سلام امام زمانم سلام آقای من سلام پدر مهربانم نفس بده تا برایت نفس نفس بزنم نفس به جز تو نخواهم برای کس بزنم مرا اسیر خودکرده ای آقا دعایی کن که آخرین نفسم را در رکابت بزنم اللّهمَّ‌ عَجِّلْ‌ لِوَلِیِّڪَ‌ الفَرَج تعجیل درفرج پنج صلوات 🔴کانال رسمی عاشقان حضرت زینب«س» https://eitaa.com/hazratehzeynab

🌹دوست يعنی ❤️‍🩹جای پايت بر دل است 🌹دوری از تو جان ❤️‍🩹شيرين مشكل است 🌹دوست يعنی ❤️‍🩹نكته های پيچ پيچ 🌹دوست يعنی جز محبت ❤️‍🩹هيچ هيچ 🌹تـقدیم به دوستان گـل ❤️‍🩹لبتون پـر از لبخنـد 🔴کانال رسمی عاشقان حضرت زینب«س» https://eitaa.com/hazratehzeynab

عــــــــــشق راافسانه کردی یاحسین عـــــــــقل رادیوانه کردی یاحسین در ره معبودبی همتای خویش همتــــــــــی مردانه کردی یاحسین تا قیــــــــــامت در دل اهـــــــــل ولا منــــــــــزل وکاشانه کردی یاحسین صبحتون حسینی 🔴کانال رسمی عاشقان حضرت زینب«س» https://eitaa.com/hazratehzeynab

احوالات مجلس یزید بخش 1 کج مدار ایلدون ای چرخ کهنسال و پیر طُلقا زادیه آزاده لری ایتدون اسیر دیوی دیوان سلیمانلاروا قیلدون امیر حزب شیطانیله سرکوب اولوب حزب نجبا خاتمه تاپمادی ای چرخ مدارون عجبا تخت عاج اوسته یزید ایلدی نخوتله مقام اوینادی نرد شراب ایچدی اولوب مست تمام نحس جسمنده سراپا قزشوب لحم و عظام چشم بدبینی مدارینده ایدوبدور دَوَران سینه سینده ایلدی آتش ظلمی فَوَران سینیِ زرده کسوک باشه دوشوبدور نظری برج عقربده باخوب گوردی پریشان قمری باخسا آیینیه بدچهره لر آرتار کدری غیظیله تختنون اوستن ایاقا دوردی یزید زشت گوردی اؤزین آئینه نی سندیردی یزید خیزرانه حرکت ویردی سیه مار کیمی یاره لی لبلره اندیردی اونی خار کیمی خیزرانیله حسین بوسه لشیب یار کیمی سینی زرده اولوب مجلسه غم صوتی طنین زینب غمزده نون لرزیه سالدی بدنین شیرتک غیظه گلوب شیرزن کرب و بلا امن العدل سسین درک ایلدی گوش سما وورما پیغمبر اؤپن لبلری یابن الطُلقا خیزرانون نه جسارتله بیله اندیروسن ووروسان فاطمه اوغلین منی دیلَّندیروسن جده سی هند جگرخواره اولان شخص دنی دین و قرآنه ایدر سن کیمی توهین علنی قولی باغلی گوروسن اولما بو مجلسده منی یخموسان آل علینی سن اگر حنجریله نختدن من سنی سالام بو قرا معجریله ظلمیله یر یوزینون کوکب رخشانلارینی شاه خیبر شکنون شیردل اوغلانلارینی کسدیروب باشینی توکدون یره سن قانلارینی قالدی چوللرده کفنسیز شهدانون بدنی اللره دوشدی حسینون سویولان پیرهنی عمده نعمتدی شهادت بیزه ارثیه چاتوب قارداشیم نازیله رؤیای شهادتده یاتوب خیزرانیله وروبسان دوداقی قانه باتوب مکّه و زمزم و هم کوه منا اوغلیدی بو عرفاتون شرفی مروه صفا اوغیلدی بو قالمیوب گرچه بو عالمده بیزیم بیر کسیمیز یوخدی سندن ابداً ذرّه دل واپسیمیز گوش احراره رسادور بو یانقلی سسمیز بیزی اوَّلده گرامی یارادوبدور یارادان وجهمیز قتلیله کشاریله گیتمز آرادان سن گیوبسن بدنه جامۀ زربفت و زری اولوسان زینت تالاروه باخدوقجا جری هیچ خیال ایلموسن وار بوگون بیر سحری قورخ اوگوندن بو آخان قانلارا خونخواه اولاجاق فاطمه شاکی قضاوت ایدن الله اولاجاق معنی عدل و عدالت بودور ای فتنه شعار بیز دوراخ مجلس اغیاریده بی معجر و خوار ایچه سن می اولاسان سن ولی مشغول قمار داغلانان سینه لره اود وراسان داغلیاسان عندلیبان غمون بال و پرین باغلیاسان آز زماندان صورا ویرانه دی بو قصر جفا انتقامین آلاجاق روح بزرگ شهدا سنی مغلوب ایده جک بو قولی باغلی اسرا ثمره ویرمیه جک سنده کی نیّات پلید اوندا معلوم اولاجدور یخلان کیمی یزید زینبون منطقی حضاره گتوردی هیجان صندل اوستن ایاقا دوردی بیری ناله کنان اعتراضیله یزیده دیدی ای هرزه روان زشت صورت کیمی آیینه نی سندیرما یزید ووردوقون لبلری پیغمبر اؤپوب وورما یزید دولت روم نماینده سی بیر شخص کبیر هیجانیله خبر آلدی او شایسته سفیر کیمدی بو یاره لی باش کیمدی بو عورتلر امیر؟ جرئت می ایلمشدی او جفاکاری جری سویلدی رأس حسیندور دل زهرا ثمری دیمدی ظلمیله ملیّتون اوستنده ئولوب شخص آزاده دی حریّتون اوستنده ئولوب جرمی واردور دیدی امنیّتون اوستنده ئولوب آناسی ختم پیمبر قزی مرضیّه مقام اؤزی بو مملکتون ضدینه ایتمشدی قیام ادامه دارد۰۰۰ ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

احوالات مجلس یزید بخش پایانی بیر یهودی ایاقا دوردی بنام جالوت سینیِ زرده کسوک باشه اولوبدور مبهوت صورا بیر باخدی قولی باغلیلارا ایتدی سکوت وصل معشوقه یتن عاشقه مستانه کیمی نوراسلامی تاپوب ذوقلی پروانه کیمی تختون اوستنده یزیده ایلدی قهر و عتاب عصر داودی دیدی آل نظره ایله حساب نچه یوز ایل کچور اُول عصردن ای خانه خراب نسبتیم واردور اونا ایلورم اظهار وجود ساخلیور حُرمتیمی ایندیده ابنای یهود ختم مرسل او سخنگوی بزرگ صمدی وحی اولوبدور سیزه تعلیم ایلدی نیک و بدی آز زماندرو آلوب آغوشه سرای ابدی آتشین داغ چکورسوز دل پیغمبروزه ئولدوروب اوغلین حنا سیز یاخاسوز اللروزه یوزه چشم اسرادن توکولن یاشه باخون عشق سرگشته لری بو باجی قارداشه باخون سینی زرده او دالدان کسلن باشه باخون خیزران پارچالیوب لبلرینون قانی آخور آغلیان قزلارینا گور نه محبتله باخور عاشق اولدوم او باشون قانه باتان گوزلرینه شیردل زینبنون گوش ایلدوم سوزلرینه گتدوم ایمان بولارون سوزلرینه اؤزلرینه داغلانان سینه لری رحم ایلیون داغلامیون بوندان آرتوق ایاق اوسته بولاری ساخلامیون حکم صادر ایلیوب قتلنه فی الفوری یزید ظلمیله ائتدیله اول تازه مسلمانی شهید قد بلند ایلدی بیر صاحب نیّات پلید التجائیله یزیده یتوروب خواهشنی حرم آهولرینون سلب ائدوب آرامشنی نحس انگشتین اشاره ایدوب اول هرزه روان فاطمه آدلی چوخ ایستکلی قزی ویردی نشان ای خلیفه سنی غالب ایلیوب دور زمان کرمونله منی بو بزمده گل ایله عزیز بو ادبلی قزی ویر ساخلیوم ایومیزده کنیز مرد شامی ایله که اوز سوزینی قیلدی ادا بیربیره دگدی او مجلسده ردیف اسرا قزلار آغلاشدی بیوگلر ایلدی شور و نوا سخلوب فاطمه نون روحی دل اولمادی دینه گوز یاشین توکدی یوزه باخدی خانم عمه سینه دیدی زینب او پریشان قزا صبر ایله بالا هیچ کیمون قدرتی یوخدور سنی بیزدن آیورا هامودان چوخدی غمون واردی قولاقونده یارا سینه می نار غمونده بُلوسن داغلامشام گوشوارون آلناندا سنه چوخ آغلامشام او هیاهوده رقیه ایلیوب درک خطر بوئی چاتموردی باخا طشته او فرخنده سیر بارماقی اوسته اوجالدی ایلدی باشه نظر گرچه بیر پاچا او باش طشتون ایچینده قانیدی هالیه دوشموش آیین غصّه لی اولدوز تانیدی اورگینده نه خیال ایلدی یارب گوره سن ایستیوردی باشا ساری گیده قویموردی رسن کنترل ایلیه بلمز روشین هیچ تله سن تله سوردی اورگی حیف اولا باغلیدی الی ایستیوردی آچا بندین آچا بلموردی ولی دئدی زینب نیه آرامیمی الدن آلوسان عندلیب غم اولوب گویلومی درده سالوسان شهپرون باغلیدور آخر نیه شهپر چالوسان ویرمدی سس او یتیمه او محبت سسنه باخدی قانلو باشا بیر سوز دیمدی عمه سینه روحینه ضربه یتوردی او قزون درد فراق اسرا که گیجه مخروبه یره گلدی قوناق یورولانلار هر بیر گوشه ده یاتدی نه سیاق غم دیزین باشینه حسرتله مکان ویردی او قز سحره چاتمادی ویرانه ده جان ویردی او قز #انورا اهل سخن یاخشی سوزی گنج بیلر سخنون قدرینی البته سخن سنج بیلر بی ادبلر ادبی صحبتی بغرنج بیلر ولی بلموله سوزی ثقل ایلین لنگریدور اکثر مردم ادیبانه سوزه مشتریدور ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید بخش 1 حسیندور باغ عشقین باغبانی حسیندور مرز دینون مرزبانی حسین بیت خدایه قویدی قیمت حسین آباد ایدوبدور کربلانی حسین محبوب ذات حق تعالی حسین دلبند خاتم روح زهرا حسین میدان محنتده توانا حسین تخت ولاده شاه والا حسین ملک شهادت حکمرانی حسیندور مشرق الانوار ایمان حسیندور منجی آیات قرآن حسین سرمطلب طومار عرفان بلا گلدوقجه اولدی شاد و خندان صفا ویردی اونا عشقون زیانی حسینون شاهکار اولدی قیامی عجب پرافتخار اولدی مقامی جهاندار یادگار اولدی مرامی حسینون تار و مار اولدی خیامی حریم دینی ایتدی جاودانی حسین باخدی فرآته جان ویرنده کفنسیز دفن اولوب قبره گیدنده یتوردی حق اونی جاه بلنده حسین موسی دگل ارنی دینده جوابینده ائشیتسون لن ترانی حسیندور ساقی غمدن قدح گیر حسیندور مرد علم و مرد شمشیر حسین عنوان کرُمنایه تفسیر چوخور یرده اولاندا ذکری تکبیر ثبوت اولدی کمال امتحانی حسین مبنای رحمت اهل خیره شفاعت ایلمز محشرده غیره حسین چخدی جدانون اوسته سیره یاتوب مطبخ سراده گئتدی دیره ویروبدور راهبه رمز جنانی حسینده چوخدی اوصاف حمیده آتام قربان ایله مظلوم شهیده قلم چکدی سوزی بزم یزیده ولی باغلی بیر عده داغدیده او کافر کیشون اولدی میهمانی مُرَصَّع تختده اول مست کردار اوتوردی زادۀ هند جگر خوار قدحلر باده دن مملو و سرشار یوخیدی خالی یِر دولموشدی تالار جلوس ایتمشدی یار و پیروانی مُقدَّس قانلو باش طشت طلاده ایاق اوسته حرملر سرگشاده یورولمش خردا قزلار فوق العاده وروبلار سلسله زین العباده اؤرکده قالمیوب تاب و توانی اسارت گرد و خاکی یوزلرینده سرشک درد و ماتم گوزلرینده چکوبلر غم گیجه گوندوزلرینده شهامت واردی اما اؤزلرینده سالوبلار حیرته پیک بلانی یزید ایچدی شراب سرخ فامی اونا نخوت گتوردی اوز مقامی مخاطب ایلدی رأس امامی نجه سندن گور آلدوم انتقامی منه اولدی گوارا زندگانی گهی سن زهد و تقوادن دانشدون گهی میعاد و معنادن دانشدون علیدن گاهی زهرادن دانشدون گهی فردوس اعلادن دانشدون گهی چکدون گوزه ذکر و دعانی گزوردون چون خلافت امتیازی عراقون عشقنه ویردون حجازی نجه گوردون خدای بی نیازی یخلدی پرچمون یوخ اهتزازی فنا اولدی علینون خانمانی سنه هر قدری گوستردوم صداقت منی بلدون همیشه بی لیاقت دیدوم بیعت ایله ایتدون اهانت ولی حق ایلدی صاحب خلافت گتوردوم بیعته نصف جهانی یخلدی یان یانا یکسر سپاهون یانوب اوددا کول اولدی خیمه گاهون اسیر اولدی عیال بی پناهون یتیم اولید بنات دل بخواهون سیزه تار ایلدوم دور زمانی خواتین حریمون دل شکسته طنابه باغلانوبدور خسته خسته قیاقیمده دوروبلار دست بسته بوگون چوخ خوشدی مِی بو مِی پرسته مبارکدور بو عیش شادمانی تمام ایتدی سوزون اول پست پایه اوئجالدی خیزران سمت هوایه اننده سس دوشوب طشت طلایه پیمبر باش آچوب گلدی نوایه دوتوب لرزه زمین و آسمانی ادامه دارد۰۰۰ ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید بخش 2 پایانی هوایه خیزران قالخوب اننده حسینون لبلری ضربتلننده دوداقندن او طشته قان گلنده سخلدی زینبون روحی بدنده سکوتین سندیروب زهرای ثانی خطاب ایتدی یزید فتنه کاره نشان گل برگین ایتمه نیش خاره او لبلر حمد ایدوبدور کردگاره پیمبر قلبین ایتدون پاره پاره گتوردون شیونه آل عبانی حبیب ذوالجلالی ورما ظالم شه خونین جمالی ورما ظالم شهید بی مثالی ورما ظالم دوزنمور اهل عیالی ورما ظالم حیا ائت قوی کناره خیزرانی عزیز ماسوانی ورما ظالم گل اهل کسانی ورما ظالم غریب کربلانی ورما ظالم قتیل نینوانی ورما ظالم یارا اوستن روا گورمه یارانی حسین دلبند ختم الانبیادور حسین ریحانۀ خیرالنسادور حسین آرام جان مرتضی دور او لبلر ذکر حقه آشنادور قزل طشته توکلدی لخته قانی تکبُّر ایلدون چخدون اوزوندن یاغور نخوت قیافوندن یوزوندن او باشون آهی تئز دوتسون گوزوندن یانان قلبیم یانور ناحق سوزوندن اوتان دیندیرمه بو آتش زبانی او قدری ظلم ایدوب دوردون عناده دانشدیردون منی بزم جفاده حسینیم پاکدور سن مست باده پلیده بیعت ایتمز پاکزاده غلطدور ایلمه بو ادعانی پناهیدی حسین هر بی پناهه همیشه سجده ایلردی الهه شهامتله یخلدی قتلگاهه سیزون دامانوز آلوده گناهه مُنَزَّه دور علینون خاندانی عدالتدن دگل ای مرد خمّار پیمبر عترتی بی یار و غمخوار طناب ظلموه اولسون گرفتار دایانسون بیر بیله مجلسده ناچار تماشا ایلسون هر مرد جانی او گوندن خوف ایله ذات الهی قیلار حشره عدالت دادگاهی ائدر زهرا شکایت دلده آهی سوزون روح الامین ایلر گواهی تاپارسان اوندا نار بی امانی روایتدور بو سوز اهل خبردن یازوب عذر ایستورم من شیعه لردن او مجلسده اولان سایسیز نفردن بیری ناگه ایاقه دوردی یردن دمشقی نام اولوب نام و نشانی ادوب قول باغلی قزلاره نظاره گوزی دوشدی اونون بیر اشگباره یوزون دوتدی یزید فتنه کاره عروس قاسمه ائتدی اشاره دئدی بیر کلمه مشکلدور بیانی یزید شومدن ائتدی تقاضا اوزاقدان ایلورم اول قز که ایما قولون آچ بو غلامه ایله اعطا سنون که اقتدارون واردی حالا منه وئر جاریه اول مبتلانی اولوبدور نو عروسه کشف مطلب وفالی عمه سین ائتدی مخاطب اورک جامین ائدوب غمله لبالب نه ایستور مرد شامی عمه زینب یزیده گوسترور بو بینوانی بی بی من دختر شاه حجیزم علی اکبره آخر عزیزم اسیرم چوخدا ایندی اشگریزم کنیز اولسام سنه تنها کنیزم نیه بیگانه ایلور بو گمانی سوزوم یوخ هر فشاره عمه دوزدوم آخوب اشگیم عذاره عمه دوزدوم آلیندی گوشوارم عمه دوزدوم قولاقیم اولدی یاره عمه دوزدوم بو درده قلبیمون یوخدور توانی اوجالدی دلدن آهیم عمه دوزدوم فنایه گئتدی جاهیم عمه دوزدوم شهید اولدی پناهیم عمه دوزدوم کول اولدی حجله گاهیم عمه دوزدوم عروسون چوللر اولدی آشیانی قنادی باغلی بلبل تک وطندن کناره دوشموشم پوزقون چمندن ولی آیریلمارام ئولسمده سندن گوزون قربانیم ال چکمه مندن گرامی ساخلا بو گیسو فشانی سنه اورگتدی فنّی شعری #انور جناب #یحیوی دانا سخنور اودور رابط کلامون اولدی بهتر بُلن شاگرد اولور استاده مظهر ائله تجلیل او پیر نکته دانی ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/khazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

احوالات مجلس یزید یزید چیده ائدوب بیر بساط شاهانه مرتّب ایلدی بیر مجلس ملوکانه دوتوب غروریله تخت مرصّع اوسته قرار ائدوب اعاظم و اعیانی مجلسه احضار مشیرلر اُمرالر صولوندا صاقینده غلام لر هامی صف چکدیلر قباقینده سالوب جوانب اطراف مجلسه یوزونی سریر سلطنت اوستونده گوروب اؤزونی خیالینه گتوروب دفعتاً بیر اؤزگه خیال فرنگ ائلچی سینه ایلیه ظهور جلال بو مجلسین دئدی بیر جزئی ناتمام قالوب او جز ٕ اولماسا ناقص بو بزم عام قالوب گئدون دیون گله بو مجلسه حجازی لر گلوب جلالینی بو شام امیرینین گوره لر گوروم خراب اولاسان روزگار سفله نواز نجه روادی خواتین پرده ی اعزاز دوروب قاباقدا تماماً مقیّد و مغلول قمار و شربه یزید لعین اولا مشغول قاباقدا تختهٔ شطرنج الینده ساغر می وئرور دوامیله ساقی پیاله پی در پی ائدردی سیر بوحاله سر امام شهید گوروب اؤزون ایتوروب بسکه مست اولدی یزید غرور و کبریله کم اعتنا اهانتیله باخور اسیرلره دیده ی حقارتیله غریب عیالینین احوالینه اولوب دلگیر که بلکه مجلسین اوضاعینه وئره تغییر نظاره اهلینی مشغول ایلیه اؤزینه گوز اولمیا باخالار اهل بیتین یوزینه فصیح لحن حجازیله باشلیوب اوجادان تلاوت ائتماق قرآنی ناطق قرآن گوتوردی مجلسی بهت و سکوت و خاموشی بیری بیرینه دیوب مجلس اهلی سرگوشی عجیب امریدی قرآن اوخور کسیلمیش باش یزید خوفه دوشوب سرّمیز مباد اولا فاش دئدی بو باش منه باش اگمیوبدی اوّلدن گورون باشی کسیلوب دوشموری گنه دلدن اون ایکی یاره دگوب گرچه رأس انورینه هنوز چوب جفا دگمیوبدی لبلرینه اشاره ائتدی وئرون چوب خیزرانی منه گوروم اوخور گنه آیات حق لِسانی منه او دم جفائیله بیر چوب خیزران اؤ لعین آلوب اله یوخاری قوزیوب شل اولموش الین الین قویوب گوزینه هولیدن خانم زینب دئدی الین قوروسون ای لعین گوزتله ادب تجاوز ایلمه حقدن اوتان حیا ایله یارالیدور گوروسن وورما آز جفا ایله باخور حرملری آز قالدی غشّ ائده کلثوم نه ایلیوب سنه ظالم بو سرور مظلوم ندور گناهی وورورسان بو شاه عطشانی مگر دوگلّه سیزون مذهبوزده مهمانی یوخوندی شرم حیا ائتموسن پیمبردن اوتان بو پرده دالیندا دوران حرملردن بو دستگیرلر آخر بونون عیالیدیلار توکلّه گوزیاشی دینمولّه چون حیالیدیلار ملاحظه ائله حقّ پیمبری ظالم اؤپوبدی جدّی مکرر بو لبلری ظالم مگر قالار بولارین آه و ناله سی یرده نتیجه سین گوره جاقسان بو ظلمین آخرده ائدوب یزید جفاسینده هر قدر اصرار ولی ائدلله تماشا آدی مسلمانلار دوتوب تمامی حضّاری غفلت و حیرت او مجلس ایچره نصارایه ال وروب غیرت خیال ائدردی مگر خواب یا خیالیدی بو او یالوارور بو ویرور باش اوخور نه حالیدی بو دولاندیرور سؤز اورکده دیردی اؤز اؤزینه ائدوب مسیح فلکدن نزول یر یوزونه اگر دیوم بو باشا حضرت مسیحادور غلطدی من گوررم شأنی اوندان اعلادور زبس که باشه او باشین محبتی دوشدی باشیلا ایلدی کرنش باشیدن گشدی دئدی یزید منی قیل بو سرّدن آگاه بو باش کیمیندی اوخور متصل کلام الله دئدی سوروشما بو باشین حکایتی چوخدور سنون که بو باشیلا آشنالیقون یوخدور آتاسینون آدی حیدر آناسی زهرادور آدی حسیندی جدّی رسول طاهادور شرافتینده نسبده کیمین سوزی واردی سریر سلطنتیمده ولی گوزی واردی اؤدور که گؤزلمدیم احترام و حرمتینی ریاست امریدی قویدوم گوزونده حسرتینی ائشیتدی بو سوزی دوردی یریندن ائلچی روم دئدی دئمه داخی کیم اولدی اولدوقی معلوم مقام شأنی منه اولدی کُون کیمی روشن بو سرورین آدی انجیلیده گلوب هاشن ائدوب محبت دنیا نقدر مست سنی بویوک خطایه سالوب نفس خودپرست سنی پیمبرین قیزینین اوغلونی اؤزینی شهید اسیر عیالین ائدوب ایلینده فخر یزید بو کفر ظاهریله بیرده دعوی اسلام قبیحیدور سنه اسلامی ایلمه بدنام گلوب یزید لعین خشمه سسلدی جلّاد دولاندیروب گوزونی اول جوان پاک نهاد که سرگذشتی کسوب باشدان آلوب تعلیم حسین حسین دیوب ائتدی جانینی تسلیم #حقیر قصّه ی بزم یزیدی ایله تمام که صبح اهل حرم اولدی شام شومیده شام ✍منکلام:مرحوم استاد عبدالوهاب حقیر خویی ‌‌🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید زینب مباد شکوه زبی مادری کنی آماده باش تاکه پدرپروری کنی با مرگ من چو روز علی تیره میشود باید براو بسوزی و روشنگری کنی آنسان که مادرت به نبی مادری کند باید تو از برای علی مادری کنی من دیده ام زبان علی در دهان توست باید تو با زبان علی حیدری کنی من کوثر محمد و تو کوثر علی آری تورا سزد که براو کوثری کنی مگذار تاحسین تشنه لب رود به خواب بیدار باش تاکه براو ساغری کنی ازقتلگه گرفته الی مجلس یزید باید تو برحسین پیام آوری کنی من پای کرسی سخنت میکنم جلوس وقتی به شهر شام سخن گستری کنی فریاد زن خروش برآور سخن بگو آنسان که از رسول خدا دلبری کنی میثم بگیر درس ولایت زفاطمه خواهی اگر برای علی شاعری کنی ✍منکلام:استادحاج غلامرضا سازگار متخلص به میثم 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید سالان تزلزله کون و مکانی زینب دی علی سلاله سی زهرا نشانی زینب دی آلان آتاسی علی دن آناسی زهرا دن فنون عصمتی درسِ حیانی زینب دی حجاب درسی وئرن بانوان اسلامه کواکب شرفین آسمانی زینب دی او کی پیمبر ئولندن گیوب لباس عزا سالان تلاطمه قلب جهانی زینب دی آناسینون قاپیسی اودلاناندا ظلمیله هرایینه چاغیران مرتضانی زینب دی او نصف شب آنا تابوتینی سالاندا یولا اوجاتدی گویلره آه و فغانی زینب دی علی باشی یارالاندی سحر نماز اوسته او عورتی کی بیلوب ماجرانی زینب دی اولاندا زهر جفائیله مجتبی مسموم ازلده درک ائلیه ن مجتبانی زینب دی دوشنده زورق دین کربلاده طوفانه محیط امنه چکن ناخدانی زینب دی حسین، گلشن پیغمبرین گوزل گولودی هامی بولور او گولون باغبانی زینب دی غلط دیور کی دیَم زنده ساخلیان تا حشر جهاندا واقعه ی کربلانی زینب دی بلا چولونده او آموزگار حرِّیت عزیز فاطمه نین دلستانی زینب دی مگر قویاردی حسینون پوزولسون احوالی سیلن گوزونده کی اشک روانی زینب دی حسین دانیشمادی اکبر گئدنده میدانه دانیشدیران او شه ماسوانی زینب دی او شاهه چوخ چتین اولدی جوان اوغول ئولومی گوروب شریک غم بیکرانی زینب دی دوشنده پرچمی الدن رشید علمدارین اوجالدان عالمه قانلی لوانی زینب دی گیینده اگنینه بیر کهنه پیرهن شه دین سالان خیالینه خیرالنسانی زینب دی حسین شهادته یئتدی تالاندی خیمه لری او طائری کی یانوب آشیانی زینب دی چوخور یئرین گوتوروب توپراقین سپن باشینا حسینون اول اولان نوحه خوانی زینب دی خطا الی نجه دامان عصمته یئتیشر حریم محترمین پاسبانی زینب دی یازان صحیفه تاریخه کربلا آدینی تانیتدیران هامیا کربلانی زینب دی سالان تلاطمه ابن زیاد مجلسینی ووران بیری بیره پیر و جوانی زینب دی زیادین اوغلی هجوم ائتدی ئولدوره خانمی گوروبدی نطقیده شیر خدانی زینب دی بویوردی بیر بیله بالیده لنمه لشکریوه حسینیدن صورا حق پاسبانی زینب دی حسین ئولوب بئله شاد اولما ئولمیوب زینب آلان زمانه ده سندن او قانی زینب دی دونوب حسین باشینا باخدی بیر سلام ایلدی دئدی یارالی، بلا میزبانی زینب دی اگرچه یاره لرون باغلیانمادیم عفو ائت گور ایندی قیزلاریوین همزبانی زینب دی کسوبدی شمر اگر باشووی نماز اوسته سالان نظامه نماز و دعانی زینب دی علی قیزی دیورم ییخماسام یزیدین ائوین دیار شامه چکن کاروانی زینب دی یزید مجلسینی مجلس عزا ایلدی مرتب ایلین اوردا عزانی زینب دی حسین حسین دئدی از بس اونی ائدوب رسوا ییخان خطابیله محکم بنانی زینب دی تعجب ائتدی سوروشدی بو شیرزن کیمدی؟ جواب وئردیله زهرا نشانی زینب دی دئدی اوزوم تانیدیم مرتضی علی قیزیدی دییون بلا چولونون قهرمانی زینب دی منیم ریاستیمه عاقبت سالار رخنه ییخان جهاندا بو دولت سرانی زینب دی بیر عده قاره گینلر یزیدی خوار ائتدی چکن او شهره همان کاروانی زینب دی گرک صحیفه ی تاریخه ثبت اولا بو سوز یازان اورکلره بو داستانی زینب دی دیار شامیده مسجد ده منبره چیخادان مقام صاحبی زین العبانی زینب دی... ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

جوشی احوالات مجلس یزید لعنت الله علیه زبانحال حضرت زینب الکبری سلام الله علیها مجلس شامه غم قطاری گلدی زینبون قلبین دل یاراسی دلدی سسلندی قارداش ای خسرو خوبان خیزران دگن لبلریوه قربان بو شامون اهلی ظلمه نه تلسدی زینبون ئولسون غم باغریمی کسدی خیزران دگدی دوداقلارون اسدی بو نه عالمدی ای شاه شهیدان طشت زردن باخ قول باغلی قیزلاره وورولار قمچی جمع عزارداره بولمورم نیلوم قالموشام اواره منه چاره قیل ای دردیمه درمان حسینیم بیرده باشلا اوخی قران دمگسون کسوک باشیوه خیزران سن اوخی قران منده دیوم جان جان بولسونلر کیمدی بو یرده مسلمان رقیون باخور بابا دیور اغلور زهرانون مثلی باش یاره می باغلور بو حاله قیزلار سینه لرین داغلور قیزلاری دیندیر ای ناطق قران باش اچیق قیزلار دوره ده نامحرم چارم یوخ قارداش غیرتیمدن ئولم عباسی یولا قلبیمی دوتوب غم گلسه ابوالفضل اولمارام پریشان #متقی چکمه ال قانلی اتکدن یالواراول شخصه اوخ چیخدی گورکدن زینبون مثلی سنده دی ئوركدن خیزران دگن لبلریوه قربان التماس دعا یارقیه الحسین،،، ✍منکلام:حاج محمد متقی تبریزی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

خطابه ی حضرت زینب سلام الله علیها درمجلس یزید حیات شیشه مه من زینبم داش آختارورام نه وقتی قورخولی چوللرده قارداش آختارورام رقیه قلبنی رام ایتمگه باش آختارورام مریض عشقیمه آیری دوانی ایستمورم باشی ویرون منه طشت طلانی ایستمورم اوباش که طشته قویوبسان حبیب یزداندی ولی حضرت حق سید شهیداندی اونون بالالاری ناموس دین وقرآندی حسینون آندایچراهل وفا عزیزآدینا حیا ایدون قیزینی ساتمیون کنیزآدینا اوزینبم که علمدار لشگرنورم یگانه نایب زهرا نسبده مشهورم قیامه گلمیشم احقاق حقه مأمورم هایاندا فرصت اولا حقیمی ثبات ایدرم علیهیوه هارا گیتسم تظاهرات ایدرم اوزینبم که غمه سینمی سپر دمیشم زنان دهره حدیث اورگدوب خبردیمیشم یتیش گزارشه گورکوفه ده نلردیمیشم اوملتی که دونن خارجی تانوردی منی ایشتسه لرسوزیمی سنگسار ایدلله سنی اوزینبم منیم ایکی بالام شهید اولدی اوزینبم فدک اوسته آنام شهید اولدی اوزینبم شب احیا آتام شهید اولدی ایویم سرای شهادتدی روسفیدم من که تربیت شده ی مکتب شهیدم من ✍منکلام:استاد حاج ولی الله کلامی زنجانی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

شجاعت حضرت زینب سلام الله علیها در مجلس یزید لعنت الله فکر ایلمه گوش کیمی پر بستیم فکر ایلمه غصه لیم خستیم قلبوه غم تیری ساچا بیلمیم بعضی سوزون اوستون آچا بیلمیم باخدوقيجا دوره ده بيگانيه شرم ائدورم اى پسر زانيه هامى تانور جده بى عاروى مادر ناپاك و زناكاروى نصب ائليردى قاپیا بير علم صاحبه ی شهرتيدى بيش و كم دامين آچاردى اورا كلاش لر كامه چاتاردى هامى عياش لر فاش ائدرم بو سوزى گوز يوممارام سن كيمى ناكسدن عطا اوممارام بند حيانى قيرانون اوغلوسان درگهه پرچم ويرانون اوغلوسان ✍منکلام:حاج مهدی قلندری اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید بخش اول جهاندا ویرما لبِ لعله جامِ صهبانی حیات خرمنینه سالما نارِ سوزانی گر چه بیر سودی ظاهرده لیک باطنده یانار بیر اودّی که اودلار تمام اعضانی نهالِ عمری بو آبیله آبیار ایلیَن چتین دَرَه ثمر ، نخلهء منایانی اولار زمانه ده هر کیمسنه که باده پرست بولر هوا و هوس دورِ چرخ مینانی هوای بادهء گلگونیله اولان سرمست اولار پرستشی عقلا" هوای نفسانی او کس که ساخلیا بیر لحطه الده پیمانه بیر عمر الدن آتار تارِ عهد و پیمانی او زوری وار که بو آتشِ مزاج ، آبِ مضاف چو خاک باده ویره قدرِ باده پیمانی ایدر ذلیل عزیزی اراذل اشرافی گدادن اسگیک ایدر مِی مقامِ سلطانی دییر شرابیله سرمست او سوز گرک دیمه سون ایدر او شرّ عملی غیرِ شأن و شایانی شهود ایستیه سن اهلِ عصرِ حاضردن گوزوم گور آخرِ مِی خواره و سُکارانی گر عبرت اخذ ایده سن ایسته سن گچن لردن اوخی صحایفِ تاریخِ شامِ ویرانی یزیدی گور ایله جبّار و مقتدر سلطان او دم که گوردی مراد نجه دورِ دورانی مِی ایچدی مست و خراب اولدی خانمانی خراب دانیشدی مست و خراب عالمینده هذیانی تلاوت ایلدی بیر آیهء کلام الله ایدن کلامِ الهیّه دن تبرّانی ایدوب او آیه نی ناحق ، حقله استدلال بنی امیّه نی حق ، ناحق آلِ عمرانی دئدی خدادور آلار مُلک ایستسه کیمدن اوزی سوَر کیمه مُلکی بویورسا ارزانی اولوب بیر آتشِ طعنه بو ناحق استدلال یانوب او آتشه حق اهلنون دل و جانی او آتش ایلدی مجبور ، آتشین نطقه یگانه بنتِ قسیمِ جنان و نیرانی دل آچدی نطقه علی تک ، علی قیزی زینب کلامی حیرته سالدی کلیم موسانی بویوردی حمد او پرودگاره دور مخصوص وجوده گَتدی عَدمدَن بو کون و امکانی اولا صلوة و سلام اوز بابام رسولِ حقه که ذاتِ حق اونا زیبنده بولدی اسرانی صورا دئدی صدق الله العلی العظیم بَریدی کذبدن البّته ذاتِ سبحانی او لهجه ائیله ایدردی تلاوتِ آیه علی اوزی دیه سن بس اوخوردی قرآنی یزید ذکر ایلین مُلکه آیه ردّینده کلامِ حقدن اولوب ثمّ کانَ عنوانی یتوردی آیه نی یَستَهزؤنیده ختمه او اهلِ باطله آندیردی لفظ و معنانی که یعنی سوء ده اصرار ایدنلر آخرده گرکدی ایلیه تکذیب صدقِ فرقانی یزید بیله گمان ایلدون جفائیله که بیزدن اخذ ایلماقدان بسیطِ غبرانی و تنگ ایلماقون بیزلره فشاریله بو وسعتیله بو آفاقِ طاقِ خضرانی و سن بو گون بیزه ذوالاِقتدار اولماقوون خدادن اولدی بیزه یوخسا شأن نقصانی و بیر کرمدی سنه ربّ ذوالکَرامتدن اوزیوه فرض ایلدون امتنان منّانی و ظنّ ایلدون اوز قدریون جلالتی دور بو گوزده ذلّتیله گورماقون عزیزانی بِاَنفِکَ فَشَمحِت نَظَرتَ فی عَطفَک سُروریلن سیلوسن آستین و دامانی و تَنقضُ مَرحا" مدرَوَیکَ حینَ رَأیت ایدن مرادیوه اقبالِ دونِ دنیانی اوخورسان آیهء مُلکی بو قصد و نیّتیله که جلوه لندیره سن حقّ اهلِ بطلانی بو فکره بیزدن اولوب منتزع سنه تفویض بو خانوادیه مخصوص مُلکِ سلطانی دایان یزید دایان ، گچ بو فکرِ باطلدن باشوندان آت بو هوای غرورِ بیجانی اونوتدون آیهء لا تحسبنّ نی آیا که اهلِ باطل ایدر قول حقّ نسیانی خدای حقّ که حقّیله گوندروبدی کتاب دیوب کتابده هر خیر و شرّ انسانی گمان ایلمه اعمالِ خلقدن غافل خدای قادر و حیّ و بصیر و دانانی ویرر جزاده سالان انتقامی تأخیره جزای ذرّهء اعمالِ پیر و برنانی و بیله بولمه که کُفّاره خیردور مهلت نه بلکه شرّیدی یتسون کماله عصیانی کماله یتمسه عصیانی درک ایده بولمز لَهُم عذابُ مُهینی ، وَعیدِ یزدانی دگول بو سلطنتون ای دنی خدادادی مقامِ عالیه اعلا یتورمز ادنانی بساطِ کینه و بیداددور بو تشکیلات گرکدی سلطنته عدل و داد میزانی بو عدلدندی ای آزاده گشته نون اوغلی سالا عذارینه اهلون نقابِ دیبانی ولی قالا باش آچوخ اهلِ بیتِ پیغمبر یوزه نقاب ایلیه طرّهء مطرّانی اولا سنون حرمون عزّتیله پرده نشین تناول ایلیه هر نعمتِ گوارانی و لیک فاطمه قیزلاری آج سوسوز قالسون اسارتیله دولانسون چولی بیابانی او نوع شهر به شهر ، اهلِ کین دولاندیرسون که هر وضیع و شریف ایلسون تماشانی و اولماسین بولارین بیر حمایت ایلینی که قانینه بویانوب هاشمی جوانانی ادامه دارد۰۰۰ ✍منکلام:مرحوم استادحاج عبدالعظیم ذهنی زاده متخلص به سائل 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید بخش دوم بولار پیمبری انکاریون نتیجه سیدور و دانماقون اثری بیزلره تولّانی بلی زِنای جگر خوار هندِ زانیه نون اولار نتیجه سی آخر سن کیمی جانی پیمبر قیزینون اوغلونی شهید ایلر اسیر ایدر حرمِ شهریارِ بطحانی ساتار اوز آخرتین پنج روزه دنیایه اوزینه مایهء عزّت بولر بو سودانی مگر نشانهء عزّتدی دهر اقبالی و یا زمانه نون ادباری ذلّ برهانی بیزه نه فرق ایدر اقبالِ دهر یا ادبار بیز اهلِ بیته طُغیلی دور عالی و دانی بیزیم طرقتمیزدور شریعته ترویج بو یولدا فقر و غنانون نه جای رُجحانی و حال آنکه بو بلقیس خادمه حرمه و لو مسلّم اولا حشمتِ سلیمانی و یا که ایلیه دنیای دون ایله ادبار نه اوّلی اولا ادبارینون نه پایانی خدا یانیندا بیزیم شأنیمزدن اسگلیمز فقط بیزه یارادوب شأن خالق شانی او که گوزونده سنون مایهء مَذلّت دور قسم عزیزه بیر عزّتدی عِزّلر کانی عجب دگول بو جنایاتِ فاجعه سندن ایدر سنون کیمی هر تخم نسل شیطانی نیه امید دوتولسون او تخمِ فاجره دن که دیشلیوب کبدِ سیّدِ شهیدانی نموّ پرورش لَحمینون بولوب سببی رهِ سعادته جاری سعیدلر قانی اولار زمانه ده اولادِ فاسق و فاجر هامی فجوره مروّج ، فسوق ایچون بانی مگر دگول سنه اجداد بدر اشیاخی پیمبرین یوزینه چکدی تیغ برّانی مگر پیمبرِ اسلام قتلینه فرمان اُحدده ویرمدی کفّارِ آلِ سفیانی دونن دی وَقعهء صفّین و نهروان و جمل آتان معاویه سالدی او شور و غوغانی اوزونده ایتماقا تکمیل نقصِ اجدادون پیمبر اوغلونا ویردون او قتل فرمانی او قدر ناحق اولانلار توکوبله حق قانی دیماق اولار یوولوب دین و شرع بنیانی یغیشدی بیر بیله قان عاشرِ محرّمده محیطِ خون ایله دی وادیِ بلایانی ایله تلاطمه گلدی که سیندی فُلکِ نجات زمانه یاد ایلمز بیرده نوح طوفانی بولار نتیجهء کفرِ قدیمدور سیزده که آشکار ایلدوز دلده بغضِ پنهانی سن آرزو ایدوسن ایمدی بدر اَشیاخین علی الینده ئولن قومِ بی سر و پانی گوریدیلر که نجه بدره انتقام آلدون و سِیر ایدیدیله بو قدرتِ مهیّانی دییدیلر سنه شل اولماسین بو ال که قوروب بو سلطنتله بیله انتقام دیوانی و شادیسن بونا کی نورِ حقی سوندوردون جهانی ایلموسن روزگارِ ظلمانی آغاج ویروسان او خشکیده تشنه لعلِ لبه که یاندورار شررِ ظلمون آبِ حیوانی و حالِ آنکه پیمبر اوپوب او لعلِ لبی نه تک او لعلِ لبی دُرّ تک ثَنایانی نه آنلوسان او دیشین قیمتین شکست ایدوسن بلی گدا نه بولر قیمتِ برلیانی بابالاروندا پیمبر دیشین شکست ایتدی خبیث نطفه ، خبائث لره اولار بانی هله آیلمیه جاقسان بو خواب غفلتدن که خوابِ غفلتی سنگین ایدر هوسرانی و توکموسن اوز الونله او کیمسه نین قانین شبابِ اهلِ جنان سیّدیدی رحمانی و آفتابدی اولادِ عبدِ مُطلّبه و نورِ دیدهء یعسوبِ دین ربّانی فَرحله سسلوسن اسلافوی که کافریدی و ایلوسن او قبول اولمیان تمنّانی بو آرزوده سن ای کاش اولیدیلر حاضر گوریدیلر سن ایدن ظلمِ بی مهابانی قسم معاده قیتسیدیلر بو دنیایه دیسیدیلر سنه اوضاع دارِ عقبانی اوزون او وقت دیردون که کاش اولیدیم شل سوَردون اوندا کسلمیش بو دستِ عدوانی بو آرزونی ایدردون که دوغمییدی آنان و اَممییدون او شیر حرام پستانی و تئز اولار که مسیرون اولار عذابِ اَلیم مخاصمون گوره جاقسان رسول رحمانی دونوب خانم گویه باخدی شکایتیله که ای علوّ ایلین قدر عرش اعلانی آل انتقاموموزی سن بو قوم ظالمدن و آل حقوقوموزی ای حقین نگهبانی بولاردی ظلمیله ئولدوربله رجالیمزی بو اهلِ کفر توکوب خون اهل ایمانی بولاردی کسدی بیزیم رشتهء حیاتمزی و قتل نفس ایلدی هر نفوسه اولانی و هتک ایلدیلر احترام پرده میزی و ایتدیلر عوضِ احترام ایذانی بولاردی ایلدی بی پرده پرده لی حرمی بولاردی ویردی حریمِ خدایه تالانی بولاردی عترتِ پیغمبری سویان امّت آلان بولاردی نقاب بناتِ زهرانی دونوب یزیده بویوری گینه عتابیله که ای ایدن شرفِ عقلی نفس قربانی نه ایله سن ایله فعّالِ مایَشایه قسم اولورسان عاقبت افعالیوون پشیمانی قسم خدایه که سن کسمدون مگر اوز اولون کسنده ماریه ده هر یمین و یُسرانی و یاره ایلمه دون سن مگر که اوز بدنون یارالینده قُوشون زخمدار اَبدانی یزید تئز اولی بیر گون که درک ایلرسن وبالِ قتلِ حسینه حضور طاهانی ادامه دارد۰۰۰ ✍منکلام:مرحوم استادحاج عبدالعظیم ذهنی زاده متخلص به سائل 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید بخش سوم او گون پیمبرون اطرافینی اهلِ بیتی آلار نجه که اولدوزلار آلار دورِ ماهِ تابانی و لیک بیر پاراسی قانینه اولار غلطان خجل او یوزلر ایدر ، رنگِ لعلِ مرجانی بولار اولاردی که ظلمیله قانلارین توکدون و توپراق اوسته دوشنلر وجودِ عریانی و بعضیسی اولارین سبز اولار زبرجد رنگ سالار خفایه جلالی جلای خضرانی اولاردا زهرِ جفادن شهید اولانلار اولار که زهرِ ظلمیله درک ایلیوب منایانی او گونده منتقم حق بیر انتقام آلاجاخ او انتقامدن اولماز فرار امکانی ویرر او گون بیزه بیر سلطنت خدا که ایدر غبارِ مقدمیمیز فرق تاج شاهانی بیز ایلروخ او گونون امر و نَهینی ، لا غیر جِنانه یولّاروخ احبابی ناره اعدانی قیامتین گونونون وحشتِ عظیمیندن بیزیم محبّتمیز قورتارار احبّانی یتر او گونده جزای زِنای شومه سنی رکابِ ملّتِ اسلامه میندیرن زانی و تئز بولوندره جاخ اَیُّکم اَشَرُّ مکان و من اَضَلُّ سبیلا" ، معادِ جسمانی فَرَح سنی بو قدر دلخوش ایتمه سین بونا کیم کسوفه سالدون عجب شمسِ عالم آرانی اولار که ظلمیله سن قانینه بویاندیردون اولوبلا رحمتِ پروردگار مهمانی سبیلِ حقّیده قانه باتوب شهید اولانون تاپار مماتیله بیر جاودانی احیانی و لا تَقُولوا لِمَن یُقتَلی تلاوت ایله دوشون او آیه ده معنانی لفظِ اِحیانی بو گونده من که سنون قدریوی کیچیک سانورام و ایلورم سنه توبیخ و پندِ عظمانی نه بو خیاله سنه فایده بغشلیه جاخ و نه بو فکره سنه یوز ویره پشیمانی سعادتین قاپوسی باغلیدور شقی یوزینه سن اهلِ شرّه گرک روی خیر حرمانی که قویموسان هامی اسلامیان گوزون آغلار و غم شرارینه همدم صدور حَرّانی او سخت دللره پندِ لطیف اثر ایتمز که شوره زار نیدر آبِ ابر نیسانی قلوبِ قاسیه دور بیله قلبلر سیزده ایدن بو نفس لروزدی خدایه طغیانی دولوب خدا غضبیله تمام جسم لروز ایدوب بو جسمه نبی لعنت فراوانی بولاردا باغلیوب اوز آشیایه سین شیطان بو نفس لردی شیاطین یار و اعوانی بو آشیاندان اولانلار سنون کیمی لر اولوب دانوب عزیزی قبول ایلوبدی عُزّانی ویرار سنون کیمی لر صدمه اسلامه نه بیر مجوس ویرار نه یهود و نصرانی ایدر بو عالَم اسلامی ایله بیر ننگین که طَعنه ده قویار هر ملّتِ مسلمانی عجبدی بیر طُلقادن اولان زِنا تخمی شهید ایلیه بیر متّقی جهانبانی و چوخ عجبدی توکولسون یره جفائیله رسالتون گویونون انجمِ درخشانی و توپراق آتسون او اولدوزلار اوسته بیر پارا ال او اللر اولماسین عالمده دست انسانی یزید سن بیله فکر ایلوسن بو دنیاده شهید ایتماقیلا شهریار خوبانی و هاشمی لری توپراق اوسته توکماقیلان و صود امرلرینه وُرماقیله پیکانی و هاشمیّه لری پرده دن چیخاتماقیلان و باغلاماقلیقلان قول قولا صَبایانی و روم اسیر تک انظاره جلوه ویرماقیلان بو بانوان بناتِ بتولِ عذرانی و بَر خلافِ شریعت فروش اَمریله بو شاهزادهء سلطانِ کون و امکانی سنه مُسلّم اولار مُلکِ سلطنت بیزدن و سِیرِ شپّره ایلر فضای عنقانی قسم بیزی شرف وحی له شریف ایدنه و هاشمی ایدنه فرقِ تاجِ لَولانی محالیدور که بیزیم سلطنت سنه یتیشه دگول فضای هما خاکِ پشّه میدانی بیزیم مقامِ رفیعه محالیدور یته سن ثَرایه اَندیره لر اوجدَن ثُریّانی بیزیم جلالتی خالق بیر آدمه ویرمز یاراتسا یوز مین اگر آدمیله حوّانی بیزیم نهایتمیز درک اولونمیوب اولماز که ذرّه درک ایلمز کُنه مهر رخشانی آتانماسان یر یوزیندن پیمبر اولادین چه قتلِ عام ایده سن اُمّهات و آبانی محالیدور آدیمیز یر یوزیندن اولسون محو و لو که محو ایده سن اسمیله مسمّانی خدایه ایلرم اوز شِکوه و شکایتیمی عدوّدن آلا دادِ دل احبّانی نه فکر و حیله که قلبونده واردی گزلتمه و ایله بیزلره هر ظلمده تَقلّانی خطادی ایلدوقون اعتماد هر نه که وار چوخ آزدی عمروون البّته روز و شب سانی و تئز اولاندی بو جمعیّتون پراکنده او گون که خلق گورر رستخیزِ کبرانی او گونکی گونده منادیّ حق ندا ایلر که ایمدی لعنتِ حق دوتدی ظلمه دارانی او گونده سیزلر اولورسوز بو قانلارا مسئول او دردمند اولاجاخسوز که یوخدی درمانی خدادن ایسترم ایتسون بیز اهل بیته تمام تمام اجر جزیلی ثواب و احسانی و ایسترم بیزه ویرسون جمیل اِنابتیله اوزی خلافت حیّ ودود بنیانی و حمد اولار او خدایه که ختم ایلر اوزی هامی ولی لرینه رحمتینی احسانی نظامِ کلمه نی #ذهنی صحیفهء رویه مدادِ اشکیله خوش دوزدی کلک مژگانی او خطبه عقلیمون اندازه سیجه شرح اولدی اگر چه ایلموشم قطره شرح دریانی او شرحِ خطبه ده هر جمله نی که زاید اولا یانوب یازوب الیمون کلکِ آتش افشانی و بعضی جمله نی شرح ایلماقدان عاجزیدیم یازانمادیم اولورام اعتذار خواهانی دگل نظر منه فردوس یا برائتِ نار رضای حق منه منظوردور حسین جانی ✍منکلام:مرحوم استادحاج عبدالعظیم ذهنی زاده متخلص به سائل

مجلس یزید بیر یزید یکه اونون ظلمونده نقصان اولماسون ایلیوب هر جور و ظلمی بیر پشیمان اولماسون نه روادور چرخ دون ایتسون او دونی کامیاب اولدوروب پیغمبر اوغلون ایتمسون بیر احتجاب بزم خاصه چکسون اول آل اللهی قولدا طناب بیله ظلمی یاد ایدن دللر نجه قان اولماسون عترت اطهاری ساخلوب مجلسنده بیحجاب بعضینون یِنگی الی یوزوده اورکده اضطراب بعضی توکموش گل کیمی رخساره زلف مشگناب تا یوزی نامحرم انظاره نمایان اولماسون بیر طرفده آغلاشوردی عترت عصمت نصاب بیر طرفده سسلنوردی دمبدم چنگ و رُباب بیر طرفده آلت شطرنج بیر یاندا شراب ایله بیر مجلسده یارب هیچ مسلمان اولماسون اوینیوب نَردی یزید ایتمزدی هرگز اجتناب اوچ امامین محضرینده ایتدی شُربه ارتکاب گاه طعن ایلوب گولوب گاهی دانشدی بیحساب گه دیدی کیمدور منیم عیشیمده شادان اولماسون چون او مطلق کافر اولدی باده دن مست و خراب ایستدی قانه دونن دل لر گینه اولسون کباب سویلوب ای زینب دانش منلن سوزیمه ویر جواب حق دانش اما سوزونده باطل عنوان اولماسون ایمدی حق آل ابی سفیانیموش یا بوتراب حمدِلِلّه شاهد مقصود آتوب یوزدن نقاب باطل اهلین ایلدی رسوا خدای مستطاب بیله مَخذول اولدوز عالمده بو خِذلان اولماسون سوز یتیشدی بیر یره آخر یزید ایتدی عِتاب امر ایدوب جلّاده زینب قتلنه ایتسون شتاب سس چکوب فریاده گلدی عترت ختمی مآب اولمادی بیر گوز او جمعیّتده گریان اولماسون جلوه لندی ناگهان رأس حسین چون آفتاب ایتدی بیر آیه تلاوت اول شه والا جناب حال مجلس ایلدی بیر اوزگه حالا اکتساب قالمادی بیر کیمسه بو اعجازه حیران اولماسون اهل مجلس بیربیره دگدی تماماً شیخ و شاب بو پیمبر باشیدور یوخسا اونا نایب مناب هرگز اولماز اوزگه باشلاردا بو قدرت انتخاب باش دانشماز اوندا گر آیات سبحان اولماسون تا یزید احساس ایدوب وار مجلسنده انقلاب خیزران الده او باشه ایلدی گویا خطاب یا حسین قرآن اوخورسان تا یزید اولسون مُجاب من شهید ایتدیم سنی عالمده قرآن اولماسون من دیدیم گل بیعت ایله بول منی مالک رِقاب ایلرم منده سنی عالی مقامه انتصاب سن دیدین اَؤلی منم شانیمده نازلدور کتاب مندن اوزگه ملت اسلامه سلطان اولماسون اگمدون باش گور خطا گتیدون بو یولدا یا صواب حق کیمی مغلوب ایدوب کیمدور بوگون نصر انتصاب بو باشون بو اهلبیتوندور گرفتار عِقاب بیله مغلوب اُولدوز هرگز بیرده جبران اولماسون «ذهنی» یاز اشعاریوی توک اشگ چشمون چون سحاب قوی حرام اولسون سنه دنیا یوزونده خورد و خواب آغلاسا هرکس حسینه حشرده گورمز عذاب هانسی خدمتدور حسینه اجری رضوان اولماسون ✍منکلام:مرحوم استاد مشهدی علی اصغر  ذهنی تبریزی   ‌‌🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید اندر سریر ناز تو خوش آرمیده ای شادی از آن که رأس حسین را بریده ای مسرور و شاد و خّرم و خندان به روی تخت بنشین کنون که خوب به مطلب رسیده ای جا داده ای به پرده زنان خود، ای لعین خرّم دلی که پردۀ ایمان دریده ای من ایستاده بر سر پا و کسی نگفت بنشین که روی خار مغیلان دویده ای گه بر فروش حکم کنی گه به قتل ما ظالم مگر تو آل علی را خریده ای با عترت نبی ز چه بنموده ای ستم با این که زو سفارش ما را شنیده ای زینب کجا و تاب اسیری نه این ستم باشد روا به یک زن ماتم رسیده ای شادی ز دیدن رخ اکبر ولی خوشست بینی دمی که سبزه ی از نو دمیده ای #جودی اگر که روزِ تو زین غم نگشته شب چون صبح سینه از چه به ناخن دریده ای ✍منکلام:جودی خراسانی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید چون جمله را یزید به بزمِ شراب خواست ساغر گرفت و از دل زینب كباب خواست پیمانه كرد خالی و از كاسه های چشم زان تشنگانِ بی كس و مظلوم آب خواست از كارِ زشت خویش، از آن دسته های گل هم دودِ آه كرد طلب، هم گلاب خواست لیلا كجا و مجلس نامحرمان كجا مِضمار و چنگ و نای حضورِ رباب خواست فریاد از دمی كه نكرد از خدا حیا چوبِ جفا ز روی غضب با شتاب خواست دُردِ شراب و طشتِ زر و رأسِ شاهِ دین از بس كه ناله از دلِ عُلیا جناب خواست كلثوم چاك كرد گریبان صبر را پس دفعِ ظلم از پدرش بوتراب خواست كای شِحنَةُ النّجف نظری سوی بی كسان بنگر یزید خانه ی ایمان خراب خواست آزادگان مُقیّد و مغلول بین علیل اطفال را به گردن و بازو طناب خواست #محزون به ماست چشمِ امیدش به روزِ حشر ما را شفیع بهر خود اندر عذاب خواست ✍منکلام:محزون گیلانی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

مجلس یزید دوشدی خیالیمه گینه بر بزم غمفزا شرم ایلورم او بزمین ایدم شرحنی ادا سال یادیوه او وقتی یزید ستم شعار بر بزم عیش و نوش ایدوب چیده برملا کُرسیلر اوسته روم و فرنگ ایلچیسی تمام امر ایلدی حضوره گَله آل قُل کَفی امر یزید دونیله باغلاندی قولقولا آل رسولی حاضر ایدوبلر او بزمه تا تخت اوسته اَگلشوب اوزی کبر و غروریله بسکه هوای سلطنت ایتمشدی بد هوا امر ایتدی ساقیلر گتوره باده مجلسه هم مجلس اهل هم اوزی مست شراب اولا مست اولدی اول لعین چخوب هوشی باشدن آچدی زبان نحسنی اول شوم بیحیا ایتدی نظر حسین باشنا ایلدی خطاب آلدیم قصاصیمی گجه من قویمادیم قالا آچ بر او قانلو گوزلریوی باخ سکینه وه ساخلاتمشام قباقدا نجه گور برهنه پا اُلدورموشم شبیه پیمبر جوانوی لیلا باخور اوقانلو باشا چوخ یانا یانا پوزدوم تفاقوی ولی ال چکرم حسین وُرّام آقاج بو لبلره زینب باخا باخا عباسیون هاردادور یتشه دادیوه سنون گورسون وُراندا باشوی اول معدن وفا اول دیدیم سنه منه گل بیعت ایتگیلن سن ایتمدون قبول ایا سبط مصطفی دورموش قباقدا گورنه حقیرانه زینبون هردم باخور بو باشوه سویلور که وا اَخا دوشدون بو فکره سن قویاسان تاج سلطنت فکرون خطا گیدوب ایلدون اوز اوزون فنا اما هزار حیف حسین تیز قوجالموسان قاندان بو آق محاسنوه یاخموسان حنا باخ بر علیل اوغلوا زنجیره بسته دور دورموش قباقدا بویننی زنجیر ایدوب یارا قرخ منزلی ایاقلاری باغلی گتورمشم غول تک برابریمده دوروب زار و بینوا بر سوز گلور خیالیمه گر فاش ایدم اونی جنتده وار یری که آنان ساچلارین یولا فکریم بودور که فاطمه نی من ویرم کنیز تا زینبون دوباره یانان قلبی اودنا بو فکر خامیدی ولی آگاهیدی اوزی اولماز کنیز معدن ناموس کبریا مقصوده نایل اولمادی اول زاده رنا آچدی دوباره سرزنشه دل او بیحیا سویلوب حسین بو باشون الیمده بو خیزران ورسام نقدر کیمسّه ایدنمز منی اِبا بر ظلم ایلدی که دل عاجزدی شرحنه مقتلده وار همین خبره طرُفه مبتدا جلاد هاردادی دیدی بیماری الدوره قطع ایلیم بونسلی گرک قویمیام قالا اویناتدی خیزران آقاجین الده قوزیوب وردی اوقدر تا بویانوب خیزران قانا دوردی ایاقه اصغر آناسی او وقتده سسلندی ورما سن اوباشی ایله برحیا فوراً اوزین یتوردی او ناموس معدن گوتدی او باشی اپدی خانم باسدی باغرینا ال چکمدی معاویه اوغلی عنادیدن چوخ ظلملر او باشه ایدوب دشمن خدا برده بروزه ویردی او ظالم شقاوتین عذر ایسترم ایدم بو سوزین شرحنی ادا دُخت علی او حینده گَلدی تکلّمه ورما دیدی او باشی حَرَملر ایدر نوا باخ بر خدایه ایله حیا ای شقی اوتان شل اولسون اللرین ایلمه بو قدر جفا سن خیزران وراندا اوسولموش دوداقلّارا اطفال بویلانوب باخار اول نازنین باشا آخر ندور جزاده جوابون پیمبره ایتسه سئوال سندن اگر موقف جزا آیا نه ایلمشدی حسین ابن فاطمه ایتدون شهید او شاهی ذبیحا ًِمن القفا غیظه گلوب یزید دونوب باخدی زینبه بر سوز دیدی که شرحنی من ایتمرم اَدا زینب ایشتدی اول سوزی دوندی دیدی یزید قطع ایلسون خدا دلون ای زاده زنا شاهلار اسیرله بیله رفتار ایلمز سبّ ایلماق اسیری دَگُل شاهلارا سزا بزم یزیدی یازما شهابا بس ایتگیلن اجرون ویرر جزاده سنون خالق علا ✍منکلام:مرحوم استادحاج یوسف شهاب تبریزی 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

سلام عرض ادب خدمت دوستان و اعضای محترم کانال رسمی عاشقان حضرت زینب «س» ✅قابل توجه دوستان هر گونه کپی برداری و ارسال مطالب با لینک و یا بدون لینک چه برای کانال چه برای گروه کاملا حلال است چون هدف ما تبلیغ کانال یا افزایش تعداد اعضای کانال نیست هدف ما فقط و فقط رساندن صدای امام حسین علیه السلام به گوش جهانیان و ایجاد شور حسینی در تمام روزهای سال و بالاخص ایام عزاداری ارباب و استفاده دوستان از مطالب در این ایام است خاک پای عاشقان اباعبدالله الحسین علیه السلام کربلایی محمد 🆔کانال رسمی عاشقان حضرت زینب«س»🆔 تلگرام🆔 https://t.me/khazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 https://t.me/gifemazhabi تلگرام🆔 گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab   به جمع ما بپیوندید✅

💢مجموعه مداحی های صوتی 💢از ذاکرین اهل بیت علیه السلام 💢ویژه مجلس یزید 🔴کانال رسمی عاشقان حضرت زینب«س» https://t.me/khazratehzeynab