مصائب ام الائمه حضرت فاطمه زهرا سلام الله علیها یگانه موهبت حیّ باری زهرادی تمام ماخلقون اعتباری زهرادی مکلّف اولدی ملک آدینه ائده سجده بو حکمتینده گوزل رازداری زهرادی پیمبری که تاپوب سدره نهایته یول اونوندا دولتینون اقتداری زهرادی علی که گوگلره یردن چوخ آشناتریدی قبول ائدون که علینون وقاری زهرادی علی که پنجه سی مرحبلری شکار ائلدی الینده شعشعه ذوالفقاریِ زهرادی وجود فاطمه آئینه دی خداونده تانیدران بیزه پروردگاری زهرادی بونون محبتی دور کوثرون زلال سوئی جزا گونی آیران نور و ناری زهرادی گلنده محشره فرمان گلر یومون گوزوزی حسابه گلمین اعلا عیاری زهرادی پیمبرون قیزیدور عصمت خدادور بو ملکدن افضل اولان افتخاری زهرادی حسین وزینبون استاد عشقی فاطمه دور بلای حق یولینون بردباری زهرادی بدون فاطمه پامال اولاردی حق علی شهامت عرصه سینون نامداری زهرادی گورنده واردی خطر مکتب امامتینه بویوردی حجّت حق جان نثاری زهرادی کتاب وعترته باهم محافظ اولدی خانم ولایت اوسته چکن چوخ فشاری زهرادی بو اولدی خیبر آچان اللرون بلا سپری مبارز رَه دین آری آری زهرادی خطر گورنده وجود ولیّ اسلامه رشادت عرصه سینون پایداری زهرادی یانوب کول اولدی خانم تا علی آدی اوجالا قاپیدا قانی قالان یادگاری زهرادی ✍منکلام:سیف الشعرا استاد حاج سید تقی سیفی اردبیلی ‍ 🔴کانال رسمی عاشقان حضرت زینب«س» https://eitaa.com/hazratehzeynab

احوالات حضرت فاطمه زهرا سلام الله علیها قلم عاشقدی زبس حضرت زهرا آدینا باشلیور مطلبی صدیقه ی کبری آدینا بیر نچه کلمه یازا مفخر لعیا آدینا مام سبطین آدینا اولسا سرآغاز سخن وار امیدیم قلمیم ایلیه اعجاز سخن فاطمه آدی گلن مجلسین عزّت واریدی ارزیابی ایلین یوخدی نه قدرت واریدی حجّت قائم آل اللهه نسبت واریدی آغلیوب آغلادانا شخصاً اوزی ناظر اولار آنانین آدی گلن یرده اوغول حاضر اولار اوزی تاپشورموشیدی دفنی اودور قالدی گجه مرتضی گنج حیانی اوزی دفن ایتدی گجه دفن ایدندن صورا بولمم ایوینه گلدی نجه صبحه تک یاتمادی نوحه ایلدی اوز اوزونه یارین الدن ویره هر کیم یوخی گلمز گوزونه صبح آچیلدی چاغیروب اوغلون او خلّاق سخن آناوین ماتمی دور آچ قاپونی اوغلوم حسن بلکه پیغمبره خاطر بیزه ده اولدی گلن گیتدی زهرا اطاقیم محبس ظلمتدی منه کیم بو محبسده تسلّی ویره منّتدی منه مجتبی شخصاً اوزی آچدی او یانموش قاپونی ظلمیدن توستوسی افلاکه دایانموش قاپونی ایتمه ایراد دیسم قانه بویانموش قاپونی نکته باریکدی بو مطلبی هشیار بولر سینه ی حضرت زهرا ایله مسمار بولر باب ماتم آچوقیدی او گون اهل وطنه مرتضی شخصاً اوزی منتظریدی گلنه گلن اولمادی خطاب ایلدی اوغلی حسنه بیز بو یثربده غریبوق، قاپونی باغلیاقون ویره گون باش باشا ایوده اوزوموز آغلیاقون بزم ماتم بولوسوز زینتی دور هر اُلنون کیمی بیزدن صورا بو شهریده وار فاطمه نون بلبلی زینبیم اولسون بو سارالموش چمنون من اوزوم گرچه حسن اهل سخن سروریم بو شیرین دل باجیوین سوزلرینه مشتریم دورت بالا، بیر آتا زهرایه قوروب بزم عزا روح پیغمبر خاتمده قوشولدی اولارا ناگهان صحن سراده ایلدی فضّه صدا یاعلی تیر ستم قلبیوه آز قالدی ساچا ثانی ایستور خانموم فاطمه نین قبرین آچا فضّه نون غملی سوزی زینبی ایتدی نگران ایاقا دوردی یریندن چکوب ال اوخشامادان ذوالفقاری گتیروب گلدی بیانه باباجان چوخ یوبانسون بیلوسن سمت بقیعه قاچارام آنامون قبرینه ال دگسه اگر باش آچارام ✍منکلام:مرحوم امین الشعرا استادحاج قدیر جلیل زادگان متخلص به انور اردبیلی ‍ ‍ 🔴کانال رسمی عاشقان حضرت زینب«س» https://eitaa.com/hazratehzeynab

حضرت فاطمه زهرا سلام الله علیها نجه زهرا حسین سوین ننه دی نجه زهرا جوان اولن ننه دی نجه زهراباخوب حسن بویونا طویونون حسرتین چکن ننه دی نجه زهرا حسین دینده آنا اونا اون دفعه جان دین ننه دی نجه زهرا اوغول دالیجا دوشوب دربدر ایولری گزن ننه دی نجه زهرا که اوغلنون دوداقین خیزراندان قاباق اوپن ننه دی نجه زهرا بهشتی ترک الیوب مطبخ خولیه گلن ننه دی نجه زهرا رقیه نون سسینه نصف شب چوللره دوشن ننه دی اوقزی نازیلن قوجاقه آلوب دمبدم گوزیاشین سیلن ننه دی ✍منکلام:مرحوم استادحاج رحیم منزوی اردبیلی ‍ 🔴کانال رسمی عاشقان حضرت زینب«س» https://eitaa.com/hazratehzeynab

دفن حضرت فاطمه زهرا سلام الله علیها نیمه شبدور علی یورقون نگارین دفن ایدور سینه خاک بقیعده غملی یارین دفن ایدور یثربون اهلی یاتوب اما بقیعنون داشلاری آغلیور چون شاه مردان اقتدارین دفن ایدور عالم معناده کعبه آغلیور گویلر کیمین افتخار کعبه چونکی افتخارین ایدور گوردیلر روح الامین گویده دیور بومطلبی باغبان باغ جنت گلعذارین دفن ایدور تیتریور ارکان خلقت شاخه ریحان کیمی چونکی مولا هدیه پروردگارین دفن ایدور انبیا حیران باخوللار چون وقاریلن علی حضرت ختم النینین یادگارین دفن ایدور بی نشان اولماز دفینه بیلمورم حیدر نیه بی نشان گنجینه اعلا عیارین دفن ایدور دل گلر گلمز دیور یافاطمه باخ گور نجه ئوز الیلن حیدرون دلخسته یارین دفن ایدور ذوالفقار عشقیمیدون عرصه پیکاریده ایندی زهراجان عم اوغلون ذوالفقارین دفن ایدور من وقاریلن دیردیم فاطمه دلداریم گوزلرون آچ گور نجه حیدر وقارین دفن ایدور اولسا امکانی اگر دور سن منه بیر قبر قاز قوی دسونلر فاطمه ئوز پاسدارین دفن ایدور هانسی معشوقه سنون تک عاشقینن آیریلور هانسی عاشق من کیمی ئوز غمگسارین دفن ایدور ✍منکلام:کربلایی غفور رجبی متخلص به فاخر اردبیلی ‍ 🔴کانال رسمی عاشقان حضرت زینب«س» https://eitaa.com/hazratehzeynab

شهادت حضرت فاطمه زهرا سلام الله علیها گریز به کوچ کربلا بو غم نه غمدی خدایا دوتوبدی دنیانی عیال فاطمه گوزدن توکر گوگل قانی بو گون او گوندی که دولدی جهانه درد و محن باتوبدی یاسه قرا پوش اولوب حسین و حسن وورالّا باشه ایدللر فغانیلن شیون دِییَلّه وا اَسفا اوخشینده زهرانی بو غم بنات بتولی شکسته بال ایلیوب خصوص زینبی چوخ غرقۀ ملال ایلیوب آنا فراقی او سرو قدین هلال ایلیوب سرشک دیده سی بر پا ایدوبدی طوفانی همیشه اُنس دوتوبدور جهاندا ماتمیلن بو زینبون گِلی آیا سرشت اولوب غمیلن که بیر غمینده مقابل دی درد عالمیلن بو ایستیوب غمی غم ایستیوب بو نالانی گهی پیمبره ماتم قوروب توکوب قانیاش گهی آناسی عزاسین دوتوب آچوبدور باش آتا باشین یارالی گه گوروب دیوب ایکاش خراب اولیدی گوروم یا اَبا بو دورانی حسن جنازه سی اوسته گهی چکوب فریاد ایدوبدی سیل بلا صبر ایوین اونون بر باد بو غملریله بلادن اولیدی کاش آزاد اوجالمییدی اونون کربلاده افغانی نه کربلا که لبالب دولوبدی قانیله دوشوب او یرده حسین بیر نچه جوانیله یتیشدی زینب او دم چشم خونفشانیله گوروبدی قانینه غلطان شه شهیدانی دیدی که هانسی ستمگر توکوب اَخا قانون قویوبدی گونلر ایوینده او جسم عریانون کفن اولوب سنه خار و خسی بو صحرانون حسین بو حاله سالولّار مگر مسلمانی یتوردی ایندی تمامه بو قوم عداوتینی سَنان و شمر بروزه ویروب شقاوتینی بو حالون آرتوری بالله گوگل حرارتینی عجب مشقّته سالدون منِ پریشانی نجه دوزوم بو غم دهر و جور ایّامه سالوبلا آهو صفت بیله که بیزی دامه منه یقیندی که آخِر چکر عدو شامه ایاق یالین باش آچوق اهل بیت طاهانی اولوبدی بیله که همسر سر سنانه باشون عجوزه داشینه آخر اولور نشانه باشون آخار جمالیوه قانون گلور بیانه باشون فصاحتیله اوخور آیه آیه قرآنی ✍منکلام:مرحوم استاد حاج عبدالرحیم شباهنگ متخلص به هندی تبریزی ‍ ‍ 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت فاطمه زهرا سلام الله علیها آند اولا بدر و احد و خیبره آند اولا حیدر یارادان محشره آند اولا قرآن دا اولان کوثره آند اولا سجاده ی پیغمبره آند اولا جبریل اوپن اللره قانه بویانمیش علم و لشکره آند اولا غارتده یانان معجره تپراقین اوستونده دوشن اکبره آنداولا گوزیاشی توکن خواهره آنداولا گهواریه هم اصغره آنداولا گوداله دوشن سروره باشی کسیلمیش شه بی یاوره آنداولا محراب و شب و منبره میثم تمار و دل قنبره آنداولا هم یرلره هم گولره آنداولا هم اول و هم آخره خلق الیین خالق صورتگره منزویه سیفیه هم انوره آنداولا زینبده اولان عصمته عزته هم عفته هم غیرته آنداولا عرش اهلینه هم جنته آنداولا خالق یارادان خلقته فاطمه تک گلمیه جک گلمیوب فاطمه دن صونرا علیی گولمیوب ✍منکلام:استاد دکتر سعید مرادی ‍ 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت فاطمه زهرا سلام الله علیها قلمله وصف اولا بیلمز کمالی زهرانین دوغولمیوبدی دوغولماز مثالی زهرانین گوروب جمالینی چخمازدی آی خجالتدن ائدیب ملک لری حیران جمالی زهرانین اونون قباله سینه ثبت اولوب یرین سولاری غم ائتمه اولمادی مال و منالی زهرانین آلاردی حقینی ناباب غصب ایدنلردن اگر اجلدن اولیدی مجالی زهرانین او گون که شیر خدا اولدی ائوده خانه نشین جهاندا اولمادی قالماق خیالی زهرانین یازان زمان قلم آغلار اورک فغانه گلر کدرلی دیر او قدر شرح حالی زهرانین وئرردی آجلارا اوز رزقینی سخاوتده دگولدی حاتم طائی مثالی زهرانین یتیم اوشاقلاری گورجک نوازش ایلردی اولاردی تازه یتیملک ملالی زهرانین باشی نه چوخلی بلالر چکیب آز عمرونده دگولدی خوش یاشاماقلیق مآلی زهرانین زمان اوته نه قدر قدری گون به گون آرتار داغیلسا عالم اگر یوخ زوالی زهرانین نجه قان آغلاماسین چکمه سین قلم فریاد دوتوب عزاسی بو گون هر محالی زهرانین شهید زنده دی ئولمز بو حکم قرآندیر دوشونده واردی شهادت مدالی زهرانین اولوب اورکلره حاکم همیشه لیک قالاجاق زمانلا آرتاجاق #آذر جلالی زهرانین ✍منکلام:مرحوم استاد آذر زنجانی ‍ 🔴کانال رسمی عاشقان حضرت زینب«س» https://eitaa.com/hazratehzeynab

روضه حضرت فاطمه زهرا سلام الله علیها و گریز به روضه حضرت علی اکبر علیه السلام فرض کن آتش به جان هل اتی افتاده بود سوره کوثر به زیر دست و پا افتاده بود دود بود و آتش و مسمار و سیلی و لگد شعله بر جان عزیز مصطفی افتاده بود پیش چشم شاه خیبر همسرش را میزدند لرزه بر زانوی شاه لافتی افتاده بود مادر سادات را آتش زدند و بعد از آن ناله در هفت آسمان و ماسوا افتاده بود(۱) یاس نیلی زیر در جا ماند و پرپر شد ولی شور محشر در دل اهل کسا افتاده بود در مدینه مادری غرق به خون شد عاشقان کربلا هم پیکری ازهم جدا افتاده بود دست و پا یک سو و پیکر سوی دیگر مانده بود بر رخ زیبای اکبر رد پا افتاده بود ارباً اربا بود و در بین عبا پیچیده شد مثل اینکه عرش اعلا در عبا افتاده بود هرکسی با هرچه میشد پیکرش را پاره کرد شِبه پیغمبر غریب و بی صدا افتاده بود شیشه عمر علی درهم شکست و بعد از آن از غم او در حرم شور و نوا افتاده بود خون رگهای علی شد زینت روی پدر پادشاه کربلا هم در بلا افتاده بود ✍منکلام:استاد دکتر سعید مرادی ‍ 🔴کانال رسمی عاشقان حضرت زینب«س» https://eitaa.com/hazratehzeynab

حضرت فاطمه زهرا سلام الله علیها روزی که غیر نام تو از بر نداشتیم حرفی برای صحبت دیگر نداشتیم شأن نزول آیه لولاک فاطمه است زهرا نبود احمد و حیدر نداشتیم زهرا اگر نبود نشان از نبی نبود زهرا اگر نبود پیمبر نداشتیم زهرا اگر نبود علی ناشناس بود ما هم خبر ز ساقی کوثر نداشتیم زهرا اگر نبود حسین و حسن نبود یار کریم و سید محشر نداشتیم زهرا اگر نبود خدا هم غریب بود در بندگی نمونه برتر نداشتیم گمراه میشدیم در این ظلمت غریب گر پرتویی ز زهره اطهر نداشتیم زهرا اگر نبود سما بارشی نداشت از خاک مرده رزق مقرر نداشتیم زهرا اگر نبود دگر خلقتی نبود این عرش و فرش وکرسی و دفتر نداشتیم روزی که هست "یوم یفروا من الاخیه" بیچاره می شدیم چو مادر نداشتیم ‍ 🔴کانال رسمی عاشقان حضرت زینب«س» https://eitaa.com/hazratehzeynab

روضه دفن حضرت فاطمه زهرا سلام الله علیها و گریز به قتلگاه دفن الیینده یارینی فاتح خیبر آغلادی باخدی یارالی یارینه ساقی کوثر آغلادی عرض الیوب نگارینه آچ گوزووی قیزیل گولوم باخ بو فراق و ماتمه دیده ی حیدر آغلادی قاره گیوب اوشاخلارون درد دل ایلیور منه گاه آنا وای دیوب حسین سبط پیمبر آغلادی صبر اله گتمه فاطمه زینبی قویما تک قالا ایندی گلوب مزارووه زینب مضطر آغلادی ظاهر اولوب پیمبرین اللری قبریدن ددی فاطمه نین عزاسینه مسجد و منبر آغلادی قبر اوینه وریب علی دخت رسول خاتمی گوردی کی اولدوز آغلادی بحریده گوهر آغلادی روح الامین گلیب یره روضه دیور قان آغلیور سینه ویروب ستاره لر شمس منور آغلادی حسرتیلن باخور علی فاطمه نین مزارینه آدم و نوح و مریم و فضه و هاجر آغلادی کرببلاده شیعه لر فاطمه گلدی مقتله باخدی حسینین حالینه دوردی برابر آغلادی گلدی سنان بی حیا شمریله وردی ال اله خنجری ویردی حنجره خیمه ده خواهر آغلادی کسدی حسین بوغازینی دوغرادی جسم اطهرین کفر دگول اگر دسم عرشیده داور آغلادی ✍منکلام:استاد دکتر سعید مرادی ‍ 🔴کانال رسمی عاشقان حضرت زینب«س» https://eitaa.com/hazratehzeynab

حضرت فاطمه زهرا سلام الله علیها تنها نه کوثر است که تفسیر فاطمه است قرآن قرائتی ست که تقریر فاطمه است اینکه ندیده سایه ی او را کسی خودش شرح بلیغ آیه ی تطهیر فاطمه است نانی به غیر سفره ی زهرا نخورده تا ثابت کند علی که نمک گیر فاطمه است تنها نه اینکه گردش دستاس دست اوست گرديدن زمانه به تدبیر فاطمه است آیینه ی جمال خدا احمد و علی ست در بین این دو آینه تصویر فاطمه است پشت علی به فاطمه گرم است هر کجا بین کمان عمر علی تیر فاطمه است هم دوش ذوالفقار علی رزم می کند تيغ دعای نافله شمشیر فاطمه است آیینه گشت کوثر و خیر کثیر شد عالم هزار مرتبه تکثیر فاطمه است پای ولایت علی از جان گذشتنش زیباترین روایت تقدیر فاطمه است ✍منکلام:کربلایی علی کاوند ‍ 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت فاطمه زهرا سلام الله علیها گوهر بحر وفا فاطمه دی جوهر صدق و صفا فاطمه دی معنی لفظ وفا فاطمه دی لنگر ارض و سما فاطمه دی فاطمه فاطمه دی فاطمه فاطمه دی نوریدور نور خداوند ودود آدی محبوبه ی ذات معبود خلق اولوب خاطرینه هر موجود حضرت خیر نسا فاطمه دی فاطمه فاطمه دی فاطمه فاطمه دی حکمراندور جبروت عالمینه قهرماندور ملکوت عالمینه شرح عنواندی نعوت عالمینه او که وصف ایتدی خدا فاطمه دی شیره ی جان رسول الثّقلین کفو و مانند امام الکونین مادر پاک حسن مام حسین بحر موّاج ولا فاطمه دی حائز وحی نبوّت نسبی شرح معنای فتوّت حسبی گوهر افشان اولونان لعل لبی جوهر صدق و صفا فاطمه دی او که بیر خطبه ی آتش ریزی او که گفتار صفا انگیزی ایلین صحبت نهضت خیزی باطل و حقّی جدا فاطمه دی او که عصمتدی اوتا ستر حجاب او که عفّتدی اونا یوزده نقاب او که اولموش اونا اوز شرمی کتاب معنی شرم و حیا فاطمه دی او که پیغمبره دور نور دو عین مرتضی مسلک و امّ الحسنین گتورن عالم اسلامه حسین فاتح کرب و بلا فاطمه دی او که مرضیّه اونون منصبیدی او که مشهور نماز شبیدی او که احیاگر دین زینبیدی ایلین حشر به پا فاطمه دی #تائب آل صدق و صفا زهرادن مرضه ایسته شِفا زهرادن آل هامی درد و دوا زهرادن ایلین درده دوا فاطمه دی ✍منکلام:استاد حاج صادق ابوالحسنی متخلص به تائب تبریزی ‍ 🔴کانال رسمی عاشقان حضرت زینب«س» https://eitaa.com/hazratehzeynab