مدح حضرت زهرا سلام الله علیها ای حریر چرخ پای انداز تو مه چراغ محفل اعزاز تو آفتابت فوج عصمت را یَزک اخترانت چهر عفّت را زرک از شراب وحدتت رنگ شفق وز سحاب رحمتت نور فلق کهکشان صفُّ النِّعال درگهت سرمه سای چشم مَه خاک رهت شمسه ی کاخ رسالت روی تو مَهبَطِ روح و ملک مشکوی تو چلچراغ محفل اُمُّ القُری نور یثرب بضعه ی خَیرُ الوَری ماه بر باب جلالت حلقه زن بوریای محفلت عِقد پرن درة البیضای اکلیل وفا غایة القُصوای آزرم و حیا جلوه ی نه گنبد از خاک درت وز فروغ لایزالی گوهرت پیر گردون سر چو بر پایت نسود زد به نیل غصّه شولای کبود شد مکدّر ماهتاب شب فروز کو نبیند آفتابت را به روز باد از کویت چو راهی شد به باغ گل شد از انفاس قدسی تردماغ تا زکویت پا صبا در خلد هِشت تازه شد جان ریاحین بهشت از مسیرت تا غبار انگیز شد نافه ی غبرا عبیر آمیز شد ای صفای آب حیوان از لبت بلکه فیضش از زلال مشربت در تنافس قدسیان بر خدمتت ماسوا مهمان خوان رحمتت صبحگاهت صافی مرآت صدر شامگاهت "لیلة القدر"ی به قدر شدّه ی مرجان ز یاقوتت پر آب لعل کانی از عقیقت کامیاب سوری از برگ گلت شاداب و تر لاله از شرم تو در خون غوطه ور سِدره از صدرت "هو الحق" تا شنید هم چُنان سروت به جنّت سر کشید آستان بوست سپهر چنبری زهرا ماه عارضت را مشتری ای تو سرجوش خم عرفان و شور ای شعاع باده در جام بلور مستی هر مست از سرمستیت هستیِ هستی، رهین هستیت ای عجین توحید در آب و گِلت ای رموزکُنه وحدت در دلت ای تو نور و هرچه نور از نور تو وی زجاج نه فلک منشور تو عابدم ای کعبه ی مقصود من آستانت قبله ی مسجود من روسیاه و عاصیم بی دادرس غیر تو پشت و پناهم نیست کس رحمتی ای آیت لطف اله تا شود پاک از دلم لوث گناه ✍منکلام:مرحوم استادحاج محمد عابد خیابانی ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

زبانحال‌حضرت رسول اکرم (ص) به حضرت امیر المومنین علی( ع) بو زهرا سنه مندن امانتدور عم اوغلی بو گل زینت باغ رسالتدور عم اوغلی بودور میوۀ قلبیم بودور تاب و توانیم بودور نور دو عینیم بودور جسمده جانیم بونون آخسا سرشگی آخار اشک روانیم بونون حبّی دلیل سعادتدور عم اوغلی هامی عالم عَرَض دور ولی فاطمه جوهر جهان مثل صدفدور ولی فاطمه گوهر نظیری اولا بُلمَز بونون مریم و هاجر بو زیتونۀ دین و دیانت دور عم اوغلی بونون حُبّینه مأمور ایدوبدور منی الله بونا مُبغِض اولانلار اولار کافر و گمراه اولان آیۀ نورین اشاراتینه آگاه بُلَر فاطمه نوره اشارتدور عم اوغلی جهان دُرّیله دولسا بو دُرّه ثمن اولماز بجز ذات الهی بهاسین بُلَن اولماز ولی حیف اولا من سیز سرشکین سیلن اولماز ایده لَّلر او که امت اهانتدور عم اوغلی ایدر جنت و حورا هامی خلق تمنا ولی جنت اعلا رخ فاطمه جویا بهشتین نه دی حظّی اگر ا ولمیا زهرا ویرن جنّته زینت بو طلعتدور عم اوغلی بیاناتیمه ائتمور محبت منی مجبور بو سوز امر خدادور منم کشفینه مأمور ووران سیلی یوزوندن ائدن ضلعینی مکسور خدائیله مرامی عداوتدور عم اوغلی نه ظلم ائتدیله دوزدوم منه اهل ضلالت دوزوب ایلمدیم من خداونده شکایت ولی فاطمه قدرین اگر بولمَسه امت منه قولاً و فعلاً خیانت دور عم اوغلی گُلِ گلشن توحید آچار فاطمه گولسه اولار خم قدِ طوبی قدِ سروی بوکولسه اگر امت الینده قیزیم فاطمه ئولسه سوزوم حشرده حقّه شکایتدور عم اوغلی سولار گلشن ایمان اگر گول یوزی سولسا قولی ظلمیله سنسا گوزی اشکیله دولسا شهیده ئوله زهرا بو امت سبب اولسا بو قومه ایکی دنیا خسارتدور عم اوغلی منیم قلبیمی قاندان ائدر حالی لبالب بونون درگهی یانسا یانار خرگهِ زینب چخار دشت بلادن گویه نالۀ یارب ائدن صبریمی غارت او غارتدور عم اوغلی حسینیم سو یانیندا تاپار تشنه شهادت باشین نیزیه گون تک وورار قوم ضلالت الی باشدا قاچاندا چوله آل رسالت قیزیم زینبه اوندا قیامتدور عم اوغلی #حسینی گجه گوندوز ائدر ناله سیزیلدار یازار آغلادار آغلار ائدر خدمتین اظهار بیزیم دفتره ثبت ائت اونون آدین عزادار بو خدمتدن امیدی شفاعتدور عم اوغلی ✍منکلام:مرحوم استادحاج سید رضا حسینی تبریزی متخلص به سعدی زمان ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

مدح حضرت زهرا سلام الله علیها ای وجودی عالمه مفخر خانم یا فاطمه ای یگانه دخت پیغمبر خانم یافاطمه ای جلال و عزّت و شوکتده بی مثل و بدیل ای مقام قربده محبوبۀ ربّ جلیل ای وجودی هستی خلّاقه برهان و دلیل ای آدی صدّیقۀ اطهر خانم یا فاطمه ای وجود اقدسی مرآت خلّاق علیم ای اولان دارای جاه و شوکت و شأن عظیم درک ائده بولمز مقامون صاحب عقل سلیم ای شفیعه بانوی محشر خانم یافاطمه ای آتاسی علّت ایجاد کلّ ماخَلَق وی آناسی شرح آیات وفایه ما صَدَق مریم و سارادن آلموشدون عفّتون گوی سَبَق غبطه ایلر شأنیوه هاجر خانم یافاطمه سن او بانوسن که شأنونده آتان فخر الانام «بضعه مِنّی»بویورموش ای عفیفه لاکلام بو قیزا قربان آتاسی ذکر ائدردی صبح و شام احترام ایلردی اول سرور خانم یا فاطمه سن او بانوسن مقاماتونده بسدور که خدا سنله مشهور ایلیوب اهل کسانی بر ملا عزّتون ممتازیدور ای زینت آل عبا ای شرف دریاسینه گوهر خانم یافاطمه سن جلالتده خانم ای عصمت پروردگار گورمیوب گورمز نظیرون بیرده چشم روزگار سورۀ کوثر گلوب شأنونده ای کان وقار یعنی سن سن معنی کوثر خانم یافاطمه ای اولان کان عطا و بخشش و جود و سخا هر گدا گلسه قاپوندان بوش قیتمز بر ملا بیر گدایم منده درگاهونده لطف ائت سال یولا دردینه ((سائل)) دوا ایستر خانم یافاطمه گر چه بو اشعاری یازدی #ذهنی با آه و فغان لیک تکمیل ایلدی استادی #سعدی_زمان اوز بالاندور چون #حسینی لطفوی ایله عیان خاک بوسون آرزو ایلر خانم یا فاطمه ✍منکلام:مرحوم استادحاج عبدالعظیم ذهنی زاده تبریزی متخلص به سائل ✍منکلام:مرحوم استاد حاج سید رضا حسینی تبریزی متخلص به سعدی زمان ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

زبانحال حضرت امیرالمومنین علی علیه السلام عالم عالم ایسترم عالم بلور زهرا سنی نیلرم آلسا الیمدن بی وفا دنیا سنی سن منیم جسممده شیرین جانمه تشبیه سن یوخدی شبهه بوالحسن زهرادی زهرا بوالحسن روح سن روحیه سن سن اولماسان نه سن، نه من فرد و بی همتا یاراتمش ذات بی همتا سنی حقدور ئولماق سوزوم یوح، لیک وار بیر مسئله ضربت دردن سنون سینونده یاره وار هله وار یری درده دل پیغمبر رحمت گله گورسه بو پوزقون پریشان حالیله حالا سنی کاش اجلدن مهلت اولسون دردیوه اولسون دوا قولارون سینون بیر آزجا توخدیوب تاپسون شفا محضریندن چکمه سین خجلت علی المرتضا در تک سالم امانت تاپشوروب طاها سنی ماسواللهده یگانه تکیه گاهیم سن منیم دولتیم بختیم امیدیم دادخواهیم سن منیم ایل قبیله طایفه آرخام پناهیم سن منیم بیر جهان نیرو گتورم خاطره تنها سنی سن دیدوقجا ناخوشام مندن اولور سلب قرار غصه لب قلبیم دوشور چرپنمیا بی اختیار نیلیوم چاره ئولومدن قویمیوب پروردگار نیلرم ویرسم الیمدن بلمورم آیا سنی ئولماقی خردا بالالی مادرین آسان دگل کیم بیله بیر درده دوشسه قابل درمان دگل طولی ایللردی بش اون گونلر دگی بیر آن دگل آغلاسا ایتام هاردان ایلرم پیدا سنی سرپرست ایودن که گیتدی اولدی آسایش حرام صبح تک نه صبحدور صبحی ایوین نه شامی شام کیم ایدر روشن چراغی کیم ایدر طبع طعام ایلمشدی حق عطا بیر نعمت عظما سنی کیم حسن مادر دئن دمده ویرور آیا جواب کیم حسینون باشی اوسته سو قویور هنگام خواب زینبین نازین چکور کیم توکسه اشگناب نه دیوم دوتسا خبر مندن بو مه سیما سنی اولماسان بیر گون بو ایوده ایو منه زندان اولار باور ایله لاله تک هجرونده باغریم قان اولار بوینی چگننده قابار اطفال سرگردان اولار منده منلوق قالماز اولسا دورت بالا جویا سنی زلف شبرگوندن اولسا بیر سر مو قدری کم درد الندن بو دل غم پروریم باغلار ورم غصه مرگ اولام مرضیه جانوه اولسون قسم قلب عالملقدا بولم قلبیمه یارا سنی خاطریمدن چخمیان سوزدور گورن ساعت سنی دائم ابلردی احاطه نکهت جنت منی اولسا عطروندن معطر خلد اعلا گلشنی آرزو عمرینجه ایلر عالم سفلا سنی اولندن آیریلیق سالماخدی چرخین شیوه سی یرده قالماز لیک بیر مظلومین آه و ناله سی تیز چکه آخر امیدیم وار محبت جذبه سی بیرده پیدا ایلیاق یا سن من من یا سنی #حافظی شکر ایله نعمت شکری نعمت آرترار رتبه نی شانی مقامی حسن خدمت آرترار خدمت ارزنده هر انسانه قیمت آرترار ایلیوب یاخشی موفق خالق یکتا سنی ✍منکلام:مرحوم استادحاج حسین حافظی تبریزی ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

وصیت حضرت زهرا سلام الله علیها به حضرت امیرالمو منین علی علیه السلام عم اوغلی محضرون درک ایلماق عین سعاتدور منه جان اوسته تشریفون خدادن ببر عنایتدور‌ ایدوب یمن قدومون قلبدن خرسند زهرانی بو احسانون بتوله منتهای لطف و رافتدور گل رخساروه اگلش تماشا ایلیوم بیرده گلیله صحبت ایتماق بلبله دیرینه عاتدور طواف کعبه دن افضلدی طوف کعبه حسنون اورک بو کعبیه هر لحظه مشتاق زیارتدور وجودون علت غائیدی خلق کون و امکانه رهین منت نفس نفیسون نفس خلقتدور ولایت چرخنه سن مهرسن، من بیر مه تابان بو مهر و ماهه افلاکین مه و خورشیدی حسرتدور زمین و آسمان و عرش و کرسی ثابت و سیار جلال و شوکتونله صاحب عز و جلالتدور سنیله هر گونوم شاد و مسرت بخش اولوب، اما منه هر ساعتیمدن خوشترین ساعت بو ساعتدور سن ای شمع وفا، ایله نطر پروانه عشقه بو زهرادور همان پروانه شمع محبتدور دم جانبخش عیسی پرورنونله دخت طاهایه طبابت ایله بیماروندی محتاج طبابتدور سنی ملک ولایه بولمین والی دانان حقون جزاده مستحق ناردور چون بی ولایتدور ولی اللهدن ایتماق حمایت خلقه واجبدور خدا فرمانیدور آیین و قانون شریعتدور مباهات ایلرم سن تک امامه جان فدا ایتسم سنه قربان ایدم مین جان گنه بو جانه منتدور سنه الله ئوزی قیمت ویروب، قدرون بولر عالم بیری گر بولمسه قدرون، ئوزی بی قدر و قیمتدور عیاندی فاطمه بیر تار مویون عالمه ویرمز منی بو امره وادار ایلین عشق ولایتدور سنه لایق بولوب حق مسند حق تکیه گاه اولسون ولیکن حقوی غصب ایلین چوخ بی لیاقتدور گورنده قدرت الله اللرین باغلی باخوب یاندیم پوزان زهرانین احوالین او پوزقون وضع حالتدور گیدنده مسجده یوزده نقابی ایلدیم محکم که بولسون اهل عالم فاطمه تندیس عفتدور بحمدالله من اولدوم بو سببدن لطفوه شامل که قرب محضر شهده نصیبیم بیله دولتدور مبادا خاطرون رنجیده اولسون بیر وصیتدن که مندن ببر اشارت مختصر سندن اجابتدور ویروب تغسیلمی بیرده تدارک ایله بیر تابوت گجیله قبرده دفن ائت سنه هر چند زحمتدور یاخوندور قابض الارواح مندن قبض روح ایتسون حلال ائت حقوی زهرایه چون هنگام رحلتدور بتوله یوخدی امکان بسترین ترک ایلسون هرگز دوروب اگلشماقا یوخ طاقتی، سینه جراحتدور گذشت ایله اگر بو حالیله من ایلورم صحبت بله احوال من تک همسره عالمجله خجلتدور جزاده منتقم قهاره جور و ظلم دشمندن شکایت ایلرم حق محضری، جای شکایتدور کمان چرخ وارونی خمیده قد ایدن غمدن عم اوغلی زهره زهرادکی بو قوس قامتدور هامی درد و غمی نه من دیوم، نه سن سوال ایله دیسم یتمز تمامه چون مطول بیر حکایتدور قسم ئوز جانوه، جانیم عزیزی بو حسینیمدور اونا خاطر نه یوز ویرسه بو خسته جانه منتدور ئوزون بو نکته دن آگاهیسن ای خسرو آگاه که بو کلثوم و زینب قلبیمه یارا و طاقتدور بو گللردن حفاظت ایلدیم بیر باغبان مثلی نه تک هر تک تکی بیر گلدی، گلدن با لطافتدور بیری لاله، بیری سوسن، بیری یاس و بیری زنبق گلستان بهشته هر بیری بیر طرفه زینتدور توجه ایتموشم اولسون اثر#صالح یازان سوزده بولورسن دخت طاها معطی نطق و فصاحتدور ✍منکلام:استادحاج صالح علی نژاد متخلص به صالح تبریزی ‍‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

شام غریبان حضرت زهرا سلام الله علیها ای پرده ی غیبتده گوز یاشی دونن قانه جان وئردی آنان زهرا گل شام غریبانه ایوای آنا وای سویله اشكون یوزیوه باغلا آغلور حَسَنِین سنده سس وئر اولارا آغلا نه حالیله شرح ایلوم كیفیّت زهرانی هر محنته دنیاده دوزدی او بلا كانی اُلموب اوزی معناده اُلدوردی اونی ثانی واضح دیمورم هرگز زهرایه نه ظلم ایتدی دنیادن آنان امّا آخِر یارالی گیتدی بیر دُرّدی مرضیّه گنجینه ی عصمتده بیر گُلدی اونا هیچ گُل چاتمازدی لطافتده مشكلدی اولا بیر گُل بو عطر و طراوتده افسوس او رعنا گُل خاریله یارالاندی ظلمیله خزان اولدی گُلشندن آرالاندی عالملر اولا گلشن زهرا كیمی گُل اولماز گورسِیدی اونی هر كیم سویلردی بو گُل اولماز سولدوردولا ظلمیله گوز اشكیله گور دولماز ریحانه ی پیغمبر دنیادن ایله دویدی گتدی ولی اطفالین چون آهو مَلَر قویدی بو غمده علی اشكین خونِ دلینه قاتدی ایستوردی ویره غسلین بیر اوزگه غمه باتدی بو ضصّه او صبریله شاهَنشَهی آغلاتدی گویا كه وجودینده نیلی یرینی گوردی گلبرگ جمالینده سیلی یرینی گوردی غسلندن اولوب فارغ گوز یاشلی نجف شاهی رخساره توكوب اشكین عرشه اوجالوب آهی بو غمده علی دوزدی دوزمز بیری واللهی ناگه حَسَنین گلدی بیر محشر اولوب بر پا سویلَردیله شوریله ایوای آنا یا زهرا سالدی اوزینی گُللر اول جسم كفن پوشه سویلردیله دور بیرده آل گُللرون آغوشه چوخ آغلادیلار گَلدی مهری آنانون جوشه آخِرده كفن ایچره زهرا قولینی آچدی بیر گَل، ایكی تَر غنچه اول دمده قوجاقلاشدی سس گلدی علی قویما گَلسون حَسَنین داده آغلور ملكوت اهلی بو عالم بالاده آغلاتدیلا دنیانی گور بو ایكی شهزاده بو منظره مولانین آرامین آلوب الدن بلبللری گوز یاشلی آخِر آیروب گلدن القصّه علی صبرین الدن بو مُحن آلدی زهرانی سولان گُللر اشكیله یولا سالدی آهویِ حرم گیتدی اطفالی مَلَر قالدی سویلردیله دنیاده ایوای آناسیز قالدوخ اولدوخ عجب افتاده ایوای آناسیز قولدوخ دولدوردی نجف شاهی قان یاشیله گوز ابرین دفن ایلدی اوز روحین گور بیر او شهین صبرین وار علّتی زهرانون ایتگین ایلدی قبرین فكر ایتدی جفا اهلی ظلمونده ایدر طغیان گنجینه ی آمالی اغیاره اولا پنهان زهرانی قویوب قبره اَشكی یوزینه آخدی بلبل گُلی ترك ایتمز، حسرتله دوروب باخدی بیر آه چكوب كُونی یاندیردی او دم یاخدی وار حقّی دیسم اَشكی بارانی خجل ایلر زهرادن علی آیا آیریلسا گورون نیلر آخِرده گلوب جوشه دریای مُحَن داشدی بلبل او زمان گلدی حسرتله اوزاقلاشدی گلدی حَسَنینیلن منزلده بیر آغلاشدی سویلَری اولون آرام چوخ ایلمیون افغان بو گوز یاشوزا آخِر عالملر اولا قربان ای نازلی حُسینیم سن گلمه بیله فریاده بو گوز یاشی بو شیون زهرانی سالور یاده باخدوقجا سنه یانّام من بو غم عظماده دیواره یوزون قویما گرد اَلَمه باتما توكمه یوزه گوز یاشون گَل زینبی آغلاتما سن شیونه گلدوقجا فریاده گلور زینب اشكون یوزه آخدوقجا گوز یاشون اَلور زینب باخ گور نجه آهو تك حسرتله مَلور زینب آرامیمی سلب ایلور بو زینبون افغانی فریادی سالور یاده اول دشت غم افزانی گوز جامی بو ماتمده اشكیله نجه دولماز عالمده آنا چوخدور زهرا تك آنا اولماز گلشن پوزولا آیا گُللر سارالوب سولماز گلشن پوزولوب گتدی گُللر سارالوب سولدی كلثوم و خانم زینب عالمده یتیم اولدی بیر یاندا حسن اشكین گُل عارضینه باغلار بیر یاندا حسین اِیله حسرتله باخار آغلار سوزِ دلی دنیانی معناده اونون داغلار بیر یاندا خانم كلثون نِی تك گلور افغانه بیر یاندا توكَر زینب گوز دُرّینی دامانه آی دوره سین اولدوزلار آلمشدیلا چون هاله پوزقون گوروب اولدوزلار اول ماهی ایدوب ناله اودوزلار آرا بولمم آی قالدی نه احواله اشكیله یداللهین گوز كاسه ی دولموشدی اطفالنه بو غمده سر خیل اوزی اولموشدی ای #اعظمی بو غمده گَل ناله و فریاده بیهوده یِره عُمرون صرف ایلمه دنیاده یاز نوحه خانم زهرا اجرون ویرر عقباده نوكر خانما تحفه گوندَرسه قبول ایتمز محبوبه ی عالمدی محشرده ملول ایتم ✍منکلام:مرحوم استادحاج بیوک اعظمی تبریزی ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

مدح حضرت زهرا سلام الله علیها گوگل شرارینی دلده شراره دن خبر آل یانوب کول اولماقینی سنگ خاره دن خبر آل گوزوم تلاش ایدر اشگیله سوندره بو اودی عبث تلاش ایلین هیچ کاره دن خبر آل ویران اورکلره آتش او بیر یانان قاپودی جهان ده ملل بی شماره دن خبر آل او یانماسیدی جهان ظلم اودیله یانمازدی ستمله روشن اولان هر شراره دن خبر آل همین یانان قاپونین یرده گویده تاثیرین نه آی نه گون سانا گلمز ستاره دن خبر آل نه آد قویوبدی نه منطوریله یانوب او قاپی سقیفه اهلینی گور استشاره دن خبر آل قاپی یانوب آچیلوب زوریله اولدی نه لر آدی قاپی اوزی بیر تخته پاره دن خبر آل صریحین ایستیه سن گیت مزارینی تاپسان شهیده قبره گیدن باشدا قاره دن خبر آل هانی او دل سنه مسماردن حکایت ایدم بو سری سینه زهراده یاره دن خبر آل گوزوم حکایت سیلی نی مندن آلما خبر اوزون او یرده دوشن گوشواره دن خبر آل جفای قنفذیله تازیانه لر خبرین یارالی جسمده زخم دوباره دن خبر آل ایناموسان خانمین تازیانه لر سپری باشیندا چادره پاره پاره دن خبر آل نه حالدیدی خانم سقط ایدنده محسنینی عبای شاه ولادن بو باره دن خبر آل صریحین ایستیه سن گر شهیده قبره گیدن قاپی دالندا قالان ماه پاره دن خبر آل بو گیر و دارده نولدی علینی سسلمه دی وفا و مهر گوزیله نظاره دن خبر آل چاغوردی فضه نی یعنی اماندی گلمه علی داشوبدی بحر مصیبت کناره دن خبر آل یخلموشام منی ئولدورسه لرده گلمه هله نه لر اولوب اولاجاق بو اشاره دن خبر آل من ئولموشم سنه قلبیم یانور که تک قالوسان بو درده چاره نی خلاق چاره دن خبر آل عم اوغلی من گلوه نیلیوبدی خار جفا گلینی خار آپاران بیر هزاره دن خبر آل سینمده سود قانه دوندی بو سری سن بولوسن سوزون چکیده سینی بو اشاره دن خبر آل سودون یرینه گلن سودامرلریم قان ایچر بلا چولونده گلن شیرخواره دن خبر آل چتین داخی بالاسین هاشمیه سوددن آچار رباب الینده کی بوش گاهواره دن خبر آل گلونجه مهدی موعود(عج) وای بالالاریما دیولمین سوزی بو استعاره دن خبر آل بو یاره لر هامی چون یولداشیمدی قبر ایوینه ویرنده غسلیمی سانسیز اثاره دن خبر آل قاپوم یاناندا بیر اود گیتدی کربلا چولونه او خیمه لرده اولان استناره دن خبر آل کباب اشگینه بنزر گوزومده گوز یاشیم آخاندا دلده اولان شرار دوباره دن خبر آل گوزوم گورر بالا قیزلار قاچالا صحرایه قوغان پیاده لری هر سواره دن خبر آل قیل استخاره دیدیم #ذهنیه بو سوزلری یاز دئدی که خیر اشیدور استخاره دن خبر آل ✍منکلام:مرحوم استادحاج عبدالعظیم ذهنی زاده تبریزی متخلص به سائل ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

مدح حضرت زهرا سلام الله علیها تاپوپ بلالی باشیم درد بی دوا یارالی غریبه درده علی اولدی مبتلا یارالی آخوری عارضیمه گوز یاشیم مصیبتدن اولوبدی وِرد زبان وا مصیبتا یارالی محالیدور قوریا گوزیاشیم فراقونده قضا اِیدوب منه بو فعلی اقتضا یارالی مدام آغلیارام ماتمونده صبح و مساء غمونده آغلیا کیم حَق ویرر جزا یارالی دور ای چراغ فروزان محفل عصمت مزارون اوسته گلیبدور غم آشنا یارالی سسیمی آلسان اگر سس یتور منیم سسیمه اویان که دردون اِیدوب قَدیمی دو تا یارالی نه یاتموسان گوزون آچ ای عزیزه دو سرا یِتیشموری سنه یا ناله و بکا یارالی اِیشیتمیسن سَسیمی قبریوین کناریندن شکسته نی تک علی ایلوری نوا یارالی بویور گوروم ساحالوب یاره وی مزارونده و یا که قان ویروری قبریده یارا یارالی دیردیم اولمیا ای کاش بیر گونوم سنسیز عجبدی تاپدی منیم عمرومی بقا یارالی نه لازمیدی منه سنسیز عمر طولانی فنا اولیدی گورم عالم فنا یارالی خطور خاطر اولور حُسن نیتون دائم او پاک نیتیوه من اوزوم فدا یارالی اورکده درد و غمون اِیتمدون منه اظهار کِچن گیجه دل شب اولدی برملا یارالی ویرنده غسلوی الله بولور نه چکدی علی موثر اولدی دله ظلم اشقیا یارالی سالاندا آی ایشیقین مغسل اوسته عارضیوه نَلر گوروبدی گوزوم بیر بولور خدا یارالی سینان قابورقاوا باخدوقجا، آغلیوب دئمیشم سزا دگولدی سنه بیر بیله جفا یارالی نه یاخشی سرّی قیزیم زینبه قالوب پنهان ئولردی اِیلمسیدون گر اختفا یارالی ئولوم ایاقینه گیتدی کیچن گیجه زینب مدام سس سسینه ویردی مجتبا یارالی گوتوردی معجریوی باسدی باغرینا گلثوم ددی یوزوم گوله عالمده مطلقا یارالی حسینیدن خبر آلسان سورشما احوالین ایشیقلی گوندوزی غمدن اولوب قرا یارالی بیر آیری عالمیدی بو کچن گیجه محفل سحر اولونجا دِیدوخ اِیوده هم صدا، یارالی جهان جهان اولالی گورمیوب بیله ماتم دوباره گورمیجاق بیر بیله عزا یارالی اگر چه شام غریبانه اولمادی گلنیم آچوبدی باشینی معناده مصطفی یارالی #عتیقه تاپشور آتان مصطفی توجه اِیده توجهاتینه اِیلوبدی اتکا یارالی ✍منکلام:استادحاج داودطهمورثی تبریزی متخلص به عتیق ‍‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

زبانحال امیرالمومنین علی علیه السلام یم مصیبتیوه یوخ کرانه زهرا جان اورکده قالدی غم جاودانه زهرا جان زمان وصل مبدل اولوبدی هجرانه أیردی تیز سنی مندن زمانه زهرا جان منه مفارقتین چوخ چتیندی چون سنیدون جهاندا ختم رسلدن نشانه زهرا جان بو ماجرا منه چوخ ناکوار و مشکلدور شبانه دفن اولاسان مخفیانه زهرا جان ویرنده غسل سنه دردیم أرتدی چون گوردوم قولوندا وار اثر تازیانه زهرا جان فروغ طلعتین ای ماه خانه ده یوخدور قرانقولوقدی منه صحن خانه زهرا جان بالالارین گورورم پر شکسته و غمگین قفس اولوب پوزولان أشیانه زهراجان نه قبرین استه نه ایوده منیم قراریم وار مزارین استینه گلم شبانه زهرا جان عم اوغلووام علیم سسلرم سنی هردم جواب ویر منه ای نازدانه زهرا جان او اودلانان قاپودان جسم و جان #منطقیه دوشوب شرر چکر ایمدی زبانه زهرا جان ✍منکلام:مرحوم استاد منطقی تبریزی ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

مدح حضرت زهرا سلام الله علیها غمدن جهاندا تاپمادی بیر گون فراغت فاطمه خوش روزگاره، خوش گونه قالموشدی حسرت فاطمه اون سگز ایل عمر ایلدی دنیاده بیر گون گولمدی دلده قالوب درد دلی بیر کیمسه دردین بولمدی اولماز غلط عرض ایلسم زهرا اجل لن ئولمدی ئولدوردی ثانی ظلمیله تاپدی شهادت فاطمه درد و غم هجرانیدن سولدی سارالدی گل کیمی زلفی آغاردی غصه دن بیرجه سولان سنبل کیمی هر گون آتا هجرنده بیر شوریده سر بلبل کیمی ایلردی درد هجردن دائم شکایت فاطمه آخر اوزولدی کثرتِ غمدن حیاتیندن الی پیک اجل یتدی، اولوب آئینه دل منجلی عرض ایتدی بیر گون الده وار فرصت عم اوغلی یا علی اگلش یانیمدا بو دمی بولموش غنیمت فاطمه چوخ مایلم سنله بو گون بیر آن صحبت ایلیوم بیر دم، دم هجرانده تجدید وصلت ایلیوم ئولماق زمانیمدور سنه نچه وصیت ایلیوم بیر نکته وار لازم بولوب ایتسون وصیت فاطمه وقتی که ئولم من بو گون اشگیله دولدورما گوزون پوزما غمیمده حالوی دوندرمه شامه گوندوزون غسل ائت گجه ایله کفن تاپشور مزاره سن اوزون بلکه عم اوغلی بیر یاتا قبرینده راحت فاطمه بیرده سنه مندن صورا هر کیم بو ایوده یار اولا اولسون ببری اولادیمه غم مونسی غمخوار اولا دلتنگ اولاندا زینبیم لطفاً اونا دلدار اولا قویدی یرینده زینبی مام مصیبت فاطمه بیرده حسینیله حسن چوخ چکموشم زحمت لرین قویمازدیم اصلا توز دوتا گیسولرین صورتلرین مندن صورا ویر تسلیت سن دلدن آل محنتلرین چکمیش اولاردان اوتری چوخ رنج و مشقت فاطمه دائم حسینی بسلدیم نازیله سینم اوسته من گه جبرئیل لای لای دیوب گاهی اوزوم آهسته من آرتوب علاقم گون به گون اولدوم اونا دلبسته من اول ناز پروردن کسه مشگلدی الفت فاطمه آرام جانیمدور حسین یانوندا راحت ساخلا سن چوخ تاپشوروب جدی منه مندن امانت ساخلا سن گور سر به سر اعضاسینی گل تک سلامت ساخلا سن سالم ویرور آخر آلا سندن سلامت فاطمه نور دو عینیمدور حسین آخر سنه دل پاره دور باخ گور نه باشدا بیر قلج نه جسمی یکسر یاره دور نه باش بدندن آیریلوب نه پیکری صدپاره دور نه جمله عضونده گورور تک بیر جراحت فاطمه نازین چکوب اورگتموشم سینمده یاتسون هر گجه تا راحت اولسون قالماسون دینجلماقی هرگز گجه توپراقلار اوسته چاک چاک اعضاسینی گورسون نجه ممکندی ایتسون بیر ایله ساعتده طاقت فاطمه زهرا حسینی یار ایچون بیر دسته گویا گل دوتوب زلفین گوروب هر کیم دیر گل دوره سین سنبل دوتوب گورسه تنور ایچره یاتوب قانلی یوزین توز کول دوتوب آیا عم اوغلی یا علی نیلر او ساعت فاطمه بیر بلبلم زاغ و زغن اولسا گل اوسته دوزرم چوخ چوخ منه مشگل گلور بو مشگل اوسته دوزمرم گل اوسته بسلنمیش باشی گورسم کول اوسته دوزمرم مطبخ سراده کوفه ده ایلر قیامت فاطمه احسن جهاندا #شانیا رسم وفانی آتمادون یعنی زمین صدقدن تخم صداقت قازمادون #صرافین اشعارین گوروب زهرا وداعین یازمادون تا نوحه خوانیندن اوزی گوندردی رخصت فاطمه ✍منکلام:مرحوم استادحاج حسین شانی تبریزی ✍منکلام:مرحوم استادحاج رضا صراف تبریزی ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

زبانحال امیرالمومنین علی علیه السلام آچ گوزون ای قلبیمون صبر و قراری فاطمه ای منه جدی پیمبر یادگاری فاطمه بو نه عالمدی بیله پوزقون پریشان یاتمیسان ترک ایدوب اطفالوی گوزدن حسینی آتموسان ای علینون کوکب بختی نولوبدور باتمسان گیتدی سنله عمریمون فصل بهاری فاطمه بو همان اوغلون حسیندور بسلدون چوخ نازیله سینون اوسته پرورش ویردون بونا اعزازیله اگلشوبدور باشین اوسته بو امید آزیله قول بویون اولسون سنیله بیرده باری فاطمه اشقیا جور و جفاده چخدیلار اندازه دن آز زماندا بو اسفلی حالته دوشدون ندن زلف آغاردی قامتون اولدی خمیده غصه دن بو سببدن آرتدی قلبون انزجاری فاطمه دین اسلامون یولوندا جام غم نوش ایلدون هر بلا گلدی دایاندون سینوی توش ایلدون حق مرام اوستونده اوز جانون فراموش ایلدون زینبه سرمشق ویردون بردباری فاطمه ضرب سیلیدن اولوب پژمرده رخسارون سنون اولدی نیلی تازیانه آتدا قولارون سنون اهل اسلامه اولا سرمشق رفتارون سنون عفت و عصمت اولان هر آن شعاری فاطمه ای گل باغ نبی پیغمبرین ریحانه سی راضی اولمازدون اوجالسون زینبین شیون سسی گور نجه عرشه چخور ایوای آنام وای ناله سی اولدی سنسیز لیلیدن تیره نهاری فاطمه سن بولورسن قیز آنایه چوخ علاقه مند اولار هر قیزین ئولسه آناسی گل کیمی رنگی سولار اولماسان سن قیزلاریم باشین آچار زلفین سولار بیرده اولماز خوش گونی خوش روزگاری فاطمه گیتسه گل بلبل الندن اود دوتار قلبی یانار کیم دیور آیا عم اوغلون بو غمی آسان سانار زینب و کلثومه باخدوقجا وجودیم اودلانار یاندیرور بو عالمی آهیم شراری فاطمه چوخ چتندور بو گورم جان اوسته زهرا جان سنی وار یری عرشه چخا یالقوز عم اوغلون شیونی قلبیمی یاندورما چوخ آچ گوزلرون دیندیر منی ای اولان آل عبانون افتخاری فاطمه گتدی پیغمبر الیمدن عرشه چخدی شیونیم قولاریمی باغلادی گوردون یانوندا دشمنیم ای پیمبر یادگاری وار نه تقصیریم منیم دینمیسن دیندیرمیسن بو اشکباری فاطمه هر بلایه دوزموشم زهرا پیمبردن صورا باغریمی قان ایلوری اما منیم بو ماجرا سن هارا پیغمبرون ریحانه سی سیلی هارا نه دیر طاها گوره بو گل عذاری فاطمه دوقوز ایل دوزدون ایویمده هر بلا و محنته آج قالوب اوچ گونلریله صبر قیلدون شدته نیلیوم زهرا گله لعنت وفاسیز امته حقیمی الدن آلوب امت شراری فاطمه تیره اولدی لیل یلدادن بو ایوده گوندوزون من نجه یاددان چخاردوم جور و ظلمون قنفذون ذکریوی عجل وفاتی ایلمشدون سن اوزون ای گجه گوندوز چکن مرگ انتظاری فاطمه مستجاب اولدی سوزین تا یتدی حی داوره مقصده یتدون گیدورسن محضر پیغمبره حوریان ماتم دوتوب قاره چکوبلر گویلره گیت خلاص اولدون مصیبت دلفکاری فاطمه وار یری سالسون شرر بو دود آهیم گویلره اولموشام سندن خجالت نه دیوم پیغمبره حقی وار آلسا خبر آیا ندور بو منظره گورسه پیغمبر بو جسم زخمداری فاطمه عرض قیلام حق یولوندان امتون کج دوردولار قویدولار قبره سنی بزم سقیفه قوردولار یا رسول الله قیزون زهرایه قمچی وردولار اولدی سن سیز چوخ مصیبتلر دچاری فاطمه ✍منکلام:مرحوم سیدحسین رجایی تبریزی ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅

بوته ى گلهاى سرخ در چمن فاطمه است روضه ى خلد برين انجمن فاطمه است هرچه كه از يوسف مصرى شنيدى به گوش حُسن دو صد شاه مصر در حسن فاطمه است. مليكه ى عالم است خادمه اش مريم است شاه عرب شوهر بت شكن فاطمه است باغ گل فاطمه منظره ى ديدنى است عليست ياس و حسن ياسمن فاطمه است كيست زنى مكتبى با منش زينبى پديده ى نُه فلك ز دامن فاطمه است فاطمه در هر كجا دم ز على ميزند خلافت حق عليست اين سخن فاطمه است كار عدو نارواست،زخم زبان بى دواست اشك على مرهم زخم تن فاطمه است مام حسين و حسن،شهيده ى راه حق عقيق انگشت عشق از يَمن فاطمه است تكيه به حق ميزند،دفاع ز حق ميكند بيان گفتار حق از دهن فاطمه است لكّه ى ابرى سيه نشسته بر صورتش خون پسر مانده بر پيرهن فاطمه است كيست كه گويد به ما تربت زهرا كجاست على غريب وطن در وطن فاطمه است عقل بشر عاجز است،عشق چه ها ميكند نوشته ى يا على در كفن فاطمه است سرخى رنگ شفق خون حسين است و بس گريه ى افلاكيان در محن فاطمه است سيد خوش زاد را اعانت از سوى اوست زندگيش سالها از ثمن فاطمه است ✍منکلام:مرحوم استاد حاج سيدحسن خوش زاد ‍ ‍ ‍‍ 🔴کانال گیف مذهبی 🔴ایتا https://eitaa.com/kgifemazhabi 🔴تلگرام https://t.me/gifemazhabi 🔴کانال رسمی عاشقان حضرت زینب«س» 🔴ایتا https://eitaa.com/hazratehzeynab 🔴تلگرام https://t.me/hazratehzeynab با ما همراه شوید✅