مدح حضرت ابوالفضل علیه السلام قویسیدی قدم هر یئره رحمت توکو لردی سیماسی گوزه ل نور حقیقت توکولردی آچسیدی لبین درّ فضیلت توکولردی مژگانینی ووردوقجا جلالت توکولردی   زیبا باخیشینداندا شرافت توکولردی دامانینی سیلکنده شجاعت توکولردی  بو وصفیله انگشتر عشقین قاشیدیر بو  شاه شهدانین اوجا بوی قارداشیدیر بو پروانه صفت شمع وفا اوسته یاناردی طفلیدی حسینین دالسیجا دولاناردی از بسکه ادبلیدی او شهدن اوتاناردی آی مثلی گونون دالداسینا دالدالاناردی هنگام خطر لیک قاباقدا دایاناردی گورسیدی غمین رنگ ملاله بویاناردی دعوا گونی رزمنده ی صاحب هنریدی زهرانین عزیز اوغلونا محکم سپریدی ائیللردی منی عشقی گرفتار ائلیبدی لطفی بو کویر دیلی گلزار ائلیبدی مدح ایلماقا طبعیمی پر بار ائلیبدی غفلت یوخوسوندان اودی بیدار ائلیبدی عشقی نه منی،عالمی بیمار ائلیبدی هر دیلده اولا عشقی یوخی وار ائلیبدی عالم اونا عاشقدی اودا سرور عشقه زهرانین عزیز اوغلی حسین رهبر عشقه قامتده گوزه ل سرو صنوبر سیاقندا صولتده دئمه حمزه وجعفر سیاقندا هیبتده دئمه مالک اشتر سیاقندا الله یارادوب هانسی دلاور سیاقندا فرزند یداللهیدی؛حیدر سیاقندا  دعوا گونی چون فاتح خیبر سیاقندا نه حمزه نه مالک نده جعفردی ابوالفضل مین هنگه علی مثلی برابردی ابوالفضل یار اولدی رسول اللها چوخ مرد فداکار شیر عربی حمزه قوی پنجه لی سردار حیدر کیمی صولتده قوی جعفر طیار حفظ ائتدی خطردن ولی چوخ حیدر کرار بیر لشگریدی حیدره ده مالک اولوب یار یاریدی حسینه فقط عباس علمدار مین حمزه ومین جعفر ومین مالک اشتر اولمازدی حسینه گینه عباس دلاور عاشور بلا گوردی او سردار سرافراز اردوی ولایتده داخی قالمادی سرباز اذن ایستدی دعوایه او جان بر کف وجانباز روحی داریخوب ایستدی تندن اِ ئده  پرواز میدانه اولوب رهسپر اول عاشق ممتاز حیدر ئوپن اللرده گوروندی او گون اعجاز مرکب بئلینه چخدی او فرمانده والا آیریلدی خیمدن دئدی یا حضرت زهرا تلّ اوسته چخوب عرصه ی پیکاره باخیبدی انگشتر همت اودم انگشته تاخیبدی لشگر گهه بیر صاعقه تک تیغی شاخیبدی  نصف ائتدی کیمین باشنه اول تیغی چاخیبدی سر دسته لری فوری صفوفی بوراخیبدی کیم قاچدی قوتاردی قالانین قانی آخیبدی سسلردی من عباسم ایا فرقه ی اشرار وئرمیش منه درس جدلی حیدر کرار شاهین ولایت پر آچیب چونکه شکاره بیر بیر لرینه دگدی پیاده ایله سواره دوشدی قاچاقاچ نقشه لری گلمدی کاره آتدی سپرین چوخلاری اوز قویدی فراره قاچدوقجا چوخی بند زره لر اولی پاره  هر کس یخلور اوز طرفندن یئدی یاره بیر آندا اوتوز مین نفرین قلبینی سیخدی هشتاده یاخین پرچمی بیر حمله ده یخدی ✍منکلام:کربلایی علیرضا عباسی متخلص به احسان تبریزی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

احوالات حضرت ابوالفضل علیه السّلام ای کمال معرفتده مرد صاحب اجتهاد عبد صالح سن ابافاضل ئوزون باب المراد نصف شب زاهد گونوز جانباز میدان جهاد سجده گاهونده ایکی زیبا علامت سنده دی بیر علامت کثرت طول سجودون پینه سی، بیر علامت دشمنون آلنوندا تیر کینه سی، بیر بیره اوخشار سنون آلنون حسینون سینه سی بیله فکر ائتمه که تنها بو جراحت سنده دی بیر اوخ آلنوندا بیری گوزده یالاندور بو خبر عقل اگر اثبات ائده انکار ایدنمز بیر نفر سجده گهدن دگسه اوخ قانی ایله گوزدن گلر بالاخص اولسا سه پر مردانه طاقت سنده دی چوخ فراز زنده گیده سعی بی حد ایلدون، عصر تاسوعا هجوم دشمنی سد ایلدون، گلدی دشمندن امان نامه اونی رد ایلدون مرحبا روحیه شاه ولایت سنده دی بیرده سو اوسته ایله جنگ ائتدون ای فرخنده فر قالمادی دورت مین موکلدن سو اوسته بیر نفر آخ سنه قربان اولوم آخر فرشتیدون مگر سن حسین سیز ایچمدون سو بو صداقت سنده دی ✍منکلام:امین الشعرا استادحاج قدیر جلیل زادگان متخلص به انور اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

شجاعت حضرت ابوالفضل علیه السّلام خیمه سیندن جنگه گلسون بیر ملک سیماچیخوب چهره سی ماه درخشان قامتی رعنا چیخوب قادر الله قامتی قد قامتون معناسیدور بند قلب مرتضادور غیرتین دریاسیدور فارس شجعاندی ، اما نوکر مولاسیدور قلب مولانی سویوندورسون اودور تنها چیخوب دست نقاش ازل رخسارینی زیبا چکوب قامتین سرو دل آرا گوزلرین شهلا چکوب زلف شبرنگین شب یلدالره معنا چکوب شهپر آچمیش قاف عشقی آلماقا عنقاچیخوب گنج عشق و معرفتده ناب اولان الماسیدور سربه سر شور و وفادور معدن احساسیدور مرتضانون با لیاقت اوغلودی عباسیدور هرز علف تک بیچمگه اعدانی بی پروا چیخوب آسمان عشق و تقواده درخشان ماهیدور بنده ی زیبنده ی خلاق گردون جاهیدور مکتب قرب و تولادن چیخوب آگاهیدور وصل یاره چاتماقا دلده بیوک سودا چیخوب قلب میدانه ویروب پرچم رجز انشاد ایدور تلین اوسته بی کمک مولاسینی دلشاد ایدور گه دیور یا فاطمه گه مرتضادن یاد ایدور نهری آلسون دلده یا مولا و یازهرا چیخوب ✍منکلام:کربلایی نوید آسال اردبیلی ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

احوالات حضرت ابوالفضل علیه السّلام ای دردلره درمان یاتما اویان ابالفضل حسینم ناگران یاتما اویان ابالفضل بزم غم قورولدی نهر فراتین اوسته زهرا اولدی گریان یاتما اویان ابالفضل دور باخ گور حسینون ایلور نوا یارالی آغلیور حالووه اهل سما یارالی جناته چکیلدی یکسر قرا یارالی حسین اولدی نواخوان یاتما اویان ابالفضل قوللارون پیکردن اولدی جدا بو چولده اعدادن اکبر تک گوردن جفا بو چولده اولموسان دینووه تشنه فدا بو چولده آغلور حالووه نسوان یاتما اویان ابالفضل آغلارام سسلرم دلده نوا جان قارداش جانووه قیزلاریم اولسونلار قربان قارداش قویما تک حسینی میداندا نالان قارداش اولدون زهرایه مهمان یاتما اویان ابالفضل ای یار و دلداریم دور گلمیوب رقیه تشنه سپهداریم دور گلمیوب رقیه غمزده سرداریم دور گلمیوب رقیه اولما قارداش پریشان یاتما اویان ابالفضل اوچ پر اوخ آلنووا میداندا ویرمیش یاره دور قارداش حسینه مشگلده ایله چاره ال چالور دشمنلر قالدی حسین آواره آغلور سنه شهیدان یاتما اویان ابالفضل گوزلرون قانیلن الوان اولوب عباسیم باخ منه گورمیوم رنگون سولوب عباسیم قلبووه محنت اصغر دولوب عباسیم ایلمه قلبیمی قان یاتما اویان ابالفضل پیکرون میداندا قطعه قطعه دوغراندی جسمووه حسینین باخدوقجا قلبی یاندی دور گیدک خیمیه زینبیم باغری قاندی ایلور قیزلاریم افغان یاتما اویان ابالفضل عالمدی دخیلون سقای کربلاسن نینوا چولونده بیر دُرِّ پُر بهاسن یارالی یاتیبسان گول پیکری یاراسن ای دینه حقّه قربان یاتما اویان ابالفضل ✍منکلام:کربلایی سلامت مهدوی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

رجز علمدار کربلا در مقابل لشکرکوفه من عاشق حسینم ایا لشکرظلام خیرشکن علیدی شه لافتی آتام عباس نامدارم و طومارعشقیده روزازلده ایلمیشم منده ثبت نام عشق حسینیله من آنامدان سود اممیشم ذکرحسینیله منه لایلای دیوب آنام سقا قویوبدی آدیمی سلطان تشنه لب بو فخردور منه زیبنده دوربو نام بیرمشک سو آپارماقا مامورایدوب منی من نوکرم بو نوعیله امرایلیوب آقام مطلوبیدور اطاعت مولا غلامیدن مولا حسینیدور من اونا اولموشام غلام جنگ ایتماقا اجازه یوخومدورامامیدن اما فراتی آلماقا رخصت ویروب امام من حیدراوغلیام آنام ام البنینیدور آلّام فراتی گراولا هرقیمته تمام ال قویموشام گوزاسته حسینین اطاعتین واجب ایدوب عمومه خداوند لاینام من وعده ویرموشم آپارام خیمگاهه سو ایفای عهدیمه نقدروارنفس وارام فتح شریعه جنگیله مشکل دگل منه قصدیم دگل ولیک اله تیغ تیزآلام شرمنده ام بلیمده کی شمشیریدن اوزوم پیکاره بسکه رغبتی واردورعلی الدوّام چوخ مایلم بوگون سیزیله جنگ ایدم ولی بو اختیاری حیف منه ویرمیوب امام صف چکموسوزبو نوعی نظامیله دورموسوز وارقدرتیم نظاموزی بیر حمله ده پوزام بیرجنگ ایدم جهاندا نظیری گورونمیوب شمشیریمی چکوب ایلیم قصد قتل عام بو لشکری قیرام داغودام یول آچام گیدم ابن زیادی ذلتیلن تختیدن سالام وحش و طیور ایچوربو فراتین سویون ولی پیغمبرین اوشاقلارینا ایتموسوزحرام ایمدی گلون اوزوز منه بیر مشک سوویرون مجبورایتمیون الیمه من آلام حسام سیز کوردللره اثرایتمورنصیحتیم شیطان سیزه مسلط اولوب اولموسوز لئام ✍منکلام:مرحوم استاد اشکی تبریزی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

مدح حضرت ابوالفضل عباس علیه السلام ای عالمین صفاسی لبیک یا ابالفضل ای دردلرین دواسی لبیک یا ابالفضل ای نورچشم حیدر لبیک یا ابالفضل سن سن حسینه دلبر لبیک یا ابالفضل زهرایه نور عین سن لبیک یا ابالفضل سن نوکر حسین سن لبیک یا ابالفضل بیز ایستیروک نوانی لبیک یا ابالفضل او دشت کربلانی لبیک یا ابالفضل سن دونمدون یولوندان لبیک یا ابالفضل گئچدون ایکی قولوندان لبیک یا ابالفضل عالم سنه گدادی لبیک یا ابالفضل جانلار سنه فدادی لبیک یا ابالفضل ای جان فدای قران لبیک یا ابالفضل ای ساقی لب عطشان لبیک یا ابالفضل بیز ایستیروک نوانی لبیک یا ابالفضل او دشت کربلانی لبیک یا ابالفضل ای منبع کرامت ای معدن شرافت ای تشنه ی شهادت اسطوره شجاعت سن ماه کربلاسن مهتاب نینواسن غرق غم وبلاسن ئوز دینیوه فداسن سن گئچمیسن ئوزوندن هئچ دونمدون سوزوندن بیر مشگ آبه خاطر گوز یومموسان گوزوندن بیز ایستیروک نوانی لبیک یا ابالفضل او دشت کربلانی لبیک یا ابالفضل یاره دگوب باشیندان آخدی قانی قاشیندان آب فرات ابالفضل شرمنده گوزیاشیندان گلدی حسین نوایه او دشت پربلایه سسلندی جان ابالفضل دوشدون نیه بلایه سن سویلدون حسینجان شرمندیم ئوزوندن باش یاره سی برادر سالدی منی دوزومدن بیز ایستیروک نوانی لبیک یا ابالفضل اودشت پربلانی لبیک یا ابالفضل نوفل دون حسینجان باغلوبدی راه چاره قولسوز گوروب وجودیم ویردی باشیما یاره اگلشدی باشی اوسته آغوشه آلدی مولا حمل ایلیه خیامه آواره قالدی مولا ظلم اهلی ائتدی کینه ضربه ویروبلا دینه داغین سنون ابالفضل نیسگیل ام البنینه بیز ایستیروک نوانی لبیک یا ابالفضل اودشت کربلانی لبیک یا ابالفضل ✍منکلام:کربلایی حیدر صبور زرنقی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

شجاعت حضرت ابوالفضل علیه السلام شاهیمدی حسین افسر والادی ابوالفضل فن ازبری هر جنگیده عنقادی ابوالفضل غیرت لی علمداریله سقادی ابوالفضل وصفین نه دگیم موجیلی دریادی ابوالفضل سردارشرفدور یل هیجادی ابوالفضل نوکردی حسینه بیزه آقادی ابوالفضل هریئرده ابوالفضل آدینامشتریم من چون هرنفس نان ونمک پروریم من هرکیم اوناعاشقدی اونون نوکریم من حق اوسته بو باشدان گئچنم حیدریم من ام البنین احسن بجریبسن بئله اصلان حیدربالاسی پنجهٔ پُر زوریوه قربان عباس نه عباس یوزی ماه درخشان ابرولری پیوسته لبی لعل بدخشان یوزدن یاییری دوروبَره جلوهٔ غفران گویلرده ملائکده قالیب واله وحیران یئرگوی اولاگریوسف زیباو خوش انفاس قربان اولا تک بیر باخیشان حضرت عباس دوش اوسته علم حاضراولوب کرب وبلاده حشره کیمی وارصحبتی بیل کوی وفاده ظُلامه باشین اگیمدی هئچ یوم بلاده بوعلته وار آدی بوگون بزم عزاده بوقاره علم صاحبی بین المللیدی الحق که حسین قارداش عباس علیدی ایلده قورولار طشت عزا واردی بواحساس هر بزم عزایه بورونر عطر گل یاس عشقیله بومطلب اوخونار ازشرف الناس نحراوسته دوشن قولاراقربان اولاخ عباس عشقین اورگه جوشلامیشام شافع محشر جنگ ائتمگه آماده دی بو لشگر حیدر قلبیم آلیشیر دردیله گفتارین ٲلیندن وهابی مُزدورِ جفا کارین ٲلیندن اسلام نما هرزه علف خارین ٲلیندن صبریم جالانور بیر بئله اغیارین ٲلیندن یاحیدری سبز، پرچمیزاوسته یازاروق بیز بیت اله نصب ائتمگه قبروز قازاروق بیز بیرده بئله مکتب بیلون اغیاری بیئنمز بو قاره علم شخص ریا کاری بیئنمز زهرابالاسی فرد ربا خواری بیئنمز اون یدی رکعت باشدان آتان یاری بیئنمز قان ایچره گوروب کیم کیمی تک حال دعاده تاشافع اولا شیعه لره روز جزاده اعلان عزا یعنی عدالتلی گلئنلر اعلان عزایعنی شرافتلی گلئنلر اعلان عزایعنی شجاعتلی گلئنلر اعلان عزایعنی که غیرتلی گلئنلر بودایرهٔ وحدته هرایل گلروخ بیز لبیک ابوالفضلیله کفری اَزروخ بیز ای بادصباسن گذر ائت کرب وبلادن مدح ائت قلمه جنگیده او بدر دوجادن صاق ٲلده زره صولدا اَسن تیغ خدادن میخواره دئین لشگره اونطق قرادن اولحظه دوروب عرصهٔ میدانیده چون داس دشمنلری بیچمخ لیقه آماده دی عباس عباسم ودانشگه عشق ازبریم من سردارم وگنج شرفین گوهریم من استادعلی اکبرم و صفدریم من سقا و علمدارم و عشق لنگریم من غیرتلی سپهدارم حسین نوکریم من آنداولسون حسینون جانینا حیدریم من هاردا دایانیب سسله گله شمر پلیدی یاسسله گنن جیره خوره خاره ولیدی بیرحمله ده محو ائیلرم آماله یزیدی تکبیردئسم سسلئنرهامی بو علیدی گویلرده تانولار نئجه گردون فریم من آنداولسون حسینون جانینا حیدریم من میدانه گلیب مور وملخ گئچدیله سَردن باش گئتدی بدن دوشدی ترابه بو اَسردن قول باشدی بولور سالدی نه طوفانی کسَردن پیکانه بلا،یاتی یاران رَعد کیمی پَردن الله علینون جنگده باخ مظهریم من آنداولسون حسینون جانینا حیدریم من نحری آلارام سو سوزونی ائتموسوز حساس اوچ گون یانیراصغرشرفیز یوخدی نه احساس یوزیوزگلئسیز هرزه علف تک بیچجخ داس زینب دایانیب تلّیده به به دئیر عباس زهرابالاسین آتمارام هئچ قنبریم من آنداولسون حسینون جانینا حیدریم من بوپرچمی من نصب ائدرم نحرفراته مشکیمده سوآماده ائدم اهل بناته کیم دورسا مقابل قاتیشا جمله عداته دوزخده یانار راهی اولونماز کی جناته قول باش وئررم غیضیله جاندان اسرم من بولشگری تک تک ایاق آلتدا اَزَرَم من حیف اولسون اگرٲذنم اولوب سوآپارام من بیررعد کیمی نحره طرف یول تاپارام من عطشان لیقمی باشیله جاندان آتارام من بویولدا وصاله ره حقه چاتارام من ظلامه باش اگیمم نجه غیرتده یمم یم شهزاده علی اصغره گریاندی رقیم بیرحمله ده پوزدی علی اوغلی اوسپاهی نحراوسته علم ووردی گوروب تلیده شاهی اَل دگیدی سووا،قوزانوب عرش اوستونه آهی مشگی دولی اَخیامه طرف اولدی چو راهی یا رب نه دگیم عرصه ده سقا گله دوشدی صاغ قول بولونوب صولدا دوشوب مشگله دوشدی تامشگینی صیدائتدی اوکفار خدنگه آماج بلا سینه سینی چکدی دا تنگه اوز گئتدی او قوم نیزه لره بعضی سی سنگه غیظی له باخاندا آقامیز شمریله هنگه یاصاحب عصر عفو ائله آیا بو نه ایشدی اوخ دگیدی گوزوندن آتون اوستن یئره دوشدی ✍منکلام:کربلایی سید مجتبی موسوی متخلص به نعیم ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

‍ زبانحال امام حسين علیه السلام در بالين خونين حضرت ابوالفضل علیه السلام نهر اوسته باتان قانه - ياندي  جگريم  قارداش (۲) رخساره اخور گوزدن - اشگ بصريم قارداش(۲) دور ياتما ای  منه  سردار ابوالفضل يوخ منه سنكيمی غمخوار ابوالفضل گلديم باشيوون اوسته - تا گلدي سسون قارداش درك ايلديم احوالون - گوز ياشيم اولوب قانياش اچ گوزلريوی قارداش - سرون منه سن قيل فاش دور ياتما ای  منه  سردار ابوالفضل يوخ منه سنكيمی غمخوار ابوالفضل دور اتما منی گوزدن - ای قولسوز علمداريم قويما علمون ياتسون - لب تشنه سپهداريم سن تك كيم اولار قارداش - بو دهريده غمخواريم  دور ياتما ای  منه  سردار ابوالفضل يوخ منه سنكيمی غمخوار ابوالفضل دور تشنه لب اطفاليم - گوزلور يولوی قارداش بولموللر عدو سالميش - ساق و صولوي قارداش محو اولسون او كسلر كی - كسدی يولوي قارداش  دور ياتما ای  منه  سردار ابوالفضل يوخ منه سنكيمی غمخوار ابوالفضل ای مير قارداش - سردار سپاهيم سن قولسوز يارالی يا تما - سن ياور و ياريم سن دور قويما منی يالقيز - چون پشت و پنا هيم سن  دور ياتما ای  منه  سردار ابوالفضل يوخ منه سنكيمی غمخوار ابوالفضل سن سيز يارالی قارداش - بيللم ايشيم افغاندی قلبيم سنون هجرونده - اود دوتدی الو لاندی عطشان حرميم ايندی - اخياميده گرياندی  دور ياتما ای  منه  سردار ابوالفضل يوخ منه سنكيمی غمخوار ابوالفضل قالميش بوتون اواره - پروانه لرون قارداش يانماز اوره گی بيلم - بيگانه لرون قارداش پوزقون دولانور عطشان - دردانه لرون قارداش  دور ياتما ای  منه  سردار ابوالفضل يوخ منه سنكيمی غمخوار ابوالفضل خوش حاليوه عباسيم - عالی هدفه چاتدون اماله اولوب نايل - اما منی اغلاتدون قوللار اوزولوب تندن - القانه باتوب ياتدون  دور ياتما ای  منه  سردار ابوالفضل يوخ منه سنكيمی غمخوار ابوالفضل 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

بحرطویل شجاعت حضرت ابوالفضل علیه السلام چو آت سالدی فرات اوسته علینون غضب اوغلی سالوب ولوله آفاقه او عالی نصب اوغلی امیر عرب اوغلی چکوب تیغ شرر بار دوشوب لرزیه کفار دگوب بیر بیره اشرار چه تیپ و چه علمدار یتوب تا صف اعدایه ابوالفضل وفادار او سرچشمه ایثار آچوب نطق گهربار بویوردی او زمان گوش ائدون ای لشکر خونخوار و جفاکار و ستمکار منم حضرت عباس ،منم حضرت عباس منم صاحب صولت منم شیر شجاعت منم معدن غیرت منم منبع عصمت منم مهر نبوت منم باب کرامت منم کان فصاحت و بلاغت و کرامت منم سایه رحمت منم درّ حقیقت منم ناصر نصرت منم مرد شریعت منم پیر طریقت ایا فرقه خنّاس منم حضرت عباس منم حضرت عباس روادور آخا دریا یانا عترت طاها سولا گلشن زهرا منیم غیرتیم اما قبول ایلمز اصلا اگر سرور بطها وئره رخصت دعوا ائدم محشری برپا سالام لشگره غوغا دولا قانیله صحرا ایا زمره نسناس منم حضرت عباس منم حضرت عباس منم حضرت عباس یتوردی رجزین آخره اول حیدر ثانی چکوب باشه سپر سالدی هراسه او زمان اهل جفانی چکوب غیظیله تیغ دو زبانی ائدوب خیره اونون شعشعه سی چشم زمانی دوتوب لرزه اودم ارض و سمانی هامی دشت و بلانی او تیغین جریانی اونون تیغه سی فولاد مگر دسته سی الماس منم حضرت عباس منم حضرت عباس او شیرین حرکاتی ،مکرر حملاتی ثنا و صلواتی دوتوب دشت و فلاتی دلاورلره مسدود ائلدی راه نجاتی آلوب نهر فراتی سوویندیردی بناتی تاپوب تازه حیاتی دئدی قلبوزی ای قوم دوتوب کینه و وسواس منم حضرت عباس منم حضرت عباس سکینه او زمان وئردی خبر آل عبایه چاغوردی هامی اطفالی ییغوب خیمه سرایه گوتوردی بالاجا اللرینی سمت سمایه دلین آچدی دعایه ائدوب عرض خدایه الهی سن اوزون ایله کملکلیق عموم اول کان وفایه اونا بنده دی الیاس عزیز شرف الناس منم حضرت عباس منم حضرت عباس تماشایه چیخوب گویده ملائک او رشاداته شجاعاته نظر سالدیلا ذکر ائتدیله انّا فتحنا لک فتحا مبینا نظر سالدی چو جبریل ابوالفضلین اوزون قولارینا با دل سوزان دئدی شصتیوه قربان وئریلدی اسداللهه خبر یاعلی گل کرب و بلا دشتینه بیر ایله تماشا ائدیر گور نجه دعوا ویروب بیر بیرینه میمنه نی میسره نی ضیغم هیجا ائدوب مشکی لبالب آتوب چگنینه سقا چیخوب نهردن عباس ائدوب قصد خیامی پراکنده ائدوبدی سپه کوفه و شامی سالوب آت دوشونه گلّه روباه کیمی قوم لئامی ائدوب حکم عمر سعدیله دوردمین اوخ آتان جمله تمامی یاغیش تک او زمان توکدوله پیکان و حسامی اونون حالتی دلگیر ائلیوب خیمه قباقینده امامی یتیشدی او زمان گوردی ،دیور نیزه لر آلتیندا او حسّاس منم حضرت عباس منم حضرت عباس گوروب گورمیه گوزلر دوشوب بیر یانا اللر یاتوب پرچم اسلام گلوب جرأته لشگر دوشوب یئرده او پیکر یاغور نیزه و خنجر بویوردی او زمان إن کَسَر ظهری او سرور نظر ائتگله بو #شاکریوه ای شه محشر یتیش دادیمه شاها قورولان وقتیده مقیاس منم حضرت عباس منم حضرت عباس ✍منکلام:استاد شاکر تبریزی ‍ ‍ 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

مدح قمر منیر بنی هاشم حضرت ابوالفضل العباس علیه السلام ای شیعنون پناهی دنیاده یاابالفضل سسلر سنی محبون امداده یا ابالفظل کیم دویدی باب عشقون ائتدون اونا عنایت دنیاده عشق وغیرت سندن قالیب علامت ماردلری ائدیبسن میداندا سن خجالت هر لحظه جنگ ورزمه آماده یا ابالفضل اهل ولایه مفخر شیر شهیر حیدر میداندا مست جام و صهبای حوض کوثر عشقیله سن یاراتدون کربوبلاده محشر سن درس عشقی ویردون فرهاده یاابالفضل اولدون حسینه حامی تک گوزلدون خیامی سنلن یتیردی باشه شاه عطش قیامی حیدر کیمی ویریبسن دنیایه بو پیامی تعظیم ایلر هنرور استاده یاابالفضل قاموس عشقی یازدون صحراده غیرتوندن قوم جفانی پوزدون مردانه همتوندن ارتوندی شان اسلام عزم و شجاعتدوندن سن تک جهاندا اولماز ازاده یا ابالفضل مشکون سالاندا نهره فریاده گلدی وجدان دنیاده هانسی سقا دریاده قالدی عطشان باخدی سنه ملائک او لحظه مات وحیران سردار پهلوان و افتاده یا ابالفضل عزم ایلدون خیامه سد اولدی قوم کافر سالدون سپاهه وحشت رزمینده مثل حیدر یاغدی هوادن اما جوریله تیر و خنجر باش اگمدون ولی سن فولاده یا ابالفضل صیاد پست دوران سالدی سنی کمنده نه حاله قالدی زینب گول باشیوی ابولنده سیندی بلی حسینون شیر نری اولنه زهراده گلدی اخر فریاده یاابالفضل یازدی #عبادی مدحون عشقون ادیبدی ابراز ازبس چتیندی وصفون فرزانه لر یازانماز چون ایتمیسن جهاندا بیر شاهکارو اعجاز محشرده بومحبون سال یاده یا ابوالفضل ✍منکلام:کربلایی عبادی طارمی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

شجاعت و شهامت سقای کربلا ابوالفضل العباس علیه السلام سردارِ نامدارِ عطشانه عاشقم من دریا ایچینده تشنه سلطانه عاشقم من اُم البنین نگاری قائم مقامِ عاشق دانشگه ادب ده استادِ تامِ عاشق دیوانه لر دیللر عباس امامِ عاشق غیرتده حمزه دن باش اَصلانه عاشقم من الله اگر دوباره عالَم یاراتسا بیرده مین کربلانی از نو گیرم یاراتسا بیرده یوزمین برابرینده علقم یاراتسا بیرده عطشان چیخان مسلّم انسانه عاشقم من بیرق وئروبدی محکم چون ساحل فراته اندیشهء کبیرین گوستردی کائناته وار قدرتی که چکسون سو خیمهء بناته سالارِ مُلکِ کان و ماکانَه عاشقم من سو اوجونا گلَنده روحین محَکده گوردی گریان اولوبدی اصغر عکسین بلَکده گوردی عشقین کُمکده گوردی نفسین کلَکده گوردی سرکوب ائدن او نفسی مردانه عاشقم من اردویِ شاهِ عشقه وِئرمیشدی قول محکم مَشکه توکوبدی سقّا سوغات نابِ علقم نِیزاره یول سالوبدی سُرعت اولا مسلّم تقدیری نقشِ خونین پایانه عاشقم من بیر آن چیخوب کمیندن رَهزن وحوشِ دشمن شمشیر کینه دن قول دوشدی سِپر الیندن دوشدی اوبیرسی قولدا حتی کسَر الیندن دندانه مَشکین آلمیش رِندانه عاشقم من ای داد چاتدی بیراوخ مشکیندن آلدی بوسه ظلمت چکوب نقابِ رُخ شمس و والشّموسه پیکان جفا سو محنت باخ بیر به بیر دروسه عشقین یولیندا اوچ پَر پیکانه عاشقم من ✍منکلام:کربلایی محمد وهابزاده متخلص به عیّار اردبیلی 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی 🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅

حضرت ابوالفضل علیه السلام بنی آدم گرک درس شرف قرآندان اورگنسین سعادت یوللارین مرقومۂ سبحاندان اورگنسین کیم ایستور هم بودنیا هم اودنیا سرفرازالسون گرک ایمان یولون بو مکتب ایماندان اورگنسین رضای حضرت حقی نظرده ساخلاسون هر دم طریق عشقی اون دورت نیّر تاباندان اورگنسین اوتورسا تخت قدرتده بوتون مظلومه یار اولسون خضوعیله خشوعی یوسف کنعاندان اورگنسین امانتده خیانت ائتمسون اولسا اگر مسئوول بو سرّی آیه قرآنداکی برهاندان اورگنسین کسیلسه باشیده حتی فقط دم حقیدن ویرسون شجاعت درسینی قانه باتان سلطاندان اورگنسین حسینه هر نفسده اقتدا ائستون حیاتینده رموز معنویت خسرو خوباندان اورگنسین شرافت ملکیدور ایران مرید شاه عطشاندی گرک حریتی دنیا بیزیم ساماندان اورگنسین بورا مهد شرفدی مرکز ایثار و غیرتدی هامی دنیا گر کدور غیرتی ایراندان اورگنسین گورون ایرانّیلار تک کیمدی عاشق آل طاهایه مسلمانلار طریق معرفت سلماندان اورگنسین بلی ایراندا لطف حضرت خلّاق عالم وار عزا ایامی کوی و برزنینده قاره پرچم وار الا اهل وفا بزم وفا تعطیل اولار الماز یاغاگویدن بلا بزم عزا تعطیل اولار اولماز حسینچی نیلیور باغ بهشت وحور و غلمانی بیزه هیئتدی گلزار صفا تعطیل اولار اولماز ییغیشسا بیر یئره اهل ولا مأیوس اولار دشمن دیون سیز مجمع اهل ولا تعطیل اولار اولماز حرم عشقیله بو دللرده چوخ آه و نوا واردی عزیزان اربعین، کرب و بلا تعطیل اولار اولماز اگر یول باغلیدور یئرده اوچاردل آسمانلاردان مین ایل باغلانسا یوللار بو نوا تعطیل اولار؟ الماز پرآچسون مرغ روحون قوی اوزاقدان مرقد یاره طواف تربت خون خدا تعطیل اولار الماز الون قوی سینیه بیردان دئنن مظلوم آقا لبیک گورر سن اوندا درگاه عطا تعطیل الار؟ اولماز علینون اوغلیدور شاه شهیدان بار عام ایلر گدایه رأفت میرهدی تعطیل اولار الماز حسینون درگهی بازار عشق و معنویتدی مگر بازاریده بیع و شری تعطیل اولاراولماز الا ای حسرت کرب وبلا چوخدا ملول اولما باخورسان دیده گریان یوللارا تعطیل اولار اولماز الون قوی سینیه بوردان حریم عشقه زوّار اول ائله آزاده لیک پیشه اسیر زلف دلدار اول گینه سوز کربلادن دوشدی دللر بیقرار اولدی گینه بو غملی سینه یاندی غمدن پر شرار اولدی نه وار دور کربلا آدینده بیلمم ایها العشاق ائشیتدی کیم بوآدی گاه مست وگه خمار الدی اسنده یئل دولور عطری سراسر سطح دنیایه گورورسن اوندا یاس و یاسمنلر شرمسارالدی اسنده قرمیزی پرچم طلایی گنبد اوستونده گورسن اوندا آثار صلابت آشکار اولدی اوپرچمدندی اسلامون اولوبدور آدی پاینده او پرچمدندی که دین و دیانت پایدار اولدی همان پرچمدی که عباس ویردی القمون اوسته اوپرچمدن ولایت گلشنی دائم بهار اولدی اوپرچم تا اباالفضلین الیندیدی او صحراده رقیه هر باخاندا شوقیلن امّیدوار اولدی همان پرچمدی که زینب آپاردی کوفه و شامه او پرچمدن بنای زهد و غیرت استوار اولدی او پرچم تا یخیلدی تپراقا، دللر دولوب غملن حسینون خیمۂ امیدی بیردن تارومار اولدی او پرچم ساخلیان قوللار بدندن آیریلان ساعت او حاله نوحه گر مخیمده خردیلن کبار اولدی قلم شوره گلوبدور شعر جانسوز بکا یازسون به عشق ساقی عطشان به عشق کربلا یازسون غرض پرچم دوتان اللر بدندن ناگهان دوشدی دگوبدور ساق گوزوندن اوخ قوادن قهرمان دوشدی هله مَشکی دیشیندیدی باشیندا خیمه لری شوری دگوب اوخ مشکینه ناگه نفسدن پهلوان دوشدی او اثناده گلوب نوفل آغیر آهن عمود الده کانّه خط سیریندن زمین دوشدی زمان دوشدی شرفلی باش یارانلاردان بوسوزده اعتذاریم وار دیه بیلسم گوررسوز مجلسه شور وفغان دوشدی عمود آهن اَنیب باش کاسه سی سیندی صدف مثلی یوز اوسته مرکیبیدن ساقی لب تشنگان دوشدی آییردی بیر بیریندن حضرتین پیوندی قاشلارین آخیب قان پرده چکدی جلوه دن مهر عیان دوشدی گوزی گورمزدی اما هر طرفدن سس اوجالمیشدی گل آغوشیمه عباسیم اوره ک درده اینان دوشدی منم قدی کمان زهرا اوتانما گل قوجا قیمه منیم ای وای سسیمدن لرزیه هفت آسمان دوشدی عمود آهنین گر یاندیریب دیلدن سنی سالدی منی مسمار در یاندیردی درده انس و جان دوشدی گوزوندن گرسنون اوخ اوپدی الوان اولدی قانیله منه ثانی ویروب سیلی گوزومه لکه قان دوشدی قوتار#ناعم بوسوزدن سینه اهل ولا یاندی اوخوندی بزم ماتمده جوان یاندی قوجا یاندی ✍منکلام:کربلایی‌ محمدرضا محمدی متخلص به ناعم 🆔کانال رسمی عاشقان حضرت زینب«س»🆔 تلگرام🆔 https://t.me/hazratehzeynab 🆔کانال رسمی عاشقان حضرت زینب«س»🆔 ایتا🆔 https://eitaa.com/hazratehzeynab گیف مذهبی🆔 تلگرام🆔 https://t.me/gifemazhabi گیف مذهبی🆔 ایتا🆔 https://eitaa.com/kgifemazhabi به جمع ما بپیوندید✅