زبانحال حضرت امام حسین (علیه السلام)   من حسینم کیم منیم حقیمده احسان ایلسه مطمئن اولسون اونون حقینده احسان ایلرم درد الیندن دوزدی ئوز قلبیم سئنیب آئینه تک دردمندیم دامنیمدن دوتسا درمان ایلرم   من حسینم کیم منه گوز یاشی توکسه برملا روحینه وئرم صفا قلبینده قالماز ابتلا نامه ی اعمالینه نقش ایلرم مهر ولا مستقیم دعوت یازیب وئرم برات کربلا کربلایه گلسه ئوز سفره مده مهمان ایلرم   من حسینم معنویت وئرمیشم اجلاسیمه عطر جنت حس ائدر عاشق گلنده یاسیمه قول ‌وئرم‌ بوسوزه ‌آند اولسون ‌اوز احساسیمه کیم سرین سو میل ائدنده آغلاسا عباسیمه   آب کوثر پایلانان ساعتده جبران ایلرم   من حسینم   ایلدیم  دارالشفا   درگاهیمی دینه خاطر باده تاپشوردوم جلال و جاهیمی عهدوپیمان اوسته اودّوم هر یانیخلی آهیمی اصغریمدن اوزدوم اَل راضی ائدم آللاهیمی راضی اولسا  آللاهیم  شکر  فراوان  ایلرم   کیم منه عرض ارادتده امیدین باغلاسا تشنه لب اطفالیمه فکر ایلسه دل داغلاسا معرفتلن ظهر عاشورامه  یانسا  آغلا سا طول عمرونده اوزی اوز احترامین ساخلاسا زندگیسینده نه مشکل اولسا آسان ایلرم   من حسینم عهد یمه قویدوم وفا سرمایه سی کربلا صحراسینه سالدیم فتحنا سایه سی نهضتیمین قانیلن‌مستحکم اولدی پایه‌سی کوینگیمده اوز آنام یازمیشدی قرآن آیه‌سی اکبریم مین اولسادا قرآنه قربان ایلرم   عالم امکان آرا سالدیم بلا هنگامه می قانلی افسر ایلیم پیغمبری عمامه می مقتلیمده دشمنیم غارت آپاردی جامه می نسل آینده مرور ائتسین وصیت نامه می هر  زمان هیهات من ذله عنوان ایلرم https://eitaa.com/kobradsg

جان به قربان حُسینی که زمکه رفت تا عیـــد قربان خودش را کربـــلا برپا کند #وفدیناه_بذبح_عظیم🥀

اوکه اورکتدی محبت منه یادان چیخماز او که آلدی باشیمی دامنه یادان چیخماز اوکه گوزدن سوئریب گلشنه یادان چیخماز او که جان وقف الیبدور سنه یادا ن چیخماز ئو زگه یا دّان چیخار اما نَنه یادّان چیخماز ----------- بو ینو موزدا نه نه نین حقی وار الله بو یورور اوزی آج قالسادادلیندینی صوددن دویو رور سن یخیلسان یئره او با شینه تو پراق سوورور دو داقین سن که بو زورسن او داقین قوورور بالادردیله گلر شیو نه یادّان چیخماز ---------- باشلاراوسته علم عاطفه گستر نه نه دی او که گو ز یا شیله سالدی سنه بستر نه نه دی مظطر او سان داریخوب حالتی مضطر نه نه دی او که او لادینی جان مثلی چو خ ایستر نه نه دی نه نه مالکدی بو جان و تنه یادّان چیخماز -------------- گو زله فرهنگ فرنگی لره آللانمو یاسان ائو لنندن سورا حقین نه نه وون دانمو یاسان تیزسینار قلبی اونو ن گوزله آجیقلانمویا سان حالینا یان که جهنم او تو نا یا نو یا سان سنی غمدن او چکو ب ایمنه یادّان چیخماز ---------- کعبه نی قبله بو لن معتکف دیراولماز سیر ایله عالم اخلاصی بئله سیراو لماز کیمه حق دم وئر ه محتاج دم غیراو لماز نَنه یه اوف دئیه نین عاقبتی خیر او لماز نَنه محرمدی حق ذو المنه یادّا ن چیخماز ------------- ای حسینچی سنه درس اور گئدیب الله رسو ل والدینین الین اوپ فیض کمال ایله حصول ننه نین گو گلونی آ ل ایلمه راءیندن عدول قو ی اور کدن سنه بیر دفعه دئسو ن احسن او غو ل ذکر اول احسنی مین احسنه یادّان چیخماز -------------- ننه نعمتدی مبادا اونی گو زدن آتاسان قو جالاندا الینی دوت که مراده چاتاسان شیعه لیق غیرتی قویماز بوگناهه با تا سان سالمندانه آتورسان گجه راحت یا تاسان ایتمه تبدیل او رگون آهنه یادان چیخماز https://eitaa.com/kobradsg

گلدی قوربان حاجیلار هامّیسی حیوان کسه جاق ئوز حیاطیندا چوخی قوچ قوزو قربان کسه جاق بو خلیل عهدینه پابند اولاجاق حجّه گیدن حقّه لبیک دیَن آدی مسلمان کسه جاق زمزمی نوش ایلیین مروه صفانی دولانان حاجی سلمان کسه جاق حاجی سلیمان کسه جاق کاسیب اما یاناجاخ اود توتاجاق تا گوره جاق دوره سین عائله سی دیده سی گریان کسه جاق هرکسین واردی گوجو یوخسولا احسان ایلسین کی قیامتده قصوراتینی یزدان کسه جاق اولاجاق بیزده صفائیله مقاماتی گزاخ امر خالقدن اوتور بیر قوچو شیران کسه جاق؟ https://eitaa.com/kobradsg

آرزوی کربلا آرزوی کربلا (سبک : ای درد بی درمانلارا) یا رب سنی ویرّوک قسم سلطان دینه ایله حسین عاشقلرین زوّار حسینه یا رب او باغلو یوللاری ایله گشاده واردور شفای دردیمز خاک شفاده دنیا و عقبا عزّتی وار کربلاده ویرمش حسین عزّت او زیبا سرزمینه قسمت ایله یا رب دوراق بالای سرده ناله ایدک پیش ضریح جلوه گرده بیر جلوۀ دیگر گورک هر بیر نظرده غملو رواقینده ووراق زنجیر و سینه موسای عشقوک عاشق طور حسینوک پروانۀ جانباز و پر شور حسینوک مشتاق شمع قبر پر نور حسینوک یا رب یتور عاشقلری نور مبینه قسمت ایله بیزده ویراق هاله خدایا قان آغلیاق اول قانلو گوداله خدایا چوخ ایستروک بیزده ایدک ناله خدایا اول یرده که چوخ ایتدی ناله سکینه قویما یاناق بو محنت و اندوه و غمله اوتدان کناره چک بیزی دست کرمله وئرّوک قسم اول پادشاهی که ستمله اوت ویردی یاندوردی خیامین قوم کینه ای فیض لطفون مرهم دلهای مجروح ایله او باغلو یوللاری لطفیله مفتوح اولموش حسینسیز جسممیز بیر جسم بی روح بیز عاشقوک یا رب او شاه بی معینه أنت الغفور انت الرحیم انت الحمیدُ انت السّخی انت الجواد انت المجیدُ انت القوى انت الغنی انت الوحیدُ آچ کربلانون یولارین بو اربعینه (( ناصر )) اولوب بو درگهه سائل خدایا ایله اونی مطلوبینه نایل خدایا بیز کربلایه اولموشوق مایل خدایا زاهد اگر مایلدی جنّات برینه *** مرحوم جلیل ناصر اردبیلی https://eitaa.com/kobradsg

سبک : ای گل مینای من ....   قبلۀ اهل ولا *  تربتی خاک شفا عاشقانون ایستوری *  وئر برات کربلا عارفانون رهبری دین و قرآن یاوری نور چشم مصطفی سن یا حسین مظلوم شافع روز جزا سن یا حسین مظلوم مظلوم   ..... مظلوم..... خامس آل عبا * یادگار مرتضی  آستانه یوز قویاخ * ایستوروخ بیز کربلا توتیا خاک رهون هم غبار درگهون توپراقون درده دوادی یاحسین مظلوم  دیدگانه  تو تیادی یاحسین مظلوم مظلوم ... مظلوم.... یاحسین بیزعا شقوخ  * عاشقان صادقوخ   آندولا حق  قا نیوه   * وصلیوه چوخ شایقوخ ای گوزللردن گوزل جلوۀ صبح  ازل عاشقانه ایت عنایت یا حسین مظلوم کربلایه  ایله دعوت یا حسین مظلوم https://eitaa.com/kobradsg

نوحه زنجیر زنی آقا ابوالفضل عباس( ع) 😭😭😭 ای ساقی دشت بلا یا ابوفاضل آب آور کرب وبلا یا ابوفاضل عباس من عباس من یا ابوفاضل افتاده ای روی زمین ساقی عطشان بردست توبوسه زنم پاره قرآن عباس من عباس من یا ابوفاضل در موج خون بنشسته با وفا عباس پشت حسین بشکسته ای با وفا عباس عباس من عباس من یا ابوفاضل دوست دارم بشم کفتر بومت یا ابوفاضل منو ببر بین الحرمین یا ابوفاضل عباس من عباس من یا ابوفاضل 🌴🌴🌴 https://eitaa.com/kobradsg

ای  فاطمه نین  سویگلی  ریحانی  سورونمه مقتل ده قوم  اوسته   بئله  ویلانی  سورونمه ایستی گونون  آلتیندا ئوزون یورما حسین جان سن بول ننه مون تئز قوجالان جانی سورونمه اوخ   نیزه لرین   اوسته    بئله    اتمه    تقلا تپراقه   آخور   پیکریوون   قانی    سورونمه قرآنی   دیریدی   بوغازینان   آخان   اول  قان ای  دین   حنیفین   قوزی   قربانی   سورونمه قانیله   دولان   گوزلرین  اچ   زینبه   بیر  باخ  اولسون  بو  جانیم   جانیوه  قربانی  سورونمه جسمون باشاباش یاره دی  دوره ن دولی داشدی ساغدان  صولا چوخ دونمه بو میدانی سورونمه https://eitaa.com/kobradsg

‍ مدح حضرت علی علیه السلام ‍ آینه یار علیدور علی،قبله احرار علیدور علی عشقه خریدار علیدور علی، فاتح پیکار علیدور علی حیدر کرار علیدور علی شمس حقیقت قمره عرشه خو پاک نفس پاک صفت پاک خو شاه عرب اهل ادب راست گو عشق علمین سندرا بولمز عدو چونکه علمدار علیدور علی آینه دور حضرت دادارینه یوسف اولوب مشتری بازارینه عشق گونار قوش کیمی دیوارینه هک اولونوب کعبه نین آستارینه کعبه سیار علــــــــیدور علــــــــی ای بشر اوت ورما دل اقدسه ساتما شقایلری خار وخسه قویما عقابین آدنی کرکسه سرورو سالاردیمه ناکسه سرورو سالار علیدور علی عارف اولان شخص شرفدن دییر اینینه احرام شهادت گییر معرفتین دوز چوریینن ییر میثم و طمار کیمین سسلییر حقه طرفدار علیدور علی حضرت احمد او رسول کبیر امتینه سویلدی روز غدیر بعد من اسلامه علیدور امیر فکریز اگر وار آتاسیز خسمه تیر ایندی کماندار علیدور علی کیمدی علی مفخر آل خلیل کیمدی علی دولت عشق کبیر گوزلری زمزمدی ولی سلسبیل ئوز قانادی اوسته یازوب جبرائیل محرم اسرار علیــــــدور علـــــــی #حضرت_علی #ترکی https://eitaa.com/kobradsg

‍ بسم الله الرحمن الرحیم سرود غدیریه 🌹🍀🌹🍀🌼🍀🌻🍀🌼🍀🌹🌿🌹🌿 شادلیق ایلیون شیعه لر موسَمِ ، غدیریدی سس قوشون دیون عالمه تک علی ، امیریدی مقتدای شیعیاندی مولامیز علی تک امیر مومناندی مولامیز علی مولا علی ، مدد مدد ، مولا علی ۲ مخالف 👇👇👇👇👇 فخرِ اولیا           نورِ کبریا شیعه لر اولا        آدیوه فدا دیون بوگون با نوایِ جلی جهانه رهبردی مولا علی یا علی جان یا علی جانم۲ موسم غدیرده چاتوب شیعه لر ، سعادته چون بوگون چاتیب رهبریمیز علی ، ولایته شاد اولوب بوگونده قلبِ دختِ مصطفا مصطفا دیوبدی نایبیمدی مرتضا مولا علی ، مدد مدد ، مولا علی۲ مخالف 👇👇👇 عشقیلن بوگون      سسله یا علی تا الیوی دوت+سون آقا علی دوز عاشقین صاحب جاه ائدر گدای درگاهینی شاه ائدر یا علی جان یا علی جانم۲ 🌹🍀🌹🍀🌻🌿🌹🍀🌻🌹🌼🍀🌹🌿 التماس دعا https://eitaa.com/kobradsg 👇

اوخشاما از زبان حضرت صغرا(س)به حضرت علی اکبر(ع) غریبلیگون چتین اولور آخشامی آخشاملار جالانور صبریمین جامی تاری بولور نه چکمیشم بایرامی عزیز گوندور دیدیم اورک دینجلر اکبریمنن منه بایراملخ گلر سالدون ولی سنده منی نظردن نه ئوزون نه نامه ن گلدی سفردن دالی قالدیم او گوردوگوم گونلردن غم آفتی وروب سارالدیم سولدوم ایراق اولسون منده قارداشسیز اولدوم آغلار منه داغ داشلار ای... گدیب باجی قارداشلار ای... بولمم هاچان الهی اکبر گلیب طوی باشلار (علی سن گدنن اله طوی اتاقوی تمیزلیرم سیلیرم سوپورورم آخی باجنین آرزوسیدی قارداش طویون گوره) هجرونده آغلارام من جهانی داغلارام من بوش قالان اتاقوین قاپوسون آی... هی آچوب باغلارام من https://eitaa.com/kobradsg

راه شام زبانحال حضرت رقیه سلام الله علیها کوفیان گور نجه یاندردی منی ناقه دن یخدی اوتاندیردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم ✍استاد سیفی اردبیلی #راه_شام #رقیه https://eitaa.com/kobradsg

آمدن مرد عرب به آستان مقدس باب الحوائج، حضرت ابوالفضل العباس(ع) مرحوم انور اردبیلی بخش 2️⃣ ئوزونی فضّه یتوردی قاپیا فوری اودم دئدی کیمسن نه سوزون وار دئدی من بیر عربم بو ائوین صاحبینی یولّا سؤزوم وار دییرم دئدی ائو صاحبینی گوزلمه دئ حاجتوی من کنیزم یتوروم ائوده سنون صحبتوی دئدی بو صاحب خانه شرف اهل سخا هر ایلین خرجینی ایلده منه ایلوردی عطا کچن ایل عذریم اولوب گلممیشم بو قاپیا گلمیشم ایندی امیدیله او ارزنده صفات لطف ائدوب خرج دوساله ائده حقّیمده برات فضه بیر سؤز دئمدی گلدی ائوه اشک فشان گوردی مبهوت هامونی وار نه دئنن نه دانیشان آناسی آلدی خبر اوغلومی کیمدور سوروشان باشینی سالدی اشاقه سؤزی کشف ایلمدی آغلاماق مانع اولوب مطلبی روشن دئمدی گینه تکرار ائدوب اوّل که سؤزی ام بنین فضه گوردی دئمسه ایلیجک داد و انین بیر عربدور دئدی آغلاتدی منی گورمک همین منتظردور آقام عباس ائده حقّینده کرم سالاجاق سوز یولا ایندی نجه؟من بیلمیورم دئدی فضه بو قدر آغلاما یاندیرما منی پوزما اشک تریله بو پوزولان انجمنی قویماروق خوار اولا عباسون آدیلان گلنی دئمروک بیز ئولوب عباس اونا شرمنده اولا سائلی اهل کرم لر سالار عزّتله یولا ائشیدنلر بو سؤزی ناله سینی ائتدی بلند دئدیلر ایلروک عباس قوناقین خرسند بیری گوشواره وئروبدی بیریسی بازوبند فوری بیر قدری فراهم اولوب اشیا طلا دئدیلر فضه آپار وئر عربی ایله رضا دئسه گر آزدی صله معذرت ایسته یولا سال عربه فضه او اشیانی یتوردی فی الحال آلدی باخدی دالی قیتردی بئله ائتدی مقال تحفوز ارزنده دی آز چوخلوقونون یوخدی سؤزی صاحب خانیه وئر قوی منه لطف ائتسون ئوزی ائله فکر ایلمیون تحفه دی منظور و نظر خانه صاحب قاپیا گلمسه الساعه اگر سیزدن هیهات آلام من صله وئرسوز نقدر مفتخر ائتسه منی درک ائلسم محضرینی وئردیگین فخریله آلّام ئوپرم اللرینی عربون مطلبینی فضه آلوبدور نظره الده اشیای طلا منزله گلدی خبره دئدی جریانی خانملار یغیشوب پشت دره دئدیلر کیمدی بو ائو صاحبی ای پاک روان یا نشانین دئ، و یا که آدینی ایله بیان دئدی آدین منه بیلدیرمیوب اول مرد خدا بویوروب بخشش و انفاق گرک گیزلین اولا ولی بیر شخص مشخّصدی او فرخنده لقا جالب اخلاقی گوزل صورتی خوش صحبتی وار هم اوزون قوللاری واردی هم اوجا قامتی وار عربون گتدی سؤزی امّ بنینه هیجان سیخیلوب روحی اوغول وای دئدی بیردن اوجادان یوزونی دوتدی صورا زینبینه قیلدی بیان سن علاج ایله منیم که اورگیم یاندی بالا سال یولا بو عربی تئز، قاپودا قویما قالا دئدی زینب بو ائوین صاحبینون وار محنی گوره بیلمزسن اونی نه او گورر بیرده سنی یثربی ترک ائلیوب کرب و بلادی وطنی خوشلیوبدور او یری ئوز وطنین گوزدن آتوب او اوجا قامتیله بیر بالاجا یرده یاتوب التماس دعا https://eitaa.com/kobradsg

شیعه‌لرین حضرت زهراسی وار عالمین الله تعالاسی وار قرآنین آیات تولّاسی وار سورۀ یاسین‌له طاهاسی وار حضرت حیدر کیمی مولاسی وار فاطمه‌نین رتبۀ اعلاسی وار هانسی ائلین امّ‌ابیهاسی وار شیعه‌لرین حضرت زهراسی وار خلق اولوب عالمدن ازل فاطمه مفخر اوتاد مِلَل فاطمه دفتر خلقتده غزل فاطمه برج فضیلتده زُحَل فاطمه طور جلالتده تَجلّی‌سی وار هانسی ائلین امّ‌ابیهاسی وار شیعه‌لرین حضرت زهراسی وار لوح شرفده آدی اَوّلده‌دی منزلتی شرح مُفَصّلده‌دی مدحتی دیوان مُجَلّلده‌دی شأن و کمالاتیده اَکملده‌دی فاطمه‌نین شأن تعالاسی وار هانسی ایلین امّ‌ابیهاسی وار شیعه‌لرین حضرت زهراسی وار فاطمه‌دی رشتۀ حَبل‌المتین مادر گیتی دوغا مثلین چتین فاطمه تاج سریدی عترتین آیۀ تطهیر تانور عصمتین فاطمه، معصومه‌دی تقواسی وار هانسی ائلین امّ‌ابیهاسی وار شیعه‌لرین حضرت زهراسی وار فاطمه یعنی شرفه مقتدا محضرینه غیرت ائدر اقتدا فاطمه سرلوحۀ صدق و صفا فاطمه سرچشمۀ حجب و حیا پاک آدینین گور نئچه معناسی وار هانسی ائلین امّ‌ابیهاسی وار شیعه‌لرین حضرت زهراسی وار خلق جهان حشره که یکجا گلیر سس دوشه‌جاق حضرت زهرا گلیر یول وئرون انسیّۀ حورا گلیر محشره صدّیقۀ کبری گلیر گلمگینین اوندا تماشاسی وار هانسی ائلین امّ‌ابیهاسی وار شیعه‌لرین حضرت زهراسی وار فاطمه‌نین یوخ تای افلاکیده مدح ائدیب الله اونی لولاکیده یوخدی توان درکینه ادراکیده عشقی هویدادی دل پاکیده عرش مُعَلّاده‌ده شیداسی وار هانسی ائلین امّ‌ابیهاسی وار  شیعه‌لرین حضرت زهراسی وار فاطمه صدّیقۀ والامقام فاطمه پروردۀ خیرالانام مظهر اِکرام حق ذوالکرام مادر باعصمت اون بیر امام مریمه باخ گور نئچه عیساسی وار هانسی ائلین امّ‌ابیهاسی وار شیعه‌لرین حضرت زهراسی وار فاطمه بانوی پیمبر منش مکتب غیرتده تاپوب پرورش وقری دلِ کُفره سالاردی تپش وئردی قیزی عصمتینی گسترش فاطمه‌نین زینب کبراسی وار هانسی ائلین امّ‌ابیهاسی وار شیعه‌لرین حضرت زهراسی وار فاطمه کیمدی ایکی دنیا عزیز درگهینه هاجر و سارا کنیز شافعۀ محکمۀ رستخیز عمر ائدیب اون سکیز ئیلی اشک ریز چرخ زماندان ائله شکواسی وار هانسی ائلین امّ‌ابیهاسی وار شیعه‌لرین حضرت زهراسی وار غصب اولونوب ظلمیله باغ فدک کوچه‌ده قالموشدی خانم بی‌کمک سولدی یوزی آغلادی فوج ملک دلده علی سسلدی (کُنّا مَعَک) غیرتین ایثاره تَسلّاسی وار هانسی ائلین امّ‌ابیهاسی وار شیعه‌لرین حضرت زهراسی وار گلدی ولا درگهینه اشقیا اگلشیب ائوده شه قُل اِنّما ووردیلار اوت یاندی درِ کبریا ظلمین عیان ایلدی قوم جفا بنده‌نین اللهیله دعواسی وار هانسی ائلین ام ابیهاسی وار شیعه‌لرین حضرت زهراسی وار باب همایونیدی دارالشرف اوردا ملائک دایانوب صف به صف یاندی قاپی محسنی اولدی تلف گلدی تَسَلّی خانیما لاتَخَف قوخما خانیم صبریوین اعطاسی وار هانسی ائلین ام ابیهاسی وار شیعه‌لرین حضرت زهراسی وار باخدی خانم همسر والاسینه اشکی آخوب آهیله سیماسینه سالدی عباسین قدِ رعناسینه گلدی پیمبر، قیزینین یاسینه گوردی علی‌نین عجب احساسی وار هانسی ائلین ام ابیهاسی وار شیعه‌لرین حضرت زهراسی وار منظره تأثیر ائلدی حیدره وئردی تکان خیبر آچان اللره ثانی لامذهبی یخدی یئره قویمادی حکمت ال آتا خنجره صبریده ایّوبدن امضاسی وار هانسی ائلین ام ابیهاسی وار شیعه‌لرین حضرت زهراسی وار هم نفس شیر خدا فاطمه مادر شاه شهدا فاطمه عمریده چوخ گوردی بلا فاطمه آغلادی چوخ ائتدی نوا فاطمه بیت‌الحزن آدلی مُصَلّاسی وار هانسی ائلین امّ‌ابیهاسی وار شعیه‌لرین حضرت زهراسی وار سون نفسینده او حیا معدنی سویلدی مولایه حلال ائت منی تک قویورام غملی گونونده سنی ترک ائدیرم من بو گوزل گلشنی گللریمین محنت عظماسی وار هانسی ائلین ام ابیهاسی وار شیعه‌لرین حضرت زهراسی وار   باخسا خانم لطفیله «فرهادیه» دفتره اشکیله یازار مرثیه قویماز اونی غصه یئیه غم یئیه وار نقدر عمری حسین وای دئیه طبع رسا منطق شیواسی وار هانسی ائلین امّ‌ابیهاسی وار شیعه‌لرین حضرت زهراسی وار فرهاد مراغه ای https://eitaa.com/kobradsg

عید قربان گریز به شهادت حضرت علی اکبر(ع) علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا https://eitaa.com/kobradsg

توسل به حضرت ولیعصر علیه السلام با آهنگ هر کسی کسی دارد شاه اولیا مهدی زینت سما مهدی شهریار ملک عشق در پر بها مهدی صاحب الزمان مولا شاه انس و جان مولا 2بار شأن رتبه ده والا پور مرتضی مولا پادشاه بی همتا یوسف خانم زهرا هاشمیلرین ماهی فضلیده اولان دریا مرتضایه دردانه دردلره دوا مهدی صاحب الزمان مولا شاه انس و جان مولا. 2بار مخزن کرامتدی. حامی عدالتدی منبع سخاوتدی یاور ولایتدی کنز حقیده گوهر. بابی باب جنتدی پور حیدر کرار صاحب عطا مهدی صاحب الزمان مولا شاه انس و جان مولا 2بار نرجسین گل یاسی واردی دیلده احساسی چوخ گوزلدی سیماسی بیرده گلمز همتاسی یوسف حسنونه حیران وار بونون تماشاسی وارث پیمبردی معدن وفا مهدی صاحب الزمان مولا شاه انس و جان مولا 2بار عرش و فرشه زینتدی _ مایه ی شفاعتدی خلقته بو علتدی آدی کان غیرتدی شیعیانه مولادی. مشعل ولایتدی کائناته سروردی فخر انبیا مهدی صاحب الزمان مولا شاه انس و جان مولا 2بار نور چشم زهرادی شآنیده بو والادی بو وصی طاهادی به نجه بو زیبادی حک اولوب اورکلرده شیعه لر بونون آدی جدی احمده بنزر نور کبریا مهدی صاحب الزمان مولا شاه انس و جان مولا 2بار حسنونه دیمم آی من آی قالوب بونا حیران گون دیسم اگر گون تک عالمه اولوب تابان عالمینه رهبردی جان اولا اونا قربان یوخ نظیری دنیاده. حجت خدا مهدی صاحب الزمان مولا شاه انس و جان مولا 2بار میوه ی دل زهرا هارداسان ظهور ایله شیعه نی سویوندور سن عالمی چو نور ایله ای پناه مظلومان گل بلانی دور ایله ایلور ایندی عالمده. شیعه لر نوا مهدی صاحب الزمان مولا شاه انس و جان مولا 2بار یئر گویو ایشقلاندیر نوریوی عیان ایله حق سوزون گل عالمده امته بیان ایله ظلم ریشه سین یاندیر عالمی جنان ایله گللره گولوستاندا ویر ئوزون صفا مهدی صاحب الزمان مولا شاه انس و جان مولا 2بار صاحب الزمان گلسن گولستان اولار عالم شیعه افتخار ایلر فخر ایدر سنه خاتم دست حقیله ووران ظلم ریشه سین برهم عدل و داد اولار حاکم _ دل تاپار جلا مهدی صاحب الزمان مولا شاه انس و جان مولا https://eitaa.com/kobradsg

ا مهدی عج یامهدی یازوب آدیوی قویام گوزوم اوسته سندیرمارام اوز عهدیمی دورام سوزوم اوسته توفیقم اولا گلمگوی درک ایلسم من پیشوازه سورونم آقا منده اوزوم اوسته

. مرحوم صحاف تبریزی . دولدوروب جهانی وای حسین نواسی اللری باشندا سسلنور آناسی نور هر دوعینم وای بیکفن حسینیم وای جان عزیز زهرا (2) . . گلمیوم نجه من دلدن آه و زارم ویرمیوم اجازه چشم اشکباره قویدیلار بالامی بیکفن مزاره نور هر دو عینم وای بیکفن حسینیم وای جان عزیز زهرا . . جبرئیل دیردی بو حسینه لای لای دوغرادی وجودین اهل کینه بو آی ورد و ذکریم اولدی وای حسینیم ای وای نور هر … . . اوغلومین دولانام مجلس عزاسین آچمارام باشیمدان حشره تک قراسین اللریم اورکده باشلارام نواسین نور هر … . . هر او یرده گورسم واردی قاره پرچم شیعه لر قوروبلار اوردا بزم ماتم منده باشدا قاره سسلرم دمادم نور هر … . . هر عزایه گلم سینه داغلارام من عارضه سرشگ چشمی باغلارام من اوخشارام دویونجا اوردا آغلارام من نور هر … . . اوغلومی چاغوردی اهل کوفه مهمان قویدی میزبانلار میهمانین عطشان ویردی سو یانندا ظلمیله بالام جان نور هر … . . گیتدی جدی گیتدیم منده کربلایه التماس ایدم تا شمر بی حیایه باشی استه گلدیم نی کیمی نوایه نور هر … . . گلدی خیمه لردن زینبیم او ساعت قارداشین گورنده توکدی اشگ حسرت بیر باجی گتورمز بیله حاله طاقت نور هر … . . زینبیم توتاندا شمر خنجریندن قاتلین یاپوشدوم منده اللریندن ایتمدی او ظالم شرم خواهریندن نور هر … . . قویدی بو کشاکش ماسوانی حیران دوشدی عصمت الله معجری باشندان شمر الینده زینب اولدی قانه غلطان نور هر … . . بیر یره یتیشدی ایش او کشمکشدن ضعفدیدی اوغلوم شدّت عطشدن اچدی گوز حسینیم گلدی حاله غشدن نور هر … . . گوردی باجی سندا قارداشی اوحالی سیل تک عذاره آخدی اشک آلی ائیلدیم مکرذ من ده بو مقالی نور هر … . . سسلدی باجی گئت قتلگهده دورما غم بساطین ایندی باشیم استه قورما گل بو دللریله داده باشه ورما نور هر … . . وار آنام یانمدا باجی سینه داغلار قاره معجریله گوزلریمی باغلار آغلادور جهانی بیله اوخشار آغلار نور هر … . . سوز دایاندی صحاف ایله بیر مقاله دوتدی اود صحیفه یاندی الده خامه فاطمه دلنجه ویر سوزون تمامه نور هر … https://eitaa.com/kobradsg