سو اوسته قانون آخوب یرده سو به سو قارداش 🏴💫▪️🌿🏴💫▪️🌿 #زبانحال امام حسین علیه السلام در بالین برادر . مرحوم نجمی تبریزی . سو اوسته قانون آخوب یرده سو به سو قارداش گوزوم یاشی کیمی قانه دونیدی سو قارداش . فرات اوتانموری قانون آخوب گینه آخوری سولاردا قویمادی دنیاده آبرو قارداش . گل جمالوا قان شبنمی ویروبدی صفا هانی سنون کیمی بیر گلده رنگ و بو قارداش؟ . ورق ورق داغیلان پیکرون حکایت ایدر سو اوسته ایلمیسن سعی مو به مو قارداش . بلاد عشق و محبّتده بیر مجاهد عشق سنون کیمی دولانوب هاردا کو به کو قارداش . باشونداکی بو یارا خشک بند اولا هیهات سو ساخلاماز سینا گر کاسه و صبو قارداش . الون اولیدی گر ال سنه تاپاردی مگر بو قانلی معرکده قوم کینه جو قارداش . ایکی کسیک الیله بیر تیمّم ایلمیسن او بیر تیمّمه غبطه ایدر وضو قارداش . ستاره تک بدنونده یارا شماره سی یوخ ووروب نقدری یارا جسموه عدو قارداش؟ . قلج یاراسینا نوک خدنگ اصابت ایدوب سپور کنارینه قان زخم تو به تو قارداش . گوزون فداسی گوزون آچ نه خواب نازیدی بو؟ تراب تیره نی فرض ایتمه پر قو قارداش . سو صحبتی دله بیرده گتورمز اطفالیم کسیلدی خیمه لر ایچره بو گفتگو قارداش . اولاردی سرو سرافکنده شرمگین شمشاد چمنده سنله اولان دمده روبرو قارداش . دانشمیسان نیه ای مرتضی عزیزی مگر دولوبدی قانیله توپراقیله گلو قارداش؟ . چوخ آرزو ایدرم بیرده سسون ایشیدم دانیش که قالمیه دلده بو آرزو قارداش . سنیله الفت دیرینه وار نجه دایانوم یارالی جان ویروسن تشنه نیکخو قارداش . گل وصالی ایله نوک خار هجرانون یاروب اولا او یاره چوخ چتین رفو قارداش . گلنده دوشدی یولوم قولّارون دوشن یولدان سرشگیم ایلدی رخساری شستشو قارداش . خیام طاهرده شور حشر اولوب پیدا عیالیمه دور ایداخ چاره جستجو قارداش . داخی قرانلوق اولار آل هاشمین چرخی دوتولدون آی کیمی قانیله ماهرو قارداش . دوشنده آتدان اولون اولمادی اولا حایل که اوخلار اولمیه گل جسموه فرو قارداش . سکینه فاطمه نازلی رقیه مخیمده تکوبله گوز یولا دلده عمو عمو قارداش . سو جامی الده نوا دلده گوزلری یولدا آخار سرشگلری یوزده مثل سو قارداش . نجه بو محنت عظماده آغلاماز «نجمی» که خون فرقون آخوب یرده سو به سو قارداش

تشنه لب بهر حقیقت آبرو باید گرفت ✨▪️✨▪️✨▪️✨▪️ #فداکاری حضرت امام حسین علیه السلام . مرحوم هادی تبریزی . تشنه لب بهر حقیقت آبرو باید گرفت در دیار نینوا از خون وضو باید گرفت . از رقیبان هر خدنگی میرسد از بهر دوست مقدمش را محترم چون آبرو باید گرفت . تیر اگر نمرود ثانی سوی معشوق افکند ماهی تشنه به تیرش روبرو باید گرفت . از مساجد دیگران زینت بگیرند عاشقان در تنور و در کلیسا رنگ و رو باید گرفت . اهرمن مأیوس گر گردد به محراب وفا درکف انگشتر بدو ، بی گفتگو باید گرفت . بیند عاشق جلوۀ معشوق اگر در شش جهت شش جهت رفته سراغش کوبکو باید گرفت . سر دهد پیکر دهد انگشت و انگشتر دهد تا بفهماند هجوم زشتخو باید گرفت . لب گشاید با کلام حق بلی اندر جهان با کلام حق کلام بذله گو باید گرفت . نهضتی بر پا نماید خواهرش در شام شوم انتقام کربلا را از عدو باید گرفت . افکند زلف سیه بر روی همچون ماه خود پیش نامحرم زنان را چشم و رو باید گرفت . دست زن «هادی» به دامان همان سیمینه رو هر کسی را در جهان دامان او باید گرفت

گر بابا هجران سنی بو چولده بیتاب ایلدی #اکبریه 🏴💫▪️🏴💫▪️🏴💫▪️ #استمداد شهزاده علی اکبر علیه السلام علومی تبریزی . گر بابا هجران سنی بو چولده بیتاب ایلدی ائتمه غم جدّیم منه سو گتدی سیراب ایلدی . . تشنه لوق آلموشدی طاقت بو سوسوز تندن بابا ایستدیم علّت اودور بیر شربه سو سندن بابا اولمادی ممکن سنه محزونیدون مندن بابا ائتمه غم جدّیم منه سو گتدی سیراب ایلدی . . چوخ اؤزوم شرمنده ام سو ایستدیم اوّلده من چون سنی گوردوم که مندن فوق العاده تشنه سن ساخلیوبدی سو سنه جدّیم رسول ممتحن ائتمه غم جدّیم منه سو گتدی سیراب ایلدی . . اولمادی ممکن خیامه بیرده من سالم گلم یخدیلار آتدان منی بو چولده اشرار ظلم ایسترم گل صورتین بیرده گورم اوندان ئولم ائتمه غم جدّیم منه سو گتدی سیراب ایلدی . . ویردی جدّیم مصطفی ایله گوارا سو منه اولمارام بیرده سوسوز ویردیم خبر بابا سنه صون نفسده گل تماشا ایت بو پوزقون گلشنه ائتمه غم جدّیم منه سو گتدی سیراب ایلدی . . ویر تسلّی خیمه ده لیلایه آز ایتسون نوا قاتلیم ایتسه یارالی باشیمی زیب جدا سربلند ایلر اونی صبر ایله سه بو ماجرا ائتمه غم جدّیم منه سو گتدی سیراب ایلدی . . گل بابا گل پارچالانمیش باشیمی آغوشه آل سایۀ لطفون بو صون دم باشیم اوسته بیرده سال شاد اولوم دیداریویله بو زمان ارتحال ائتمه غم جدّیم منه سو گتدی سیراب ایلدی . . بیرده من گتدیم بابا امر ایله سن زین العبا خاک پایونده منی دفن ایله سین بو چولده تا قبریمه زائر اولانلار گورسون ای شاه ولا ائتمه غم جدّیم منه سو گتدی سیراب ایلدی . . بسدور ال ساخلا علومی مطلبه چوخ ویرمه طول آزدا اولسا خدمتون ایلر علی اکبر قبول بیرده دئ بو مصرعی حضّار اولا دلدن ملول ائتمه غم جدّیم منه سو گتدی سیراب ایلدی

اولان بوقاننه غلطان سنون حسینوندور #کوچ_کربلا 🏴🌿🍂🏴🌿🍂🏴 مرحوم حقیر_خویی . اولان بوقاننه غلطان سنون حسینوندور اولوبدی زینت میدان سنون حسینوندور . همین بو سینه دی بسلردی سینه ده زهرا اولوب نشانه‌ی پیکان سنون حسینوندور . گهی لبوندن او پردون گهی بوغازیندان گل اوپ کسوک بو غازیندان سنون حسینوندور . ورو بلا سینه سینه دورت مین اوخ یاراسی هنوز یارا لاریندان آخارقان سنون حسینوندور . او قدر یاره دگوب جسمینه بو گل بدنی اولوبدی خاکیله یکسان سنون حسینوندور . یارالی جسمیده بیر گُل آچوبدی هر یاراسی اولوبدی جسمی گلستان سنون حسینوندور . کسوبدی اهرمن انگشتر اوسته انگشتین سریر عشقه سلیمان سنون حسینوندور . حجازی ترک ایلین کینه‌ی مخالفلن عراق اهلینه مهمان سنون حسینوندور . گوزی فراتده حسرتله العطش گویان ویرن سو اوسته سوسوز جان سنون حسینوندور . کمال شوقیله بو کربلا مناسینده اولان شریعته قربان سنون حسینوندور . قوری یر اوسته ویرن پاره پاره گُل بدنی گویون ستاره‌لرین سان سنون حسینوندور . حقیریمون غمی یوخ عرصه‌گاه محشرده او گونده داور دیوان سنون حسینوندور

ای محبان آل پیمبر مسجده منبره وار سلامیم 🏴🍁✨🏴🍁✨🏴🍁 #ورود ماه محرم الحرام . محسن محمدی هشترودی ( ناطقی ) . ای محبان آل پیمبر مسجده منبره وار سلامیم عاشقانه قوران بزم ماتم آغلیان گوزلره وار سلامیم . . شاه دینه ازل آدم آغلوب ساقلیقیندا اوپوب خاتم آغلوب فاطمه اوخشویوب مریم آغلوب زینبه کیم اولوب همدم آغلوب سبط پیغمبره وار سلامیم . . روح ختم پیمبر حسیندور میوة قلب حیدر حسیندور زیب محراب و منبر حسیندور شافع روز محشر حسیندور رتبه ده برتره وار سلامیم . . اهل عیالین اوگون گوزدن آتدی دینه خاطر گیدوب قانه باتدی مسلخ عشقیده وصله چاتدی زینبین درد و غمله قوجاتدی با وفا خواهره وار سلامیم . . کربلاده اولان یاری ئولدی قالمادی یار و انصاری ئولدی دینه خاطر علمداری ئولدی گون کیمی قالدی آثاری ئولدی قطع اولان اللره وار سلامیم . . اذن آلوب اکبری کارزاره لیلینی گتدی غم آه زاره گورمگه ممکن اولوب دوباره ایتدیلر جسمنی پاره پاره مه لقا اکبره وار سلامیم . . قانه غرق اولدی شهزاده قاسم دوشدی طوفانه دریاده قاسم گوزلری سوی مولاده قاسم بس چاغردی گله داده قاسم منتظر گوزلره وار سلامیم . . گیتدی میدانه سقّا ابوالفضل مرد میدان و هیجا ابوالفضل قانینی ایتدی اهدا ابوالفضل مقصده چاتدی مولا ابوالفضل با وفا سروره وار سلامیم . . اولمادی سو لب عطشاندی اصغر تشنه لیقدان او گون یاندی اصغر آخرین وقته اوخلاندی اصغر مطلقاً دینه قرباندی اصغر صود امر اصغره وار سلامیم . . نوبه چاتدی غرض بی معینه یاور و یار مستضعفینه گلدی غملر غم اوستن حسینه اولمادی رحم ایدن دلغمینه خشک اولان لبلره وار سلامیم . . آچدی بیر منظره قتلگاهی قبله ی عشقدو ر رازگاهی رمز توحید دور هر نگاهی گوزلیور عدنده دل بخواهی ذبح اولان حنجره وار سلامیم . . “ ناطقا “ شمر دوسداق اولیدی دشمنان یکسر اوراق اولیدی کاش ابوالفضل او گون ساق اولیدی زینبه لحظه اوتراق اولیدی زینت دفتره وار سلامیم

باجی زینب لشکرعشقه آخرین سربازقانینه باتدی 🏴✨🍃🏴✨🍃🏴✨ #شهادت حضرت علی اصغر علیه السلام زبانحال حضرت ابا عبدالله الحسین علیه السلام به حضرت زینب علیها سلام #سبک_شبانگاهان . عدلی تبریزی . باجی زینب لشکرعشقه آخرین سربازقانینه باتدی زبس تشنه ایدی اموب پیکان اللریم اوسته گوزیوموب یاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . . سموم کفرگلستانیمده آچمیین گولومی سولدوربدی باجی دگوب اوچ پراوخ بوغازیندان قانی قونداقین دولدوروبدی باجی قیامتین عالمین بو بالا عالم اهلینه قوپدوروبدی باجی فنادن تاپدی بقا ایلدی حقیلن سودا جاننی ساتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . من آچدیم تا مکتب قرآن اصغریم ایتدی آلتی آی تحصیل منیله گلدی بو میدانه پایۀ عشقین ایلسون تکمیل ویروبلااوخ بوآخان قانی مُجمَلِ دینی ایلدی تفصیل بو تحصیل وبو شهادتده سود امربالام مقصده چاتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . منه سرباز هنگ عشقیمده وصل معشوقه هریان آختاردی دئیدی لبیک هل معینمه تا بومناده گلوب قربان آختاردی حمایت ایتسون بوچولده منه یوسف مصریم کنعان آختاردی عزیزاولدی مصرعشقه بالام اوخلانوب قانین قانیمه قاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . قوجاقیمده خوشلادی یرینی غنچۀ نورس برگ گل آچدی ولی اولمازگل تکانسیز اولا اوچ پراوخ گتدی بیر تکان ساچدی ساچلمش یرایسّی قانویردی دیسگنوب بیردم رنگ رخ قاچدی منه باخدی گوزلری آخدی ایلدی خسوف آی کیمی باتدی . باجی گل آل ویر آناسینا ایدرچاره یاراسینا یاوریم زینب یاوریم زینب .

ای سرور آزادگان ، ای حسین جانم #حسینیه #علی_اکبری ▪️🌿🥀▪️🌿🥀▪️ #ای حسین جانم علی اکبر علی اکبری اُشتبین . ای سرور آزادگان ، ای حسین جانم اسلامه وئردون تازه جان ، ای حسین جانم . . سندن آلوب آزاده لر عشق و ایثاری احسانیله عشّاقه ائت بیر نظر باری قانیله جدّون دیننه ایلدون یاری سن سن عزیز شیعیان ای حسین جانم . . وئردون رضای حق اوچون سودامر اصغر دوغراندی جسم أطهر شبه پیغمبر قانه بویاندى قاسم اول نوگل احمر قولسوز دوشوب سرلشگرون ای حسین جانم . . گیدی اسارت جامه سین عترت حیدر شاماته سالدی ولوله دخت پیغمبر رسوا یزیدی ایلدی زینب مضطر تا اولدی نهضت جاودان ای حسین جانم . . بیعت الیوى وئرمدون آل مرجانه قربان اولاخ سن باغلیان عهد و پیمانه قانیله یازدون أمّته عالی برنامه ای با صفا ای مهربان ای حسین جانم . . درک ائتگلن عشّاقوی دیده گریانوخ بیر عمر بو درگاهیدا زار و نالانوخ کوی منا قربانینه بیزده قربانوخ آرامش روح روان ای حسین جانم .

بو نه حالیدور ابوالفضل بو نه ماجرادی قارداش #عباسیه 🍁🍁🌾🍁🍁🌾🍁🍁 #زبانحال امام علیه السلام در بالین برادر علومی تبریزی . بو نه حالیدور ابوالفضل بو نه ماجرادی قارداش گورورم بو گل وجودین باشا باش یارادی قارداش . . دیمورم بو چولده سالدی بیزی اهل کینه دامه دیمورم سنون غمنده گونوزوم دونوبدی شامه دیورم باخور حرملر نجه تک گیدوم خیامه دوزولوبله تلّون اوسته هامو مه لقادی قارداش . . دیمورم بو تلّون اوستون گنه بیر دوروب آشیدوخ دیمورم بو حالتیله گنه بوردا آغلاشیدوخ دیورم قولون اولیدی گنه بیر قوجاقلاشیدوخ نه یاریم نه یولداشیم وار هامو اشقیادی قارداش . . دیمورم فراقویله بو فکاری یاندورورسان دیمورم حسینون آهین فلکه دایاندورسان دیورم بو قانلو باشی نیه چوخ دولاندورسان بیلورم ویروبلا باشون سره سر یارادی قرداش . . دیمورم بو مه جمالین سالوب اهل کین محاقه دیمورم دچار ایدوبلر حرم اهلینی فراقه دیورم بئلیم سنوبدی دورا بیلمورم ایاقه بیلورم که خیمه لرده هامویا عزادی قارداش

بسر زین خدمت شاهانه تاج و افسری دارم #عالم_ذر 💫💫🌾💫💫🌾💫 #عالم الست . مرحوم حاج یوسف شامخ تبریزی (سماورچی) . بسر زین خدمت شاهانه تاج و افسری دارم من ار پیرم ولی عشق جوانی بر سری دارم . غلام درگه شاهم غلام درگهم شاهان گدای شاهم و چون شه گدای کمتری دارم . نهادم بر در سلطان عالم روی با خواری غلامانی چو شاهان جهانی در دری دارم . منم آن شاخۀ خشکی کنار گل کند جایی ز یمن شاخۀ طوبی چنین بار و بری دارم . منم آن قطرۀ ناچیزخود با بحر پیوسته از آن دریای بی پایان چنین بحر و بری دارم . ز بوی عنبرین بویش ز قدّ سرو دلجویش از آن دیباچۀ رویش حدیث بهتری دارم . معطّر نافۀ نافش منوّر وجه اوصافش چگویم من ز اوصافش زبان قاصری دارم . حسین آن خسرو خوبان حسین سالار عشّاقان مرا عشقی بدل پنهان چو سودا بر سری دارم . بیادم داستان عالم عهد الست آمد روایت چند دارد یک حدیث از شوشتری دارم . ندای آسمانی چیره شد ارواح را یکسر ز ذرّات عهد میخواهم هوای داوری دارم . ندا آمد به معراج شهادت اوج باید کرد بگفت از ناوک پیکان هزاران شهپری دارم . ندا آمد شهادت بی اسارت نقص ها دارد بگفتا بهر تکمیلش یگانه خواهری دارم . ندا آمد حقیقی کعبه خواهد بهر جانبازان بگفتا کربلائی چون منا و مشعری دارم . ندا آمد لقای دوست قربانی همی خواهد بگفتا بهر قربانی علیّ اکبری دارم . ندا آمد هوای طعمه دارد تیر نمرودی بگفتا غنچۀ نورس علیّ اصغری دارم . ندا آمد سفارتخانه ای در شام میخواهم بگفتا من سفیره یک سه ساله دختری دارم

سوسوزلوقدان باغریقان بالا لایلای اصغریم لایلای ▪️✨🍃▪️✨🍃▪️ #حالات حضرت علی اصغر علیه السلام #سبک_خداحافظ_ای_آنام_باجی … 3 سبک . مرحوم یحیوی یا مرحوم شایق اردبیلی . سوسوزلوقدان باغریقان بالا لایلای اصغریم لایلای گئجه گوندوز یاتمیان بالا لایلای اصغریم لایلای . . ائشیدمیشم سو یرینه سن ایچموسن قزل قانی چوخ اینجیدوب حرمله سنی وورجاقین او پیکانی بئله ناله ایلرم على داغلارام بو دنیانی جهاندا دل آچمیان بالا لایلای اصغریم لایلای . . گئجه گوندوز یاتمادون على سوزش حرارتدن سوسوزلقون آتشی سنی سالدى تاب و طاقتدن آنون ندن ئولمدی اوغول چکدیگی خجالتدن سوسوز بالا ناتوان بالا لایلای اصغریم لایلای . . بو فكریله یولّادیم سنی عرصیه منِ نالان باخوب سنه بیرجه رحم ائده بلکه سو وئره عدوان سو وئرمدى حرمله سنون وردی حلقووه پیکان سنون سووون اولدى قان بالا لایلای اصغریم لایلای . . آنون ئولسون اولمادی سنه بیرجه شر به سو قسمت سو یوللارین ایندی آچدیلار یوخ سو ایچمگه منت سو ایچمیشم دوشلریمه صودگلدی چوخ وئرور زحمت گل ایچ صوددن یا سودان بالا لایلای اصغریم لایلای . . غمون على سوز آهیله داغلو قلبیمه یازدوم دئسیدیلر بو مصیبتی من بالا اینانمازدوم دیلون اولسیدی دانیشماقا من بو قدری یانمازدوم بودور منی یاندیران بالا لایلای اصغریم لایلای . . اگر وئره قاتلون على گاهواروی آلّام اونون اوسته بو پراکنده زلفیمی آچوب سالّام گئجه گوندوز صبحه تک بالا یاتماسام اویاق قالّام اولار وردیم هر زمان بالا لایلای اصغریم لایلای . . گون ایستیسینده گونوزلری ایلرم على مأوا گئجه لری راحت اولمارام یاتمارام بالا اصلا سیزیلدارام تا فغانیمه نالیه گلور دنیا گل اول منه همزبان بالا لایلای اصغریم لایلای