راه شام یوردی بس یورقونلاری ویرانه شامین یولاری سولدی گللر چاتمادی پایانه شامین یولاری باغریقانلارین دوشوب حالدان حالا یافاطمه آز قالورمحنت چوخون دیلدن سالا یافاطمه دوشدی محملدن سنه اوخشار بالا یا فاطمه شمعیدن آیریلدی بیر پروانه شامین یولّاری زینبون احوالینی پوزدی ائله رنج سفر هر قیزا قمچی وئروبلار قولاری اولدی سپر درد الیندن غصه لندی عمۀ خونین جگر گئتدی آخرده اونی گور جانه شامون یولاری اوز غذاسین قیزلارا وردی آجیندان ئولمیه چوخ دوگولموش رنجیده خسته طفلان ئولمیه چون امانتدی اولار سعی ائتدی هر آن ئولمیه اود وروبدی هر دل سوزانه شامون یولاری آهو تک آخشام اولاندا یوخلاداردی قیزلاری دورزاداردی چالماموشدان گون آخان اولدوزلاری اوخشویاردی تا دوزونجه بیر صفه یالقوزلاری احتیاجی وار اونون درمانه شامون یولاری استراحت یوخدی گویا زینبه بیر ثانیه بیلمدی هیچ هانسی بیر قارداشسیزا لای لای دییه نصف شب فرصت اولاندا وای حسینیم وای دییه لرزه سالدی عالم امکانه شامون یولاری زینبه کیمسه دیه بلمز بیابان خسته سی هر گئجه قان آعلیور شاه شهیدان خسته سی جان وئرونجه راحت اولماز تشنه قربان خسته سی آفرین بو عشق و بو برهانه شامون یولاری ✍منکلام:استاد حیدری زنجانی 🔴کانال رسمی عاشقان حضرت زینب«س» https://eitaa.com/hazratehzeynab

احوالات خرابه شام خرابه منزل اولوب اهل بیت طاهایه یتشدی ناله سسی اوج عرش اعلایه هنوز هر بیری بیر یاندا دوتمامیش آرام بیر اؤزگه غم وئروب اَل اهل بیت زهرایه بیری بیرینه خبر ایلوب اهالی شام که دسته دسته گلوب لر اودم تماشایه طمعلنوب بیریسی ایستدی امامی غلام هزار لعن بو بی آبروی دنیایه بیری دیردی ساتال‍ّار تمامینی آلّام یزیدی راضی اگر ایلیم بو سودایه او وقته زینب کبرایه ال ویروب رقت کمالی چون واریدی چوخ علی اعلایه بویوردی کور اولاسوز باخمیون،کناره دورون نه طعنه دور نه تماشا حریم والایه زنان و مرد،کنیز و غلامسوز بیزه سوز قسم جناب بتول و رسول بطحایه همین خرابده آدمدی بیزلره دربان گوروبدی چون بیزی خاتون انسی حورایه بیوک حرملره خدمتگزار مریم دور بو خوردا قیزلارا حوا و سارا دور دایه همان جوان کی سنق پاییه ائدوب تکیه اونون آدی یازیلوب عرشه تا تاپوب پایه اوزی مریضیدی اما بونیلا روح الله اودور حیات وئرور بیر نفسده عیسایه ضعیف جانیله چون اللرین اوپوبدی عصا اودور عصاسی وئرور جان عصای موسایه چکوبله داره طنابیله دار دنیاده وئروبدی دار بلادن نجات عیسایه یتیشمیشوق تازه بیز بیر قویون اولاق راحت سالوبلا بیزلری مدتدی کوه و صحرایه غریب ئولکه،خرابه مکان،قرخا یاخون اسیر عورت اوشاخ کیم دوشوب بو غوغایه آچوقدی باشلاریمیز باخمیون سیزی تاری گئدون داخی داغیلون دورمیون تماشایه اگر بیزی تانوساز هتک حرمت ایلمسوز بیزوک که نسبتیمیز وار بتول عذرایه ائدوبدی خلقه تولا بیزی خدا واجب نجه روادی خدایا قالاق تولایه نوایه گلمگه وار گلشن عزاده #دخیل نه احتیاج داخی عندلیب شیدایه ✍منکلام:مرحوم استادحاج حسین دخیل مراغه ای 🔴کانال رسمی عاشقان حضرت زینب«س» https://eitaa.com/hazratehzeynab

زبانحال حضرت زینب سلام الله علیها در شهادت حضرت رقیه سلام الله علیها ای منیم دلبریم نازلی نیلوفریم آناما بنزریم آچ اوگوزل گوزلریوی یاتما رقیّه هم‌دادیم هم‌دوزوم سُوزولن اولدوزوم غربت اِئلده قیزیم بو بینوا عمّه وی آغلاتما رقیّه وای- نجه بو گوزلریوی باغلاسین عمّون وای- ‌آنام ای‌وای چاغوروب آغلاسون عمّون وای رقیّم ایوای (3) ایوای رقیّم ای اسیر مُحن یورولان غُصه‌دن اشکی قانه دُونَن قلبینی تیر غم بولن رقیّم ایوای ای صفای حرم دردی چوخ عُمری کم دیرم دَمبَدم قمچی‌لر آلتیندا ئولن رقیّم ایوای وای - گوزون آچ که قورتاروب غم فراقون وای- ایاقا دور گوزلیم گلوب قوناقون وای رقیّم ایوای (3) ایوای رقیّم وای بلالی باشیم اولدی قان گوزیاشیم یارالی یولداشیم دردیوه درمان گتوروب اویان رقیّم یانارام آغلارام عالمی داغلارام گوزیوی باغلارام دور دیلیمون اَزبَری اولدی جان رقیّم کاش- بوقدر عشقیده زینب یارئییدی کاش- بو قرا تلّلری بیرده دارئییدی وای رقیّم ایوای (3) ایوای رقیّم ای حسینون گُلی یورولان بلبلی اکبرین سویگُلی کاش باشون اوستونده سنون دلبر اولیدی منه آرام جان ای بَلالر یوران سن ویرن وقته جان آلماقا آغوشه سنی اکبر اولیدی وای- غصّه‌لَردن بیلورم که دینجلردون وای- اکبرین گوزلرینه باخوب گولردون وای رقیّم ایوای (3) ایوای رقیّم ✍منکلام:کربلایی علیرضا حضرتی متخلص به ناعمی 🔴کانال رسمی عاشقان حضرت زینب«س» https://eitaa.com/hazratehzeynab

احوالات راه شام صحرا اوفصله خیره اولوب داشلار آغلادی باخدی جداده بیر بیرینه باشلار آغلادی تپراقه لمعه لمعه انیب استعاره لر تا طمطراقیله یولا دوشسون ستاره لر امن یجیب دیلده سوار اولدی ناقیه نور محمد ایسی وئرن ماهپاره لر تا وصف ائده او طفللرین شأن وشوکتین ،،شاهی،،سوزین آذانلارا سالدی مناره لر شربت گتیردی ساقی عرفان سپهردن ایچدی قدح قدح او سوسوز نور خواره لر سس گلدی عرشدن نچه یول ای بو قیزلارین زیب و زرین سویوب آپاران بد قواره لر اولدوز توکوب قباقینه صراف آسمان ائیلور درست او طفل لره گوشواره لر شامین یولوندا عدنه گئدن یئل لر اونلارین زلفون آچوب هواده ائدور استخاره لر طوفان سوروشدی کیمدی صلابت معلمی داغلار او خیردا قیزلارا قیلدی اشاره لر بو صبرو صولتیله باخاندا جدالره نی لر کیمی نوا ائدر اول قلبی یاره لر فورا وئرور او ناله لره قمچی لر جواب یئل لر گلیب دیله دیور ای بختی قاره لر ساکت اولون وگر نه ویریب ئولدورر سیزی بو تازه کارباره چاتان هیچ کاره لر جسمینده بونلارین نه خرد ایشلیور نه رحم ایشلر فقط یالان دانیشان آرواره لر بونلار گدادیلر که چاتیبلار صدارته بونلار قان ائیلیینده قورار جشنواره لر بونلار گلوی بلبله پیکان ویراندیلار بونلار کبوترین قانادین سیندیراندیلار ✍منکلام:شاه الشعرا استاد حاج عسگر شاهی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

توکر اول قلملری کی ورقه قارا مُرکّب او قارا مُرکبیله اولو شرح حال زینب قلمون گُزارشیندن اوخوناندا غملی مطلب خبر مصیبتیمده یازیلان کتابیم آغلار داغیداندا اشک توفان یره چشم غم نگاهیم اونو خشک ایدر اورکدن چیخان آتش سیاهیم ایکی ضدّیلن موافق اولور ابر دود آهیم اودولان سو اوسته شبنم اَله یور سحابیم آغلار حرم اهلینین صفیندن گلیر هر بیری نوایه ویری کاروان ماتم,اونولان صدا صدایه هامودان چوخ آغلارام من او نوای دلرُبایه کی گناه سیز بالاسی,وورولان ربابیم آغلار سنی سسلرم برادر منیله دانش جداده سسیوی ایشیتمرم چون گلیرم فغان و داده او محاسن شریفون نجه تیتریور هواده ایدر اضطراب اونون تک دل پیچ و تابیم آغلار ✍منکلام:مرحوم تاج الشعرا استاد حاج عباس قلی یحیوی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

احوالات راه شام زبانحال خانم رقیه سلام الله علیها با حضرت اباعبدالله الحسین علیه السلام داغدار کربلایم خونجگر رقییم من دلبریم گئدوب الیمدن دیده تر رقییم من آیری دوشمیشم ائلیمدن دربدر رقییم من زلف صبری اوچ یاشمدا غم چولونده هورمیشم من مین ایلین غمین بویاشدا کربلاده گورمیشم من بیرقزام بلود مثالی دولموشام بلا چولونده مبتلای درد ومحنت اولموشام بلا چولونده. باغ عصمته گلیدوم سولموشام بلا چولونده. پایبند عفتم من زینبیلن الفتیم وار. ورمرم حجابی الدن چونکی در عصمتیم وار گل بابا هرایه سنسیز گلشنیم خزان اولوبدی خردا سنیلن غمونده قامتیم کمان اولوبدی مهربان قزون اسیر ظلم بی امان اولوبدی. پابرهنه یول تیکانلوق اولموشام بوچولده خسته کاروان گئدوب دالیجان قاچموشام تیکانلار اوسته غرق بحر محنت اولدوم یادینه منی سالان یوخ نازدانه بیرقزام کی فکریمه منیم قالان یوخ سنسیز آی بابا بوچولده در نازیمی آلان یوخ نازنین بابا وصالون چوخ سوور بونازدانه. تیروصلی گوی کمانه دوت بوقلبیمی نشانه سن گئدنن ای امیدیم دل یانوب کباب اولوبدی اکبریم گئدوب انیسیم سیلی وطناب اولوبدی. اصغریم گئدوب منیلن همنوا رباب اولوبدی. کاش الونده اوخلانیدوم شیرخواره اصغرون تک قتلگهده دوغرانیدوم یاوفالی اکبرون تک. یاندی قلبیم آیرولوقدان صبرائدنمورم فراقه گل بوچولده ای پناهیم بیرده آل منی قوجاقه سنده تشنه منده تشنه گل قویاق دوداق دوداقه گوی دئسونله غملی اولدوز اوپدی لعل آفتابی بوسه سی چخاردی یادان درد و رنج والتهابی سنکی یول تاپوبسان ای جان حق یولوندا کوی عشقه منده قویمارام کی لکه دوشسون آبروی عشقه. من وصال یاره تشنه سن بابا سبوی عشقه. گل رقییه دادزدور شربت وصالی بابا. سینون اوسته تا یاتوم من اصغرین مثالی بابا. عهدباغلادوم سنیلن اعتلای انقلابه هرمصیبته دوزوم من باغلانا قولوم طنابه. سرنوشتیمه یازولموش منزلیم اولا خرابه. گوزیاشیم آخا جماله غم منی سالا حصاره قبره من گئدم یتیمه دیلده یاره باشدا قاره ای انیس قلب زاریم تشنه شاه تاجداریم ای وقار آل طاها بسته دور سنه وقاریم آتش غم وفراقه یاندی قلب داغداریم آهوی شکسته قلبم محنتیمده داشلار آغلار. من بابابابا دینده نیزه لرده باشلار آغلار یوخ توان ائدن تحمل هجرآفتابه نیلوم. یوخ ورن خبر بوحالی زینبه ربابه نیلوم. حیف اولا بها ورن یوخ دُر اشک نابه نیلوم کوفه اهلی جام عشق بوترابی سندورولار من دیینده در نابم در نابی سندورولار کربلاده وقت غارت دشمنون خیامه دولدی خیمگاهه اود وورولدی خیمه لر یانوب کول اولدی قورخودان غروب وقتی گللرون سارالدون سولدی زوریلن عدو چخاردوب سرغامی قولاقلارمدان قاچموشام تیکانلار اوسته قان آخور ایاقلارمدان کربلایه بیز گلنن هرگونیم اولوبدی آلام گوندیزی هی آغلیاردیم قورخودان اسردیم آخشام کوفه دن قوتاردوم اما گوزلیور خرابه ی شام ووردیلار دئدیم بوقدری وورمیون عزالیم من قارداشیم جوان ئولوبدی قلبیدن یارالیم من طفل بختیمی چاغر سن خواب نازیدن اویانسون راضی اولما تا رقیون اشک ماتمه بویانسون قافلم گئدوب هاچاندی وئرخبر بیبیم دایانسون آفتابیسن دعا ائت عشقینه چاتا ستاره کهکشان محنتیلن همقطار اولا دوباره شامه من سفیرعشقم آیری بیر دیاره گئتمم جان وئروب خرابه یرده قصر زرنگاره گئتمم منده آغ کفنله سن تک دلبریم مزاره گئتمم عمم آغلیاندا سویلر بلبلوم چمنسیز اولدی اوز باباسی تک رقیه شامیده کفنسیز اولدی ✍منکلام:کربلایی شهرام علیزاده 🔴کانال رسمی عاشقان حضرت زینب«س» https://eitaa.com/hazratehzeynab

زبانحال حضرت زینب سلام الله علیها قویما توپراقا جمالون نازلی سوگلیم رقیه گل قوجاقیمه او زلفون توپراقین سیلیم رقیه ائتمه غم اگر الوندن گئتدی عزت و اساسون آه چکمه غصه لنمه کهنه دور قزیم لباسون جانیمی آلوبدی باالله ناز و عجز و التماسون بو خرابه ده بوکولدی غصه دن بئلیم رقیه شاهزاده سن سوزوم یوخ مسکنون دگول خرابه گلموری گمانیم اما فرشه تخت و رختخوابه آل بو تراب عیالی یوز قویا گرک ترابه نیلیوم گئدوب جلالیم بوش قالوب الیم رقیه چیخما کوچیه گورورسن قزلار ایلوری اذیت گه لباسوه گولوللر ایلیورله گه شماتت داش آتور سنه اوشاقلار بیر کس ایلمور حمایت بیز بو شهریده غریبوخ قالمیوب ائلیم رقیه صبر ائله قزیم قیتسون قارداشون آتان سفردن اکبریم گلوب قوتارسون جانیوی خرابه لردن زینبون یارالی قلبی اود دوتار بو غصه لردن شوریله یتر تمامه آی گونوم ایلیم رقیه قلبیمه بو شامون اهلی غم قویوب قزیم غم اوسته قویما گل یوزون ترابه قوی یارالی سینه م اوسته دور گتور قبار ایاقون قوی بو یاشلی دیده م اوسته سن امانت حسین سن ای شیرین دیلیم رقیه آز دیلونده اصغر آدین ازبر ایله گل فغانه گورموسن آنان ربابین گوز یاشی دونوبدی قانه غصه دن دولوبدی قلبی آختارور قزیم بهانه صبر ائله غم و بلایه ای سولان گلیم رقیه سن قزیم یزید شومین اهلبیتینه قاریشما گر قزی نوازش ائتسه آلسا گوگلوی باریشما سن او کافرین قزیلان گفتگو ائدوب دانیشما گئتمه یانینه گلنده تا اوزوم گلیم رقیه آلتی آیدی کربلادن گورمیوبدی شانه زلفون قتلگاهدن تلینده ساخلیوب نشانه زلفون گل اُپوب سولان جمالون وئر اویان بویانه زلفون ای سپهر معرفتده بدر کاملیم رقیه گوزیاشون یاخار یزیدین عاقبت بو خانمانین یاندیرار شرار آهون بو صفالی دودمانین بیر گونی الیندن آلاْم شامی من بو بی حیانین ایلرم سنه قباله خسته بلبلیم رقیه بش گونون قوناقیوخ بیز سن همیشه لوخ قالارسان شامدن چوخ عزتیله سن بیزی یولا سالارسان بو گروه بیحیادن یاخشی انتقام آلارسان مرحبا دیر گورنلر شاد اولار دیلیم رقیه گرچه عمریوی گئچیتدون درد و محنت و غمیله مونس اولدون آه و ناله اشک چشم پر نمیله شامی ایله سن تصرف سبز رنگ پرچمیله ای منیم بو ظلمت ائوده شمع محفلیم رقیه من #کریمیم ازلدن خادمم بو دودمانه باشیمی وفالی ایت تک قویموشام بو آستانه ایمدی ائتمیشم الیمده من بو نوحه نی بهانه سن اوزون توجه ایله واردی مشگلیم رقیه ✍منکلام:استادحاج حسین کریمی مراغه ای 🔴کانال رسمی عاشقان حضرت زینب«س» https://eitaa.com/hazratehzeynab

حضرت رقیه سلام الله علیها هر کیم آلوبدی درس شهامت رقیه دن کسب ایلیوبدی عزّ و شرافت رقیه دن باخما که اوچ یاشیندا صغیره یتیمه دور چوخ گورسنوبدور کشف و کرامت رقیه دن ویرانسرای شامده بیر خوردا قبری وار ایلر او قبر پخش محبّت رقیه دن وار خوردا قبری اوسته نچه خورداجه بشیک ایلَلّه اصغریله حکایت رقیه دن آلما خبر حقیقتی اهل مجازدن اورگش بو مشگل امری حقسقت رقیه دن ثابتدی کهرباده اولان رنگ زعفران اخذ ایلیوبدی رنگ صداقت رقیه دن اوز نوبه سنده دینه بیوک نصرت ایلیوب اسلامه چوخدور آز دگی خدمت رقیه دن تا کربلاده یتدی شهادت نهایته اوّل اوجالدی پرچم نهضت رقیه دن غارت اولاندا معجری زلفون سالوب یوزه پخش اولدی اهل عالمه عصمت رقیه دن زهرا کیمی قولوندا یوزونده نشانه وار اولدی آناسینا تبعیت رقیه دن شامات یولوندا بیوک یادگاری وار چوخ نوک خاریده وار علامت رقیه دن قان باغلادی یارالی دل خانه خانه سی آلدی قرار تیر شماتت رقیه دن ویرانه شام رشگ بهشت برین اولوب از بسکه اولدی قصد اقامت رقیه دن کفر یزیدی هاردا بولردی جهانیان گر اولماسیدی شامده همّت رقیه دن یاتدی خرابه ده یوزی توپراقدا نچه آی غم کسمدی او مدّتی الفت رقیه دن آج قالدی چوخ گجه دله امّا گتورمدی آلموشدی گرچه صبر او حالت رقیه دن راضی دگولدی عمّه سی زینب علی قیزی چکسین بو اودلی دردیله خجلت رقیه دن رویاده گوردی بیر گجه مظلوم آتاسنی نی تک اوجالدی نالۀ رقّت رقیه دن اوز شیون و فغانی اویاندوردی خوابیدن مشق آلدی اهل بیت رسالت رقیه دن اهل حرمدن اوج ایلدی ناله گوگلره آخدوقجه گوزدن اشگ مصیبت رقیه دن تا روشن اولدی حال یزید ستمگره آلسین دوباره ایستدی طاقت رقیه دن گوندردی شاهزادیه شاهین کسیک باشین بألمرّه صبری ایلدی غارت رقیه دن آغوشه آلدی جان تک آتا باشینی بالا باشلاندی اودلی طرزیله صحبت رقیه دن سسلندی کیم کسوب بابا بوینون دامارلارین طاقت آلوب بو گوندوزی ظلمت رقیه دن عمّم دیوردی کعبه یه سن ایتموسن سفر بو سرّی گیزلدوردی بو مدّت رقیه دن معلوم اولور که ایندی یتیم اولموشام بابا قطع علاقه ایلیوب عزّت رقیه دن آلما خبر نیه رخ زردیم کبود اولوب عرض ایلسم یتر سنه محنت رقیه دن آلما خبر که آبله پا اولموشام ندن ناراحت اولما پای جراحت رقیه دن هجران غمندن ایلدی شِکوه آتاسینا آلدی توان او عالم وصلت رقیه دن باش دوشدی بیر یانا او بالا دوشدی بیر یانا کسدی علاقه روح او ساعت رقیه دن زینب دیدی حرملره آهسته آغلیون یاتدی بالام آزالدی مشقّت رقیه دن چکسین کناره ایستدی بلبل قزیل گُلون آلسون دوباره سینه ده نکهت رقیه دن عذر ایسترم بو یرده امام زماندن مجبورم ایلماقدا کتابت رقیه دن سوز ناتمام قالسا یزیدین جفاسنی بولمز جهان گر اولماسا صحبت رقیه دن زینب دیدی فغانیله اُلدی بالام گَلون دوشدی دوباره قلبه حرارت رقیه دن شمر هاردادور گَلوب آچا قولدان طنابنی بو حالده آزالسین اذیّت رقیه دن بیر بیر خانملار آلدی ال اوسته جنازه سین هر کس آلاردی بوسۀ حسرت رقیه دن نوبت یتنده اوپمدی اصغر آناسینا دوندردی مین فغانیله صورت رقیه دن سسلندی من اوپَم یوزوی گلموری یوزوم شرمنده ام اولونجه قیامت رقیه دن قلبنده سوندورم اودونی چارَم اولمادی یا بیر آچام طناب عداوت رقیه دن ایندی اوپم یوزون بالامون نه یوزیله من یا اولمیوم نه نوعی خجالت رقیه دن #نجمی بیوکدی گر چه گناهون جزا گونی نه باک وار گر اولسا شفاعت رقیه دن ✍منکلام:مرحوم استادحاج سید یوسف نجمی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

خرابه شام حضرت رقیّه سلام الله علیها سلام اولا غمی آرامینی آلان بالیا سلام اولا گئجه آج شامیده قالان بالیا سلام اولا یوزی زهرایه بنذین بالیا دیار کرب وبلادن قرا گین بالیا سلام اولا اورگین تیر غم بولن بالیا قوناقینون دوداقیندان ئوپوب ئولن بالیا سلام اولا غمینی اکبره یازان بالیا گجه مزارینی ئوز عمّه سی قازان بالیا رقیه کیمدی دیوم گلشن حیا گولیدی رقیه زینب علیا جنابه سوگُلیدی دوتوب خدایه طرف صورت محجّبه سین یخوب یزیدی پوزوب طمطراق و دبدبه سین رقیه کیمدی دیوم سفره صفا دوزیدی رقیه فاطمه نون اوغلونون گوزل قیزیدی رقیه کعبه عشقی طواف ایدن حاجیدی رقیه اکبره باب الحوائجه باجیدی اوخی تواریخی کهنلمین کلامینه باخ ملائکه سوپورور صحنینی مقامینه باخ رقیه غافل اولان ملّته قاریشمیاجاق رقیه روز جزا زجریلن باریشمیاجاق کریمه قیزدی بیر عالم سخاسی وار خانمون دوا گزنلره دارالشفاسی وار خانمون کیمون نه حاجتی وار کردگار حیّه دیسون نتیجه سین آلا بیر دفعه یا رقیه دیسون ایوینده سفره آچار کیم رقیه نون آدینا خرابه شامیده آج قالماقی دوشر یادینا توکر سرشکی ویره رونق اخذ توشه سینه قوری چورک قویار اولده سفره گوشه سینه او سفره نین باشینا خیردا گوشواره قویار ایاق طرفده ملولانه گاهواره قویار اورک گوزینده چتین محنتین مجّسم ایدر او سفریه قویا چولدن تیکان فراهم ایدر اشاره دور خانمون محترم قوناقلارینا تیکان باتوب گجه چولده قابار ایاقلارینا بالاجا تللری ویرانه ده غباره باتوب دوشوب زمانه ده گوزدن حصیرون اوسته یاتوب غم فراقیدی بیر شمع تک اونی اریدن یاشادی اوستی آچوق یرده چخدی یوز دریدن سالوب او بلبل گلزاری اوچیلار قفسه قفسده چوخ داریخوب آغلیوبدی بیر نفسه گوزینه غالب اولوب بیر گجه شیرین رویا گوروب باباسینی رؤیاده دختر زیبا دولومسنوب چکوب آهی زمانه دن دانشوب تیکانیدن دانشوب تازیانه دن دانشوب گوزین آچوب یوخودان باشلیوبدی اوخشاماسین گجه نین عالمی زینبدن ایستیوب باباسین خبر یزیده چاتوب قانلی باشی گوندردی رقیه اشگینی گوزلرده قانه دوندردی صفاسی آرتدی گجه قانلی باشیلن اطاقون گوروب دوداقلارینا خیزران دگوب قوناقون اوره گینون باشنی تیر غصه پاره له دی او قدری وردی الین لبلرینه یاره له دی عزیزه عمه سی گوردی یخلدی دردانه کول اولدی شمع کنارینده یاندی پروانه دیدی خدنگ محن قلبینی بولن لای لای یارالی باشی گوروب غصه دن ئولن لای لای بابا سینون سینه سیندن اوخی دَرن لای لای یاراسی اوسته آچوب زلفینی سرن لای لای الی باشیندا گجه چوللره قاچان لای لای یاراسی خاطرینه معجرین آچان لای لای خرابه نون قاپوسیندا یولا باخان لای لای باتان گون یوزینه گوز یاشی آخان لای لای قولاقی شامیده گوشواره گورمین لای لای آچیلمیان اورگی زلفین هورمین لای لای ئولن باباسی لباس عزا گیین لای لای قولاقمه گجه عمه آجام دیین لای لای ایاقینین یاراسیندان قانی چیخان لای لای قوناقینون قاباقیندا جانی چخان لای لای سرشگی چشمه کیمی گوزده داشلانان لای لای عزاسی شام دیارینده باشلانان لای لای #معزّی شعروی یاز هر قدر حیاتون وار سنونده بیر گونی چون موسم مماتون وار ✍منکلام:مرحوم استادحاج یوسف معزی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

حضرت رقیه سلام الله علیها اَلسَّلامُ عَلَيْكِ يا سَيِّدَتَنـا رُقَيَّةَ عَلَيْكِ التَّحِيَّةُ وَاَلسَّلامُ وَرَحْمَةُ اللهِ وَبَرَكاتُه بنال ای دل نوا دارد رقیه به هر دردی دوا دارد رقیه مرض او را ز پا انداخت امّا مریضان را شفا دارد رقیه سه ساله کودک و این اوج عزّت مدال مرحبا دارد رقیه بیا یا فاطمه اندر خرابه عزای بی ریا دارد رقیه بدور از دیدهٔ بیگانه امشب سخن با آشنا دارد رقیه ز دست ساربان و زجر و خولی به بابا شکوه ها دارد رقیه ز خونین چهره میبوسید و می گفت غم بی انتها دارد رقیه بیا ای یار پیشانی شکسته که با مهمان صفا دارد رقیه چه با جا آمدی ای جان جانان ببین جا در کجا دارد رقیه از آن روزی که افتادی به مقتل دل پر ماجرا دارد رقیه دلم در قتلگاه و جسمم اینجاست وطن در کربلا دارد رقیه بمیرم از چه لبهایت کبود است بگو محشر به پا دارد رقیه پدر بر چهره ام یک دم نظر کن رُخ زهرا نما دارد رقیه به جرم عاشقی جان بر لب آمد شکایت زاشقیا دارد رقیه خدا خواهد اگر می میرم امشب که هر شب این دعا دارد رقیه ✍منکلام:استاد حاج ولی الله کلامی زنجانی 🔴کانال رسمی عاشقان حضرت زینب«س» https://eitaa.com/hazratehzeynab

حضرت رقیه سلام الله علیها ای عمه مگر روضه رضوانی خرابه عشق اهلینه یا محضر جاناندی خرابه مدّتدی گوزوم یاشنه ویرمشدیم اجازه عمّه منی چکسون بیله بیر مجلس رازه یتدیم نه یاخین وقته او مقصود درازه صد شکر که مقصود دل و جاندی خرابه ایلوب ایله بیر جلوه شعاع رخ جانان بو جمع پریشانی قویوب واله و حیران بیر روضۀ رضواندی بو منزلگه ویران یا جلوه گه موسی عمراندی خرابه هرگز دیمرم عمّه بو یر عرش خدادور وبرانه دی امّا حرم اهل وفا دور زمزم کیمی گوز یاشی آخور بیت صفادور اهل دله بیر کعبۀ رحماندی خرابه بیر یاندا سولوب گل کیمی رنگ رخ سجّاد بیر یاندا چکور خوردا اوشاقلار هامی فریاد گل یوزلیلر ایلوب ایله ویرانه نی آباد گویا گورونور طُرفه گلستاندی خرابه گر چه گتوروب گوگلومی محنت غم و درده یوخ دلده توانا که دییم دردیمی بیرده چکسمده من عمّه اگر اوز سرّیمه پرده کاشف منیم احوالیمه هرآندی خرابه بیر نحویله معلوم اولوب عمّه بو حزینه مطلق بو یقینیم دی ئولور بوردا سکینه مدفون اولی ویرانه ده قیمتلی خزینه اوّل گونی چون مخزن یزداندی خرابه 🔴کانال رسمی عاشقان حضرت زینب«س» https://eitaa.com/hazratehzeynab

توکر اول قلملری کی ورقه قارا مُرکّب او قارا مُرکبیله اولو شرح حال زینب قلمون گُزارشیندن اوخوناندا غملی مطلب خبر مصیبتیمده یازیلان کتابیم آغلار داغیداندا اشک توفان یره چشم غم نگاهیم اونو خشک ایدر اورکدن چیخان آتش سیاهیم ایکی ضدّیلن موافق اولور ابر دود آهیم اودولان سو اوسته شبنم اَله یور سحابیم آغلار حرم اهلینین صفیندن گلیر هر بیری نوایه ویری کاروان ماتم اونولان صدا صدایه هامودان چوخ آغلارام من او نوای دلرُبایه کی گناه سیز بالاسی وورولان ربابیم آغلار سنی سسلرم برادر منیله دانش جداده سسیوی ایشیتمرم چون گلیرم فغان و داده او محاسن شریفون نجه تیتریور هواده ایدر اضطراب اونون تک دل پیچ و تابیم آغلار ✍منکلام:مرحوم تاج الشعرا استاد حاج عباس قلی یحیوی اردبیلی 🔴کانال رسمی عاشقان حضرت زینب«س» https://eitaa.com/hazratehzeynab