🍁شب زیارتی امام حسین(ع) 🍁بزار بگم با زبون ساده 🍁همین حسین حسینم از سرم زیاده 🎤 محمود_کریمی 🔰نماهنگ 🌷 صلی_الله_علیک_یا_اباعبدالله

🥀شور روضه ای 🍃حسین جان به یاد لبت 🍃یک شبم خواب راحت نداشتم 🎤 سید_مهدی_حسینی 👌بسیار دلنشین

🥀 نوحه سنتي امام_حسین 🎤 محمد_حسین_پویانفر 🌷حسین_بود_حج_من_و_نمازم 🔰هیئت_ام_ابیها_قم

فتنه شد همهمه شد شایعه پردازی شد 🍃✨🍃یا قمر بنی هاشم(علیه السلام) ادرکنی . حاج محمود ژولیده . فتنه شد همهمه شد شایعه پردازی شد با من و آبروی حیدری ام بازی شد رسم کوفی است که اینگونه خبرسازی شد گرچه این مکر عدو بود سرافرازی شد فاطمه شاهد جانبازی من خواهد بود علقمه محو سرافرازی من خواهد بود . . با امان نامه امانِ نکویم را بردند تا دل علقمه بغض گلویم را بردند قبح تحقیر شدن از عدویم را بردند به خیال خودشان آبرویم را بردند آبروی علم و میر و علمدار خداست پیش چشمان همه یار سپهدار خداست . . گر مرا امر شود درس گران خواهم داد کی به این لشگر جرّار امان خواهم داد سپه کوفه بتارانم و جان خواهم داد نَسَب خویش به این قوم نشان خواهم داد من بنی هاشمی ام حیدر این صحرایم زادۀ ام بنین ریزه خور زهرایم . . خیمه را یکسره پر از خبرم خواهم کرد تیر را بسته به چشمان ترم خواهم کرد پیش سالار ، شکسته کمرم خواهم کرد مشک را تشنۀ اشک بصرم خواهم کرد با لب داغ بسوزم جگر دریا را می دهم جان و بگیرم نفسِ دنیا را . . همه این قوم بزودی ثمرم می بینند ماه زیبایم و شق القمرم می بینند سر راه ولی ام دست و سرم می بینند از دم تیر شبیه شجرم می بینند خویش را پیش رخ ماه تو خواهم انداخت عضو عضوم به سر راه تو خواهم انداخت . . گرچه بیداد شود بعد من امّا چکنم دشمنم شاد شود بعد من اما چکنم سیلی آزاد شود بعد من اما چکنم دورِ صیّاد شود بعد من امّا چکنم آنقدر تیر بپوشم که به خیمه نزنند عطش آنقدر بنوشم که به خیمه نزنند

بو گجه حالون ندندور چوخ پریشاندور رقیه 🍁▪️🍁زبانحال حضرت زینب سلام الله علیها به حضرت رقیه سلام الله علیها در خرابه اشکی تبریزی . . بو گجه حالون ندندور چوخ پریشاندور رقیّه آغلاما چوخ ائتمه ناله آز منی یاندور رقیّه . . ای اولان غم گلشنینده عندلیب پر شکسته ایلمه بیر بیله ناله ئوز ئوزون چوخ ائتمه خسته بو قوری توپراقلار اوسته یاتما دور گل سینم اوسته دلده هر درد دلون وار عمّه وه آندور رقیّه . . صورتون دیواره قویما گوز یاشون دوندرمه قانه گرچه ذی حق سن وجودون اینجیدوبدور تازیانه صبر ایله اما گتورمه آل آطهاری فغانه غصّه دن دللر بولورسن غنچه تک قاندور رقیّه . . قطره قطره در اشکون توکمه گوزدن گل عذاره سوز آهیله یانقلی قلبیمه وورما شراره سن بولورسن عمّن ئولسون بی کسم یوخ الده چاره غملو عمّونده سنون تکه دیده گریاندور رقیّه . . پوزقون احوالون گورنده وار یری شام اهلی یانسون سس سسه وئرسونله یکسر ناله افلاکه دایانسون قورخورام سن آغلیاندا خرداجا قزلار اویانسون شیون آل رسوله نالن عنواندور رقیّه . . ای دُر گنج ملاحت گوهر دریای عفّت چکموسن کرب و بلادن شامه تک بیحد مصیبت ضربت سیلی یوزونده یوخسا ایلور چوخ اذیت یاتموسان توپراقلار اوسته شغلون افغاندور رقیّه . . هانسی شهزاده سنون تک گوردی بو رنج و ملالی آج سوسوز یورقون خرابه منزلی باشی قرالی تازیانه کعب نیزه ایلیه جسمین یارالی حالوه ئوز حالیم الده یاخشی میزاندور رقیّه . . آغلاما یاندیم آز آغلا گوزلرون زینب فداسی آبله پاسَن سیزیلدور آغروری بیحد یاراسی سولدوروب غم گل جمالون قالمیوب ذوق و صفاسی گل قالار خارین الینده رسم دوراندور رقیّه . . گلشن عمرون بهارین سولدوروبدور باد محنت بو گجه گل صورتونده گورسنور آثار و علت بیر کسه گلمور گمانیم نصف شب غربت ولایت بیر نفر داده یتن یوخ شهر دوناندور رقیه . . منزل «ابو حسینده » بیر گجه فصل زمستان واریدی «سعدی زمان» و «اشگی» بیر جمعیله مهمان مطلعى یازدی حسینی شرکتیله تاپدی پایان یازدیران یاده سالان بو شعری «خوشخواندور» رقیه

خیمه لر اودلاندی گل قارداش حسین 🍁غارت خیام🍁 . مرحوم کهنمویی . خیمه لر اودلاندی گل قارداش حسین اهل بیتون یاندی گل قارداش حسین . . خیمه گاه اودلاندی یوخدور رحم ایدن حالیدن چخدی بو حالی هر گورَن خیمه لر اهلی توکولدی خیمه دن بو ایشه حیراندی گل قارداش حسین . . رحمسیز غارتگرین غارت سسی آغلیان اطفالیون دل ناله سی خیمه لردن اودلانان اود شعله سی گوگلره قوزاندی گل قارداش حسین . . بیر نفر یوخدور بیزه رحم ایلین قیزلاروندو ر جامه ی کهنه گِیَن اهل غارت یاندوران غارت ایدن لشگر عدواندی گل قارداش حسین . . دوندی دورانون غریبه گردشی مشگله دوشدی اوشاقلارین ایشی هر کسین وار اضطراب و تشویشی حالنه گریاندی گل قارداش حسین . . ناز بالشده یاتان دُردانه لر شمع باشینده اولان پروانه لر بزم ایمنده گزَن همخانه لر جمله سرگرداندی گل قارداش حسین . . خیمیه گوردوم هجومین لشگرین آلدیم الدن اهل بیت مضطرین دشمنه ویردیم زر و زیورلرین خیمه لر تالاندی گل قارداش حسین . . گل حرمده گور نیجه غوغادی گور اهل بیت خانه سی بر بادی گور اود ایچینده سید سجّادی گور بید تک لرزاندی گل قارداش حسین . . بیلمه بیله گوزدن آتدیم اوغلوی اودلانان اشیائه قاتدیم اوغلوی من یانان اوددان چخاتدیم اوغلوی قامتیم چوگاندی گل قارداش حسین . . ساغ قالوبدور زینبون ئولمور نیه بعضی قیزلار ئولماقون بیلمور نیه سویلوری عمّه بابام گلمور نیه چشمی خون افشاندی گل قارداش حسین . . سو کیمی آخدی یره قانون سنون حیف اولا چخدی سوسوز جانون سنون ساخلارام شام غریبانون سنون فاطمه مهماندی گل قارداش حسین . . کوفه ده گورسن سلامت زینبی بیل آچوبدور بیر حسینی مکتبی ایلوری تبلیغ دین و مذهبی عامل پیماندی گل قارداش حسین

بیر آتا ئوز بالاسینن قبرینی قازدی آغلادی 🥀▪️🥀شهادت حضرت علی اصغر علیه السلام🥀▪️🥀 . مرحوم مضطر اردبیلی . بیر آتا ئوز بالاسینن قبرینی قازدی آغلادی قبرینون اوسته اوغلینون آدینی یازدی آغلادی . . قلبینه چکدی حرمله بیر صودامر اوغول داغین اصغرین اول زماندا که قان بوریوبدی قونداقین ائتدی غریب کربلا خامه سبابه بارماقین قبرینون اوسته اوغلونون آدینی یازدی آغلادی . . میّتی قبره قویسالار شیعه بو نوعی رسم وار داشینون اوسته قبرینون سو توکه لر بودور قرار اولمادی سو عمل ائدوب رسمه به چشم اشکبار قبرینون اوسته اوغلونون آدینی یازدی آغلادی . . کیمدی دییه حسین حسین آغلاما سینه داغلاما قبر علی اصغره گوز یاشیلان سو باغلاما گل آپاریم او خیمیه دشمن ایچینده آغلاما قبرینون اوسته اوغلونون آدینی یازدی آغلادی . . ئوزگه مقاله باشلاما سن قلمیم قوتار سوزی قلبلره بو سوزلرون مثل اودور اوتون کوزی کیم گوروب ئوز بالاسینی قبره قویا آتا ئوزی قبرینون اوسته اوغلونون آدینی یازدی آغلادی . . طوطیِ طبعه باخ گینه آیری مقاله باشلادی یاندیریجی مصیبتی سالدی خیاله باشلادی صودامر اوغلونا حسین نوحه و ناله باشلادی قبرینون اوسته اوغلونون آدینی یازدی آغلادی . . آغلیور اوندا که حسین اصغرینون فراقینه ناله سینون سسی یتوب عدنه بهشت باغینه جدّ بزرگوارینون مادرینون قولاقینه قبرینون اوسته اوغلونون آدینی یازدی آغلادی . . ایسلادوب اوندا گوز یاشین اول آغاران محاسنی ساخلیوب ئوز بالاسینون قبرینون اوسته یاسینی اوخشیوب آغلیور نجه اوخشار آنا بالاسینی قبرینون اوسته اوغلونون آدینی یازدی آغلادی

ای زینت میدان اولونان پیکری قارداش 🥀قتلگاه 🍁زبانحال حضرت زینب سلام الله علیها🍁 . مرحوم شعاع تبریزی . ای زینت میدان اولونان پیکری قارداش کیم کسدی کسیلسون الى بو اللری قارداش . . نه باش بدنونده قالوب ای وای منه نه ال ایکاش اولا بو اللریوه ال تاپان ال شل بس اولمادی بیر اوزگه جفا ایلدى بجدل یاندیردی غمونده دل پیغمبری قارداش . . بیر ال که مدام اولدی دلیل ابن سبیله درمان رسیدی دهرده هر زار و علیله کسدی بو کریم اللری دشمن نه دلیله بیر تازه غمه سالدی بو غم پروری قارداش . . دنیاده گورونموب بو قدر ظلم و جنایات احوالیوه آغلار اودی سُکّان سماوات صد حیف کسیلدی بو ایکی دست کرامات بی قدر ائلدی درّ و زر و گوهری قارداش . . ایلردی هامی بیوه زنه نصرت او اللر قویمازدی یاتا آج گئجه ایتام مکدّر قان آغلاسا ایل لر بوئی بو اللره ائللر آز آغلیوب ای قان اولان اشگ تری قارداش . . دوشسیدی بیری مشگله بو دهرده هرگاه اظهار ائله سیدی سنه گر دردینی ای شاه ایلردی اونون مشگلینی حل یدالله قویمازدی دوزه آنّینا خجلت ترى قارداش . . ای زخم جبینیله یتن باشه سجودی ای حاتمی حیرتده قویان بخشش و جودی کیم قویدی بئله ظلمیله السیز بو وجودی گلمز دیمه دی دهره داخی مظهری قارداش . . ای جودیوه مینلرجه سلیمان اولا قربان لایق دگی بیر اهرمنه بیر بئله احسان هاردا ائلدی بیله کراماتی سلیمان بذل ایلیه انگشتیله انگشتری قارداش . . هر چند رکوعینده بابام ساقی کوثر انگشترینی سائله وئرمیشدی او سرور اما سنون احوالیوه حیراندی ملکلر حیرتده قویوب دور کرمون حیدری قارداش . . بو اللری ائتمیشدی هاچان سائلی مأیوس بیچاره لری غمله اولا قویمادی مأنوس مایوس ائلدی زینبی دشمن اولا افسوس ظاهر ائلدی زینبیوه محشری قارداش . . گلدیم بو امیدیله حضوره من نالان تا ایلیه سن بیرده بو خونین دله احسان بیرده قویاسان قلبیمه ال من سنه قربان قوّت تاپا قلبیم چکه بو غملری قارداش . . بو اللری که سن آتاسیز باشینه چکدون گه باشینه گه یوزده کی گوز یاشینه چکدون زرفام الون آخرده محک داشینه چکدون چیخدی آنامون یاخشی محکدن زری قارداش . . بو اللرین اوستینده سن ای شاه مدینه قربان ائلدون بیر سودامر شرع مبینه قانی بالامون وئردی صفا گلشن دینه عنوان شفاعت ائلدون اصغری قارداش . . بو جود و کرامت گورونوب کیمده براد بو جودیوه والهدى خلیل الله و هاجر اسماعیله لیلائیله سن تا دم محشر بیر مایۀ فخر ائتدوز علی اکبری قارداش . . باجادی باجون عارضه گوزدن توکه قانیاش بو درد نهانی وئر اجازه ائلیوم فاش بس کیم چکر ال قزلاروین باشینه قارداش ای عترتینون باشدا اولان افسری قارداش . . یخدی یارالی دین ائوینی آل امیّه قالدی آتاسیز عاتکه صغرا و صفیّه مشکل دوزه هجرونده سنون نازلی رقیّه ایلوم نئجه آرام او ملک منظری قارداش . . دوتموشدی شعاع کرمون کون و مکانی ائتمیشدی خجالت نه که وار اهل سخانی آزاد ائلدى قید محندن ضعفانی سوندوردی اورکلرده اولان آذری قارداش . . قربان اولا جانلار سنه ای کان کرامت مشکلده قالیبدور بو «شعاع» ایله عنایت قیل دردینه چاره قوی اخا زینبه منّت شاد ایله بو لطفیله او غم پروری قارداش

داش دگوب داشون اوسته ▪️شهادت حضرت علی اکبر علیه السلام 🥀اوخشاما . مرحوم معزی اردبیلی داش دگوب داشون اوسته یارون وار قاشون اوسته آنون دور علی اکبر آغلیور باشون اوسته . . گوزومه گیله گلدیم اوت ویرام دیله گلدیم دینمدون دانشدیردیم ایتمگه گیله گلدیم . . فکرووه قالانام من دردووی آلانام من گئجه لر پاییز فصلی لایلایون چالانام من . . دیدیم ناز آز ایلرسن قیشیمی یاز ایدرسن کیم دیدی آنون گلسه دینمیوب ناز ایدرسن . . فکرووه گئجه قالدیم گلمکده گئجه قالدیم فلکون گوزی چیخسون اوغولسوز نجه قالدیم . . باشدان آی پارالاندی اورگیم یارالاندى ساتیلسا یاخشی گوهر اوّلده یار، آلاندى . . اسماعیل ساغ قییتدی کفنی آغ قیتدی منادن خلیل هاردا اورکده داغ قیتدی . . خلیلیم جان آپاردی یار آلا – سان آپاردی گلمدی نیه قربان فداسین قان آپاردی

عفو ایله على الده یوخ امکانی ربابون 🥀🥀🥀🥀🥀🥀 زبانحال رباب به طفل شیرخواره اش سیفی اردبیلی. عفو ایله على الده یوخ امکانی ربابون آغلار گوزه قربان یورولان جانی ربابون . . ای باغ حیاتیمده آچان نرگس خوشرنگ اقبالیمون عرشینده گزن مرغ شباهنگ ورما قوریان دوشلریمه حسرتیلن چنگ سو ایچمسه دولماز صوده پستانی ربابون . . آیدین گونوموز شامه دونوب دست خطادن مشکلدی بالا جان قوتاراق دام بلادن گُل لبلروی سوز عطش سالدی نمادن ایکاش اوغول عمرى اولا فانی ربابون . . تاب ایله بیر آز نایره ی محنته اوغلوم توکمه بو قدر اشکووی مه صورته اوغلوم سو ایچمگمیز قالدی بیزیم قسمته اوغلوم اقبالی یاتوب تیره دی دورانی ربابون . . دردوندن على مجمر سینمده شرر وار چوخ غم یمه دلسیزلرون آهینده اثر وار هر بیر شب ظلمانیه آخرده سحر وار شاید سحر آچسا اولا درمانی ربابون . . بختیم مدد ائتسه تاپارام غصّه دن ایمن سنده سو ایچرسن قوتارار ناله و شیون اما باخشوندان بیلورم ہو گئجه لیک سن قربان او گوزه دیده ی گریانی ربابون . . ایکاش على غنچه ی عمرون گل اولیدی سنّون یاریدان باشه چاتیدی ایل اولیدی منده صود اوغول سنده ده شیرین دل اولیدی غم چنگینه دوشمِیدی گریبانی ربابون . . افسوس ضیا قالمادی اقبال اوجاقیمدا یاندی اَریدی شمع حیاتیم قوجاقیمدا ایکاش ایمکلیدون اقلاً قاباقیمدا توکمیدی یوزه اشکینی مژگانی ربابون . . قویسیدی اَمکدن گوره سن فایده دوران آچسیدون ایاق یول یرسیدون بالا الان آتدوقجا قدم منده دیردیم سنه جان جان اولمازدی بئله آرزدا نقصانی ربابون . . افسوس فلک سالدى خزان صحن بهاره قان آغلاماقون تشنه لیگوندندی اشاره ئولسون ننون اوغلوم، تاپا بیلمور سنه چاره سؤنمه هله ای شمع شبستانی ربابون