شهادت امام حسن عسکری علیه السلام عراقه ایله نظر ملک سامرا گورونور حرم وار اوردا گوزه مثل کربلا گورونور بیرینون آدی نقی دی بیرینون آدی حسن فدا اولوم اولارا گور نه آشنا گورونور سلام عرض ائدورم منده ملک ایراندان اورکلرینده بو مولالرون یارا گورونور ارادتیم بولارا چوخدی شاهدیمدی خدا بو گوزلره حرم آل مصطفی گورونور امام هادیدن اذن ایستورم عزاداران یازام که دردی اولان لار بئله دوا گورونور لواسی دست شفا بخش دی سالوب سایه یقین بو باشلارون اوسته سایه لوا گورونور اجازه وئرسه گریزیم منیم نتیجه آلار حسن عسکری حتماً نظر بو شعره سالار امام یازدهم باشدان آتدی دنیانی سالاردی حیرته خلقی او روح رحمانی گتیردی دشمن دین پادگاندا یئر وئردی واریدی دورت طرف اطرافیده نگهبانی مباد شیعه لریله تماس دوتسون امام حقیقتاً ئوز ائوینده اولوبدی زندانی فقط بالاسی امام زمان بیلور نه چکوب حسن عسکری میل ایلدی جگر قانی گئنه تحمّل اونی ائتمدی جری دشمن امامی ئولدوره سعی ائتدی نفس شیطانی تهیّه ائتدیله زهر جفانی گرچه ظالملر گجیه اوخشادی عالمده ماه تابانی غرض یتیم ایله دی شیعه نین گوزل آقاسین آلوبدی جسم حسندن توان و یارانی چاغیردی گل بالا مهدی به اذن حضرت حقّ اوشاق بویوک بیزه لازمدی فیض قرآنی سنون وجودوی الله ئوزی ائدر پنهان منه چوخ آغلاما اوغلوم دوباره پنهانی غریب جدّیمه هر یئرده قورسالار مجلس گیت اوردا آغلا قبول ایله بو تمنّانی عنایت ایله بیزیم شیعه لر مریض اولسا طبابت ایله اوغول مهدی خلقی مجّانی جلالیله بالا تاپشور مزاره پیکریمی مزاره قویدولا جسم شریف مولانی کفن اونا گوزل اوغلی فراهم ائتمیشدی یادیما سالدی بو یئرده شه لب عطشانی قوشون چوخور یئره دوشجک امامی دوره لدی آلوبلا مور و ملخ تک او قانلی صحرانی گلن ووروبدی گئدن ووردی یاره پیکرینه چاغیردی زاده حیدر آناسی زهرانی امیدی بیر فقط عبّاسیدی یامان گونده اونی شهید ایلدی امّت جفا کانی نه سس وئروب اونا اکبر نده جوان قاسم ووروبلا ظلمیله اوتلاندی قلب سوزانی ورق ورق ائدوب اعدا مثال قرآن تک ائدوبله گور نئجه غارت او تشنه قربانی او کهنه پیرهنی چوخ گوروبله مولایه قالوبدب گون قاباقیندا او نعش عریانی بالاسی زینُ العبا یئر گویی ائدوب تسخیر گلوبدی علم امامتله شمس نورانی بویوردی بونلاری قوم بنی اسد تانورام گلون مزاره قویاق پیکر شهیدانی نه نوعی تپراقا تاپشوردولار رجوعیم یوخ کنار علقمه ده جسم پاک سقّانی سوسوز ئولن آقاما بیر مکاندا یر وئردی گوزل مزارینه کیم باخدی اولدی نالانی سوروشدولار ندور علّت که آلتی گوشه سی وار بویوردی حلّ ائدرم ایندی بو معمّانی ایاقی آلتدا جوان اوغلی دفن اولار بو شهون همین جواندی که عاشق ائدر جوانانی و بیرده حضرت سجّاد امامتون قمری گوروبله باغرینا باسدی او نعش بابانی دئدی بابا کسیلن حنجره جانیم قربان گئدوبدی غارته انگشترون الون هانی هایاندادی علی اصغر جنازه سی بابا جان بویور اونی گتیروم آغلادیم محبّانی گزوبدی تاپدی ربابین گولین امام رئوف ائدوبدی خلقی مخاطب اوجالدی فرمانی بویوردی یوخدی کفن ایندی بوریا گتیرون کفن ائدیم باباما منده لیف خرمانی حلال ایله منی، خامه یازوبدی بی پرده یانان دلیم منی وادار ائدوبدی بیر آنی دولاندی قبر حسینون بنی اسد باشینا رضای حقّه گوره راضی ائتدی جانانی یازا یازا آقاما روضه منده آغلامیشام باغیشلیون منی بو مطلب اولدی طولانی فقط بو بنده گوره وقتوزی آلوب «غمکش» بوکوبدی دفتری یوخدی بیر آیری امکانی مزاره قویدی نئجه بیر فقط بیلور الله قاریشدی تپراقا یا رب بوغازینون قانی سوروشدی کوفه ده اهل و عیال آل الله امیریموز بی بی جان یوخدی سویله جریانی دئدی گئدوبدی قویا قبره تشنه قارداشیمی همان او سوزدی او گون آغلادوبدی طفلانی ✍منکلام:مرحوم استادحاج عبدالله رضایی متخلص به غمکش زنجانی 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت امام حسن عسکری علیه السلام گریز به غارت دوشوبدی باشه دؤیَم درگه پُر اجلالین یازام آقام حسن عسکرینون احوالین او اون بیریمجی امامیکه شأنی والادی امام عصرین آتاسی عزیز زهرادی اوچومجی ابن رضا حجّت حق یزدان که یدّی ایل اولوب اسلامه رهبر و سلطان گیدنده درگهینه صاحبان غصّه و غم روا ایدردی حوايجلرین او صاحب دم اورکده هرکسین هر مطلبی اولیدی اگر حیا و قیدیده دردین دینمییدی اگر بیان ایدردی اونون حاجیتین او شاه کرم ویرردی حاجت و دلدن ایدردی رفع اَلَم زمان مکان اولارا فرقی یوخدی یکساندور بو جَمعه گوشه ی چشمی گر اولسا احساندور بولور که اهل عزانون اؤرکده حاجتی وار علینون اوغلیدی مشگل گشادی مشگل آچار خلاصه قورتولوب عمری فشار و محنتده همیشه تحت نظر زیر چرخ ظلمتده ویروبدی معتمد دون او شاهه زهر جفا ایدوبدی شیعه لری غرق ابتلا و عزا ایکی یوز آتمیش هجرت اولاندا هشت ربیع ایچوبدی جام شهادت تاپوب مقام رفیع بو بیرخبر ابوالادیانیدن روایتدی ولایت اهلینه باب غم و مصیبتدی دیَر گلنده مداینندن اضطرابیله مواجه اولدوم او دم غملی ازدحامیله یتنده بیت امامه گورنده شور و فغان وصیت ایتدیقی اوضاع غم اولوبدی عیان یقینیم اولدی امامیم ایدوبدی ترک وصال یانوبدی نار جفادن سونوبدی شمع جمال یوموبدی گوزلرینی باغبان صولوبدی چمن ایدولّر اهل ولا جسم پاکه غسل و کفن نماز قیلماقا اصحاب اولاندا دلداده او امره جعفر کذّاب اولاندا آماده ایدوبدی گون کیمی جلوه او بش یاشیندا بالا دوتوب عمو یرینی تا نماز امامه قیلا او دمده عالم امکانه گلدی بیر جَلَوات او گل جمالینه اهل ولا دیوب صَلَوات قیلوب نمازینی امّا دلینده آه نوا آتانی دفن ایلدی یوز گوزونده اشگ عزا آتا فراقینه آز سنّیده دچار اولدی امام عصریمیزون قلبی داغدار اولدی بو قدر شأن و جلالی گورنمدی دشمن وجود مهدینی بولدی دوزنمدی دشمن دوشوب بو فکره عدو تا که دستگیر ائتسون امام عسکرینون نائبین اسیر ائتسون بو نیّتیله او قوم پلید و غارتگر ایدوبله حمله حریم امامته یکسر گورنده بیر بیله اوضاعی اهل بیت امام ایشیق گونوزلری وحشتدن اولدی تیره و شام همان او گونده اولان کلّ عالمه حجت پیام حقّیله سردابیدن ائدوب غیبت گوزل یازوبدی #حسینی گلوبدی سوز یرینه ایکی امام ئولن گون توکولدولر ایوینه بیری امام حسن عسکری اونا عنوان بیری امام حسین خیمه سی اولان تالان #علیلو #سعدی اهل ولانی یاد ایلدون حسینچیلر اورگین بول یقین که شاد ایلدون حسینون آدینا قربان تمام جن و بشر مدافع حرمیدی او لحظۀ آخر قالان قدر جانی رخت وفانی سویموردی هجوم لشگری سمت خیامه قویموردی اودم که امر شهادت یتوبدی اتمامه او دمده لشگر کینه یول آچدی اخیامه صدای طَبل و دُهُل تا اوجالدی لشگردن اوجالدی عرشه نوا بی پناه حرملردن امان او لحظه دن اود ووردی خیمیه اشرار دوشوبدی وحشت و خوفه تمام خرد و کبار او وضعی زینب کبری یتوردی سجاده که قارداشیم بالاسی نیلیاخ بو مأواده بویوردی عمّه خیام ایچره قالماسون بالالار هامیسی چوللره قاچسون که یانماسون بالالار قاچوبلا چوللره اطفال ناز پرورده بو غمده قلب امام زمان گلر درده نچونکه گیت گَلَه بیر یول واریدی خیمه لره بیریدی یول قاچانا هم گلن سواره لره اودور که حمله ایدنده او دستۀ خونخوار قالاردی آتلار ایاقینده نازنین بالالار یازولّا بعضی لرین جامه سی آلشمیشیدی او اود سوسوزلیق اودی بیربیره قاریشمشیدی عطش شراری اودور دیلرینده چوخ چوخیدی یتنده غارت ائدن قاچماقا توان یوخیدی ✍منکلام:کربلایی محمدتقی علیلو 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

باشیمون اوستونه سسلندی اوغول گل اولورم غملی سینم داخی دینجلدی اوغول گل اولورم گل اوغول باشیمون اوسته باخوم اول گل یوزیوه چشم عالم اولا قربان ایکی شهلا گوزیوه باشیمی آل دیزون اوسته در نایابی گوروم باخوم اول حیدره بنزر گوزه بو حالدا اولوم سونه جاخ بو گیجه عمروم چراغی مهدی جان بو ایوین بو گیجه چوخدی قوناقی مهدی جان دسته دسته بو ایوه بو گیجه حورا گله جاخ توتماقا یاس ننم حضرت زهرا گله جاخ قول بویون اولدی آتیلان بالا بیر آغلادلار قلب دنیانی او آغلاشماقنان داغلادلار گل آلوب دامنه شبنم کیمی اوز شهدینی باسدی بیر باغرنا آغلار گوزیلن مهدینی دئدی سن آغلاما اوغلوم شه عالم سن سن ننه میز فاطمه نون دردینه مرحم سن سن فخریلن کعبیه پرچم وراجاخسان بیر گون جدیمون قاننی مهدی آلاجاخسان بیرگون الغرض سیلدی امام شاه زمن گوزلرینی بیر به بیریوسف زهرایه ددی سوزلرینی ایتدی تفویض امامت قوتاروب سوزلرینی بالاباخدی آتاجان وردی یوموب گوزلرینی قلبینی سخدی امامون غم و محنت اثری آخدی مرجان کیم گل صورتینه اشک تری ناله وشیون اودمده اوجالوب سامره دن سس چاتوب اهل عراقه گلون اولدی حسن عرش و فرش اهلی اشیتدی هاموسی گلدی گلن وئردیلر غسلینی اول گل بدنون اولدی کفن گوزده یاش قبلیه ساری دایانوب قبله ی راز آتانون نعشینه آغلار گوزیلن قیلدی نماز غرض آتاسی هادیه قوناق گیدوب اوگون آقا آتیلا همجوار اولوب بدن قویولدی تپراقا بو سوزده دوشدی یادیمه گینه او قانلی کربلا کی اوردادا یاتوبدلار ایکی بالیلا بیر آتا دوشنده جدیوون آقا یارالی نعشی تپراقا نه اوغلی اولدی کفن ایده نده مزاره قویماقا غلام درگه حسین ع اولوبدی #راستگو آقا قالوبدی لیک حسرت اول گوزل مزاری گورماقا کرامت اللرونده دی آقا زمام نوکری عنایت ایله قبریوه قوناق امام عسکری روحی لک الفدا یا ابا المهدی عج ✍منکلام:کربلایی حسین راستگو متخلص به بخشایش 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت امام حسن عسکری علیه السلام غربت شهر سامرا غصه ی هر شب منه عکس خرابی حرم آتیش به جونم می زنه گرد و غبار حرمت سرمه چشم نوکرات خیلی غریبی آقاجون بگو چی شد کبوترات شب شهادت آقا می خوام یه آرزو کنم کاشکی می شد با مژه هام مرقدت جارو کنم آقا بذار که جونمو با هروله فدات کنم آقا بذار که روم بشه تو قیامت صدات کنم سینه زدن با عاشقات نماز مستی منه این سینه ی خسته باید یه روز برا تو بشکنه تو حلقه ی سینه زنی وقتی برات شور می گیرم پاک میشه زنگار دلم آینه می شم نور می گیرم این گریه ها روز حساب توشه ی کوله بارمه این سینۀ کبود شده مدال افتخارمه بندگی رو یادم دادی با راه و رسم نوکریت معنی عشق فهمیدم با اون نگاه دلبریت معجزه کردی آقا جون که عاشق خدا شدم یه تیکه مس بودم که با نگاه تو طلاشدم 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت امام حسن عسکری علیه السلام سبک عموغلی چوخ گول سارالار غریب آتان زهریلن اولوب سامراده یامهدی سامراده یامهدی باشون ساق ای پور عسکری بوعزاده یامهدی بوعزاده یامهدی وروبدی زهرجفا اونا معتمدعباسی معتمدعباسی اورکده واردی گول آدینه شیعه یانون احساسی شیعه یانون احساسی بوگون تمام جهانیده واردی مجلس یاسی واردی مجلس یاسی قراگیوبدی بو ماتمه نه سماده یامهدی نه سماده یامهدی گهی ادوب معتمد اونی بارگاهینه احضار بارگاهینه احضار گهی آپاردی حضورینه ایلدی اونی اجبار ایلدی اونی اجبار ربیع الاولده ایلیوب زهریله اونی بیمار زهریله اونی بیمار گرگ اورکلر اولا حزین بوجفاده یامهدی بوجفاده یامهدی اولاردی تحت نظر آتان بیرمحل غربتده بیرمحل غربتده تمام عمرونده قالدی او غصه لرده محنتده غصه لرده محنتده قالوبدی بیرپادگانیده معرض جسارتده معرض جسارتده یانار ا ونا هم غریبه هم آشناده یامهدی آشناده یامهدی جوانلیقیندا اولوب آتان آغلیار اونا زهرا آغلیار اونا زهرا قرا گیوب شیعه لر بوگون غرق غمدی سامرا غرق غمدی سامرا ویرورباشا سینه زن بوگون ذکری آه واویلا ذکری آه واویلا جناندا غمگین اولوب آقا مرتضاده یامهدی مرتضاده یامهدی ورنده جان سسلدی سنی گل بالا منه آغلا گل بالا منه آغلا بیوردی ای وارث حسین گوزلریمی گل باغلا گوزلریمی گل باغلا دوداقیوی قوی دوداقیمه بیرآتاوی قوجاقلا بیر آتاوی قوجاقلا یوخومدی چون بیرکسیم منیم بوسراده یامهدی بوسراده یامهدی آتان غمی سختیدور سنه یابن العسکری مولا یابن العسکری مولا بیزایلوروک عرض تسلیت شیعه رهبری مولا شیعه رهبری مولا کیانه ده بیرعنایت ایت قووما نوکری مولا قووما نوکری مولا نصیب ایله بیرزیارت کربلاده یامهدی کربلاده یامهدی ✍منکلام:کربلایی حجت مرتضایی متخلص به کیان 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام حسن عسکری علیه السلام معتمد ظلمندن الله شیعیان اولدی یتیم بش یاشیندا حضرت صاحب زمان اولدی یتیم بیرگلی که شهربطحاده گوز آچدی عالمه سامره ملکنده صولدی عالمی سالدی غمه اوغلی مهدی ایسلادوب دامانین اشک ماتمه وای بابا وای سسلدی اول مهربان اولدی یتیم بو مصیبتده احبّانین قان آغلار گوزلری ظلمیله مسموم اولوب مولا امام عسکری آغلار اول مولایه چوللرده یگانه گوهری لنگر وقطب زمین و آسمان اولدی یتیم حجت آزاده پور هادی و سبط جواد یرمی سگیز ایل جهاندا عمر ائدوب اول پاکزاد ایلدی خاموش او نوری دشمنان بد نهاد عالمی ظلمت دوتوب کل جهان اولدی یتیم آغلا ای شیعه ائله عقبایه اشکون زاد ره جان وئروب نور دل زهرا امام یازده اولماسا اوغلی اونون اولماز کرات و مهر ومه سویله آهیله امام انس و جان اولدی یتیم ائتدیلر غسل وکفن امت دوشوب حالدان حالا صدقیله قیلدی نمازین بش یاشیندا بیربالا قویمادی جسمی حسین تک تپراق اوستونده قالا آه اوگوندن اهلبیتِ باغریقان اولدی یتیم زهریله گر عسکری نون قلبینه اود وردیلار جدینون اما ستمله خیمه سین یاندیردیلار اهل عیالی قانلی چولده بزم ماتم قوردیلار ائتدی سجاد اشگ غم گوزدن روان اولدی یتیم قاچدیلارصحرایه بیر باش اهلبیت غمزده قیزلارا اولدی نگهبان زینب ماتمزده گوردیلر شاه شهیدین قانلی باشین نیزده ئولدی بابا دختران ناتوان اولدی یتیم بعد غارت هربالانی بیر طرفدن تاپدیلار یازمارام آل اللهین معجر باشندان قاپدیلار لیک حسینون سینه سینده شیعه لر آت چاپدیلار گل کیمی صولدی رقیه گلستان اولدی یتیم ✍منکلام:استاد حاج ولی الله کلامی زنجانی 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام حسن عسکری علیه السلام گریز به قتلگاه ترک ایدوب مظلوم آتان دنیانی یا صاحب زمان قورتولوب زندان غم دَن جانی یا صاحب زمان مُعتمد ظالم سنی بیر عمر مَهموم ایلدی جدّیوین حقّین الیندَن آلدی مَظلوم ایلدی عاقبت ویردی او شاهه زَهر مَسموم ایلدی اوُج ایدوب دور گوگلره افغانی یا صاحب زمان ایستدی ایتسون اوزیندن رفعِ تَهمت مَکریله دوتدی اِستشهاد کذبی مَطلبی گلدی اَله یعنی بو سیّد اوزی ناخوشدی ممکندی اُله ایتدی مَدرک بیر نچه اِمضانی یا صاحب زمان جمع ایدوب اعیانِ شهری مکریله اوز باشینه جدّیوی گلدی عیادت ایتماقا اوز باشینه آچدی باشین ظاهراً رُخصت ویروب گوزیاشینه کیم گوروب بو حیلهء شیوانی یا صاحب زمان گوزلرین آچدی امامِ عسکری زار و حزین صاق صُولا باخدی گوروب اوز باشی اوسته قاتلین چکدی بیر آه آغلادی کشف اِیتمدی دردِ دلین دولدوروب دور دیدهء گریانی یا صاحب زمان یادیمه دوشدی بو یردَه بیر موثّر غائله بیر امامین دَه گوزی دوشدی اُلنده قاتله اوُد دوتوب یانّام اُلونجه آغلارام بو نسگله یادَه سالدوق جا شهِ عطشانی یا صاحب زمان شمرِ ظالم دلدَه کینه الدَه تیغِ پر شرار صدرِ مَکسورِ حسینه چخدی ایتموب ننگ و عار سنگ دل دشمن آغور چکمه سوسوز هم زخمدار لَرزه دوتدی عالمِ امکانی یا صاحب زمان شه گوروب سینه آغورلاشدی دوشوب تنگه نفس مرغِ دل دوشدی فشاره آز قالور سین سون قفس گوزلرین آچدی دیدی خوش گلمی سن ای بُوالهوس عشقه باخ گور عاشقِ شیدانی یا صاحب زمان یاخشی گلدون گل بو غم دَن راحت ایله جانیمی باشیمی تیز کس یتور تکمیله بو نُقصانیمی شکرُ لِلَّه زنده ایتدیم قانیله قرآنیمی بیر او قان دور ساخلین قرآنی یا صاحب زمان باغری میز قان اوُلدی بو محنتدَه یابن العسکری شیعه نین شاها نه قدری عَجّل اوُلسون ازبری اهلِ حق قالموش شماتت دَه اوُلوب باطل جَری دولدوروب جُور و جفا دنیانی یا صاحب زمان ✍منکلام:استادحاج حسین کریمی مراغه ای ‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام حسن عسگری علیه السلام گریز به قتلگاه آخور گوزوم یاشی رخساری مه چو ماء زلال اِئدن زَمان حسنِ عسکری غمیندَه خیال تعجبم نیه بو چرخِ شُوم و کَج رفتار همیشه اهلِ وِلانی ائدوبدی غرقِ ملال سالوب بلا و غمه هر امامی بیر بی دین آلوب دی حقّین اَلیندَن اِئدوب پریشان حال بونوندا حقّینی غَصب ایلدی بنی عبّاس اِئدوبدی غَصبِ خلافت او شُومِ کینه خصال بو ظلمه دویمادی آخردَه مُعتمِد مَلعون امامه زَهر وئروب ائتدی صبرینی پا مال او زَهر امامی ایاقدان سالوب مریض اِیلدی یغوب اَعاظِمِ شهری او مُرتدِ و حَیّال باخوب اَعاظمِ شهره دئدی اولون شاهد بو گون مریضیدی بو سیّدِ خجسته مَآل بو ئولسه شیعه لری دوتماسین منی مَسئول که من رضا دگولم بار اوُلا منه بو وَبال معاینه اِیلسون دکتر ایلیون اِمضا بیان که ئوز اَجلی لن ئولوب بو ذی الاجلال طبیبی باخدی دئدی ضعفی وار عناصردَه سو ایستین دَه وئرون مُستکی بونا فی الحال او بزمدَه اُمَرادَن دوتولدی اِستشهاد صراحتیله او طوماری مُهر ائدوب له رجال گلوبدی باشنون اوُسته عیادت اِیلماقا اولوبدی ظاهراً افسردَه باطناً خوشحال امام آچوب گوزینی باخدی قاتله یومدی توکوب جمالینه گوز یاشنی او ماه جَمال ایکی امام گوزین آچدی قاتلین گُوردی بیری بو شَه دی که احوالینی دئدیم اِجمال ایکیمجی کرب و بلا شاهی نورِ چشمِ بَتول قتیلِ راهِ حقیقت شَهیدِ قومِ ظلال دوشوب یارالی وجودی له بیر چوخور یردَه او قدری قانی آخوب قانیله دولوب گُودال هوانون ایستی سی یورقون یارالی سوزِ عطش گلن وورور یارا قانین بیلوب له بس که حلال حزین حزین دیور ای قوم دوش موشم دلدَن جگرلریم آلشوب ای گروه بَد اَفعال او دمدَه ایلدی احساس آغرلاشوب سینه ائشیتدی وار باشنون اوُسته اوزگه قال و مَقال آچاندا گوزلرینی گوردی شمرِ شُوم و شَریر چخوبدی سینه سینه ال دَه خنجرِ قتّال بلالی زینب اَلیلن دوتوبدی خنجرینی گوزینده گوز یاشی امّا اَلینده بیر دسمال دیور او قدری امان وِئر که باغلیوم گوزینی یاخیندی شَمسِ اِمامت تاپا بو چُول دَه زوال دئدی آنام باجی صبر اِئت اَل آتما مَعجریوه هنوز ئولمه میشم من ندور بو پوزقون حال اَل آتما خنجرینه یوخدی بوندا رحم اثری خیامه گِئت داغیلار ایمدی چوللّره اطفال #کریمیم اوُزیمی سالمشام بو درباره حسینه نوحه یازوب آغلیام گرک مه و سال ✍منکلام:استادحاج حسین کریمی مراغه ای ‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

زبانحال حضرت امام حسن عسکری علیه السلام دوستان بر من و سوزِ جگرم گریه کنید به شرارِ دل و اشکِ بَصرم گریه کنید من جوان بودم و در سنِ شَبابَم کُشتند بر دلِ سوخته و چشمِ ترم گریه کنید حسنم، پاره جگر مثلِ عمویم حسنم بر من و بر عموی خون جگرم گریه کنید من و جدّ و پدرم را به جوانی کُشتند در عزای من و جدّ و پدرم گریه کنید من شَهیدم ولی از خَصم نخوردم سیلی همه بر مادرِ نیکُو سیرم گریه کنید سال ها بود که در تحتِ نظر بودم حَبس همه بر قصهء تحتِ نظرم گریه کنید قبرِ ویران شده ام گشت بقیعِ دِگری داغداران به بقیعِ دِگرم گریه کنید بعدِ من مَهدیِ من بی کس و تنها ماند به غریبیِ یگانه پسرم گریه کنید گریهء مُنتظران مرحمِ زخمِ دلِ اوست بر ظُهور خَلفِ مُنتظرم گریه کنید به مُحبانِ من اِعلام کن اینک #میثم همه بر حُجَتِ ثانی عَشرَم گریه کنید ✍منکلام:استاد حاج غلامرضا سازگار متخلص به میثم ‍ ‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام عسکری علیه السلام عسگری اوُغلون وئرور جانانه جان یا فاطمه مُعتمد مَسموم اِئدوب گل آغلا یان یا فاطمه سن دِیرسن بو بالان دنیادَه هیچ بیر شاد اولوب دائماً قلبِ شریفی غصه و غملن دولوب عاقبت مَسموم اولوب دور گول کیمی رنگی سولوب لاله تک غمدَن اولوب دور باغریقان یا فاطمه اوُل قدر ظلم اِئتدیلر بو اوُغلووا دلدَن یانوب زَهرِ کین بس که اَثر اِئتدی وجودی اوُدلانوب قالدی نه حاله دِیه بُلَّم جگرلر دوغرانوب دوشدی قدرت دَن اولوب دور ناتوان یا فاطمه وار یِری بو غمده یانسان اِیلسن شور و نوا گوز یاشین جاری یوزه اِئت سن دِئسن اِیوای بالا عمری آز اولدی ولی دائم چکوب جور و جفا گِئتدی دنیادَن بو اوغلون نو جوان یا فاطمه اِختیارین رحم سیز دشمنلری اَلدَن آلوب نچّه دَفعه بولمورم بو اوغلووی حَبسه سالوب اَکثراً عمری بو قدر واردی زندان دا قالوب شاد و خندان اولمیوب دور بیر زمان یا فاطمه بیر بیله جور و جفایه اولدی بو اوغلون دُچار عصرینین فِرعُونی وِئردی بو اِمامه چوخ فشار اولمیا عصرین اِمامی بلکه بوندان آشکار بو جهانه گلمسون صاحب زَمان یا فاطمه سنّی اولدی یِرمی یِدّی دائماً مهموم اولوب عمری آز اولدی ولی دنیادَه چوخ مظلوم اولوب مُعتمِد بی دین اَلیندَه عاقبت مسموم اولوب اولمادی امّا او حاله بیر یانان یا فاطمه مُعتمِد باطن دَه کی ظلمین اِئدوب دی آشکار اِئتدوقی ظلمه پشیمان اولدی اوّل نابکار حالی نه باخجاق اِمامون اِیلیوب دور آه و زار سندَه آچ باشون سزیلدا اِئت فغان یا فاطمه جمع اِئدوب هر نه اَطبا وار او بی شَرم و حَیا بلکه اول مَظلوم اِمامون دردی نه اولسون دوا هر قدر سعی اِئتدیلر اولموب او مظلومه شَفا چاره اولموب دردی نه اولدی اولان یا فاطمه دولت و ملت جَلالیلَن هامی جمع اوُلدو لار عزتیله اِئتدیلر تَشییع نمازین قیلدی لار اوز اِئوینده گتدیلر آخردَه قبره قوی دو لار بو جلالی وِئرمیوب کیم سه نشان یا فاطمه بیر اِماموندا منیم وار دَفن و کَفنی ندَن سُراق چوخ جَلالیلَن اونی تَشییع اِئدوب اَهلِ عراق نیزه باشیندا یارالی باشنی گوزدَن اِیراق شامه دین تشییع اِئدوب دور کوفیان یا فاطمه نادَم اولدی قاتلی بو اوغلوون حیران قالوب لِیک دشمن زینبون آرامینی اَلدن آلوب سسلنردی بو حسینی بو قلج دَلدن سالوب فخر اِئدردی خُولی و شِمر و سِنان یا فاطمه شکر لِلَّه بو اِمامه نوحه یازدون #شوریا اِیسته هر نه حاجتون وار تئز یقین اِیلر روا آندا وِئر اوغلی اِمام عَصره اِیسته کربلا گِئت مَزارین دَه دِئنه گل آغلا یان یا فاطمه ✍منکلام:مرحوم استاد میرزا محمد آقا شوری تبریزی 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام حسن عسکری علیه السلام صاحب زمانین باشلانوب شیعه عَزاسی مَسموم اولوب زَهریله جان وِئردی باباسی بانی اولوب دور مُعتمد مظلوم اِمامه زَهریله مَسموم اِیلیوب یِتدی مرامه چاتدی اِمامِ عسکری عمری تمامه اوج اِئتدی عرشه حُجتِ حقًین نواسی شیعه بو غمدَه قلبیوی آهیله داغلا سبطِ رَسولین قاره سین باشیوه باغلا آغلور بو ماتم دَه بالاسی سنده آغلا اَلدن گِئدوب اوُل سَرورین مَظلوم آتاسی جَنتدَه پیغمبر دوتار یاس و عزاسین مولا علی باشه سالار شور و نواسین زَهرا سالار باشه بقیع دَه باش قراسین یاندیریدی قلبین مُعتمد جور و جفاسی قیلدی نمازین قائم اوغلی شوکتی لن قویدی مزاره پیکرون چوخ عزّتی لن دَفن اِیلیوب عرض اِیلدی بو هجرتی لن گِئتدی بابا بو منزلین ذُوق و صَفاسی صاحب زمانین قلبینی یاندیردی بو غم گوز یاشینی توکدی عذاره عالم عالم وار دور یِری حَشره کیمی گر دوتسا ماتم قان آغلاسا آز دور گینه دینون آقاسی #شیدا وِلایت دامنین دوت گوزدَن آتما بو عشقی گوزله جیفهء دنیایه ساتما آز قالدی عمروندن داخی غفلت دَه یاتما هیچ کیم سیّه یوخ دور بو دنیانون وَفاسی ✍منکلام:کربلایی محمدرضا صادقی متخلص به شیدا 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شهادت حضرت امام حسن عسکری علیه السلام اِمامِ عسکری رِحلت اِیدوب دور شیعیان آغلار دِیر اِیوای بابام اِیوای اِمامِ اِنس و جان آغلار فَلک آغلار مَلک آغلار زَمین آغلار زَمان آغلار یانار آغلار دِیر اَلدن اِمامِ مُمتحن گِیتدی اوُلان خلقی حسن خُلقی حسن آدی حسن گِیتدی حقوقین دَن جفائیله اوُلوب مَحروم ئولن گِیتدی دوشن دَه یاده بو مُحنت زمین آغلار زَمان آغلار دِیر اِی ظلم اَلیله چوخ اولان مُظلوم ئولن اِِیوای اولان اَجدادی تک درد آشنا مَغموم ئولن اِیوای گورن آز عمری له چوخ جوخ جفا مَسموم ئولن اِیوای اِیدر بو سوزلری تکرار اِمامِ اِنس و جان آغلار گورن سان سیز جفا و ظلم لر هر دورِ دوران دا وِئرن عمرِ شریفین باشه گاهی کُنج زندان دا چکن دائم شکنجه قیدِ ظلمِ قُومِ عُدوان دا بو مَطلب ذِکر اولاندا هم زمین و هم زمان آغلار گه اَمر مُعتمد له حُجَتِ حقّ دست گیر اوُلدی گهی زندان دا زندانبانِ بی رَحمه اَسیر اوُلدی مکانی گه مکان بیر نچه دَرّنده شیر اوُلدی گوروب لر شیر اونا پابوس اوُلوب اَشگی روان آغلار صفاسی نچه شیرین اِیله دوتدی فَرد بر فَردین سیلردی حُجَت اللّهین لباسین دَه اوُلان گردین دِیردی ئوز دِیلیله هر بیری دلدَه اوُلان دردین بلی درد اَهلی مولایه اِدَر دردین بیان آغلار بلی درنده لر گُورجاق تانولار حُجَت اللّهی ولیکن مُعتمد درنده لر تک تاپموب آگاهی اونی اِئتمیشدی اِیله کُور باطن سلطنت جاهی که قویدی اَهلِ بیتِ دینی اوُل شومِ جهان آغلار بله اِعجازی گوردی مُعتمد لِیک اوُلمادی بیدار اِمامین قتلی نه بِل باغلادی اوُل مُرتدِ خونخوار اِمامی اِیلدی مَسموم پنهانی او بَد کِردار اِیدندَه یاد بو ظلمی اِمامِ عَصر قان آغلار یانار آغلار آتاسین یاد اِیدر سر گشته بیدادَه گهی جدّی حسینه دَمبدَم آغلار گلر داده دِیر اِیکاش اوُلیدیم منده سنله قانلو صحراده دِیر یا کربلا هر دَم اِیدر مَحشر عیان آغلار هزار اَفسوس جدّا اوُلمادیم اُول قانلی صحراده سنی یالقیزلین دَه کوفیان صحنِ غم اَفزاده دینده یالقیزام الله گلیدیم اوُندا اِمدادَه همان اَحوالوه سبّوح یان و قدوسیّان آغلار دِیدون هَل مِن مُعین اَطرافون آلدی فرقهء اَعدا اوجالدی های هُو غوغا گرانِ شام اِیدوب غوغا اولار یوزمین نفر خون خواری دی سن یِکه و تنها اِیدنده یاد او حالی گوزلریم هر دَم هر آن آغلار چخا حاشا یادیم دان یاندی قلبون اِحتراقی له باخوب نَهره دِیردون العطش عَطشان دوداقی له سنه اَهلِ جفا یاره ووراردی اِتفاقی له او اَحوالون سالوب یادَه هامی کَروبیان آغلار یخیلدون اِئتدی رنگین ذُوالجناحون کاکلین قانه خیامِ طاهراته یوز قویوب قاچدی یانا یانه دِیلین دَه الظلیمه الظلیمه گلدی اَفغانه او خونین صَحنیه عمّه م گُوزی تا وار جهان آغلار زبانِ خامه #تائب بیر بیوک غوغایه گویادی دیور قان قتلگاهی ندَن بیانی مُحنت اَفزادی سوزی چکمه اورا قاندان دولی پُر موج دریادی نِی دَه غرق اِیدر هم غرق اِیدَه هم غرق اوئلان آغلار ✍منکلام:مرحوم استاد حاج صادق ابوالحسنی متخلص به تائب تبریزی 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅