حضرت رقیه سلام الله علیها کیست این دختر به دلها حُکمرانی میکند در خرابه مثل قُمری نغمه خوانی میکند کیست این دختر که آرام دل زینب شده محفل اهل عزا را نوحه خوانی میکند کیست او زهرای ثانی شد مُلَقّب در جهان این چنین در راه بابا جانفشانی میکند کیست این دختر که چون لب میگشاید بر سخن مثل زینب از زبانش دُر فشانی میکند کیست این دختر که در عین اسارت هم چنین با همه هم سن و سالان مهربانی میکند کیست این دختر که در کنج خرابه نصف شب از سری زخمی به اشکی میزبانی میکند ✍منکلام:حاج اصغر گلمحمدی متخلص به دلجو 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

آمدن سر مبارک به خرابه شام یارالی باشه خانم زینب اِیلینده نگاه اورکی اود دوتوب اودلاندی چَکدی دلدن آه دوباره باخدی یارالی باشا اسیر بلا گلوبدی نطقه ددی لااِلهَ اِلّا الله گوتوردی باسدی یارالی باشی اورک باشینا اورکلنوب اوجادان آغلادی او علیا جاه دونوب رقیّه نی فوراً مخاطب اِیتدی خانم دیدی بو سن بو نگارون رقیّه بسم الله دوروب او باشی رقیّه آلوبدی آغوشه گلوبدی نطقه دیدی که ای شه ملک درگاه منیم نه وقتیمدی دستگیر محنت اولام بو غم یقین اِیلیر عمرومی منیم کوتاه غرض گُوله سوزون آچدوقجا بلبل مهجور عزیز فاطمه نین عمرین اِیلیوردی تباه گلوردی نالیه زهرا قیزی او بلبل تک گلنده نالیه اول غملی نوحه خوان هرگاه دیوردی دل گَتیره دلبری دیله بلکه ولی آچانمادی لب، نطقه غملی شاهنشاه دیردی ای منی آغلار قویان فراقینده دانش منیله بیر آز درد دل ایداخ ای شاه بویور نه خاطره آیا سوسوز کَسوبله باشین گیدوب جدایه نَدن وی جهانیانه پناه هَله ده واله و حیران ظلم اعدایم نه فکر اِیدوب گورَسن اوندا فرقه گمراه بلا چولونده که دائم چوله آخاردی فرات ؟ سو ویرمیوب سنه شمر اِیلیوب غریبه گناه ! هَلّه بلا چولونون گَل چوخ آچمیاخ سوزونی که ووردی خیمیه اود ظلمیله او چولده سپاه اتکیم اوندا منیم اود دوتوب الولاندی اوجالدی گویلره یردن او لحظه دود سیاه قاریشدی آهیمیله بیر بیره سَماده او دود دونوبدی ظلمته گوردوم او غملی قربانگاه آچام اورک سوزونی واقفم باشا گلمز چوخونی من دئمیشم زینب عمّه مه گه گاه سوزوم بو یرده دی ای قانینه اولان غلطان دوباره قانه باتوبسان نَدور بو فعله گواه بویور گوروم بو نه قاندور آخیر دوداقیندن نَدور دلیلی اوزون اِیت گیلَن منی آگاه یزید مجلسینه من اوزومده گلمیشدیم ویروردی لبلریوه خیزران او نااگاه بو قانلی باشیوه بیر بویلانوب او دم باخدیم رباب گوزلریمّه قویدی اَللرین ناگاه دیدی رقیّه گوزون یوم او صحنیه باخما یقین محاسینیوه اوندا آخدی ثارالله منیمده قلبیم اِیله قان اولوب او محنتدن وجودیمی اَریدوب غملر اِیلیوب چون کاه غریبه وقتیده گَلدون هرایمه یِتدون آلوردی جانیمی ویرانه ده غم جانکاه بو وصلی قویما مبدل اولا فراقه بابا نولار منی ئوزیوه اِیلسن اگر همراه بو قانلاری که #عتیقا آخوبدی ظلمیله ظهور اِیدوب آلاجاخدی او منجی خونخواه ✍منکلام:استادحاج داود طهمورثی تبریزی متخلص به عتیق 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

حضرت رقیه سلام الله علیها تاپدیم دل شَبده نه سعادت خانم عمه اِیتدوم بابامی بیرده زیارت خانم عمه همت اِیلدیم یِتدی اَلیم دامن یاره اولدی بو زیارت منه قسمت خانم عمه دیدار مجدد،، منه عزّت اِیدوب افزون گَلموب که بو عزت اَله راحت خانم عمه شاهدسَن اوزون بیر نچّه مدتدی که غمدن بر پادی منه شور قیامت خانم عمه دولت منه بذل اِیتدی قدوم شه عطشان بَسدور ایکی دنیاده بو دولت خانم عمه جنت آپارور رشکینی ویرانه مکانین ویرانه ده وار آیری طراوت خانم عمه قیمت قویا کیمدور که بو دیداره جهاندا بو وصله نه چون یوخدی که قیمت خانم عمه خلوت اِیلدیم یاریله بیر صُون نفسیمده دنیایه برابردی بو خلوت خانم عمه محنت بو یانان قلبیمی اِیتمیشدی مسخر ئولدورمدی یاخشیدی که محنت خانم عمه ویرانه ده چاتدی اَلیمی دامن وصله ایتدیم نه گوزل عرض ارادت خانم عمه هر چند که گوزیاشیمی خون دیله قاتدی لبلرده اولان قانلی جراحت خانم عمه ویر بیرده اوپوم قانلی دوداقین سنه قربان دوشمز اله بیرده بیله فرصت خانم عمه دوشدوقجا گوزوم شعشعه نور خدایه طغیان اِیلیور بحر مُحبت خانم عمه ای کاش نگهبان خرابه گَله رحمه مهمانیمه آرتوق ویره مهلت خانم عمه اولسم قویاسان قبریمه تا قبریمین اوسته قران اوخیا شاه ولایت خانم عمه جانیم یغیشوب سینه مه احوالیمه بیر باخ سالدی منی دیلدن بو مصیبت خانم عمه غمدن داخی ویرانه مکاندا ئولورم من آز قالدی یِته وقت شهادت خانم عمه یوردی منی هر چند که دوران اسارت وار لیک شهادتده حلاوت خانم عمه عفو ایله منیم زحمتیمی، بیر نچّه مدت ویردیم سنه دنیا بویی زحمت خانم عمه باش داشیمه یاز اکبر شهزاده نین آدین اهل دله کافی دی اشارت خانم عمه آهیمله یزیدین ایوینی شامیده یخدیم وار کیمده گورَر، چشم بصیرت خانم عمه اجرینده شفیعه اولارام منده #عتیقه بو نوحه لرین روز قیامت خانم عمه ✍منکلام:استادحاج داود طهمورثی تبریزی متخلص به عتیق 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

احوالات خرابه شام خرابه منزل اولوب اهل بیت طاهایه یتشدی ناله سسی اوج عرش اعلایه هنوز هر بیری بیر یاندا دوتمامیش آرام بیر اؤزگه غم وئروب اَل اهل بیت زهرایه بیری بیرینه خبر ایلوب اهالی شام که دسته دسته گلوب لر اودم تماشایه طمعلنوب بیریسی ایستدی امامی غلام هزار لعن بو بی آبروی دنیایه بیری دیردی ساتال‍ّار تمامینی آلّام یزیدی راضی اگر ایلیم بو سودایه او وقته زینب کبرایه ال ویروب رقت کمالی چون واریدی چوخ علی اعلایه بویوردی کور اولاسوز،باخمیون،کناره دورون نه طعنه دور نه تماشا حریم والایه زنان و مرد،کنیز و غلامسوز بیزه سوز قسم جناب بتول و رسول بطحایه همین خرابده آدمدی بیزلره دربان گوروبدی چون بیزی خاتون انسی حورایه بیوک حرملره خدمتگزار مریم دور بو خوردا قیزلارا حوا و سارا دور دایه همان جوان کی سنق پاییه ائدوب تکیه اونون آدی یازیلوب عرشه تا تاپوب پایه اوزی مریضیدی اما بونیلا روح الله اودور حیات وئرور بیر نفسده عیسایه ضعیف جانیله چون اللرین اوپوبدی عصا اودور عصاسی وئرور جان عصای موسایه چکوبله داره طنابیله دار دنیاده وئروبدی دار بلادن نجات عیسایه یتیشمیشوق تازه بیز بیر قویون اولاق راحت سالوبلا بیزلری مدتدی کوه و صحرایه غریب ئولکه،خرابه مکان،قرخا یاخون اسیر عورت اوشاخ کیم دوشوب بو غوغایه آچوقدی باشلاریمیز باخمیون سیزی تاری گئدون داخی داغیلون دورمیون تماشایه اگر بیزی تانوساز هتک حرمت ایلمسوز بیزوک که نسبتیمیز وار بتول عذرایه ائدوبدی خلقه تولا بیزی خدا واجب نجه روادی خدایا قالاق تولایه نوایه گلمگه وار گلشن عزاده #دخیل نه احتیاج داخی عندلیب شیدایه ✍منکلام:مرحوم استادحاج حسین دخیل مراغه ای 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

احوالات خرابه شام زبانحال فاطمه عروس آل رسوله اولدی خرابه مکان گینه گلدی نوایه زینب بی خانمان گینه پربسته بلبلان گلستان کربلا ویرانه گوشه سینده دوتوب آشیان گینه زینب غریب،منزل بی فرش و بی چراغ قان آغلادی او حاله زمین و زمان گینه یلدا دگُل سکینه ایله یاس دوتماقا ماتم لباسی دور گیونوبدور جهان گینه انجم دگُل بو بخت عروسی گؤروب تؤکر گؤزیاشینی ملائک نُه آسمان گینه گون ایلمز طلوع که قتل حسین ایچون آه زمانه دور اولور آتشفشان گینه اولماز شکفته لاله،دگُل موسم بهار چون قتلگاه،گلشن اولور باغریقان گینه فریاد عندلیب دگُل بو،یقین چکر گلزار ماتم ایچره #شکوهی فغان گینه اولماز اگرچه شرحیله زینب غمی تمام بیر اؤزگه محنته قلم آچمیش زبان گینه قاسم فراقی بیر گئجه کنج خرابه ده ائتدی عروس گؤزلرینی خون چکان گینه صبح اولوننجا سینه ائدوب چاک ، آغلیوب انجم تک ائتدی قطرهٔ اشکین روان گینه دیردی وار نه منیم تک جفا چکن قاسم نه وار سنون کیمی عالمده پر محن قاسم تؤکندی عمریمی درد و غم فراوانون هاچان اولور که ائدم من بو جانی قربانون اسیر درد وغمم،بیر یوزون گوریدیم کاش نه ایله وصلون اولیدی ، نه بِیله هجرانون ایلان ویران یاتار امّا منیم یوخوم گلمز دوشنده خاطریمه زلف عنبر افشانون فراقه دؤز دیدون ای ماه، منده که دؤزدوم دؤزوم نه وقته کیمین طول چکدی فرمانون گئجه صباحه کیمی ناله چکمیوم نیلوم ویروب بو گویلومه بیر یاره تیر مژگانون کسر نه صبریمی دایم او زلف مشکینون آلور نه جانیمی بیر دفعه چشم مستانون ائدیلّه شکوه ملکلر #شکوهیا بسدور یتیشدی گویلره بیچاره آه و افغانون ✍منکلام:مرحوم استادحاج میرزا مهدی شکوهی مراغه ای 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

احوالات خرابه شام او شرح عشقی که گل گلستاندا خاره یازار اونون نظیرینی یار عاشق فگاره یازار او سر عشقی که بلبل یازار چمنده گوله اونی سرشکیله عاشق وفالی یاره یازار بو درد عشقه دوا یازمیوب خدای حکیم بو رمزی لاله اودور قلب داغداره یازار هامی فلاسفۀ عالمی اگر یغالار دیمه بو درده دوا یا بیر اوزگه چاره یازار سالان مَشقّته فرهادی شور شیرین دور که بی ستوندا وفا درسی کوهساره یازار عراق دشتینه مجنون سالوب نوای حجاز گهی وفاسینی گیزلین گَه آشکاره یازار کنار شمعیده پروانه یاندورار پرینی شکسته دل اودینی جلوه گاهِ ناره یازار اولان مقام همایون عشقیدن آگاه سوزین گدا کیمی دربار شهریاره یازار مقام عشق حسینیده گور نجه زینب عریضه بیر یارالی شاه تاجداره یازار ابو تراب قیزی یوز قویوب تراب اوسته سرشکیله غم هجری ایدر شماره یازار گوزی دوات ، مرکب سرشکی کاغذی خاک خزان جفاسینی سلطان نوبهاره یازار دیر دوشنده یولون ای صبا بلا چولینه اوخی حسینیمه زینب اوکی عذاره یازار دی یاتما قبریده دور شامیده خرابیه گل گور اشک چشمیله زینب نلر جداره یازار خرابه لرده عزیزه قیزین آجیندان ئولور حیا ایدور دیماقا چهره پرغباره یازار یازار سرشکی یوزینده آجام ، سیلر زلفی گوزی بو کلمه نی رخسارینه دوباره یازار ئورک داش اولسا دایانماز یانقلی سوزلرینه سرشک قطره لری طعنه چشمه ساره یازار یتیملوق غمی، غربت، اسیرلیق دردی هر آه سردیله مین شرح انکساره یازار ئوزی دئمور بُلورم من نه دردی وار بالامین سالار دله سوزینی قلب زخمداره یازار گورور لباسینی کهنه اوشاقدی غصه لنور گوزینده قلب سوزین دُر شاهواره یازار اگرچه خوردا اوشاقدور ولیک عاقله دور اسیر اولانلارا مشق عز و اعتباره یازار سرشک چشمیله تپراقلارا باشی اوسته علی اکبرین آدین بو ماهپاره یازار بالاسی اوخلانان آهو کیمی رباب ملر خرابه نی دولانور اسم شیر خواره یازار باخار سکینیه اشکیله دولدورار گوزینی شرار آهی دل زینبه شراره یازار گورور که درده یتن یوخ علی قیزی کلثوم عریضه اشکیله عباس نامداره یازار قلم ئورک سوزین ای #سعدی_زمان یازمور اگر الی یته ششگوشه لی مزاره یازار فشار دهر سنون باخما سیندیروب قلمون گینه یازانلار ائدر سندن استعاره یازار ✍منکلام:مرحوم استاد حاج سید رضا حسینی متخلص به سعدی زمان 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

احوالات خرابه شام آچ بیر قولاق گوزوم بوفغان و نوایه باخ هرصبح و شامیدن اوجالانمش صدایه باخ وصل ایسته سن باشون بدنوندن جدا گرک سرمشقدور حسین باشی نوک جدایه باخ قرآن اوخور حجاز هواسیله شامیده الله هواسی واردی باشندا هوایه باخ گرایسته سن قرائت قرانی پرده سیز بی پرده اهل بیت رسول خدایه باخ چون شرمسیز چخوبلا تماشایه اهل شام چنگ و نی و چغانه دف و ساز و نایه باخ اوینالا های هوئیله اهل دغانی گور آغلالا های هائیله اهل دعایه باخ سرمشقدور بلای دمشق اهل عشق ایچون اول بلا چکنلره وانگه بلایه باخ ویرانده وئروبله قوری یئر قوناقلارا نه فرش و نه چراغ نه سفره،حیایه باخ دربان اولوب خرابیه دربان کبریا دربانه باخ،خرابیه باخ،کبریایه باخ زنجیره باغلیوبلا یدالله اللرین سن جرأت قضایه رضا بیر قضایه باخ مؤمن اولوب یزید آدی سجاد خارجی بیگانه نی یگانه ائدن آشنایه باخ ویرانه دن گویه دایانوب یاعلی سسی راحت یاتان نجفده شه لافتایه باخ باشی آچوخ خرابده مدتدی قالمیشوق صبر و تحمل حرم مصطفایه باخ ویران بناده یاخشی بنانی اوتوردولار سنمش بنالی یئرده بو محکم بنایه باخ شامه چکوب سکینه نی صوت درائیله بیهوده سویلین داش اورکلی درایه باخ ای گوز یاشیندان اوتری وئرن جانینی حسین حاصل اولوبدی مطلبون اهل عزایه باخ وار شامیده یتیم و پریشان زیارتی جمعیت ایسته سن حرم کربلایه باخ مقبل اولوبدی تُرک لقبده سنه #دخیل ای شاه محتشم بو محقر گدایه باخ ✍منکلام:مرحوم استادحاج حسین دخیل مراغه ای 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

حضرت رقیه سلام الله علیها من غنچۀ نشکفته بستان حسینم من نوگل پرپر به گلستان حسینم پژمرده گلی ریخته از گلبن زهرا  من طفل نوآموز دبستان حسینم من کودک معصومم و مظلوم رقیه از جسم حسینم من و وز جان حسینم یک آه جگر سوز ز سوز دل زینب  یک قطرۀ اشک از بُن مژگان حسینم من گنج نهان در دل ویرانۀ شامم من شمع شب افروز شبستان حسینم آن شب که به دیدار من آمد به خرابه  وقتی پدرم دید پریشان حسینم همراه سر خویش مرا پای به پا بود تا جنّت فردوس به دامان حسینم جان بر سر سودای غمش دادم و شادم کامروز حسین از من و من زانِ حسینم قربانی حق شد پدرم شاه شهیدان  فخر من از آن ست که قربان حسینم روشن کن این شام سیاهم که شعاعی  از روی چو خورشید درخشان حسینم بر پادشهان فخر از آن کرد #ریاضی  کز لطف خدا بندۀ احسان حسینم ✍منکلام:استاد حاج محمد علی ریاضی یزدی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

زبانحال حضرت رقیه به حضرت زینب سلام الله علیهما در خرابه شام شامیدن قورتارسا جانیم آل منه گوشواره عمّه الده ئولسم قبریم اوسته قوی گوزل گهواره عمّه بو خرابه یرده بیلّم عمریمون اولماز وفاسی چونکه قلبیمده ساغالماز ایللریله دیل یاراسی گر کفن تاپسون ویررسن بیر فقیره بو لباسی تاپماسون قاره،کفن قیل قالماسن آواره عمّه  اکبریم گلسیدی الآن بو خرابه شامه مهمان باجی سین قویمازدی والله شهر شام ایچره پریشان گون به گون تیر شماتت قلبیمی ایتمزدی شان شان حتما ایلردی بو پوزقون حالیمه بیر چاره عمّه حالیمی فکر ایتمه عمّه بیر رعایت ایلین وار بیر تسلّایه گلن یوخ ، مین شماتت ایلین وار بی ادب قزلار ایچینده چوخ جسارت ایلین وار بیر نفر مرهم گتورمز دلده وار مین یاره عمّه شام قزلاری ایدوللر بی سبب چوخ ادّعالر گونده دیداره گلوللر بی ادب لر بی حیالر ئوزلرین چوخ گورسدوللر بیزلره بو خودنمالر من گرک شرمنده لیکدن یوز قویام دیواره عمّه ✍منکلام:مرحوم استاد حاج رحیم منزوی اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

زبانحال حضرت زینب سلام الله علیها هر چند که او تازه گل لاله زاریدون گلزاریده گولوم منه سن صد بهاریدون هر دم دوشَردی یاده آنام خیره النسا عطرین جهاندا سَندن آلاردیم او دم بالا ای وای منه که تاپدی باشون دم به دم بلا یومدون گوزون جهانه عجب یادگاریدون قربان اولوم اورکده غم بی شماریوه اکبر دِیدون سرشکیوی توکدون عذاریوه باخدوقجا گوزلریم او دو چشم خماریوه یاندیم اورکدن اکبره سن انتظاریدون عرشه اوجاتموشام من اگر آه و زاریمی نینیم که هجرون اَلدن آلوبدور قراریمی سیندرمشام مزاریون اوسته وقاریمی بولسون هامی که سن نجّه نازلی نگاریدون دردیم نَدور اورکده منیم یوخدی بیر بولَن دنیانی یاندورار اِِیلسم بیر بَه بیر علن اما بیری بودور که سنه تاپمادیم کفن ای وای منه که سن منه اُمیدواریدون درد و غمون اولونجه منی یاندورار یاخار سالام خیاله جلوه لنر چشم جان باخار باخدوقجا گوز یاشیم یوزیمه سیل تک آخار سَنده منیم غمیمده بئله اشکباریدون آلسان اگر منیم سَسیمی ویر منه جواب ویرمه سکوتیویله داخی روحیمه عذاب ای اِیلین خرابه شام ایچره انقلاب سن دهریده او نعمت پروردگاریدون ویردیم اگر چه سَنله بو یرده من اَل اَله اما بو شامه ناله لرون سالدی ولوله یوخسا باتاردی کشتی امیدیمی گِله بو جنگ سَردیده منه آیینه داریدون وار حکمتی بو عمروه گر اولمادی ثبات حَقدن آنام تک اِیسته دین هر لحظه سن ممات دوشدی او گوز یاشون کیمی گوزدن غرض حیات هیچ بولمدیم نه مشکله آخر دچاریدون چوخلار گلوب سَنیله اِیدوب بوردا قیل و قال سن نطقیویله ویرمَمیسن کیمسیه مجال اما یِتَن زمان اَلیوه دامن وصال نطقین نَدن دایاندی که سن دُر نثاریدون دوشموشدی باشیوه هوس کربلا قیزیم آغلار گوزیله اِیتدیم اورکدن دعا قیزیم قسمت ایدوبدی کرب و بلانی خدا قیزیم یاتما اویان زیارته که بی قراریدون غربت مکاندا دوشدوم عجیبه بلایه من بولمم قالیم، و یا که گیدوم کربلایه من ئولم یقین گئتمَسم اوردا عزایه من سَنده منیم تک حسرت دیدار یاریدون دشت بلاده ده گِیدرم آغلارام سنه تاپشیر میسان یادمدادی بیر نچه سوز منه چاتسا اَلیم یقین اِیله بیرده او دامنه عرض اِیلرم زیارته لحظه شماریدون ای یاندران خرابه ده بو قلب زاریمی سالام دوباره شامه طرف من گذاریمی یات من گلونجه قبریده چَک انتظاریمی چوخدا داریخما سن که غمه بردباریدون دولدی #عتیق اشکیله غمدن اگر گوزون علت بودور که قلبیوه سالدون بو غم سوزون تکرار اِیدنده غملنیسن یوخ سوزم اوزون من تک ولی بو غمده هاچان زار زاریدون ✍منکلام:استادحاج داود طهمورثی تبریزی متخلص به عتیق 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

حضرت رقیه سلام الله علیها خراب اولیدی گوروم سر به سر بو دنیانی دونیدی کاش بو چرخ سپهر مینانی نه چون که ظالمه میدان آچور ویره جولان سالوری تنگه ولی دائم اهل تقوانی نه خاطره بولَنه بولمییَن اولور غالب بولوری سرّینی تنها خدایِ رحمانی یاتور خرابه ده مظلوم ،کاخیده ظالم خیالِ خامیله اِیلور هوای سلطانی خرابه منزل اِیدوب مرغ روحیمه رخنه گزوری طائر روحیم اودور او ماوانی یازوبلا چوخلی مقاتیلده واضح و روشن یتوبدی عرشه او یردن رقیه افغانی دیردی جانیمی جانانه ویرمرم عمه زیارت اِیلمَمیش من ولیِ سبحانی آپارمارام اورگیم آرزوسینی قبره گرگدی درک اِیدم آرام جان جانانی وصال یاره نَدن من گرگ چَکم حسرت اوزون خرابه ده دور حلّ اِیله معمانی ساچوی آل اَلیوه بیر منی دعا ایله حزّین سَسیله چاغیر داده حی منّانی دِنن خدا بو قیزا بیرده بیر عنایت ایله قبول قیل من دلخسته دن تمنانی یتور بو بلبل مهجوری گلستاندا گوله وصاله ایله مبدل بو شام هجرانی غریبه عالمیمیش نصف شب خرابه مکان توکردی عارضه عترت سرشک غلطانی غرض نوای حرم شامه ولوله سالدی گتیردی تنگه او سس اهل شام ویرانی علاوه اولدی هراسان شهرین اهلی تمام هراسه سالدی او ناله یزید نادانی دیدی نه سَسدی بو سَس اولمیا قیامتدی جواب ویردی اونا لاجرم نگهبانی که ای امیر دیّوللَر خرابه ده بیر قیز توکوری عارضینه غصّه دن جگر قانی بو قانلی باشی گوروبدور دیّوله رویاده انیسی گوز یاشیدی آز قالور چیخا جانی دیدی خرابیه گوندر بو باشی الساعه که بلکه خاتمه تاپسون همین قضایانی یارالی باشی نگهبان قویوب طبق اوسته خرابه سمتینه گوندردی شاهِ بطحانی چَکوبله اوستونه دسمال بلکه شام اهلی... گورنمسین دل شبده او شاه خوبانی غرض خرابیه راهی اولوبلا آهسته که بلکه اولمیا فاش اول رموز پنهانی نه گوردی اهل حرم راس شاه مظلومان گلور خرابه مکانه او لیل ظلمانی ملائک متقرب گلوب زیارتینه قالوبدی عالم و آدم او راسین حیرانی رواندی باطن ظاهرده طمطراقیله ولیک صورت ظاهرده وار پریشانی یتنده منزل ویرانیه امام زمن بنات یکسره پیشواز اِیدوب او مهمانی رقیه نین اَیاقی گَلمدی اِیده پیشواز تاپوبدی سینه پر دردی حال ویرانی دیدی یارالی باشی ویر قوجاقیمه عمه دیوم او باشه باشیمدا اولان بلایانی یارالی باشی گوتوردی علی قیزی زینب گلوب تکلمه عرض اِیتدی ای سخا کانی غریبه وقتیده گلدون هرایمه یِتدون عجب زمانیده اِیتدون بو لطف و احسانی گلوبسن ایندی که آل بو امانتی مندن بالان آتوبدی باشیندان هوای دنیانی تاپوپ زبس که بلالی باشی بو یرده بلا معاینه گورونور دلده نار سوزانی غرض ویروب گولی گلشنده بلبل زاره اگر چه دویمادی عطریندن اول وفا کانی رقیه جان کیمی بیر باسدی باغرینا او باشی دیدی که سَندن اوتور گزمیشم من هریانی خدا بولور که نه چَکدیم غم فراقیندان نه ابتداسی عیاندور نه حد پایانی یارالی باشیوه جانا فدا اولا جانیم نًدن کسوفه دوشوب آفتاب رخشانی یتیشمَمیشدی هلّه باشه درد دل، ناگه رقیه یومدی او غمدن دو چشم گریانی گوتوردی باغرینا باسدی رقیه نی زینب مخاطب ایتدی او دمده رباب نالانی دیدی کی مشتریم اوخشاما دِیسن اِیندی بالا غمینده نه چون چوخ یانار آنا جانی رباب نوحه اِیدوب آغلادی حرم اهلی دوباره یاندی او ماتمده قلب بریانی قویاندا قبره دیدی زینبا اَلون ساخلا بالام گوزوندن آتوب اَیندی که بو دنیانی اجازه ویرسن اگر بیر سفارشیم واردور دیوم بهشتیده گورسه او طفل عطشانی دِئسین غریب آناوی یاخشی در به در ایتدون اورکده غملرینون یوخدی حد پایانی علاجیم اولمادی سو اوسته باغلادیم اَلینی بو فعلیمون واریدی بیر دلیل وبرهانی نه تک بوسینه ی سوزانیمی خراش اِیتدی گتیردی تنگه نواسی او چولده سقانی خجالتیندن اودور گلمدی خیامه طرف که چیخدی نهر فرات اوسته تشنه لب جانی #عتیق نوحه یاز آغلا نه قدری عمرون وار شفیع اولا سنه تا خسرو شهیدانی ✍منکلام:استادحاج داود طهمورثی تبریزی متخلص به عتیق 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi   به جمع ما بپیوندید✅

لبیک یا رقیه ای صاحب شرافت لبیک یا رقیه ای معدن کرامت لبیک یا رقیه سن تک وفالی بیر قیز دنیا یوزی گورنمز سرچشمه ی محبت لبیک یا رقیه چوخلی مریضیمیز وار وار گوزلری الینده لطف ایله ائت طبابت لبیک یا رقیه ای درد عشقه چاره بیز عشقیوین اسیری سن ایله رفع حاجت لبیک یا رقیه هر مجلس عزاده آدین اگر دوتولسا بی شک سالار قیامت لبیک یا رقیه ‌کیم قبریوی گوروبدی سسلر اولوبدی قبرین بیز عاشقانه جنت لبیک یا رقیه اربابیمین عزیزی زیبا گوزیله بیر باخ ائت مجلسه عنایت لبیک یا رقیه شامین یولوندا باشدا محکم ائدنده معجر عفت تاپوبدی عفت لبیک یا رقیه قاره باشیندا گئتدین تختدن یزیدی سالدین اوچ یاشلی باشهامت لبیک یا رقیه دخت یزیدی ائتدین ویرانه ده زمینگیر بیلدی واروندی غیرت لبیک یا رقیه بی ارزشیدی #حیدر گر اولماسیدی عشقین سیزدن تاپوبدی قیمت لبیک یا رقیه ✍منکلام:کربلایی حیدر صبور زرنقی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅