احوالات حضرت علی اصغر علیه السلام هئچ من دیمورم بیکس اوغولسوز شاها خاطر آدوز که مسلماندی رسولُ اللّها خاطر بیرجُرعه سو احسان ائلیون اللّها خاطر چیخمِی نَفَسی سوز عطشدن یانور اوغلوم واللّه قوریوب دیل دوداقی اودلانور اوغلوم تِزگَل آنازهرا بالاما ویرمدیلر سو لشکر قاباقیندا مَلَدی صودامر آهو دلسیز بالامون حالینه قان آغلادی یاهو اوچ پر اوخا توش اولدی بالام قانه بویاندی دیسکیندی گوزآچدی یوخودان بیردن اویاندی من سو دئدیم امّا سه پر اوخ اولدی جوابیم وار غملی ربابه منیم آخر نه جوابیم اصغر ال ایاق چالدوقیجان آرتور عذابیم تِزگل ننه آغوشیوه آل اوخشا بالامی اولدوردی بونون تشنه لیگی یالقوز امامی ✍منکلام:کربلایی رحیم فیضی اردبیلی ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

مدح حضرت علی اصغر علیه السلام حرمله ایری کماندا دوز اوخا وئردی مکان ائتدی اوچ پر تیکانا غنچه ی نوبازی نشان او قوی دست چکوب شدت قهریله کمان اوخ یولا دوشدی هوا اوسته مسیرین تاپدی عجلیله صود اسیرین سو اسیرین تاپدی ساغر صبری او پیکان عدوات جالادی دگدی نازک بوغازا شاهرگین پارچالادی دیین اولمادی بیر آز رحم ائله دیلسیز بالادی سنکه بو حالتیله پاره لدون آی پاراسین عمه سی نه آناسی باغلیا بیلمز یاراسین دم فولادیله یوخ نسبتی ریحان ترون آدون اوخدور ولی خنجر کیمی واردور کسرون اوچ یره بولدی بوغازین بونون اوچ تیز پرون خواراولیدی سنی گل برگینون اوسته آتانی دگجگین یاره لدون هم بالانی هم آتانی آغ گیندیردی گوزل اوغلونا بیچاره رباب سو تمناسینه گوندری اورکده تب وتاب قلب زهرانی ائدوب حرمله نون ظلمی کباب جان وئرن وقته او دیلسیز بالانون چکدی نازین گوزلرین باغلادی اول صورا ئوپدی بوغازین دگدی اوخ ٱسدی اوطفلون چنه سی هم بدنی سوز بئله گلدی ندوم ایلمه تنقید منی ساده تشبیه وروم حالی ائدیم درده سنی دوشدی نه حاله خبر آلما ربابون چیچگی تیز قمچیله تصور ائله نازک ایپگی لاله مثلی بویادی دوشلوگون آخدوقجا قانی مرغ بسمل کیمی مظلوم بالانون چخدی جانی باغبان چکدی گلون اوستن او اوچ پر تیکانی دئدی اوغلوم سنه اوخ خوان جفادن پاییمیش بو فنا دهریده عمرون ائله آلتی آییمیش پهلوان ئو لدورن اوخ دگدی یازیق بیر اوشاقا نرم و نازک بوغازی آچدی قولاقدان قولاقا نه پذیرائیدی بو حرمله ائتدی قوناقا حقی وار دور آتووین باخدوقیجا قلبی یانا اللریم اوسته جنازون گئدیم ایندی هایانا قاتلون قوشدی سنون یاسوی اکبر یاسینا بیرنفر حالی اولان یوخ اورگیم احساسینا خبرون یوخدی نجه دوشمشم ئوز دالداسینا خاریله برگ گلی پارچالیان اولسون خوار حلقوین یاره سینی گورسه رقیم قورخار بئله یاتدون بالا یوخ بیرده آیلماق هوسون کسیلوب بیرده اوجالماز نه سیز یلتون نه سسون لبلرون گولدی نیه گولدی باتاندا نفسون متبسم دود اقون محنتوی آندیردی گلمه گون آغلا ماقوندان منی چوخ یاندیردی سینسا گل بوته سی اوستوندن اولار آویزان ✍منکلام:امین الشعرا مرحوم استاد حاج قدیر جلیل زادگان متخلص به انور اردبیلی ‍🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

احوالات حضرت علی اصغر علیه السلام دوشجک مجلسه غوغا آچا بیلسم دردی اصغرون قانی یره شال مصیبت سردی قوزی قربانی حسین خیمه لره قیتردی یاری یولدیدی هله دل نگران اولدی آقا هر نه فکر ایلدی گوردی گیده بیلمور قاباقا تیر غم سینه پر دردینی آز قالدی بوله آتش آهینی بیر آنیده یایدی او چوله دیدی ممکندی رباب اوخ یاراسین گورسه اوله ایتدی اندیشه او بانوی نجیبون حالینا الده آهوسی گلوب خیمه سرالر دالینا قویدی آهسته یره اصغرینی زار و نزار قازدی شمشیرین اوجیلا اونا بیر خیردا مزار ایستدی دفن ایلیه غنچه نی سلب اولدی قرار نه قدر جهد ایلدی اولمادی حاکم صبره قوزی قربانینی گوردی قویا بیلمور قبره. بو چتین لحظه ده چوخ سوز و گداز ایتدی امام خالق سرمدیلن راز و نیاز ایتدی امام ایکی رکعت اتگی قانلی نماز ایتدی امام پیر احرار جهان عشقون او غوغا سالانی دوشلوگی قانلی قویوب قبره اودیلسیز بالانی لطف حقدن که اله سالدی حسین صبر جمیل الده کی لاله نی تا تپراقا تاپشوردی خلیل گوردی سس گلدی حسین صود امرون قدرینی بیل چکمه چوخ غم الون اوسته بالوون اولمگینه جنتی ویردیم اونا اوچ پر اوخا گولمگینه ✍منکلام:استاد حاج سید تقی سیفی اردبیلی ‍ ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

مدح حضرت علی اصغر علیه السلام ای اهلِ کوفه رحم ایدون عطشاندی اصغریم بیر شربه سو ویرون سیزه مهماندی اصغریم پیغمبرین سلاله سیدور نوگلِ بتول گلزارِ عشقه بیر گلِ خنداندی اصغریم سو کافره مباحدور آل اللّهه حرام بیر سود امر اوشاقدی مسلماندی اصغریم گورموسوز آنّینا دوزولوبدور ئولوم تری جان اوسته دور ترحّم ایدون یاندی اصغریم گون ایسّسی سوسوزلوق اوتی طاقتین آلوب ظلم آتشیله سینه سی سوزاندی اصغریم بیر جرعه سو بو ایچسه قورتولار فرات دریایه یوخسا علّتِ نقصاندی اصغریم فکر ایلوسوز سوئی من اوزوم ایستورم ایچم سیراب اولماقا منه عنواندی اصغریم مندن گلون آلون بونی سیراب ایدون اوزوز ای جمعِ سست عهد پریشاندی اصغریم قرآنه معتقدسوز اگر ای گروهِ کین اسلامیانه صفحهء قرآندی اصغریم قرآنِ ناطقم اوزوم اولادِ فاطمه قرآنه آند اولا یانور اودلاندی اصغریم دینوزده اولماسا اگر آزاد مرد اولون لب تشنه اهلِ بیتیمه میزاندی اصغریم جدّون حسینون اوز سوزیدی ای #حسینی بو ای اهلِ کوفه رحم ایدون عطشاندی اصغریم التماس دعای فرج ✍منکلام: مرحوم استاد حاج سید رضا حسینی تبریزی متخلص به سعدی زمان ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

هر مذهب اولسا بونا رحم ایدر یقین حجّتده معتنابِهِ ادیان گتورمیشم جان قویموشام ئولنده علی اکبر اوسته من جانانه ویرماقا گینه بیر جان گتورمیشم گوزلور آناسی خیمه ده بیر شربه سو ویرون رحم ایلیون بو طفلی من عطشان گتورمیشم قرآن اهلیوق دیوسوز امّتِ رسول منده همان او مُصحَفه ایمان گتورمیشم اکرامِ ضِیفی واجب ایدوب حیّ لم یزل بیر تشنه بیر ایچیم سویا مهمان گتورمیشم قرآنِ ناطقم اوزوم ای اشقیای شام اتمامِ حجّته ولی قرآن گتورمیشم رحم ایله ای خلایقه راحم #حسینیم بیر تحفه دور حضوریوه پژمان گتورمیشم بیر عمر عقلی ایلمیشم نفسیمه اسیر اوز لغزشندن ایمدی پشیمان گتورمیشم ✍منکلام:مرحوم استاد حاج سید رضا حسینی تبریزی متخلص به سعدی زمان 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

مدح حضرت علی اصغر علیه السلام زبانحال امام ع در موقعِ آوردنِ قنداقهء فرزندش بر خیام باخمادی چشمهء چشمیم دولی بیر یَمدی باجی اوخی پستان یرینه تشنه بالام امدی باجی گور بو نه عالمدی باجی ایله سولموشدی سارالموشدی خزان یپراقی تک مرغِ بسمل کیمی تترردی بو بی آب سَمَک نه تک آغلوردی بونا قیرخا یاخون قاره لچک آغلادان ارض و سما اهلینی بو غمدی باجی سو امیدیله آپاردیم بالامی رزمگهه اولمادی حالی مؤثّر سپهِ رو سیهه قیتروب تشنه گتوردوم گینه بو خیمه گهه بو گیدیش بو گَلشین فرقی مُسلّمدی باجی الیم اوستونده سُها اولدوزی تک باتدی بالام گوزلری آخدی هامی دشمنی آغلاتدی بالام چوخ یورولموشدی یوموب گوزلرینی یاتدی بالام گورمیَن حالینی بولمز بو نه عالمدی باجی قالمیوبدور داخی قلبیمده منیم طاقت و تاب قانلی قنداقین آلان یوخ جگریم اولدی کباب یوز گوزی قانه بلشمیش گوره مشگلدی رباب بالاسین گورسه هلاک ایتسه اوزون کَمدی باجی ظلم الیله نجه یاندی اورگیم بولدی بالام اوخ دگنده اودی باخدی یوزیمه گُلدی بالام رنگی قیرمزدی ولی بیر سارالان گُلدی بالام بو گُله قرمزی قان قطره سی شبنمدی باجی یوخلامیشدی یوخودان دیسگنوب آچدی گوزینی گورمیَم زخمینی دوندردی یوزیمدن یوزینی آناسی فاطمه آغوشینه آتدی اوزینی یارالی طفله آتادان آنا اقدمدی باجی بالامین واریدی اگنینده باجی سبز قبا اوزگه بیر زینته محتاجیدی بو ماه لقا سبز رنگی بویادی قرمزی پیکانِ جفا قانی آق صورته پیرایهء مُعظمدی باجی ایلدیم دینیمه قربان بو لب عطشانی سوسوز سو کیمی آخدی الیم اوسته یره قانی سوسوز باخما ذبح ایلدیلر بو قوزی قربانی سوسوز گلشنِ دینه ویرن سو بو آخان دمدی باجی ایله هنگامه بو چولده باجی بر پا ایلدیم آلِ سفیانی تواریخده رسوا ایلدیم جدّیمون دینینی بو امریله احیا ایلدیم سببِ عزّتِ دین ، ماهِ محرّمدی باجی بالام اوخلاندی یقین اولدی مرامه چاتارام باش ویروب عالَمِ امکانی گوزیمدن آتارام قبریده اصغریمی سینم آلّام یاتارام تا جهان وار گوره نه مایهء ماتمدی باجی بالامی حرمله بیر نحویله قانه بویادی آشنا گورمدی بو مسئله آغلاتدی یادی یوخلادوب بیر گون اولار قائمِ مولود اویادی او گونون منتظری عالَم و آدمدی باجی ای #حسینی بو غمه آغلاسا هر شیعه گوزی یتوشر دادینه محشرده بو شهزاده اوزی یازدیروبدور سنه بیر #شیعهء_خلّص بو سوزی باخمادی چشمهء چشمیم دولی بیر یمدی باجی ✍منکلام:مرحوم استاد حاج سید رضا حسینی تبریزی متخلص به سعدی زمان ✍منکلام:استاد حاج غلام رضا شیعه خلص ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

با سلام واحترام تقدیر و تشکر از سروران گرامی عاشقان و شیفتگان اهل بیت علیه السلام و شعرا و مادحین و ذاکرین و همچنین خواهران زهرائی که ما را در این کانال همراهی می کنند از همه شما سروران محترم و بزرگوار متشکر و سپاسگزارم ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab گیف مذهبی🆔 https://eitaa.com/kgifemazhabi ایتا🆔 https://eitaa.com/hazratehzeynab به جمع ما بپیوندید✅

سلام عرض ادب خدمت دوستان و اعضای محترم کانال رسمی عاشقان حضرت زینب «س» ✅قابل توجه دوستان هر گونه کپی برداری و ارسال مطالب با لینک و یا بدون لینک چه برای کانال چه برای گروه کاملا حلال است چون هدف ما تبلیغ کانال یا افزایش تعداد اعضای کانال نیست هدف ما فقط و فقط رساندن صدای امام حسین (ع)به گوش جهانیان و ایجاد شور حسینی در تمام روزهای سال و بالاخص ایام عزاداری ارباب و استفاده دوستان از مطالب در این ایام است خاک پای عاشقان اباعبدالله الحسین علیه السلام کربلایی محمد ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab جینگ🆔 https://jin.ng/hazratehzynab ایتا🆔 https://eitaa.com/hazratehzeynab به جمع ما بپیوندید✅

🎤نوای دلنشین مرحوم سلطان الذاکرین حاج سلیم موذن زاده اردبیلی ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab جینگ🆔 https://jin.ng/hazratehzynab ایتا🆔 https://eitaa.com/hazratehzeynab به جمع ما بپیوندید✅