا شاماته گل نطقدن سالسا لسان اللهی چوب خیزران زینبون وار فکرتی اجدادینی ویرسون نشان خارجی آد قویسالار آل عبایه شامیان جور دیوانخانه سینده سنده توضیحاته گل جده جان اوغلون حسینی زینبه ورم قسم قویما سون امیدیمی باب کرامتدن کسم شوقمندم قبرینه محتاج علمم بیکسم مرکز علمه دیسون قبریمده تحصیلاته گل ✍منکلام:مرحوم استاد حاج سید رضا حسینی تبریزی متخلص به سعدی زمان ‍ 🔴کانال رسمی عاشقان حضرت زینب«س» https://eitaa.com/hazratehzeynab

💢مجموعه مداحی های صوتی 💢از ذاکرین اهل بیت علیه السلام 💢ویژه ورود به شام 🔴کانال رسمی عاشقان حضرت زینب«س» https://t.me/hazratehzeynab

💢اضطرار به حجت 🎤سخنرانی بسیار شنیدنی حجت الاسلام عالی 🔴کانال رسمی عاشقان حضرت زینب«س» https://t.me/khazratehzeynab

🎤نوای دلنشین زنده یاد سلطان الذاکرین استاد حاج سلیم موذن زاده اردبیلی 🍁ای وئرن ویرانه یرده توپراق اوسته جان رقیه 🔴کانال رسمی عاشقان حضرت زینب«س» https://eitaa.com/hazratehzeynab

🍁حضرت رقیه سلام الله علیها 🎤نوای دلنشین زنده یاد سلطان الذاکرین استاد حاج سلیم موذن زاده اردبیلی 🎤نوای دلنشین زینت الذاکرین استاد حاج محمد باقر تمدنی اردبیلی 💯پیشنهاد دانلود 💯 🔴کانال رسمی عاشقان حضرت زینب«س» https://eitaa.com/hazratehzeynab

🎤نوای دلنشین محبوب القلوب استادحاج شهروز اردبیلی 🍁دره ویرانه ده دورما ✍منکلام:زنده یاد استادحاج محمد تقائی اردبیلی 🍁شاهکاره بی نظیر 🔴کانال رسمی عاشقان حضرت زینب«س» https://eitaa.com/hazratehzeynab

🎤نوای دلنشین زنده یاد نور الذاکرین حـاج محمـد بـاقـر منصـوری 🍁روضه بسیار عالی حضرت رقیه سلام الله علیها 🍁یات ایندی یوخلامیان گوزلره بی بون قربان 🔴کانال رسمی عاشقان حضرت زینب«س» https://eitaa.com/hazratehzeynab